Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Sunday, May 18, 2008

أول تاج .. تاج الاحلام



زغرودة حلوة رنت فى بيتنا

لا لا زغرودة ايه ... ده انا هعمل وليمة عظيمة عليها القيمة

ولا ايه رأيكوا اتبرع بنص ثروتى للجمعيات الخيرية ؟

لا لا خليها للشئون الاجتماعية

واعمل فرح جماعى لعشر عرايس وعرسان

أصلكوا مش عارفين ايه اللى حصل

عايزين تعرفوا ؟؟؟؟؟؟؟؟؟؟؟؟؟

طب صلوا على النبى عليه الصلاة والسلام

اخيرررا .. وبعد انقضاء ما يقرب من الشهر والنصف فى عالم

البلوجرية .. حدثت المعجزة الإلهية .. وجاءنى على حين غِرة .. تاج البلوجرية

المسمى بتاج الأحلام من الرفيقة الغالية الرقيقة .. رفقة عمر

بينى وبينكم مكنتش متوقعة انه يجيلى بدرى كده .. لأنى لسه جديدة فى عالم التدوين

فكان لازم أعملله حفل خاص يليق بجناب عظمة سيادته

اللى بفضله تم تدشينى بوسام البلوجرية

واصبحت بلوجرية رسمية ميه فى الميه

=*=*=*=*=*=*=*=*=*=*=*=*=*=*=*=*=*=

والآن جاء موعدنا مع إجابة التاج الميمون

أسألكم السكون

اللهم لا سهل إلا ما جعلته سهلا .. فأنت تجعل الحزن ان شئت سهلا

بسم الله الرحمن الرحيم


أذكر خمس أحلام على الاقل ..تخص ماضيك وتحلم فيها بتغيير اشياء
.
ماذا ستعدل وماذا ستترك؟؟
.
يااااااااااااه خمس احلام !!!! .. طب ادعولى افتكر أصل الزهايمر عندى من صفاتى الأساسية .. بس ربنا يسهل وافتكر



فى مرحلة االطفولة كنت بحلم زى اى طفلة انى لما اكبر ابقى دكتورة وطبعا ده اتغير اول ما وصلت للمرحلة الاعدادية .. لانى حولت حلمى على هندسة لغاية اولى ثانوى ثم ابتلانا الله بمُدرسة كيمياء الله يسامحها كرهتنى فى الكيمياء وسنينها مع انى كنت حبيتها جدا فى تالتة اعدادى على وجه الخصوص مما ادى إلى اختيارى القسم الادبى هربا من الكيمياء


وهنا تحول حلمى مرة اخرى ما انا شغالة احلام على ودنه وحلمت بكلية اعلام والصحافة وشجعنى على كده حبيبتى مُدرسة اللغة العربية اللى كانت متابعة كتاباتى وقصصى البدائية و كانت بتتنبألى أبقى حاجة فى مجال الادب .. مهو الأدب طبعا فضلوه عن العلم ههههههههه

وتم وأد حلمى لدواعى اقليمية .. فمدينتى بعيييييد عن القاهرة وغير مسموح بالسكن فى المدينة الجامعية .. وجاءت اللحظة الحاسمة لاختيار الكلية واخترت تربية لغة فرنسية لانى كنت بحبها فى ثانوى واحببتها وتفوقت فيها وكنت من اوائل دفعتى واستمرت كتاباتى الشعرية .. وبعد التخرج لم أجد عملا "" عاااااااااااادى " فدرست الحاسب الآلى واشتغلت مُدربة .. وبعد الزواج تفرغت للبيت وللبيبى ثم انضممت إلى صفوف البلوجرية ههههههههههههه

رغم احساسى انى لم احقق بعد ما تمنيت تحقيقه .. إلا انى سعيدة بالتجربة اللى خضتها والحمد لله لأنى حاولت بقدر الامكان التكيف مع كل الظروف اللى مريت بها ونجحت فيها .. وسعيدة خصوصا بمرحلة التدوين الحالية لانها جزء من احلامى القديمة

عفوا الذاكرة ممتلئة .. يرجى حفظ ما سبق فى مكان آخر وإلا سيقوم العقل بحذفه تلقائيا بفعل الزهايمر هههههههههههههه
بصراحة معدتش قادرة افتكر حاجة

=*=*=*=*=*=*=*=*= *=*=*=*=*=*=*=*=

.
أذكر خمس أحلام على الاقل ..تخص مستقبلك
.

المستقبل بيد الله .. بس على كلٍ

اول حاجة بحلم بها وبتمناها جدااااااا وشغلانى جدا جداااااااااا هى حسن الخاتمة .. لان زمننا ده صعب جدا وساعات كتير مش بنعرف أو بمعنى ادق مش بيكون عندنا البصيرة اننا نحدد اللى بنعمله ده صح ولا غلط .. حلال ولا حرام .. لان فيه حاجات كتير اوى دخلها شُبهات والمدنية و التكنولوجيا جابت معاها مشاكل كتير جداااااااا وذنوب كبيرة جداااااااا ممكن نكون بنعملها ومش حاسين بها زى مثلا الاختلاط فى الجامعة أو فى العمل او فى وسائل المواصلات اللى بيكون فيها خلوة زى التاكسى مثلا .. والاكرامية اللى كان اسمها زمان رشوة بس اترقت حاليا ..بجد ربنا يستر ويجنبنى واياكم شر الفتن ما ظهر منها وما بطن

بحلم أن يوفقنى الله لأكون لزوجى الزوجة الصالحة .. ولابنى الام الحنونة المعطاءة الحكيمة وأقدر أربيه بمساعدة زوجى على طاعة الله وحب رسوله وحفظ القرآن الكريم .. وعلى اكتساب المهارات المختلفة لتعينه فى حياته المقبلة ان شاء الله .. وان اكون بارة بأهلى لآخر يوم فى عمرى

بحلم ان يرزقنى الله بمال يكفى لإنشاء مشروعات خيرية لمساعدة أبناء المسلمين من تحفيظ قرآن وتعليم مهارات حاسب آلى ولغات وايجاد وظائف عمل بدخل جيد " مش محدود " وتجهيز عرايس وعرسان وتزويجهم وكفالة أيتام وتجهيز مراكز خاصة للمعاقين وللصم والبكم و..و .. و ... ياااااااااااه بس الفلوس تيجى وانا أظبطكم عالآخر

بحلم أشوف بسمة رضا على وجوه أفراد الشعب المصرى كله .. نفسى أشوف الناس ماشية سعيدة ومبسوطة وراضية ومش شايلة هم حاجة خااااااالص

بحلم بحاكم زى عمر بن الخطاب وعمر بن عبد العزيز يمشى وسط الناس فى الشارع يطمئن على احوالهم من غير لا حراسة ولا مواكب ولا أبراج عاجية .. ويكون آمن ومطمئن والناس حواليه فرحانين بيه ويتمنوا لو يفدوه بالروح والدم بجدددددددد

بحلم أحقق ذاتى من خلال مدونتى وأقدر أساهم فى حل بعض المشاكل ولو حتى بإنى أدى بارقة أمل أو دفعة ثقة بالنفس لأى شاب او فتاة

بحلم أحج أو حتى أعتمر انا وأهلى و زوجى وابنى كلنا كده مع بعض وأن يكون الحج مبرور .. والذنب بإذن الله مغفور
=*=*=*=*=*=*=*=*= *=*=*=*=*=*=
.

أذكر شخصين على الأقل .متواجدين فى حياتك حاليا
.
كنت تود وجودهم قبل الآن بزمن
.

اممممممممممم
والله انا مؤمنة جدا أنه لا تخطو قدم عن قدم إلا بإذن الله عز وجل .. وان كل شئ فى حياتنا مُقدر بأجل مسمى لا يُقدم ولا يؤخر
بس لو مصممين يعنى .. يبقى زوجى وابنى
ومدونتى .. اللى بعتبرها بجد صديقتى الانتيم
.
=*=*=*=*=*=*=*=*=*==*=*=*=*=*=*=
.
أذكر شخصين على الأقل غير متواجدين فى حياتك حاليا كنت تود وجودهم الان
.
او فى حياة اولادك مستقبلا

جدى وجدتى وحمايا الله يرحمهم
كان نفسى اوى يحضروا فرحنا ويشاركونا فرحتنا باول مولود ويكبر وسطهم ويدوله خبراتهم ونصايحهم
ويسمع حكايات جدى وجدتى زى ما كانوا بيعملوا معانا واحنا صغيرين
=*=*=*=*=*=*=*=*=*=*=*=*=*=*=*=*=
.

الحمد لله التاج خلص
بس كان تاج حلو بصراحة فكرنى باحلامى وحسسنى ان الزهايمر لسه متمكنش منى بالدرجة اللى كنت متصوراها الحمد لله يارب

أمرر التاج لمين .. استعدوا يا حلوين
هستثنى اللى عندهم امتحانات عشان مشغلهومش عن المذاكرة وربنا معاهم

روح
رئيسة حزب الاحلام
همس الاحباب
عاشقة النقاب
Monaliza
أحمد سكر
عبده الرايق
خالتى فرنسا هانم
Zianour
بنت الإسلام
المستنصر بالله
Tamer Nabil
أم أحمد المصرية
فاتيما
واحد من البلد دى
رئيس جمهورية نفسى
المنسى
جيهان على
Miss sosa
طارق الغنام
.

ابقوا عرفونى لما تجاوبوا عليه .. ماااااااااشى؟؟؟
وكل اللى عايزه يتفضله هديه بسيطة منى .. اتمنى ان تقبلوها

دمتم بكل الخير




80 comments:

همس الاحباب said...

احجز اول تعليق
واجى تانى اشوف الاحلامالاول

همس الاحباب said...

الله عليكى احلام جميلة قوى
وربنا يوفقك فى تحقيق احلامك المستقبلية
وجميلة قوى المقدمة اللى قبل التاج
بس بجد مبروك عليكى التاج
بس حرام عليكى التدبيسة دى انا مش حمل احلام يا ختى
هههههههه
تحياتى وتقديرى
خالد

Sally said...

همس الاحباب

اهلا بك يا فندم
منورنى
مستنياك

Sally said...

همس الاحباب

ميرسى ربنا يخليك
يااااااااااااااااااااااارب يسمع منك ويحققلى احلامى ياااااارب

الله يبارك فيك ويكرمك بس مفيش زوغان
اتدبست خلاص
هههههههههههههههه
على الاقل نعرف احلامك لهمس ربنا يخليهالك يارب

دمت بخير اخى
نورتى
سالى

أم أحمد المصرية said...

حبيبتي الموهوبة سالي اولا شكرا علي التهنئة و شكرا علي التاج ان شاء الله حجاوبه و ابلغك ما تحرمش من الصداقة الجميلة
ثانيا وده الاهم تصدقي احنا طلعنا شبه بعض جدا جدا من اول الاحلام لحد الواقع بس مش حقعد اقولك دلوقت حتعرفي ن التاج ان شاء الله
و في الختام لك قبلاتي و سلامي لعبده طناش انا مستنياه:)

واحدة مفروسة said...

احلام جميله
يارب للى نفسك فيه كله يتحقق و يتحقق اكتلر منه كمان

nonoymm said...

السلام عليكم حبيبتي
ربنا يبارك لك في ابنك وزوجك يارب وتعينيهم على طاعة رب العباد بس انا وانتي كدة متفقين في كتير من احلامنا بس انتي نسيتي حلم اكيييييييييييد ولازم تكوني بتفكري فيه ولا افكرل انا
تجيبلنا بقى بلوجرية صغيرة ولا بلوجري صغير يلعب مع ابنك امال اخ ولا اخت ربنا يديكي يارب ويعطيكي ما يحرمك ابدا والحمد لله التاج دة بيحبني وكل حبايبي عمالين يمرروه ومادام بتفرحي بالتاجات خلاص كل تاج تلاقيه عندي على البركة تيجي تشيليه
تحياتي وتقديري حبيبتي

ايمان العزب said...

عزيزتى سالى
هذه اول زيارة لى وارجوان نكون اصدقاء، زيارتى اليوم لمدونتك هيجت جوايا الحنين وبالذات عند موضوع المصنع
والداى الكرام بعد اربعين سنة اخيرا اشتروا شقة جديدة فى دمياط الجديدة وبعد مافرحنا انهم هيبعدوا اخيرا عن الصخب والروائح ايها فى شارع عبد الرحمن يطلع لنا المصنع الى هيوزع الموت على الدمايطة بالتساوى
انا متزوجة فى الزقازيق من سنة 90 ورغم انى اخدت الجنسية الا ان حنينى لمسقط رأسى لا يتوقف خصوصا لما يبقى ليهم مواقف مشرفة كلها عزة وإباء
معلش معلقتش على احلامك اصل الحنين خدنى هناك
ربنا يعينك على تحقيق حلمك الى استقريتى عليه اخيرا وجميل ان الواحد يكون مرن مع ظروفة ويرضى بالواقع ويتعامل معاه
مش غريبة الدمايطة عمليين
بحبك فى الله

bastokka طهقانة said...

انا كمان بحلم بموضوع المشاريع اللي تفيد الناس دي زي دار ايتام و مشغل و دار رعاية مسنين
ربنا يجزيكي خير على شعورك الجميل ده و يحقق لنا كل احلامنا

اوروفوار

mostafarayan said...

ربنا يحققلك كل احلامك

رفقة عمر said...

ماشاء الله اجاباتك جميله قوى
واحلامك رائعه اتعلمت منها معاكى وهاحلم نفس احلامك

بنت الاسلام said...

سالي


ردودك جميلة ماشاء الله

ومع انه تاج صعب

الا انه صعب مش ااقبله

ده تاني تمرير ليا من التاج ده


يبقي اكيد هعمله


تحياتي

عاليا حليم said...

ربنا يحققلك كل احلامك

رئـــــيسـة حزب الأحلام said...

اولا اجاباتك على التاج جميله
بس ليه كدة دة لسه مفلفصة منة
على العموم انا هحاول افكر فية
بس لو ماعرفتيش اعذرينى
تحياتى لكى ياقمر

فاتيما said...

سالى
احلامك كلها جميلة و مشروعة و فيها تلامس مع الناس عموا قرايب أو غرب
بس اكتلر حلم عجبنى قوى هوه حلم الحاكم العربى اللى يشبه عمر بن الخطاب و لو من بعيد ....
ساعات أحس أن حسن نصرالله فيه مسحة منه و عشان القوة اللى فى أفعاله و الصدق بتاعه بحبه
و بتمنى كل بلد عربى يكون فيه حد كدا
تحياتى يا جميلة
و من عينيا هجاوب بس أعمل بوست ليوسف قبلى

جيهان علي said...

السلام عليكم ورحمة الله وبركاته

يااااااااااه ده تاجد صعب جدًا ومرهق بجد
لكن اجابتك كانت جميلة جدا

هاحاول بإذن الله أرد عليه في اقرب وقت

شكرا لكِ

وتحياتي

Sally said...

ام أحمد المصرية

أهلا يا قمر
لا شكر على واجب يا جميل انتى بجد من الناس اللى بحبهم وبحترمهم
ويشرفنى جدااااا ان احلامنا تبقى متشابهة وعلشان كده هستنى أحلامك فى اقرب وقت ان شاء الله
عبده طناش بيبعت لك السلام وبيقولك مبرووووووك وانه كان ناوى يا خد الآى سى دى ال بس طنش
هههههههههههههه

نورتينى
دمتى بخير اختى
سالى

Sally said...

واحدة مفروسة

أهلا يا قمر
متحرمش منك يا جميل
ربنا يسمع منك يارب
ولك بالمثل ان شاء الله

نورتينى
دمتى بخير أختى
سالى

Zianour said...

اهلا يا سالي يا جميلة وشكرا يا ستي على التاج اللي دبستيني فيه وربنا يستر بقى هاحاول اجاوب عليه بس شكلي كده هاغش منك حاجات كتيرة.. !!!
ربنا يسعدك ويفرح قلبك..
تحياتي
زيانور

Sally said...

nonoymm

وعليكم السلام ورحمة الله وبركاته
أهلا بك يا قمر
ربنا يتقبل منك ياااااارب ولكِ بالمثل ان شاء الله
ده يشرفنى يا جميل اننا نتفق فى احلامنا
أن أن أأأأأأأأأن
أكيد بحلم ان شاء الله بس بينى وبينك لسه خايفة .. فعاملة مش واخدة بالى هههههههه
مبروك عليكى كل التيجان اللى بتتمررلك يا قمر انتى تستاهليها والله وزيادة
متحرمش منك أبدا

دمتى بكل الخير
سالى

Sally said...

إيمان العزب

أهلا بك يا قمر لاول مرة فى مدونتى
ويشرفنى جدا ان نكون اصدقاء
ده كفاية اننا دمايطة زى بعض
متفكرنيش بالمصنع
ده لغاية دلوقتى مفيش جديد بعد ما ضحكوا علينا وسكتونا وقالولنا هيتشال رجعوا يماطلوا تانى ويقولوا مش هنلاقبله مكان تانى
ربنا يستر بجد
جزاك الله خيرا أختى الجميلة على دعائك
نورتينى

دمتى بخير أختى
سالى

Sally said...

طهقانة

أهلا يا قمر
يظهر ان كلنا بنحلم بالخير
المهم أن تنقضى مرحلة الحلم دى لمرحلة تحقيقه
ربنا يحققلك أحلامك يارب
وأحلام كل الناس الطيبين

نورتينى
دمتى بخير أختى
سالى

Sally said...

mostafarayan

أهلا بك اخى الفاضل
جزاك الله خيرا
ولك بالمثل ان شاء الله

نورتنى
دمت بخير
سالى

Sally said...

رفقة عمر

أهلا يا قمر
متحرمش منك يا حبيبتى
تتعلمى منى انا .. ده انتى الاستاذة
ربنا يكرمك يارب

نورتينى
دمتى بخير أختى
سالى

Sally said...

فاصل قصير يا جماعة
واعود ان شاء الله لاستكمال الردود

دمتم بكل الخير
سالى

دكتور بهــدوء said...

ربنا يوفقك ف باقي حياتك
واجباتك فعلا هاديه جدا
وربنا ينولك كل اللي ف بالك

Sally said...

أعتذر للتاخير

دعونا نكمل سويااااا

Sally said...

بنت الاسلام

أهلا يا قمر
ميرسى يا حبيبتى ربنا يكرمك
آه أكيد طبعا لازمن وحتمن ولابد تقبليه أمال ايه ؟؟؟

نورتينى يا جميلة
دمتى بخير اختى
سالى

Sally said...

عاليا حليم

أهلا يا قمر
ربنا يسمع منك ويحققلك انتى كمان كل احلامك
نورتينى يا جميلة
دمتى بخير
سالى

Sally said...

رئيسة حزب الاحلام

أهلا يا قمر
ميرسى يا جميل على ذوقك
لكن نو نو نو مفيش فلفصة
تبقى رئيسة حزب الاحلام وتفلفصى من الأحلام
دى تبجى عيبة كبيرة جوى

مخمخى كده على مهلك
ومنتظرين احلامك الجميلة

دمتى بخير اختى
سالى

Sally said...

فاتيما

أهلا يا قمر
ده انتى اللى جميلة والله
حسن نصر الله ده انا كنت بحترمه والله من أيام المقاومة اللبنانية بتاعة السنة اللى فاتت رغم انه شيعى بس احترمته كانسان
لغاية ما شوفت له على اليوتيوب فى مصراوى لقاء عامله بيحرف فيه فى القرآن الكريم وبيبدل كلمات مكان كلمات
بجد نزل من عينى الى أسفل سافلين
يظهر ان معدش فيه حد كويس فى الزمن ده

منتظرة اجابتك يا قمر
ومنتظرة قبله البوست الخاص بيوسف حبيبنا كلنا

نورتينى والله
دمتى بخير اختى
سالى

Sally said...

وعليكم السلام ورحمة الله وبركاته

أهلا يا قمر
هوه بس صعب فى اول طلعة بس بعد كده هتفتحى عالرابع هههههههههه

ميرسى يا جميلة على ذوقك
ومنتظرة اجابتك سريعا بإذن الله
ولا شكر على واجب

نورتينى
دمتى بخير اختى
سالى

Sally said...

zianour

أهلا يا قمر
العفو يا جميلة بتشكرينى على ايه بس ؟؟؟
بس احنا كده هنبتديها غش من اولها
طيب غيرى الدعاء بقا
خليه " اللهم قرب ورقة زميلتى منى وابعد عين المراقب عنى " هههههههههههه

ربنا يسمع منك يارب ويسعدك انتى كمان يا قمر ويرزقك ويرزق كل المسلمين بكل الخير

دمتى بخير أختى
سالى

Sally said...

دكتور بهدوء

أهلا بك اخى الفاضل
ربنا يكرمك يارب ويسمع منك ويرزقك بالمثل ان شاء الله

نورتنى
دمت بخير أخى
سالى

عبده الرايق said...

شكرا على التاج وربنا يقدرنى عليه
اجابتك اجابه جميله
لكن انتى قلتى جدى وجدتى وحمايا
اشمعنا مقلتيش حماتى ؟؟؟؟؟؟؟؟
ولا بلاش لحسن ننضرب
تحيه لحضرتك
من طب لهندسه لاداب للغه فرنسيه لمدربه حاسب الى لصفوق البلوجريه
مشواااااااااااااااااااااااار

snohe said...

والله تاج جميل

رئيس جمهوريه نفسى said...

اجباتك جميله والتاج متمرر ليه قبل كده وتمريره مقبوله وحجاوبه ان شاء الله فى ااقرب وقت

Sally said...

عبده الرايق

مستر رايق عندنا يا مرحبا يا مرحبا
العفو يا فندم ده معمول مخصوص عشانك
لا بجد سؤال ميطلعش غير من مستر رايق
هههههههههههههههههه
حد يجاوبه يا جماعة
هههههههههههههههههه
اه فعلا مشوااااااااااار
بس الحمد لله انى وصلت فى الآخر لحاجة

منوررنى
دمت بخير اخى
سالى

Sally said...

snohe

أهلا بك اخى الفاضل
خلاص اتفضله ميغلاش عليك
منتظرة اجابتك عليه

دمت بخير اخى
سالى

Sally said...

رئيس جمهورية نفسى

أهلا بك اخى الفاضل
ميرسى على ذوقك
منتظرة اجابتك ان شاء الله

منورنى
دمت بخير اخى
سالى

أم أحمد المصرية said...

صديقتي سالي انا جاوبت التاج يا قمر و ببلغك زي ماوعدتك شكرا مرة كمان

Sally said...

ام احمد المصرية

ما شاء الله ما شاء الله
أيوه كده آدى الشغل ولا بلاش
جايالك يا قمر حالاااااااااا

دمتى بخير اختى
سالى

monaliza said...

ماشاء الله عليكى
ربنا يحقق لك كل احلامك ويباركلك فى بيتك وفى ابنك ويرزقك حج مبرور قريب ان شاء الله ومتنسيش تدعيلى ههههه
اعذرينى ياسالى ياجميلة فى تقبل التاج لانى ادبست فى تاج قبل كده ولسة لغاية دلؤتى مش عارفة اجاوب عليه فارجوكى تقبلى عذرى
دمتى بخير ياغالية

Sally said...

monaliza

أهلا يا قمر اززززيك
ربنا يكرمك يا حبيبتى يارب ويفرج كربك
بس لا يا ستى مفيش زوغان التاج عندك أهه لما تفضى براحتك وبالك يروق ابقى جاوبى عليه
ماشى يا قمر
ربنا يرزقك بكل الخير
ويفرح قلبك
سالى

Tamer Nabil said...

اجابات جميلة واكثر من رائعة

ربنا يكرمك يارب


لازم اجاوب على التاج


تعرفى بقللى 3 سنين مدون عمرى ما عملت تاج ولاخدتة من حد ههه

ربنا يوفقك

تحياتى

Sally said...

tamer nabil

أهلا بأخى الفاضل
ربنا يكرمك ده بعض ما عندكم يا فندم
ما شاء الله بقالك 3 سنين بتدون
ده انا لسه سامعة عن التدوين قريب ييجى من سنة بس
ده أنا على كده بقا سمعى تقيل أوووووووووووى
ههههههههههههههههههههه

طب الحمد لله ان أول تاج جالك منى
وان شاء الله لو جالى تيجان تانية همررهالك علطول

منتظرة احلامك الطيبة

دمت بخير أخى
سالى

المستنصر بالله said...

الله احلامك كلها جميله ورائعه
رببنا يحققها لكى جميعا
شكرا لتمرير التاج
والحمد لله جاوبت عليه

أبا يحيى وادم said...

السلام عليكمورحمه الله وبركاته
أسال الله ان يحقق لك كل احلامك وامانيك
وان يبارك لك فى اولادك وزوجك ووالديك
والسلام عليكم
اخوك
د/أحمد جمال

زيزو الشقى said...

انا مدون جديد

دى اول زيارة ليا


مدونتك حلوة اوى ودمها شربات

عز الدين


سلااااااااام

Sally said...

المستنصر بالله

جزاك الله خيرا
شفت أول التاج وجاية أشوف الباقى
وألف مبروووووووووووووووووووووووووك
دمت بخير أخى
سالى

Sally said...

أبا يحيى و آدم

اهلا بك اخى الفاضل
جزاك الله خيرا
وتقبل منك
ورزقك بالمثل
اللهم آمين

دمت بخير اخى
سالى

Sally said...

زيزو الشقى

أهلا بك أخى الفاضل
نورت عالم التدوين
منتظرة أول موضوعاتك الصاروخية
ومشاركاتك الدائمة

دمت بخير أخى
سالى

جني said...

أحلام جميلة وردية ربنا يحققلك كا أمنياتك
تحياتي
said

رفقة عمر said...

شكرا ليك سالى على ذوقك ورقتك
جزاك الله خيرا دعواتك
ربنا يكرمك اللهم امين

Sally said...

جنى

أهلا بك أخى الفاضل
ربنا يكرمك ويتقبل منك
ولك بالمثل ان شاء الله

نورتنى
دمت بخير أخى
سالى

رئـــــيسـة حزب الأحلام said...

تعالى شوفى التاج
تحياتى

Sally said...

رفقة عمر

أهلا يا قمررررررررررررر
ألف ألف ألف دشليون مبروك
ربنا يتمم على خير ان شاء الله
يااااااااااارب
بجد الطيبون للطيبات
بارك الله لكما وبارك عليكما وجمع بينكما فى خير

دمتى بخير اختى
سالى

Sally said...

رئيسة حزب الاحلام

جايالك يا قمر
حالا ان شاء الله

جيهان علي said...

نزلت التاج عندي :)

Sally said...

جيهان على

ماشى يا قمر
جايالك حالا

دمتى بخير اختى
سالى

عايش ولكن said...

احلام اتمنى انها تتحقق ليكى
اسعى وراء تحقيقها
فما ضاع حق وراءه مطالب
طالبى بأحلامك حتى تستطيعى تحقيقها
تحياتى
علاء

Sally said...

عايش ولكن

أهلا بك أخى الفاضل
حق لنا ان نحلم
لكن من الصعب أن يكون من حقنا تحقيقه
خاصة اذا كان حلم بعيد المنال
وما بيدى شئ لأفعله لتحقيقها إلا الدعاء
أتمنى ان يتقبله الله منى
لى وللمسلمين

نورتنى
دمت بخير أخى
سالى

اميره الصعيد said...

وبعدين بقه
تالت مره اعلق علي التاج ده
بس عارفه اجاباتك بتقول انك شبهي في موضوع تغيير الاحلام ده مع فارق اني درست انجليزي وبرضه ملقيتش شغل واشتغلت بعد كده فتره مؤقته واتجوزت وشرفت في البيت
كل تاج وانتي طيبه

Sally said...

أميرة الصعيد

واضح ان اتخنقتى من التاج ده
هههههههههههههه
مش غريب اننا نتشابه والله
طالما أحوال بلدنا ثابتة ومش بتتغير
ولما بتتغير للأسف بتتغير للاسوأ

وأدينا قاعدين
قصدى منورين فى البيت
توفير كهربا برضه
هههههههههههههه

وأنتى طيبة يا قمر
نورتينى بمرورك
سالى

كوارث said...

جميل قوي التاج
لسه شايفة في مدونة تانيه من شوية
ان شاء الله ربنا يحققلك أحلامك ..
ويكرمك بحسن الخاتمة ويثبتك انتي وزوجك على الدين الحق

Sally said...

كوارث

أهلا بك اخى الفاضل
جزاك الله خيرا
وتقبل منك ورزقك بالمثل ان شاء الله

دمت بخير اخى
سالى

زيزو الشقى said...

كتبت احد موضوعاتى وسوف ترى افكارى

تحياتى

عز

سلاااااااام

طارق الغنام said...

الرائعة سالى
اولا اشكرك جدا على التاج
واحلامك كلها تقول انك انسانة رائعة
ربنا يحقق كل احلامك وامنياتك
وكلما دخلت مدونتك اسعد جدا
اتمنى دوام التواصل
ومرة اخرى الف شكر
وبدورى اهدى لكى اجمل امنياتى وانتى تستحقى اكثر من التاج
دمتى بود

Sally said...

زيزو الشقى

أهلا بك أخى الفاضل
هاجى ان شاء الله
انتظرنى قريبا

دمت بخير اخى
سالى

Sally said...

طارق الغنام

أهلا بك سيدى الفاضل
بارك الله فيك وجزاك عنى خيرا
انا لا أستحق كل هذا الثناء
والتاج ما هو إلا شئ بسيط تستحق أفضل منه كثيرا
أتمنى أن تشرفنى دائما لكى أسعد أنا بمرورك

نورتنى
دمت بخير سيدى
سالى

Baker said...

ربنا يحققلك احلامك و خصوصا بتاع وظايف غير محدودة الدخل دى و تفتكرينى بوظيفه
دمتى بخير

funckydoctor said...

فعلا أهم حاجة حسن الخاتمة

Om Dodo 7abiby said...

baker

أهلا بك أخى الفاضل
عودا حميدا
أخبار الامتحانات ايه ؟؟
ربنا معاك

ربنا يسمع منك وأوعدك أشوفك وظيفة غير محدودة الدخل وتبقى من الاعيان
هههههههههههه

نورتنى
دمت بخير اخى
سالى

Om Dodo 7abiby said...

funkydoctor

أهلا بك اخى الفاضل
صدقت .. اللهم ارزقنا جميعا حسن الخاتمة
دمت بخير أخى
سالى

واحدة مفروسة said...

http://computersal.blogspot.com/feeds/posts/default

Om Dodo 7abiby said...

واحدة مفروسة

ايه ده يا قمر
مش بيفتح عندى
بيطلب الحفظ وبفتحه بالاكسبلورر مش بيفتح
لو ده موقع للريدر فانا الحمد لله عملته خلاص من مدونة الاخ الفاضل مهند

اللينك للى عايزه
http://a-researcher-from-the-truth.blogspot.com/2007/11/google-reader.html

دمتى بخير يا قمر

سالى

واحد من البلد دى said...

بسم الله الرحمن الرحيم..
مشكورة أختاه على تمرير التاج لى..
والأن مع إجاباتى عليه..ربنا يوفقنى..
1-كنت أحلم بدخول كلية الهندسة ولم يحدث
2-كنت أحلم بإحتراف مجال التأليف ولم يحدث
3-كنت أحلم بالسفر خارج البلاد لأى دولة و لم يحدث
4-كنت أحلم بتحرير فلسطين(بجد)ولم (ولن)يحدث
5-كنت أحلم بأن أرى رسول الله صلى الله عليه و سلم فى منامى وحتى الآن لم يحدث.
ملحوظة...لم أجاوب على الجزء الثانى من السؤال لأنه ليس بيدى تغيير شيئ.
1-أحلم بأن يكون عمر أمى ممتدا بصحة وعافية ويكون عونا لها على تنقية نفسها للقاء الله عز و جل
2-أحلم بأن يرحم الله أبى و إخوتى و أموات المسلمين
3-أحلم أن يهدى الله زوجتى إلى الصواب فى القول و العمل و أن يجعلها دائما قريبة منه
4-أحلم بأن يهدى الله أولادى و يوفقهم فى دراستهم و ينشأهم فى طاعته ويبلغهم رضاه
5- أحلم أن أحج بيت الله الحرام و أموت و أدفن هناك
~~~~
1-زوجتى
2-كل المدونين
~~~~~
1-أبى الذى لم أره -رحمه الله
2-الشيخ-رحمة الله عليه-محمد متولى الشعراوى
~~~~~~~~~~
أرجو أن أكون وفقت فى إجاباتى
لكى منى جزيل الشكر و الإحترام
أخيكى فى الله

Sally said...

واحد من البلد دى

أهلا بك اخى الفاضل
ادعو الله ان يحقق لك كل أحلامك ويقر عينك بزوجتك واولادك

أشكرك لقبول التاج
دمت بخير اخى
سالى

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

أم البنات said...

ماشاء الله عليك
احلامك جميله
ربنا يسعدك يارب ويبارك فى ذريتك ويحقق لك كل امانيك
يارب

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger