Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Friday, December 3, 2010

صعب جدااااا



صعب جدا تبقى شايف قدام عنيك حد انت بتعشقه مليان آلالام

صعب جدا تبقى شايف كل دمعة من دموعه نازلة حايرة من عنيه من غير كلام

صعب جدا تبقى واقف بين ايديه شايف ايديه حاضنة الألم من غير انين

تبقى مش عارف تروح فين ولا فين تبقى ناسى حتى انت تبقى مين ؟

صعب جدا .. صعب جدااااااااا
.............

أكيد صعب جدا
أصعب الالم هو انك تحس ان حد عزيز عليك فى محنة
سواء كان مرض او شدة
احساس فظيع انك تكون متكتف وعاجز ومش عارف تعمله حاجة
احساس رهيب انك تشوف دموع قلبه قبل دموع عنيه
وتبقى مش عارف تمسحهاله او تساعده انه يبقى افضل
..

صعب جدا خصوصا لو كان مخبى عنك تعبه وألمه
وانت بحدسك حسيت
او سمعت من غيره
لأنك لو كنت عارف منه فانت عالأقل هتقدر تطبطب عليه
تسأل عليه باستمرار عشان تحسسه بغلاوته عندك
تهون عنه اللى هو فيه بأى طريقة
..

لكن لو مكنتش عارف ومكتفى باحساسك وظنونك
أو لو مكنتش قريب منه للدرجة اللى تخليه يحكيلك ويشكيلك بس هو غالى عليك
فانت بالتأكيد فى موقف صعب
صعب جدااا
لا انت قادر تطبطب وتهون وتساعد لو تقدر
ولا انت مكتفى بأنك تتابع من بعيد وتسأل من بعيد
..

طيب الحل ايه ؟؟
تعمل ايه لو كنت عايز تساند حد عزيز عليك فى شدته
بس هو مقالكش حاجة عنها
وميعرفش حاجة عن قلقك عليه
وانت مش عايز تسأله عشان متضايقوش ولا تفرض نفسك عليه ولا تحسسه بالضعف
تعمل ايه عشان تتخلص من احساس العجز والألم اللى ماليك
تعمل ايه عشان تشوفه
افضل
وأقوى
وأسعد


تعمـــــل ايــــــه ؟؟؟

24 comments:

سواح في ملك اللــــــــــــــــــه- said...

موقفك محير ياسالي
بس لو مكانك هافاتحة في الكلام ولو مرضيش يتكلم هقوله معلش
انا موجود في اي وقت تحب تكلمني
في اللي مضايقك واللي مخبيه
هنا هو هيعرف اني اول انسان لازم يحكيله في الوقت
اللي يحب يحكي
تحيه طيبه ليكي

ستيتة said...

ترفع عينيك وقلبك للسما
وتقولها من جواك
يارب
يالطيف ألطف بنا فيما جرت به المقادير
يا من أمره بين الكاف والنون اللهم إنا نسألك رد القضاء وأن نرى منك آية تكون لنا فرحة وتثبيت للأفئدة

يارب
ملناش غيره

Unknown said...

أكيد هدعيله من كل قلبي في كل مواطن استجابة الدعاء و بكل أسماء الله الحسنى و أكيد هقف جنبه بكل ما أوتيت من قوه و وقت و عطاء شاء أم أبى لن أتركه

خواطر شابة said...

بداية اول شئ حأعمل اللي نصحتك به دكتورة ستيتة حأدعي لربنا من قلبي انه يفرج همه
تانيا حأحاول من غير ما أحسسه اني اعرف همه اني أخفف عنه اني ارفع معنوياته اني احكي له حالات زي حالت ونهاياتها السعيدة واتحلت ازاي من غير شخصنة للموضوع
سأوصل له ايضا انني موجودة ومستعدة للاستماع له وقت ما اراد الحديث عن ما به او وقت ما احس انه محتاج لهذا
أجارنا الله واياك من الهموم والامراض
دمت بكل الود عزيزتي

المجاهد الصغير said...

السلام عليكم
انا بقرء وبعدين اتفجئت بالاغنيه
دى اغنيه؟؟؟؟
والله ماكنتش اعرف
لا تقولى يارب عندى هم كبير ولكن قولى يا هم عندى رب كبير
دمتى فى رعايه الله

اسماء عبدالعزيز said...

اكيد شيء صعب فعلا لكن ي بعض الناس لما بيكونوا مضايقين بيفضلوا السكوت
اكيد لازم تسأليه وان ماتكلمش حاولى تخففي عنه باى طريقه
كوني بخير

Dr Ibrahim said...

فعلا موقف صعب..
ولكن يمكنك الدعاء له

بارك الله فيكم

الميكروباص said...

الحمد لله أن لسه فيه ناس في الدنيا عندها احاسيس ومشاعر

مدونه ما كفايه بقى said...

فعلا موقف لا تحسدى عليه

مقدرش أقول لو مكانك هعمل ايه لان اللى فى الموقف مش زى اللى شايفه من بعيد

بس حاولى تعرفيه/ها بأى طريقه انك عايزه تفتحى قلبك ليه/ها

وادهى ربنا عن ظهر قلب انه يفك كربه/ها

وربنا يصلح الاحوال

تحياتى

Tarkieb said...

بدل اللف والدوران احسن حاجة تقولي انا حاسس ان في حاجة مش بسطاك ويريت تخليني اقف جنبك لو تحب

حاجات جوايا said...

سواح فى ملك الله
..............
ياريت يا فندم الموضوع يتحل بالكلام والفضفضة
هى صديقة فى شدة صحية مأعلنتهاش لانها مش بتحب الشفقة
بس اتحست من كلامها
هى مش مقربة
ومفيش بينا اتصال مباشر
بس انا زعلانة علشانها جدا جدا
وقلقانة وخايفة ونفسى اساعدها واخفف عنها وما باليد حيلة
لو كانت فى ازمة مالية ولا نفسية مقدور عليها
بس التعب والمرض هعمل فيه ايه
ربنا يشفيها ويفك كربها يارب
دعواتكم ليها بظهر الغيب
شكرا لمشاركتك اخى الفاضل

حاجات جوايا said...

د. ستيته
........
ونعم بالله
فعلا ملناش غير ربنا
قادر يفك كربنا وكرب كل مكروب يارب
دعواتك يا غالية

حاجات جوايا said...

شيرين سامى
.........
جميلة انتى يا شيرين
ربنا يتقبل الدعاء يارب ويخفف الكرب
بس للاسف مش كل حاجة عايزين نعملها بنقدر نعملها بالشكل اللى نتمناه
حاجات كتير بتمنع زى بعد المكان مثلا
زى نوع الازمة مثلا
زى اختلاف الظروف مثلا
كده يعنى
دعواتك يا شيرين ربنا يكرمك

حاجات جوايا said...

خواطر شابة
...........
والله الدعاء لا ينقطع
ربنا يفدرنا اننا نقدر نكون جنب اللى يحتاجلنا فى الوقت المناسب
للاسف صعب الموضوع ده
مفيش مجال ولا مساحة بالقرب ده
ربنا يعمل اللى فيه الخير
دعواتك يا نوجا

حاجات جوايا said...

المجاهد الصغير
...........
وعليكم السلام ورحمة الله وبركاته
اول مقطع فى البوست بس من الاغنية الباقى لا
ونعم بالله
الله اكبر من كل هم وكل كرب
شكرا لمشاركتك يا فندم
دمت فى رعاية الله

حاجات جوايا said...

أسماء عبد العزيز
..................
انا سألت فعلا
سألت بعد فترة طويلة من الشك
والاجابة كانت غير مباشرة
يعنى متوصلكيش للى محتاجاه
بس تاكد احساسك السلبى
وده مضايقنى جدا جدا جدا
عشان كده حاسة بالعجز وقلة الحيلة
ميرسى يا جميل عالمشاركة

حاجات جوايا said...

Dr Ibrahim
............
دى الحاجة الوحيدة اللى اقدر عليها
الحمد لله على نعمة الدعاء
سلاج قوى رغم بساطته
ربنا يتقبل يارب
شكرا يا فندم للمشاركة

حاجات جوايا said...

لورنس العرب
...........
الدنيا مش سيئة للدرجة دى
احنا فى الاول والاخر بشر ربنا خلقنا بقلوب ومشاعر
الحمد لله على نعمة الاحساس
نورتنى يا فندم

حاجات جوايا said...

مدونة ما كفاية بقى
---------------------
انا فعلا عرفتها بكده
بس
وعارفة انها مش هتطلب مساعدة حد
هى بتكره الضعف
وبتحاول تتمسك بقناع القوة لاخر درجة
ودى حاجة بتخلق سدود وحواجز
خصوصا لو العلاقة مش متينة
دعواتك يا جميل
ربنا يتقبل الدعاء
نورتينى حبيبتى

حاجات جوايا said...

tarkeib
...........
حصل يا فندم
بس زى ما قلت فى التعليق السابق
هى مش عايزة كده
وبتحاول تكون قوية ومتظهرش ضعفها لحد
ربنا يفك كربها يارب
نورتنى يا فندم

bastokka طهقانة said...

مقالك حساس قوي و لمسني
لان نفس اللي حاسة بيه دلوقت و انا عارفة ان خالتي تعبانة جدا و على فراش الموت و بتتالم و انا لا املك لها الا الدعــــــــــــــــــــــاء
هذا الكنز العظيم
ربنا يخفف عنها و عن كل مريض و يشفيها و يعافيها و يحسن خاتمتنا جميعا

حاجات جوايا said...

bastokka طهقانة
.................
الاحساس بالعجز احساس قاسى جدااا
خصوصا لو كان على حد غالى
ربنا يشفى خالتك ويخفف عنها ما هى فيه يارب ويجعل تعبها وتعب كل مريض فى ميزان حسناتهم يارب
الحمد لله على نعمة الدعاء
لو مكناش نملك الدعاء كنا موتنا كمدا
ربنا يفيهم ويشفى كل مريض يارب
نورتينى يا قمر
وكل سنة وانتى بالف خير :)

sony2000 said...

خليك جنبه
بس

حاجات جوايا said...

sony2000
............
ربنا المعين
شكرا حبيبتى





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger