Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Friday, December 24, 2010

الواجب


نكبر نصغر.. الواجب ورانا ورانا .. مفيش فايده ههههه
الواجب المرة دى جالى من أختى العزيزة وتوأم الفكر مس نوجا مدونة خواطر شابة
وطبعا زى ما اتعلمنا قبل كده .. الواجب وااااااااجب ولازم يتعمل


الواجب زمان كان بيبقى كتير وياخد وقت طويل وفين وفين عما نخلصه ومنلاقيش وقت للمذاكرة
الواجب المرة دى بسيط
سؤالين بس
بس سؤالين ايه بقى
فى الجووون

نبتدى على بركة الله


السؤال الاول : هل انتِ فضولية ؟

واه واه واه يا بووووووى
انا فضولية
كلا البتة والوزة
ده اللى يقول عليا فضولية اطخه بالبندقة
ههههههه
مش كلام والله ولا تجمل
عن جد .. انا ابعد ما اكون عن الفضولية

ودى ميزة وعيب فى نفس الوقت
الميـــزة
انى مش بحب احشر نفسى فى حاجة متخصنيش يعنى مثلا
لو اتنين بيتكلموا وانا دخلت عليهم مش هقولهم بتقولوا ايه الا لو هما قالولى
لو دخلت بيت حد مش بحب اتحرك من مكانى ولا اقلب فى حاجاته ولا اشوف دى جديدة ولا قديمة ودى غالية ولا رخيصة ودى منين ودى من مين والكلام الرخم ده
بحترم جداا جدااا جدااا خصوصية الاخرين وشايفة ان ده المفروض والأصح والأليق
وده اللى بنتظره من الاخرين
بس طبعا ليس كل ما يتمناه المرء يدركه
!!!
العيب
انى بعتمد على نفسى اعتماد كبير فى الاكتشاف دون اللجوء للاخرين
يعنى لو عايزة اتعلم حاجة حد عارفها اتكسف اسأله
اكيد لو سألت مش هتبقى بايخة أوى.. وهوفر على نفسى وقت وجهد وهكتسب خبرة.. بس متعرفوش بقى انا كده
حساسة جدا ومش بحب اكون عبء على حد ولا اشغله بيا
وده برضه ميزة وعيب
ميزة الحساسية انى بتعلم بنفسى وبكتسب خبراتى لوحدى وبكون واثقة من مصادرى ومش بتقل على حد
وعيبه انى اتأخر فى الوصول للمعلومة عما ادور واتعلم وكده
وبعدين يعنى احنا فى زمن الانترنت .. يعنى اى حاجة هحتاجها هجيبها ببساطة ببحث سريع فى جوجل

وبينى وبينكم برضه انا بتخنق من الناس الفضولية اللى مش بتبطل اسأله عن اى حاجة وعن اى حد خصوصا لو حاجة هايفة
فمش بحب الوم تصرف واعمل زيه
كما قال احمد شوقى
لا تنه عن خلق وتأت مثله ... عـــــــــــــار عليك إذا فعلت عظيم

......................

السؤال التانى : ما هى الأسئلة التى تستفزك؟

ممممممم .. السؤال ده مستفز

عشان عايزنى اتكلم فى الحاجات اللى بتستفزنى

هههههههههههه

مبحبش الاسئلة الشخصية عموما

الشخصية جدا

خصوصا الاسئلة اللى بتبدأ بكلمة لسه ؟ .. وتنتهى بكلمة ليـــــــــه ؟؟؟

ومن هنا

من هذا المنبر

أحب اجاوب كل حد حشرى وفضولى واقوله بكل صراحة متناهية

وانت ماااااااااااااااااااااالك ؟

لما تكون حاجة تخصك جدا .. من الصعب انك تقبل ان حد يستجوبك بخصوصها

ولا يعمل عليك فاهم كل حاجة وبيديك نصايح على اساس انه خبرة يعنى

خصوصا لما تكون دى رغبتك

او يكون مفيش فى ايدك حاجة تعملها

...................

السؤال الثالث : تمرر الواجب لمين ؟

حقا وصدقا .. الواجب ده من اصعب الواجبات رغم بساطته

واحب انى مديهوش لحد

بس لو ممررتوش وغيرى ممرروش هيقف عندنا ومش هيكمل المسيرة

فهضطر اسفه انى امرره

واسأل الله ان يلهمكم الصبر والسلوان

دموع القمر

عاشقة الرومانسية

محمد عتلم

فارس على طريق الدعوة

.

شكرا يا نوجا
يلا صححى الواجب بقى وادينى ممتازة يا سالى ............. ونجمــــــــة

18 comments:

كلمات من نور said...

جميلة ردودك بسيطة ولكن مميزة وبتزضح لينا ازاي بتفكري .جزاكي الله خيرا

سواح في ملك الله- said...

عجبني اوي حكايةانك بتعلمي نفسك بنفسك
ودي ميزة جميلة وان دلت فانها تدل علي اتقان ماقد تتعلمينه لاطلاعك علي تفاصيلة الدقيقة والاخطاء التي ممكن ان تنتج عنه وتلاشيها

حاجات جوايا said...

كلمات من نور
...............
أهلا حبيبتى
تسلمى يا قمر
انتى اللى جميلة وزيارتك مميزة :)
نورتينى حبيبتى

حاجات جوايا said...

سواح فى ملك الله
.............
أهلا بك اخى الفاضل
الف شكر
انا اتعودت طالما اقدر اعمل حاجة بنفسى يبقى اعملها غير كده ممكن اخد كورس لو ينفع واتعلم بحرفية لكن انى اتقل عالناس مليش فى الكلام ده خالص

عندك حق فعلا لما بتعمل الحاجة من الالف للياء بتكون ملم بكل تفاصيلها وتقدر تطور فيها او تشيل منها دون اخلال


نورتنى اخى الفاضل

البنفسج الحزين said...

اجابات جميله قوي يا سالي ...
علي فكرة ردودك فيها شبه كبير قوي من ردودي واضح ان شخصياتنا متشابهه لدرجه اني حسيت ان انا اللي بتكلم هههههه
علي فكرة انا حليت الواجب ده قبل كده
في اخر بوست عندي لو حبيتي تشوفيه ...

حاجات جوايا said...

البنفسج الحزين
..............
اهلا حبيبتى
تسلميلى يا قمر
ده من واعى فخرى وسرورى يا سكره
شوفته حالا ولقيت الاجابات فعلا كانها متطابقة هههه
سبحان الله
واضح ان المدونين بيحطوا همهم فى الكتابة ومش بيفضوا يتحشروا فى حياة الناس
تصدقى فعلا ياريت كل الناس بتكتب
كانوا القوا بافكارهم على الورق بدل ما يوجعوا دماغ غيرهم بالتدخل والفضول
نورتينى يا قمر
تحياتى ليكى

خواطر شابة said...

هو انا حأديلك نجمة بس أنا اديك دستة يا ستي وان شاء الله ماحد حوش هههه
يعني في موضوع الفضول انا ميزت بين نوعين فضول ايجابي وفضول سلبي انا اعتبر اني اسأل عن شئ لا اعرفه لاتعلمه فضول ايجابي ولاأجد حرجا فيه على الاطلاق يعني انا مش معاك في دي
موضوع الاسئلة اللي بتستفز اعجبني ردك لانه جامع مانع صح كل الاسئلة الشخصية اللي بتبدأ بلسه وتنتهي بليه
شكرا ايضا انك موقفتيش الواجب عندك واتكتبله عمر جديد على ايدك ههه
تسلمي لي عزيزتي أسعدتني جدا كلماتك عني وتأكدي ان المشاعر متبادلة
دمت بكل الود والمحبة عزيزتي

Dr Ibrahim said...

تمام يا فندم
أكيد جوجل مسهل على الناس كلها
وفعلا ساعات الواحد بيتحرج انه يسأل حد حاجة..لان بصراحة الوقتى يخاف يسأل حد يقوله هات ثمنها- ثمن المعلومة - للأسف الشديد

هبة فاروق said...

حبيبة قلبى انا سعيدة انى اتعرفت على شخصية جميلة زيك ردودك عفوية وبسيطة وتدل على شخصيتك الجميلة
تحياتى لكى يا قمر

حاجات جوايا said...

خواطر شابة
...........
اهلا مس نوجا
كله قيام يا جماعة المس وصلت
اهلا اهلا
خلاص جلوس اتفضلوا اقعدوا
هههه
هييييييه المس هتدينى دستة نجوم هههه
انا عارفة اكيد ان الفضول الايجابى لا لوم عليه
بس انا عن نفسى بتجرج جدا اسأل حد
بحس انى مقصرة فى حق ثقافتى وانى بستسهل
ده غير ان ايا كانت الاجابة اللى هتلقاها .. فلن تكون كافية ولا وافية بالنسبة لى
احنا بقينا فى عصر سريع
محدش فاضى لحد
ولو اتضطريتى تسالى لا حرج
لكن عشان تعرفى حاجة كويس وتفهميها جيدا فالاولى الاعتماد على النفس
لكن كفضول دائم للمعرفة
فانا فضولية جدا
واحب اعرف واتعلم كل حاجة
الاختلاف هو فى مصدر اشباع الفضول
فاعتمادى على نفسى واطلاعى اكبر من الاعتماد على الاخرين
.....
هههه هو لسه وليه
مانا لو قلت الاسئلة المستفزة فى مراحل العمر المختلفة
مش هخلص
....
التاج المفروض هدفه التعرف على المدونين عن قرب .. فالاولى تمريره ولو لفرد واحد كل مرة وعدم حبسه لدينا
والمرة دى احترت كتير امرره لمين لانه لف على معظم المدونين اللى اعرفهم :)
.....
تسلمى يا قمر انا واثقة من كده
القلوب عن بعضها يا حبيبتى :)

نورتينى يا نوجا
وشكرا عالواجب

حاجات جوايا said...

dr. Ibrahim
..............
اهلا اخى الفاضل
اكيد طبعا .. جوجل ريحنا كلنا
مفيش حاجة الا ويوصلنا بيها
النت ده نعمة والله ربنا يديمها بس يحفظنا من شرها
موضوع هات تمنها ده فعلا موجود
للاسف الشديد
ولو مكانش المقابل مادى بيكون معنوى
عالاقل خدمة قصاد خدمة
ربنا يصلح ايامنا
نورتنى اخى الفاضل

حاجات جوايا said...

هبة فاروق
........
اهلا حبيبى
ربنا يخليكى يا قمر
انتى الاجمل
متحرمش منك يارب
نورتينى يا قمر

يوميات شحات said...

ردودك متميزة

حاجات جوايا said...

يوميات شحات
...........
اهلا بك اخى الفاضل
شكرا جزيلا
نورتنى يا فندم

مدونةاكسجين مصر said...

السلام عليكم ممكن اختى الكريمه ان توضع مدونتى عندك وفيه صوره اخذته من عندك الرجاء الرد فى مدونتى مدونة اكسجين مصر

bastokka طهقانة said...

10 نجمات و سمايل فيس كمان
تحياتي

حاجات جوايا said...

مدونة اكسجين مصر
..............
وعليكم السلام ورحمة الله وبركاته
اهلا يافندم
انت على الرحب والسعة
نورتنى

حاجات جوايا said...

طهقانة بستوكة
...............
اهلا يا جميييييل
شكرا شكرا
هو ده التعليم اللى بجد
التعليم المحفز
هههه
نورتينى يا قمراية

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger