Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Saturday, May 10, 2008

الحلقة السادسة : عبده طناش يبحث عن عمل بالخارج

(الحلقة (6

عبده طناش يبحث عن عمل بالخارج
.


فى إحدى اوتوبيسات النقل العام
يمد عبده طناش نظره إلى جريدة الجالس بجواره فى الأوتوبيسات .. وفجاة يخطفها منه وهو يصرخ
"أخيرا .. أحمدك يارب .. أحمدك يارب "
و أثناء قوله تلتهم عينيه محتوى ذاك المربع الصغير المنزوى فى نهاية الصفحة بالجريدة
ثم يتدارك الموقف وينظر إلى جاره فى المقعد والذى ينظر إليه بدوره بنظرة استنكار

ويغمغم معتذرا : أنا آسف والله اعذرنى .. أصل بقالى شغال 10 سنين فى الحكومة وما أدراك ما شغل الحكومة !!.. وبدور على أى فرصة للسفر ومش مصدق إنى لقيت الفرصة دى

يبتسم الرجل بهدوء وهو يعيد الجريدة إلى مقرها بين يديه ويغمغم : انت كمان ؟

يصل عبده طناش إلى محطته وينزل من الاوتوبيس وهو منتشى وسعيد تغمره فرحه عارمة .. ويداعبه أمل يكاد أن يتجسد فى عينيه إلى حقيقة ملموسة

يتوجه إلى أقرب منفذ لبيع الجرائد ليشترى الجريدة على غير عاداته ثم يحتضنها بين يديه ويسرع الخطى نحو بيته وهو يلقى بنظره فى الطريق على طوابير العيش والزحام والضوضاء والباعة والخناقات ويهتف بداخله : وداعا .. وداعا .. وداعا

أصبحت الساعة الخامسة وعبده طناش لا يزال ممسك بالجريدة يعيد قراءة " فرصة العمل " مرات ومرات .. له ولأهله ولأصدقائه عبر الهاتف .. حتى الجيران وصلهم الخبر

ينتهى عبده طناش من احتساء مج الشاى المضبوط ذو الثلاث قطع سكر و ينزل من منزله متوجها إلى صديقه عايش فى مقر عمله

عبده طناش : عايش حبيبى أخيرا ربنا هيفرجها عليا .. أخيراااا

عايش مستفهما : ربنا يفرجها عليك دايما يا عبده .. بس هو ايه اللى حصل ؟؟

عبده طناش : فاكر لما كنت قولتلك من شهر كده يوم خطوبة أختك انى بدور على سفر .. أخيرا الحمد لله لقيت الفرصة دى النهارده .. شوف مكتوب ايه فى الجرنال ..

يتناول عايش الجريدة ويقرأ بصوت مسموع : إيه ده ؟ وظايف خاليه .. مطلوب فنى حاسب آلى للعمل بالكويت .. خبرة لا تقل عن 10 سنوات .. المقابلة فى شركة كذا .. بميدان كذا .. تليفون كذا
ها وعملت ايه ؟؟؟ روحت ؟؟؟

عبده طناش : لا يا عايش .. ده لسه الجرنال ده بتاريخ النهارده .. هروح بكره ان شاء الله من بدرى

عايش : بس بيقولوا فيه مقابلة .. يعنى اجهز يا بطل .. لغة وكمبيوتر وكله

عبده طناش : أكيد أكيد ما أنت عارف أخوك كان لبلب فى الانجليش فى ثانوى.. أما الكمبيوتر فده بقى لعبتى .. ادعيلى بس ربنا يوفقنى

عايش : ان شاء الله ربنا هييسرلك .. بس انت برضه شد حيلك و اعمل اللى عليك .. ولو لك خير فيها ربنا هيقدمهولك ان شاء الله

عبده طناش : يارب .. يارب .. لما ألحق بقا أروح أقرالى كلمتين عشان بكره ان شاء الله هاخد أجازة عارضة وأروح المقابلة دى .. متنسانيش فى دعائك ووصى الحاجة تدعيلى

عايش : هدعيلك والله ربنا يوفقك ويرزقك بالخير كله ويجعلك فى الشغلانة دى نصيب

عبده طناش : متحرمش منك يا عايش .. يللا سلام

عايش : مع السلامة .. ربنا يسمعنا عنك كل خير ان شاء الله

نظرة اندهاش واستغراب من عبده طناش أثناء صعوده على سلم الشركة لعمل الانترفيو .. يعقبها بغمغمة
: يااااربى .. إيه الناس دى كلها ؟ ... كل دول بتنطبق عليهم الشروط .. شكلك كده يا عم عبده روحت فى الباى باى

يقترب منه أحد الواقفين – شاب فى منتصف العشرينات – ويقول له : أهلا وسهلا .. حضرتك جاى عشان الانترفيو مش كده ؟

عبده طناش : آه تمام .. بس الحقيقة مكنتش متوقع العدد ده كله .. وحضرتك ؟

الشاب : آهااا وانا كمان مكنتش متوقع كل ده .. أنا اول ما شفت الخبر .. قلت ده متفصل عشانى .. مكنتش فاكره متفصل على مصر كلها ههههههههه

عبده طناش باستغراب : إزاى .. ده المطلوب خبرة 10 سنوات .. وواضح ان سنك صغير على الاقل اصغر منى بـ 5 سنوات .. هو انت عندك كم سنة ؟؟

الشاب : انا الحقيقة عندى 24 سنة .. بس عندى خبرة 10 سنوات فعلا

عبده طناش باستغراب : ازاى يعنى ؟؟

الشاب : اشتغلت فنى حاسب آلى من وانا فى ثانوى ولغاية دلوقتى .. أصل والدى كان عنده مكتب صغير كده للصيانة ولما توفى مسكت مكانه جنب دراستى وبقت مهنتى الاساسية اللى بفهم فيها اكتر من اى حاجة

عبده طناش : آآآآآآآآآه عشان كده ..طيب ربنا يسهل
ولسان حاله يقول : آدى واحد من الألوف الموجودة شكله هيطيرنى .. امال الباقى بقا .. ؟؟؟؟

ثم يتوجه إلى رفيقه قائلا : متعرفش المقابلة دى بتستغرق أد إيه وبيسألوا فيها عن إيه ؟

الشاب : لا والله .. حضرتك عارف كل واحد هنا بيقول نفسى .. نفسى .. ومحدش بيساعد حد .. كان واقف معايا واحد هنا من شوية معاه دبلومة فى الصيانة .. دخل وخرج ومشى من غير ميقوللى عمل إيه

عبده طناش : فعلا فعلا عندك حق

وبعد هنيهة من الوقت .. وتفكير يتوجه للشاب قائلا : طيب مش عايز حاجة ..؟

الشاب مستفهما : حضرتك هتدخل ولا إيه ؟

عبده طناش : لا .. الحقيقة أنا هامشى .. أصل افتكرت ميعاد مهم جدااا ..وشكل الموضوع كده هيطول اوى .. يللا سلام عليكم

الشاب : وعليكم السلام ورحمة الله وبركاته .. ولسان حاله يقول : عقبال الباقى يارب

ينسحب عبده طناش مطاطا الرأس وهو يشعر بالفشل والدونية فالسفر للخارج ليس بالسهولة التى يتخيلها .. ومؤهله وحده لا يفتح له الأبواب التى يحلم بها .. بل لا يفتح له أى باب سوى باب الوظيفة الحكومية التى يشغلها .. لقد تغيرت متطلبات سوق العمل واختلفت كثيرا فلم تعد للمؤهلات العليا قيمتها كما كانت فى الماضى ..بل لابد ان يُصقلها الخبرة والكفاءة والنُدرة المهنية والتخصصية فى آن واحد وعلى التوازى
أما هو فقد اكتفى بمؤهله ولم يُصقله باى خبرة اخرى واعتمد على معلوماته القديمة التى تعلمها فى الجامعة ظنا منه انه قد وصل إلى نهاية التعلم

يعود عبده طناش إلى منزله ماراً بطوابير العيش وصراعاتها .. والزحام والضوضاء والباعة والخناقات والسحابة السوداء ..
وهو يصرخ بداخله : آآآآآآآآآآآه يا غلبى .. يا فرحة ما تمت


تابعونا فى الحلقة القادمة ان شاء الله

دمتم بكل الخير

Sally













71 comments:

Mafrousa said...

ليه كده كنتى خلتيه يعمل الانترفيو
صعب علي

يوميات فنانه مفروسه جداا said...

واقع مرييررررررر والله
بالله عليكي يا سالي تفتحيها علي الراجل وعلينا في القصه يعني خليه يلاقي شغل ويتجوز البنت اللي شافها في الخطوبه ومنجه نفسه عالاخر مش يبقي واقع مر وخياللللل كمان!!!!!!!!!!!ولا انت ايه رايك
تدوينك جميل ماشاء الله
تحياتي

الربان said...

تحياتي

قصة جميلة ذات مضمون.

بالفعل الكل يبحث عن وظائف خارج البلد...و يريد ان يقول للطوابير وداعا...

لكن كما ذكرتي حضرتك...متطلبات سوق العمل تغيرت...حتي الوظائف في الخارج
اصبحت الجنسيات الاسيوية ذات المرتبات
الاقل تشكل منافسا قويا للعرب.

هذا البوست جرس انذار للشباب و الخريجيين حتي يطوروا في انفسهم..و يسنمروا في تعليم المهارات الاساسية
مثل اللغات..و الحاسب الآلي...و ايضا
البحث عن الحرفية او المهنية في تخصصاتهم
مثل الحصول علي زمالة جمعية المحاسبين
بالنسبة لخريجي التجارة.... او جمعيات
العلاقات العامة و الاعلان..بالنسبة لخريجي الاداب و الاعلام...و هكذا..

تحياتي و تقديري

عاشــــــ النقاب ـقــــة"نونو" said...

السلام عليكم
وما اكثر هذا المشهد هذه الايام
ربنا يرحمنا برحمته يارب
تحياتي

خالد كامل said...

البلوج بتاعك عجبنى قوى .. لا و القصة دى حلوة و عجبتنى ... انا أصلاً بحب القصص اللى من النوع ده ... سلام

رئـــــيسـة حزب الأحلام said...

ياعينى عليك ياعبدو خدت بمبة تمام
خليك واقف فى الطابور تطلع من طابور تدخل طابور
تحياتى لكى اختى سالى وربنا يعين عبده طناش

همس الاحباب said...

بجد بوست رائع جدا وبينقاش قضية خطيرة فى المجتمع والمجتمعات العربية بوجه عام
وكثير منا من تخيل وعاش فى الاحلام والاوهام مثل بطل القصة عبده طناش
وعملنا انتر فيو كتير
ورجعنا لطوابير العيش والزحمة تانى
اما اكثر ما شدنى فى هذا الموضوع فهو جرس الانذار بخصوص التطوير فى التعليم وصقل المواهب بالدراسة المتخصصة والبحث عن مجالات العمل المناسبة
تحياتى وتقديرى لاسلوبك فى عرض الاحداث ومعالجتها
خالد

حاجات جوايا said...

واحدة مفروسة

معلش بقا .. مهو الواحد مش بيتعلم بالساهل

دمتى بخير اختى

حاجات جوايا said...

يوميات فنانة مفروسة جداا

وأى مرير
أنا بس بسلط الضوء على حاجات معينة هى اللى جايبانا ورااااا

لما نعالجها ربنا هيفتح علينا كلنا ان شاء الله

دمتى بخير اختى
سعيدة بزيارتك الاولى وأتمنى دوام التواصل

حاجات جوايا said...

الربان

ربنا يبارك فيك يا فندم
حضرتك فهمتنى

تحياتى وتقديرى
ودمت بخير

حاجات جوايا said...

nonoymm

وعليكم السلام ورحمة الله وبركاته
أهلا بكِ أختى
تقبل الله منكِ
اللهم آمين

دمتى بخير

حاجات جوايا said...

ضاربها طبنجة

أهلا بك أخى الفاضل لاول مرة فى مدونتى
الحمد لله هذا من فضل ربى
ميرسى على ذوقك

أتمنى دوام التواصل
دمت بخير

حاجات جوايا said...

رئيسة حزب الأحلام

أمال يبنتى الطوابير دى اتعملت عشان مين؟؟؟؟
هيسيبها ويروح فين ؟؟
خليه قاعد معانا
ههههههههه

دمتى بخير

حاجات جوايا said...

همس الاحباب

ميرسى جدا على ذوقك أخى الفاضل
سعيدة بان لاقى البوست اعجابك
و وجد لديك صدى وخبرة واقعية سابقة

دمت بخير أخى

Unknown said...

اهوه فاضلى ظلطة و اطلع برة

اصلى فاضلى تكة كده و ابقى زى اخينا طناش ده

مسكين بيفرح باعلانات الجرايد :)))

Tamer Nabil Moussa said...

طب كان حاول وعمل اللى علية

مع انى من راى ورغم كل ظروف

ظز فى الغربة

مايعرف ما فيها الا اللى راح فيها

تحياتى

حاجات جوايا said...

عاليا حليم

لا سيبك منها خالص
اعلانات الجرايد ولا لها أى قيمة
وغالبا بيبقوا مظبطين نفسهم ومعينين الناس وكله تمام
وبتبقى كده منظر بس

منورانى يا عاليا
دمتى بخير

حاجات جوايا said...

tamer nabil

متنساش انه مش أى حد
ده عبده طناااااااش شخصيا
يعنى أحسن واحد يكبر دماغه

أنا برضه ضد الغربة تماما
حتى لو العائد المالى بتاعها كبير
بس مفيش حد سافر إلا وحس بالوحدة والحزن والندم
وقال آكلها حاف فى بلدى وارجع تانى

دمت بخير أخى

الميكروباص said...

ولله عبده مظلوم، هايعمل ايه بس، طول عمره بيسمع ان اللد دي احسن من غيرها، قال يجرب يشوف غيرها ويتأكد من الكلام ده

المنسى said...

أختى الفاضلة سالى
كالعادة حلقة جميلة
بس انا عايز أعرف هو لما كله يطفش ويسيبها من هيبنيها مين هيكبرها هى متهيألى رغم كل بلاويها مش برضو ليه حق علينا

http://elmancy2000.blogspot.com/

tamer.sala7 said...

طيب دي الكويت تخيلي بقي شركة ايطالية كانت عاملة نفس الاعلان بس شرط خبرة 10 سنين وبكالريوس هندسة حاسب الي ولغتين
واللي يزعل ان فيه في مصر اكتر من 500 واحد قدمو في الشركة دي يعني في شباب كتير اوي في مصر كفاءات بس مش لاقين الفرصي

بنت الاسلام said...

سالي يابنت بلدي ياغالية

بتفكريني بنفسي

كل سبت اجري علي الباب استني الوسيط واشوف الوظايف الجديدة

من يومين نزلت وظيفة لغة وكومبيوتر يومين وما اتحملتش استقلت قبل ما اشتغل

مع اني اخصائية تحاليل ومسجلة ماجستير ومعايا اعلي تقدير

لكن اهو بقي دنيا

انكتب علينا نعيش ونتفرج

علي طوابير العيش والزحمة

معلش صبرا

واهو هندور تاني وتالت

ومش هنبطل نقرا ونشتري جرايد

يعني من الاخر

هنعيش والظاهر كمان هنموت

والامل جوانا عايش وموجوووووود

لو عندك ايميل ياسالي ياريت تقبليني صديقة ليكي


وخاصة انك من بلدي وطبعا غالية عليا كتيررررررر

انا اميلي

battabakr@yahoo.com


واهو معرفة الناس كنوز

وانا حاسة انك كنز غير عادي

جايز تلاقيلي وظيفة عندك

تحياتي ياقمر

وتشكري علي زيارتك

هاتي البومبوني بقي

المستنصر بالله said...

انا جالى اكتئاب علشانه مع انه فعلا دة اللى بيحصل
بس برضه بتيجى على الجرح
ربنا يصلح الاحوال

حاجات جوايا said...

لورانس العرب

أهلا بك اخى الفاضل لأول مرة فى مدونتى

البلد دى فعلا احسن من غيرها
رغم كل الصعاب اللى فى حياتنا بس انا شخصيا لا اتخيل انى ممكن ابعد عن بلدى واتنفس هوا غير هواها وامشى على ارض غير ارضها

ان بعد العسر يسرا

دمت بخير اخى
سالى

حاجات جوايا said...

المنسى

أهلا بك اخى الفاضل
انا على فكرة لا ادعو للسفر بالبوست ده .. انا بس بنقل صورة من واقع الحياة .. وبحاول احث الشباب على اكتساب المهارات اللى مكسلين يكتسبوها أصلا
لانهم لو أصقلوا خبراتهم ومواهبهم مش هيحتاجوا للسفر وهينجحوا فى بلدهم ويعلوها ويطوروها

بس المشكلة اننا مش بنتعلم أو بنضغط على نفسنا فى كورسات انجليش وكمبيوتر الا عشان نسافر

ربنا يخليلنا مصر ويهديهالنا ويهدينا لها

دمت بخير اخى
سالى

Eldebug said...

لازم يا سالى نجرب ونترفض علشان نعرف عيوبنا فين ونحاول نصلحها ... واللهى صعب عليه عبده فكرنى بواحد صاحبى لف علينا واحد واحد قالنا انه لقى وظيفة فى بنك كبييير وفى اخر لحظة هوب طارت

حاجات جوايا said...

tamer.sala7

أهلا بك أخى الفاضل لأول مرة فى مدونتى
للأسف فعلا الكفاءات عندنا كتير
ومستخسرين كفاءاتهم فى بلدهم
لأن الأسف الأكبر ان بلدنا مش بتعرف تقدر الكفاءات

دمت بخير أخى
سالى

حاجات جوايا said...

بنت الاسلام

أهلا يا بطوط يا قمر
كلنا هذا الرجل فعلا
ولازم نحلم ونجرب ونحاول ونتعلم طول ما احنا عايشين والا مش هيبقالنا وجود ملموس فى الدنيا وهنبقى مهمشين

تشرفنى جدا صداقتك يا بطوط انتى فعلا من الناس اللى بحب اقرالها وبيعجبنى اسلوبك اوى وفوق ده كله بنت بلدى حبيبتى

وآدى البنبونى يا ستى
اتفضلى يا قمر

نورتينى يا بطوط

دمتى بخير
سالى

حاجات جوايا said...

المستنصر بالله

فعلا المشكلة ان شخصية عبده طناش مكررة كتير جدا فى مجتمعنا
والمشاكل اللى عنده عندنا كلنا

ربنا يفرجها عليه وعلينا

ان بعد العسر يسرا

دمت بخير اخى
سالى

حاجات جوايا said...

eldebug

هههههههههههههه
يظهر ان الطيبين لسه كتير فى الدنيا
ويعينى ما بيصدقوا يتعلقوا بخيط امل

لازم فعلا نقع ونقوم عشان نتعلم
وكله خير

دمت بخير اخى

(احمد سكر ) said...

ههههههههههههه

منظره حلو

وهو راجع ويا شماتة الطوابير فيه

تحياتى سالى

ومنتظرين باقى الحكايه

حمد سكر

حاجات جوايا said...

سكر

هههههههه
بقا كده تشمت فيه
كده زعلتنى عليه
يللا مسيرها تتعدل ان شاء الله

دمت بخير اخى

أم أحمد المصرية said...

صديقتي سالي
بعدين حأدمن قصصك زي ما ادمنت ماما نجوي في التليفزيون و انا صغيرة بس انت واقعية اكتر بس الله يخليك يا سالي اوعي تنهيها نهاية حزينة الناس مش ناقصة :)) تحياتي لك و مستنية الحلقة الجاية

الـجـدة فـصـيـحـة said...

السلام عليكم ورحمة الله وبركاته

فعلا عندك حق
سوق العمل حاليا أصبح بينه وبين التعليم فجوة كبيرة جدًا التعاليم الحالي فما بالك بمن مضى على تعليمه فترة زمنية كبيرة
دون الإطلاع على الجديد والسعي وراء المعرفة والتعلم دائمًا

فكل مهنة تحتاج إلى إطلاع دائم حتى تستطيع أن تبدع وتصل إلى مكانة متميزة


وألا مصيرك عمل حكومي مكتبي في الغالب لا بيقدم ولكنه يؤخر

تحاتي

يورو said...
This comment has been removed by the author.
يورو said...

قصه جميله يا سالى وفعلا جوه الواقع الى بنعيشه
بس هو صعب عليا
يعنى كدا كدا مفيش مفر من الزحام وطوابير العيش
انا حسا انه فى الاخر هيتجنن
نفس احساسى اننا فى يوم ممكن نوصل لدا
:(
:(:(
ربنا معاه

تحياتى ليكى يا قمر
استمرررررررررى

حاجات جوايا said...

أم احمد المصرية

اهلا بك صديقتى الغالية
بس خلى بالك ده عبده طناش مش بقلظ
هههههههههههههههههه
ميرسى يا قمر على كلماتك الرقيقة
وان شاء الله النهاية تبقى معقولة

دمتى بخير اختى

سالى

حاجات جوايا said...

الجدة فصيحة

أهلا بكِ يا جيهان منورانى
ومبروك على بلوج الجدة فصيحة الذى يحمل عبق الذكريات الجميل

عندك حق تماما فيما ذكرتيه
ياليت قومى يعلمون

دمتى بخير اختى
سالى

حاجات جوايا said...

يورو

أهلا يا يارا
منورانى يا قمر
ربنا يستر وميتجننش فى الآخر
دعواتك له ولنا

دمتى بخير أختى
سالى

رفقة عمر said...

صعب عليا قوى واتخنقت علشانه
حاولى كدة تشوفيله واسطه ولا حاجه
مش كمان فى الخيال هانلاقى الدنيامسدودة
وضيقه

جنّي said...

إن فاتك الميري اتمرغ في ترابه
هذه هي ثقافة شعبنا .. الوظيفة الميري وإلا فلا .. وفي انتظار عمنا الكبير يتكرم ويتعطف علينا بعلاوة تاكلها الزيادة أضعاف مضاعفة ودرجة مربوط عليها كالثور المربوط في ساقية
لا تطوير ولا دراسة ولا أبحاث ولا دورات حقيقية ..
تحياتي
said

ريمان said...

حبيبه قلبى سالى انا اول مرة ازور مدونتك بجد جميسلة جدا جدا
وربنا يوفقك يا رب

اختك ريمان

حاجات جوايا said...

رفقة عمر

أهلا يا قمر
أنا آسفه انى ضايقتك والله
بس الدنيا كده
بكره تروق وتحلى ان شاء الله
متزعليش نفسك انتِ بس

منورانى يا قمر
وميرسى خالص على التاج


دمتى بخير اختى
سالى

حاجات جوايا said...

جنى

أهلا بك اخى الفاضل
فعلا ده الواقع .. بس لازم يتغير معدش مفر من التغيير
الحياة بتتطور بشكل سريع جدا و التعليم لوحده مش كفاية
وانفتاحنا على الثقافات الاخرى وضع امامنا تحديات كبيرة جدااااااااا
إما نسايرها
وإما تسبقنا وتدوس علينا

نورت مدونتى
دمت بخير أخى
سالى

حاجات جوايا said...

ريمان

اهلا بكِ يا قمر
منورااااااانى
ميرسى على ذوقك
مستنياكى تنورينى دايما

دمتى بخير اختى
سالى

رفقة عمر said...

ايوة سالى حبيبتى
انا بعتالك تاج
دة شرف ليا انى ابعتهولك

كلام على بلاطة said...

شىء جميل الانسان
يتكلم عن الاشياء اللى جواه
والاجمل طناش يبحث عن عمل
استمر كلامك جميل

jessy88 said...

على فكرة اسلوبك رائع فى السرد وفكرتك جديدة فى انك تنزلى قصة بحلقات على مدونة بجد شيقة جدا وفكرة ذكية جدا تخلى قرائك على صلة دايما بمدونتك كمان القصة جميلة وبتناقش قضية هاااامة ربنا معاكى ويوفقك دايما يا ربببب

موناليزا said...

واقعية اوى على فكرة
بس ليه انسحب مش يمكن كان ينجح اهو كان عمل اللى عليه
دايما متميزة
دمتى بخير حبيبتى

اهو ده عيبه said...

يا فرحه ما تمت
والله صعب على بعد ما اذاع الخبر انه لقى وظيفة ومسافر

معلش بقى خيرها فى غيرها ان شاء الله

تحياتى ليكى

روح said...

هو الحمد لله ان بيشتغل
في الحكومة غيره لا طايل كدة ولا كدة
وربنا ييسرله امره بقي
احييكي علي حلقاتك الجميلة
تقبلي تحياتي

Zianour said...

اهلا بيكي يا سالي والله انا سعيدة بزيارتي ليكي - ولو انها متأخرة وكمان من دمياط قريبة مننا ، المنصورة يعني- مبسوطة بعملك الصحفي المستقل وناوية ان شاء الله ازورك على طول....
منورة
زيانور

Unknown said...

عشان خاطرنا يا دودو ادي امل للشباب عشان اليأس راكبنا جدا
اه وضحي المعاناه بس خلي في امل
تحياتي

حاجات جوايا said...

رفقة عمر

انتى اللى بتشرفينى والله بزيارتك
ربنا يبارك فيكِ ويكرمك
وميرسى يا قمر على التاج

دمتى بخير أختى

سالى

حاجات جوايا said...

كلام على بلاطة

اهلا بك سيدى الفاضل
الحقيقة الكلام ده مش جوايا بس
المشكلة انه جوه فئة عريضة جداااااا من المجتمع
وطناش يبحث عن عمل برغم انه يعمل مما يوضح ان عمل الحكومة لا يغنى ولا يسمن من جوع

سعدت بزيارة حضرتك وتشريفك لى
وحاولت التعليق فى مدونتك لكن لم يُسمح لى ..وغالبا يحدث لى ذلك فى المدونات التى تظهر التعليقات فى نافذة مستقلة

اعجبتنى خاطرتك جدا " السلام فى ثوبه الجديد "
فهى تقر واقعا نعيشه بكل جوانبه
ولفتت نظرى تلك السطور

وكل واحد يعرف امكانياته ويكون حصيف
واستحالة صدام البيضة مع الحجر مهما كان خفيف

جملة تلخص كل الحقيقة


تحياتى لك سيدى ولقلمك المبدع

دمت بخير
سالى

حاجات جوايا said...

jessy88

أهلا يا قمر
منورانى
ربنا يخليكى ويكرمك
ايه الكلام الجامد ده كله
متحرمش منك يا قمر
انا هاجى جنبك ايه بس ؟؟

دمتى بخير اختى
سالى

حاجات جوايا said...

monaliza

أهلا يا قمر
هوه انسحب عشان ده طبعه
مش بيحب يواجه تحديات صعبة
اسم على مُسمى بقا

منورانى يا قمر
دمتى بخير اختى
سالى

حاجات جوايا said...

أهو ده عيبه

مهو كده بتاع كلام وبس
ربنا يهديه
دعواتك يا قمر

زرت مدونتك قبل ما أرد عليكِ
مبروووووووووووووووك يا داليا صدور العدد الاول من مدونات مصرية للجيب
وعقبال ما يبقالك كتاب منفصل ان شاء الله


شرفتنى بمرورك
دمت بخير اختى
سالى

حاجات جوايا said...

ro7

أهلا يا قمر
الحمد لله على كل حال
بس برضه الطموح مطلوووووووب
خصوصا فى الايام دى اللى مش نافع فيها حاجة

نورتينى اختى الجميلة
دمتى بخير دائما

سالى

حاجات جوايا said...

zianor

أهلا يا قمر أنا اللى سعيدة بزيارتك
و طلعتى من المنصورة كمان يعنى بلديات زوجى
انا لقيت الشغل مش نافع بقا قلت اشتغل لوحدى انا هيعنى هغلب
كلمة مستحيل مشطووووبة من قاموسى
ههههههههههههه

نورتينى يا قمر ومنتظراكى دائما ان شاء الله
بوسيلى زياد ونور

دمتى بخير أختى
سالى

حاجات جوايا said...

bar2sh

حاااااااااااااضر
من عنيا
بس لو تابعت القصة من الاول هتلاقينى بدى أمل بين السطور
بنتقد وبدى الحلول وبرفض السلبية والانهزامية

ان شاء الله الحلقات الجاية تعجبكم

دمت بخير اخى
سالى

Zianour said...

انا جيت تاني اهوه!!
ومن فضلك زني جامد على اختك ولعلمك الخاص احسن وقت تطلعي فيه المواويل والغناوي دي هو وقت الامتحانات!!!!
بهزر طبعا ربنا يوفقها بس والله لما الامتحانات تخلص وملقتش غناوي ومواويل قد كده عارفة هاعمل ايه... هازعل جامد جدا وممكن كمان ازعل جامد قوي...
ربنا يسعدك .. وعلى فكرة سلسلة عبده طناش دي جميلة ويا ريت تستمري بها وتعمليها كتاب بعد كده فيه شباب كتير دلوقتي بتعمل كتب في مواضيع مشابهة علشان الننوس بتاعك يفتخر كمان وكمان ان مامته مهمة ولها كتاب
تحياتي
(ماتنسيش الغناوي!!)

رئيس جمهوريه نفسى said...

اول مره اشوف عبده طناش بس ان شاء الله مش اخر مره تحصل اسلوبك حلو قوى فى ابراز التفاصيل والمشاهد
اروح اجيبها من الاول بقى

حاجات جوايا said...

zianour

انتِ تنورينى دايما يا قمر فى اى وقت
من عونيا هزن عليها بس بعد مادة " الإدارية " لحسن أعصابها مشدودة عالآخر .. ادعيلها ربنا معاها ويعديها على خير

ان شاء الله هكمل حكاية عبده طناش .. بس ادعيلى كده بوحى طيب وابن حلال
ميزهقش منى ويسيبنى لايصة

اما حكاية الكتاب بقا
فبما انى اديبة كبيرة جدا وكاتبة لا يشق لها غبار
ممكن أفكر انى أدعم موهبتى للشعب .. بدل العيش وأهو كله بثوابه
ههههههههههههههههههههههههه

نورتينى يا قمر
وان شاء الله مش هنسى بس انتِ ادعيلها جاااااااامد

دمتى بخير اختى
سالى

حاجات جوايا said...

رئيس جمهورية نفسى

يااااااااااه بجد اول مرة
دى قربت خلاص تنزل فى التلفزيون
لا الحقها بقا حصريا على مدونتى قبل ما تبقى شعبية وكل الناس تعرفها
ههههههههههههههه

منورنى يا فندم
دمت بكل خير

سالى

دكتور بهــدوء said...

الراجل خلاااااص
هيمشي يكلم نفسه بعد كده
ربنا يستر علي عبيده

حاجات جوايا said...

دكتور بهدوء

هههههههههههه
يعنى هيه جت عليه
ده تلات ارباع الشعب المصرى ماشى بيكلم نفسه
ربنا يسترها معاه ومعانا

دمت بخير أخى
سالى

tarek alghnam said...

الاخت سالى
اول مرة ادخل مدونتك
ماشاء الله عليكى
جسدتى واقع مرير بخفة ورشاقة
وجعلتينى اتسأل كم قى الواقع حدث مثلما حدث مع بطل قصتك
انتى فعلا رائعة
تقبلى تحياتى
وادعوكى لقراءة اول حب فى الاسلام بمدونتى المتواضعة
ودمتى بود

حاجات جوايا said...

طارق الغنام

أهلا بك اخى الفاضل
جزاك الله خيرا على تلك الدفعة القوية
أسعدنى رأيك كثيرا
اتمنى ان تشرفنى بالزيارة دائما

ولى شرف زيارتك بالطبع

دمت بخير اخى
سالى

ياأبت...إني رأيت said...

بصراحة مدمنتك في غاية الروعة

حاجات جوايا said...

يا أبت.. إنى رأيت

أهلا بك أخى الفاضل
جزاك الله خيرا
ما زادت روعة المدونة إلا بمرورك
اتمنى دوام التواصل

دمت بخير اخى
سالى





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger