Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Saturday, May 3, 2008

الحلقة الخامسة :عايش يساند عبده طناش فى ازمته النفسية

(الحلقة (5

عايش يساند عبده طناش فى أزمته النفسية

.



على مقهى البؤساء

عايش : أخبارك ايه دلوقتى يا عبده ؟ .. سمعت انك تعبت بعد اللى حصل فى طابور العيش

عبده طناش : الدنيا معدش فيها رحمة .. مش عارف ايه اللى بيحصل ده .. أنا سمعت كتير عن اللى بيموتوا فى طابور العيش بس متخيلتش ان الموقف غير آدمى بالشكل ده .. قلوب الناس بقت حجر .. ومحدش بيهمه غير نفسه

عايش : هون عليك يا عبده وانسى بقا .. أنا عارف ان الموقف صعب خصوصا انه حصل قدام عينك .. بس لو فضلت تشيل كل حاجة كده فى قلبك مش هتلاقى نفسك

أقولك حاجة .. أنا اكتشفت ان الجهل أكبر نعمة فى الدنيا .. لما تجهل إزاى وليه مش هتشغل دماغك ايه حصل ؟.. وايه السبب ؟؟ هتعيش وخلاص .. ومطرح ما الدنيا توديك هتروح .. معظمنا عايشين كده .. واللى بيحاول يعرف أو بيفهم بالصدفة بيتعب أوى ويحس بالمشاعر اللى جواك دى
أقولك من الآخر .. روق وقوم اتوضى يللا عشان صلاة المغرب وجبت .. تعالى نصلى فى الزاوية اللى جنب المحل دى

عبده طناش : توكلنا على الله الذى لا إله غيره وليس لنا رب سواه

عايش وعبده طناش يتجهان للمسجد للصلاة .. يقيمانها ثم يخرجان معا

عايش : الجمعة الجاية ان شاء الله خطوبة أختى على ابن عمى .. هتبقى فى دار المناسبات ولازم تنورنا ان شاء الله .. انت مش محتاج عزومة

عبده طناش : بجد ! .. ما شاء الله ! ألف مبروك .. الأيام بتجرى والبنات بتكبر وتتجوز

عايش : منا بقولك شد حيلك خلينا نفرح بيك انت كمان .. العمر بيجرى

عبده طناش : ياريت يا سيدى هو انا اكره .. بس جواز يعنى حاجات كتير أوووووى وصعبة أوووووى فى الزمن ده .. ده انا بخرج كل فين وفين عشان اشتريلى حاجة أروح بها الشغل ألاقى الأسعار ولعت .. إزاى بس هجيب واحدة بنت ناس وأعيشها معايا العيشة القحط دى

عايش : انوى انت بس وتوكل على الله وهتلاقى بإذن الله ربنا فرجها وحلها من حيث لا تدرى

عبده طناش : ربنا يسهل ان شاء الله .. المهم جبت البدلة اللى هتحضر بيها خطوبة أختك ولا لسه ؟

عايش : آه طبعا بس وديتها تتظبط شوية عند الترذى .. كنت لسه رايح استلمها دلوقتى .. تيجى معايا ؟

عبده طناش : وماله .. انا أصلى مخنوق ومش عايز اروح دلوقتى

عايش : ارمى حمولك على الله


عبده طناش : ونعم بالله .. الحمد لله على كل حال




فى حفل الخطبة

عبده طناش : ألف مبروك يا عايش خطوبة مروة .. عقبالك يا بطل .. عايزين نفرح بيك انت كمان

عايش : الله يبارك فيك يا عبده .. متحرمش منك أبدا .. بس الدور عليك انت يا باشا .. احنا هنحمرق ولا ايه ؟؟

عبده طناش : ههههههههه كل شئ بأوان .. بس قول يارب

عايش : يارب .. يارب

عبده طناش : العرسان ما شاء الله زى القمر ربنا يسعدهم ويهنيهم .. عقبال الفرح ان شاء الله

عايش : متحرمش منك يا عبده .. ماهم اخواتك برضه .. تعالى نقعد هنا

عبده طناش وعايش يتخذا ركنا ليجلسا فيه لمتابعة الحفل .. يتجول عبده طناش بعينيه فى وجوه الجالسين وتلفت انتباهه فتاة تجلس فى نهاية الصف الذى يسبقه

عبده طناش يميل على أذن عايش يسأله : مين البنت اللى قاعدة فى آخر الصف اللى قدامنا دى ؟

عايش : فين دى ؟ .... أهااااااا دى صاحبة مروة أختى بس اكبر منها بخمس سنين تقريبا .. كانت معاها فى كورس اللغات

عبده طناش : والله .. يعنى سنها اممممممم 26 سنة

عايش : آه تقريبا .. بس بتسأل ليه ؟؟

عبده طناش يشيح بوجهه : أبدا .. مجرد حب استطلاع .. هى مخطوبة ؟؟؟

عايش : لا مش مخطوبة .. انت بتشاور عقلك ولا إيه ؟ .. تحب نكلمهالك ؟

عبده طناش : لالالالالا مش وقته خاالص .. لما ادبر امورى وأشوف هينفع ولا لأ ... بس بينى وبينك .. شكله مش نافع دلوقتى خاااااااااالص .. انا عايز أسافر والله بس مش لاقى فرصة مناسبة

عايش : دور وربنا يوفقك .. طالما مش عايز تشتغل شغلانة تانية بعد الضهر

عبده طناش : فعلا ده اللى لازم يحصل .. هدور ان شاء الله



تابعونا فى الحلقة القادمة ان شاء الله
(مع( عبده طناش يبحث عن فرصة عمل بالخارج
دمتم بكل الخير
Sally





54 comments:

mostafa rayan said...

حلوة وان شاء الله هتابع

حاجات جوايا said...

mostafa rayan

ميرسى الله يخليك
منتظرة متابعتك ان شاء الله

دمت بخير

همس الاحباب said...

تانى تعليق
ماشى يا ستى مش مهم
المهم اسلوبك لذيذ قوى فى سرد الاحداث
وقصة شيقة واتابع وفى انتظار المزيد
دمتى بخير
وتحياتى
خالد

mohand said...

هو عبده الحاله ملطشه معاه قوي زينا كده ليه

مفيش حاجه حالمه مفرحه

بدل الواقعيه اللي احنا عايشينها دي


بس جميل

تحياتي

حاجات جوايا said...

همس الأحباب

ولا يهمك يا فندم
المهم تنورنا وخلاص
الله يكرمك ده بس من ذوقك
فى انتظار متابعتك دايما ان شاء الله

دمت بخير أخى

حاجات جوايا said...

mohand

معلش بقى اصل الوحى بتاعى موظف عالدرجة التالتة
ههههههههههههههههه
مسيرها تتعدل ان شاء الله

دمت بخير

Eldebug said...

اول مرة ليه هنا


بس ليه ملاحظة ...مين دى اللى بتتجوز دلوقتى وعندها 21 سنة ... هيه القصة دى قديمة ولا اييييييييييه

بصراحة اللى عجبنى ان الكلام كله بيدور مابين شخصيتين بس ومع ذلك بنبقى متشوقين ان احنا نكمل ... وده فى حد ذاته شئ صعب

تحياتى

الربان said...

تحياتي

حضرتك باسلوب رشيق جميل تحدثت عن بعض
مشاكلنا... و لان الاسلوب أخذ شكل حوار
و كان بسيطا...فقد شدني الي النهاية.

ربنا يوفقك دائما...

تحياتي و تقديري

المـــفـــــــقــــــــوعـــــة مــرارتـهــا said...

ربنا يعينك ياطناش وتتجوز

أم أحمد المصرية said...

ايه يا بنتي الموهبة دي انت كاتبة موهوبة اسلوبك لذيذ جدا انا في انتظار باقي الحلقات

حاجات جوايا said...

eldebug

أهلا بك يا فندم لأول مرة فى مدونتى

لا القصة مش قديمة والله دى لسه بنار الفرن ..بس زى ما بيقولوا لكل قاعدة شواذ .. ولسه فيه برضه بنات بتتخطب فى السن ده واصغر المهم العريس يبقى جاهز

كلام حضرتك ده تاج على رأسى
ربنا يكرمك
أتمنى متابعتك دائما

دمت بخير اخى
سالى

حاجات جوايا said...

الربان

أهلا يا فندم بحضرتك
نورتنى

تشرفنى بالطبع متابعتك
وأشكرك على كلماتك الرقيقة

دمت بخير أخى

حاجات جوايا said...

مفقوعة مرارتى من حماتى


أهلا يا سوسو ازيك يا قمر
أخبار فيفى ايه ؟؟؟؟؟

ربنا يسمع منك ويعين طناش ويتجوز بس بشرط حماته متكونش زى فيفى
هههههههههههههههههه

نورتينى يا قمر

حاجات جوايا said...

ام أحمد المصرية

أهلا يا قمر
أخجلتم تواضعنا يا فندم
ربنا يكرمك
وتنورينى دااااااااايما
سلامى لأحمد و أم أحمد وأبو احمد

دمتى بخير أختى

Unknown said...

جميل اوي انا معاكي للاخر
دي اول زياره انا بجد مستمتع

ربنا يوفقك

اتمني زيارتك

حاجات جوايا said...

bar2ash

أهلا بك يا فندم لأول مرة فى مدونتى
سعيدة باستمتاعك وأتمنى دوام التواصل والمتابعة

دمت بخير أخى

(احمد سكر ) said...

اسلوبك جميل

بيعالج المشاكل باسلوب ساخر

تحياتى
احمد سكر

فرنسا هانم said...

الظاهر ان سناره عمنا عبده طناش غمزت
وهيخطب البنت ذات ال 26 ربيعا
عموما اتوقع ذلك
وربنا معاك يا طناش
تابعى يا سالى مدونتك جميله

حاجات جوايا said...

سكر

عودا حميدا اخى الفاضل
يارب تكون وُفقت فى رحلتك
ميرسى على ذوقك
وأرجوا الله ان يوفقنى فى تحقيق الهدف الذى أنشده من هذه الحلقات وان نتحول جميعا إلى الأفضل

دمت بخير أخى

حاجات جوايا said...

فرنسا هانم

فرنسا هانم عندنا .. يا مرحبا يا مرحبا
أتمنى أن يصدق توقعك
يمكن حاجة تفرحنا فى الأيام الغريبة دى
ميرسى على ذوقك وزيارتك
واتمنى ان تتابعينى دائما
دمتى بكل خير

Tamer Nabil Moussa said...

باين علية ابتدى يفكر فى الجواز

بس عارفة عزيزتى سالى

اللى عايز يحوز الايام دى

لازم يكون مكافح ويختار واحدة مكافحة زية

تحياتى

حاجات جوايا said...

tamer nabil

أهلا بك أخى الفاضل

ومين مش بيفكر فى الجواز
المهم ربنا يوفق
والحقيقة دلوقتى اختلفت المقاييس شوية
مش بس بيدوروا على المكافحة
فيه كتير بيدوروا على الجاهزة خاااااالص وهتساعد وتصرف على جوزها كمان
وياما فى الدنيا عجايب

دمت بخير

رئـــــيسـة حزب الأحلام said...

قصة جميلة وبتعبر عن حالنا وحالة الطناش اللى عايشنها
بجد كان لى حلقة امبارح تخيلى تانى حلقة لى وماسمعاهاش وتحياتى لك والف شكر انك قلتى لى

DR_adhm said...

الفكره حلوه و طريقه عرض لذيذه ربنا يعينك و تشريفك ليا كل شويا في المدونه حاجه كبيره

حاجات جوايا said...

رئيسة حزب الاحلام

أهلا يا قمر
ميرسى ربنا يخليكِ ده من ذوقك
آه والله سمعت البرنامج امبارح
هو فعلا بييجى فى ميعاد مش حلو الناس بتكون يا إما فى الشغل ياإما نايمة
بس البرنامج خفيف اوى و مفيد

العفو يا قمر بتشكرينى على ايه

انتى اللى شرفتينى بزيارتك

دمتى بخير
سالى

حاجات جوايا said...

dr. adham

أهلا بك أخى الفاضل
ميرسى على كلماتك الرقيقة
وعلى ذوقك

اتمنى دوام المتابعة

دمت بخير اخى

سالى

موناليزا said...

مش كنتى تكملى انا قلت خلاص هيخطبها او حتى يروح يتكلم عليها
عموما فى انتظار الباقى

حاجات جوايا said...

monaliza

أهلا يا قمر
هى بالسهولة دى
ما كانش حد غلب
ههههههههههههههه

على العموم كله هيبان
منورانى يا موناليزا

دمتى بخير أختى

دكتور بهــدوء said...

ربنا يوفقك ياعبده
وتلاقي بنت الحلال اللي تشيلك وتستحملك

حاجات جوايا said...

دكتور بهدوء

اهلا بك اخى الفاضل
دعواتك
ربنا يوفق كل شباب مصر والعرب يارب
اللهم آمين

شرفتنى بوجودك أخى الكريم

دمت بخير

عاشــــــ النقاب ـقــــة"نونو" said...

السلام عليكم
شرفتي ونورتي مدونتي
واتمنى دوام التواصل
متااااااابعة حكاياتك
عسولة واسمك غالي علي ربنا يبارك فيكي يارب
تحياتي

Unknown said...

الحلقه الجايه امتي

انا عامل زي اللي مستني مسلسل
prison break

سلاموووووووز

almasry said...

بسم الله ماشاء الله حكايتك لها معنى يا أختى ساللى لكن نصيحه من أخوكى حاولى تحطى فيها شوية اثاره أكتر يعنى زودى فيها البهارات والتوابل


ولكن على كل جميله


تحيــــاتى
المصـــــــــــرى

حاجات جوايا said...

nonoymm

أهلا بك اختى الغالية
شرفتى مدونتى
متحرمش منك يا قمر
أتمنى متابعتك دائما

دمتى بخير أختى

حاجات جوايا said...

bar2ash

الحلقة الجاية ان شاء الله قريبا
هههههههههههههه
بريزون بريك مرررررة واحدة
دى مجاملة غالية أوى
ميرسى

ودمت بخير

حاجات جوايا said...

almasry

أهلا بك أخى الفاضل
ميرسى خالص وان شاء هاخد بنصيحتك بقدر الامكان

نورت مدونتى
واتمنى دوام التواصل

دمت بخير

david santos said...

Really beautiful post!
Excellent!
Bay

حاجات جوايا said...

david santos

Thanks alot sir
regard

Miss. Sosa said...

عبده طناش ده اخو سليمان ولا علي باله .........
بجد تحفة حتي اختيارك للاسماء

Unknown said...

سالي هانم
وحشتني تعليقاتك
فينك من زمان والله المدونه كانت منوره

هستناكي

سلاااام

روح said...

جميل الحوار
ما شاء الله عليكي
بس بتشيلينا همهم ياسالي
وهم كل الشباب اللي زيهم
ربنا يفرج كرب كل الشباب
ويعفهم اللهم امين
تحياتي ليكي ياجميلة

حاجات جوايا said...

miss sosa

اهلا يا قمر
ايه ده انتى عارفه العيلة دى ولا ايه ؟؟؟
هههههههههههه
منورة يا قمر وميرسى على ذوقك

دمتى بخير

حاجات جوايا said...

bar2ash

تمام يا فندم
روحت وجيت
حتى اسأل عم على الفراش

دمت بخير

حاجات جوايا said...

ro7

أهلا يا قمر
ربنا يخليكى ويكرمك
معلش بقا شيلتك همومهم بس ده شئ طبيعى اننا نزعل عشانهم
ما احنا منهم وهما منا
هما اخواتنا وولادنا وقرايبنا وجيراننا
ان شاء الله ربنا يصلح الحال ونفرح عشانهم

نورتينى بجد
دمتى بخير اختى

و القادم....أجمل said...

جميلة يا سالي أوي
أسلوبك جميل في السرد
زي المسلسلات
هايلة
و منتظرين و هنتابع
إن شاء الله

إحترامي و حبي

:)

حاجات جوايا said...

والقادم ...أجمل

أهلا يا قمر
ربنا يخليكى على كلماتك الرقيقة دى
شرفتينى ونورتينى
وأتمنى متابعتك ان شاء الله

دمتى بخير
سالى

(احمد سكر ) said...

اممممممممممم

فين بتاقى الحلقات

هو عايش مش لاقى مكان فى الطياره

لو فى حاجه مدايقاه فى المطار
عرفينى بس

تحياتى

احمد

bastokka طهقانة said...

سالي قولي لعبده يدور لطهقان معاه على شغل
بس يكون في الصومال


اوروفوار

حاجات جوايا said...

سكر

الحلقة الجديدة هتنزل حالا ان شاء الله
دعواتك بس تنزل بالسلامة
لان النت عندى صحته مش أد كده اليومين دول

دمت بخير اخى

حاجات جوايا said...

طهقانة

اهلا يا قمر
انتى خلاص رفعتى الراية البيضا ولا ايه ؟؟؟

والصومال مرة واحدة
؟؟؟؟؟؟؟؟؟؟

على العموم لو عبده طناش رايح هابقى اوصيه
انت تؤمرى يا طهقانة

دمتى بخير اختى

.:.-=- ELGaZaLy-=-.:. said...

جميلة اوى على فكرة انتى موهبوبة فى العامية

بس اخويا عبدة تعبان اوى...


بس جميلة بجد

حاجات جوايا said...

elgazaly

أهلا بك اخى الفاضل
ربنا يكرمك ده بس من ذوقك
فعلا عبده تعبان اوى
ربنا يصلح حاله وحال اللى زيه ان شاء الله

نورتنى بجد

دمت بخير اخى

كوارث said...

عبده طناش فكرني بعبده برمجة بتاع دار لؤلؤة
بس الموضوع ظريف جدًا ودمه خفيف
انا كنت تايه عن البلوج ده فين بس
ولسه ياما هنشوف
واضح ان عبده ده نسخه تانيه من مواطن الاستاذ خالد الصفتي المطحون بس على شياكة شوية
بانتظار الجاي

حاجات جوايا said...

كوارث

أهلا بك يا فندم فى مدونتى لأول مرة
بس مين عبده برمجة ودار لؤلؤة ده ؟؟؟

بالنسبة للمواطن المطحون عبده طناش مش زيه خالص العامل المشترك بينهم بس هو الوظيفة الحكومية ولسه هيبان فى الجاى ان شاء الله

نورت مدونتى
دمت بخير





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger