اذكر عشرة أشياء صادقة فى حياتك ؟؟ التاج ده وصلنى من دودو عاشقة الرومانسية
أسأل الله ان يفرج همها ويشفى لها خطيبها ويقرب فرحتها
مش عارفة ليه حاسة ان التاج ده صعب
صحيح هو سؤال واحد .. بس مش من المنهج عااااااااااا
فكرت انزل نتايج الكويزات اللى عملتها فى الفيس بوك .. واللى فيها منى كتير
بس تراجعت
وقلت هخلى البوست تلقائى .. مش مقيد بارقام ولا نقاط .. لانى مش عايزة اكرر اجاباتى عن التاجات السابقة
واتمنى انى اقدر اعبر عن نفسى بشكل كويس وغير ممل
اول حاجة جت فى بالىانى بحب ابنى جدا .. وخايفة عليه جدا من الدنيا و من الزمن
نفسى ربنا يقدرنى أنا وزوجى ونربيه كويس
مش عايزاه يكون تافه ولا فاشل ولا عايش اليوم بيومه من غير هدف
عايزاه يبقى اقوى من الزمن .. من الصدمات .. من التحديات .. من المغريات .. من الفتن
عايزاه يقدر يقول لأ ويكون أدها .. لأى حاجة غلط .. ولنفسه أولا عشان يهذبها ويقومها
عايزاه يحفظ القرآن ويعمل به ليردعه ويحفظه من كل سوء
عايزاه يكون من سعداء الدارين .. الدنيا والآخرة
مش مهم يكون دكتور .. ولا مهندس .. المهم يكون انسان صالح وتقى ويتقى الله فينا وفى كل من سيُسئل عنه يوم القيامة .. فالدار الآخره خير وأبقى
رجاء .. ادعولى ربنا يقدرنى .. وادعوا لابنى ربنا يجعله من الصالحين
من امتع اللحظات اللى بتسببلى هدوء نفسى غريب .. انى اكون راكبة عربية فى وقت حلو مش حر لمسافة طويلة .. وسامعة موسيقى حلوة خصوصا صوت فيروز وفاتحة الشباك اللى جنبى وجايب هوا .. بحب السفر جدا بس من زماااااااااااااااااااااااااااااااااااااااان مسافرتش .. تقريبا من 9 سنين .. كتير برضه
اكتشفت فى نفسى عيب مكنتش آخده بالى منه .. أقولكوا عليه ولا اخليه سر ؟؟؟
مممممم .. لا هقول وعايزة رأيكم فيه .. وعايزة روشتة للعلاج منه كمان
لما برسم صورة فى خيالى عن حد نتيجة حلم من احلامى مثلا
او حاجة بتمناها فى الانسان اللى قدامى
او موقف من المواقف بنيت عليه رأيى وبعدين يطلع مش بالصورة اللى انا تخيلتها
وبعيد كل البعد عن الصورة دى .. والموقف اللى عجبنى منه ده كان مجرد صدفة .. خصوصا لما تكون حاجة تمس مبادئى أو مرتبطة بالسلوكيات الدينية او الاخلاقية
بنهاااااار داخليا وتنهار صورته جوايا
ولما بنهار بتقع منى حاجات كتير فى الطريق
بيكون فيها حلو كتير بس الوحش بيطغى والدنيا بتسود فى عينى
ومش بلاقى مفر غير البعد ..اللى ممكن اوى يكون بعد أبدى
انا عارفة ان مفيش حد مثالى .. وعارفة ان كل البشر فيهم عيوب واولكم انا
بس مش بقدر استحمل اضغط على مشاعرى واقبل حاجات مش عاجبانى رغما عنى
ولما بيحصل .. واكيد بيحصل .. مش بعرف اغير نظرتى ليهم اللى بقت دون المستوى خالص
وغصب عنى بتتغير معاملتى ليهم .. وده فى حد ذاته بيضايقنى جداااااا ويخلينى مخنوقة طووووووول الوقت
أغيثونى اغاثكم الله .. انا مش ملاك .. بس مش بستحمل .. قولولى اعمل ايه عشان ارضى بعيوب الناس ؟؟؟؟؟؟؟؟؟؟؟؟؟؟؟
آخر حاجة بقى
أنا اول ما فكرت اجاوب عالتاج ده .. قلت هكتب ايه جديد يعنى .. هما أكيد بقوا عارفينى اكتر من نفسى
وبناء عليه عايزة اتاكد منكم
انتوا فعلا بقيتوا عارفينى ؟؟ .. وقادرين تحكموا على ّ ؟؟ ولا انا بيتهيألى ؟
طب لو عارفين .. ممكن تقولولى شايفينى ازاى ؟؟؟
فى انتظار رؤيتكم .. بأقصى درجة صراحة ممكنة
معلش يا جماعة كنت نسيت امرر التاج
وش مكسووووووووف
بس ملحووووووقة
أمرر التاج لــــ
حنين القلب
حنين همس الاحساس
ام مالك
كيارا
pink dreams
ديالا
سماء
rovy
شريكة فى المطعم
ريمان
بنت الاسلام
طالبة الفردوس
المعلم محمد صاحب المطعم - طعمية سخنة
حازم النبراوى
لورنس العرب
همس الاحباب
محمد عتلم
د. ابراهيم سماحه
محمد غاليه
معتز شاهين - مدونة احنا وهما
assafo anaroze
ابو صهيب ( الجمعاوى الاصيل ) سابقا
هعزف لنفسى
ذو الوجه المبتسم
وكل عام وانتم إلى الله أقرب وعلى طاعته أدوم
اللهم بلغنا ومن نحب رمضان وأعنا على صيامه وقيامه واغفر لنا وارحمنا واعتقنا من النار وبلغنا ليلة القدر وتقبله منا يارب العالمين
.jpg)
.jpg)
32 comments:
السلام عليكم ورحمة الله
اولا كل سنة وانتى طيبة
ردودك على التاج بجد جميلة
واسالتك للاصدقاء بتدل على ثقة كبيرة منك فيهم
اما عن الشخص اللى ممكن ترسمي له صورة وتطلع مخالفة
رايي ان تكبرى دماغك منه ولا تفكرى فيه اصلا
واكيد انتى بتعملى كده بالفعل
كل سنة وانتى طيبة
على فكرة ابنك زي العسل
ربنا يبارك لك فيه
تحياتى
ربنا يخلى ابنك ويحفظه ويبقى من المتفوقين وصح كده حفظيه القرآن يحفظه من كل سوء
وابنك على ما تربيه:)
---------------
ويجب الا نخدع بمظاهر الناس
ويجب أن ننشغل بعيوبنا ولا ننشغل بعيوب الناس فيجب أن نفترض الأحسن للناس
وكل سنة وحضرتك طيبة
كل سنه وانتى طيبه يا سالى ودودو ابنك طيب
بسم الله ما شاء الله ربنا يخلهولك يارب ويباركلك فيه وتشوفيه احسن حاجه فى الدنيا دى كلها
انتى انسانه جميله وطيبه وتستاهلى كل خير يا سالى
حنين
كل سنه وحضرتك طيبه وكل الاسره بخير وسلامه
ويا رب يخليلك ابنك ويكون من الصالحين يا رب
وبجد ردود حضرتك جميله قوى قوى
كل سنه وحضرتك طيبه
تحياتى
كلسنه وانتي طيبه ياقمره
ربنا يجعل ابنك اجمل واحسن واطيب واتقي الناس
ربنا يكرم ياسكره
كل سنة وحضرتك طيبة
وربنا يبارك فى ابنك ويحفظه من كل سوء ويحقق كل امانيكى فيه
اما بالنسبة لاجابتك فده متوقع من شخصية عاقلة ومتزنة وبتحب كل حاجة مثالية
وده الواضح من كلامك وشخصيتك
يعنى مش جديد علينا
تحياتى وتقديرى
قلت اجى اسلم بعد ما رجعت و اقول كل سنة و انتى طيبة يا ام دودو
و رمضان كريم
مساء الخيييييييير
كل سنة و انتي طيبة و مش شريرة و مش مؤذية
ليه بس التاجات دي ده شر و ايذاااء
خصوصا لواحد زيي يمكن ميكونش في حياته اي حاجة صادقة
ما علينا رؤيتي ليكي انسانة مسلمة ملتزمة و ام مصرية
فسري انتي بقي اللي جواها و كل سنة و انتي طيبة و رمضان كريم
اذيك يا سالى
كل سنة وانتى طيبة
وبشكرك جدا على ذوقك
اجابتك جميلة وجميل انك عايزة ابنك يكون لية هدف فى الحياةوربنا يحفظهولك وتشوفية حاجة كويسة
وانا شايفة ان المفروض منرسمش صورة لحد علشان منتصدمش
دمتى بكل خير
أولا كل سنة و أنتي طيبة بمناسية شهر رمضان المبارك
ثانيا ربنا يخليهولك يا رب يا ريت مرة تكتبلنا عن إحساسك كأم يعني بالنسبة للعازبات :) اللي زي حالاتي دايمن بتسائل إيه مشاعر الأم خصوصا لما تبقى لسه صغيرة في السن
دمتي بود
كل سنة وانت طيبة
ربنا يعيده عليك بالخير انت وكل اسرتك الله امين
الابنا الحبيبة سالى
اولا ربنا يبارك للك فى دودو وبجعله
من حفظة القرآن ومن عباد الله الصالحين
ويلبسك تاج الوقار يوم القيامة انتى وباباه
وبالنسبة ليكى ياسالى غير انك شخص حلو
فانا اراكى تتعاملى حتى فى كلماتك
بتقوى الله وتعرفى مالكى وماعليكى
وعلشان كده اللى زيك بيصدم كثير
فى اللى صورتهم بتكون مخلفة
ربنا يحفظك ياابنتى انتى
واسرتك من كل سوء
وكل عام وانتى الى الله اقرب
تحياتى
كل سنة وانتي طيبه ياقمر
واجابتك فيها روحك اكتر انتي بجد انسانه نقيه اوي من جواكي
وربنا يباركلك في ابنك ماشاء الله عليه ربنا يحفظه
بالنسبه للناس عادي كبري
ياما هتشوفي اصلهم الوان
وكل سنه وانتي طيبه
وعااااااااااااااا ليه بس دانا بحبك تبعتيلي التاج ممممماشي
اجاباتك رائعه بالفعل
كل سنه وانتى طيبه
كل سنة وحضرتك بخير
وبجد إجاباتك رائعة
دمتِ فى سعادة
كل سنه وانتو طيبين
مدونه شقاوة اخر حاجه
تدعوكم لزياره مدونه طيور الجنه بمناسبه شهر رمضان المبارك
ستجد رابط المدونه فى مدونه شقاوة اخر حاجه
هيا بنا لنساعد على نشر الاسلام وطاعه الله
وكل سنه وانتو طيبين
اعز اصحاب
السلام عليكم ورحمة الله وبركاته
اختي الفاضلة
بارك الله فيكي واشكرك على هذه التلقائية في التعبير
بجد اجابات صادقة
واظن ان الواحد بقى يقدر يعرف انتي بتفكري ازاي وايه اللي انتي عاوزاه شوية
اما عن الشخص اللي انتي بترسميله صورة وتطلع مختلفة
فاذكرك عاملي الناس بما تحبين ان يعاملونك به
وان كانوا سيئين
وربنا يباركلك في دودو وينولوا اللي في بالك
معلش الاجابات بتاعتي ملحبطة شوية
ورمضان كريم
تم الاجابة على التاج يافندم وليكوا تاج عندنا ممكن تتقضلوا تخدوه
ربنا يباركلك في إبنك وتفرحي بيه..أنا كمان بعشق صوت فيروز
:)
تحياتي
السلام عليكم
كل عام وانت بخير اختى
نتمنى زيارتك للمدونه للتعرف على الجزء الثانى من طفوله الرسول صلى الله عليه وسلم
نسعد بتواجدك
رمضان كريم على دودو وام دوده ووحششششششششششششششانى جدا جدا جدا
ويا رب دايما فى افضل حال
وبعدين انتى احسبك على خير يا سالى دايما جميله روحا وموضوعا ربنا يحميكى ويباركلك فى دودوه وكل من تحبين يا حبيبتى
اللهم امين
ةوبعدين عارفه التاج ده فكرنى بايه فكرنى بالتاج او التاجين اليى مررتيهم ليا قبل كده وانا الزهامر خلانى انسا اجاوب عليهم
بعتذرلك عن عدم وفائى بوعد الاجابه عنهم
بس هدعبس واجيبهم واجاوبهم ان شاء الله
وحشتينى جدا جدا ويا رب دايما فى افضل حال يا غاليه
السلام عليكم
أول مرة أدخل المدونة الصادقة ده
بجد هايلة
وواضح جداا إنها من القلب للقلب
أنا كمان نفسي لما أبقي أتزوج و أجيب أبن إن شاء الله أربيه زي أبنك كده
ربنا يحفظهولك
تحياتي
سلمي
مفيش فايده
برضه دبستينى فى التاج يا سالى .. عموما متشكرين يا سالى على الواجبات الجامده دى .. كل شويه تدينى تاج .. طب والله ماهزعلك وهاخده منك واجاوب عليه فى البوست الجاى عشان سالى ميترفضلهاش طلب يا رجاله
.
.
.
.
ماشى يا سالى
كل سنه وانتى طيبه بمناسبة رمضان
يسعد صباحك
حاجات جوايا
ربنا يسعد و يوفقك تربي انت و جوزك التربية الحسنة
اللهم انبته نباتا حسنا
عزيزتي رمضان كريم
السلام عليكم
كل عام وانتى بخير يا حبيبتى
واجابات جميله على التاج انا اتفاجئت انك جايبالى التاج ربنا ييسر واجاوب عليه
احبك فى الله
كل سنه وانتى طيبه حبيبه قلبى
ربنا يحققلك كل ما تتمنيه
ربنا يقر عينك بابنك يااااااا رب
ويا رب تشوفيه احسن واحد فى الدنيا دى
اقولك على سر؟
انا منش فاهمه التاج
يعنى ايه اذكر عشره اشياء صادقه فى حياتك
مش فاهمه بجد
يالهوى انا فهمى بطىء اوى
انا قرات اجابتك بس برضه مش فهمت معنى السؤال
ذو الوجه المبتسم
---------------
وعليكم السلام ورحمة الله وبركاته
اهلا بك اخى الفاضل
وانت طيب وبكل الخير
انا فعلا بثق فى اصدقائى لانى بعتبرهم اخواتى مش اصدقائى بس
صدقنى مش فى كل الاحوال تقدر تكبر دماغك
خصوصا لو كنت محتك بيه طول الوقت
كل سنة وانت طيب
ربنا يكرمك ويتقبل منك
ميرسى على ذوقك
رمضان كريم
Dr Ibrahim
--------------
أهلا بك اخى الفاضل
ربنا يكرمك يارب ويتقبل منك
دعواتك
انا الحمد لله مش من النوع اللى بينشغل بعيوب الناس خالص
بس لما الناس تكون قريبة اوى وبتتعامل معاها طول الوقت وعيبها ده مأثر على علاقتك بيها يبقى ايه الحل
انا مش بفترض والله .. انا بشووووف بعينى ربنا يهدينا جميعا
كل سنة وانت طيب
رمضان كريم
7annen
---------
أهلا يا قمر
وانتى طيبة يا حبيبتى وبكل الخير
ربنا يتقبل منك يارب
متحرمش منك يا قمر
انتى اللى كلك ذوق
كل سنة وانتى طيبة
رمضان كريم
Pink Dreams
-------------
أهلا يا قمر
كل سنة وانتى طيبة يا قمر
ربنا يخليكى يا حبيبتى متحرمش منك
انتى بجد اللى جميلة قوى قوى
ربنا يبارك فيكى
كل سنة وانتى طيبة
رمضان كريم
ديالا
-------
أهلا يا قمر
وانتى طيبة يا حبيبتى وبكل الخير
ربنا يخليكى يارب ويكرمك ويتقبل منك
منورانى يا قمرة
كل سنة وانتى طيبة
رمضان كريم
Post a Comment