حاجــــات جوايــا: سنة جديدة يارب تكون سعيدة

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Wednesday, December 29, 2010

سنة جديدة يارب تكون سعيدة

كل سنة وانتم طيبين

ساعات ونودع سنة كاملة مليانة بالاحداث

الحـلوة والمـرة

السعيدة والحزينة

المهمة والهامشية

أحداث كتير شكلت أيامنا وأسابيعنا وشهورنا

وأثرت على نظرتنا للحياة وللناس وللأولويات

كشفت نضجنا أو سذاجتنا

طيبتنا أو قسوتنا

قوتنا أو ضعفنا

إيماننا أو ضعف ايماننا

...

ساعات قليلة ونبقى قدام خيار من اتنين

إما نمد ايدينا ونودع 2010 بكل المحبة والود ونعانق اللى باقى منها ونقوله .. نسيانك صعب أكيد

أو ندور وشنا الناحية التانية ونعد الدقايق والثوانى بكل لهفة على الفراق بدون دمعة حزن أو ألم

ونحمد ربنا على نعمة النسيان

...

2010

كنت مستبشرة بقدومها وشايفاها سنة شيك

عشرين عشرة

وكنت اتمنى تحصل عندى اى مناسبة يوم عشرين اكتوبر

عشان يبقى تاريخها

20/10/2010

عشرين عشرة عشرين عشرة

بس محصلش :)

...

مقدرش اقول انى فرحانة انها ماشية

لانى بقيت بخاف

وعندى يقين اننا فى زمن تنطبق عليه مقولة

استمتعوا بالسيء .. فالقادم أسوأ

فمش هقدر افتح ايدى للحياة واهتف أهلا 2011

لأن فى القلب غمة وفى الحلق غصة

لكن يقينى بالله أكبر .. وعندى امل لو ساءت كل الحياة نكون بعيد عن موضع الاذى

أتمنى ... ياااارب

...

واخيــرا

المايك معاكوا للى عايز يقول كلمة توديع لـ 2010

وكلمة استقبال وتمنى لـ 2011

ايه اللى زعلكوا فى 2010 ؟

وايه اللى فرحكوا فى 2010 ؟

وايه اللى اتمنيتوه يحصل ومحصلش فى 2010 ؟

وايه اللى ماتمنيتوش انه يحصل وحصل فى 2010 ؟

مين شخصية العام من وجهة نظركوا ؟

وايه اهم حدث فى 2010" على المستوى الشخصى " ؟

وايه اللى تتمنوا انه يحصل فى 2011؟

....

كل سنة وانتم طيبين

ويارب تكون السنة الجاية أحلى واجمل واسعد وأخف

وتتحقق فيها كل أمانينا الطيبة

وتتحرر فلسطين وكل البلاد الاسلامية

وينصلح حال مصر والدول العربية

ونرجع تانى نعيش فى أمان وننسى الخوف والجوع والظلم والفقر

قولوا آمين

12 comments:

سواح في ملك اللــــــــــــــــــه- said...: كل سنه وانتي طيبة
يااختنا سالي
شوفي
انابالنسبة لي
نفسي ترجع مصر مصر
نفسي اشوف وشوش بتضحك
نفسي برضه ماشوفش فيها

اي جوع او اي فقر
تحياتي
وكل عام وانتي بخير; December 29, 2010 at 1:49 AM
Dr Ibrahim said...: كل عام وانتم بخير; December 29, 2010 at 8:32 AM
حاجات جوايا said...: سواح فى ملك الله
.................
اهلا بك اخى الفاضل
ده حلم كل مصرى اكيد
يارب يتحقق بفضل الله
كل سنة وانت طيب وبكل الخير
نورتنى يا فندم; December 29, 2010 at 3:10 PM
حاجات جوايا said...: Dr. Ibrahim
............
اهلا بك اخى الفاضل
وانتم بكل الخير يارب
نورتنى يا فندم; December 29, 2010 at 3:11 PM
Unknown said...: كل سنه و انتي طيبه و بألف خير
أجمل حاجه حصلتلي السنه دي اني دخلت عالم التدوين:)
و نفسي مصر تبقى أفضل و الناس تبقى أسعد و كل اللي عنده كرب ربنا يفرجه عليه
سنه سعيده ان شاء الله على الجميع; December 29, 2010 at 3:17 PM
Unknown said...: كل سنة وأنت طيبة وفى تمام الصحة والعافية
وندعو الله تعالى أن تكون السنة الجديدة سنة خير ورخاء وانتصارات على الأمة الإسلامية جمعاء
فهو سبحانه القادر على كل شىء; December 29, 2010 at 4:05 PM
رفقة عمر said...: ايه اللى زعلكوا فى 2010 ؟
كتيير منها الخيانة ومنها اكتشاف كونى اضحكوة

وايه اللى فرحكوا فى 2010 ؟
؟؟؟

وايه اللى اتمنيتوه يحصل ومحصلش فى 2010 ؟
احتفظ بالاجابه لنفسى

وايه اللى ماتمنيتوش انه يحصل وحصل فى
2010 ؟
صدمة هزة حياتى

مين شخصية العام من وجهة نظركوا ؟
انا :)

وايه اهم حدث فى 2010" على المستوى الشخصى " ؟
انى كبرت 100 سنة

وايه اللى تتمنوا انه يحصل فى 2011؟

التخلص من الشر وانتشار الخير; December 29, 2010 at 7:34 PM
رفقة عمر said...: يارب سنة جديدة سعيدة اللهم امين; December 29, 2010 at 7:35 PM
صيدلانيه طالعه نازله said...: و الله يا سالى ما عارفه اقول ايه
الاحداث السنه دى كانت كتيييير اوى
و متلاحقه
لوقلت حاجه حظلم التانيه
بس احسن اللى حصللى انى اتعرفت السنه اللى فاتت على ناس كتيييييير اوى
ناس طلعت عند حسن ظنى
و نس لا
بس المهم فى كل اللى حصل انى اتعلمت حاجات كتييييير اوى
و يارب استفيد من اللى اتعلمته

كل سنه و انتى طيبه و بخير و سعيده دايما; December 29, 2010 at 8:13 PM
اسماء عبدالعزيز said...: كل سنه وانت طيبه ياقمرى
ودائما للامام
ومن تميز لأكثر واكثر

بصراحه كل ما اتمناه ان يجعل ربي الخير يعم على امة الاسلام ويعز الاسلام والمسلمين وينقذ اهل فلسطين

وكفايه سفك دماء بأه
وبالنسبه لبلدنا
يعمها الخير من تانى
وكفاية باه فساد

ربي يحمى كل حبابيبى ويخليهم ليا

وانت يسكر ربي يعطكِ ماتتمنى
دمت بحب; December 29, 2010 at 11:06 PM
الميكروباص said...: كل عام وانتم بخير

بالنسبه للبلد نفسي يكون لها قيمه كبيره وترجع تقود الامه الاسلاميه باكملها

أما بالنسبه لي شخصيا نفسي اروح اعيش في الوادي الجديد وارعى غنم وابعد عن الدنيا كلها واعيش بدون تليفزيون او كمبيوتر; December 30, 2010 at 1:34 AM
shima said...: كل سنه وانتى طيبه يا سالى ويارب تكون سنه سعيده علينا باذن الله

ايه اللى زعلكوا فى 2010 ؟
شويه احداث حصلت فى الاسابيع الاخيره من السنه كانت غلط منى بس الحمد لله عدت على خير

وايه اللى فرحكوا فى 2010 ؟
قبل مالسنه تخلص الاحداث دى انتهت نهائى ومش هتتكرر تانى ان شاء الله عندى امل كبير فى السنه الجديده خصوصا انى فهمت شويه حاجات مكنتش فهماها فى حياتى
(قصدى عقلت شويه هههههههههه)
اممممممممممممم ايه اللى انا بقولوا ده دنا اخدت راحتى اوى
يلا بكفايه كده طولت عليكى
سنه سعيده ان شاء الله علينا جميعا; December 30, 2010 at 2:41 PM