.. بعد تعرض احد الطلاب لاغتصاب وهتك عرض من قبل ثلاثه من زملائه بادرة طيبة تستحق الاشادة والاحترام
ليت كل مسئول يتعلمها
وليت يسرى الجمل قام بها بعد بلاغات الضرب والقتل التى حدثت فى المدارس فى عهده واشهرها مقتل الطفل اسلام على يد مدرسه الذى بكت له قلوب المصريين جميعا
لست من انصار قول .. (كان من الاول) بل احيى كل بادرة طيبة ايا كانت المواقف السابقة للقائم بها .. فهكذا يتم التقدم بالتشجيع والتحفيز وليس بالانتقاد و (التقطيم ).. ولا حتى بالتطبيل والتهليل .. يكفى فقط ان نحيى
..
اغتصاب طالب الاعدادى امر يشيب له الولدان
وناقوس خطر يدق فى اذان المجتمع والمعلمين ومن قبلهم اولياء الامور
لكن من أين أتت لنا هذه الثقافة القذرة .. ومن المسئول عن ترويجها والتسويق لها ؟؟
سؤال يستحق اعادة ترتيب الاوراق.. واعادة النظر فيما حولنا
.
هل هذا الطالب المسكين هو اول من تعرض لانتهاك داخل اسوار مدرسته ؟
ام ان هذا الامر وهذا الشذوذ يتم ممارسته بالفعل بين الطلاب بكامل الرضا بعيدا عن اعين المدرسين والمشرفين .... واولياء الامور المغيبين (بل ربما حتى بعلم المدرسين .. طالما ان مدير المدرسة المحترم يستنكر ان الاب المكلوم مكبر الموضوع !!!)ولم يتم اكتشافه الا بعد اعتراف الطالب المغتصب لوالديه بما حدث له ؟
.
لا اخفيكم القول اننى اميل للافتراض الثانى .. فالمتابع للأفلام ( الواقعية ) كما يدعى بعض المخرجين من ذوى الشطحات الشاذة و( الجريئة ) سيجدها مليئة بمثل هذه المشاهد المقززة
هذه هى ثقافتكم يا ( كريمة المجتمع ) التى تعلمونها لأبنائنا فى سن الطفولة والمراهقة .. هذه هى الثقافة التى تحاربون من اجل نشرها وانتشارها بحجة علاجها والتصدى لها وانتم انفسكم من تلفتون الانظار إليها
من أين لطفل فى سن الثانية عشرة ان يعرف معنى الشذوذ وكيفيته ؟
وأين رقابة الاسرة على ما يشاهده ابنائها ؟
على اخلاقياتهم .. على سلوكياتهم ؟؟
..
هذه القضية وغيرها ان دلت على شيء فإنها تدل على مجتمع بلا قيم ولا دين
مجتمع يسير وراء شهواته لم يعلمه احد الحلال والحرام
مجتمع متسيب لا رقابة عليه ولا رقيب لتصرفاته
مجتمع هش ينحى الدين جانبا ويفصله عن الحياة .. عن التربية .. عن الدولة
مجتمع بلا أب يقوم .. وبلا ام تربى
وبلا إمام مسجد ومدرس تربية دينية يعلم الصغار الحلال والحرام .. الصواب والخطأ
مجتمع بلا فن محترم
مجتمع فاســد
.jpg)
.jpg)
24 comments:
أنا مش هقول شعارات بس من أحلامي معاقبة المتستر علي جريمة بشعة مثل تلك مثل معاقبة الفاعل ولا يكتفوا بالأحداث.
ورغم أنهم أطفال في نظر القانون إلا انهم في نظر الإسلام اصبحوا يافعين .. للاسف اللي مجرء الصبيان دو أو الصبايا .. أن القانون لا يعاقبهم إلا بعد 18 سنة .
وزي ما قلتي مفيش اخلاق دينية ولا معاملات كويسة .. وحتي الفنون بقت هابطة .
ربنا يستر علي الأجيال اللي جاية
إنا لله و إنا اليه راجعون
اختنا الفاضله السلام عليكم ورحمه الله وبركاته من جهه الفن البدايه بدات بمسرحيه(( مدرسه المشاغبين)) وهي مقتيسه من فيلم امريكي له نفس العنوان والمسرحيه دي زي مابنقول احنا كسرت الدنيا واضحكت الراي العام واصبح الشباب الصغا ر مفتونون ببهجت الاباصيري ومرسي الزناتي ومنصور ابن الناظر ويقلدونهم في المدارس ويتكلمون بلغتهم ويتهجمون بالقول والسخريه علي المدرسين وهذا تفسيرا لكلمتك الفن الهابط فسقطت هيبه المدرس في عيون الطلاب بتحريض غير مباشر من ابطال هذه المهزله فقد اصبحت كلمات(( كاد المعلم ان يكون رسولا )) ليست في قاموسنا فالمعلم هنا علام الملاواني ذلك الابله المريض يالزهايمر الذي ينجح الطلاب في نزع ملابسه وترقيصه -----------ثانيا ضيق ذات العيش بالنسبه للمدرس جعلته يمد يده للطالب بسبب قله دخله واحتياجه فنزعت الكلفه بين المدرس والطالب مهو بييجي عنده البيت ياكل ويشرب وياخد فلوس --------ثالثا غياب مادة الدين التي تعلم القيم والحلال والحرام والكارثه غياب الاب والام عن التربيه فقد تركوا الشارع هو الاب للاولاد علمهم كل التصرفات الذي ترينها الان تحيتي لكي
ماهو لما الأهالي تحب تربي اولادها بيربوهم كده بالبركه
عشان هما اتربو بالبركه
واهاليهم كمان اتربو بالبركه
وهكذا
مفيش اصلا منهج تربوي الناس ماشيه عليه او ثقافه معينه بيتبعوها
وكمان محدش حاول يحط اسس للتربيه ويمشي عليها ولا حد حاول يطور اساليب التربيه وسايبين كل حاجه تمشي سبهلله .. بالبركه يعني
العيب دايما فى الأهل مش فى الطفل
الناس توارثت البركه فى كل حاجه وسايبين الحياه تمشي زي ماتمشي
ده طبعا غير التعليم الغلط اللى لو اتكلمنا فيه هنلاقي البد والعجب العجاب
وفيه حاجه كمان كبيره اوي ساهمت في تكوين الناس من جواهم
المجاملات
الواد ينجح مجامله
يطلع من مصيبه عملها من السجن مجامله
ميتحاكمش وتعدي مجامله
يشرب ويتنيل ويتسكت عليه مجامله
يشتغل فى مكان ميستحقوش مجامله
يتجوز بنت فلان وخلاص مجامله
وياخد ارض او قرض مجامله
وهيتجامل برضه فى باقي حياته فى اولاده وتعدي الحياه كلها مجاملات وبركه
يبقى النتيجه ان الأجيال الجديده تطلع العن من كده
صباح الخير
زمان كان البيت يربي والمدرسة تربي الان الكل تخلى عن دوره واصبح الشارع هو الذي يربي والنتيجة هي هذا الجيل المسخ
هنقول ايه غير
انا لله وانا اليه راجعون
كلام خواطر صح جدا
العمليه التعليميه انتهت في مصر بعد مسرحية مدرسة المشاغبين
انا اختي موجهه - يوميا بتلف على المدارس وبتشوف مصائب من الطلبه والمدرسين مساكين مش قادرين على العيال
ومن قبلها كانت مدرسه لسنين في التعليم التجاري- وكانت بتحكي لي فضائح ومصائب وكان منها ان فيه صاحب محل في منطقه المشروع الامريكي بحلوان حيث توجد هناك مدرسه تجاريه مشتركه كان عامل الدور الثاني في المحل مخصص للدعاره بين الطلبه والطالبات وفيه مدرسين عرفوا العمليه وراحوا كابسين على المحل ومطلعين العيال من جوه
وماذا تبقى بعد ذلك ؟؟!!!!
مصر واللي بيحصل فيها بقى فعلا فزوره كبيره لا احنا عارفين اولها من اخرها طول ما ابطالها العظام هما لاعيبة الكوره والممثلين والراقصات وكله تحت اسم انا عندي رساله بقدمها وطول ما في جمهور مستمتع بالرساله هنفضل نرجع لورا بس ده لو في لسه اساسا ورا
تقبلي تحياتي
انها نتاج لاشياء كثيرة
غياب الرقابه غياب الضمير
اهمال تعليم الدين بالمدارس
بث النماذج السيئه و كانها القدوة التي تحتذي
تعظيم السفور ووصفه بالجراءة
و الفجور بوصفه بالمدنيه
و السرقه بانها الطريق السحري للغني
المخدرات بانها المغامرة و الوصول للنشوة
و الجنس بانها الفحولة و القوة
و النتيجه
ما وصلنا اليه الان
تحياتي
هذه القضية قضية مجتمع
من مشاهدة الأفلام الإباحية على النت
وعلى التلفاز
ووجود المشاهد القذرة فى الأفلام الاجنبى منها والعربى
كل هذا وأكثر
ومما استفزنى مشاهدتى لطفل لا يتعدى ال9 سنوات فى مقهى نت يشاهد أفلام إباحية وأخر يشاهد مقاطع رقص
وحسبنا الله ونعم الوكيل
سبق أن تحدثت عن الشذوذ والجنسى والإباحيات من هنا
Mr presedent
.............
أهلا يا ريس
والله انا فى رأيى ان اللى تفكيره مشوه مش بيحسبها كده .. معتقدش انهم بيفكروا فى القانون ولا فى الاحداث ولا فى السجن
متنساش ان فيه كبار و ناس يفترض انهم بالغين وعاقلين وبيعملوا كده عادى .. وبيسرقوا وبيقتلوا وبيتاجروا فى المخدرات ومحدش بيبطل خوفا من القانون
المشكلة فعلا فى العوامل المحيطة .. فى مؤسسات التنشئة الاجتماعية بدءا من الاسرة والمدرسة و الاعلام ودور العبادة والاصحاب
وللاسف مفيش حد فيهم بيقوم بدوره
فعلا ربنا يستر
يارب
نورتنى يا ريس
يوميات شحات
...........
اهلا يا فندم
عندك حق والله احنا فى مصيبة
انا لله وانا اليه راجعون
نورتنى يا فندم
سواح فى ملك الله
...............
وعليكم السلام ورحمة الله وبركاته
اهلا بك اخى الفاضل
ابتداءا بمدرسة المشاغبين .. وانتهاءا برمضان مبروك ابو العلمين حمودة ضاعت هيبة المدرس فعلا
لكن اعتقد انه لو لم يكن المجتمع مؤهل وبيئة خصبة لهذا ما حدثت ابدا ولو مجرد فكرة
بالنسبة للدروس الخصوصية اتفق مع حضرتك فعلا ان المدرس اسقط من هيبته وليس من نفسه (لان مدرس المدرسة بيكون بعيد عن الطلاب اما مدرس الدرس فبيكونوا اخدين عليه وبينهم هزار وكلام خارج نطاق الدراسة ).. لكن كان مضطر .. حضرتك عارف راتب المدرس كان اد ايه ؟.. وكان مطلوب يكفيه ويقيم اسرة بالتزاماتها من خلاله ؟؟ طب ازاى ؟
اما عن أجر المدرس الخصوصى ..فأنا مش شايفة انه بيقلل من قيمته .. احنا لما بنتعب ويجيلنا دكتور فى البيت .. بنديله فلوس .. ولما بنحتاج مهندس كمبيوتر بنديله فلوس .. حتى الكهربائى والسباك واعطال التليفونات .. كل حد محتاجين منه حاجة بيقدمهالنا مقابل أجر .. جت عالمدرس يعنى ؟
من اكتر الحاجات اللى مضايقانى بجد غياب مادة الدين
خايفة جدا من الجيل الجديد وخايفة عليه
ربنا يستر
نورتنى يا فندم اسعدنى مرورك
محمد عتلم
..........
أهلا يا فنان
والله ياريت البركة اللى اهالينا ربونا بيها واهاليهم ربوهم بيها تبقى لسه موجودة ونعرف نربى بيها اولادنا
حتى البركة معدش فيها بركة
الدين كان غالب زمان على التربية .. دلوقت بعد كتير والاهالى معدتش فاضية تتكلم حتى مع ولادها وسابوهم للفضائيات والنت يعلمهم
المجاملة والكوسة وجهان لعملة واحدة هى الفساد
ربنا يصلح الحال يارب
صباح النور :)
نورتنى يا فنان
خواطر شابة
-----------
أهلا يا قمر
عندك حق فعلا
الكل تخلى عن دوره
بس المشكلة ان ربنا هيحاسب الكل
كلكم راع وكلكم مسئول عن رعيته
وشكل الحساب على الاساس ده هيبقى حساب عسيررررر
ربنا يقدرنا على حسن تربية اولادنا يارب
نورتينى يا نوجا
همسات وبحر الحياة
----------------
اهلا حبيبتى
ونعم بالله
انا لله وانا اليه راجعون
نورتينى يا جميل
لورنس العرب
------------
اهلا يا فندم
طلبة وطالبات ومحل دعارة
اختك موجهة دلوقت يعنى كانت مدرسة من زمان .. يعنى البلاوى دى فى مجتمعنا من زمان .. لا حول ولا قوة الا بالله
ربنا يعافينا ويعافى اولادنا يارب
نورتنى يا فندم
محمد الجرايحى
----------
اهلا بك اخى الفاضل
والله ما انا عارفة لسه فاضل ايه؟
رحمة ربنا هى اللى باقيالنا
ربنا يرحمنا يارب
نورتنى يا فندم
eng_semsem
............
أهلا بك اخى الفاضل
انا مش فارسنى غير الرسالة دى
من يوم ما بدأوا يوصلوا رسالتهم والمجتمع من سيء لأسوأ
ورا فين بقى احنا خلاص خبطنا فى الحيط ووقع علينا
نورتنى يا فندم
أحوال الهوى
...........
أهلا دكتور عصام
كلامك صح جدا
صورة مقلوبة .. ومعايير معكوسة والجميع يسير وفقهم وكانهم الاصوب
حتى اصبحوا هم الاصل بالفعل
نورتنى يا دكتور
dr. Ibrahim
.............
أهلا بك اخى الفاضل
والله ده مخطط لافساد اولادنا
وللاسف يشترك فيه الاباء والمعلمين
للاسف معدش فيه اطفال
معدش فيه براءة
تم اغتيال الطفولة بيد المجتمع
ولا عزاء للاخلاق
حسبنا الله ونعم الوكيل
نورتنى يا فندم
اختنا الفاضله السلام عليكم ورحمه الله وبركاته من جهه الفن البدايه بدات بمسرحيه(( مدرسه المشاغبين)) وهي مقتيسه من فيلم امريكي له نفس العنوان والمسرحيه دي زي مابنقول احنا كسرت الدنيا واضحكت الراي العام واصبح الشباب الصغا ر مفتونون ببهجت الاباصيري ومرسي الزناتي ومنصور ابن الناظر ويقلدونهم في المدارس ويتكلمون بلغتهم ويتهجمون بالقول والسخريه علي المدرسين وهذا تفسيرا لكلمتك الفن الهابط فسقطت هيبه المدرس في عيون الطلاب بتحريض غير مباشر من ابطال هذه المهزله فقد اصبحت كلمات(( كاد المعلم ان يكون رسولا )) ليست في قاموسنا فالمعلم هنا علام الملاواني ذلك الابله المريض يالزهايمر الذي ينجح الطلاب في نزع ملابسه وترقيصه -----------ثانيا ضيق ذات العيش بالنسبه للمدرس جعلته يمد يده للطالب بسبب قله دخله واحتياجه فنزعت الكلفه بين المدرس والطالب مهو بييجي عنده البيت ياكل ويشرب وياخد فلوس --------ثالثا غياب مادة الدين التي تعلم القيم والحلال والحرام والكارثه غياب الاب والام عن التربيه فقد تركوا الشارع هو الاب للاولاد علمهم كل التصرفات الذي ترينها الان تحيتي لكي
Mr presedent ............. أهلا يا ريس والله انا فى رأيى ان اللى تفكيره مشوه مش بيحسبها كده .. معتقدش انهم بيفكروا فى القانون ولا فى الاحداث ولا فى السجن متنساش ان فيه كبار و ناس يفترض انهم بالغين وعاقلين وبيعملوا كده عادى .. وبيسرقوا وبيقتلوا وبيتاجروا فى المخدرات ومحدش بيبطل خوفا من القانون المشكلة فعلا فى العوامل المحيطة .. فى مؤسسات التنشئة الاجتماعية بدءا من الاسرة والمدرسة و الاعلام ودور العبادة والاصحاب وللاسف مفيش حد فيهم بيقوم بدوره فعلا ربنا يستر يارب نورتنى يا ريس
Post a Comment