Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Saturday, July 18, 2009

اعتذار .. وتهانى .. وما تيجوا نلعب

ازيكم يا حبايبى أخباركم ايه
وحشتونى جدا
بشكر كل اللى هنونى بزفاف اختى عقبال عندكم جميعا يارب
ومكسوفة منكم جدا جدا
بقالى فترة كده مش مركزة ومقصرة معاكم ومع المدونة
قلت اجيبلكم بوكيه الورد ده معايا ادارى فيه وانا جاية يمكن تسامحونى وتنسوا ولا انتوا عايزين لحمة ولا ايه ؟ ها ؟؟
حنين القلب طبعا عايزة لحمة .. صح ؟؟؟؟
المرة الجاية بقى وانتى طيبة فى عيد جوازك الجاى .. اصلى يدوب لسه عارفة النهاردة وملحقتش ادبح هههههههههه
كل سنة وانتى طيبة يا حبيبتى .. ربنا يملا حياتك فرح ويسعدك مع زوجك ويرزقك بالذرية الصالحة اللهم آمين
استنوا استنوا استنوا
الف مليووووووووووووووون مبروووووووووووووووك لحنين القلب .. على الحمل يارب يارب يارب يكمل على خير واشيل ولادك واولاد ولادك يا أم حنين ان شاء الله
صحيح لو طلع ولد هتسميه ايه يا قمر
؟؟؟؟؟؟؟؟؟؟؟
يارب يبقوا توام شهد وحنين .. ربنا يجعلهم قرة عينك يا حبيبتى ويرزقك برهم ان شاء الله
دودو الجميلة الف مبروك لأحمد ربنا يتمم له على خير ويعينه وزوجته على طاعة الله ويرزقهم بالذرية الصالحة ان شاء الله وعقبالك يا قمر
أبو همس الجميلة .. كل سنة وانت طيب وبكل الخير وإلى الله أقرب وعلى طاعته أدوم
...........................................
نيجى بقى للبوست
المرة دى البوست مختلف
عبارة عن لعبة
صورة عليها كلام
بكل بساطة وهدوء وبرااااءة
هسألكم سؤال واحد بس
.
تقولوا الكلام ده لميـن
.
؟؟؟؟؟؟؟
.
والكلام هو
.
إذا كنت ستعيش مائة عام ، فإننى اتمنى ان اعيش مائة عام تنقص يوما واحدا كى لا أضطر للعيش بدونك



شوفتوا مفيش ابسط من كده
ومش هغلس عليكوا واقولكوا اختاروا شخص واحد بس ولا أى حاجة
اللى هتقولوه موافقة عليه
لو عشرة موافقة
ولو مفيش خالص برضه موافقة
بس ياريت لو حد قال مفيش خالص يقول مفيش ليه ؟؟؟
اتـفـقـنــــا
فكروا قبل ما تجاوبوا
فكروا كويس اووووووى .. لا تكون ساعة إجابة ولا حاجة
العمر مش بعزقة
أنا قلتلكوا اهه وانتوا احرار
ههههههههههه
>
كل لعبة وانتم طيبين
تابعونــــــــا
واوعوا تروحوا فى أى حتة
هجيبكم هجيبكم ههههههههههه

36 comments:

لورنس العرب said...

ألف ألف مبروك
وعود أحمد ان شاء الله
................
اما عن الصوره واقول لمين الكلام
أقولك انا عندي 30 سنه ولسه ملقتش اللي اقوله الجمله دي!

سماء said...

حمد الله على السلامة يا سالى ياقمر


نورتى البلوج كلة


إذا كنت ستعيش مائة عام ، فإننى اتمنى ان اعيش مائة عام تنقص يوما واحدا كى لا أضطر للعيش بدونك

فأنا اقول الكلام دة لعينى وقلبى وتفكيرى وايدى ورجلى وقلمى الست اشياء دول مقدرش اعيش بدونهم

الحمد لله على نعمة وربنا يديمها علينا

hasona said...

السلام عليكم

حمد لله علي السلامة وألف مليون مليار مبروك

وكل سنة وأنت مع من تحبين متجمعين دائما علي الخير

وبالنسبة للصورة
ممكن نقولها لكثيرين وكل فترة لها معطياتها

يمكن نحب قوي نقولها لأمهاتنا
وساعات بنكون عايزين نقولها لحبايبنا والناس اللي عايزين نعيش دايما معاهم

حاجات جوايا said...

لورنس العرب
---------------
الله يبارك فيك اخى الفاضل
عقبالك يارب
تسلم ربنا يخليك ويسلمك
معقول لسه مش لاقى
لا ام ولا أب ولا صديق ولا أخ ولا حبيب ولا اى حد
ربنا يرزقك يارب باللى يملا حياتك فرح ويكون له معنى قوى فى حياتك
نورتنى اخى الفاضل

حاجات جوايا said...

سماء
------
اهلا يا سمسم
الله يسلمك يا حبيبتى
ده نورك يا قمر الله يكرمك
عندك حق كل دى حاجات منقدرش نعيش من غيرها
بس ممكن تهون فدا حد تانى نحبه ونفديه حتى بحياتنا كلها
ممكن تكونى لسه محسيتيهاش بس اكيد فى يوم من الايام هتحسيها ان شاء الله
ربنا يخليكى لاحبابك ويخليهم ليكى يا حبيبتى
نورتينى يا سمسم

حاجات جوايا said...

hasona
--------
وعليكم السلام ورحمة الله وبركاته
أهلا بك أخى الفاضل
الله يسلمك يارب ويبارك فيك عقبالك ان شاء الله او عقبال احبال احبابك لو كنت مرتبط
فعلا ممكن نقولها لكتير مع مراحل حياتنا
وممكن نقولها لكتير برضه فى نهاية المطاف
يارب دايما متتحرمش من احبابك ولا يتحرموا منك
نورتنى اخى الفاضل

assafo anaroze said...

يسعد صباحك يا سالي
اتمنى تكوني بخير في انتظارك عندي ده انت طولتي الغياب من النهاردة مفيش اعذار
اوكي هههههههههه
لو حتعيش مائة عام انا بفضل اعيش مائة ناقصة واحد علشان ماعيش يوم واحد من غيرك حقولها لامي حبيبتي و بس

ملكة بحجابى said...

said...
أخيرا فضيتى لينا شوية ياقمرايه
وحشتينى ياسالى اوى
يااقرب الناس ليا
بصى بئى انا اقولها لعدة اشخاص أولهم
أمى
مااقدرش اتخيل حياتى من غيرها ربنا يباركلى فى عمرها يارب
وكمان جوزى ( اللى لسة فى علم الغيب .. يعنى انا مش هتجوز الا انسان عايزاه وشارياه وحباه والانسان اللى يقدر يخلينى احس كل ده اكيد مش هقدر افتح عينى يوم واعيش وهو مش جمبى .. وم جمبى دى عشان الرقابه بس .. ههههههه )

تقبل مروووووووورى و كومااان البوسة دى
مممممممممممممممموه ليكى ولدودو

أميرة

(ملكة بحجابى )

همس الاحباب said...

حمدلله على السلامة
والف مبروك لاختك
وكل سنة وانتى طيبة وبصحة وسعادة
ودايما صاحبة واجب يا ام دودو
ربنا يفرحك بدودو ان شا ء الله
وبالنسبة للصورة
فبقولها لهمس وكل اصحابى واهلى واحبابى
تحياتى

ريمان said...

إذا كنت ستعيش مائة عام ، فإننى اتمنى ان اعيش مائة عام تنقص يوما واحدا كى لا أضطر للعيش بدونك


مش فاهمه اصلا البتاعه دى

ليه تنقص يوم واحد مش فاهمه ليييييييييه


يالهوىهو انا دايما كده فهمى بطىء


هههههههههههههههه


بس بجد وحشتينى اوى اوى يا حبيتبى

غيبتى كتير برضه عننا

mohamed ghalia said...

أكيد للإنسانة الى هرتبط بيها
وأكيد بالتبعية لأولادى

7annen said...

حمدلله على سلامتك يا قمر
نورتى من تانى البلوج

وللصوره اقولها لكل اصحابى اللى بجد مقدرش اعيش من غيرهم

وخاصة انتمتى

حنين

موناليزا said...

عودا احمدا:)
وحشتينا ياجميلة والف مبروك لاختك وربنا يسعدها يارب
==
عن اجابتى بقى
فمفيش حد معين بس انا طول الوقت نفسى اموت الاول وقبل اى حد بحبه مهما كان

رفقة عمر said...

الف مبروك لاختك لسه اول مرة اعرف النهاردة ربنا يبارك لها اللهم امين
انت كمان وحشتينا
اجابه السؤال فى بطن الزير
:)

لورنس العرب said...

ولله انا قلتها لناس كتير
بس عاوز اجرب اقولها لحد ميكونش راجل
ههههههههههههههههههه


وجاري البحث!!!

Sweet Violet said...

الف مبرووووك للجميع
وعيد جواز سعيد لحنونة
و كل سنة و ابو همس بخير
و حمدلله على السلامة ياقمر
^_^

انتى بقى كنتى بتقولى ايه ؟؟؟
ماهو لازم اغلوش
اييييييييييه اللعبة دى
انا هستخدم حقى الدستورى و امتنع عن الاجابة
^_^

لحد لما اشوفك بس
بلاش تحمرى عينك
ايه الناس دى
عااااااااااااااااااااااااااااااااااااااااااااااا

عاشقة الأحزان said...

السلام عليكم

حمدالله على السلامه نورتى الدنيا كلها

ومليوووون مبروك لاحلى عروسين ربنا يتمم ليهم بخير
وبجد كنا مفتقدينك اليومين اللى فاتو

ربنا يكرمك يارب
اما عن السؤال انا جربت احب وكنت فاشله بس مش منى محدش قادر يفهمنى

بس اقول الجمله دى لامى وحبيبتى ربنا ما يحرمنيش منك ياماما ويحفظظك من كل شر

بنتك الوحيده ايناس

تحياتى

واحدة مفروسة said...

مامتى حبيبتى ربنا يخليهالى يارب

شريكة في المطعم said...

سالي ...ازيك؟
وحشتينا اوي

وبالنسبة للصورة بقى
اكيد اقولها لماما وبابا
ربنا يخليهم لي يارب..ويقدرني اني اسعدهم وافرحهم

حاجات جوايا said...

assafo anaroze
-----------------
اهلا بك اخى الفاضل
اسعد الله صباحك ومساءك
هههههههههههه
اوكى اوكى
ربنا يستررررررر
هههههههههه
الام طبعا تستاهل نضحى حتى بارواحنا علشانها
ربنا يخليلك والدتك ويديها الصحة وطول العمر ان شاء الله
نورتنى اخى الفاضل
وكل الشكر لمتابعتك وسؤالك المتواصل رغم تقصيرى
وش مكسوووووف :">

حاجات جوايا said...

ملكة بحجابى
-----------
يا هلا يا هلا يالغالية
ازيك يا ميروووو وحشانى يا قمراية
يستاهلوا فعلا
ربنا يخليلك ماما ويديها الصحة وطول العمر يارب
ويرزقك بالزوج الصالح اللى يتقى الله فيكى وتلاقى فيه كل اللى تتمنيه اللهم آمين

بس ايد ده تعالى هنا
ايه الكروتة دى
بوسة واحدة ليا ولدودو
نقسمها على بعض ازاى دى
بحبحيها شوية مش كده ههههههههههه

نورتينى يا قمر ووحشتينىىىىىىى

حاجات جوايا said...

همس الاحباب
-----------
أهلا يا ابو همس
الله يسلمك ويبارك فيك يارب
عقبال همس ان شاء الله ربنا يفرحك بيها
كل سنة وانت طيب وبكل الخير
واجب ايه بس
احنا بنتعلم منك يا فندم
:)


ماشاء الله بتقولها لكل دول
طب همس شئ اساسى طبعا
الباقى بقى اجبارى ولا اختيارى
هههههههه
فكر تانى
فكرررر
العمر مش بعزقة
ههههههههه

ربنا يخليلك كل اهلك واصحابك واحبابك
ويخليك ليهم

نورتنى يا ابو همس

حاجات جوايا said...

ريمااااااااان
------------
ريمو الجميلة وحشتينى اوى يا قمر
اخبارك ايه ؟ يارب تكونى بخير دايما

البتاعة دى يا ستى معناها ببساطة

انك بتقولى لحد غالى عليكى اوى اوى اوىىىىىىى لاقصى درجة انك متقدريش تعيشى من غيره ابدا
وانك تتمنى " بعد الشر عنك طبعا " ان يومك يبقى قبل يومه عشان متقدريش تشوفى فيه حاجة وحشة او تبقى وحيدة فى الدنيا من غيره

تمام كده

يلا مستنية اجابتك بقى ؟؟
تقولى الكلام ده لمين من اللى حواليكى ؟؟؟؟


فى انتظارك يا قمر
نورتينى يا ريموووو

حاجات جوايا said...

محمد غاليه
----------
أهلا بك أخى الفاضل
ربنا يرزقك بيها ان شاء الله ويخليهالك هى واولادك بإذن الله
ويرزقك السعادة والرزق الحلال وراحة البال
اللهم آمين يارب
نورتنى يا محمد

حاجات جوايا said...

7annen
--------
أهلا يا قمر
الله يسلمك يا حنونة ويخليكى ليا
متحرمش من سؤالك يا حبيبتى

ربنا يخليلك كل اصحابك يارب ويفضلوا دايما عند حسن ظنك بيهم ان شاء الله ويخليكى لهم

نورتينى يا حنين

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته

بداية عوداً حميداً اختي الفاضلة ودودو عامل ايه كويس

المهم انتي خدتينا في دوكة واكلتي علينا اللحمة والحاجة الساقعة والذي منه

لكن يالا مش مهم

اما عن السؤال
فان اصعب ما يمر على الانسان هو الفراق

فأقول هذه الكلمة الى كل من احب

الى امي وابي الى اخوتي

الى اخواني الذين لا استطيع العيش بدونهم

ولكن اخصها تحديداً الى شريكة حياتي التي لا اعلم من هي بعد ولكن متأكد بأذن الله انها ستكون عندي الام والصديق بل ستكون نفسي التي لا استطيع العيش بدونها

ستكون الروح التي لو خرجت انتهيت

تقبلي تحياتي

وياريت منسجلكيش غياب تاني

عاشقه الرومانسيه said...

كلك زوق والله وصاحبة واجب دايما ياسالى
ربنا يخليكى ياقمر وميرسى ليكى على التهنئه الجميله دى
اما بالنسبه للعبه
انتى عارفه انا باوجهه الكلام ده لمين
الحقيقه هما 3 اشخاص
بابا الله يرحمه
واحمد اخويا
واحمد حبيبى
وطبعا اى حد بحبه

سماء said...

أنا أخترت أشياء وبما ان الجملة دية هقولها لاشخاص

فأنا هقولها لآنسانة عزيزة عليا وهى جدتى بس متوفية

ولأمى

سومه...مجنونه فى بلد عاقل said...

شايفاهم بيقولوالك حمد الله ع السلامه طيب حمد الله ع السلامه
انا جايه امسى واصبح عشان وحشتينى حروح العب بقى بلياردو هههههههههههه بدل اللعبه بتاعتك بس هى

أم مالك said...

الحبيبة سالى
انا عارفة انى مقصرة ولكن سامحينى لظروفى الصحية
والف مبروك لاختك معلش متاخرة
ويارب نفرح باخت لدودو
وبالنسبة للمائة عام فانا اقولهم لزوجى واولادى وبعد التدهور الصحى اقولها لصحتى ماقدرش اعيش غير وانا صحتى كويسة ربنا يدمها علينا نعمة
تحياتى

شباك موارب said...

سالي حمدالله على السلامه
والف مبروك للكل ولاختك طبعا
اقول الكلام لمين
اكيد هيبقى لاغلى حد عندي وفي حياتي
بس بشرط.....

انه يكون يستاهل اعيش ولا حاجه بدونه

وبما ان الشرط ده مش متوفر
او لسه مااترفرش
فاكيد الكلام ده هيبقى لحد واحد بس يستاهل وهو عيلتي....
ومعاهم كمان صاحبتي اللي بموت فيها


شكرا ليكي

مذكرات زوجة said...

اقول الكلام دة لبناتى الاتنين

فكرة البوست تحفة على فكرة

شمس النهار said...

ازيك
مبروك الف مبروك
معلش مقصره بس مافيش وقت
خالص
اما الجمله دي
طبعا هقولها اكيد لحبيب
بس الجمله مش مفهومه اوي
هي معناها ماقدرش اعيش من غيرك صح
؟؟؟:)

حنين القلب said...

حبيبتى
ربنا يخليكى ليه وكل سنه وانتى طيبه انتى كمان

انا اقول للجمله دى
لحبيب قلبى اللى لسه مش شوفته بس قلبى وروحى شيفينه
النونو بتاعى ان شاء الله
ينفع؟؟؟
ههههههههههههههههههههههه

بحبك والله يا سكرة

rovy said...

السلام عليكم
ازيك يا سالى ؟؟
يارب تكونى دايما فى احسن الاحوال ..
البوست هايل و السؤال مش صعب لأنه اكيد حأقول الكلام ده لأمى و لبناتى و اخواتى و زوجى ايضا ..
اصعب شىء فى الوجود هو فقدان الانسان لشخص غالى جدا عنده .. ربنا يعفينا جميعا من الاحساس ده و يبارك لنا فى كل احبابنا و لا يحرمنا منهم ابدا .. بارك الرحمن فيكى و فى كل احبابك غاليتى

تحياتى

كيــــــــــــارا said...

مبروك للافراح اللي بالجملة دي

اما اللي هقوله الجملة دي مش هقدر اجاوب هخليها بيني وبين نفسي

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger