Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Tuesday, April 29, 2008

لو محدش رد علينا .. هنشيل المصنع بإيدينا






تدفق حشد من أبناء مدينة دمياط من الساعة العاشرة والنصف صباحا وحتى الساعة الواحدة ظهراعلى طول كورنيش النيل وحتى مبنى محافظة دمياط .. هاتفين " بالروح بالدم نفديكِ يا دمياط " .. وبعد قرابة الساعة من التجمع خرج إليهم محافظ المدينة معلنا إياهم عبر الميكروفون بأن سيادة الرئيس محمد حسنى مبارك أبلغه بوقف العمل فى مصنع السماد على أرض دمياط وتحديدا بالقرب من مدينة رأس البر نزولا على رغبة الشعب الدمياطى الذى يرفض وباصرار إقامة هذا المصنع القاتل وسيتم نقل المصنع إلى منطقة العين السخنة بمدينة السويس ..وبناء على هذا تم إلغاء زيارة معالى رئيس الوزراء والوفد المصاحب له لاقناع الشعب بالمشروع
كل الشكر لسيادة الرئيس : محمد حسنى مبارك
و لمحافظنا الراااائع : محمد فتحى البرادعى
ولأبناء دمياط المخلصين ونوابهم الشرفاء
وكل من ساندنا وساهم معنا فى رفض المشروع قولا وفعلا
سالى
بنت دمياط
29/4/2008

===============================================================
.
.
.
والتى قمت بنقله عنها إليكم





بالــــــــــــــروح بالــــــــــــدم نفديــــــــــكي يادميــــــــــــــــاط
يامبــــــــــــــارك خد قرار الدمايطـــــــــة في الانتظــــــــــــار
لو محدش رد علينا هنشيل المصنــــــــــــع بايدينــــــــــــــــــا
لا للمصنـــــــــــــــــــــــــــــــــع لا للمصنـــــــــــــــــــــــــــع
لا للمـــــــــــــــــــــــــــــــــــــــــــوت لاللمــــــــــــــــــــــــــــوت
يميــــــــــــــن شـــــــــمال المصنـــــــــــــــــــــــع هيتشــــــــــــــال



النهاردة بجد كان يوم تاريخي لشعب دمياط كله
في ناس مش فاهمة هو في ايــــــــــــــــــه؟؟؟؟؟؟؟؟
أقول تاني ليه لاء؟؟؟؟ كل دمياط معترضة علي اقامة مصنع تابع لشركة اجريوم الكندية بالقرب من مدينة راس البر الدمياطية الساحلية نظرا للاخطار والاثار السلبية علي البلد كلها
وبعديــــــــــــــــــن
يوم الثلاثاء الموافق29 ابريل كان يوم الثورة والغضب وفعلا كانت ثورة وكان الغضب
صحيت الصبح بدري الساعة 10 ونص لبست أسود في أسود ونزلت ركبيت المكروباص قلتله البوسطة ياأوسطي نزلت عند البوستة لاقيت الدنيا فاضية الا مجموعة سيدات لابسين اسود في اسود زيي ندهوا عليا
قلتلهم انتم هنا عشان المصنع قالوا ااااااااااه قلت خير قعدنا كلنا علي الارض نتكلم في الموضوع وبعدين بدات الناس تيجي رجالة كتيرة شايلين يفط مكتوب عليها تنديدات باقمة المصنع في دمياط لافيت بعنيا في المكان لاحظت حاجة غريبة مفيش محل الا وعلق ورقة علي بابه لا للمصنع الموت في دمياط مفيش عمارة الا ونازل منها قماشة طويلة مرسوم عليها علامة الموت لا للموت لا للمصنع مفيش عربية او تاكسي او حتي ميكروباص الا والورقة موجودة وملزوقة فيه
المهم فضلنا واقفين وسيدات كتيرة جداا بصراحة ام جاية ومعاها اربع اطفالها صغيرين جدااا سيدة عجوووووووووزة جدااااااااااا موجودة معانا المهم بدا الامن ييجي علينا يالا ياجماعة من هنا المصنع خلاص اتلغي وصدر قرار بكدة روحوا هاتوا المصري اليوم هتلاقوا الخبر طبعا محدش صدق وفجاة صرخت اول سيدة من الخلف لاللمصنع لا للمصنع والكل وراها يهتف وبدانا المسيرة من حديقة البوسطة متوجهين ناحية مبني المحافظة الامن حاول يعمل ستار حاجز لكن معرفش واستمرينا في المشي والاعداد تتزايد بسرعة رهيبة عينيا مكانتش قادرة تحصر الاعداد لانها فعلا كانت بالالاف والاعلام كان موجود ومكثف جدااا لغااااااية ماوصلنا مبني المحافظة واحنا بنهتف وعند المحافظة بدات عظمة شعب دمياط تظهر بكل طوائفه وعلي راسهم محافظ البلد
وصلنا المحافظة وقفنا وصوت هتافنا بيعلي
وفجأة
لاقيناه خارج بنفسه قدامنا بقي واحد مننا واقف وسطنا مين هو المحافــــــــــــظ الدكتور فتحـــــــــي البرادعي بنفسه وقف يكلمنا ويهتف فينا الحقيقة انا كنت بعيد مكنتش سامعة هو بيقول ايه ومن بعده وقف نواب الشعب يكلمونا وبرده مكنتش سامعة والهتاف استمر وتعالت الاصوات عاوزين قرار عاوزين قرار لومحدش رد علينا هنشيل المصنع بايدينا والناس كلها قالت مش ماشيين لغاية مايصدر قرار وقعدوا علي الارض كلهم والظهر اذن صلوا جماعة
موقف غريب لاقيت رجل عجوووووز بلامبالغة لما ااقول 80 سنة صوته مش طالع وبيزعق جامد في ايه ياحاج بيكذبوا علينا بيقولوا انه وقف وكل يوم الساعة 2 باليل نسمع اصوات المعدات شغالة فرحت بيه قوي فرحت بكل الدمايطة
فجأة لاقيت تصقيف عالي وصفيروالناس بتوسع الطريق ودخل مجموعة اطفال في قلب الاعتصام رافعين نعش اه والله لاء كمان نعشين مغطينهم بالاسود ومكتوب عليهم مدينة دمياط مدينة رأس البر أغيثووووووووونا
والصراحة كان مشهد راااااائع اثار الحماس في الناس اكتر واكتر دخل المحافظ مبني المحافظة ساعتها انا كنت قربت جدااا من
الصوت وبدا يتكلم من مكبر صوت واعلنها رسمي

يا اهالى دمياط الكرام انتم ضربتم اعظم مثل وبفضل جهودكم واتحادكم صدر قرار نهائي بوقف المصنع مش هيقام في راس البر ولا في اي جزء من مدينة دمياط وسمعنا كلام ان يوم السبت واحد مايو يوم عيد العمال الريس شخصيا هيذيع ان المصنع اتنقل من دمياط

رسميا وقعد يحمس الناس ويشجعها ترجع لشغلها وماتضيعش وقتها

وبدأت الناس تهدا وقعدنا نقول لبعضنا احنا نصدق كلام المحافظ ونمشي لانه بجد راجل محترم واكيد بيحترم كلمته ولو طلع كلام بيضحكوا بيه علينا المرة الجاية بقي علي المصنع فورااااااااااا
وفعلا بدانا ننسحب بهدووووء روحت البيت مش قادرة من التعب والهتافات لسة بتتردد في دماغي
للاسف مكانش معايا كاميرة اصور ولا حتي موبايل بكاميرة لكن اكيد في صور كتير جدااا هحصل عليها وهنشرها
نسيت ااقول ان احنا قررنا يوم الغضب يكون النهاردة لان كان في لجنة صحة من مجلس الشعب مقرر ليها انها تيجي النهاردة تعاين الموقف لكن للاسف اللجنة مجاتش سمعنا اقاويل بتقول انها اتمنعت من المجيء واقاويل تانية بتقول ان قرار النقل صادر من امبارح عشان كدة مجيئها مابقالوش لازمة الله اعلم الحقيقة فين بالظبط
المهم ان شعب دمياط كله ضرب اعظم مثل واحترم كلمة محافظه وانصرف ولعلها تكون الاخيرة لان الصرخة القادمة ان كانت هناك معارك قادمة ستكون صرخة الدمــــــــــــار



بنت دميــــــــــــاط أنــــا
سعيــــــــــــــدة
بشعبـــــــــــــــي
المتحضــــــــــــــر
وخصوصـــــــا
بالسيــــــــدات






لبنت الإسلام كل الشكر على هذه التغطية الراااااائعة



دمتم بكل الخير



Sally

24 comments:

مواطن مصرى نايم said...

انتى ليه لاغية التعليق فى اخر بوست
عموما شعب دماط شعب جدع
و المحافظ جدع
و بجد نفسى كل الشعب يقف وقفه كده قدام الظلم
تحياتى ليكى

المنسى said...

مليووووووووووووووووووووووووووووووووووووووووووووووووووووووووووووووووووووووووووووووووووون
مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووك
وفعلا تستحقوه وعن جدارة انا سعيد بدمياط أوى وبمصر أوى وحاسس فعلا إننا بنعمل حاجة وفعلا بنتغير
يارب يوفق كل المصريين إلى ما يحب ويرض اللهم آمين
تحياتى

mohand said...

انا قريت في المخصري اليوم ان المصنع مش هيتعمل عندكم

ولجنة الصحة مراحتش عشان كده

ربنا يوفقكم اللهم امين

تحياتي

رئيس جمهوريه نفسى said...

العزيزه سالى
اولا الف مبروك الغاء المشروع ونقله من محافظه دمياط وانا بجد بحى المحافظ على اصراره لمنع المصنع انا قريت عن الموضوع من اول ما ابتدى وعملت البوست فى الوقت ده لسبب لما قريتى حجم الدمار والارقام الى فى المقال
ثانيا: تفتكرى انى ده حل هل كل شعوب مصر ومحافظتها زى شعب دمياط للاسف فى محافظه قنا مركز قوص فى مصنع لب الورق بينتج مواد كيماويه بتتصرف فى مياه النهر للاسف الشديد نسبه الفشل الكلوى والامراض السرطانيه ذات بعديه فان عارف حجم المشكله بيكون ايه وبيوصل لاى مدى
ثالثا: للاسف المصنع حيستمر العمل فيه فى منطقه تانى ومش حيلاقو الى يقلهم لا
ملحوظه على جنب احياكى على متابعتك للموضوع سيبى الانترنت واشتغلى صحافه

Sally said...

مواطن مصرى نايم

أهلا بك أخى الفاضل
انا مش لاغية التعليق فى آخر بوست .. لأنه مش بوست أصلا ده
text من Add page element

كتبته باستعجال بعد ما شوفت المنظر من البلكونة
بجد حاجة تفررررررررررح

الله يكرمك وعقبال فرحة مصر كلها
يااااااااااااااارب


دمت بخير أخى
سالى

Sally said...

المنسى

الله يبارك فيك اخى الفاضل
وحاسة بسعادتك بدمياط
لأنى كدمياطية فخورة ببلدى جدااااااااااااااا

ربنا يتقبل منك ويفرح كل مصر
اللهم آمين

دمت بخير اخى

سالى

Sally said...

mohand

آه فعلا الخبر جه فى المصرى اليوم النهارده
وفى برنامج 90 دقيقة امبارح
بس الكلام ده اتقالنا قبل كده فى القاهرة اليوم وبرضه فى المصرى اليوم وبعدين طلع مش صحيح

لكن النهارده الوضع مختلف بعد خروج الشعب لاعلان رفضه القاطع
وبيان محافظ المدينة للحشد الكبير من أهالى دمياط

أشكرك اخى الفاضل
دمت بخير

سالى

Sally said...

رئيس جمهورية نفسى

أهلا بك أخى الفاضل
الله يبارك فيك وفى مصر كلها
محافظنا ده احنا بنحبه جدااااااا ربنا يخليهولنا يارب ويفضل معانا على طول


كلمة واحدة أقدر أرد بيها
إذا الشعب يوما أراد الحياة .. لابد ان يستجيب القدر

طول ما فيه إرادة مفيش مستحيل

انا كتبت الموضوع اللى فوق اللى بعنوان " آخر الأخبار حصريا
أما البوست ده فيرجع الفضل فيه للاخت العزيزة بنت الاسلام اللى كاتبة اللينك الخاص بيها فى البوست

أما الصحافة
فأنا رئيسة تحرير مدونتى
هههههههههههههههههههههه

دمت بخير أخى
سالى

همس الاحباب said...

الف مبروك على الغاء المشروع
ودايما دمياط فى تقدم وازدهار
تحياتى
خالد

Sally said...

همس الاحباب

أهلا بك أخى الفاضل
الله يبارك فيك
ويتقبل منك
وعقبال مصر كلها لما تفرح زينا
ويارب ربنا يكمل فرحتنا على خير ويتنقل المشروع ده بقا من عندنا

دمت بكل الخير أخى
سالى

Kazilar said...

See Please Here

Tamer Nabil said...

الف الف مبروك

على قرار شيل المصنع


تحياتى

Sally said...

tamer nabil

أهلا بك اخى الفاضل
الله يبارك فيك ويكرمك

منورنى دايما

دمت بخير
سالى

Sally said...

kazilar

أعتذر عن عدم الدخول الى اللينك الذى اشك شكا يصل الى حد اليقين انه فايروس
واتمنى من أعزائى المدونين ألا يدخلوا اليه

لو عندك حاجة تحب تقولها أهلا بك
ان لم يكن فلا مكان لك هنا

mohand said...

ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي

Sally said...

mohand

أهلا بك أخى الفاضل
لسه راجعة من مدونتك حالا
شرفنى اهتمامك برأيى

دمت بخير
سالى

DR_adhm said...

أنا فرحان أني لقيت بنت بلدي ايه رأيك نعمل حمله علي النت لأن الموضوع مش واخد حقه أوي
محمد الأدهم

Sally said...

dr. adham

اهلا بك أخى الفاضل
الحمد لله على أد كده
المهم بس الكام يتنفذ وميرجعوش فى كلامهم تانى

دمت بخير اخى
وسعيدة انك ابن بلدى

سالى

دكتور بهــدوء said...

انا كنت متابع الموضوع اول باول ع القاهره اليوم



والله وعملوها الرجاله

Sally said...

دكتور بهدوء

اهلا بك اخى الفاضل
الحمد لله الذى يسر لنا هذا الامر العسير

شرفنى مرورك اخى
دمت بخير
سالى

monaliza said...

الحمد لله انهم استجابوا لطلبهم ورغم انى دقهلاوية الا انى كنت معاهم جدا ورافضة فكرة المشروع لانى من عشاق راس البر
مبروك علينا جميعا

Sally said...

monaliza

أهلا يا قمر
انتى بجد دقهلاوية
جارتنا يعنى
هههههههههههههه
الحمد لله والله كنا هنضيع فى الصيف أصلا
وراس البر كانت هتفضى خااااااالص
الحمد لله

منورانى يا جميل
دمتى بخير
سالى

هيثم الدهشان said...

تحية من القلب لاهل دمياط واتحادهم ووقفتهم الرائعه

تقبلى تحياتى

Sally said...

هيثم الدهشان

أهلا بك أخى الفاضل
أشكرك كثيراوان كان القلق لا يزال يساورنا ونشم فى الأفق روائح غير مطمئنة
ربنا يستر

دمت بخير أخى

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger