Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Tuesday, July 28, 2009

فى وقت من الاوقات

فى وقت من الاوقات بتحس انك وحيد فى الدنيا رغم ان حواليك كتير

مش سامع غير صوت جاى من جواك مغطى على كل الدوشة والكلام الكبير

يدور شريط حياتك فى خيالك .. تحس انك فى يوم من الايام كنت بتحلم الحلم ده .. بتسمع أو بتقول الكلام ده .. وتعيد فيه وتزيد

طب ليه حلمك متحققش .. وليه الكلام ده متنفذش .. ليه قلبك مش سعيد

وليه انت استسلمت تضيع منك سنين عمرك وانت بتتفرج من بعيد

مليون سؤال يدور جواك .. ومش بتحاول تلاقى إجابة

يسيطر عليك القهر .. وتقول دى دنيا كدابة

لا قادر تعيشها زى ما هى وتنسى حلمك .. ولا قادر تحقق حلمك وتسيبك من الكآبة


فى وقت من الاوقات بتهرب من حياتك وتحن لذكرياتك

تلاقى الذكرى مطوية فى كتاب قديم عليه تراب

تاخد من الحاضر منديل تمسحها بيه وكلك لهفة تنسى العذاب

ريحة الذكرى تنشيك .. والحنين يتحرك فيك

تقلب فى صفحاتها تلاقيها صفرا

سطورها مش واضحة

تقول لنفسك اييييييه كانت ذكرى حلوة ياريت دامت ولو قليل

تقفل ذكرياتك وترجع لحياتك

محتاج الحاضر يضمك .. ينسيك همك.. يجفف عرق المشوار الطويل

تلاقيه طلعلك منديل .. تبص فيه تلاقيه .. الذكرى لوثته ولسه محتاج غسيل


40 comments:

Lobna Ahmed Nour said...

احساس عالي وتعبيرات مذهلة
بعض الذكريات مش بتروح وبتفضل متعلقة بالمنديل
شكرا ليكي كنت محتاجة اقرا حاجة بالجمال ده

الميكروباص said...

ولله فكرتيني بالحالات اللي بتبقى عندي
ساعات بمر بكذا حاله منهم في نفس اليوم
وساعات بكون الصبح بحاله وباليل بحاله تانيه
بس موضوع الذكريات ده دائما بيجيلي باليل
ولما برجع للواقع اللي انا فيه بتصدم

حازم النبراوي said...

ليس كل ما يتمناه المرء يدركه

هي دى الدنيا دايما تمشي كدة وعمرها ما تدى حد كل اللى يتمناة دايما تدي جزء وتمنع اجزاء

تحياتى وتقديري

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته

ليه كده يام دودو

تقلبي علينا المواجع

فعلاً انا شخصياً اوقات كتير بحب

اخرج بره الواقع واعيش مع الذكريات

وان كان فيها بعض الالام

ولكنها ابداً لاتنسى

احساس رائع بارك الله فيكي
ودمتم بخير

رحلتنا في الحياة said...

ماشاء الله بجد تحفة الكلمات دى وخصوصا انها عبرت عن كتيييييييييير مننا ويمكن لمستنى انا جدا ربنا يكرمك يارب بجد كلمات جميلة جدا جدا جدا

Anonymous said...

دوام الحال من المحال

وكل وقت بيعدى علينا بنحس بحاجه مختلفه

والانسان كل ما بيكبر بيتعلم

بس رجعتينا لحاجات كنا محتاجين نفتكرها

تسلم ايدك

حنين

Pink Dreams said...

احساسيسك حلوه قوى وبتوصل فعلا للقلب بسرعه

وفكرتينى بحاجات كان فعلا لازم اقعد مع نفسى عشان اقدر احسبها صح

وفى زكريات كتير قوى افتكرتها وانا بقرا البوست دا

تحياتى

ديالا said...

محتاج الحاضر يضمك .. ينسيك همك.. يجفف عرق المشوار الطويل
تلاقيه طلعلك منديل .. تبص فيه تلاقيه .. الذكرى لوثته ولسه محتاج غسيل

كلام حلو اوي

احساس احلي

تعبير بالكلمات احلي واحلي

ماشاء الله

بجد ربنا يحميكي

assafo anaroze said...

مساء السعادة
و الله كلنا بنعيش في لحظات معينة ذكريات الماضي و نقول يا ريت لو كنا لسه بنعيشها بس في لحظة بتفيق من وهم الذكريات و ترجع تعيش الواقع باحزانه الكثيرة
مودتي

سماء said...

اذيك يا سالى

عاملة اية

ساعات الواحد بيحب يرجع لذكريات جميلة عاشها علشان ينسى احزان حاضر بس بتكون مجرد ذكريات ممكن مترجعش تانى

بوست رائع ملىء بالمشاعر الدقيقة

بتمنالك كل الخير والسعادة

عاشقه الرومانسيه said...

انا حاسه بكلامك قوووووى
وعاجبنى قوى
بس لازم زى ما بتحتفظى بالذكرى
تعيشى الحاضر
علشان مش يفسد عليكى بكره

حاجات جوايا said...

unique
-------
أهلا يا قمر
تسلميلى حبيبتى
ده بس من ذوقك

بعض الذكريات مش بتروح وبتفضل متعلقة بالمنديل
بالضبط .. بس الغلط علينا اننا قلبنا فيها ودخلناها الحاضر

نورتينى يا قمر

حاجات جوايا said...

لورنس العرب
------------
أهلا بك اخى الفاضل
تفتكر الذكرى فعلا بتبقى احلى من الواقع .. ولا احنا اللى مش بنقدر نستحمل الواقع ومش بنلاقى قدامنا غير الذكرى نهرب لها بدل ما نحل مشاكلنا

اكيد برضه لما الذكرى زمان كانت واقع بنعيشه كنا بنلجأ للذكرى اللى قبلها ونعتقد انها افضل

المشكلة ان الانسان مش مرتاح فى كل الاوضاع
ومحتاج رصيد كافى من الرضا عشان يقدر يعيش حياته

نورتنى اخى الفاضل

همس الاحباب said...

احساس عالى جدا
وكلمات رائعة جدا
وتصوير لحالة نفسية نمر بها جميعا
دمتى مبدعة اختى العزيزة
تحباتى

mohamed ghalia said...

فعندما يحدث هذا لابد أن نطمع فى مستقبل أفضل

rovy said...

الله يا سالى بجد جميله جداا و حسيتها قوى
سلمت يداكى حبيبتى و يارب يحقق كل احلامك و يبارك فيكى غاليتى

ارق تحياتى

Dr. Ibrahim said...

فعلا الشخص يجب أن يندم على ما فات وخصوصاً إذا خسر شيئاً او لم يحقق حلما


-------------

طبعا ما لازم الإنسان يحن للذكريات عشان يعيش

Unknown said...

هيلو
ازيك
ايه اخبارك ؟؟؟؟
بلاش المواضيع دي عشان بتيجي علي الجرح
حلوة القافية في الكلام ده
تحياتي

mimi said...

حلو البوست ده ... بحب الرومانسية جداااا حتي ولو حزينة

تحياتي

a7ases said...

احلامنا والامنا هى جزء من حياتنا
ذكرياتنا سواء كانت حلوة او وحشه
هيه اللى بتشكل حياتنا
هيا اللى بتقوينا عشان نكمل
او بتضعفنا وتطسرنا
بس الشاطر فينا هو اللى ميسمحلهاش انها تضعفه
ربنا معانا ومعكى
بحييكى على كلماتك

Anonymous said...

بجد ياسالى الكليمات
هزتنى قوى لانك كاتبها باحساس عالى قوى
جميلة دايما انتى ياسالى
تحياتى

حاجات جوايا said...

حازم النبراوى
--------------
اهلا بك اخى الفاضل
فعلا هى الدنيا كده
وده حال البشر
ربنا يرزقنا نعمة الرضا بقضاؤه

نورتنى اخى الفاضل

حاجات جوايا said...

ابو صهيب ( الجمعاوي الاصيل)سابقاً
---------------------------------
وعليكم السلام ورحمة الله وبركاته
أهلا بك اخى الفاضل
انا اسفه والله مقصدتش اقلب المواجع
سامحنى
ذكريات الانسان هى جزء من حاضره ومستقبله ايضا
هى حجر الاساس اللى بيتبنى عليه كل اللى بعدها
اكيد صعب تتنسى
بس مش ضرورى نفضل فاكرينها
المهم ندى للحاضر حقه
عشان المستقبل يدينا حقنا

نورتنى اخى الفاضل

حاجات جوايا said...

ايوشه
--------
أهلا بالقمر
ازيك حبيبتى اخبارك ايه
ربنا يخليكى يارب عالكلام الحلو ده
ده بعض ما عندكم مش اكتر
انتى بتكتبى احلى منه بكتير
ميرسى يا حبيبتى
نورتينى يا قمر

حاجات جوايا said...

7anen
------
أهلا يا جميل
تسلميلى يا قمر
يارب تكونى افتكرتى حاجات حلوة
منورانى يا سكرة

حاجات جوايا said...

Pink Dreams
---------------
اهلا يا جميل
ميرسى يا حبيبتى
انتى اللى قلبك صافى وبيوصله الاحاسيس بسرعة
يارب تكونى افتكرتى حاجات حلوة
نورتينى يا قمر وشرفتينى باول زيارة

حاجات جوايا said...

ديالا
------
اهلا حبيبتى
والله انتى اللى كلك ذوق
ربنا يخليكى يارب
اسعدتينى جدا بزيارتك
ونورتينى يا قمر

حاجات جوايا said...

assafo anaroze
---------------
أهلا بك أخى الفاضل
اسعد الله صباحك ومسائك
عندك حق
بس مش دايما الماضى بيبقى احلى
المفروض نحاول نحلى الحاضر اللى عايشينه لانه بكره هيبقى ذكرى
وممكن كمان يكون احلى من الواقع اللى هنعيشه
لكن لو استسلمنا للذكريات هنشوه الحاضر ونؤلمه ونضيع المستقبل
رزقك الله السعادة فى حاضرك ومستقبلك ان شاء الله

نورتنى اخى الفاضل

حاجات جوايا said...

سماء
------
اهلا حبيبتى
الله يسلمك يا قمر ازيك انتى يا سمسم
يارب تكونى بخير

غالبا الذكريات مش بترجع تانى .. لانها مجرد ماضى
والماضى لا يعود
كما لا يعود الموتى مرة اخرى
زيارتك هى الاروع
ميرسى على ذوقك
نورتينى يا قمر

حاجات جوايا said...

عاشقه الرومانسيه
----------------
دودو الجميلة
عروستنا الننوسة
اهلا حبيبتى
الف مبروك يا قمر عالخطوبة
عقبال الليلة الكبيرة ان شاء الله
ربنا يتمملك على خير ويباركلك يارب ويرزقك بكل الهنا والسعادة

كلامك جميل يا دودو وصح تمام

منورة يا حتة سكرة

حاجات جوايا said...

همس الاحباب
----------
أهلا بك اخى الفاضل
ربنا يكرمك يا فندم
ده بعض ما عندكم مش اكتر
ميرسى جداا
نورتنى يا ابو همس

حاجات جوايا said...

mohamed ghalia
---------------
أهلا بك اخى الفاضل
كلامك جميل يا محمد
وفيه امل كعادتك دائما
جملة بسيطة تحمل معنى كبير
دعواتى لك بمستقبل افضل فى كل شئ
وجزاك الله خيرا على مجهودك فى جروب الفيس بوك
جعله الله فى ميزان حسناتك

نورتنى اخى الفاضل

حاجات جوايا said...

rovy
---------
أهلا روفى حبيبتى
وحشتينى يا قمر
تسلميلى يا قمر
ده بس من ذوقك
انتى اللى احساسك عالى شوية ههههههه
ربنا يكتبلك كل الخير

نورتينى حبيبتى

حاجات جوايا said...

Dr Ibrahim
-------------
أهلا بك أخى الفاضل
عودا حميدا
لعل المانع كان خيرا

الحقيقة انا شايفة اننا ممكن نندم .. ممكن نحن .. لكن مش واجب علينا الندم .. اللى فات فات وعدى .. نبص بقى لحاضرنا ومستقبلنا عشان نعرف نعيش
البكاء على اللبن المسكوب لا يعيده مرة اخرى

دعواتى لك بحاضر ومستقبل أجمل ان شاء الله

نورتنى اخى الفاضل

حاجات جوايا said...

المعلم محمد صاحب المطعم - طعمية سخنة
----------------------------------
أهلا بك أخى الفاضل
عودا حميدا يا معلم محمد
عايزين عودة قوية بقى احنا داخلين على رمضان اهه والمطعم المفروض يشتغل جامد ههههههه
كل سنة وانت طيب وبكل الخير
ماشى بلاش براحتك ههههههههه
تسلم ربنا يكرمك ده بعض ما عندكم
سلامى لشريكة المطعم
نورتنى اخى الفاضل

حاجات جوايا said...

mimi
-------
أهلا ميمايا
نورتينى يا قمر
تسلمى يا حبيبتى
انتى فعلا كلك رقة واحساس
وحمدا لله على السلامة من رومانيا
نورتى مصر
ونورتينى يا قمر

حاجات جوايا said...

coraline
-----------
أهلا يا جميلة
عندك حق تمام
ذكرياتنا هى حجر الاساس اللى بيتبنى عليه حاضرنا ومستقبلنا
نورتينى يا قمر فى اول زيارة
ربنا يروق بالك ويحسن حاضرك ومستقبلك ان شاء الله

حاجات جوايا said...

أم مالك
--------
أهلا بكِ حبيبتى
ده شرف ليا يا غالية ان كلماتى تنال اعجابك
ربنا يكرمك يارب
ويمن عليك بتمام الشفاء
ويبارك لك فى اولادك واحبابك

نورتينى يا حبيبتى

ريمان said...

زى ما تكونى بتوصفى اللى جوايا والله يا سالى



ياااااااااه


مش عارفه اقولك ايه بجد

حاجات جوايا said...

ريمان
------
اهلا يا جميلة
ازيك يا ريمو يا حبيبتى اخبارك ايه
يارب تكونى بخير

ممممممم

مش جواكى لوحدك يا ريمو
زى ما انتى شايفة .. طلع جوانا كلنا
:(

ربنا يكتبلك كل الخير والهنا يا قمر

والف مليون مبروك للنجاح

نورتينى يا سكر





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger