(الحلقة (5
عايش يساند عبده طناش فى أزمته النفسية
عايش يساند عبده طناش فى أزمته النفسية
.
على مقهى البؤساء
عايش : أخبارك ايه دلوقتى يا عبده ؟ .. سمعت انك تعبت بعد اللى حصل فى طابور العيش
عبده طناش : الدنيا معدش فيها رحمة .. مش عارف ايه اللى بيحصل ده .. أنا سمعت كتير عن اللى بيموتوا فى طابور العيش بس متخيلتش ان الموقف غير آدمى بالشكل ده .. قلوب الناس بقت حجر .. ومحدش بيهمه غير نفسه
عايش : هون عليك يا عبده وانسى بقا .. أنا عارف ان الموقف صعب خصوصا انه حصل قدام عينك .. بس لو فضلت تشيل كل حاجة كده فى قلبك مش هتلاقى نفسك
أقولك حاجة .. أنا اكتشفت ان الجهل أكبر نعمة فى الدنيا .. لما تجهل إزاى وليه مش هتشغل دماغك ايه حصل ؟.. وايه السبب ؟؟ هتعيش وخلاص .. ومطرح ما الدنيا توديك هتروح .. معظمنا عايشين كده .. واللى بيحاول يعرف أو بيفهم بالصدفة بيتعب أوى ويحس بالمشاعر اللى جواك دى
أقولك من الآخر .. روق وقوم اتوضى يللا عشان صلاة المغرب وجبت .. تعالى نصلى فى الزاوية اللى جنب المحل دى
عبده طناش : توكلنا على الله الذى لا إله غيره وليس لنا رب سواه
عايش وعبده طناش يتجهان للمسجد للصلاة .. يقيمانها ثم يخرجان معا
عايش : الجمعة الجاية ان شاء الله خطوبة أختى على ابن عمى .. هتبقى فى دار المناسبات ولازم تنورنا ان شاء الله .. انت مش محتاج عزومة
عبده طناش : بجد ! .. ما شاء الله ! ألف مبروك .. الأيام بتجرى والبنات بتكبر وتتجوز
عايش : منا بقولك شد حيلك خلينا نفرح بيك انت كمان .. العمر بيجرى
عبده طناش : ياريت يا سيدى هو انا اكره .. بس جواز يعنى حاجات كتير أوووووى وصعبة أوووووى فى الزمن ده .. ده انا بخرج كل فين وفين عشان اشتريلى حاجة أروح بها الشغل ألاقى الأسعار ولعت .. إزاى بس هجيب واحدة بنت ناس وأعيشها معايا العيشة القحط دى
عايش : انوى انت بس وتوكل على الله وهتلاقى بإذن الله ربنا فرجها وحلها من حيث لا تدرى
عبده طناش : ربنا يسهل ان شاء الله .. المهم جبت البدلة اللى هتحضر بيها خطوبة أختك ولا لسه ؟
عايش : آه طبعا بس وديتها تتظبط شوية عند الترذى .. كنت لسه رايح استلمها دلوقتى .. تيجى معايا ؟
عبده طناش : وماله .. انا أصلى مخنوق ومش عايز اروح دلوقتى
عايش : ارمى حمولك على الله
عبده طناش : ونعم بالله .. الحمد لله على كل حال
فى حفل الخطبة
عبده طناش : ألف مبروك يا عايش خطوبة مروة .. عقبالك يا بطل .. عايزين نفرح بيك انت كمان
عايش : الله يبارك فيك يا عبده .. متحرمش منك أبدا .. بس الدور عليك انت يا باشا .. احنا هنحمرق ولا ايه ؟؟
عبده طناش : ههههههههه كل شئ بأوان .. بس قول يارب
عايش : يارب .. يارب
عبده طناش : العرسان ما شاء الله زى القمر ربنا يسعدهم ويهنيهم .. عقبال الفرح ان شاء الله
عايش : متحرمش منك يا عبده .. ماهم اخواتك برضه .. تعالى نقعد هنا
عبده طناش وعايش يتخذا ركنا ليجلسا فيه لمتابعة الحفل .. يتجول عبده طناش بعينيه فى وجوه الجالسين وتلفت انتباهه فتاة تجلس فى نهاية الصف الذى يسبقه
عبده طناش يميل على أذن عايش يسأله : مين البنت اللى قاعدة فى آخر الصف اللى قدامنا دى ؟
عايش : فين دى ؟ .... أهااااااا دى صاحبة مروة أختى بس اكبر منها بخمس سنين تقريبا .. كانت معاها فى كورس اللغات
عبده طناش : والله .. يعنى سنها اممممممم 26 سنة
عايش : آه تقريبا .. بس بتسأل ليه ؟؟
عبده طناش يشيح بوجهه : أبدا .. مجرد حب استطلاع .. هى مخطوبة ؟؟؟
عايش : لا مش مخطوبة .. انت بتشاور عقلك ولا إيه ؟ .. تحب نكلمهالك ؟
عبده طناش : لالالالالا مش وقته خاالص .. لما ادبر امورى وأشوف هينفع ولا لأ ... بس بينى وبينك .. شكله مش نافع دلوقتى خاااااااااالص .. انا عايز أسافر والله بس مش لاقى فرصة مناسبة
عايش : دور وربنا يوفقك .. طالما مش عايز تشتغل شغلانة تانية بعد الضهر
عبده طناش : فعلا ده اللى لازم يحصل .. هدور ان شاء الله
تابعونا فى الحلقة القادمة ان شاء الله
(مع( عبده طناش يبحث عن فرصة عمل بالخارج
دمتم بكل الخير
Sally
.jfif)
.jpg)
.jpg)
54 comments:
حلوة وان شاء الله هتابع
mostafa rayan
ميرسى الله يخليك
منتظرة متابعتك ان شاء الله
دمت بخير
تانى تعليق
ماشى يا ستى مش مهم
المهم اسلوبك لذيذ قوى فى سرد الاحداث
وقصة شيقة واتابع وفى انتظار المزيد
دمتى بخير
وتحياتى
خالد
هو عبده الحاله ملطشه معاه قوي زينا كده ليه
مفيش حاجه حالمه مفرحه
بدل الواقعيه اللي احنا عايشينها دي
بس جميل
تحياتي
همس الأحباب
ولا يهمك يا فندم
المهم تنورنا وخلاص
الله يكرمك ده بس من ذوقك
فى انتظار متابعتك دايما ان شاء الله
دمت بخير أخى
mohand
معلش بقى اصل الوحى بتاعى موظف عالدرجة التالتة
ههههههههههههههههه
مسيرها تتعدل ان شاء الله
دمت بخير
اول مرة ليه هنا
بس ليه ملاحظة ...مين دى اللى بتتجوز دلوقتى وعندها 21 سنة ... هيه القصة دى قديمة ولا اييييييييييه
بصراحة اللى عجبنى ان الكلام كله بيدور مابين شخصيتين بس ومع ذلك بنبقى متشوقين ان احنا نكمل ... وده فى حد ذاته شئ صعب
تحياتى
تحياتي
حضرتك باسلوب رشيق جميل تحدثت عن بعض
مشاكلنا... و لان الاسلوب أخذ شكل حوار
و كان بسيطا...فقد شدني الي النهاية.
ربنا يوفقك دائما...
تحياتي و تقديري
ربنا يعينك ياطناش وتتجوز
ايه يا بنتي الموهبة دي انت كاتبة موهوبة اسلوبك لذيذ جدا انا في انتظار باقي الحلقات
eldebug
أهلا بك يا فندم لأول مرة فى مدونتى
لا القصة مش قديمة والله دى لسه بنار الفرن ..بس زى ما بيقولوا لكل قاعدة شواذ .. ولسه فيه برضه بنات بتتخطب فى السن ده واصغر المهم العريس يبقى جاهز
كلام حضرتك ده تاج على رأسى
ربنا يكرمك
أتمنى متابعتك دائما
دمت بخير اخى
سالى
الربان
أهلا يا فندم بحضرتك
نورتنى
تشرفنى بالطبع متابعتك
وأشكرك على كلماتك الرقيقة
دمت بخير أخى
مفقوعة مرارتى من حماتى
أهلا يا سوسو ازيك يا قمر
أخبار فيفى ايه ؟؟؟؟؟
ربنا يسمع منك ويعين طناش ويتجوز بس بشرط حماته متكونش زى فيفى
هههههههههههههههههه
نورتينى يا قمر
ام أحمد المصرية
أهلا يا قمر
أخجلتم تواضعنا يا فندم
ربنا يكرمك
وتنورينى دااااااااايما
سلامى لأحمد و أم أحمد وأبو احمد
دمتى بخير أختى
جميل اوي انا معاكي للاخر
دي اول زياره انا بجد مستمتع
ربنا يوفقك
اتمني زيارتك
bar2ash
أهلا بك يا فندم لأول مرة فى مدونتى
سعيدة باستمتاعك وأتمنى دوام التواصل والمتابعة
دمت بخير أخى
اسلوبك جميل
بيعالج المشاكل باسلوب ساخر
تحياتى
احمد سكر
الظاهر ان سناره عمنا عبده طناش غمزت
وهيخطب البنت ذات ال 26 ربيعا
عموما اتوقع ذلك
وربنا معاك يا طناش
تابعى يا سالى مدونتك جميله
سكر
عودا حميدا اخى الفاضل
يارب تكون وُفقت فى رحلتك
ميرسى على ذوقك
وأرجوا الله ان يوفقنى فى تحقيق الهدف الذى أنشده من هذه الحلقات وان نتحول جميعا إلى الأفضل
دمت بخير أخى
فرنسا هانم
فرنسا هانم عندنا .. يا مرحبا يا مرحبا
أتمنى أن يصدق توقعك
يمكن حاجة تفرحنا فى الأيام الغريبة دى
ميرسى على ذوقك وزيارتك
واتمنى ان تتابعينى دائما
دمتى بكل خير
باين علية ابتدى يفكر فى الجواز
بس عارفة عزيزتى سالى
اللى عايز يحوز الايام دى
لازم يكون مكافح ويختار واحدة مكافحة زية
تحياتى
tamer nabil
أهلا بك أخى الفاضل
ومين مش بيفكر فى الجواز
المهم ربنا يوفق
والحقيقة دلوقتى اختلفت المقاييس شوية
مش بس بيدوروا على المكافحة
فيه كتير بيدوروا على الجاهزة خاااااالص وهتساعد وتصرف على جوزها كمان
وياما فى الدنيا عجايب
دمت بخير
قصة جميلة وبتعبر عن حالنا وحالة الطناش اللى عايشنها
بجد كان لى حلقة امبارح تخيلى تانى حلقة لى وماسمعاهاش وتحياتى لك والف شكر انك قلتى لى
الفكره حلوه و طريقه عرض لذيذه ربنا يعينك و تشريفك ليا كل شويا في المدونه حاجه كبيره
رئيسة حزب الاحلام
أهلا يا قمر
ميرسى ربنا يخليكِ ده من ذوقك
آه والله سمعت البرنامج امبارح
هو فعلا بييجى فى ميعاد مش حلو الناس بتكون يا إما فى الشغل ياإما نايمة
بس البرنامج خفيف اوى و مفيد
العفو يا قمر بتشكرينى على ايه
انتى اللى شرفتينى بزيارتك
دمتى بخير
سالى
dr. adham
أهلا بك أخى الفاضل
ميرسى على كلماتك الرقيقة
وعلى ذوقك
اتمنى دوام المتابعة
دمت بخير اخى
سالى
مش كنتى تكملى انا قلت خلاص هيخطبها او حتى يروح يتكلم عليها
عموما فى انتظار الباقى
monaliza
أهلا يا قمر
هى بالسهولة دى
ما كانش حد غلب
ههههههههههههههه
على العموم كله هيبان
منورانى يا موناليزا
دمتى بخير أختى
ربنا يوفقك ياعبده
وتلاقي بنت الحلال اللي تشيلك وتستحملك
دكتور بهدوء
اهلا بك اخى الفاضل
دعواتك
ربنا يوفق كل شباب مصر والعرب يارب
اللهم آمين
شرفتنى بوجودك أخى الكريم
دمت بخير
السلام عليكم
شرفتي ونورتي مدونتي
واتمنى دوام التواصل
متااااااابعة حكاياتك
عسولة واسمك غالي علي ربنا يبارك فيكي يارب
تحياتي
الحلقه الجايه امتي
انا عامل زي اللي مستني مسلسل
prison break
سلاموووووووز
بسم الله ماشاء الله حكايتك لها معنى يا أختى ساللى لكن نصيحه من أخوكى حاولى تحطى فيها شوية اثاره أكتر يعنى زودى فيها البهارات والتوابل
ولكن على كل جميله
تحيــــاتى
المصـــــــــــرى
nonoymm
أهلا بك اختى الغالية
شرفتى مدونتى
متحرمش منك يا قمر
أتمنى متابعتك دائما
دمتى بخير أختى
bar2ash
الحلقة الجاية ان شاء الله قريبا
هههههههههههههه
بريزون بريك مرررررة واحدة
دى مجاملة غالية أوى
ميرسى
ودمت بخير
almasry
أهلا بك أخى الفاضل
ميرسى خالص وان شاء هاخد بنصيحتك بقدر الامكان
نورت مدونتى
واتمنى دوام التواصل
دمت بخير
Really beautiful post!
Excellent!
Bay
david santos
Thanks alot sir
regard
عبده طناش ده اخو سليمان ولا علي باله .........
بجد تحفة حتي اختيارك للاسماء
سالي هانم
وحشتني تعليقاتك
فينك من زمان والله المدونه كانت منوره
هستناكي
سلاااام
جميل الحوار
ما شاء الله عليكي
بس بتشيلينا همهم ياسالي
وهم كل الشباب اللي زيهم
ربنا يفرج كرب كل الشباب
ويعفهم اللهم امين
تحياتي ليكي ياجميلة
miss sosa
اهلا يا قمر
ايه ده انتى عارفه العيلة دى ولا ايه ؟؟؟
هههههههههههه
منورة يا قمر وميرسى على ذوقك
دمتى بخير
bar2ash
تمام يا فندم
روحت وجيت
حتى اسأل عم على الفراش
دمت بخير
ro7
أهلا يا قمر
ربنا يخليكى ويكرمك
معلش بقا شيلتك همومهم بس ده شئ طبيعى اننا نزعل عشانهم
ما احنا منهم وهما منا
هما اخواتنا وولادنا وقرايبنا وجيراننا
ان شاء الله ربنا يصلح الحال ونفرح عشانهم
نورتينى بجد
دمتى بخير اختى
جميلة يا سالي أوي
أسلوبك جميل في السرد
زي المسلسلات
هايلة
و منتظرين و هنتابع
إن شاء الله
إحترامي و حبي
:)
والقادم ...أجمل
أهلا يا قمر
ربنا يخليكى على كلماتك الرقيقة دى
شرفتينى ونورتينى
وأتمنى متابعتك ان شاء الله
دمتى بخير
سالى
اممممممممممم
فين بتاقى الحلقات
هو عايش مش لاقى مكان فى الطياره
لو فى حاجه مدايقاه فى المطار
عرفينى بس
تحياتى
احمد
سالي قولي لعبده يدور لطهقان معاه على شغل
بس يكون في الصومال
اوروفوار
سكر
الحلقة الجديدة هتنزل حالا ان شاء الله
دعواتك بس تنزل بالسلامة
لان النت عندى صحته مش أد كده اليومين دول
دمت بخير اخى
طهقانة
اهلا يا قمر
انتى خلاص رفعتى الراية البيضا ولا ايه ؟؟؟
والصومال مرة واحدة
؟؟؟؟؟؟؟؟؟؟
على العموم لو عبده طناش رايح هابقى اوصيه
انت تؤمرى يا طهقانة
دمتى بخير اختى
جميلة اوى على فكرة انتى موهبوبة فى العامية
بس اخويا عبدة تعبان اوى...
بس جميلة بجد
elgazaly
أهلا بك اخى الفاضل
ربنا يكرمك ده بس من ذوقك
فعلا عبده تعبان اوى
ربنا يصلح حاله وحال اللى زيه ان شاء الله
نورتنى بجد
دمت بخير اخى
عبده طناش فكرني بعبده برمجة بتاع دار لؤلؤة
بس الموضوع ظريف جدًا ودمه خفيف
انا كنت تايه عن البلوج ده فين بس
ولسه ياما هنشوف
واضح ان عبده ده نسخه تانيه من مواطن الاستاذ خالد الصفتي المطحون بس على شياكة شوية
بانتظار الجاي
كوارث
أهلا بك يا فندم فى مدونتى لأول مرة
بس مين عبده برمجة ودار لؤلؤة ده ؟؟؟
بالنسبة للمواطن المطحون عبده طناش مش زيه خالص العامل المشترك بينهم بس هو الوظيفة الحكومية ولسه هيبان فى الجاى ان شاء الله
نورت مدونتى
دمت بخير
Post a Comment