Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Monday, April 21, 2008

الحلقة الثالثة " فى صالون الحلاقة"





(الحلقة (3



" فى صالون الحلاقة "

**************





عايش : أهلااااااااااااا.. ازيك يا عبده أخبارك ايه ؟ فينك من زمان ؟

عبده طناش : ازيك يا عايش ..لك وحشة والله .. أنا لقيتك معدتش بتيجى القهوة قلت اخطف رجلى واجيلك اطمن عليك

عايش : فيك الخير يا عبده والله .. انا عارف انى مقصر .. بس والله غصب عنى أصلى بشتغل ورديتين فى اليوم عشان اعرف أحوشلى قرشين .. ويوم الاتنين بقضيه نووووووم يعوض تعب الاسبوع

عبده طناش : ربنا يعينك ويقويك يا عايش

عايش : متحرمش منك يا عبده المهم طمنى عليك وعلى اخبارك

عبده طناش : الحمد لله بخير بس مفيش جديد انت عارف حياة الموظفين روتينية كل أيامنا شبه بعضها اللى بتصحى فيه بتبات فيه وأهى أيام من العمر بتضيع هدر

عايش : طب متشوفلك وظيفة بعد الضهر أهى تنفعك وتهز المرتب شوية

عبده طناش : هشتغل ايه يعنى ؟ انت ناسى انى بروح الشغل الساعة 8 الصبح و برجع الساعة 3 العصر هشتغل ايه بقى فى الفترة دى .. وهنام امتى واصحى امتى ؟ لو حسبتها بوقت النوم مش هلاقى وقت ينفع للشغل
يعنى مثلا من الساعة 6 للساعة 12 ممكن اشتغل ايه فى الفترة دى ؟

عايش : مش انت بتفهم كويس فى الكمبيوتر .. متشوفلك كده مركز صيانة ولا مكتب تجميع اجهزة ولا اى حاجة من دى أهى شغلانه تسندك .. وبعدين نوم ايه اللى بتفكر فيه .. النوم ده للمرتاحين مش للى زيينا

عبده طناش : لا يا عم مش طالبة مرمطة .. وانا يعنى هروح أدلل وأقول ياللى عايز يشغلنى .. انا برضه موظف محترم وليا مكانتى حتى لو مكنتش لاقى آكل

عايش : والله انت بتفكرنى بالمثل الشهير " أقرع ونزهى " انت كسلان بشكل مش معقول مش عايز تتعب نفسك فى حاجة .. يبنى اتحرك كده الرزق يحب الخفية .. وظّف مهاراتك فى اى شغلانة بدل ما تصدى خليك تعرف تتجوز وتخلف قبل ما تعجز

عبده طناش : أما أبقى اشوف بقا ربنا يسهل .. سيبك انت .. المهم انت عامل ايه فى الشغل هنا ؟ مرتاح ولا ندمت ؟

عايش : الحمد لله تمام والله .. الحاج طيب اوى وابن حلال وبيعاملنى زى ابنه تمام .. مبقاليش شهر هنا وأهه زودنى 10 ج فى المرتب .. ولسه ان شاء الله .. كلام فى سرك انا ناوى اتعلم الصنعة دى .. سهلة وبسيطة ومكسبها ماشاء الله بس عايزة شوية خبرة وفن .. ادينى بعمل اللى عليا والباقى على ربنا سبحانه وتعالى

عبده طناش باستنكار : ايه ده ؟ انت ناوى تشتغل حلاق ؟

عايش : آه وفيها ايه ؟ الشغل مفيش فيه عيب طالما بالحلال .. ده غير ان محدش بيستغنى عن الحلاق ومحله مبيفضاش
إلا بالحق .. انت محلقتش من امته ؟ انت مال شكلك كده محلقش من شهور ؟ متيجى اقصلك شعرك ده

عبده طناش : لالالالالالالالا ياعم سيبنى فى حالى لسه ميعاد الحلقة التانية مجاش انت عايز تبوظلى الجدول وتخرمللى الميزانية ولا إيه؟ ابعد عنى الله يكرمك .. يللا سلام

عايش : طب استنى بس هقولك

عبده طناش : سلااااااام أشوفك كمان شهر ونصى ان شاء الله .. سن الموس على ما جيلك

يبتعد عبده طناش .. وعايش يبتسم فى استغراب لحاله



تابعونا فى الحلقة القادمة ان شاء الله
مع " عبده طناش .. وطابور العيش "
دمتم بكل الخير

Sally

16 comments:

Tamer Nabil said...

بوست اكثر من رائع

وفعلاا الشغل مش عيب

مدام حلال

تحياتى

عبده الرايق said...

لأ طبعا انا مع عبده طناش
لايمكن يشتغل ويمرمط نفسه على اخر الزمن
الراجل ده شكله كوادرى زى حالاتى

Sally said...

tamer nabil

أهلا بك أخى الفاضل
ميرسى على ذوقك
لا طبعا مش عيب .. أى شغل شريف احسن بكتير من البطالة لان الفراغ مفسدة
خلى الشباب يعرفوا يتجوزوا
هههههههه

شرفتنى اخى بمرورك
أتمنى المتابعة
دمت بخير
سالى

Sally said...

عبده الرايق

أهلا اهلا بملك الروقان
ايه النور ده كله
انا كنت عارفة برضه انك مع عبده طناش
هههههههههههههههه

لكن السماء لا تمطر ذهبا

شرفتنى أخى بمرورك
أتمنى المتابعة
سالى

همسات دافئه said...

سالى
بلوجك جميل ورقيق اوى ما شاء الله:):)
انا قريت التلات حلقات فكرتك جميله اوى وكمان اختيار الأسماء:)
للأسف طبعا كتير بيفضلوا عدم الشغل عشان مفيش شغلانه ترقى الى مستواهم وعن البنات فأهليهم مش بتوافق أساساالا على مستواه معين بس برضه أرجع وأقولك ان الشغل محتاج حد يدور عليه أكيد فى أمل(معلش أحلام قبل التخرج هههه)بجد أسعدنى وجودى عندك
تحياتى
شيماء

المنسى said...

لا شكلك بتألفى كمان والله كويس
وحلقاتك جامدة والله
وأنا كمان فى إنتظار حلقة طابور العيش علشام ده بقى بالذات
ليه صولات وجولات

المهم مشكلة برضو من أكبر مشاكلنا إن الشعب المصرى كله أقرع ونزهى بالفعل
يعنى تلاقى الواحد مش لاقى رغيف العيش ولا شغل ولا أى حاجة وبدل مايصرف فلوسه فى إنه ينمى مهاراته أو يتعلم حاجة جديدة تفيده مستقبليا لأ لازم يكون شاي ل أخر عدة موبايل نزلت علشان البرستيج بقى والبلوتوث والكلام إللى لايودى ولا يجيب
وبرضو تلاقيه بنى أدم مايسواش تلاتة تعريفة ويوقلك إيه أن اشتغ ل مش عارف إيه لالا ياعم أهو ده إللى ناقص
المهم نوصل للمقصود من الحلقة دى
إن البلد مش هتعمل كل حاجة وإحنا فعلا لازم نتحرك ومننتظرش مقابل
تحياتى

Zika said...

:D:D:D
والله بوست لذيذ اوي
هم يضحك وهم يبكي
بس تعرف او تعرفي
انا اعرف من نوعية عبده طناش ده ييجي 20 واحد
دول اللي حواليا انا بس
يعني لو كل واحد حواليه كام عبده طناش يبقي وش
محدش فينا بيشتغل
مدونة لذيذه
تحياتي

مواطن مصرى نايم said...

انتى عارفة ان الحلاقين
بيكسبوا كويس جداااا
بسم الله ما شاء الله يعنى
بجد و الله
يعنى خليه يشتغل حلاق و يتوكل على الله
حيلاقى سبوبة حلوة
انا ممكن اشاركة
ههههههه
تحياتى ليكى

mregypt7 said...

لا حلوه الحلقه ياريتك تعمليها مسلسل بصى هاتكسبى دهب
اتمنى ان تشرفينى فى مدونتى
مع خالص تحياتى
الباش مهندس بوحميد

Sally said...

همسات دافئة

أهلا يا شيماء يا قمر منورانى
ميرسى على ذوقك وكلامك الرقيق أوى ده

والحقيقة انا عاملة المسلسل ده لأهداف محددة
منها ان مفيش شغل العيب .. العيب هو البطالة
ده غير ان الشرط الأساسى فى الزواج لازم يرجع للخلق والدين مش للمال والجاه


نورتينى يا قمر وياريت تتابعينى دايما

دمتى بخير
سالى

Sally said...

المنسى

أهلا بك أخى الفاضل

تمام دى خلاصة الحلقة ربنا يبارك فيك
المهم بس نتحررررررك
ونبطل النفخة الكدابه اللى اتعودنا عليها


سعدت بتشريفك أخى
دمت بخير
سالى

Sally said...

zika

ميرسى على ذوقك ربنا يخليك
بس ايه ده ؟
حواليك 20 عبده طناش
دى كارثة انسانية

ربنا يستر على باقى الشعب

سعدت بزيارتك
دمت بخير اخى
سالى

Sally said...

مواطن مصرى نايم

أهلا بك أخى الفاضل
حمدا لله على السلامة
انا ملاحظة فعلا انهم بيكسبوا كويس خصوصا الكوافيرات الحريمى ربنا يزيدهم بس يخفوا علينا شوية احنا مش ناقصين غلاء

لو عايز تشاركه ممكن اكلمهولك بس بعد ما تخلص امتحانات بقا
ربنا معاك

ميرسى على الزيارة الجميلة دى
دمت بخير اخى
سالى

Sally said...

mregypt7

أهلا بك اخى الفاضل
أوكى موافقة اعملها مسلسل
شوفلى كده مخرج ومنتج ولاد حلال
وكام ممثل عالمى
واعملها ان شاء الله

سعدت بزيارتك وان شاء الله هزورك قريبا
دمت بخير أخى
سالى

واحدة مفروسة said...

انا جيت....حاروح الحق الطفطف اللى على اول المدونه آخدلى لفه و ارجع.....

Sally said...

واحدة مفروسة


أهلا يا قمر نورتينى
أوكى مستنياكى أهه
متتأخريش

سالى

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger