Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Saturday, May 2, 2009

شموع مضيئة 5

اجعل شعارك دائما مع من يسئ إليك : لست أكبر من أن اخطئ فى حقك .. لكننى اكبر من ان أرد الخطأ بخطأ

إذا صادفت من تتمناه .. فكن له كما يتمنى

نظافة الثوب لا تعنى بالضرورة نظافة البدن .. ونظافة البدن لا تعنى بالضرورة نظافة القلب .. فكن بقدر الإمكان نظيفا من الداخل ومن الخارج

الباب المقفول أكثر الأبواب طرقا

ليس معنى ان تكون ( نيتك ) طيبة .. ان يكون (عملك ) طيبا

القليل على المدى الطويل .. أفضل من الكثير لمدى قصير

عندما تخون لا تحاول إقناع الآخرين انك ضحية .. ضحية ضعف أو ضحية فقر .. فأنت فى كل الأحوال جانى .. لا تلم إلا نفسك فلك عقل وإرادة ولست مُسيّر ولا منقاد

لا تتحدث بترفع عن عيوب الآخرين .. فانت لا تعلم كيف يرونك هم ؟


حاول ان تفكر فى مشاكل غيرك .. ستجد انك تنسى مشاكلك وتبدو صغيرة فى عينك

عجبت لك يا ابن آدم .. من الله عليك بنعم كثيرة لا تعد ولا تحصى .. لم لا تراها وترى فقط ما ينقصك ؟؟

من يعتاد على الطاعة .. ينسى ان يعصى الله

الحياة أربع حروف
ح : حب ى : يقين ا : إيمان ت : توبة وتوكل وتعبد

الحياة سلالم .. إما أن تصعد وترتقى .. وإما أن تهبط وتنحدر .. وإما أن تتوقف مكانك لا تُغير ولا تتغير
.
.
ملحوظة على الهامش : كل ما كتب فى مدونتى بقلمى وغير ذلك يذكر انه منقول

64 comments:

بت خيخة وأي كلام said...

حكم جميلة
واقوال مؤثرة فعلا

بس ممكن اعلق على حاجة

الحكمة بتاعة مش معنى ان نيتك طيبة يبقى بالضرورة عملك طيب

حسيت فى الحكمة دى
ان جالى احباط

على عكس مثلا الحديث الشريف
انما الاعمال بالنيات

الحديث فيه امل
وتحسى ان احنا حتى لو عملنا حاجة وحشة من غير قصد
بس كانت نيتنا طيبة
ربنا هيدينا حسنة على نيتنا الطيبة


لكن المقولة بتاعة مش معنى ان نيتك طيبة
يبقى لازم بالضرورة يكون عملك طيب
حسيت فيها العكس
حسيت انى هتحاسب على عملى الوحش رغم نيتى الطيبة

حسيت ان حد بيزعق

حسيت ان واحد بيهزء فى واحد قدامه



بس فى المجمل
اختيارات موفقة من الحكم والأقوال المأثورة


سلام
اختك خيخة

لورنس العرب said...

كلام جميل ومحترم له قيمه كبيره
ليتنا نعمل به جميعا

الربان said...

تحياتي

اشكرك لانك جمعتي هذه الاقوال المأثورة وأتيتي بها الينا...فالذكري تنفع المؤمنين.

تحياتي و تقديري

محمد عتلم said...

سالى
كان عندى احساس اول مافتحت الكمبيوتر انك كاتبه النهارده شموع جديده .. مش عارف ليه .. وقلت لنفسى ارد على التعليقات عندى الاول وبعدها اروح عند سالى(اصطبح) واروق مخى شويه قبل ما اشتغل - عشان عندى شغل كتير النهارده - واول ما فتحت التعليفات عندى لقيتك معلقه قلت ده فال جميل ارد عليها بأه واروحلها واذ فجأة يا سالى الاقى شموع مضيئه
انتى عارفه انى بحب شموع مضيئه اوى
انتى انسانه جميله

المعلم محمد صاحب المطعم - طعمية سخنة said...

salamo 3alekom
حاول ان تفكر فى مشاكل غيرك .. ستجد انك تنسى مشاكلك وتبدو صغيرة فى عينك
7ekma gamela bas mesh hat7el el moshkela

el 7ekm dy gamela awy awy ya saly

assafo anaroze said...

السلام عليكم
يسعد صباحك
لن اضيف شيئا
عسى ان تجد هذه الكلمات اذانا صاغية و عقولا تعقل و تفهم ما خطته اناملك
مودتي

nona said...

اجعل شعارك دائما مع من يسئ إليك : لست أكبر من أن اخطئ فى حقك .. لكننى اكبر من ان أرد الخطأ بخطأ

دى جميلة اوى وخصوصا ان انا لسة واخدة مقلب من واحدة صاحبتى

تسلم ايدك

همس الاحباب said...

كلمات رائعة جدا
وشموع حقا مضيئة
دائما كلماتك شافية ورائعة حقا
الحياة أربع حروف
ح : حب ى : يقين ا : إيمان ت : توبة وتوكل وتعبد
اجمل تعريف قرايته عن الحياة
دمتى مبدعة اختى العزيزة

mohamed ghalia said...

على فكرة مش محتاجة تنبهى إنى كل الكلمات من كتاباتك الخاصة
إنتى فعلا قلمك راقى جداااااااااا
أنا كمان بكتب بإسلوبى الخاص وحاسس إنى كده أحسن
الحياة أربع حروف
ح : حب ى : يقين ا : إيمان ت : توبة وتوكل وتعبد
الجملة دى عجبتنى جداااااا والبوست كله هايل والله
تسلم إيدك

موناليزا said...

تسلمى ياسالى ياجميلة
ربنا يزيدك من فضله

احساس لسه حى said...

عزيزتى

حكمك جميلة

بس هحاول اقولها بشكل تانى اتمنى تعجبك

وهختلف مع حكمك بقصد

من يسئ الى استحق اساءته لاننى اعطيته فرصة الحق فى الاساءه الى

اذا صادفت ما اتمناه فأتمنى ان اكون كما كان يتمنى فلن أكون غير أنا

نظافة الثوب تعطى انطبعا على نظافة البدن ونظافة البدن تعطى انطباع على نظافة القلب لاكن من ليس تظيف من الخارج فتقريبا ليس تظيف من الخارج


الباب المقفول دائما لا يطرقه احد

وليس معنى ان يكون عملى طيب ان تكون نيتى طيبة وذلك الاكثر حدوثا


أفضل الكثير على اى مدى الانسان طماع بطبعه


عندما اخون احاول ان اقنع الاخرين ما يودون سماعه عن سبب الخيانه
والخيانه ليس لها مبرر


تحدث عن عيوب الاخريين لاكن اعرف عيوبك ولا تنكرها

مهما كان غيرى فى مشاكل اكبر من مشاكلى فاكبر مشكلة فى الدنيا هى مشكلتى

ابن ادم يرى لاكنه لا يعرف قيمة هذه النعم

من يعتاد على الطاعه وتربى عليها فمعصية الله نار لا يقدر عليها


الحياه 28 حرف بها ملايين الكلمات


الحياه جبل يوم اصعد وارتقى ويوم اهبط وانحدر ويوم اتوقف التقط انفاسى


من وحى كلمات قلمك الجميل

تحياتى

سلام

أمبارح كان عمرى عشرين said...

عندما تخون لا تحاول إقناع الآخرين انك ضحية .. ضحية ضعف أو ضحية فقر .. فأنت فى كل الأحوال جانى .. لا تلم إلا نفسك فلك عقل وإرادة ولست مُسيّر ولا منقاد
_______________
بوست جميل اوى تسلم ايدك

mahasen saber said...

بقولك مليون مره مدونتك وبوستاتك وكل خرف بتكتبييه منتهى القيمه والرقى يا سالى

انا بستنى الشموع المضيئه لانها بتمزجنى روحيا وعقليا كده وبتخلينى افكر واستمتع بمعانييها الجميله

mahasen saber said...

وحشتينى جدا جدا جدا يا جميلة دمياط

وبوسيلى دودا يا قمر انتى

وشكرا يا سالى من قلبى على سؤالك عليا واهتمامك بيا

ربنا يكرمك يا حبيبتى

بجد انا كسبت اخت جميله

ربنا يباركلك فى ابنك وزوجك وكل من تحبين يا حبيبتى

mahasen saber said...

وحشتينى جدا جدا جدا يا جميلة دمياط

وبوسيلى دودا يا قمر انتى

وشكرا يا سالى من قلبى على سؤالك عليا واهتمامك بيا

ربنا يكرمك يا حبيبتى

بجد انا كسبت اخت جميله

ربنا يباركلك فى ابنك وزوجك وكل من تحبين يا حبيبتى

aidy said...

الحياة أربع حروف
ح : حب ى : يقين ا : إيمان ت : توبة وتوكل وتعبد

الجملة دى عجبتنى اوووووووووووى
**********************

الله يا سالى على كلماتك

بجد بحس انها بتدخل الراحة على قلبى

مواضيعك جميلة كعادتك

تحياتى ,,,

نهاد

حاجات جوايا said...

بت خيخة واى كلام
-----------------
اهلا يا نورا
ايه النور ده

حبيبتى الجملة بتقول

ليس معنى ان تكون ( نيتك ) طيبة .. ان يكون (عملك ) طيبا

يعنى كتير بتكون نيتنا سليمة فى حاجات وتلاقينا عكينا الموضوع خالص

يعنى ممكن تكونى بتصالحى مثلا بين صديقين وغصب عنك تقولى كلام بهدف الاصلاح وتلاقى الموضوع كبر عشان اللى قولتيه رغم ان نيتك كانت طيبة
وحاجات من هذا القبيل

ميرسى يا قمر ان كلماتى عجبتك ونسبتيها للحكم والاقوال المأثورة
ده شرف ليا اكيد
وان كنت اعتبرها فقط بعض من هذيانى


نورتينى يا قمر

حاجات جوايا said...

لورنس العرب
-----------
أهلا بك اخى الفاضل
ربنا يكرمك يارب
رفعت معنوياتى عالاخر
الف شكر
نورتنى اخى الفاضل

حاجات جوايا said...

الربان
---------
اهلا بك اخى الفاضل
ياااااربى عالكلام الكبير
والله انتوا هتدونى مقلب فى نفسى خالص هههههههه
ربنا يكرمك يارب
الف شكر
نورتنى اخى الفاضل

حاجات جوايا said...

محمد عتلم
-----------
أهلا بك اخى الفاضل
هههههههه المدونات عند بعضها
ربنا يكرمك يارب
مش عارفة ارد بجد
الف الف شكر
نورتنى اخى الفاضل

حاجات جوايا said...

المعلم محمد صاحب المطعم - طعمية سخنة
-----------------------------------
وعليكم السلام ورحمة الله وبركاته
أهلا بك اخى الفاضل
عندك حق مش بتحل المشكلة .. بس بتنسينا شوية وبترضينا بحالنا .. احسن من مفيش يعنى
ربنا يكرمك يارب
الف شكر
نورتنى اخى الفاضل

حاجات جوايا said...

assafo anaroze
------------------
وعليكم السلام ورحمة الله وبركاته
أهلا بك اخى الفاضل
يسعد صباحك ومساءك
والله انتوا خليتونى ارجع اقراها تانى
ايه الكلام ده
ربنا يكرمك يارب
الف شكر
نورتنى اخى الفاضل

حاجات جوايا said...

nona
-------
أهلا يا نهى
ازيك اخبارك ايه ؟
ههههه طب الحمد لله جت فى وقتها .. خلينا احنا الاحسن دايما

نورتينى يا قمر

حاجات جوايا said...

همس الاحباب
----------
أهلا بك اخى الفاضل
ربنا يكرمك يارب
ده كلام كبير اوى وانا اتنفخت عالاخر النهارده
الف شكر
نورتنى اخى الفاضل

حاجات جوايا said...

mohamed ghalia
----------------
اهلا بك اخى الفاضل
معلش زيادة تاكيد أصل أصحاب معظم التعليقات السابقة مكانوش عارفين
:)
ربنا يكرمك يارب كلك ذوق والله
انت فعلا اسلوبك رائع جدا بيشرح الصدر ويدعو للتفاؤل
ربنا يزيدك يارب
ده تانى صوت على نفس الجملة شكلها هتفوز بجائزة البوست ههههههه
ربنا يكرمك يارب
الف شكر
نورتنى أخى الفاضل

حاجات جوايا said...

موناليزا
------------
أهلا يا مونا يا قمر
اخبارك ايه
تسلمى يا حبيبتى يارب
ربنا يبارك فيكى
نورتينى يا قمر

حاجات جوايا said...

احساس لسه حى
--------------
اهلا بك اخى الفاضل

اسمحلك طبعا بالاختلاف .. وده يسعدنى

من يسئ الى استحق اساءته لاننى اعطيته فرصة الحق فى الاساءه الى
..........
انا اللى استاهل كل اللى يجرالى يعنى
هههههههه
لا مش للدرجة دى .. فيه ناس بتغلط فيك من غير سبب لان هما أصلا وحشين مش عشانك تستاهل ولا حاجة


اذا صادفت ما اتمناه فأتمنى ان اكون كما كان يتمنى فلن أكون غير أنا
..............
وليه متغيرش عشانه واسعده طالما قربه منى هيسعدنى ؟؟
ده منطق ذكورى اوى على فكرة
( انا كده وهفضل كده واللى عاجبه عاجبه مش عاجبه مش مهم )
صح ؟؟؟

الباب المقفول دائما لا يطرقه احد
...........
مفيش باب مقفول دائما
الا فى حالة الوفاة بقى على ما اعتقد


وليس معنى ان يكون عملى طيب ان تكون نيتى طيبة وذلك الاكثر حدوثا
..........
الجملة سليمة جدا
فى الحياة كثير من المتلونين


أفضل الكثير على اى مدى الانسان طماع بطبعه
...........
هههههههه وماله كل واحد واختياره
بس مفيش كثير بيدوم كتير
الاقتصاد حلو برضه
:)


تحدث عن عيوب الاخريين لاكن اعرف عيوبك ولا تنكرها
............
وليه اتحدث عن عيوب الاخرين .. ربنا أمر بالستر .. وكل البشر خطاء
ومن ستر مؤمنا فى الدنيا ستره الله يوم القيامة


مهما كان غيرى فى مشاكل اكبر من مشاكلى فاكبر مشكلة فى الدنيا هى مشكلتى
.............
تمام جدا متفقة معك تماما
بس اللى يشوف بلاوى غيره تهون عليه بلوته


من يعتاد على الطاعه وتربى عليها فمعصية الله نار لا يقدر عليها
..............
جميلة جدااااااااااااااااا الجملة دى
تسلم بجد


الحياه جبل يوم اصعد وارتقى ويوم اهبط وانحدر ويوم اتوقف التقط انفاسى
.................
حلوة برضه التقط انفاسى دى
وان كنت اعتقد ان ريتم الحياة اسهل كثيرا من صعود الجبل .. كفاية عليها السلالم يعنى :)


أشكرك جدا على تعليقك المميز
وعلى اختلافك وفتح باب النقاش

نورتنى اخى الفاضل

حاجات جوايا said...

أمبارح كان عمرى عشرين
--------------------------
أهلا بك أخى الفاضل
تسلم يا فندم
ربنا يكرمك يارب
الف شكر
نورتنى اخى الفاضل

حاجات جوايا said...

mahasen saber
==============
يا هلا يا هلا
يا الف اهلا وسهلا
أخيرررررررررا القمر ظهر وعاد إلى قواعده سالما
حمدا لله على السلامة يا قمر
ربنا يبعد عنك التعب والاذى يارب انتى وبيرو ويباركلكوا فى صحتكوا يارب انتوا والمسلمين

عييييييييييييب متقوليش كده
ان مسألتش على اختى وهى تعبانة يبقى ايه لزوم الاخوة دى بقى
ولا ايه رأيك يا قمر
؟؟؟؟؟؟؟



بتدينى دافع قوى يا سنسن دايما كده
ربنا يكرمك يارب
ويخليكى ليا ولبيرو ولكل اللى تحبيهم ويحبوكى


دودو بيسلم عليكى وبيقولك حمدا لله على السلامة يا خالتو



نورتينى يا قمر

حاجات جوايا said...

aidy
--------
اهلا يا نهاد يا جميلة
اخبارك ايه يا حبيبتى
وحشتينى

ربنا يخليكى يارب
انتى كلك ذوق والله
ورقيقة شكلا ومضمونا

واضح ان الجملة دى هتفوز بجائزة البوست وقدرها دستة شمع هههههههه
ده تالت صوت عليها
لما نشوف
هههههه


نورتينى يا قمر

Soul.o0o.Whisper said...

سالى الجميلة


فعلا تمام زى اسم البوست
اسم على مسمى

كلماتك شموع مضيئة
لا ريب أنها تضئ طريق من يعتبر بها


حقيقى ...

هذيان موفق
;)

دمتى بكل ود يا جميلة

روح said...

السلام عليكم
ازيك يا سالي يارب تكوي بخير..

وجميل البوست دة اوي
تسلم ايديك

خلي بالك من نفسك
وعايزين ندردش شوية علي الاميل
تحياتي

عاشقه الرومانسيه said...

انا بخير ياحبيبتى اطمنى
والله انا زهقت من الايميل ده
مفيش رسايل بتوصل
مع انى سيبالك رسايل اف لاين
اسئل فيها على دودو ابنك وعليكى
بحبك وحشتينى موووووووت

هاروح اقرا وارجع تانى

عاشقه الرومانسيه said...

كلمات جميله تسلم ايدك
استفدت منها كتير
لكى حق تسميها شموع مضيئه

جنّي said...

السلام عليكم

كالعادة وبالفعل هي كلمات منيرة وشموع تضئ لمن وعيها طريق يحتويه الضباب ..

اما بالنسبة للنية ففعلا قد تكون النية فاسدة اذا كان العمل فاسد .. كمن اراد ان يتصدق من مال حرام .. او يتصدق ليقول الناس عنه انه خير ..

حاجات جوايا said...

Soul.o0o.Whisper
------------------
اهلا يا قمرررررررر
وحشتينى يا حبيبتى
ازيك اخبارك ايه ؟؟

ربنا يخليكى يا قمر
ده بعض ما عندكم مش اكتررررررر

نورتينى يا حبيبتى

حاجات جوايا said...

روح
-------
وعليكم السلام ورحمة الله وبركاته
اهلا يا حبيبتى ازيك
اخبارك ايه
كل سنة وانتى طيبة يا قمر
عقبال 100 سنة يارب بالصحة والهنا وكل الخير
متحرمش منك يا قمر
بعتلك الميل ومنتظرة اضافتك يا جميل

نورتينى يا حبيبتى

حاجات جوايا said...

عاشقة الرومانسية
------------------
دودو يا جميلة
ازيك اخبارك ايه
الحمد لله يا حبيبتى انك بخير
انا غبت شوية ورجعت ملقتش حد اتخضيت
بالنسبة للميل مفيش رسايل وصلتنى خالص !!!!!!!!!!!!!!
دودو الحمد لله احسن

مستنياكى يا قمر

حاجات جوايا said...

عاشقة الرومانسية
-----------------
دودو يا جميلة
ميرسى يا قمر
كلك ذوق والله
متحرمش منك
نورتينى يا جميلة

حاجات جوايا said...

جنى
------
وعليكم السلام ورحمة الله وبركاته
أهلا بك اخى الفاضل

كالعادة وبالفعل هي كلمات منيرة وشموع تضئ لمن وعيها طريق يحتويه الضباب ..
........
يعنى اقول انا ايه دلوقت
جزاك الله خيرا على كلماتك الراقية

نورتنى اخى الفاضل

rovy said...

اشكرك يا سالى على الكلمات المضيئه اللى سطرتيها و اهدتيها لقلوبنا

بجد تسلم ايديك و ربنا يبارك فيكى ياارب..

اما عن موضوع الفتاه التى اسلمت فما زلت اقوم بالتحميل و كل الشكر لكل من ساهم بنقل الموضوع و لكى حبيبتى و الشكر الاكبر كل الشكر للرحمن فلله كل الحمد و كل الشكر ..

جزاكى الله كل الخير

تحياتى

تامر علي said...

الكلمات ذات المعنى لها بالغ الأثر على القلوب الواعية

تحياتي على هذه الدرر الثمينة :)

أم أحمد المصرية said...

حبيبتي كلمات مضيئة فعلا المهم ان يتذكرها الانسان في الوقت المناسب
تأثرت جدا بالجملة
لا تتحدث بترفع عن عيوب الآخرين .. فانت لا تعلم كيف يرونك هم

يااااااااه لو تذكرها الناس
بارك الله فيك حبيبتي و ادامك لأصدقائك كما أنت فأنت من يتمنون

tarek alghnam said...

السلام عليكم
ماشاء الله عليكى حكم رائعه وكلمات جميله من قلب وعقل انسانه رائعه
تقبلى تحياتى وشكرى
ودمتى متألقه

فشكووول said...

السلام عليكم صاحبة الحاجات جوايا
تحياتى
نصائح غاليه وكلمات مؤثره والمخطئ مخطئ وليس هناك اسباب للخطا كما ليس هناك اعذار
فالمخطى مخطئ
تحياتى

ريمان said...

وحشانى وحشانى وحشانى

والله بجد وحشانى

انا رجعت اهو خلاص

وما تحرمش ابدا من سؤالك عنى حبيبتى

اموااااااااااه


ــــــــــــــــــــــ

جعل شعارك دائما مع من يسئ إليك : لست أكبر من أن اخطئ فى حقك .. لكننى اكبر من ان أرد الخطأ بخطأ


جت فى وقتهااااااااااااا


دايما بحب شموعك اللى كلها عبر وحكم دى

أم أحمد المصرية said...

انا لله و انا اليه راجعون ياسالي تعرفي كل ما قرأ خبر زي ده علي اي مدون بالذات اقول ياتري حد حيحس لما اموت و لا حيقولوا اختفت فين :(
رحمه الله رحمة و اسعة و جعل مثواه الجنة

الفقيرة إلى الله أم البنات said...

تسلم ايدك
بجد رائع

blue-wave said...

اقوال مؤثرة بالفعل
جزاكى الله خيرا عليها

mahasen saber said...

شفتى يا سالى اتوفا محمد فعلا

ربنا يرحمه ويصبر اهله ويسكنه فسيح جناته

كان خلوق ومحترم وانسان بمعنى الكلمه

ربنا يصبر اهلك يا محمد ويسكنك فسيح جناته

mahasen saber said...

برضه يا سالى مش عارفه اوصل لحد يوصلنى بعنوان بيت محمد الله يرحمه عشان اروح اعزى مراته وبنته

لو عرفتى حد يعرف عنوانه قوليلى يا حبيبتى

ربنا يرحمنا جميعا برحمته الواسعه ويغفر لجميع اموات المسلمين

mahasen saber said...

برضه يا سالى مش عارفه اوصل لحد يوصلنى بعنوان بيت محمد الله يرحمه عشان اروح اعزى مراته وبنته

لو عرفتى حد يعرف عنوانه قوليلى يا حبيبتى

ربنا يرحمنا جميعا برحمته الواسعه ويغفر لجميع اموات المسلمين

ملكة بحجابى said...

من يعتاد على الطاعة .. ينسى ان يعصى الله
الله
الله
جميلة اوووووووووووووووى

حاجات جوايا said...

rovy
--------
اهلا يا قمر
وحشتينى يا حبيبتى اخبارك ايه ؟؟

ربنا يخليكى يا حبيبتى
تسلميلى يارب ومتحرمش منك يا قمر

يارب يكون اتحمل وسمعتيه
القصة فعلا مؤثرة جدا وبتوضح اد ايه دينا جميل وذو قيمة وخالى من كل التفاهات والضلالات

نورتينى يا قمر

حاجات جوايا said...

تامر على
-----------
أهلا بك اخى الفاضل
ربنا يكرمك يارب
ده من ذوقك بس والله
الف شكر
نورتنى اخى الفاضل

حاجات جوايا said...

أم احمد المصرية
----------------
أهلا بحبيبتى الغالية
ربنا يخليكى يارب
انتى اللى زى ما نتمنى واكتر كمان
ربنا يكرمك يارب ويباركلك فى اولادك وزوجك ويقر عينك بهم دائما
اللهم آمين

نورتينى يا حبيبتى

حاجات جوايا said...

tarek elghanam
---------------
وعليكم السلام ورحمة الله وبركاته
أهلا بك اخى الفاضل
ربنا يكرمك يارب ويبارك فيك
ويرزقك بالخير أينما كان
ألف شكر
نورتنى اخى الفاضل

حاجات جوايا said...

فشكوووول
-----------
وعليكم السلام ورحمة الله وبركاته
أهلا بك اخى الفاضل
أول زيارة لحضرتك عندى يارب تتكرر تانى كتيررررر :)

نعم المخطئ مخطئ
وليتنا لا نخطئ .. فكل ابن آدم خطاء وخير الخطائين التوابون

نورتنى اخى الفاضل لاول مرة
زيارة عزيزة

حاجات جوايا said...

ريمااااااااان
---------------
يا مرحبا يا مرحبا
يا قهلا يا قهلا على راى هاكونا مطاطا
اخيرا ظهرتى يا قمر
عارفة لو عملتيها تانى ياريمووووووو هعمل فيكى ايه ؟؟
انا يا بنتى مش حمل خضة والله .. هتلاقينى انا اللى ضعت منكوا ويبقى ذنبى وذنب دودو فى رقبتك

نورتى يا قمر من تانى


ههههههههههههههههه
سبحان الله جيتى على شموع مضيئة اللى بتحبيها
ههههههههه
ياريتنى نزلتها من زمان
ههههههههه

نورتينى يا ست البنات يا قمر

حاجات جوايا said...

أم احمد المصرية
----------------
البقاء لله والدوام لله وحده
وصلتنى رسالة اوفلاين عالميل من صديقتى سول فيها الخبر .. ربنا يرحمه يارب ويغفرله ويسكنه فسيح جناته ويحسن خاتمتنا .. اللهم آمين يارب العالمين

والله انا زيك كده اول ماشفت الرسالة قلت يا ترى الدور عليا هييجى امتى .. ومين هيعرف ويقول لمين .. وحد هيفتكرنى ويدعيلى ولا هروح من سكات كده وخلاص

ربنا يخليكى لأولادك وزوجك واهلك ولينا يا حبيبتى يارب وميحرمناش منك ابدا

حاجات جوايا said...

الفقيرة إلى الله ام البنات
-----------------------
أهلا يا حبيبتى
نورتينى لاول مرة يارب متكونش الاخيرة
تسلمى يا حبيبتى يارب
ربنا يكرمك ويبارك فيكى

نورتينى يا جميلة

حاجات جوايا said...

blue-wave
-----------
أهلا يا دكتور
ربنا يكرمك ويبارك فيك
الف شكر
نورتنى اخى الفاضل

حاجات جوايا said...

mahasen saber
---------------
الله يرحمه رحمة واسعة يارب
ويصبر اهله يارب وخاصة زوجته وابنته
من البروفايل بتاعه واضح انه من القاهرة .. بس معرفش اكتر من كده
ربنا يبارك فيكى يا حبيبتى يارب طول عمرك صاحبة واجب
ربنا يخليلك بيرو ويخليكى له يارب العالمين
اللهم آمين

حاجات جوايا said...

ملكة بحجابى
------------
أهلا يا ميرو يا حبيبتى
وحشتينى اوووووووى
الحمد لله يا حبيبتى انها عجبتك
ربنا يعينا دائما على طاعة الله ويشغلنا بذكره عن معصيته

نورتينى يا قمر

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger