Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Thursday, December 9, 2010

الشعب بيتكلم !!!



كليب يوجع القلب

الشعب بيتكلم بصوت عالى

يصرخ ويشجب ويدين ويستنكر ويبحث عن حلول

يلوم المؤسسات .. ويدين الفساد .. وينكل بالمزورين

ويرفع رموزا إلى أعلى القمم ويتوسم فيهم الاصلاح

وانه على ايديهم سيستحى الظلم وسيكون الحق مباح

الشعب ثائر .. غاضب.. هائج

يتبادل السباب و الكلمات النابية على نظام فقد شرعيته فى عينه وصار وجوده كابوسا خانقا يثقل على القلوب والانفس

ويتطاول بلسانه ( وبلسانه فقط ) على من يخدعونه ليل نهار

يتلقى الخداع وينوم تنويما مغناطيسيا ويصمت .. يصمت .. ربما لانه لا يستطيع سوى الصمت .. أو لانه ما زال يصدق المخادعين ويتوسم فيهم صدق الخدعة فى كل مرة !

الشعب طيب .. ورغم ذلك عنيف

تجلى عنفه فى دوائر الانتخابات التى انتهجت التزوير منهجا لا بديل له

فكسر .. واحرق .. وهشم

الشعب مخيف

ومع ذلك احذره

فالقائمون على التزوير كانوا أيضا من الشعب

الشعب الكادح المسلوبة حقوقه الذى يحيا تحت خط الفقر والذى لم يجد غضاضة فى المشاركة فى مسرحية الفساد الهزلية

بقلب ثابت وبعين لا تطرف وبلا أدنى تردد شارك فى التزوير

ومع ذلك فالشعب ضعيف

يُرهبه مخبر قادم من بعيد غير مسلح .. يرتعب اذا راى تعذيب مواطن مدنى أمام أعين المارة فى الطريق .. لا يتدخل .. وان تدخل لا ينصف المظلوم

كما حدث مع خالد سعيد .. حدث مع مصطفى عطيه وقبلهم وبينهم وبعدهم كان الكثير وسيبقى الاكثر والاكثر

طالما ان الشعب يرى نفسه أرنبا وكل همه الاحتماء والاختباء حتى يمر الخطر

الشعب غريب

لا تفهم له موقف .. أحيانا محارب ومناضل .. واحيانا جبانا ومذعورا .. وفى أغلب الأحيان صامت ومستسلم

ومع ذلك ينادى بالتغيير

ربما بوقفة احتجاجية .. أو بتعليق على مقال بجريدة الكترونية أو ببوست فى مدونة

غير معلومة الهوية أو ببرنامج جرئ على قناة فضائية

=========

آخـــر الكـــلام

.........

الشعب بسيط عايز حياة كريمة والسلام

عايز يعيش فى بلده كرامته متصانة مش متهان

عايز يلاقى قوته وقت حاجته وميباتش جعان

عايز يجيب العيش من غير طابور يوقف ميدان

ولما يشتريه يلاقيه نضيف لا عليه تراب ولا دبان

عايز لما يسافر يحس انه انسان

عايز لما يتجوز ما يمدش ايده لاحسان

عايز لما يخلف ولاده يتعلموا ويكبروا ويعيشوا فى أمان

مش عايز يلاقى فى الشارع تحرش ولا امتهان

ولا مخبر ملوش قيمة يعامله كأنه جربان

عايز مرتبه يكفيه وميضطرش للسلف والزوغان

ولا ايد حرامى تسرقه ويرجع بعد الصبرغلبان

لا يهمه حزب ولا انتخابات ولا تغيير ولا برلمان

الشعب مش عايز غير رحمة ... وإنسانية كمان

واكيد يوم ما تحصل .. هيكون الزمان غير الزمان

34 comments:

سواح في ملك اللــــــــــــــــــه- said...

الاخت افاضلة سالي
حياكي الله
لااعفي الحكومات المتعاقبةمن فشلها ولا
اعفينا نحن ايضا من مسؤليتنا عن اذلك
فالفقير منا الذي يذهب ليضع صوته في الانتخابات مقابل خمسون وماءئه جنيه
قد يبادر بصرفها قبل ان يعود الي بيته مسئول عن اختيار عضوا لايسمن ولايغني من جوع
ان فاتك الميري اتمرغ في ترابه )
مثل مصري وان دل فهو يدل علي دعوة للكسل مقابل بضعة جنيهات هم رواتب اخر الشهر وبعدين يزوغ من الشغل عشان يشتغل وظيفة اضافية تدر عليه دخلا ولما تساليه مزوغ سعادتك من الشغل ليه يقوللك علي قد فلوسهم
مش ده غش برضه وقلة ضمير قد تكون معينا براتيبك هذا في مكان يؤدي خدمه عامة للناس وغيابك لبعض ساعات يؤثر علي مصالح جمهور من الناس
وبتخسر الدولة كتير
لما هي فلوسها قليله
لماذا توافق ان تعمل في هذه الوظيفة عشان هي ميري
عشان في معاش للاولاد
طب وايه يعني ماربنا موجود
يقولك لا عشان اضمن مستقبل الولاد
مهو انت لو بتشتغل بضمير في اي مهنة
هتمضن مستقبل الولاد
وليه لما بتسافر اي بلد عربي او اوروبي ومعاك اعلي الشهادات
بتقبل تشتغل في احط الوظائف
ومبتعترضش
سالي اختي الفاضلة الموضوع كبير وكلنا مسؤولون عن غياب العدل
بغياب ضمائرنا
تحيتي ليكي اختي الفاضلة

(ست* جنى* الحسن) said...

سلامو عليكو يا سالى

عايزة افكرك بقول الله عز وجل

والله المستعان على ما يصفون

انى احبك فى الله

مدونه ما كفايه بقى said...

الله اكبر على الظلمه

الفيديو انا كنت حطيته قبل كده فى مدونتى

بس فعلا رائع

تحياتى

إيمان قنديل said...

من حقنا نعيش حياه كريمه

Anonymous said...

مشكورة جدا

ستيتة said...

الكليب وثيقة تلزم من تلزمه
مين بقى اللي تلزمه؟
ولا حد
على رأي عمنا فشكول
ولا فيه اي حاجة
خاااااااااااالص

رحاب صالح said...

عجبني الجزء الاخير اوووي
بس تعرفي ان الشعب هو اللي عمل ف نفسه كدة
بجد
لانه سكت من الاول علي كل ده
علي فكرة انت اخجلتيني جدا لاني كنت بعتقد اني مجتش هنا قبل كدة
مشكلتي اني بدخل مدونات وبنسي انا دخلت اية
اعوزريني لاني بنسي كتير بسبب مشغولياتي

كلمات من نور said...

مافيش فايده لسه

تعرفي ليه؟ علشان لسه اخرنا أغاني واوبيريتات

مش عارفه امتى حنبدي رد فعل

محتاجين إيه علشان نصحى من العسل المسموم اللي نايمين فيه؟ الله أعلم

Dr Ibrahim said...

حسبنا الله ونعم الوكيل.

حاجات جوايا said...

سواح فى ملك الله
..............
أهلا بك اخى الفاضل
حياك الله
متفقة معك ان لب المشكلة هو الضمير
ازمة ضمير
بس الضمير ده منامش لوحده
حاجات كتير ساعدته على النوم والنعاس عند البعض
منها قلة الحيلة وضيق ذات اليد والفقر الشديد
الفقر مذل اخى الفاضل
الفقر افه اى مجتمع ومعول هدمه
الفقر هو سبب تقبل الرشوة .. سبب السرقة .. سبب الطمع.. سبب العنوسة .. سبب الهجرة الغير شرعية والغرق .. سبب البحث عن عمل اضافى واهمال العمل الحكومى
اللوم مشترك
منقدرش نحدد جانى ومجنى عليه
الكل جانى والكل مجنى عليه

نورتنى اخى الفاضل
شكرا لمرورك الطيب

هبة فاروق said...

عارفة احنا خلاص فى البلد دى بقينا نخاف من اى حاجةومن اى حد زرعو الخوف جوانا
حتى اللى يحاول يعبر عن رأية بيبقى مصيرة الهلك ويكون ورا الشمس
الله يعينا ويصبرنا
مشكورة موضوع فى الصميم وتحياتى لكى يا قمر

حاجات جوايا said...

(ست* جنى* الحسن)
................
وعليكم السلام ورحمة الله حبيبتى
ونعم بالله
الله المستعان
احبك الذى احببتنى فيه :)
نورتينى يا قمر

حاجات جوايا said...

مدونة ما كفاية بقى
---------------------
أهلا يا قمر
الله اكبر من كل ظالم
الفيديو جميل فعلا جايباه من الدستور الاصلى عالنت
نورتينى حبيبتى

حاجات جوايا said...

Maksofa
........
اهلا حبيبتى
من حقنا فعلا بس امتى بقى
ربنا كبير
منورانى يا حبيبتى والله :)

حاجات جوايا said...

يوميات شحات
.............
العفو يا فندم

حاجات جوايا said...

د. ستيته
..........
اهلا حبيبتى
ولا حد
كله فى الضياع
نفور شوية ونهدى
وكله بيعدى
ولا حاجة بتتغير
نورتينى يا قمر

حاجات جوايا said...

re7ab sale7
..............
اهلا يا قمرى
شكرا جزيلا متحرمش منك
:)
نعمل ايه بس .. شعبنا شعب طيب ومش بيدى خوانة وبيآمن ويصدق مهما اتلسع من الشوربة مش بيحرم يشربها وهى سخنة

انا آسفه حبيبتى لو كنت احرجتك والله انا بس بقولك انك صاحبة بيت
مش بتهمك انك نسيتينى
وانتى تيجى فى اى وقت يا قمر
احتمال اكون توهتك شوية لما غيرت قالب المدونة
بتنكر احيانا :)
ربنا يعينك حبيبتى
متحرمش من مرورك ابدا
نورتينى يا قمر

حاجات جوايا said...

كلمات من نور
.................
أهلا يا قمر
دى اكتر حاجة بنتفوق فيها
الاغانى والاوبريتات
سواء كانت وطنية او حماسية او كروية
بنغنى لكل حاجة
سمعت سميره سعيد فى برنامج مرة كانت بتبرر انها مش بتعمل اغانى وطنية لان الاغنية هتفيد بايه ؟
مش معنى انها تعمل اغنية وطنية اتها بتحب بلدها
وبرضه مش معنى انها متعملش انها مش بتحب بلدها

بس ارجع واقول هو نوع من التنفيس مش اكتر
لكن الحلول محتاجة قائد ومسئول يشاركه الشعب ويعاهده ويبايعه ويأمن معه على نفسه واهله وقوته
احتمال الاغانى الحماسية تقدر تحرك قلوب الشعب للتحرك الايجابى
مين عارف

نورتينى حبيبتى

حاجات جوايا said...

Dr Ibrahim
.............
وكفا بالله وكيلاااا
نورتنى يا دكتور

حاجات جوايا said...

هبة فاروق
---------
أهلا يا قمرة
مجتمعنا بقى مليان امراض للاسف
امراض نفسية
ده يدل على ايه ؟
يدل على ان اللى ماسكينه اصلا مرضى نفسيين
:)
الخوف علامة مسجلة فى قلب المصريين
بس الغضب بدأ ينتشر اكتر
ومفيش قلب بيجتمع فيه خوف وغضب
واعتقد الجولة المرة دى هتسنح للغضب
وباكتسااااااااح

نورتينى حبيبتى

الميكروباص said...

لو هما بيفهموا صحيح وعارفين أن الناس يريدون -فقط- المعيشه الكريمه ولا أي شيء آخر كانوا أخذوا السلطه وكل شيء وأعطوا الناس الحياه الكريمه
ولم يكن اي احد يتحدث معهم لا عن انتخابات ولا غير انتخابات
لكنه الغباء المستحكم

خواطر شابة said...

عزيزتي هناك دعوة لك على مدونتي رجاء الاطلاع عليها

مدونة رحلة حياه said...

السلام عليكم
اخر الكلام
هودا فلا حال كل انسان مصرى بسيط
كل همه يعيش مستور ويموت مستور
بيصحى عشان يدور على قوته وقوت عياله
ويرجع م الشغل نفسه يلاقى لقمه ياكلها
ويصلى ويشكر ربه وينام ويرتاح
من غير ما يمس حد ولا حد يجى عليه
هودا الحال
سعدت بك

Story pain said...

الكليب فعلا يوجع القلب زى كل حاجه فى بلدنا

جزاك الله خيرا على زيارتك لمدونتنى وسؤالك عنى...

ان شاء الله فى جديد قريب بتمنى تنورينى فى مدوتنى الجديدة

ابو صهيب ( الجمعاوي الاصيل)سابقاً said...

{ إن الذين كفروا ينفقون أموالهم ليصدوا عن سبيل الله فسينفقونها ثم تكون عليهم حسرة ثم يغلبون والذين كفروا إلى جهنم يحشرون }

momken said...

انا لااعتقد ان الشعب عاوز حاجه الى عاوز حاجه بيسعى ليها
الناس متعرفش عن الديمقراطيه الا اسم حزب الاغلبيه ومتصورين ان هو ده الى بينفذ الديمقراطيه

الشعب خايف من السياسه لانه فاهم ان السياسه بتودى السجن

الشعب عاوز ياكل الجعان مبيعرفش يفكر

الناس فى بلدنا غلابه وحكمنا اتعودوا يستغلوا حاجه الغلابه

البوست بتاعك مؤلم اوى
تحياتى

❤ soso ❤ said...

الفساد للاسف موجود في كل مكان وتتشابه طرقة في اي بلد عربي

تقبلي مروري .. وبنتظار تشريفك لمدونتي

اختك سارا العمري

حاجات جوايا said...

لورنس العرب
...............
أهلا بك اخى الفاضل
هما اكيد فاهمين بس عاملين نفسهم مش فاهمين وعلى راى الزعيم
ادينا بنتسلى
ههههههه
عشان بس تتأكد اننا فى بلد ديموقراااااااااطى
نورتنى يا فندم

حاجات جوايا said...

خواطر شابة
...........
علم ونفذ يا قمر
شكرا لكِ
تحياتى

حاجات جوايا said...

مدونة رحلة حياة
....................
أهلا يا جميل
فعلا هو ده الحال
وياريته عاجب
انا الاسعد بمرورك يا قمر
نورتينى

حاجات جوايا said...

story pain
...........
أهلا يا حبيبتى وحشتينى
الكليب فعلا يوجع القلب
دى الكوميديا السوداء
حمدا لله على رجوعك للمدونة
متغيبيش تانى يا قمر
نورتينى

حاجات جوايا said...

ابو صهيب
.........
أهلا يا فندم
ونعم بالله
ربنا كبير
ولكل ظالم نهاية
نورتنى يا فندم

حاجات جوايا said...

momken
........
اهلا يا فندم
لا لا الشعب عايز
بس للاسف مش عارف يوصل للى هوه عايزه
الطريق غير ممهد
وملغم
واخره سد
عندك حق صح كلامك
حكامنا اتعودوا يستغلوا حاجة الغلابة
للاسف الوضع هو اللى مؤلم مش البوست
نورتنى يا فندم

حاجات جوايا said...

مدونة قلب العرب
.................
اهلا يا جميل
طول ما فيه عمار فى الارض
ونفوس بشرية ضعيفة
هيفضل فيه فساد
نورتينى





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger