Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Friday, June 18, 2010

هي والآخرون


تقنع نفسها كثيرا بأنها راضية

تتحمل كل شيء عن طيب خاطر

فربما من أساء إليها كان يمر بظروف نفسية قاسية .. فلتغفر له

ربنا لم يكن يعلم أن هذا الأمر سيؤذيها .. فلتغفر له

ربما ساهمت بشكل غير مباشر في هذه الحالة التي وصل إليها .. فلتغفر له

ربما هي بالفعل سيئة ولا تشعر .. فلتغفر له


فلتبدأ من جديد تخط سطوراً جديدة على صفحات خالية .. لعل الأمور تتحسن .. والجفاء يزول

دائما ما كانت تعطى للآخرين مبررات في تصرفاتهم نحوها

تنتهج حسن الظن منهجا لها في حياتها

وتقنع نفسها بان كل إنسان له رده فعل تختلف عن الآخر ، تعتمد على طريقة تنشئته وخبراته في الحياة

فليس بالضروري أن يكون رد فعل الآخرين معها هو نفس رد فعلها تجاه الآخرين

قد تحسن الظن بالآخرين بلا سبب .. وقد يسيء الآخرون الظن بها بلا سبب أيضا

هي تعودت على ذلك .. وهم تعودوا على ذلك .. فلا ضير أن تحاول

إذا فلتحاول محاولة أخيرة .. عسى أن يدركوا أنها لا تحمل في قلبها بغضا لأحد
.

تبتسم .. تضحك .. تمزح .. تبادر بالخير .. فينقلب عليها

تشاركهم أفراحهم .. وتساندهم فى أحزانهم

وتجعل من قلبها موطنا لهم

تمد يدها بالعون .. فيلوونها .. ويطعنونها في ظهرها

إذا لا فائدة

أنها بالفعل لم تعد تتحمل

لم تعد قادرة على عطاء المزيد

بل لم تعد ترغب حتى في أن تلتمس لهم الأعذار

أعطت كل شيء بمقدورها .. ولم تأخذ شيئا سوى الحزن الدائم والحيرة البالغة

إذا فلتصرخ .. فلتغضب .. فلتفعل مثلما يفعلون

لن تهتم بهم منذ اليوم .. فلم يهتم بها يوما منهم أحد


فهل ما استقرت عليه صائبا ؟؟ .. أم تستمر في إعادة المحاولة ؟؟

33 comments:

Unknown said...

للصبر حدود
ولابد من وقفة
مع الأخرين أما تصافى
وأما كل حى يروح لحاله!

Anonymous said...

عليكِ بالمواجهة بالرغم من اعتقادى ان اعادة المحاولة مع من لا يقدرون ما نفعله لأجلهم لا يجدى نفعاً
ان دوائهم الوحيد هو معاملتهم بنفس الطريقة

"
لن تهتم بهم منذ اليوم .. فلم يهتم بها يوما منهم أحد
"

أعتـقد انه الخيار الأمثل
لكن فلتواجهيهم حتى يكون ( عداكى العيب )

د/على خميس said...

السلام عليكم و رحمة الله و بركاته
أختى الكريمة ..
كما قال رسولالله صلى الله عليه و سلم فإنما هى تسفهم التراب
طبعا الصبر و الإحسان أولى فإن لم يكونوا أهلا للإحسان فهى أهل لذلك أما إن كان الوضع سيدفعها إلى الخطأ ففراق بمعروف ( إن كان ممكنا ....يعنى لو مش عائلة و أقارب)
قال الله تعالى لإبى بكر و لكل المسلمين من ورائه ( فلتعفوا و لتصفحوا ألا تحبون أن يغفر الله لكم ) أتحب أن يغفر الله لها؟؟؟؟
بارك الله فيك
تحياتى

همس الاحباب said...

انا مع اعادة المحاولة
والاحسان ثم الاحسان لان الهدف المرجحو من الاخرة وليس الدنيا
اى نعم للصبر حدود
بس ربنا سبحانه وتعالى قال وبشر الصابرين
وادفع بالتى هى احسن
دائما اختارى الخير والاحسان حتى لو الشخص الذى امامك ليس اهل لذلك
تحياتى

موناليزا said...

أرى ان تعرفهم ما تشعر به وبأن قدرتها على الاحتمال لم تعد كسابق عهدها ومن خلال رد فعلهم تستطيع القرار بكل نفس راضية

Tamer Moghazy said...

واحد اعطى..وواحد اخد..!!
واحد حب ..وواحد اتحب..!!
هكذا الحياة..
انت بجد مدونتك حلوة..
اخدت جولة فيها بس للاسف مش باكون موجود كتير..
اعذريني على التاخير ومش ها احكي لك على الاسباب لانها (حاجات جوايا) :) :)

Single Mummy said...

عزيزتى ام دودو
واللة انا محتارة اكتر منك لو كنت اعرف رد كنت اكيد قولتلك لكن صعب كتير الواحد يحدد تعمل اية؟
عموما البوست معبر وحقيقى جدا ربنا يكرمك
سلامى وقبلاتى ليكى ول دودو بية

الزهرة البرية (Joudy) said...

أولا أقولك وحشانى كتيييير يا قمراية

ثانيا أقولك بلاش صبرها ينفذ بسهولة وتعاود المحاولة فإن لم تجد أثرا لما تفعله من خير بين البشر فلتعلم أنه محفوظ عند من هو أخير منهم خالق البشر وصدق سولنا الكريم عندما قال التمس لأخيك سبعين عذراً واللى يمشى فى طريق الصح مهما كان صعب مش هيندم

تحياتى لك يا جميلة

دمتى بكل الخير والحب والسعادة

Joudy

أحــوال الهـوي said...

اعطي لحبيبك الف عذر

و استجلي الامر و لا تعتقدي كثيرا بالظن

اعيدي المحاولة اذا كان من تحاولين معه تعرفين انه شخص صادق و منصف

فانتي لا تعلمين خبايا الامور و قد يكون قد تعرض لضغوط او وشايه

فالمواجهه خير من التخمين

تحياتي

موجة said...

بوست رائع
تسرني زيارتك
موجة

بنت وولد said...

و الله مش عارفه اقولك ايه
لكل حاله ظروفها
بس مش معقوله الانسان يفضل يعطى على طول بدون اى تعاطف او تفاعل من الاخرين تجاهه
الحكايه دى بتبقى متعبه قوى
صعب اطبطب و احن و امسح دموع غيرى
و يوم ما عينى تدمع متلاقيش اللى يمسح دموعها

تحياتى

Lady E said...

القرار بإيدك انتي حسب الشخصيات اللي بتتعاملي معاهم هل هما فعلا يستحقوا فرصة تانيه؟ ولا لازم معاهم الحسم ويفهموا انهم غلطوا بتصرفهم بالطريقة دي كل ده لازم تحدديه بنفسك

سعيدة اني عرفت انك دمياطية :)

سواحة said...

اغلس و اسال
انت مبتشتغليش ؟؟صح
يعنى ربة منزل فقط
و مع ذلك بتعانى من الناس قوى كده ؟
اصل الموضوع يختلف قوى بين صراعات الشغل و صراعات المنزل

بوستينك الاخرينين بيوحى بصراع جواكى عايزة تقولى لحد (:-) او مع اصح واحدة) كلمة بس مسكاه نفسك

اقولك خرجى نفسك من نفسك و بصى للموقف و الموضوع من الخارج
كان حد حكالك او شوفتيها عند جارة و احكمى ثانى
قبل ما تنطقى لان الكلمة المصريحة و بالذات الموجعة مينفعش ترجع و لا تتمسح
يعنى لو قولتيها لازمتتحملى اثارها للاخر حلو او وحش

و على راى ام كلثوم على ما اعتقد :-))
الصبر جميل

و لما قلبك يتلون اغسليه بلون الزهور ساعتها ممكن تلاقيه مش لون و بس لا و عطر و خلى بالك ممكن يتأكل :-) ساعتها

العلم نور said...

بارك الله فيك غاليتي .. وعندما لا يكون هناك أي شيء للعطاء ولا يبقى منه سوى الحزن والأسى فلا فائدة ترجوا منه

صيدلانيه طالعه نازله said...

تبتسم .. تضحك .. تمزح .. تبادر بالخير .. فينقلب عليها

تشاركهم أفراحهم .. وتساندهم فى أحزانهم

وتجعل من قلبها موطنا لهم


تمد يدها بالعون .. فيلوونها .. ويطعنونها في ظهرها



للاسف يا سالى انتى قولتى اللى بيحصل معايا و للاسف اكتر من اقرب الناس ليا
بس بصراحه اتعودت خلاص
و بدأت اعامل كل واحد بمعاملته
عشان ارتاح نفسيا نوعا ما

محمد عتلم said...

سالى
انا كنت بزورك كتير اوى لفتره طويله وكنت لاقى دايما البوست اللى انتى معترضه فيه على تدخل الأم فى االألفاظ بتاع مامتك اللى جايباهالك وتقريبا كل مابدخل الاقى نفس البوست لفتره طويله اوى فقلت فى نفسى دى تقريبا ربنا تاب عليها من التدوين والمدونين الوحشين اللى زى حالاتى وبطلت اجى عندك وبعدها اتشغلت شويه واذ فجأة لقيتك معلقه عندى ومنوره البلوج
وجيت زرتك ولقيت فيه بوستات كتير اوى عندك فايتانى وانا مشفتهاش
عموما حمدالله على السلامه ومتأسف على التقصير وانا رديت عليكى طبعا عندى كمان

حاجات جوايا said...

norahaty
------------
اهلا يا قمر وحشتينى
فينك من زماااان
رأى يُحترم
للصبر حدود فعلا
ميرسى على مشاركتك يا حبيبتى

حاجات جوايا said...

Manar
---------
أهلا منورة
والله ما حد عارف العيب فى مين ولا على مين
ربنا يصلح الاحوال
ميرسى على مشاركتك حبيبتى

حاجات جوايا said...

د. على خميس
-------------
وعليكم السلام ورحمة الله وبركاته
أهلا بك اخى الفاضل

طبعا الصبر و الإحسان أولى فإن لم يكونوا أهلا للإحسان فهى أهل لذلك

قال الله تعالى لإبى بكر و لكل المسلمين من ورائه ( فلتعفوا و لتصفحوا ألا تحبون أن يغفر الله لكم ) أتحب أن يغفر الله لها؟؟؟؟

مفيش كلام يتقال بعد كده

جزاك الله كل خير اخى الفاضل
نورتنى

حاجات جوايا said...

همس الاحباب
----------
أهلا بك أخى الفاضل

ربنا سبحانه وتعالى قال وبشر الصابرين
وادفع بالتى هى احسن

ونعم بالله
ربنا يجعلنا من عباده الصابرين يارب

نورتنى يا ابو همس

حاجات جوايا said...

موناليزا
------------
أهلا حبيبتى مونا
هههههه لا انسي مفيش فايدة
نورتينى حبيبتى

حاجات جوايا said...

Timo
--------
أهلا بك أخى الفاضل
فعلا هى دى الدنيا
ربنا يكرمك يارب
مدونتك اجمل
ولا يهمك يا فندم المدونة مدونتك تيجى فى اى وقت
حاجات جواك مش هتقول عليها ههههههههه
عليك وعلى باب افتح قلبك
ما احنا لازم نعمل شغل برضه ههههههههه

نورتنى اخى الفاضل

حاجات جوايا said...

single mummy
-------------
اهلا سارة ازيك حبيبتى
وازاى حمزة
يارب تكونوا بخير دايما
اقرى معايا التعليقات وهنعرف ان شاء الله
نورتينى يا قمر
بوسيلى حمزة

حاجات جوايا said...

الزهرة البرية
--------------
joudy
جوووووودى انتى فين يا بنتى
وحشتينى جدااااااا
كنت قافلة المدونة وسيبتى المزرعة ليييييه
يارب تكونى بخير حبيبتى

فإن لم تجد أثرا لما تفعله من خير بين البشر فلتعلم أنه محفوظ عند من هو أخير منهم خالق البشر


أحلى كلام


التمس لأخيك سبعين عذراً

المقولة دى انا كنت فاكراها حديث برضه ودورت عليها عشان اجيب مصدرها وانزله مع البوست وقت ما كنت بكتبه لكن لقيتها مقولة للامام الشافعى مش حديث شريف

مش عارفة بقى ان كان فيه حديث بنفس النص ومش مدرج ولا ايه ؟

يسلملى مرورك يا غالية
ودايما منورانى كده ومطمنانى عليكى

حاجات جوايا said...

أحوال الهوى
---------------
أهلا د. عصام
لا مفيش تخمين ولا حاجة
كل شئ واضح ومعروف
ميرسى لمشاركتك اخى الفاضل
نورتنى

حاجات جوايا said...

موجة
--------
أهلا بك اخى الفاضل
ألف شكر
تشرفنى زيارتك
نورتنى

حاجات جوايا said...

ام الخلود
----------
اشتركت والله حبيبتى
من بدرى
بس ياريت توضيح اكتر لفكرة الولايات المتحدة الاسلامية
نورتينى يا قمر

حاجات جوايا said...

بنت وولد
----------
أهلا يا بنوتة
مش كده برضه
يلا خير كله فى ميزان حسناتنا
نورتينى يا سكرة

حاجات جوايا said...

lady E
--------
أهلا يا جميل
أخبارك ايه واخبار الامتحانات والكلية
ربنا ييسرلك كل امر يارب وتتخرجى على خير ان شاء الله
وتيجى تقعدى جنبنا كده ههههههههههه

عندك حق كل واحد ادرى بظروفه

نورتينى يا قمر
وانا الاسعد بالمفاجأة الحلوة دى والله
هتيجى لقاء راس البر ولا ايه النظام ؟؟

حاجات جوايا said...

Wanda
---------
أهلا بالمفتش كورومبو.. قصدى المفتش واندا
هههههههههههههه
لالالالا الموضوع خارج نطاق الكلام .. احنا ناس بتاعة افعال ههههههه


و لما قلبك يتلون اغسليه بلون الزهور ساعتها ممكن تلاقيه مش لون و بس لا و عطر و خلى بالك ممكن يتأكل :-) ساعتها

ماشى يا قمر .. يتاكل يتاكل خلينا نخلص ههههههههه

نورتينى حبيبتى

حاجات جوايا said...

أم الخلود
------------
أهلا يا جميل
ربنا يبارك فيكى حبيبتى
ميرسى لمشاركتك يا قمر
نورتينى

حاجات جوايا said...

صيدلانية طالعة نازلة
--------------------
أهلا يا لولو
ازيك حبيبتى اخبارك ايه
عايزة اسألك
لما بتعاملى كل حد بمعاملته بترتاحى نفسيا فعلا
ولا بتحسى ان فيه حاجة غلط وان مش انتى اللى يعمل كده
وتضايقى انك أُجبرتى عالتصرف بشكل ميناسبش شخصيتك
وده يضيف عليكى حمل نفسى اكبر وشعور بالغربة عن نفسك ؟؟؟


مش عارفة ليه الدنيا كده بجد
ليه ما تخليش كل واحد يكون زى ما هو عايز يكون من غير ما تلوثه ولا تأذيه ولا تضطره لحاجات مش عايز ولا قادر يعملها

ربنا يكون فى عونك وعونا جميعا

نورتينى حبيبتى

حاجات جوايا said...

محمد عتلم
----------
أهلا يا فنان
ربنا يخليك يارب متحرمش من سؤالك
انا فعلا انقطعت فترة تقريبا 4 شهور
بس رجعت تانى اهه زى القرش البرانى الف الف وارجع تانى هههههههههه
الله يسلمك ويبارك فيك يارب
سلامى لتوتا





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger