Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Friday, April 17, 2009

الحب والإنترنت



الحــــــــــب

كلمة صغيرة من حرفين

ولكنها حلم كبيــــــــر لفئة ليست بالقليلة من المجتمع على اختلاف اعمارهم وثقافاتهم ورؤيتهم للحياة

كثير منا يعتقد انه بإمكانه إيجاد الحب متى شاء وأنى شاء طالما ان لديه استعداد لهذه المشاعر الراقية

وقد يخلط البعض بين الشعور بالإعجاب .. والشعور بالارتياح والميل .. وبين الحب

لكننى أرى - بنظرتى المتواضعة وخبرتى المحدودة فى الحياة - ان الحقيقة هى عكس ذلك تماما

فلا اؤمن ابدا بهذا الذى يسمى حب من اول نظرة

الحب اكبر من ذلك كثيرا

وقد تحب دون ان تعرف حقا أنك وقعت فى الحب

فإن كان حبك قوة وليس ضعف

وإن كان حبك امان وليس خوف

وإن كان حبك تضحية وليس انانية

وإن كنت تحِب بقدر ما تحَب

فاحمد الله انك وجدت الحب وحاول الحفاظ عليه فلن يتكرر فى حياتك

..........................................

الحب والإنترنت

الإنترنت .. ذلك الساحر الخفى الذى دخل بيوتنا واستطاع بمهارة ان يستحوذ على قلوبنا وعقولنا وان يشدنا إلى عالم آخر نجد فيه ما نتمناه من مشاعر صافية ودافئة نفتقدها فى حياتنا التى أصابتها الروتينية والآلية والجمود

وعلى الرغم من عشقى لهذا العالم الخيالى الصافى البرئ إلا اننى وبطبعى أميل إلى الحذر

فهذا الدفء قد يكون منبعه نار تستعر توحى لمن يراها بأنها دافئة هادئة وبمجرد ان يقترب اكثر تلتهمه دون شفقة ولا رحمة

وهذه البراءة قد تكون مجرد قناع زائف يخفى وجها بغيضا يحمل من النوايا الخبيثة ما يهلك أمة

وهذه الألفة المحببة قد تجذبك بعيدا عن عالمك الحقيقى فتهمل من يحيطون بك من أهل وأحباب وأبناء وأصدقاء وتنخرط فى عالمك الإفتراضى مما يؤثر على مشاعرهم نحوك وبعد أن كانوا يلتمسون منك القرب وانت بعيد.. ستجدهم يوما يستغنون عن وجودك فى حياتهم ويبتعدون ولا يصبح بينكم سوى الجفاء .. فتوخى الحذر

لهذا كله فالإعتدال والوسطية مطلوبة فى كل شئ

أما عن الحب بمعناه العاطفى

فلا تحاول أبدا البحث عنه على صفحات الانترنت وغرف الشات

فما اكثر المخادعين والمتلونين والذئاب البشرية التى تنتهز كل فرصة للانقضاض على من يقترب والإيقاع بمن ينسج احلاما ساذجة حول الحب وينخدع بالكلام المعسول

هناك من يعتقد أنه لا فرق بين التعارف عبر الإنترنت وبين التعارف فى النادى أو الإعجاب بفتاة لا يعرفها فى الطريق طالما ان النية هى البحث عن زوجة .. وقد تتعرض بالفعل فى بحثك العادى للعديد من الفرص الغير المناسبة

كلام سليم فعلا .. لكن المشكلة فى حوار الشات انه يكون حوار مغلق وضيق لا تستطيع من خلاله الحكم على شخصية من امامك وقد يصور لك خيالك ومفهومك انت معانى أخرى لكلمات لا يقصد بها ما فهمت .. كما ان الكتابة تعطى للكاتب الفرصة فى انتقاء ألفاظه وكلماته .. وحتى إذا تعدى الحوار مرحلة الشات الكتابى وانتقل إلى مرحلة الموبايلات مباشرة فمن السهل جدااااااااا ان تجد من لديه الموهبة الفذة على التلاعب بالألفاظ وعكس كل الحقائق بل وتقديم الادلة على صحة كلامه بمنتهى الذكاء وفى اقل من جزء من الثانية
بالإضافة إلى ان الخلوة التى تتم أثناء الحوار تطلق للخيال العنان وتزين كل ما يقال بفعل الشيطان فتجد نفسك منقادا ورغما عنك تصدق ما يوحى إليك به استجابة لنبضات قلبك التى توحى لك انك على اعتاب الحب .. بل أنك وقعت بالفعل فى الحب وعلى اعتاب الزواج




وحتى لو تطورت العلاقة إلى زواج
فماذا بعده ؟؟
>
آخــــــــر الكـــــــــــلام
بيكونوا اتنين قرايب بيحبوا بعض من صغرهم وكل واحد عارف عن التانى وعيلته كل حاجة .. ورغم كده يحصل بينهم خلافات بعد الزواج
وبيكونوا اتنين زملاء وبيحبوا بعض لعدة سنوات وكل واحد عارف عن التانى كل حاجة .. وبرضه بيحصل بينهم خلافات بعد الزواج
وبيكونوا اتنين معارف مش بيحبوا بعض ولا حاجة بس كل واحد عارف كل حاجة عن عيلة التانى ورغم كده برضه بيحصل خلافات بعد الزواج

يبقى إيه ممكن يحصل من زواج الإنترنت ؟؟

أنتوا إيه رأيكوا ؟؟

---------------------------------------------

تحديث هااااااااااااااام

أرجو مراجعة هذا الرابط

المحادثة بين الجنسين وخطرها .. ملف خاص فى موقع الأسلام سؤال وجواب

65 comments:

Unknown said...

اول تعليق

Unknown said...

و التاني كمان!؟

Unknown said...

لالالالالالالالالا
كده هعيط

Unknown said...

غالبا مش بيستمر
بس انا ليا 4 اصحابي اتجوزوا عن طريق النت
ربنا يهدي سركم يا اولاد

Unknown said...

الخامس بقي عشان نخمس في عين العدو
و كفاية كده

حاجات جوايا said...

طعميه سخنة
---------------
ما شاء الله
5 تعليقات مرة واحدة
ده انا يدوب التفت كده ورجعت
هههههههههههههههه

أهلا بك أخى الفاضل
واصحابك اتجوزوا عن طريق الشات ولا ايه ؟
ربنا يهدى سرهم ويكرمهم يارب
مهو لكل قاعدة شواذ برضه

نورتنى اخى الفاضل

شاعر سبيل said...

الانسان كائن موجود
والحب هو الوجود
والإنسان هو الذي يحب

dina said...

دايما لما بتكلم فى الموضوع دا ببدأ بجملة انيس منصور من الجميل ان تجد حب تتوقعه انما الاجمل ان تجد حب لا تتوقعه...و دا اللى بيفرق النت عن الحياة العادية....مش بقتنع ان ممكن ادخل مكان بنية انى داخل احب و ادى لقلبى الامر...دا مش حيحصل....الحب اللى بجد بنتكعبل فيه و يمكن حتى نكون مش واخدين بالنا اننا بنحب زى ما قلتى....لما بيكون فى بين الناس شاشات و اسلاك دا بيفقد كتير من التواصل و فرصتنا ننا نعرف اللى ادامنا من تعامله مع الحياة او حتى من تعبيراته و ردود افعاله....عالنت مش حنعرف عن الطرف التانى غير اللى هو عاوز يقوله او على احسن تقدير وجهة نظره هو عن نفسه و اللى عمرها ما حتكون كاملة
موضوع مهم
تحياتى

أم أحمد المصرية said...

حبيبتي سالي
بعد السلام عليكم و ايه اخبارك

انا اؤيدك بشدة :))) مش صاحبتي
لأ بجد الحب من اول نظرة ده خرافة يصدقها من يريد ان يحب و خلاص فيخترع لنفسه الحكاية دي الحب الحقيقي اللي يعيش و يستمر عامل زي العمارة لازم نحفر اساسات من القبول و التوافق ثم نبدأ نبني طوبة طوبة بمرور الوقت أو لا قدر الله تحث المشاكل و يبدأ هدم العمارة فما اكثر من بنوا عمارات دامت عشرات الاعوام و ما اكثر من بنوا عمارات ثم هدمت بعد فترة

---------------------------
اما الحب علي النت فهو نفس تفسيري لخرافة الحب من اول لحظة شخص عايز يحب فيخترع قصة حب علي النت ده بأفتراض حسن الظن اما سوء الظن فأن الشخص الاخر يكون بيضحك عليه
برغم اني اعرف شخص تزوج عن طريق النت و عايش سعيد........حتي الان
و لكن هذا الاستثناء الذي يثبت القاعدة و ليس الذي ينفيها

ريمان said...

فى ناس والله يا سالى اتجوزا عن طريق الانترنت

وبعدين هما فى التعارف الوقتى مش مقتصر ع الانترنت وبس

يعنى كل واحد بيشوف التانى فى الطبيعه

وبيتعرف على شخصيته اكتر

ومن هنا ممكن يتولد الحب او الاعجاب لان كل واحد شاف التانى خارج نطاق النت

فى كده وفى كده

انا معاكى طبعا اننا لازم نتعامل بحذر شديد جدا

تحياتى ليكى يا سالى

شاب كــ طخين ـــــا said...

انا معاكى فى البدايه فى ان الحب تضحيه مش انانيه وكل الصفات الجميله الاذكرتيها فى الأول هو ده الكلام :D
______________

لكن بخصوص حب الأنترنت
انا بشوفة وسيله دخلت علينا مناسبه للعصر الاعايشين فية
يعنى حضرتك لما قولتى تعارف النادى اكيد من 100 سنه مكنش فيه الوسيله دى خالص

حب النت بشوف انه مخادع جدا وبيكون مجرد اعجاب بشخصيه الأنسان لكن فى حالات كتير وبعد فترة بيتحول لحب حقيقى خصوصا لو الأنسان ده قابلته وكلمته بيكون خلاص النت كان مجرد وسيله او سبب انهم يتقابلو او يتعرفو على بعض

انا عن نفسى كرهت كميه الكدب الموجودة على النت كدب ببشاعه واظنه هيفضل موجود المهم الأنسان يكون حذر وخلاص

بوست جميل جدا
وعجبنى اوى كلامك فى الأول عن الحب
سلااااام

همس الاحباب said...

نعم الحب حلم كبير لنا جميعا
ولكن الحب فى الله اسمى انواع الحب
طبعا متفق مع حضرتك قلبا وقالبا
لان الاعجاب مرحلة بعيدة جدا عن الحب الحقيقى
لانى ممكن اعجب باسلوب حضرتك فى الكتابة او صياغة مواضيع هامة او ربما شخصية ما
اما الحب والزواج فله مراحل اخرى تختلف عما يحدث غالبا على الشات والنت
وربما تنجح تجرية او عدة تجارب ولكن الغالبية العظمى تفشل
تحياتى وتقديرى لحضرتك

mohamed ghalia said...

متهيألى ممكن يتسبب فى إعجاب بالشخصية مش أكتر
لكن حب معنى حب لالالالالالالالا
والإثنين فى نظرى ده مش مصدرهم الصح
بجد طرح هايل ربنا يكرمك

رفقة عمر said...

ازيك سالى
شوفى فيه مدونين ومدونات ارتبطوا فعلا واتجوزوا زى ما فى خداع فى الواقع زى كدة تغريبه فاتيما ياريت تقريها فيه كمان خداع فى النت كل الدنيا بتستخدم النت لانه دخل فى كل مجالات العمل وفى البيوت اعتقد ان المنتديات والمدونات بتقرب الافكار وخصوصا ان هناك لقاءات للمدونين ممكن يحدث فيها تعارف طبيعى وزواج لى صديقه مدونه احبها مدون دون ان يراها وحدث لقاء للمدونين واعترف لها انه يحبها وتقدملها واتجوزوا بفضل الله ودلوقتى هى حامل
والحمدلله دايما تقولى انها سعيده وسبحان الله الاتنبن شبه بعض فانا شاييفه ان الحب والزواج قسمه ونصيب وكل انسان بيقابل نصيبه فى المكان اللى ربنا قدره له

عاشقه الرومانسيه said...

ايه ياسالى الكلام الجامد ده
عايزه تعرفى رايى تابعى اشعارى
لانها عن تجربه

محمد فارس said...

السلام عليكم ورحمة الله وبركاته
وحتى لو تطورت العلاقة إلى زواج فماذا بعده ؟؟>آخــــــــر الكـــــــــــلام بيكونوا اتنين قرايب بيحبوا بعض من صغرهم وكل واحد عارف عن التانى وعيلته كل حاجة .. ورغم كده يحصل بينهم خلافات بعد الزواجوبيكونوا اتنين زملاء وبيحبوا بعض لعدة سنوات وكل واحد عارف عن التانى كل حاجة .. وبرضه بيحصل بينهم خلافات بعد الزواج وبيكونوا اتنين معارف مش بيحبوا بعض ولا حاجة بس كل واحد عارف كل حاجة عن عيلة التانى ورغم كده برضه بيحصل خلافات بعد الزواج يبقى إيه ممكن يحصل من زواج الإنترنت ؟؟أنتوا إيه رأيكوا ؟؟
رأي انا شخصيا مش هايختلف عن رايك
موضوع جميل لا يصدر الا من انسانه عاقله مثلك
مع خالص تحياتي

موناليزا said...

رغم انى شوفت علاقات تمت بالطريقة دى ونجحت ونتج عنها ابناء كمان
الا انى غير مؤيدة لهذه الفكرة

عاشقه وغلبانه said...

كله نصيب
نت بقي ولا صالونات
الحب نصيب
الجواز نصيب
وبطيخه مقفوله ماتعرفيش جواها ايه
اشترتيها بقي من عند الجيران ولا من علي النت بالفيزا كارد اهي بطيخه
وزي ماقولتي بيكونوا في وش بعض بالكام سنه ويحصل مشاكل يبقي بجمله
ماحدش عارف الخير فين
وانا من زمان مقتنعه ان النت وسيله تعارف اوليه مش استمراريه للحب


علي فكره في حب من اول نظره بس يمكن انتي مش صادفتيه
بس موجود

انا ليا اصحاب اتجوزا عن طريق النت وناجحين الحمد لله
واعرف اللي فشل برضو
بيعتمد علي مصداقيه الطرفين
ودي بقي مش بتختلف من النت للشارع للبيت
اللي عايز يكدب بيكدب

blue-wave said...

متهيألى ممكن دى تكون بداية التعرف بس
لكن حب حب على النت؟
معتقدش ينفع

مـجـنـووون said...

والله الحب حب سواء علي النت او غيره

بس لام يكون في حذر شديد

والمشكله مش في الحب علي النت

المشكله انك بتكوني بتكلمي انسان ووخده فكره عنه وعن شكله
ولما تقبليه في الواقعه تلاقي في تغير كتير

فبيبقي صعب تتقبلي الموضوع

تقبلي مروري
مجنووون

جنّي said...

السلام عليكم

موضوع بنفس رقة الكلمة كلمة الحب ( حب ) ..
الحب من اول نظرة .. كل حب يبدأ بنظرة فقد تكون الاولى او الثانية او الثالثة فلا يوجد حب يبدأ سماعي ( وان كان البعض قال الاذن تعشق قبل العين احيانا لانها لم ترى العورات ) فلابد من نظرة .. فما المانع ان يكون حب من اول نظرة ..

اما حب الانترنت والشات فهو هراء في هراء بالاضافة الى ما ذكرتيه ..

Asmaa mahaba said...

شوفى كلامك ميه ميه
وانا كمان ليا ناس اتجوزوا بالانترنت بس الصدفه متعتبرش قاعده
وعرفت ناس كويسين جداااااااااااااااااا وناس ربنا يهديهم
تعالى بسرعه قوليلى رايك ايه فى الفيلم بتاعنا
هييييييييييييييييه

حاجات جوايا said...

شاعر سبيل
------------
اهلا بك اخى الفاضل
الانسان كائن موجود
والحب هو الوجود
والإنسان هو الذي يحب

جملة منطقية جدا

نورتنى اخى الفاضل

حاجات جوايا said...

dina
--------
أهلا يا دينا
معاكِ فى كلامك فعلا

عجبنى تعبيرك

لما بيكون فى بين الناس شاشات و اسلاك دا بيفقد كتير من التواصل و فرصتنا ننا نعرف اللى ادامنا من تعامله مع الحياة او حتى من تعبيراته و ردود افعاله....عالنت مش حنعرف عن الطرف التانى غير اللى هو عاوز يقوله او على احسن تقدير وجهة نظره هو عن نفسه و اللى عمرها ما حتكون كاملة

وجهة نظر سليمة جدا اتفق معك فيها

نورتينى يا قمر

حاجات جوايا said...

أم احمد المصرية
--------------
اهلا يا حبيبتى
وعليكم السلام ورحمة الله وبركاته
وحشتينى يا قمر جداااا
فينك
غايبة عن موضوعك ليه
يارب دايما تكونى بخير وهنا وراحة بال يارب




فما اكثر من بنوا عمارات دامت عشرات الاعوام و ما اكثر من بنوا عمارات ثم هدمت بعد فترة
............
كلامك حكم والله
فعلا عندك حق تبيه دقيق جدا
ده فعلا واقع الحال
وفترة الخطوبة والتعارف هى فترة وضع الاساس .. وللأسف مش كلنا بنعرف نستغلها صح :(



حب النت فعلا ممكن يستمر لو فى نية جادة من البداية والطرفين محترمين وعندهم دين وخلق ونيتهم الارتباط الشرعى

لكن محدش يضمن
وللاسف الشديد الكذب والزيف اكتر من الصدق والامانة بكتير على النت

نورتينى يا حبيبتى يا غالية
متحرمش من طلتك عليا

حاجات جوايا said...

ريمان
--------
أهلا يا قمر
فيه أكيد منا عارفة يا ريمو
والمشكلة فى رأيى ان التعارف الحقيقى بييجى بعد ما تكونى خلاص كونتى فكرة عن الطرف التانى ورسمتيله صورة معينة فى خيالك ممكن تكون بعيدة عن حقيقته .. وبتفضل الصورة دى مستمرة لفترة بعد ما تشوفيه وجها لوجه وممكن يكون صعب التراجع وقتها لاعتبارت كتير اهمها الحب

الحرص مطلوب جدااااااااااااااا جدااااااااااا جداااااااااااااااا


نورتينى يا قمر

حاجات جوايا said...

امبارح كان عمرى عشرين
----------------------
أهلا بك اخى الفاضل
ألف شكر ربنا يكرمك يارب

ههههههههههههه
هو تعارف النادى من 100 سنة

بس لسه موجود وهو الغالب فى معظم الحالات .. وغالبا بيكون مدبر من الاسرتين ليتم اللقاء الاول بين العروسين بعيدا عن المنزل عشان الجيران هههههههههههه


انا عن نفسى كرهت كميه الكدب الموجودة على النت كدب ببشاعه واظنه هيفضل موجود
............
أكيد هيفضل موجود :(



المهم الأنسان يكون حذر وخلاص
............
بالضبط فعلا ده المهم وربنا الحافظ


بوست جميل جدا
وعجبنى اوى كلامك فى الأول عن الحب
.....................
ربنا يكرمك يارب
واضح ان انت اللى رومانسى وحساس
ربنا يرزقك بكل الخير

نورتنى اخى الفاضل

حاجات جوايا said...

همس الأحباب
------------
اهلا بك اخى الفاضل

نعم الحب حلم كبير لنا جميعا
ولكن الحب فى الله اسمى انواع الحب
..................
هو ده الكلام فعلا :-bd
ده انا اللى متفقة مع حضرتك قلبا وقالبا

تحياتى لك
نورتنى أخى الفاضل

حاجات جوايا said...

mohammed ghalia
-----------------
أهلا بك اخى الفاضل

ده رأيى برضه الحقيقة
بس مين يسمع

شكرا يا فندم ده من ذوقك

نورتنى اخى الفاضل

حاجات جوايا said...

رفقة عمر
----------
أهلا يا قمررررررر
وحشتينى يا احلام يا جميلة

فيه خداع فى الواقع فعلا بس اعتقد نسبته اقل من خداع النت بكتير

ان الحب والزواج قسمه ونصيب وكل انسان بيقابل نصيبه فى المكان اللى ربنا قدره له
...............
عندك حق فعلا
أنا كلامى الحقيقة عن حب الشات
اما بالنسبة للمدونين أو لاعضاء المنتديات اعتقد فعلا الموضوع بيكون مختلف لان الحب مش بيحصل فيه عن تعمد .. لكن بيكون بعد متابعة وفترة طويلة من الاهتمام والاتفاق او الاختلاف مع الاراء .. وتقبل اسلوب الاختلاف وكده
اعرف فعلا مدونين ارتبطوا ببعض
واعرف كمان اعضاء منتديات ارتبطوا ببعض
بس معرفش اخبارهم ايه الحقيقة هههههه

نورتينى يا قمر

حاجات جوايا said...

عاشقة الرومانسية
------------------
اهلا يا قمر
ربنا يخليكى يا حبيبتى
اااه متابعه طبعااااا

بس تجربة نتية ولا ايه ؟؟؟

مستنية جوابك
نورتينى يا قمر

حاجات جوايا said...

محمد فارس
------------
وعليكم السلام ورحمة الله وبركاته
أهلا بك اخى الفاضل

ده شرف ليا يا فندم ان حضرتك تتفق معى
ربنا يكرمك يارب

نورتنى اخى الفاضل

حاجات جوايا said...

موناليزا
------------
أهلا يا قمر

أنا كمان لا أؤيد
ربما من اللى بيحصل فى الدنيا واللى بقينا بنشوفه حوالينا من كوارث تقع باستمرار لكل من يحمل شعار البراءة

عايزة ارفع شعار لكل الناس اقولهم
خلوا بالكوا .. الدنيا معدش فيها امان

بس مفيش فى ايدى غير التنبيه وابقى عملت اللى عليا
والله خير حافظا وهو ارحم الراحمين

نورتينى يا قمر

حاجات جوايا said...

عاشقة وغلبانة
---------------
أهلا يا جميل

بيعتمد علي مصداقيه الطرفين
ودي بقي مش بتختلف من النت للشارع للبيت
اللي عايز يكدب بيكدب
................
بالضبط
بس تفتكرى .. ممكن الكدب والزيف والخداع يكون اكتر واسهل فين ؟؟؟

انا اعتقد فى النت

وعشان كده وجب الحرص

نورتينى يا قمر

حاجات جوايا said...

blue-wave
-------------
أهلا بك اخى الفاضل

ممكن فعلا تكون بداية التعارف
وممكن برضه تكون بداية المسرحية الهزلية للخداع

الضمير بقى عملة نادرة حاليا
للأسسسسسسسف


نورتنى أخى الفاضل

حاجات جوايا said...

مـجـنـووون
-------------
أهلا بك أخى الفاضل

المشكله انك بتكوني بتكلمي انسان ووخده فكره عنه وعن شكله
ولما تقبليه في الواقعه تلاقي في تغير كتير

فبيبقي صعب تتقبلي الموضوع
.................

ياريت التغير يبقى على أد الشكل وبس
المهم الاخلاق والطباع والدين



بس لو الشخص ده فى حالة حب
أعتقد انه هيتقبل الشكل ايه كان حتى لو رفضه عقله

عشان كده الحرص مطلوووووووب


نورتنى اخى الفاضل

حاجات جوايا said...

جنى
-------
وعليكم السلام ورحمة الله وبركاته
أهلا بك أخى الفاضل
شكرا يا فندم ربنا يكرمك

فيه حب من اول نظرة ؟؟
مممممممممممممممم

اعتقد انه ممكن يسمى اعجاب .. انبهار .. شعور بالميل

لكن حب .. اعتقد الكلمة دى اكبر من نظرة واحدة
اختلاف الرأى لا يفسد للود قضية طبعا :)

نورتنى أخى الفاضل

حاجات جوايا said...

سومه...مجنونه فى بلد عاقل
--------------------------
أهلا يا قمر

هههههه ربنا يهديهم

جميل اوى الفيلم يا سومه يا مخرجه انتى يا جميلة
وصوتك حلوووووووووو

ربنا يوفقك يا قمر يارب
ويرزقك بالامكانيات اللى تخليكى تعملى افلام عالمية

نورتينى يا حبيبتى

aidy said...

انتى لسة بتسألى مكن يحصل ايه

اكيد مصايب طبعا

بس فى ناس بيقولوا ان لو كانت العلاقة فى الاول تعارف على النت وبعدين بقي تعارف برا النت وعادى بيشوفوا بعض وينشأ حب بعد كده زيه زى اى علاقة تانية

وتمر بنفس المراحل

والله الواحد تعب من كتر التفكير

انا شايفة ان فى اى مكان فى الحلو والسيئ بس اهم حاجة نقدر نختار صح وانا عامة مش مع الحب على الانترنت

ولا الزواج طبعا لان الزواج قرار مصيرى لازم الواحد يفكر كويس قبل ما يقدم عليه ويختار صح

لو وصلتوا لحل نهائي قولولنا هههههههه

مع خالص ودى وحبى

نهاد

حاجات جوايا said...

aidy
------

انا شايفة ان فى اى مكان فى الحلو والسيئ بس اهم حاجة نقدر نختار صح وانا عامة مش مع الحب على الانترنت

ولا الزواج طبعا لان الزواج قرار مصيرى لازم الواحد يفكر كويس قبل ما يقدم عليه ويختار صح

لو وصلتوا لحل نهائي قولولنا هههههههه

أنا شايفة زيك كده برده يا نهاد هههههههه
هبلغك ان شاء الله لو وصلنا للحل
هههههههههههههه



نورتينى يا حبيبتى يا جميلة

Soul.o0o.Whisper said...

السلام عليكم و رحمة الله و بركاته


سالى الجمييييييييييييلة
تقبلى أعمق تحياتى لكى على هذا البوست الاكثر من رائع

أولا بالنسبة للحب
فعلا مشاعر راقية جدا جدا جدا
لكن للاسف يا سالى أصبح المحيط العام الحالى
- أقصد الاغانى و الافلام و الاعلام- أصبح يصوره على انها نظرة فيهيم كل منهما بالاخر
أو هى مجرد تلك الكلمات المعسولة
فأصبح الحب_ فى نظرى_ مشاعر انحطت إلى أسفل دركاتها

للأسف معظم الشباب أصبح فاقد الرؤية لمسئولياته و واجباته تجاه الحب لانه بالتبعية الفطرية سيؤدى إلى الزواج

و عشان كدا بنلاقى الاختيار العاطفى غالبا ما يتبعه عدم استمرار العلاقة لأن ببساطة كل واحد بيكتشف مش هأقول الوجه الحقيقى للآخر بافتراض ان كل واحد عارف التانى صح ، لكن هأقول اكتشف حجم المسئوليات اللى ماكنش عامل حسابها

عشان كدا لازم نتعقل شوية فى اختياراتنا عشان حتى لو مش متوافقين 100% يكون فى مساحة و حيز للتفاهم

و فعلا يا سالى والله زى ما قلتى
لو الواحد فعلا لقى الحب الحقيقى
مايفرطش فيه أبدا
لكن هو فين؟؟؟
عاااااااااااااا
.........................

نيجى بئا للحب و النت
و الصور بتاعته تحفة بجد
فطستنى من الضحك

زى ماقلتى يا سالى ان النت فعلا عالم افتراضى
و كل واحد بيرسم للتانى صورة مثالية
أو باحسن الافتراضات
انه بيورى التانى الجانب الكويس فيه بس

و بالتالى الطرف الاخر بيقعد بئا هيمان معاه و بيرسم الاحلام الوردية

لكن فى نقطة خلينا نقولها
ان قدامى بصراحة حالات اتعارفوا فيها على النت لحد ماوصلت مرحلة كتب الكتاب و كانوا مش شافوا بعض لسه ...؟؟؟!!..
لكن صراحة كان بمعرفة الاهل من الطرفين
و ان كنت بردوا مش موافقة على كدا

النت ممكن يكون وسيلة تعارف
لو هو بداية فقط
يعنى مثلا يتفقوا على معاد يتقابلوا فيه
بمعرفة الاهل طبعا
و يشوفوا بعض
و يتكلموا وجها لوجه
عشان يشوفوا انفعالات بعض
كدا
و بالتالى ممكن يبنوا وجهة نظر صحيحة

انما بئا الكلام اللى ممنوش فايدة
مالوش لازمة
و اعتقد انه مش هيؤدى لعلاقة كويسة

حتى و ان تم الزواج
فايه تتخيلى ممكن ينتج من زواج بنى على العواطف الخالصة فقط
اقصد يعنى الابناء ممكن يكون شكلهم عامل ازاى؟؟؟

طبعا دا كله انا متكلمتش عن الوجه السئ لمخادعى النت
و افتراض ان الكل نيته سليمة

فياريت فعلا يكون بجانب العواطف الجميلة دى
شق عقلى عشان مانرجعش نندم فى وقت ما ينفعش فيه الندم
و ننجرح اوى




مرة تانية بجد بوستك اكثر من رائع
تسلم ايدك يا جميلة

حاجات جوايا said...

Soul.o0o.Whisper
--------------------
وعليكم السلام ورحمة الله وبركاته

أهلا يا قمرررررررررر
ربنا يخليكى يا جميلة انتى الاجمل والاروع


أنا فعلا مش قادرة اتخيل ازاى الحب يبقى من اول نظرة .. الحب مواقف .. كلام اغانى وافلام فعلااااا

ربنا يرزقك يا قمر بأحلى حب فى الدنيا يارب يارب يااااااااااااااااارب
انتى تستاهلى كل الخير يا حبيبتى والله
ربنا يبارك فيكِ يارب


عجبتك الصور
ههههههههههههههه
انا اصلا كنت بدور فى جوجل على صور شموع تقريبا ولقيت دى بالصدفة .. قلت والله لازم اعملها بوست ههههههههههههه
والله منا سايباها
ههههههههههههههه
وقد كان
يعنى البوست ده كله من وحى الصورتين دول بتاعة الماذون والبيبى المطبوع هههههههههههههه


لكن فى نقطة خلينا نقولها
ان قدامى بصراحة حالات اتعارفوا فيها على النت لحد ماوصلت مرحلة كتب الكتاب و كانوا مش شافوا بعض لسه ...؟؟؟!!..
..........................
إزاى يعنى ؟؟
هيكتبوا الكتاب من غير ما يشوفوا بعض ازااااى ؟؟
مش للدرجة دى
الناس جرالها اييييييييه
احنا فى عصر السرعة والتكنولوجيا صحيح .. بس مش للدرجة دى
دى عاملة زى الصور اللى فى البوست بجد هههههههههههههههههههههههههههههههه


والله انا شايفة ان موضوع النت ده مشبوه من بدايته اصلا .. لان نسبة الغش فيه تكاد تصل لـ 99% .. فليه نغامر بمشاعرنا م البداية .. ليه منترواش ونسيب كل حاجة تحصل فى وقتها

وسبحان الله مهما عملنا كل شئ مقدر بوقت معلوم


حتى و ان تم الزواج
فايه تتخيلى ممكن ينتج من زواج بنى على العواطف الخالصة فقط
اقصد يعنى الابناء ممكن يكون شكلهم عامل ازاى؟؟؟
..................
هيبقوا أكيد بالريموت .. ههههههههههههههه


اهم حاجة فى الحب على فكرة .. اننا نحب بقلبنا وعقلنا مع بعض
لازم يكون فيه دور للعقل عشان الحب ينجح
لأن القلب طيب وغلبان وبينضحك عليه .. ومبيعرفش يحكم على مدى صدق الطرف الاخر لانه بيكون مهتم جدااااا بالعطاء المتدفق لمشاعره .. و مش اخد باله ان كان بياخد مقابل ولا لأ


نورتينىىىىىىىىىىىىىىىىىىىىىى يا حبيبتى يا جميلة
متحرمش من طلتك عليا

بنت الغربة said...

حبيبتى انا معاكى تماما فى اللى قولتيه
مافيش حب عن طريق الانترنت...فيه ارتياح لطريقه الحوااار مش اكتر..لكن حب لالالالالالالالالا
ومافيش حب من اول نظرة ده اكيييد لكن فى ارتياح لواحد لما تشوفيه غير واحد تانى ودى بتبقى من عند ربنا..
وفى الاخر الجواز ده قسمه ونصيب
تحياتى ليك

شريكة في المطعم said...

رأيي ان مفيش حب من أول نظرة
اما الجواز عن طريق النت ..ممكن جدا
زيه زي الجواز التقليدي مثلا
بيتعرفوا عالنت بعدين يتقابلوا
ارتاحوا لبعض هيكملوا ..لو لا خلاص
والتقليدي برده كده يتقابلوا
لقوا بعض مناسبين هيكملوا
لو لا خلاص برده
.........
بس اعتراضي على المقابلة نفسها
انك تثقي في حد وتنزلي تقابليه
وممكن يكون كويس وممكن جدا يكون مش كويس
يعني انا مش ضده بس في مخاطرة في الأول

محمد عتلم said...

ماهو جواز النت عامل زى جواز الصالونات .. تقليدى يعنى . منه الفاشل ومنه الناجح
انا ليا واحد صاحبى اتجوز عن طريق الشات وعايش طالع عينه وبيضرب نفسه القديمه بس هوا بيكابر شويتين وواحد تانى صاحبى برضه اتجوز من الشات وعايش مبسوط ومنشكح آخر انشكاح

Magi Mostafa said...

بصى جواز الانترنت والمواقع والكلام ده مش مظبوط رغم انى اعرف ناس اتجوزوا من النت بس مش من مواقع الجواز
لكن نسبتهم قليله

من غير عنـــوان said...

إذا كان لمجرد التعارف يبقى زي جواز الصالونات.. منه الناجح ومنه الفاشل

إنما لو كان عن طريق الشات.. ومره في مره حبوا بعض.. فأتخيل أنه قبل الدخول في الزواج.. لابد من النقابله السليمه مع الأهل ومن هنا تبدأ الخطبه.. والعين في العين بتفضح كل حاجه...

ويا إما يطلع غلط.. ومش هو ده ولا هي دي اللي أنا عرفتها عن طريق الشات..

وده الأغلب

يا إما وده النادر يطلع حب بجد

يارب تسلم كل بناتنا وولادنا من شرور المستخبي فيما وراء الشاشه

assafo anaroze said...

سيدتي
ممكن كلامك فيه شيء منطقي و متسلسل بشكل واقعي
بس تسمحي اؤكد لك انه فعلا هناك علاقات ناجحة و كانت عن طريق الانترنت و انا متتبع علاقة شخصين لمدة ثلات سنوات بيتواصلوا عبر النت و انتهت في الاخير بزواج و هما عيشين سمن على عسل
مودتي

بـِصَمتـِـ أميرة ــــى said...
This comment has been removed by the author.
بـِصَمتـِـ أميرة ــــى said...

بصى ياسالى
هو موضوع شائك شوية وهتلاقى بين مؤيد ومعارض خيط رفيع
لانه ممكن حتى المسلمات اللى بنحكى عنها وعن اننا مقتنعين بيها زى اننا لا يمكن نحب من اول نظرة .. تختلف عن الواقع لو اننا كنا أبطاله ..بمعنى ومن غير فلسفة .. ممكن أقولك إزى أبص لواحد ومن أول نظرة يحصلى كدة مغناطيس وأحبة وبتاع .. وفى نفس التوقيت أصادف نفس الموقف ويحصل .. النصيب .. اللى احنا بنسمية الكيميا ..يعنى الحب ده زى الموت ماينفعش نقول ايه فيه ينفع ونجادل اسبابه .. لاننا بنتخطف ..حاجة كدة من عند المولى عز وجل بتاخد قلبك ناحية هذا او ذاك وحتى ممكن مايكونش للخطفة اللى بتدخلك فى حيبوبة رومانسية دى ..اى مبررات .. بس هو التوبيك جامد .. وحشتينى .. تقبلى مرورى ياسالى ياروحى

ملكة بحجابى

rovy said...

السلام عليكم
اختى الحبيبه سالى اشكرك جدا لسؤالك الغالى عنى انا بخير حبيبتى و الحمد لله
ظروف بعدتنى شويه لكن الحمد لله .. وحشتينى جدااا و وحشتنى مدونتك
بالنسبه لسوالك اعتقد ان حتى لو نجحت بعض الزيجات عن طريق النت لكن دى مش قاعده مش عارفه ليه مستغربه الفكره و مش قادره اؤيدها ..

دمتى بكل الخير

تحياتى

تامر علي said...

في مشكلة كبيرة في العلاقات الالكترونية وهو أنها تمنع الانسان من رؤية الحقائق الكاملة وتجعله يعيش في عالم افتراضي من صنع خياله ومع الوقت ينفصل عن الواقع ويرضى بعالمه الافتراضي ويلغي عقله تماماً ولا يفيق الا على كارثة

قليلا ما تنجح هذه العلاقات وكثيراً ما تكون مدمرة

تحياتي :)

Unknown said...

سلامته الف سلامة يا سالي

حاجات جوايا said...

السلام عليكم ورحمة الله وبركاته

إزيكم يا جماعة
وحشتوووووووونى
انا اسفه للتاخير بجد بس زى ما قولتلكوا دودو كان تعبان شوية والحمد لله بدا يتحسن .. ربنا يتمم شفاؤه على خير يارب ويبعد عنه التعب .. دعواتكم

انا معاكوا اهه
هرد على الناس اللى نورونى بزيارتهم و سطورهم الغالية وازوركم وانزل البوست الجديد ان شاء الله

سالى

حاجات جوايا said...

بنت الغربة
-------------
أهلا يا قمر
كل سنة وانتى طيبة يا حبيبتى
عيد جواز وعيد ميلاد سعيد
عقبال 100 سنة بكل الهنا يارب
فعلا كل شئ قسمة ونصيب
نورتينى يا حبيبتى

حاجات جوايا said...

شريكة فى المطعم
----------------
اهلا يا جميل
انا رأيى ان الجواز التقليدى غير جواز النت
التقليدى بيكون عن طريق الاهل اللى بيسألوا عن اصل وفصل العريس اللى جايلك قبل ما يسمحوله يقعد معاكى

اما جواز النت فغالبا بيكون الحوار من الاول بين البنت والولد بس
وسهل جدا ان كل واحد يزيف حقيقته ويحاول يظهر بافضل صورة فى نظر الاخر حتى لو كانت بعيدة عنه تماما

تمام فعلا فيه مخاطرة
ومخاطرة كبيرة جداااااااا على البنت
ربنا يحفظ بناتنا وبنات المسلمين

نورتينى يا قمر

حاجات جوايا said...

محمد عتلم
------------
أهلا بك اخى الفاضل
الحقيقة انا شايفة فيه فرق كبير بين جواز النت وجواز الصالونات زى ما قلت للصديقة " شريكة فى المطعم " فى التعليق السابق

المشكلة من وجهة نظرى فى مرحلة ما قبل الزواج
لانى شايفة فيها مخاطرة كبيرة جدا على البنت
اما بعد الزواج
فزى ما بيقولوا بقى اهى بطيخة وزى ما تطلع
:)


نورتنى اخى الفاضل

حاجات جوايا said...

magi
---------
اهلا يا جميل
تمام متفقين يا قمر
انا اصلا مش ضد اى زواج باى طريقة
انا بس ضد تعرض البنات للمخاطر فى الزمن الصعب ده

نورتينى يا قمر

حاجات جوايا said...

من غير عنوان
--------------
أهلا بك اخى الفاضل

كلام حضرتك سليم جدا

يا إما وده النادر يطلع حب بجد
........
فعلا للاسف نادر


يارب تسلم كل بناتنا وولادنا من شرور المستخبي فيما وراء الشاشه
..........
اللهم آمين يارب

نورتنى اخى الفاضل

حاجات جوايا said...

assafo anaroze
-----------------
أهلا بك اخى الفاضل
أكيد لكل قاعدة شواذ
لكن الغالب للاسف الكدب والغش
ربنا يكتب الخير لكل المسلمين يارب

نورتنى اخى الفاضل

حاجات جوايا said...

ملكة بحجابى
------------
أهلا يا قمر
وحشتينى يا حبيبتى
عندك حق فعلا فى كل كلمة يا ميرو
متفقة معاكى تماما
النصيب ممكن يخلى القلب يتخطف فى لحظة زى الموت
المهم ان الحب ده يكون للشخص اللى يستاهله

نورتينى يا قمر

حاجات جوايا said...

rovy
--------
اهلا يا قمر
وحشتينى يا حبيبتى
يارب يكون سبب غيابك خير

والله انا زيك بالضبط
فعلا فيه حالات كتير بس منقدرش نعمم ولا نجزم بنجاحها

نورتينى يا قمر ومتغيبيش تانى

حاجات جوايا said...

رئيس التحرير
---------------
وعليكم السلام ورحمة الله وبركاته

أهلا بك اخى الفاضل
انا الحمد لله بخير ازاى حضرتك ؟؟
ألف مبروك افتتاح الموقع الرسمى للمجلة
ويارب دايما من نجاح لنجاح ان شاء الله

دى دعوة كريمة جدا من حضرتك لا يمكن ترد
هحاول المشاركة ان شاء الله
ربنا يوفقكم جميعا لكل ما يحبه ويرضاه

الف مبروك مرة تانية
عقبال صدور النسخة المطبوعة ان شاء الله

نورتنى اخى الفاضل

حاجات جوايا said...

تامر على
------------
أهلا بك اخى الفاضل


كلامك سليم

في مشكلة كبيرة في العلاقات الالكترونية وهو أنها تمنع الانسان من رؤية الحقائق الكاملة وتجعله يعيش في عالم افتراضي من صنع خياله ومع الوقت ينفصل عن الواقع ويرضى بعالمه الافتراضي ويلغي عقله تماماً ولا يفيق الا على كارثة
.......
فعلا وهنا الكارثة للاسف

ربنا يسلم شباب المسلمين

نورتنى اخى الفاضل

حاجات جوايا said...

طعميه سخنة
------------
أهلا بك اخى الفاضل
الله يسلمك ويكرمك يارب
شكرا على سؤالك
نورتنى اخى الفاضل





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger