Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Thursday, August 13, 2009

لحظة صـــــــــدق + تحديث



اذكر عشرة أشياء صادقة فى حياتك ؟؟
.
التاج ده وصلنى من دودو عاشقة الرومانسية
أسأل الله ان يفرج همها ويشفى لها خطيبها ويقرب فرحتها




.
مش عارفة ليه حاسة ان التاج ده صعب
صحيح هو سؤال واحد .. بس مش من المنهج عااااااااااا
فكرت انزل نتايج الكويزات اللى عملتها فى الفيس بوك .. واللى فيها منى كتير
بس تراجعت
وقلت هخلى البوست تلقائى .. مش مقيد بارقام ولا نقاط .. لانى مش عايزة اكرر اجاباتى عن التاجات السابقة
واتمنى انى اقدر اعبر عن نفسى بشكل كويس وغير ممل


اول حاجة جت فى بالى
انى بحب ابنى جدا .. وخايفة عليه جدا من الدنيا و من الزمن
نفسى ربنا يقدرنى أنا وزوجى ونربيه كويس
مش عايزاه يكون تافه ولا فاشل ولا عايش اليوم بيومه من غير هدف
عايزاه يبقى اقوى من الزمن .. من الصدمات .. من التحديات .. من المغريات .. من الفتن
عايزاه يقدر يقول لأ ويكون أدها .. لأى حاجة غلط .. ولنفسه أولا عشان يهذبها ويقومها
عايزاه يحفظ القرآن ويعمل به ليردعه ويحفظه من كل سوء
عايزاه يكون من سعداء الدارين .. الدنيا والآخرة
مش مهم يكون دكتور .. ولا مهندس .. المهم يكون انسان صالح وتقى ويتقى الله فينا وفى كل من سيُسئل عنه يوم القيامة .. فالدار الآخره خير وأبقى
رجاء .. ادعولى ربنا يقدرنى .. وادعوا لابنى ربنا يجعله من الصالحين


من امتع اللحظات اللى بتسببلى هدوء نفسى غريب .. انى اكون راكبة عربية فى وقت حلو مش حر لمسافة طويلة .. وسامعة موسيقى حلوة خصوصا صوت فيروز وفاتحة الشباك اللى جنبى وجايب هوا .. بحب السفر جدا بس من زماااااااااااااااااااااااااااااااااااااااان مسافرتش .. تقريبا من 9 سنين .. كتير برضه


اكتشفت فى نفسى عيب مكنتش آخده بالى منه .. أقولكوا عليه ولا اخليه سر ؟؟؟
مممممم .. لا هقول وعايزة رأيكم فيه .. وعايزة روشتة للعلاج منه كمان
لما برسم صورة فى خيالى عن حد نتيجة حلم من احلامى مثلا
او حاجة بتمناها فى الانسان اللى قدامى
او موقف من المواقف بنيت عليه رأيى وبعدين يطلع مش بالصورة اللى انا تخيلتها
وبعيد كل البعد عن الصورة دى .. والموقف اللى عجبنى منه ده كان مجرد صدفة .. خصوصا لما تكون حاجة تمس مبادئى أو مرتبطة بالسلوكيات الدينية او الاخلاقية
بنهاااااار داخليا وتنهار صورته جوايا
ولما بنهار بتقع منى حاجات كتير فى الطريق
بيكون فيها حلو كتير بس الوحش بيطغى والدنيا بتسود فى عينى
ومش بلاقى مفر غير البعد ..اللى ممكن اوى يكون بعد أبدى
انا عارفة ان مفيش حد مثالى .. وعارفة ان كل البشر فيهم عيوب واولكم انا
بس مش بقدر استحمل اضغط على مشاعرى واقبل حاجات مش عاجبانى رغما عنى
ولما بيحصل .. واكيد بيحصل .. مش بعرف اغير نظرتى ليهم اللى بقت دون المستوى خالص
وغصب عنى بتتغير معاملتى ليهم .. وده فى حد ذاته بيضايقنى جداااااا ويخلينى مخنوقة طووووووول الوقت
أغيثونى اغاثكم الله .. انا مش ملاك .. بس مش بستحمل .. قولولى اعمل ايه عشان ارضى بعيوب الناس ؟؟؟؟؟؟؟؟؟؟؟؟؟؟؟


آخر حاجة بقى
أنا اول ما فكرت اجاوب عالتاج ده .. قلت هكتب ايه جديد يعنى .. هما أكيد بقوا عارفينى اكتر من نفسى
وبناء عليه عايزة اتاكد منكم
انتوا فعلا بقيتوا عارفينى ؟؟ .. وقادرين تحكموا على ّ ؟؟ ولا انا بيتهيألى ؟
طب لو عارفين .. ممكن تقولولى شايفينى ازاى ؟؟؟

فى انتظار رؤيتكم .. بأقصى درجة صراحة ممكنة

ممكن يكون فيا حاجة غلط مش آخده بالى منها
والمفروض ان المسلم مرآه لأخيه المسلم
اتمنى انكوا تكونوا مرايتى

معلش يا جماعة كنت نسيت امرر التاج

وش مكسووووووووف

بس ملحووووووقة

أمرر التاج لــــ

حنين القلب

حنين همس الاحساس

ام مالك

كيارا

pink dreams

ديالا

سماء

rovy

شريكة فى المطعم

ريمان

بنت الاسلام

طالبة الفردوس

المعلم محمد صاحب المطعم - طعمية سخنة

حازم النبراوى

لورنس العرب

همس الاحباب

محمد عتلم

د. ابراهيم سماحه

محمد غاليه

معتز شاهين - مدونة احنا وهما

assafo anaroze

ابو صهيب ( الجمعاوى الاصيل ) سابقا

هعزف لنفسى

ذو الوجه المبتسم





وكل عام وانتم إلى الله أقرب وعلى طاعته أدوم
اللهم بلغنا ومن نحب رمضان وأعنا على صيامه وقيامه واغفر لنا وارحمنا واعتقنا من النار وبلغنا ليلة القدر وتقبله منا يارب العالمين

32 comments:

ذو الوجه المبتسم said...

السلام عليكم ورحمة الله

اولا كل سنة وانتى طيبة

ردودك على التاج بجد جميلة

واسالتك للاصدقاء بتدل على ثقة كبيرة منك فيهم

اما عن الشخص اللى ممكن ترسمي له صورة وتطلع مخالفة
رايي ان تكبرى دماغك منه ولا تفكرى فيه اصلا
واكيد انتى بتعملى كده بالفعل

كل سنة وانتى طيبة

على فكرة ابنك زي العسل
ربنا يبارك لك فيه
تحياتى

Dr. Ibrahim said...

ربنا يخلى ابنك ويحفظه ويبقى من المتفوقين وصح كده حفظيه القرآن يحفظه من كل سوء

وابنك على ما تربيه:)

---------------
ويجب الا نخدع بمظاهر الناس

ويجب أن ننشغل بعيوبنا ولا ننشغل بعيوب الناس فيجب أن نفترض الأحسن للناس

وكل سنة وحضرتك طيبة

Anonymous said...

كل سنه وانتى طيبه يا سالى ودودو ابنك طيب

بسم الله ما شاء الله ربنا يخلهولك يارب ويباركلك فيه وتشوفيه احسن حاجه فى الدنيا دى كلها

انتى انسانه جميله وطيبه وتستاهلى كل خير يا سالى

حنين

Pink Dreams said...

كل سنه وحضرتك طيبه وكل الاسره بخير وسلامه

ويا رب يخليلك ابنك ويكون من الصالحين يا رب

وبجد ردود حضرتك جميله قوى قوى

كل سنه وحضرتك طيبه

تحياتى

ديالا said...

كلسنه وانتي طيبه ياقمره

ربنا يجعل ابنك اجمل واحسن واطيب واتقي الناس

ربنا يكرم ياسكره

همس الاحباب said...

كل سنة وحضرتك طيبة
وربنا يبارك فى ابنك ويحفظه من كل سوء ويحقق كل امانيكى فيه
اما بالنسبة لاجابتك فده متوقع من شخصية عاقلة ومتزنة وبتحب كل حاجة مثالية
وده الواضح من كلامك وشخصيتك
يعنى مش جديد علينا
تحياتى وتقديرى

مواطن مصرى نايم said...

قلت اجى اسلم بعد ما رجعت و اقول كل سنة و انتى طيبة يا ام دودو
و رمضان كريم

Unknown said...

مساء الخيييييييير
كل سنة و انتي طيبة و مش شريرة و مش مؤذية
ليه بس التاجات دي ده شر و ايذاااء

خصوصا لواحد زيي يمكن ميكونش في حياته اي حاجة صادقة

ما علينا رؤيتي ليكي انسانة مسلمة ملتزمة و ام مصرية

فسري انتي بقي اللي جواها و كل سنة و انتي طيبة و رمضان كريم

سماء said...

اذيك يا سالى

كل سنة وانتى طيبة

وبشكرك جدا على ذوقك

اجابتك جميلة وجميل انك عايزة ابنك يكون لية هدف فى الحياةوربنا يحفظهولك وتشوفية حاجة كويسة

وانا شايفة ان المفروض منرسمش صورة لحد علشان منتصدمش

دمتى بكل خير

Israa El-sakka said...

أولا كل سنة و أنتي طيبة بمناسية شهر رمضان المبارك
ثانيا ربنا يخليهولك يا رب يا ريت مرة تكتبلنا عن إحساسك كأم يعني بالنسبة للعازبات :) اللي زي حالاتي دايمن بتسائل إيه مشاعر الأم خصوصا لما تبقى لسه صغيرة في السن

دمتي بود

أمل حمدي said...

كل سنة وانت طيبة

ربنا يعيده عليك بالخير انت وكل اسرتك الله امين

Anonymous said...

الابنا الحبيبة سالى
اولا ربنا يبارك للك فى دودو وبجعله
من حفظة القرآن ومن عباد الله الصالحين
ويلبسك تاج الوقار يوم القيامة انتى وباباه
وبالنسبة ليكى ياسالى غير انك شخص حلو
فانا اراكى تتعاملى حتى فى كلماتك
بتقوى الله وتعرفى مالكى وماعليكى
وعلشان كده اللى زيك بيصدم كثير
فى اللى صورتهم بتكون مخلفة
ربنا يحفظك ياابنتى انتى
واسرتك من كل سوء
وكل عام وانتى الى الله اقرب
تحياتى

Kiara said...

كل سنة وانتي طيبه ياقمر

واجابتك فيها روحك اكتر انتي بجد انسانه نقيه اوي من جواكي

وربنا يباركلك في ابنك ماشاء الله عليه ربنا يحفظه


بالنسبه للناس عادي كبري

ياما هتشوفي اصلهم الوان

وكل سنه وانتي طيبه

وعااااااااااااااا ليه بس دانا بحبك تبعتيلي التاج ممممماشي

blue-wave said...

اجاباتك رائعه بالفعل
كل سنه وانتى طيبه

mohamed ghalia said...

كل سنة وحضرتك بخير
وبجد إجاباتك رائعة
دمتِ فى سعادة

أعـــ * أصحاب * ـــز said...

كل سنه وانتو طيبين

مدونه شقاوة اخر حاجه

تدعوكم لزياره مدونه طيور الجنه بمناسبه شهر رمضان المبارك

ستجد رابط المدونه فى مدونه شقاوة اخر حاجه

هيا بنا لنساعد على نشر الاسلام وطاعه الله

وكل سنه وانتو طيبين

اعز اصحاب

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته

اختي الفاضلة

بارك الله فيكي واشكرك على هذه التلقائية في التعبير


بجد اجابات صادقة

واظن ان الواحد بقى يقدر يعرف انتي بتفكري ازاي وايه اللي انتي عاوزاه شوية


اما عن الشخص اللي انتي بترسميله صورة وتطلع مختلفة

فاذكرك عاملي الناس بما تحبين ان يعاملونك به

وان كانوا سيئين

وربنا يباركلك في دودو وينولوا اللي في بالك

معلش الاجابات بتاعتي ملحبطة شوية

ورمضان كريم

ابو صهيب ( الجمعاوي الاصيل)سابقاً said...

تم الاجابة على التاج يافندم وليكوا تاج عندنا ممكن تتقضلوا تخدوه

micheal said...

ربنا يباركلك في إبنك وتفرحي بيه..أنا كمان بعشق صوت فيروز
:)
تحياتي

لو عرفوه هيحبوه said...

السلام عليكم

كل عام وانت بخير اختى

نتمنى زيارتك للمدونه للتعرف على الجزء الثانى من طفوله الرسول صلى الله عليه وسلم

نسعد بتواجدك

mahasen saber said...

رمضان كريم على دودو وام دوده ووحششششششششششششششانى جدا جدا جدا

ويا رب دايما فى افضل حال

وبعدين انتى احسبك على خير يا سالى دايما جميله روحا وموضوعا ربنا يحميكى ويباركلك فى دودوه وكل من تحبين يا حبيبتى

اللهم امين

mahasen saber said...

ةوبعدين عارفه التاج ده فكرنى بايه فكرنى بالتاج او التاجين اليى مررتيهم ليا قبل كده وانا الزهامر خلانى انسا اجاوب عليهم

بعتذرلك عن عدم وفائى بوعد الاجابه عنهم

بس هدعبس واجيبهم واجاوبهم ان شاء الله

وحشتينى جدا جدا ويا رب دايما فى افضل حال يا غاليه

حياتي كلها لله said...

السلام عليكم

أول مرة أدخل المدونة الصادقة ده
بجد هايلة
وواضح جداا إنها من القلب للقلب
أنا كمان نفسي لما أبقي أتزوج و أجيب أبن إن شاء الله أربيه زي أبنك كده
ربنا يحفظهولك

تحياتي

سلمي

محمد عتلم said...

مفيش فايده
برضه دبستينى فى التاج يا سالى .. عموما متشكرين يا سالى على الواجبات الجامده دى .. كل شويه تدينى تاج .. طب والله ماهزعلك وهاخده منك واجاوب عليه فى البوست الجاى عشان سالى ميترفضلهاش طلب يا رجاله
.
.
.
.
ماشى يا سالى
كل سنه وانتى طيبه بمناسبة رمضان

assafo anaroze said...

يسعد صباحك
حاجات جوايا
ربنا يسعد و يوفقك تربي انت و جوزك التربية الحسنة
اللهم انبته نباتا حسنا
عزيزتي رمضان كريم

طالبه الفردوس said...

السلام عليكم

كل عام وانتى بخير يا حبيبتى

واجابات جميله على التاج انا اتفاجئت انك جايبالى التاج ربنا ييسر واجاوب عليه

احبك فى الله

ريمان said...

كل سنه وانتى طيبه حبيبه قلبى

ربنا يحققلك كل ما تتمنيه

ربنا يقر عينك بابنك يااااااا رب


ويا رب تشوفيه احسن واحد فى الدنيا دى


اقولك على سر؟


انا منش فاهمه التاج


يعنى ايه اذكر عشره اشياء صادقه فى حياتك

مش فاهمه بجد

يالهوى انا فهمى بطىء اوى

انا قرات اجابتك بس برضه مش فهمت معنى السؤال

حاجات جوايا said...

ذو الوجه المبتسم
---------------
وعليكم السلام ورحمة الله وبركاته
اهلا بك اخى الفاضل
وانت طيب وبكل الخير
انا فعلا بثق فى اصدقائى لانى بعتبرهم اخواتى مش اصدقائى بس

صدقنى مش فى كل الاحوال تقدر تكبر دماغك
خصوصا لو كنت محتك بيه طول الوقت

كل سنة وانت طيب

ربنا يكرمك ويتقبل منك
ميرسى على ذوقك

رمضان كريم

حاجات جوايا said...

Dr Ibrahim
--------------
أهلا بك اخى الفاضل
ربنا يكرمك يارب ويتقبل منك
دعواتك

انا الحمد لله مش من النوع اللى بينشغل بعيوب الناس خالص
بس لما الناس تكون قريبة اوى وبتتعامل معاها طول الوقت وعيبها ده مأثر على علاقتك بيها يبقى ايه الحل

انا مش بفترض والله .. انا بشووووف بعينى ربنا يهدينا جميعا


كل سنة وانت طيب
رمضان كريم

حاجات جوايا said...

7annen
---------
أهلا يا قمر
وانتى طيبة يا حبيبتى وبكل الخير

ربنا يتقبل منك يارب

متحرمش منك يا قمر
انتى اللى كلك ذوق

كل سنة وانتى طيبة
رمضان كريم

حاجات جوايا said...

Pink Dreams
-------------
أهلا يا قمر
كل سنة وانتى طيبة يا قمر
ربنا يخليكى يا حبيبتى متحرمش منك
انتى بجد اللى جميلة قوى قوى
ربنا يبارك فيكى

كل سنة وانتى طيبة
رمضان كريم

حاجات جوايا said...

ديالا
-------
أهلا يا قمر
وانتى طيبة يا حبيبتى وبكل الخير
ربنا يخليكى يارب ويكرمك ويتقبل منك
منورانى يا قمرة
كل سنة وانتى طيبة
رمضان كريم





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger