كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Sunday, January 10, 2010

مامتك اللى جايبهالك يا روش

" مهى مامتك اللى جايبهالك يا روش مش تعبان فيها "

الجملة دى سمعتها فى مسلسل عبودة ماركة مسجلة فى مشهد كان فيه شاب بيسوق عربيته بسرعة وعدى جنب عبوده " ياسر حسين " اللى راكب موتوسيكل الدليفرى

المهم انى اتغظت جدا من الجملة دى

ازاى يعنى يقول كده

ان كان الشاب ده متهور مثلا ايه اللى دخل مامته فى الموضوع

وايه اللى دخل اساسا مين اللى جايبله العربية فى الموضوع

يعنى لوكان هو اللى جايبها ولا باباه اللى جايبهاله كان هيتغاضى عن تهوره وسرعته ويكون اهل للاحترام

حاجة غريبة بجد

ليه فى مجتمعاتنا الشرقية بننظر للمراة النظرة الدونية دى

ليه كل حاجة وحشة بنجيب فيها سيرة الام

الام اللى الجنة تحت أقدامها .. ورضاها كفيل بانه يغير حياتك من الشقاء للسعادة

الام اللى لو ابنها قال آه .. قلبها بيقول ألف آآآآآآآآآآآآه

الام اللى بتضحى بروحها عشان تفدى بس ظفر ابنها

انا حاسة ان عيب اتكلم فى الموضوع ده فى الزمن اللى احنا فيه ده

المفروض ان المراة فيه نالت حقوقها واعتلت ارقى المناصب وتفوقت على كثير من الرجال

والمفروض ان المجتمع بيعترف بكده

مش عارفة بقى الفئة دى من الناس مش ماشية مع التطور الطبيعى للحاجة الساقعة ولا ايه بالضبط

اللى عايزة اقوله باختصار اننا كشعب راقى متعلم ومثقف ومتحضر لازم نغير الثقافة السائدة دى بايدينا احنا وبولادنا احنا

كل واحد يبدا بولاده .. لان هما بكره ..هما الامل والمستقبل

مينفعش نورثهم الجهل والتخلف الفكرى فى عصر كله سباق تكنولوجى وحضارى

ازااااااااااى ؟؟

لازم الأم تربى ابنها مش على انه ولد .. لأ .. على انه راجل .. راااااجل .. الله فاكرين الكلمة دى ههههههه

الرجولة بجد بقت عملة نادرة جدا ولو مرجعتش تانى قول على الدنيا السلام



طيب ازاى تربى الام ابنها على انه راجل ؟؟؟؟؟؟

.........................

تعلمه يكون راجل معاها ومع باباه ميعملش حاجة غلط ولو حصل " مهو مفيش حد معصوم " يكون مسئول عن تصرفاته ويتقبل عقابه .. متعودوش يهرب ويراوغ .. ولا تعوده انها تدافع عنه .. ولا حتى تسمح لحد من الاهل بكده .. عشان ميطلعش خواف ويخاف من المواجهة

تعلمه يكون راجل مع اخواته يحميهم ويحبهم ويخاف عليهم .. متسمحش للغيرة تدخل قلبه .. لأ .. لازم تحسسه انه مش ناقص حاجة وتدخل فى معتقداته الايمان بالنصيب .. وان كل واحد بياخد نصيبه ومحدش بياخد اكتر من اللى ربنا قاسمله بيه .. عشان ميبقاش غيار ولا حسود ولا حقود

تعلمه يكون راجل مع ربه ..ربنا امره بفروض يبقى لازم يأديها .. امره بمعروف يبقى لازم يأتمر بيه .. نهاه عن منكر يبقى لازم ينتهى عنه .. تعلمه انمع ربنا مفيش فصال .. ولا كسل ..ولا اهمال .. عشان ميطلعش زى ناس كتير عايشين بينا مش بيصلوا غير يوم الجمعة

تعلمه يكون راجل فى مدرسته ..ونموذج مشرف لبيئته واهله وأسرته

تعلمه يكون راجل مع زميلاته البنات فى المدرسة او الجامعة او العمل .. ويعتبر اى بنت يعرفها زى اخته ويرتضى لها ما يرتضى لاخته من معاملة بالذوق والادب و الاحترام .. حتى لو فيى يوم حب .. يكون راجل ومسئول مع البنت اللى بيحبها .. وميوعدش الا لو كان متاكد بتحقيق وعده

وتفهمه ان البنات مش بنبونى ولا مكسرات للتسالى يتسلى بيه مشوية ويشوف غيرهم .. لأ .. البنات مخلوقات بريئة رقيقة ضعيفة وقلوبهم هشة وسهل جرحها .. واللى يحاول يلعب بيهم ربنا هيردهاله فى اهله واخواته ومراته وولاده عشان ميطلعش زى شباب الايام دى بميت وش والف لون

تعلمه يبعد عن اصحاب السوء ويتجنبهم لانهم هيعلموه يعمل كل حاجة تغضب ربنا وتغضب اهله وتكره الناس فيه وتتعس حياته وتسئ خاتمته

تعلمه شغل البيت ..وتعرفه ان الرسول كان فى خدمة اهله وان مش عيب الراجل يطبخ وينضف مكانه ويغسل ويكوى .. لكن العيب اوى .. انه يحتاج كل ده ويتحوج لحد يعملهاله

الاهم طبعا فى الموضوع ان الاب يكون ماشى مع الام على نفس الخط ..منصلحش من ناحية و نبوظ من ناحية .. لان كتير الاب هو اللى بيكون السبب فى فساد ابنه ومش مهتم بكل ده .. لكن مهتم ان ابنه يكون دون جوان عصره واوانه والموبايل ميبطلش رن .. ويا سلام بقى لو طلع لعيب كورة .. يبقى كده كمل رسالته فى الحياة

آخر الكلام

ولادنا امانة فى ايدينا وهنتحاسب عليهم حساب عسير يوم القيامة .. واحنا مش ناقصين . كفاية اوى نتحاسب على ذنوبنا احنا .. هنشيل كمان ذنوب رعيتنا " كلكم راع وكلكم مسئول عن رعيته "

حتى لو مش عارفين نصلح نفسنا .. نتعلم ونحاول واحنا بنربى ولادنا نربى نفسنا معاهم

عايزين نكون سبب فى دخولهم الجنة مش النار

وعايزينهم يكونوا سبب فى دخولنا الجنة مش النار

وعايزينهم يترحموا علينا بعد ما نموت ويدعولنا وويكون دعاؤهم دعاء الولد الصالح ليقبله الله

أنا كده خلصت اللى عندى تقريبا

فى انتظار اضافاتكم آباء وامهات اليوم والغد

وربنا يوفقكم ويوفقنا



Labels: at 9:32 PM 13 آراء تدفعنى وتقوينى حاجة من حاجات جوايا

Monday, December 14, 2009

فى وقت من الاوقات 3


فى وقت من الاوقات بتحس انك مهزوم

خارج من حرب حامية بترتعش .. محموم

تدور على صوتك .. على لسانك .. متلاقيش

تبكى بدمع غالى عشان مش عارف تعيش

جواك ارادة .. لكن مكسورة

مش باقى من كيانك غير مجرد صورة

الحزن هزمك ايوه لانك استسلمت

خلاك تتوه فى طريقك .. لا وقفت ولا كملت

مع ان الحزن ضعيف بايدينا نهزمه

لو بس نبص لغيره .. نقدر نتحمله

لكن احنا بننسى غيره وبس نفكر فيه

نسيب اللى يفرحنا وندور عالجرح ليه ؟

دى الدنيا مش مستاهلة دمعة من عنينا

ولا حتى لحظة ندم عاللى ضاع من ايدينا

ويوم ما بُكانا يخلص وتنشف العيون

نلاقى اللى بكانا وسهر الجفون

مكانش يستاهل عذابنا ولا حتى لوم

تعالوا بينا نفرح .. ونضحك من قلوبنا

لو لسه فاضل لينا فى الدنيا بس يوم
...........................................................

شاركونا الاحتفال بعيد ميلاد دودو عاشقة الرومانسية

على المدونة الجديدة .. السهرة معانا تحلى

فى انتظاركم عشان نطفى الشمع

كل سنة وانتِ طيبة يا دودو وبكل الخير يارب

Labels: at 2:56 AM 20 آراء تدفعنى وتقوينى حاجة من حاجات جوايا

Thursday, November 26, 2009

عيد أضحى سعيد على الامة الاسلامية


كل عام وأنتم بخير بمناسبة عيد الأضحى المبارك
أعاده الله عليكم وعلى كل ذويكم بالخير واليمن والبركات
كل سنة ومصر طيبة
كل سنة والمصريين طيبين
كل سنة والامة الإسلامية متوحدة ومتجمعة على كلمة لا إله إلا الله محمد رسول الله
يارب العيد يكون سعيد عليكم
ويارب يارب يارب يكتبلنا الوقوف على عرفات وحج البيت الحرام
لا تنسونى بالدعاء
.
دمتم يكل الخير والرضا والهنا وراحة البال

at 2:32 PM 26 آراء تدفعنى وتقوينى حاجة من حاجات جوايا

Monday, November 23, 2009

علاء مبارك ابن مصر .. ولسان حال الشعب المصرى.. واهداء للجزائر



فى حوار هاتفى مع برنامج القاهرة اليوم
لخص علاء مبارك كل مشاعر المصريين تجاه عدة قضايا كانت على الترتيب

موقفه من قناة الجزيرة التى تتعمد الإساءة لمصر بشكل مستمر وطمث أى حقيقة تقوي وتؤيد موقف مصر تجاه اى قضية خاصة كانت أو عامة مستشهدا بتضخيمها لحادث اوتوبيس المنتخب الجزائرى وتجاهلها التام لاعتداءات الجزائرين فى السودان


موقفه من سفير الجزائر بمصر الذى استنكر وجوب اعتذار دولته لمصر عقب اعتداءات الجزائريين المسلحين على المصريين العزل فى السودان موجها له الحديث غيابيا : لو عندك كرامة اطلع بره مصر قبل ما تتطرد

للمزيد شاهدوا الفيديــــو





آخر نكتـــــة
اعوذ بالله منك
مفيش فايدة فى طبيعتكوا الكذابة دى
يعنى هنكذب سيدك علاء ونصدقك انت ؟؟؟؟؟؟؟
لا طبعاااااااااااا
انا قلبت النت عشان اجيب الحلقة مش لاقياها
ياريت اللى يلاقيها يقوللى وانا هدور تانى
ايه الناس دى .. مش عارفين نمسك عليهم حاجة خالص
يا ساااااااااتر
........................................
.
اهداء للجزائر
..............
.
يا جزائر ليه تخونــــــــوا ؟ ..عملتوا كده ليه ؟؟
خسرتوا الشعب المصرى .. من الفقير للبيه
ومحدش فينا مصدق .. الحقد ده كله ليه ؟؟؟
كارهين مصر وناسها .. وعاملين قال ايه ضحايا
دى مصر دى خيرها عليكم .. والكل عارف ليه ؟؟
.
صفوا قلوبكم شوية .. الزعل مش حلو ليكم
الغل اللى فى قلوبكم .. مش هيإذينا .. هيإذيكم
عرفنا خلاص معدنكم .. ومش باكيين علييكم
عقولكم مش فى راسكم .. وصهيونى بيتحكم فيكم
يا بلد عاملة حرة .. لسانكوا بيشهد عليكم
.
يا مصرى خلاص لا تحزن .. تزعل من مين وليه ؟
دى ناس عقولها زلط .. مستنى منهم ايه ؟
صعبوا علينا والله .. وعرفنا ده كله ليه ؟؟
المصرى كبير من يومه .. ولا حاجة تأثر فيه
وده شئ هيجننهم .. وبيحسدونا عليه
...........
>

Labels: at 3:36 AM 33 آراء تدفعنى وتقوينى حاجة من حاجات جوايا

Saturday, November 21, 2009

مفاجآت دريم 2 .. ومطالبة بطرد السفير الجزائرى ....وتحديث

شهدت قناة دريم 2 المصرية مفاجآت عديدة فى برنامج الكرة مع دريم للكابتن مصطفى عبده مساء الجمعة 21/11/2009 وكان فى ضيافته الاعلامى طارق علام والفنانين ماجد المصرى ومحمد كريم .... حيث تلقى البرنامج اتصال من مصرى مقيم بالسعودية يدعى عبد العزيز وهو اهل ثقة .. فجر فيه عدة مفاجآت أبرزها ان جريدة الشروق الجزائرية هى الطبعة العربية لجريدة معاريف الاسرائيلية ويمولها الموساد الاسرائيلى .. وأكد ان هذا الكلام ليس اختلاقا وإنما صحيحا مائة بالمائة .. ومن يريد التاكد يبحث فى المواقع الأوربية وخاصة الفرنسية
كما أضاف أن الرئيس بوتفليقة لا يملك حكم شعبه وليس له قرار وإنما هناك لوبى صهيونى هو من يسيطر على الحكومة الجزائرية هو رئيس اركان الجيش .. وان من أمر بارسال طائرات القوات الجوية هو رئيس اركان الجيش الجزائرى .. وهذا ما اكده المخرج محمد نصر الدين فى اتصال سابق بنفس الحلقة بان ما حدث فى السودان من قبل الجزائريين هو خطة عسكرية معدة مسبقا ومتعمدة من قبل حكومة الجزائر واكده تهنئة الرئيس بوتفليقة للشعب الجزائرى على ما فعلوه فى ابناء مصر فى السودان من اعتداء وهمجية وان هذا ما كان يجب ان يحدث
لم يكتف بهذا الاخ عبد العزيز وانما فجر مفاجئة اخرى اكثر دويا بأن مدرب المنتخب الجزائرى الذى يسمى روراوة هو من قبائل البربر ووفقا لرواية تاجر جزائرى كبير مقيم بالجزائر ذكر اسمه الاول فقط ويدعى الحاج بليد وهو جزائرى مسلم سنى .. بان هذا الروراوة يهودى الأصل وأن جده لأمه دفن فى مدينة يافا المحتلة

ودعا الاعلامى طارق علام إلى ضرورة تكاتف الشعب باكمله لاسترداد كرامته المهانة وعرض عدة مطالب أبرزها طرد السفير الجزائرى رأس الفتنة ومروج الأكاذيب شر طرده وأضاف وهو فى حالة من العصبية الشديدة بان الحكومة لن تفرضه علينا ويجب طرده ومغادرته البلاد فى خلال 24 ساعة
...................................
.
سعيد حامد : مؤامرة جزائرية للوقيعة بين مصر والسودان




تحديث

فيه حاجة مهمة كمان يا جماعة عايزة اقولها

...............................................

الاعلام والصحافة الجزائرية نظمت نفسها بشكل كبير وسريع وعرضت فى كل وسائلها المسموعة والمرئية والمقروءة وحتى فى غير وسائلها زى الجزيرة والعربية ووكالات الانباء العالمية والعربية حادثة الاوتوبيس اللى ادعوا فيها اننا كسرنا اوتوبيسهم .. ومؤخرا عرضوا محاولة اقتحام السفارة الجزائرية فى القاهرة ووصفونا بالهمجية والبلطجة فاتحولت عالميا بقدرة قادر من جانى الى ضحية .. وطبعا احنا يا مصريين مقدمناش حاجة واكتفينا بان غيرنا يتكلم عننا وبالكلام اننا عايزين حقنا اللى مش عارفة ده هييجى امتى ؟؟؟

قرات النهارده خبر ان الفنانة السورية سلمى المصرى بتدين الجانب المصرى واللى عملناه بعد فوز الجزائر واننا لا نتحلى باى روح رياضية وكان لازم نتقبل الهزيمة ونبارك للفريق الفايز وان مقاطعة الفنانين للمهرجانات الجزائرية وعدم اشراك الجزائر بالمهرجان ده تصرف صبيانى وغير مسئول

طبعا ده يوضح الجزائر صورتنا ازاى ؟؟؟ ويوضح ان الناس شايفة كل اللى حصل مننا رد فعل على نتيجة المباراة .. وده طبعا مش صحيح وانما هو رد فعل على اعتداؤهم المسلح على ابناء مصر العزل بدون سبب بعد فوزهم فى المباراة وتحقيق ما تمنوه


وبناء عليه

عايزين نعمل حملة منظمة فى المدونات لاعادة الحق المصرى بالشكل اللى نقدر عليه كمدونين خلف الشاشات نعرض فيه كل ما يقع تحت ايدينا من صور وفيديوهات لاعتداءات الجزائريين علينا ونستخدم عناوين توضح المضمون عشان اللى يتابع مدوناتنا او حتى اللى يعمل بحث فى جوجل يلاقى مصادر كتير بتتكلم عن الاعتداء الجزائرى اللااخلاقى علينا

وبدعوكم لمتابعة جريدة الشروق الجزائرية

وجريدة الفجر الجزائرية

للرد عليهم أولا باول

هما عارفين عننا كل حاجة ومتابعين كل برامجنا وبيدورولنا على ثغرات .. واحنا مش بنتابع غير اعلامنا وبرامجنا احنا بس

لازم نشوف الطرف التانى بيقول ايه عشان نعرف الضربة القادمة ونفاديها قبل ما تيجى فينا

وعلى فكرة فيه محاولات جدية منهم حاليا للوقيعة بينا وبين اخواتنا فى السودان واكاذيب منهم ان الريس امر باجتياح السودان .. وسواء كانت المحاولات دى اسرائيلية او جزائرية فلن نسمح بها .. واكيد السودانيين عارفينا وعارفينهم .. بس فى الزمن ده الواحد ممكن يشك فى صوابع ايده والفتنة حوالينا فى كل اتجاه

الكلام اللى فات ده كله محاولة للتكافؤ فى حرب ضروس واخدين فيها الدور الطيب المتساهل عن حقوقه .. وسواء قاطعنا بعض او حصلت معجزة الاهية واتصالحنا لازم الطرفين يكونوا على نفس القدر وبنفس الكمية من الاثباتات لاقوالنا واللى اكيد لازم تكون اكتر لان اللى شوفناه منهم ميتحكيش .. لكن مش كل الناس عارفاه

شدوا حيلكم يا ولاد مصر عشان نرجع حق مصر

.............

شوفوا الفيديوهات دى بالمرة

مكالمة علاء مبارك لبرنامج البيت بيتك


سورى يا جماعة للعنوان الخاص بالفيديو .. بس ملقتش تسجيل تانى ليه



Labels: at 6:15 PM 25 آراء تدفعنى وتقوينى حاجة من حاجات جوايا
Subscribe to: Posts (Atom)

ناموا شوية .. عشان ترتاحوا... نامووووووووو- نامووووووووو

من أجمل ما سمعت

استكشفى عيبك

Downloadللتحميل

اللهم اجعل مدونتى حجة لى ولا تجعلها حجة على يوم القيامة
اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا
اللهم انى اعوذ بك من ان أكون جسرا يعبرون به إلى الجنة ويلقى به فى النار
اللهم ارزقنى الإخلاص فى القول والعمل
استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون