Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Tuesday, May 12, 2009

قــال تــــــاج قــال


إزيكوا يا جماعة .. وحشتونى
فاصل قصير لغاية ما ربنا يفرجها فى باب افتح قلبك .. ونرجع نكمل مع المشاكل الكتير جداااااا اللى جت .. أصل الواحد تعب بصراحة من قلة .. احم .. قصدى من كتر المشاكل .. وقلت آخد فاصل عشان أقدر أواصل هههههههه

المهم بقى دودو الجميلة ...
عاشقة الرومانسية .. البنوتة الجميلة الطيبة الشقية اللى كلكوا عارفينها طبعا .. أهدت لى .. وخدوا بالكوا كويس من أهدتنى دى .. أهدتنى ايه بقى ؟؟
أقولكوا
أهدتنى تاج مش عارفة إسمه ايه بصراحة
بس هو تاج يعنى
وهو ده المهم

ويلا بقى نجاوبه ويا نخلص عليه يا يخلص علينا هههههههههههههههه

.

من أنت ؟ وما الذى تفعله هنا ؟

.
لا إله إلا الله
قال يا قاعدين يكفيكوا شر الجايين
واحدة وقاعدة فى مدونتها تعباكى فى ايه انا ؟؟ ههههههه
أنا واحدة من الناس .. عادية خالص حاصلة على ليسانس بطالة شعبة قعاد فى البيت – كان زمان اسمها ليسانس تربية شعبة لغة فرنسية بس دى موضة قديمة طبعا متخدوش فى بالكم- متفائلة وصبورة وعندى أمل كبير فى بكره
بعمل ايه هنا ؟؟ بجاوب عالمحضر اللى قدامى ده ههههههه

.
إسرائيل تقصف كل جنوب ممكن بحثا عنك ، أى شمال ستقصد؟

.

واسرائيل هتبحث عنى ليه اصلا .. ؟؟
على أساس انى خطر على امنها التدوينى مثلا ههههههه
أوووووووك هروح شمال أمريكا وتبقى تقصفها بقى نياهاهاهاها

أنت مكلف بحذف حرف من حروف اللغة العربية .. أيها ستختار ولماذا ؟

.
والله انا مش بحب حرف ( ظ) .. بيفكرنى بالظلم والظالمين والظلام . بس طبعا الكلمات دى ذكرت فى القرآن الكريم .. و حروف اللغة العربية اصلا مصدرها القرآن الكريم .. فمينفعش افكر مجرد تفكير انى اغيرها او احذف منها





لو قدر لك أن تدخل السجن فما هي القضية التي تتمنى ان تدخل بها إليه؟

حلوة تتمنى دى هههههههههه .. كأنى هروح دريم بارك مثلا ههههههههههههه
والله لو قدر لى ادخل السجن يبقى قدر لى .. وساعة القدر يعمى البصر .. مش هلحق اختار التهمة ههههههههههه هتبقى القضية جاهزة ومتظبطة ومستنيانى .. بس عموما ( اتمنى ) مدخلوش هههههههه


بالمناسبة.. منذ متى اكتشفت نفسك؟

والله لسه مكتشفتش نفسى .. بجد يعنى
شايفة فى نفسى طاقات مهدرة .. وحاسة انى ممكن اعمل حاجة لو وظفتها فى مكانها .. بس .....؟؟

معندكوش حد يكتشفنى ؟

على مفترق طريق الافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟

مش عارفة ليه حسيت ان المسيخ الدجال هو اللى بيسألنى وجنته نار .. وناره جنة ههههههههههههه
انا هختار اليمين واتوكل على الله .. لأنه اليمين .. مش لانه حلمى

نحن لا نعيش حياتنا بل نتعلم فيها كيف نعيش ما تعليقك؟


لا احنا بنعيش حياتنا .. بس مبنتعلمش غير بعد ما نمر بمواقف الحياة المختلفة على مدار الحياة


بجملة واحدة فقط أكتب تعريفاً لكل كلمة من الكلمات التالية

الوطن
مصر – دمياط – بيت العيلة
الأم
حنان وعطاء ودفء واحتمال
الليل
هدوء ورومانسية وجراح وآلالام
الحب
وهم نخدع به أنفسنا ونجرح به أو ( يجرحنا به )غيرنا
أمريكا
مراة أبو العالم الشريرة
المرأة
حمالة الاسية
الصمت
لغة لا تقل اهمية عن الكلام
الانترنت
ضيف دخل بيوتنا واحتلها وبقينا احنا الضيوف :).. مقدرش اقول انه سئ جدا .. أو انه جميل جدا .. لأن اللى بيستخدمه هو اللى بيضفى عليه الصفات دى


ز
أخترمنصباً واتخذ قرارا ؟


.
رئيسة تحرير و صاحبة دار نشر .. الاتنين هههههههه

مش بقولكوا طاقات مهدرة هههههههه

قرارى


.


تعيين معظم المدونين كتاب وصحفيين بمرتبات مجزية .. عشان بجد فيه ناس عندها موهبة رائعة فى التعبير والنقد والسرد وكلها مواهب مدفونة خلف الشاشات .. هضبطكم متخافوش هههههههههه



قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

تغييب ايه ؟؟
كان زمان الكلام ده .. ما ياما .. يامااااااااا ستات قالوا شعر .. مقريتش ليهم ولا مرة الحقيقة هههههههههه .. بس شغالين يعنى ههههههههههه
يمكن لأن المرأة اكثر خجلا من الرجل قى التعبير عن مشاعرها .. أكيد كانوا بيكتبوا شعر برضه بس مخبينه فى درج المكتب



أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل

أعلل ؟؟
والله ما انا عارفة ده تاج ده ولا كلبشات
مرة اسرائيل بتبحث عنى
و مرة تدخلونى السجن
ومرة مطلوب فى جريمة
ناقص تسألونى تحب تموت ازاى .. بالاعدام شنقا ولا بالموت حرقا هههههههههههه
لا طبعا مش عايزة حد يطلبنى .. ولو حد طلبنى مش هرد أصلا.. النمرة غلط ههههههههههه

.
إلى أين تمضي كلمات الحب .. بعد أن نقولها؟

من القلب للقلب رسول .. المهم ان يكون الحب صادق.. وليست مجرد كلمات

هل تجد علاقة بشكل أو بآخر بين المرأة وقطاع الطرق ؟


ممممممم أكيد اللى عمل التاج ده رجل
طييييييييب .. قاطع الطريق يسرق أموالك .. والمرأة تسرق قلبك

هذا فراق بيني وبينك .. متى ولمن تقولها ؟

.
أتمنى مقولهاش لأى حد بحبه .. واى حد بيحبنى مش هيخلينى أقولها .. وبكده سهل اقولها لاى حد طالما مش بيحبنى ولا بحبه

.
كيف هو غداً ؟
والله لو عشت إلى غدا هابقى أقولك .. عموما اتمنى ميكونش حَر هههههههه

أمرر التاج الى

معلش بقى يا جماعة ياللى همررلكم التاج
هو تاج رخم صحيح بس لذيذ ههههههههههه
وانا معرفش يبقى معايا حاجة وموزعهاش على الحبايب .. معلش بقى استحملونى ومحدش يدعى عليا .. ماشى
توكلنا على الله

محاسن صابر
أم أحمد المصرية
رفقة عمر
موناليزا
Soul .o.0.o .whisper
Aidy
rovy
ملكة بحجابى
نهى الوكيل
محمد عتلم
جنى
همس الاحباب
امبارح كان عمرى عشرين
طعميه سخنه
تامر على

اللى يجاوبه يعرفنى
واللى عايزه يتفضله

يارب البوست يكون خفيف عليكوا .. ومكونش ضيعت وقتكم فى الفاضى

سلااااااام
ومتنسوش باب افتح قلبك
Eftah.2albak@yahoo.com


51 comments:

المعلم محمد صاحب المطعم - طعمية سخنة said...

هيه اول تعليق

المعلم محمد صاحب المطعم - طعمية سخنة said...

و التاني كمان ؟ معقول

المعلم محمد صاحب المطعم - طعمية سخنة said...

لالالالالالالالا دي تاني مرة اخد اول تعليق هنا

المعلم محمد صاحب المطعم - طعمية سخنة said...

الرابع بقي طالما لوحدي
و الخامس بعد القراية

المعلم محمد صاحب المطعم - طعمية سخنة said...

احم احم
انا هجاوب علي الاسئلة دي كلها؟
طيب ممكن ادعي عليكي دعوة واحدة بس؟
واحدة صغيرة يعني ؟؟؟

بالمناسبة دمك خفيف اوي في الاجابات

بقولك ايه انا عرفت اني همسك نائب رئيس التحرير مفيش اي نفحة تحت الحساب كده؟

حاجات جوايا said...

المعلم محمد صاحب المطعم - طعمية سخنة
-----------------------------------
أهلا بك اخى الفاضل
مبرووووك
اول
وتانى
وتالت
ورابع
وخامس تعليق
هههههههههههههه


هتدعى عليا برضه
مفيش فايدة يعنى
هى يعنى الدعوة الصغيرة مش دعوة
ههههههههه

طب مفيش نفحات
هههههههههههه


ميرسى ربنا يخليك

فى انتظار اجاباتك ان شاء الله

نورتنى اخى الفاضل

حسام غانم said...

اجابات جميلة لتاج صعب :)

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته

ايه التاج التقيل ده

عجبني قوي طريقة الهروب اللي انتي بستعمليها دي

بتعرفي فعلاً تهربي من الاسئلة بطريقة كميدية ساخرة متخليش حد ياخد باله اني انتي مجوبتيش على السؤال اصلاً
تقبلي تحياتي

وربنا يوفقك في افتح قلبك

حازم النبراوي said...

تاج جميل واجابات رائعة

تحياتى وتقديري

المعلم محمد صاحب المطعم - طعمية سخنة said...

الله يبارك فيكي
المهم النفحة

Soul.o0o.Whisper said...

السلام عليكم و رحمة الله و بركاته

ايه دا يا سالى ؟؟؟؟؟؟؟؟؟؟؟
ها؟؟؟

هى ماما مش قالت لك كدا غلط؟؟
و طنط سول قالت لك كدا ضار بالصحة؟؟

مفيش فايدة ، الواحد مش بيتعلم ابدا ابدا!!!

طيب يعنى الوقتى اعمل ايه؟؟
ها
قوليلى

يعنى حلو التدبيسة دى؟؟
مااااااااااااااشى
ماااااااااشى

لما أشوفك بس
هأوصى عليكى مرات أبو العالم الشريرة
ههههههههههههههههه


بجد اجاباتك زى العسل
ربنا يبارك لك يارب يا جميلة


و حاضر
ماقدرش أرفض لك هدية
هااااااااا
هدييييييييييييية
واخدة بالك


عشان بردوا ماترفضيش ليا اىىىىىىىى هديييييييية
ههههههههههههههههه



دمتى بكل الود يا قمرة

أم أحمد المصرية said...

بقي كده يا سالي
ده مقلب تعمليه في انت مش عارفة ان التاج مقلب علي رؤس المدونين
زي الصحة كده ماهي تاج علي رؤوس الاصحاء
:)))))))))))))))))
ماشي يا سالي هدية مقبولة بس انا مش شاطرة زيك في الاجابات ححاول و لما اخلص حبلغك يا قمر مردوداليك في التيجان

enjy said...

دمك خفيف جداااااااااااااااااااا

موناليزا said...

دمك خفيف اوى على فكرة:)
وانا بجد بحبك
ورغم انى ماليش فى حكاية التيجان دى خالص بس عشان خاطرك هجاوبه هنا
(اى خدمة):)
\\\\\\\\\\\\\\\\
من أنت ؟ وما الذى تفعله هنا **

ج* سؤال وجيه
أنا أمة الله وجاية أمسى على الغاليين واتشارك معاهم فى أفكارهم واشاركهم فى افكارى




**
إسرائيل تقصف كل جنوب ممكن بحثا عنك ، أى شمال ستقصد؟


ج*سأذهب اليها وفى عقر دارها




أنت مكلف بحذف حرف من حروف اللغة العربية .. أيها ستختار ولماذا **

ج* ولا حرف





**لو قدر لك أن تدخل السجن فما هي القضية التي تتمنى ان تدخل بها إليه؟

ج* سؤال غريب مين ممكن يتمنى يدخل السجن اصلا:)




**بالمناسبة.. منذ متى اكتشفت نفسك؟


ج*عندما هدانى الله اليه



**على مفترق طريق الافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟

ج* الى حلمى


**نحن لا نعيش حياتنا بل نتعلم فيها كيف نعيش ما تعليقك؟


ج*ده حقيقى


**بجملة واحدة فقط أكتب تعريفاً لكل كلمة من الكلمات التالية

الوطن
مصر*

الأم
هى أمى
*
الليل
هدوء *
الحب
ماينفعش نعيش من غيره يكفى ان نحب اى شئ حولنا حتى نستطيع ان نستيقظ
الحب معناه كبير اوى
حب الحياة نفسها
حب عبادة الله
حب الاهل والاصدقاء والهوايات والعمل والتعلم
ازاى ممكن واحد يعيش من غيره
أمريكا
ذكية اوى*
المرأة
* كائن حى يعيش ويتعايش:)
الصمت
أحيانا كثيرة يكون له مفعول ابلغ من
*الكلمات
الانترنت
تكنولوجيا*
أخترمنصباً واتخذ قرارا ؟
.وزيرة العدل واعطى لكل مظلوم حقه سريعا قبل ان يموت كمدا وحسرة


هكتفى بهذا القدر
وممكن بعد ما تقرأيه تمسحيه
ده بس عشان خاطرك جاوبت

لورنس العرب said...

اسئله غريبه
واغربهم سؤال دخول السجن !!

موناليزا said...

قصدى ياجميلة انى سايبالك مطلق القرار فى انك تخليه او تمسحيه على اعتبار انه مش تعليق خاص بالموضوع يعنى
أصل انا مثلا بعمل كده لو لقيت تعليق مالوش دعوة بالموضوع بكتفى بقرائته ومابنشروش واروح ارد على صاحبه فى مدونته
لان من وجهة نظرى ان التعليقات المفروض تكون خاصة بالموضوع وبس عشان لو حد بيقرا الموضوع وجميع التعليقات يبقى استفاد من كل الاراء ومايلاقيش حاجة فى النص كده :)
تفكيرى غريب شوية صح:)
أحبك الذى أحببتنى فيه:)
وبشكرك جدا لاهتمامك:)

بلاش فضايح said...

ههههههههههههههههههههههههه

اجابات جميلة ودمها خفيف اوى
مبروك التاج

تقبلى مرورى

rovy said...

الله يكون فى عونك يا سالى
ده تاج ده و لا تهمه ؟؟
بجد جاوبتيه ازاى ..؟
يمكن لأنك عبقريه و دمك خفيف و عرفتى تتعاملى مع الاسئلة الغريبه دى بمهاره فائقه ..
على كل حال مبروك التاج و عقبال التاج المليون ..
اجمل اجابه عجبتنى هو انك لما خيرتى بين حلمك و بين ما لم يحلم به البشر و رغم التشويق الواضح الا انك اخترت حلمك
جميل اننا نتمسك بحلمنا و نتمنى نحققه و يارب تحققى كل احلامك يا قمر
عاوزاكى تسامحينى لأنى مش حأقدر اجاوب التاج فى الوقت الحالى لأن عليا تيجان كثير متأخره لدرجة انى خايفه انساها و باحاول افتكرها و باتمنى ان ما حدش يزعل منى بس بجد انا مشغوله شويه اليومين دول و التيجان عاوزه تركيز و شوية وقت ..ان شاء الله ربنا يقدرنى و اجاوبه لاحقا

دمتى غاليتى بكل الود و بأشكرك اكيد على تدبيسة التاج لكن ده معناه انك فكرانى و ده عندى حاجه كبيره ربنا ما يحرمنى منك يارب

ارق تحياتى

عاشقه الرومانسيه said...

حلو البوست
جميله الاجابات
بس اجمل شئ هى الجمله دى
أمريكا
مراة أبو العالم الشريرة

شكرا ياقمر انك جاوبتى التاج
اموووووووووووووه

ســـهــــر said...

انتى دمك زى السكر على فكرة
بحب اجابات التاجات اوى بتبين شخصية الواحد الى حد ما وتقربة من الناس
حقيقى أتبسطت وانا بقرأ اجاباتك

ولما تبقى رئيسة تحرير اوعى تنسينى وحياة والديكى
:)

تحياتى ليكى

ملكة بحجابى said...

كدة بردو
أوختشك حبيبتشك تيهون عليكى ؟
يعنى أخلص شغل الشركة واللا الم المعرض واللا اكمل مذاكرة واللا أجاوب التاج بتاعك واللا اقطع فى هدومى ؟؟
يابنتى ده انا شعرى مش عارفه اسرحه بقالى اسبوع بس ماتقوليش لحد
هههههههههههههههههههه
شوفى شفيعك الوحيد عندى انى بحبك
وكمان عجبتنى اجاباتك على وحدة القذائف الجوية اللى فى التاج ..توكلنا على الله أروح أجاوب على تاجك بئى
نيها ها هاااااااااااااااااااااا

aidy said...

ايه التاج ده

ده مش تاج

ده وباء ههههههههه

اجابتك عليه حلوة اوى يا سالى وعجبتنى بجد

بس انا ربنا معايا بقي امتحن الاول واخلص اسئلة الامتحان واجى اشوف اسئلة التيجان

ربنا يستر عليا

أم أحمد المصرية said...

حبيبتي سالي
اجبت علي التاج منذ قليل
دمت بخير

نهر الحب said...

من زمان مجتيش هنا
وبصراحة وحشتينى قلت اعدى اسلم
ازيك

بصراحة اجاباتك كلها حلوة رغم الالم بين سطورها
تحياتى

نهــــــــــار said...

السلام عليكم...
إجاباتك عسل ....

ريمان said...

ههههههههههههههههه


المعلم صاحب المطعم بتاع الطعميه مستولى على كل التعليقات


ههههههههههههههه

بس حلو اوى الليسانس بتاعك ده




تحياتى يا سالى

انتى وحشانى اوى على فكره


وشكرا بجد على رسالتك الجميله يا قمر

اموااااااااااااااه


يا عسل انتى

تامر علي said...

اجابات لوذعية لأسئلة متنقيه :)

شكراً على التمرير وان شاء الله اجاوبه في البوست اللي جاي :)

تحياتي وتقديري :)

أم مالك said...

الحبيبة سارة
عرفت الاسم من التعليقات
اول مرور والحمد لله كان فى اسئلة التاج
علشلت اتعرف عليكى اكثر
والنتيجة انسانة مميزة ودمها زى العسل
تقبلى مرورى وتحياتى
ودمتى بالف خير

وليد الاسلام _هويتى اسلامية ومدونون من اجل فلسطين said...

ربنا يكرمك حضعلى مدونتك ويجعلها سبب لدخول حضرتك الفردوس الاعلى وربنا يجعل كل من يكتب فيها فى ميزان حسناتك يارب ونقبلى مرورى واتمنى من الله ان يكثر من امثال حضرتك دمتى بود من الله

جنّي said...

السلام عليكم

اجابتك موفقة قربتنا اكثر واكثر منك ..

وشكرا على التدبيسة يا اخت سالي وجالي نفس التاج من اختنا ام احمد .. الظاهر ان ما فيش مفر والله المستعان ..

noha said...

سوسووووووووووو

ياسيدى ياسيدى ع الاجابات وع التدبيس

يابنتى انا لسه بشم نفسى وبقول ياهادى

ووبعدين اجيب انا منين حد يجاوب معايا دلوقتى

ينفع اعملوا كلو على بعضى كابى باست واحطواااااا

هههههههههههه :) واهو محدش واخد باله من حاجة

assafo anaroze said...

حاجات جوايا
اجابات بالرغم من خفة دمها بنستشف من خلالها شخصية كاتبها
سعيد بمعرفتك
مودتي

الفقيرة إلى الله أم البنات said...

عاجبنى قوى ردك
وخاصة وصف أمريكا
وكمان اسلوب الهروب الرايق
بارك الله فيك وفى دودو وجعله قرة عين لك

مجداوية said...

السلام عليكم

بتتبع خطوات التاج وصلنا
يعني انتي دبستيني فيه من غير قصد
بس هو فعلا تاج مميز والاجابات بتعكس شخصية كل واحد وشخصيتك كلها ألوان وفيها تفاؤل وخفة دم

وده من ايه ده ؟

:)
:)

يا مراكبي said...

التاج التاج التاج

على فكرة .. ده بقى داء المدونات الأول .. أنا حاسس إنه بقى إدمان

عقبال التاج اللي جاي

أحمد سعيد بسيوني said...

عندك حق
تاج ده ولا محضر في قسم شرطة

تحياتي

حاجات جوايا said...

معلش يا جماعة كان لازم انزل البوست الجديد عشان بقاله كتير

هرجع ارد عليكوا ان شاء الله واحد واحد
والف شك على كلماتكم الجميلة واطلالتكم الرااااااائعة


متحرمش منكم ابدا يارب

رجعالكم تانى ان شاء الله

سلام مؤقت

حاجات جوايا said...

حسام غانم
--------
اهلا بك اخى الفاضل
ألف شكر
مرورك هو الأجمل
مش كده برضه التاج صعب :)

نورتنى أخى الفاضل

حاجات جوايا said...

ابو صهيب ( الجمعاوي الاصيل)سابقاً
-----------------------------
وعليكم السلام ورحمة الله وبركاته
أهلا بك اخى الفاضل
ههههههههههههههه
لا والله مش بهرب دايما
شوية وشوية على حسب تقل الاسئلة على قلبى :)

ربنا يكرمك ويوفقك
نورتنى أخى الفاضل

حاجات جوايا said...

حازم النبراوى
--------------
أهلا بك اخى الفاضل
تسلم ربنا يكرمك
نورتنى اخى الفاضل

حاجات جوايا said...

المعلم محمد صاحب المطعم - طعمية سخنة
---------------------------------
أهلا بك يا معلم محمد
ههههههههههه
ياربى عالماديات
ماشى من عنيا
بس قول يارب :)
نورتنى اخى الفاضل

حاجات جوايا said...

Soul.o0o.Whisper
-----------------
وعليكم السلام ورحمة الله وبركاته
أهلا يا قمرى
ههههههههههههههههه
معلش بقى الواحد ميتعلمش بالساهل
هههههههههههههههههههه
فى انتظار اجابتك يا قمر

نورتينى يا جميلة

حاجات جوايا said...

أم أحمد المصرية
--------------
أهلا يا قمر
هههههههههههه
جالك التاج يا مصاحب سالى
هههههههههههههه
انتى اجاباتك اروع يا قمر والله
تسلمى يا غالية

نورتينى يا حبيبتى

حاجات جوايا said...

enjy
-------
اهلا يا قمر
تسلميلى يا حبيبتى
انتى اللى عسل وسكر
:)
نورتينى يا قمر

حاجات جوايا said...

موناليزا
--------
أهلا حبيبتى
ربنا يخليكى ليا يارب
تسلميلى يا قمر على اجابة التاج

أخترمنصباً واتخذ قرارا ؟
.وزيرة العدل واعطى لكل مظلوم حقه سريعا قبل ان يموت كمدا وحسرة

ربنا يجعلك دائما من المنصفين

بحبك فى الله يا مونى
نورتينى يا قمر

حاجات جوايا said...

لورنس العرب
-----------
أهلا بك اخى الفاضل
فعلا اسئلة غريبة جدا
وتاج مررريب

نورتنى اخى الفاضل

حاجات جوايا said...

موناليزا
-----------
أهلا يا قمر
لا يا جميلة انا مش بمسح تعليقات خالص
كل زيارة بتعنى لي نوع من التواصل
حتى لو اعلانات عن مدونات ومواقع
كله على الرحب والسعة
هاجى امسح تعليقك انتى
ده لا يمكن ابدااااااااااا

نورتينى يا قمر

حاجات جوايا said...

بلاش فضايح
------------
أهلا يا قمر
تسلميلى يا نهى ربنا يخليكى
ده بعض ما عندكم يا حبيبتى

نورتينى يا جميلة

حاجات جوايا said...

روفى
------
أهلا يا قمر
هههههههههههه
ايه الكلام الكبير ده
عبقرية ومهارة فائقة
ربنا يكرمك يارب
يا رافعة معنوياتى انتى
:)
براحتك يا جميل جاوبيه وقت ما تحبى
المهم يتجاوب
:)

نورتينى يا قمر

حاجات جوايا said...

عاشقة الرومانسية
-----------------
أهلا يا دودو
يا صاحبة المقلب
هههههههه

تسلمى يا جميلة انتى اللى كلك ذوق
امووووه

حاجات جوايا said...

سهر
-------
أهلا يا قمر
ربنا يخليكى يا حبيبتى
هو فعلا التاج بيكشف الجوانب المخفية من الشخصية النتية
ههههههههههه

انساك ده كلام .. انساك يا سلام
اهو ده اللى مش ممكن ابدا

بس قولى يااااااااااااارب

ههههههههههه

نورتينى يا قمر

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger