فى وقت من الاوقات بتحس انك وحيد فى الدنيا رغم ان حواليك كتير
مش سامع غير صوت جاى من جواك مغطى على كل الدوشة والكلام الكبير
يدور شريط حياتك فى خيالك .. تحس انك فى يوم من الايام كنت بتحلم الحلم ده .. بتسمع أو بتقول الكلام ده .. وتعيد فيه وتزيد
طب ليه حلمك متحققش .. وليه الكلام ده متنفذش .. ليه قلبك مش سعيد
وليه انت استسلمت تضيع منك سنين عمرك وانت بتتفرج من بعيد
مليون سؤال يدور جواك .. ومش بتحاول تلاقى إجابة
يسيطر عليك القهر .. وتقول دى دنيا كدابة
لا قادر تعيشها زى ما هى وتنسى حلمك .. ولا قادر تحقق حلمك وتسيبك من الكآبة
تلاقى الذكرى مطوية فى كتاب قديم عليه تراب
تاخد من الحاضر منديل تمسحها بيه وكلك لهفة تنسى العذاب
ريحة الذكرى تنشيك .. والحنين يتحرك فيك
تقلب فى صفحاتها تلاقيها صفرا
سطورها مش واضحة
تقول لنفسك اييييييه كانت ذكرى حلوة ياريت دامت ولو قليل
تقفل ذكرياتك وترجع لحياتك
محتاج الحاضر يضمك .. ينسيك همك.. يجفف عرق المشوار الطويل
تلاقيه طلعلك منديل .. تبص فيه تلاقيه .. الذكرى لوثته ولسه محتاج غسيل
40 comments:
احساس عالي وتعبيرات مذهلة
بعض الذكريات مش بتروح وبتفضل متعلقة بالمنديل
شكرا ليكي كنت محتاجة اقرا حاجة بالجمال ده
ولله فكرتيني بالحالات اللي بتبقى عندي
ساعات بمر بكذا حاله منهم في نفس اليوم
وساعات بكون الصبح بحاله وباليل بحاله تانيه
بس موضوع الذكريات ده دائما بيجيلي باليل
ولما برجع للواقع اللي انا فيه بتصدم
ليس كل ما يتمناه المرء يدركه
هي دى الدنيا دايما تمشي كدة وعمرها ما تدى حد كل اللى يتمناة دايما تدي جزء وتمنع اجزاء
تحياتى وتقديري
السلام عليكم ورحمة الله وبركاته
ليه كده يام دودو
تقلبي علينا المواجع
فعلاً انا شخصياً اوقات كتير بحب
اخرج بره الواقع واعيش مع الذكريات
وان كان فيها بعض الالام
ولكنها ابداً لاتنسى
احساس رائع بارك الله فيكي
ودمتم بخير
ماشاء الله بجد تحفة الكلمات دى وخصوصا انها عبرت عن كتيييييييييير مننا ويمكن لمستنى انا جدا ربنا يكرمك يارب بجد كلمات جميلة جدا جدا جدا
دوام الحال من المحال
وكل وقت بيعدى علينا بنحس بحاجه مختلفه
والانسان كل ما بيكبر بيتعلم
بس رجعتينا لحاجات كنا محتاجين نفتكرها
تسلم ايدك
حنين
احساسيسك حلوه قوى وبتوصل فعلا للقلب بسرعه
وفكرتينى بحاجات كان فعلا لازم اقعد مع نفسى عشان اقدر احسبها صح
وفى زكريات كتير قوى افتكرتها وانا بقرا البوست دا
تحياتى
محتاج الحاضر يضمك .. ينسيك همك.. يجفف عرق المشوار الطويل
تلاقيه طلعلك منديل .. تبص فيه تلاقيه .. الذكرى لوثته ولسه محتاج غسيل
كلام حلو اوي
احساس احلي
تعبير بالكلمات احلي واحلي
ماشاء الله
بجد ربنا يحميكي
مساء السعادة
و الله كلنا بنعيش في لحظات معينة ذكريات الماضي و نقول يا ريت لو كنا لسه بنعيشها بس في لحظة بتفيق من وهم الذكريات و ترجع تعيش الواقع باحزانه الكثيرة
مودتي
اذيك يا سالى
عاملة اية
ساعات الواحد بيحب يرجع لذكريات جميلة عاشها علشان ينسى احزان حاضر بس بتكون مجرد ذكريات ممكن مترجعش تانى
بوست رائع ملىء بالمشاعر الدقيقة
بتمنالك كل الخير والسعادة
انا حاسه بكلامك قوووووى
وعاجبنى قوى
بس لازم زى ما بتحتفظى بالذكرى
تعيشى الحاضر
علشان مش يفسد عليكى بكره
unique
-------
أهلا يا قمر
تسلميلى حبيبتى
ده بس من ذوقك
بعض الذكريات مش بتروح وبتفضل متعلقة بالمنديل
بالضبط .. بس الغلط علينا اننا قلبنا فيها ودخلناها الحاضر
نورتينى يا قمر
لورنس العرب
------------
أهلا بك اخى الفاضل
تفتكر الذكرى فعلا بتبقى احلى من الواقع .. ولا احنا اللى مش بنقدر نستحمل الواقع ومش بنلاقى قدامنا غير الذكرى نهرب لها بدل ما نحل مشاكلنا
اكيد برضه لما الذكرى زمان كانت واقع بنعيشه كنا بنلجأ للذكرى اللى قبلها ونعتقد انها افضل
المشكلة ان الانسان مش مرتاح فى كل الاوضاع
ومحتاج رصيد كافى من الرضا عشان يقدر يعيش حياته
نورتنى اخى الفاضل
احساس عالى جدا
وكلمات رائعة جدا
وتصوير لحالة نفسية نمر بها جميعا
دمتى مبدعة اختى العزيزة
تحباتى
فعندما يحدث هذا لابد أن نطمع فى مستقبل أفضل
الله يا سالى بجد جميله جداا و حسيتها قوى
سلمت يداكى حبيبتى و يارب يحقق كل احلامك و يبارك فيكى غاليتى
ارق تحياتى
فعلا الشخص يجب أن يندم على ما فات وخصوصاً إذا خسر شيئاً او لم يحقق حلما
-------------
طبعا ما لازم الإنسان يحن للذكريات عشان يعيش
هيلو
ازيك
ايه اخبارك ؟؟؟؟
بلاش المواضيع دي عشان بتيجي علي الجرح
حلوة القافية في الكلام ده
تحياتي
حلو البوست ده ... بحب الرومانسية جداااا حتي ولو حزينة
تحياتي
احلامنا والامنا هى جزء من حياتنا
ذكرياتنا سواء كانت حلوة او وحشه
هيه اللى بتشكل حياتنا
هيا اللى بتقوينا عشان نكمل
او بتضعفنا وتطسرنا
بس الشاطر فينا هو اللى ميسمحلهاش انها تضعفه
ربنا معانا ومعكى
بحييكى على كلماتك
بجد ياسالى الكليمات
هزتنى قوى لانك كاتبها باحساس عالى قوى
جميلة دايما انتى ياسالى
تحياتى
حازم النبراوى
--------------
اهلا بك اخى الفاضل
فعلا هى الدنيا كده
وده حال البشر
ربنا يرزقنا نعمة الرضا بقضاؤه
نورتنى اخى الفاضل
ابو صهيب ( الجمعاوي الاصيل)سابقاً
---------------------------------
وعليكم السلام ورحمة الله وبركاته
أهلا بك اخى الفاضل
انا اسفه والله مقصدتش اقلب المواجع
سامحنى
ذكريات الانسان هى جزء من حاضره ومستقبله ايضا
هى حجر الاساس اللى بيتبنى عليه كل اللى بعدها
اكيد صعب تتنسى
بس مش ضرورى نفضل فاكرينها
المهم ندى للحاضر حقه
عشان المستقبل يدينا حقنا
نورتنى اخى الفاضل
ايوشه
--------
أهلا بالقمر
ازيك حبيبتى اخبارك ايه
ربنا يخليكى يارب عالكلام الحلو ده
ده بعض ما عندكم مش اكتر
انتى بتكتبى احلى منه بكتير
ميرسى يا حبيبتى
نورتينى يا قمر
7anen
------
أهلا يا جميل
تسلميلى يا قمر
يارب تكونى افتكرتى حاجات حلوة
منورانى يا سكرة
Pink Dreams
---------------
اهلا يا جميل
ميرسى يا حبيبتى
انتى اللى قلبك صافى وبيوصله الاحاسيس بسرعة
يارب تكونى افتكرتى حاجات حلوة
نورتينى يا قمر وشرفتينى باول زيارة
ديالا
------
اهلا حبيبتى
والله انتى اللى كلك ذوق
ربنا يخليكى يارب
اسعدتينى جدا بزيارتك
ونورتينى يا قمر
assafo anaroze
---------------
أهلا بك أخى الفاضل
اسعد الله صباحك ومسائك
عندك حق
بس مش دايما الماضى بيبقى احلى
المفروض نحاول نحلى الحاضر اللى عايشينه لانه بكره هيبقى ذكرى
وممكن كمان يكون احلى من الواقع اللى هنعيشه
لكن لو استسلمنا للذكريات هنشوه الحاضر ونؤلمه ونضيع المستقبل
رزقك الله السعادة فى حاضرك ومستقبلك ان شاء الله
نورتنى اخى الفاضل
سماء
------
اهلا حبيبتى
الله يسلمك يا قمر ازيك انتى يا سمسم
يارب تكونى بخير
غالبا الذكريات مش بترجع تانى .. لانها مجرد ماضى
والماضى لا يعود
كما لا يعود الموتى مرة اخرى
زيارتك هى الاروع
ميرسى على ذوقك
نورتينى يا قمر
عاشقه الرومانسيه
----------------
دودو الجميلة
عروستنا الننوسة
اهلا حبيبتى
الف مبروك يا قمر عالخطوبة
عقبال الليلة الكبيرة ان شاء الله
ربنا يتمملك على خير ويباركلك يارب ويرزقك بكل الهنا والسعادة
كلامك جميل يا دودو وصح تمام
منورة يا حتة سكرة
همس الاحباب
----------
أهلا بك اخى الفاضل
ربنا يكرمك يا فندم
ده بعض ما عندكم مش اكتر
ميرسى جداا
نورتنى يا ابو همس
mohamed ghalia
---------------
أهلا بك اخى الفاضل
كلامك جميل يا محمد
وفيه امل كعادتك دائما
جملة بسيطة تحمل معنى كبير
دعواتى لك بمستقبل افضل فى كل شئ
وجزاك الله خيرا على مجهودك فى جروب الفيس بوك
جعله الله فى ميزان حسناتك
نورتنى اخى الفاضل
rovy
---------
أهلا روفى حبيبتى
وحشتينى يا قمر
تسلميلى يا قمر
ده بس من ذوقك
انتى اللى احساسك عالى شوية ههههههه
ربنا يكتبلك كل الخير
نورتينى حبيبتى
Dr Ibrahim
-------------
أهلا بك أخى الفاضل
عودا حميدا
لعل المانع كان خيرا
الحقيقة انا شايفة اننا ممكن نندم .. ممكن نحن .. لكن مش واجب علينا الندم .. اللى فات فات وعدى .. نبص بقى لحاضرنا ومستقبلنا عشان نعرف نعيش
البكاء على اللبن المسكوب لا يعيده مرة اخرى
دعواتى لك بحاضر ومستقبل أجمل ان شاء الله
نورتنى اخى الفاضل
المعلم محمد صاحب المطعم - طعمية سخنة
----------------------------------
أهلا بك أخى الفاضل
عودا حميدا يا معلم محمد
عايزين عودة قوية بقى احنا داخلين على رمضان اهه والمطعم المفروض يشتغل جامد ههههههه
كل سنة وانت طيب وبكل الخير
ماشى بلاش براحتك ههههههههه
تسلم ربنا يكرمك ده بعض ما عندكم
سلامى لشريكة المطعم
نورتنى اخى الفاضل
mimi
-------
أهلا ميمايا
نورتينى يا قمر
تسلمى يا حبيبتى
انتى فعلا كلك رقة واحساس
وحمدا لله على السلامة من رومانيا
نورتى مصر
ونورتينى يا قمر
coraline
-----------
أهلا يا جميلة
عندك حق تمام
ذكرياتنا هى حجر الاساس اللى بيتبنى عليه حاضرنا ومستقبلنا
نورتينى يا قمر فى اول زيارة
ربنا يروق بالك ويحسن حاضرك ومستقبلك ان شاء الله
أم مالك
--------
أهلا بكِ حبيبتى
ده شرف ليا يا غالية ان كلماتى تنال اعجابك
ربنا يكرمك يارب
ويمن عليك بتمام الشفاء
ويبارك لك فى اولادك واحبابك
نورتينى يا حبيبتى
زى ما تكونى بتوصفى اللى جوايا والله يا سالى
ياااااااااه
مش عارفه اقولك ايه بجد
ريمان
------
اهلا يا جميلة
ازيك يا ريمو يا حبيبتى اخبارك ايه
يارب تكونى بخير
ممممممم
مش جواكى لوحدك يا ريمو
زى ما انتى شايفة .. طلع جوانا كلنا
:(
ربنا يكتبلك كل الخير والهنا يا قمر
والف مليون مبروك للنجاح
نورتينى يا سكر
Post a Comment