حاجــــات جوايــا: الحلقة الرابعة : عبده طناش .. ورغيف العيش

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Saturday, April 26, 2008

الحلقة الرابعة : عبده طناش .. ورغيف العيش

عدنا بعض الفاصل السعيد

لمتابعة حلقات " عايش .. وعبده طناش "

عقبال كل فاصل من نفس النوع كده إن شاء الله

(الحلقة (4

عبده طناش ... فى طابور العيش

*******************

تجمع وزحام كبير جدا على احد أفران العيش المدعم بينما يحاول عبده طناش الوصول إلى منافذ البيع

أحد الواقفين : حاسب يا عم انت رايح فين ؟ مش شايف الناس واقفة على بعضها ازاى هى ناقصة زحمة وخنقة

عبده طناش : آسف يا سيدى أصلى مستعجل وعايز ألحق الشغل

يرد الرجل حانقا : شغل !! .. يعنى انت بتشتغل واحنا مبنشتغلش .. أما عجايب عالبشر دى أوقف فى دورك يا سيدنا خلى النهار يعدى

سيدة تصرخ : الحقونى .. هتخنق .. حاسب .. حاسب .. مش عارفة اتنفس .. آه .. آآآآآآآه

عبده طناش : وسع يا عم للست دى مش شايف مزنوقة إزاى ؟

آخر : ما تخلصونا بقى خلينا نشوف اكل عيشنا .. ايه الطابور الميت ده ؟

السيدة تواصل الصراخ المتهدج : حاسبوا .. حاسبوا .. عدونى .. خرجونى

لا يتحرك احد فالكل يخشى على مكانه من الضياع ويستمر الضغط .. وعشرات الأيدى تمتد لنافذة البيع

السيدة تستنجد : مش قادرة .. هموت .. خرجونى .. آآآآآآآآآآآآآآآآآآه ........آآآآآآآآآآآه

ولا من مجيب

عبده طناش : يا ناس خلى عندكوا دم .. الست هتموت .. الناس هتمَوِت بعضها على رغيف العيش .. تعالى يا مدام .. وسع يا حاج .. هاتى ايدك .. حاسب يا ابنى

يزوم الجميع بعبارات الضجر .. أحدهم يفسح مكانا والآخر يستغل الفرصة و يحتله والباقى لا يتحركون من اماكنهم .. ويستمرون فى التدافع

دقائق ثقيلة تمر .. ولا يتحرك أحد

والسيدة تستغيث وتصرخ .. ويضيع صوتها بين هتافات من حولها
وعبده طناش يحاول الوصول إليها .. ولا يمنحه احد الفرصة

وتسقط ..
تسقط السيدة مختنقة بين تدافع وهتافات وصياح وخناقات
تسقط ليشعر من حولها أنهم تخلوا عن آدميتهم .. وعن شهامتهم وسقطوا .. كما سقطت
سقطوا فى اختبار الحياة .. والشهامة والرجولة

عبده طناش يصرخ : حرام عليكوا يا ظلمة .. حرام عليكوا يا ظلمة .. حسبى الله ونعم الوكيل .. حسبى الله ونعم الوكيل

يلتف الجميع حولها وهى ممدة أرضا يحاولون افاقتها .. لكن لا مجيب

يهرول البعض لطلب الاسعاف .. والبعض الآخر ثابت فى مكانه بلا حراك ينظر إليها فى بلاهة وكأنه يتسائل ماذا حدث ؟ وكيف حدث ؟ ولم حدث ؟

تأتى سيدة كانت تمر بسيارتها بالقرب من المكان .. تتطوع بنقلها للمستشفى .. تمددها فى المقعد الخلفى .. يركب معها عبده طناش وتنطلق وهو يحسبن ويتمتم وكأنه يحدث نفسه

الناس خلاص مبقاش عندها رحمة .. يدوسوا بعض عشان رغيف .. كان هيحييهم الرغيف اللى هيجيبوه ده ؟ .. لا حول ولا قوة إلا بالله .. لا حول ولا قوة إلا بالله

يصلون للمستشفى .. وفور الكشف عليها

ينظر إليهم الطبيب بنظرة أسف ويغمغم : جيتوا متاخر .. أنا آسف .. البقاء لله

يصرخ عبده باكيا : لااااااااااااااااااا ثم يسقط مغشيا عليه

تابعونا فى الحلقة القادمة ان شاء الله
مع " عايش يساند عبده طناش فى أزمته النفسية "
دمتم بكل الخير

Sally

تحديث هام

********

ساهم بتوقيعك في مطالبة الحكومة الهولندية بسن قوانين من شأنها حمايةالمسلمين من العبث بمقدساتهم الدينية خاصة ومن التجديف على الأديان عامة على الرابط التالي

http://kawlansadida.blogspot.com/2008/04/blog-post_21.html

وجزاكم الله عن إسلامكم خيراً

14 comments:

همس الاحباب said...: ايه ده انا موعود باول تعليق ولا ايه
بس يا ريت ما تنسيش زى المرة
اللى فاتت احسن كده ازعل ههههههههه
وابعتك تجيبى عيش مع عبده
طبعا مدونة رائعة بجد ومهتمة بمشاكلنا اليومية الطاحنة ودى صورة بتكرر يوميا امام الافران ولا حول ولا قوة الا بالله
وحسبى الله ونعم الوكيل
دمتى بخير وسعادة
وتقبلى تحياتى
خالد; April 26, 2008 at 5:15 PM
حاجات جوايا said...: همس الاحباب

أهلا بك اخى الفاضل
ده شرف لى انك تكون اول تعليق .. بس والله اللى حصل المرة اللى فاتت كان غصب عنى .. رديت عليك فعلا الأول بس متسجلش مش عارفة ليه

تقبل اعتذارى للمرة التانية
بس بلاش تبعتنى اجيب عيش مع عبده
ههههههههههههههه

منورنى اخى الفاضل

دمت بكل خير
سالى; April 26, 2008 at 8:04 PM
mohand said...: خلاص العصور المتاخره وصلت

والكل عايز ياكل وغيره يموت

عارفه طابور العيش دا بيمثلي الحياة نفسها
يعني القوي فيه بياخد قبل الضعيف
واللي معاه واسطه في الفرن مبيقفش في الطابور
واللي بيسرق من جيب غيره
المشكلة ان كل دول غلابه وصغيريين قوي وميقدروش ياخدوا حقهم من اللي فوق

اللي عايز اوصله ان كل واحد فينا جواه خير وشر

والجدع اللي يخلي الخير يتغلب عليه مهما كان في موقف قوة ونفوذ وواسطه ومهما كانت الحاجات دي اقوي

ارجو تكوني فهمتي; April 26, 2008 at 10:16 PM
mohand said...: يا ريت تشيلي الوورد فيرفيكشن; April 26, 2008 at 10:17 PM
Tamer Nabil Moussa said...: الله يرحمها

قمة الاهمال اللى بحصل دة

تحياتى; April 26, 2008 at 10:52 PM
حاجات جوايا said...: mohand

علم وينفذ يا فندم

دمت بخير; April 26, 2008 at 11:57 PM
حاجات جوايا said...: tamer nabil

الله يرحمها هى وكل من سبقها على أرض الواقع
فى زحام أفران العيش
" شهداء طابور العيش

دمت بخير اخى
سالى; April 26, 2008 at 11:59 PM
حاجات جوايا said...: mohand

مش عارفة البلوج ده باين عليه مسكون
من شوية رديت على تعليقك التانى ومشوفتش الاولانى
مكنش ظاهر

المهم
انا مش متخيلة ازاى الناس بقت كده
ده ولا كأننا فى مجاعة
ازاى الناس بتدوس على بعض
ومتهتمش ببعض بالشكل ده
سواء كان معاها واسطة أو ممعهاش

بجد قمة القسوة واللا آدميه انهم يتسببوا فى موت وهلاك بشر زيهم
مش فى حرب ولا فى عمارة منكوبة
ولا فى عبارة
ده طابور عيش يا اخوانا

شئ مفزع بجد
ربنا يتولانا برحمته

دمت بخير أخى
وأعتذر بالنيابة عن البلوج المهرتل ده
أختك سالى; April 27, 2008 at 12:37 AM
سندباد said...: مدونة تستحق الاحترام والزيارة
تقبلي تحياتي; April 27, 2008 at 12:42 AM
حاجات جوايا said...: sendbad

أهلا بك أخى الفاضل
أخجلتم تواضعنا يا فندم ربنا يكرمك
كنت لسه فى مدونتك امبارح ما شاء الله جميلة جدا
بس للأسف كان النوم يداعب جفونى ومكنتش عارفة اركز
انتظرنى ..
لى عودة

دمت بخير أخى
سالى; April 27, 2008 at 1:02 AM
الربان said...: تحياتي

مدونة جميلة...اول مرة لي وان شاء الله لن تكون الاخيرة.

ان شاء الله ربنا يفرج هم مصر و المصريين
الناس تعبت...لكن ان شاء الله ربنا يفرج عنا جميعا....

تحياتي و تقديري...; April 27, 2008 at 11:55 AM
حاجات جوايا said...: الربان

أهلا بك اخى الفاضل
يسعدنى كثيرا رأيك الجميل فى مدونتى المتواضعة
ويسعدنى أكثر تشريفك الدائم

وربنا كبير

دمت بخير اخى
سالى; April 27, 2008 at 12:58 PM
المنسى said...: إيدى فى إيدك وقلبى على قلبك ومعاكى قلبا وقالبا وشكلا وموضوعا
وزى ماتحبى
فى رفض المشروع الظاااااااالم بتاع مصنع أجريوم للحكومة إللى بتثبت كل يوم إنها عميلة وقال إيه عايزين مدير المشروع يتفاوض مع المواطنين ولاد ال؟
ياريت بجد فى دمياط تثبتوا وإحنا وراكم ومش فى دمياط بس وفى أسيوط منعا لإنتشار محطات المحمول وفى قنا ضد الحكومة إللى عايزة تأخد الأراضى من الناس بعد ماخضرتها وفى مناطق كثرة من مصر لاس شبابنا بيموتو فيها بسبب الألغام وإحنا مش عايزين نشيلها وفى كل شبر من أرض مصر
يظلم فيه مواطن مصرى وإسمحيلى أنا هعلق البانر بتاع لا لمصنع أجريوم ده عندى فى المدونة وفقكى الله الله مليحب ويرضى
تحياتى; April 28, 2008 at 9:18 PM
حاجات جوايا said...: المنسى

أشكرك جداااااااا أخى الفاضل على مساندتك تلك التى اتمناها من كل الشعب المصرى وخاصة اهل الدلتا الذى سيصيبهم نفس الضرر الذى سيصيبنا لأن أضرار المصنع تصل حتى 40 كم حوله .. بالاضافة الى انه سيستهلك 10 ملايين متر مكعب من ماء النيل والذى سيهدد الرى والشرب بشكل كبيرررررررر

دمت بكل الخير
واتمنى ان يقف معنا كل المصريين

سالى; April 28, 2008 at 11:49 PM