حاجــــات جوايــا: رمضان جانـــــــا

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Tuesday, August 18, 2009

رمضان جانـــــــا

بمناسبة شهر رمضان .. جانى التاج الجميل ده .. اللى حاسه كده ان ريحته بخور .. وطعمه خشاف .. من الأخ الفاضل أبو صهيب .. صاحب مدونة فارس على طريق الدعوة .. ألف شكر يا فندم .. ورمضان كريم

ماذا يمثل لك رمضان في كلمتين؟؟
شهر انتقاء الصالحين وتثبيتهم على الطاعة .. اللهم اجعلنا منهم وثبت قلوبنا على طاعتك

هل كتبت خطتك التي تنوي تطبيقها في رمضان؟؟

لا الحقيقة مش متعودة اخطط .. بس فيه حاجات كتير فى دماغى اتمنى ربنا يقدرنى احققها .. اهمها انى مش عايزة اتقل فى الفطار عشان مدوخش وانام بعده واقدر انزل اصلى التراويح السنة دى فى المسجد أصل الصلاة فى المسجد احلى كتير من الصلاة من البيت وبتحسسنى برمضان بجد.. واهو الحمد لله دودو كبر شوية ومش هيعمل قلق .. المهم هو كمان مينامش .. استرها يارب..

ايه احسن حاجة لك في رمضان ؟

رمضان كله على بعضه الحقيقة احسن حاجة فى السنة كلها وفى الدنيا كلها .. بحب كل حاجة فيه
بمجرد قدومه بتحس ان قلبك طاير وبيرفرف ولما بتبدأ فى الطاعات بتحس انك مش ماشى عالأرض اصلا
لما بتقرأ القرآن بيبقى مش هاين عليك تخلص
وكل ما يخلص حزب تقول لنفسك هخلص الربع ده كمان واقوم اشوف اللى ورايا .. طب كمان صفحتين .. طب هانت اهه الجزء هيخلص هههههههه
بيكون عندك تسامح غريب .. ورضا بكل شئ .. ولسانك رطب بذكر الله فى كل وقت
بتتصل وبتستقبل اتصالات كتير لناس مشوفتهومش من زمان .. مش شرط يكونوا قرايب .. بس بتحس فى رمضان انهم فاكرينك وانك حد قريب منهم عشان كده بيكلموك او انت بتكلمهم .. فبتفتكرهم طول السنة
اللــــــــــه عليك يا رمضان .. ياريتك السنة كلها .. اللهم بلغنا ومن نحب رمضان وتقبله منا

ايه الحاجة اللي انت جربتها رمضان اللي فات وناوي تكررها السنة دي ؟

ممممم .. والله ما انا فاكرة .. انا مكنتش راضية عن نفسى رمضان اللى فات .. وقعدت شهرين عندى اكتئاب بسبب الموضوع ده .. حسيت انه ضاع منى من غير ما احس بس اقدر اقولك اللى مش ناوية اجربها السنة دى .. او على الاقل مش هتابعها بضمير .. المسلسلاااااااات .. بجد دمار لأغلى ساعات وأيام فى السنة .. ربنا يعافينا يارب
والسنة دى السباق بادئ من بدرى أوى .. ومفيش حاجة حصرى .. كله عالتليفزيون المصرى
قوينا ياااااااارب

شعارك السنة دي في رمضان ايه؟

رمضان بلا مسلسلات .. بلا قطيعة .. بلا نوم بعد الإفطار

ناوي تفطر كام واحد في رمضان؟

ربنا يسهل .. قولوا يارب

ايه الطاعة اللي انت ناوي تداوم عليه بعد رمضان ؟

ان شاء الله صلاة القيام
امرر التاج الى

كل المدونين المسلمين
فـــــردا فــــردا
مش هذكر اسماء لان العدد كبير قوووووووى ما شاء الله ومش عايزة انسى حد
بس اى حد يشوف البوست واى حد يعلق واى حد يعدى صدفة واى حد يزورنى لأول مرة واى حد بعتله تاج قبل كده وخصوصا اللى مشافش اسمه المرة اللى فاتت وكل الموجودين فى الريدر- وطبعا هما عارفين نفسهم - لازمن وحتما يجاوب عالتاج
اتفقنــــــــا .. مش عايزة تزويغ .. ده تاج رمضان .. لو مجاوبتهوش دلوقت هتجاوبوه امتى يعنى ؟؟.. ولا يعنى لازم انده الاسامى واحد واحد عالملأ هههههههههه

يلا شدوا حيلكم .. واللى يحل التاج يبلغنى عشان آجى اشوفه
وكل تاج وانتوا طيبين .. وكل رمضان وانتوا صائمين وقائمين وللقرآن قارئين ومرتلين ولله ذاكرين وحافظين وتائبين وفى الصلاة خاشعين

آه على فكرة فيه بوست حلو اوى هنا عن اللى ممكن نعمله فى رمضان بجانب الصوم والصلاة لاكتساب الحسنات والصدقات الجارية . روحوا شوفوه

كل سنة وانتم طيبين
ورمضان كريم

52 comments:

سماء said...: اول تعليق

هلف وهرجع تانى

انا قولت; August 18, 2009 at 7:09 AM
سماء said...: كل سنة وانتى طيبة ياقمرة بمناسبة رمضان; August 18, 2009 at 7:10 AM
سماء said...: اجابتك جميلة وربنا يقدرك على الطاعات

فى رمضان

ومتكتريش فى الاكل علشان تقدرى تروحى تصلى التروايح فى الجامع

ويارب انا كمان يقدرنى على كدة وكمان متفرجش على مسلسلات

وربنا يتقبل منك ومنا

ويجعلك من المقبولين

كل سنة وانتى طيبة

والتاج اللى بعتهولى جاوبت علية ابقى تعالى شوفية; August 18, 2009 at 7:19 AM
صيدلانيه طالعه نازله said...: كل سنه و انتى طيبه يا سالى و ربنا انشاء الله يتقبل صيامك و قيامك; August 18, 2009 at 9:31 AM
بسمة انور said...: كل سنة وانتى طيبه

اجاباتك جميله
ويارب يعينك على طاعته

تحيـ بسبس ـاتى; August 18, 2009 at 2:57 PM
Dr. Ibrahim said...: كل سنة وحضرتك طيبة; August 18, 2009 at 3:20 PM
ليس فقيرا من يحب said...: السلام عليكم

كل سنه وانتى طيبه يا حبيبتى

وربنا يعينا على الطاعه والصلاه

والقيام اللهم امين; August 18, 2009 at 5:29 PM
Pink Dreams said...: كل سنه وانتى طيبه يا قمر

وربنا يجعله فى ميزان حسناتك يا رب

تحياتى; August 18, 2009 at 6:13 PM
ساسو said...: كل سنه وانتي طيبه ياعسل
ورمضان كريم
يارب تحققي اللي نفسك فيه رمضان ده ان شاء الله

وبعدين انا مليش دعوه فين الفانوس بتاعي ...
اختك الصغنوووووووووونه
ساسوووووووو; August 18, 2009 at 6:55 PM
أمل حمدي said...: كل سنة وانت طيبة

ربنا يعيد عليك رمضان بالخير والمغفرة; August 18, 2009 at 7:10 PM
elsha3er said...: اجاباتك جميلة

كل سنة وحضرتك طيبة

تحياتى

احمد الشاعر; August 18, 2009 at 7:29 PM
Maha Shahen said...: اول مره استمتع بجد بكلمة اللهم بلغنا رمضان وكأنى لأول مره بتمنى انه يجى وانا مستعده وكأنى هبدا فى الجرى بكل قوتى
يمكن رمضان اللي فات مر عليا زيك تقريبا لكن اللي قبله بجد كان ملهوش مثيل فيارب اكون احسن من اللي فات واللى قبله كمان الله المستعان
اجاباتك كانت جميله
ليكى خالص التحيه والاحترام
ورمضان كريم والله اكرم
كل سنه وانتى طيبه; August 18, 2009 at 10:55 PM
Anonymous said...: كل سنه وانتى طيبه يا سالى

رمضان كريم ياقمر

حنين; August 18, 2009 at 11:42 PM
ابو صهيب ( الجمعاوي الاصيل)سابقاً said...: السلام عليكم ورحمة الله وبركاته

بداية جزاكم الله خيراً على اجابة التاح

ثانياً
اجابات بسم الله ما شاء رائعة ده انتي طلعتي احسن مني

اما بالنسبة للتخطيط

فعندي لكي نصيحة اختي الفاضلة

عدم التخطيط هو تخطيط للفشل لاننا ان لم نسجل ماذا نريد ومتي سنقوم بعمل مانريد وما هو المستهدف منه

فكيف لنا ان نحاسب انفسنا
ومن الممكن ان تنسي شئ مما تريدين ان تفعلي

فرجاء معك فرصة امسكي ورقة وقلم وقعدي واكتبي كل اللي انتي عاوزاه في رمضان

علشان لما تيجي تشوفي استفدتي ايه تبصي في الورقة اه انا عملت ده زي ماكنت كاتبة ومعملتش ده السنة الجاية ان شاء الله اتقى عليه شوية وهكذا

ربنا يوفق; August 19, 2009 at 9:05 AM
simply me said...: كل سنه وانتى طيبه وكل رمضان وانتى لله اقرب
:); August 19, 2009 at 9:57 AM
شمس النهار said...: ازيك
يارب تكوني في احسن حال
طبعا الاجابات جميله جدا ربنا يكرمك
كل سنه وانت طيبه وبخير وصحه وسعاده; August 19, 2009 at 10:07 AM
رفقة عمر said...: كل سنه وانت طيبه حبيبتى سالى
وحشانى
بس غصب عنى مش بقيت باعرف اتابع مدونات خالص
ويارب يكون رمضان السنه دى احلى من السنه اللى فاتت وتقدرى تعملى فيه كل اللى انت عاوزاه
ااقلك على سر قالته ليا شيختى اللى كانت تحفظنى القران
قالتلى لا تتابعى اول حلقه من اى مسلسل وبكدة مش هاتتشدى لمعرفه بقيه الاحداث
وبعدين القضائبات بتزهقنا بقيه السنه بيها مجرد رمضان يخلص تتعاد كل المسلسلات تانى لكن رمضان مش هايرجع تانى الا بعد سنه ومافيش حد فينا عالم هانكون موجودين ولا لا
تقبل الله منا ومنكم الصيام والقيام والدعاء; August 19, 2009 at 12:58 PM
أحــوال الهـوي said...: كل عام و انت بخير

تحياتي; August 19, 2009 at 7:10 PM
rovy said...: السلام عليكم
ازيك يا سالى ؟ .. يارب تكونى بخير حال و كل احبابك حبيبتى .. كل سنه و انتى بالف خير انتى و كل احبابك يارب ..
اجابات جميله اكيد زيك يا سالى

دمتى غاليتى بكل الخير فى حفظ الله

خالص و ارق تحياتى لكى دوما; August 19, 2009 at 9:54 PM
موناليزا said...: كل سنة وانتى طيبة يا سالى يا جميلة وربنا يتقبل مننا صالح الاعمال ويعيننا على صيام رمضان وقيامه
ولا تنسينى من صالح دعائك; August 20, 2009 at 12:09 AM
حازم النبراوي said...: كل سنة وانتى طيبة

ورمضــــــــان كريـــــــــــم; August 20, 2009 at 12:32 AM
رحلتنا في الحياة said...: كل سنة وانتى طيبة وربنا يتقبل منك كل الاعمال الصالحة فى رمضان وكل سنة وانتى الى الله اقرب وجميل جدا التاج ده; August 20, 2009 at 2:04 AM
ستيتة said...: ربنا يكرمك ويبارك فك

عارفة ايه اللي عاجبني في اجاباتك

اقول لك يا ستي
احنا عندنا ماأسميه انا بالدين المظهري
يعني لازم اخد شكل وملمس كويس كده من التقوى والورع علشان اعجب الشعب والا ابقى مسلمة اي كلام

الله بس انا مسلمة اي كلام ومش ها اخد مظهر محدد علشان اعجبكم ومش ها اقول اني ها اعتزل التدوين في رمضان .. طبعا ده على اساس ان اللي ها يعتزله ها يغرق الأرض طاعات

عجبني صدقك واحييك عليه

مش ها اجاوب التاج لأنك انت جاوبت بالنيابة عننا احنا الأتنين

انا ستيتة زفت وطين ولو السنة دي كنت من الطائعين الطيبين اللي راضي عنهم رب العالمين ابقى احكي

متشكرة على ذوقك ويارب ربنا يحقق لك امنية الشهادة عند الموت وحسن الخاتمة
وانا يارب معاها بعزتك وجلالك واسمك الرحمن الرحيم; August 20, 2009 at 2:58 AM
همس الاحباب said...: كل سنة وحضرتك طيبة
ورمضان كريم
وربنا يوفقك الى ما يحبه ويرضاه
علم وجارى التنفيذ يا فندم
تحياتى وتقديرى; August 20, 2009 at 2:20 PM
assafo anaroze said...: رمضان كريم و كل عام و انت بالف خير
ربنا يدخل عليك و علينا باليمن و السعادة و الخير و البركات
ربنا يدخل عليك و علينا و احنا في صحة جيدة و عافية
مودتي; August 20, 2009 at 3:18 PM
شوية قهوة said...: كل سنة وانت طيبة
اجباتك جميلة
ده اول زيارة مستنية زيارتك على فكرة مدونتك حلوة بجد; August 21, 2009 at 8:22 AM
Tamer Nabil Moussa said...: السلام عليكم

ازيك اخبارك اية

كل سنة وانتى طيبة وبخير

رمضان كريم

تحياتى; August 21, 2009 at 1:41 PM
Soul.o0o.Whisper said...: كل سنة و انتى طيبة يا سولا

و رمضان كريم عليكى يا قمر
و بجد بجد بجد وحشتينى جداااااااااااا

يارب تكونى بخير و سعادة
و رمضان السنة دى يكون احسن و احسن

و ماشى يا ستى
اتدبسنا اتدبسنا

هأحاول احله قبل ما ندخل فى رمضان

يا مسهل يا رب
:)

دمتى فى حفظ الله يا قمر و سلامى لدودو كتيييييييير; August 21, 2009 at 2:52 PM
Anonymous said...: كل سنة وانتي طيبة يا سولي
وكلامك حلو وجميل

انا شاري السنة دي: لا تغضب

ابقي جربيه انتي بأه السنة الجاية ان شاء الله

مهاميهوووو; August 22, 2009 at 12:20 AM
قوس قزح said...: غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .; August 22, 2009 at 3:22 PM
hasona said...: السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله; August 23, 2009 at 1:43 PM
MaYoOsH said...: كل سنه وانت سالمة يا غالية

مستمتعة بالتعرف عليك; August 24, 2009 at 4:14 PM
محمد المصرى said...: مساء الخير على اجمل دمياطية

انا دمياطى زيك ويشرفنى انى عرفت مدونتك

اتمنى زيارتك على مدونتى نجاح ورا نجاح

منى سلام مصرى دائما; August 28, 2009 at 9:42 PM
عاشقه الرومانسيه said...: كل سنه وانتى طيبه
وعيد ميلاد سعيد ياقلبى
اموووووووووه; September 5, 2009 at 2:55 AM
عاشقه الرومانسيه said...: الحفله على مدونتى
والضيوف بيسئلوا عليكى
عايزين يطفوا الشمع
ما تيجى بقى; September 5, 2009 at 2:56 AM
محمد عتلم said...: كل سنه وانتى طيبه يا سالى وعقبال 548654345 سنه; September 5, 2009 at 9:28 AM
نور الدين (محمد الجيزاوى) said...: اولا كل سنة وانت طيبة
كلماتك كالعادة كبائع المسك من لم يشترى منه فلن يفوته ريحه الطيبة
دمت ودام قلمك وشخصك بكل الخير وجعل الله لك من كل ضيق مخرجا ومن كل هم فرجا
...
نورالدين محمود; September 5, 2009 at 11:35 PM
Anonymous said...: سلامو عليكم
ازيك
برضه تمرري التاج للكل
بس كويس اجاباتك كويسة و مفيهاش تكلف و صادقة و عجباني; September 7, 2009 at 3:11 PM
almasry said...: فعلا رمضان شهر الصدقات والصلاه والقرىن وليلة القدر وكل الحاجات الجميله دى

لكن

وآه من كلمة لكن دى

لكن فى عيال ولاد لذين بيخلوا الواحد رايح يصلى القيام ويروح مولع صاروخ وراميه تحت رجليه يخليه (( سورى يقطع الخلف )) علشان كده بستنى رمضان بفارغ الصبر وأول ما ييحى أقول هيخلص امته

محدش يقر على عيال بلدنا هيبقوا رجاله زى الفل بس ادعوا ليهم

اجاباتك جميله وربنا يثبتك ويثبتنا على طاعته

ورمضان كريم

المصرى; September 8, 2009 at 5:13 PM
aidy said...: انا جاية اقولك كل سنة و انتى طيبة يا سالى
رمضان كريييييييييييييييييييييييم; September 9, 2009 at 9:15 PM
ريمان said...: ههههههههههه

انا احسن واحده تهرب من التاج

سالى حبيبتى بجد وحشانى اوى
والله برضه فى ناس قالولى زى ما قولتليلى كده على موضوع الدراسات العليا وانا خايفه اتسرع

بس ربنا يسهلها كده واعمل استخاره

المهم بجد وحشانى جدا

بالنسبه للمشروع الخيرى انا واخلاص كنا اشتركنا مع مجموعه وعملنا شنط رمضان ووزعناها

وده فى اول رمضان

بس مش عارفه ممكن نعمل ايه تانى المهم لو عندك فكره ابقى بلغينى حبيبتى

سلام يا قمر

سلمى على دودو

رمضان كريم; September 9, 2009 at 9:40 PM
mahasen saber said...: يا حبيبتى وحشتينى جدا جدا جدا يا سالى

اخبارك واخبار دودو ايه

يا رب كل ايامكوا مباركه وجميله

كل رمضان وانتوا بكل صحه وخير وستر

انا ان شاء الله رمضان ده لبر والدى فى قبره ان شاء الله
يعنى صلة رحم ابتغاء مرضات الله تعالى; September 11, 2009 at 4:47 PM
mahasen saber said...: شهر مبارك عليكى يا حبيبتى وعلى كل من تحبين

وبوسه جامده لدودو; September 11, 2009 at 4:47 PM
(احمد سكر ) said...: ازى حضرتك

كل سنه وانتى طيبه

وبعودا الايام

ربنا يتقبل يارب; September 12, 2009 at 3:53 PM
من غير عنـــوان said...: كل عام وأنتم بخير

تقبل الله منا ومنكم

وعيد سعيد إن شاء الله; September 17, 2009 at 10:26 PM
فشكووول said...: السلام عليكم ورحمة الله وبركاته

صوما مقبولا وافطارا شهيا

عيد سعيد اعاده الله عليكم بالخير واليمن والبركات

كل عام وانتم بخير; September 18, 2009 at 9:41 PM
Anonymous said...: سالى الغالية ام دودو
كل سنة وانتى طيبة
جعله الله عيد مبارك عليكى
وعلى اسرتك الكريمة
والسنة الجاية باذن الله يكون
فيه سالى الصغيرة
تحياتى; September 19, 2009 at 1:22 AM
حنين القلب said...: كل سنه وانتى طيبه يا حبيبتى

وربنا يجعل كل حرف فى ميزان حسناتك

فين العيديه بتاعتى ؟
وبتاعه جوز بنتى كمان علشان يحوش ويجيب الشقه

عيد سعيد عليكى وعلى الاسرة الكريمه; September 20, 2009 at 8:50 AM
شريكة في المطعم said...: سااااااالي
وحشتيني ووحشتني مدونتك
تقبل الله صيامكم وقيامكم
كل سنة وانتي طيبة
ويارب يكون عيد سعيد عليكي وعلى أسرتك; September 21, 2009 at 5:21 AM
قوس قزح said...: كل سنة و انتى طيبة و بخير
و عيد سعيد عليكى و على اسرتك الكريمة
و بوسة كبيرة لدودو; September 21, 2009 at 3:01 PM
Unknown said...: كل سنة وانتِ طيبة
ياسالى وربنا يخليلك
دودو ويحفظه من كل شر
قولوا اميـــــــــــــن; September 22, 2009 at 5:00 AM
حاجات جوايا said...: السلام عليكم ورحمة الله وبركاته

ازيكم يا جماعة اخباركم ايه
يارب تكونوا بكل الخير
كل سنة وانتم طيبين وبكل الخير والهنا

ميرسى لكل الناس اللى هنيتنى برمضان
وكل الناس اللى قبلت التاج ونزلته
وكل الناس اللى هنيتنى بعيد ميلادى
وكل الناس اللى سالت عليا
وكل الناس اللى هنيتنى بالعيد
متحرمش منكم ابدا ربنا يخليكم ليا ويباركلى فيكم يارب

كل سنة وانتم كلكم طيبين وبكل الخير والهنا والسعادة
يارب كل اللى لسه متجوزش يتجوز
وكل اللى اتجوز يخلف
وكل اللى خلف ربنا يباركله فى ذريته ويجعلها ذرية صالحة
ربنا يمسح الدمعة عن كل يتيم او فاقد عزيز
ويمن بالخير على كل محتاج
ويصلح حال كل المسلمين ويهيدنا اجمعين

أختكم سالى
عيد سعيد ويارب دايما تكونوا بكل الخير; September 22, 2009 at 11:05 AM