حاجــــات جوايــا: شموع مضيئة 3

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Thursday, March 12, 2009

شموع مضيئة 3

ما قيمة الإنسان بدون الحب .. وما قيمة الحياة بدون الحب .. وما قيمة الحب بدون الإنسان .. بدون الحياة

الحب الأول .. طفل وليد يبحث عن صدر حنون يحتويه ..يغذيه .. يمده بالحب والحنان والأمان والدفء لينمو .. وعندما ينمو .. يموت فوق أشواك الحياة

الفراق .. طائر مريض يحلق فى سماء العشاق .. ولا مناص من العدوى

لو خير الإنسان بين الحب والحرية .. لاختار الحب .. ولو خير بين الحب والمال .. لاختار الحب .. ولو خير بين الحب والحياة .. لاختار الحب .. والسؤال الآن : أين هو الحب ؟؟

الإنسان فى بحث دائم عن نصفه الآخر ... قد يدخل فى تجارب عديدة .. يعرف كثيرا .. يحب كثيرا .. يتألم ويجرح ويهان .. وفى كل مرة يقسم ألا يعود للحب ..ورغما عنه يعود ليبحث عن نصفه الآخر

مهما بحثنا عن الحب لن نجده ..فليس له مكان ولا زمان ... انه نبضة قلب .. لمسة حنان .. إحساس بالبرودة والرعشة فى عز الصيف .. أو بالحرارة والدفء فى عز الشتاء .. يأتى فجأة بدون مقدمات .. ويسكن القلب بلا استئذان .. يأمر وينهى والكل منقاد لأوامره ورغباته يتمنى إرضائه .. ويستعذب عذابه .. يبقى فى القلب ما شاء الله له أن يبقى .. وعندما يرحل لا يعود مرة أخرى .. وإن عاد يعود ضعيفا واهنا أقل كلمة لوم أو عتاب أو جرح تقضى عليه !! وحينئذ نقول ليته ما عاد .. ليتنا عشنا على ذكريات قوته وعنفوانه

خايفة منك يا دنيا .. خايفة منك يا حياة .. خايفة يوم افتح عنيا .. ألاقينى تايهة وكلى آه

عجبت لمن يرضى بقليله .. و رغم ذلك تمنحه الحياة اقل مما يرضيه

يطول العمر مع الحبيب .. وإن كان العمر كله مجرد ثوانى

الثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك

........................

(دعوا هوانــــــــــــا)

بوست جديد على واحة الفكر والقلم

56 comments:

mohamed ghalia said...: الثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك
رائعة تلك المقولة والبوست كله هايل بصراحة; March 12, 2009 at 5:37 PM
شيماء جمال(شيمو القمر) said...: الحب يا لهذه الكلمة الصغيرة التى تعنى لنا الكثير ، فهى بحر ما يدخله لابد أن يعبر عقبات كثيرة وفى النهاية إما يغرق فيه ويموت دون الوصول وإما يصل إلى البر الآخر ويجد الحبيب ولكن لا يستطيع الرجوع وإن عاد يكون قد فقد كل شئ فى هذه الرحلة .
مدونتك جميلة جدا وكلامك حلو قوى
تحياتى تقبلى مرورى
شيمو القمر; March 12, 2009 at 7:09 PM
مـجـنـووون said...: الحب كلمة كبيرة قوي

بس يا خسارة قليلة دلوقتي وملهاش مكان غير في قلوب ناس قليلة خالص

تقبلي مروري
مجنووون; March 12, 2009 at 7:36 PM
Empress appy said...: الحب الاول اصعب حب مبينتهيش وبتفضل المقارنه على طول علشان بيكون هو فى اول كل حاه مشاعر لمس كلمه حلوه هديه رقيقه; March 12, 2009 at 8:11 PM
aidy said...: الثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك

****************************

جميلة اوى الجملة دى يا سالى بجد

دايما مواضيعك متميزة

ياريت الواحد يقدر فعلا يملك ما يحب

ساعات بحس انها بقت صعبة اوى..; March 13, 2009 at 12:11 AM
جنّي said...: السلام عليكم

كلمات جميلة رائعة الجمال وأروع ما فيها نهايتهاعن الثراء والرضا والطمع .. ولكن لماذا دائما يغلف الحب برقاقة من الحزن والشجن ؟؟

تحيتي; March 13, 2009 at 12:22 AM
حاجات جوايا said...: mohamed ghalia
---------------
أهلا بك اخى الفاضل
ربنا يخليك يا فندم
ألف شكر
نورتنى اخى الفاضل; March 13, 2009 at 12:59 AM
حاجات جوايا said...: اعترافات قلب
-------------
شيمو القمر

اهلا يا جميل
كلماتك جميلة يا شيمو .. كشمعة مضيئة

ميرسى يا حبيبتى ربنا يخليكى مدونتك انتِ الاجمل

نورتينى يا شيمو يا قمر; March 13, 2009 at 1:02 AM
حاجات جوايا said...: مجنووون
----------
أهلا بك اخى الفاضل
فعلا ملهاش مكان الايام دى زى زمان
لأنها بقت المرادف اللغوى لكلمة التنازل والتضحية والضعف
فيه ناس كتير بتستغل الحب استغلال خاطئ
وعشان كده بقى فيه ناس كتير بتنكره وتهرب منه

نورتنى أخى الفاضل; March 13, 2009 at 1:06 AM
حاجات جوايا said...: appy
------
أهلا يا قمر
الحب الاول صعب على اللى بيستسلم لذكرياته
ممكن يكون ذكراه اجمل لكن بيكون هش وإلا مكنش هينتهى
لكن بالتاكيد الحب الاخير هو الاقوى والاعمق

نورتينى يا قمر; March 13, 2009 at 1:09 AM
حاجات جوايا said...: aidy
--------
أهلا يا قمر
ربنا يخليكى ليا يارب

ان شاء الله تملكى ما تحبى
ان مكنش فى الدنيا يبقى فى الجنة ان شاء الله
المهم متيأسيش من حاجة
هههههههههههه

منورانى يا جميلة; March 13, 2009 at 1:13 AM
حاجات جوايا said...: جنى
--------
وعليكم السلام ورحمة الله وبركاته
اهلا بك اخى الفاضل
الف شكر يا فندم ربنا يكرمك

أعتقد حقا ان الحب هو الوجه الآخر للشجن
فلا حب بلا شجن

نورتنى اخى الفاضل; March 13, 2009 at 1:16 AM
Unknown said...: دايما لما بنكون فى لحظة ضعف بنقول فين اللى يطويها؟؟
ولما بنكون فى لحظة ألم بنقول فين اللى يخفيها؟؟
اسئلة كتيرة ممكن نضغطها فى سؤال واحد ونقول
هو فين الحب دا؟؟
كتير من الناس بتحب وتتحب ، بس القدر ساعات كتير بيمنعهم من تحقيق اللى هما عايزينه بكل سهولة
او ممكن
يخلقوا مشاكل ، والمشاكل تكبر ، وكل واحد يقول انا
طب فين الحب؟
فين الحب اللى دايماً بنقول عليه ارضاء الحبيب؟؟
انا مريت بتجربة لمدة 4 سنين والقدر قاللى لا متكملش
كفاية عليك كدة
كنت خلاص رايح اخطبها وحصلت مشاكل مش منى ولا منها
مشاكل قدرية
وكان حب خالص
من احلى شعور مر بيه اى شخص

وانا دلوقتى بينى وبين نفسى شخص وحيد
مش لاقى اللى تخاف عليا ولا اخاف عليها
لما اشوف مثلاً صديق ليا بيتخانق مع حبيبته بحاول اصالحهم واقوله لازم تفهم كويس انها حتة من قلبك ومينفعش تتكلم معاها بالشكل دا

الحب دا تقدير ...تقدير للحبيب...وتقدير للحبيبة ..ولكن فى عصرنا الحالى الحب له معنى اخر

دلوقتى هنقول ..اللى بيحب مرتاح؟؟ ، طب اللى مبيحبش برضة مرتاح؟؟
على ما اعتقد الاجابة هتكون لا فى كلتا الحالتين

دمتى بود اختى العزيزة سالى والبوست فعلاً اكتر من جميل وانا اسف انى جيت متأخر بس ولله بحضر شوية بوستات والكاريكاتير
واشكرك تانى على البوست الجميل; March 13, 2009 at 3:28 AM
mahasen saber said...: اولا وحشتينى وحشتينى جدا جدا جدا وده من الحب برضه

ويا رب تكونى بالف خير يا اختى وحبيبتى الغاليه
انا مبدخلش الميل يا سالى كتير عشان كده مش بعرف اكلمك بس برد على رسايلك الاوف لاين واخر نكته فطستنى من الضحك ودعيتلك لانك رسمتى ضحكه على قلبى كنت محتاجاها

دودو عامل ايه ربنا يبارك فى عمره ويحميه ويباركلك فيه يا اجمل وارق ام فى دمياط; March 13, 2009 at 9:15 AM
mahasen saber said...: نيجئ بئه للشموع المضيئه اليى يا رب ما تنطفى ابدا ابدا

عجبنى قوى قوى تشبيهك للحب الاول
مع انى متاكده ان الاول زى الاخير الاتنيين ممكن يخرجوا بره بابا القلب لو مفيش احترام وتقدير من الطرف الاخر

كلماتك دايما بتأسرنى مش هلاقى كلمه اعير بيها عن اعجابى بما تكتبه ايدك على الكيبورد غير دى
كلماتك بتأسرنى يا جميلة دمياط; March 13, 2009 at 9:17 AM
ريمان said...: السلام علييييييييييكم

انا اول ما شوفت شويه جمل كده قولت يبقى اكيد هستمتع بكلام سالى القمر

بجد يا سالى بحب اوى الجمل اللى انتى بتكتبيها

بتبقى فعلا صحيحه وكلها حكم حلوه اوى

ربنا يخليكى يا قمر دايما

اموااااااااااااااااااااااه; March 13, 2009 at 1:37 PM
موناليزا said...: الله عليكى
وبالذات الجملة دى"عجبت لمن يرضى بقليله .. و رغم ذلك تمنحه الحياة اقل مما يرضيه
حقا رااائعة "; March 13, 2009 at 8:54 PM
محمد فارس said...: الاخت الغاليه
سالي حفظك الله واكثر من محبينك
يقول الذين لم يتذوقوا طعم الحب
ان الحب تسلية البليد
وليس مالا اوحسب
ولكنك يااختنا العزيزه لم تقولي لنا
ما هو الحب فقط بل رسمتيه وصورتيه
لنا في ابهي صوره
مع خالص تحياتي
وتمنياتي بأن تكوني من الاثرياء
والراضيين
ولا تكوني من من الطامعين; March 13, 2009 at 10:33 PM
همس الاحباب said...: كما عودتينا دائما مبدعة حقا
كلمات قليلة حروفها كبيرة معانيها
يطول العمر مع الحبيب .. وإن كان العمر كله مجرد ثوانى
الثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك
ياااااااه كلمات استوقفتنى كثيرا
واحسست بشرود الذهن
تحياتى وتقديرى لابداعك; March 14, 2009 at 6:12 PM
Sweet Violet said...: عجبنى تعريفك للحب الاول

بس مش دايما بيموت فوق اشواك الحياه

اوقات الحب الاول بيعيش للأخر

بس لو كان على اساس صح

(الثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك)

عجبتنى قوووى المقولة دى بجد

البوست رغم انى حاسه فيه بنبرة حزن الا انه بجد جميل

تحياتى

(:; March 14, 2009 at 6:33 PM
عاشقه الرومانسيه said...: الفراق .. طائر مريض يحلق فى سماء العشاق .. ولا مناص من العدوى
********************
اتفق معكى جملة وتفصيلا فى هذه الكلمه

يطول العمر مع الحبيب .. وإن كان العمر كله مجرد ثوانى
******************
اختلف معكى فى هذا القول
فانا ارى انه عكس ذلك
فالعمر مهما كان طويل فانه قصير بقرب من نحب

الثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك
***************
حقيقه وقليل من يعقلهاويقبلها; March 15, 2009 at 4:12 AM
Anonymous said...: ياه عليكي يا سولي وانتي رايقة دماااااااااااااغ
عاجباني

مها ميهوووو; March 15, 2009 at 11:54 PM
Anonymous said...: سالي
شكرا لتشريفك مدونتي
عجبتني اوي حكمة الدنيا و من يرضي بقليله
كمان انا زرت انا الدمياطي امبارح لكن ماسعفنيش الوقت احط تعليق خصوصاو انا المنصوراوي
و بالنسبة لأدسنس راجعي الشروط و السياسات لأنك مطالبة بمراجعتها نظرا لأنهم مش ملزمين باخطارك
تحياتي; March 16, 2009 at 4:30 AM
Anonymous said...: بالنسبة لطبق الطعمية فانا غيرت شكله عشان كله شايفه كبير و طمعان فيه
بالنسبة لأدسنس اتفضلي اللنكات دي
https://www.google.com/adsense/support/bin/answer.py?answer=100557

http://adsense.blogspot.com/2009/03/driving-monetization-with-ads-that.html

!!!و محبش حد يقولي نفس كلامي يا فندم

معلش بقي لأني حاليا موقف شغل ادسنس فلسه مش مظبط الشروط بالظبط و كده
لكن جوجل دلوقتي مش هتعتمد علي المحتوي و بس في اظهار الاعلان كمان هتعتمد علي الاعلانات اللي استهوت الزائر قبل كده و تظهرها تاني علي محتواكي و ده هيشجع زيادة النقر ليكي و للمعلن

معلش انا كنت اخدت نظرة سريعة كده و لظروف تصميم موقع جديد واخد كل وقتي مقريتش و فهمت كويس

سلام; March 16, 2009 at 4:46 AM
Anonymous said...: يو ار ويلكم
الحساب كله بالعيش و المخلل 5 جنيه
و بعدين طبعا لازم نيو لوك عشان حمو بتاع العربية عامل شغل جامد اوي فيها بعد ما جاب شوية دبان و مخليهم عاملين موسيقي تصويرية للزباين ززززززززززز
انا بقي مش بتاع شوارع زيه قولت اعمل شوية ديكورات في المحل !!!!!! و هجيب نحل احسن من الدبان و صوته اعلي و مفيد !!!! ايه اللي انا بقوله ده
شرفتي و نورتي و احب اشوف تعليقك بكرة ان شاء الله علي البوست الجديد; March 16, 2009 at 5:07 AM
حنين القلب said...: الله
كلماتك واسلوبك اكتر من رائع

فعلا لو خير الانسان بين الحب وبين اى شىء اخر مهما كان ثمين لاختار الحب

تقبلى مرورى
اتمنى دوام التواصل; March 16, 2009 at 9:03 AM
رئـــــيسـة حزب الأحلام said...: الله بجد كلامك رائع
بس يارب الحب يكون موجود
هو موجود فى قلوبنا بس الانسان اللى يستاهل الحب دة بنفكر دايما يستاهله ولا لا
وبندعى من قلوبنا ان يكون يستاهله
تحياتى لكى ياقمر; March 16, 2009 at 4:45 PM
محمد عتلم said...: الثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك
ــــــــــــــــــــــــــــــ
حاجات حوايا.....
ربنا يباركلك يا رب
انتى دايما كده بتجيبى من الآخر
بتجيبى التايهه
بتضربى فى المليان
___________________________
من احلى الكلمات اللى سمعتها هيا كلماتك ... بتدينى هدوء غريب وحلو; March 17, 2009 at 8:31 AM
المـــفـــــــقــــــــوعـــــة مــرارتـهــا said...: اذيك ياسالي
كيف الحال
انا هاارد علي سؤالك اللي تفضلتي وسألتيه عندي في المدونة
انا حاليا صحفية في جريدة المقطم جريدة كدة صغننة بس هي هاتشرب اللبن وهايبقي عندها عضلات وتكبر
سلام ياجميل; March 17, 2009 at 2:08 PM
Soul.o0o.Whisper said...: سلمى

معلش بأعتذر على التأخير
سامحينى

بس بجد بعد ما قرأت البوست
مش عارفة أقول حاجة

"مهما بحثنا عن الحب لن نجده ..فليس له مكان ولا زمان ... انه نبضة قلب .. لمسة حنان .. إحساس بالبرودة والرعشة فى عز الصيف .. أو بالحرارة والدفء فى عز الشتاء .. يأتى فجأة بدون مقدمات .. ويسكن القلب بلا استئذان .. يأمر وينهى والكل منقاد لأوامره ورغباته يتمنى إرضائه .. ويستعذب عذابه .. يبقى فى القلب ما شاء الله له أن يبقى"

انتى قلتى كل حاجة هنا
فعلا .. هو كدا

بس دا لا يمنع ان الحياة مع من نحبهم فطريا حياة جميلة ايضا
فلا احد يضمن ما يحمله له الحب الاخر

بس مش عارفة حقيقة هذه الجملة "وعندما يرحل لا يعود مرة أخرى "
دا حقيقى؟؟؟
مش عارفة؟؟

"لثراء.. هو أن تملك ما تحب .. والرضا .. هو أن تحب ما تملك .. والطمع .. هو أن تحب ما يملك غيرك"
أبدعتى يا سلمى بجد

و ربنا ما يحرمك من حبيبك أبدا
و يجعل حياتكم سعادة و هنا على طول

دمتى بكل ود يا قمر; March 18, 2009 at 1:39 AM
Unknown said...: السلام عليكم
ازيك يا حاجات وحشتينى جدا

اية اخبارك اسفة على التقصير
كلمات جميلة جداا
عبارات تعبر عن تامل وتفكير

تحياتى وحبى; March 18, 2009 at 2:08 PM
حاجات جوايا said...: اصحى يا مصر : اسلام ديو
--------------------------
أهلا بك اخى الفاضل

دايما لما بنكون فى لحظة ضعف بنقول فين اللى يطويها؟؟
ولما بنكون فى لحظة ألم بنقول فين اللى يخفيها؟؟
---------
كلمات جمبلة أخى الفاضل ولحنها مميز

كتير من الناس بتحب وتتحب ، بس القدر ساعات كتير بيمنعهم من تحقيق اللى هما عايزينه بكل سهولة
---------------
فعلا بس صدقنى مش كل حاجة عايزينها بتبقى خير بالنسبة لنا
القدر بيمنعنا عنها عشان مش نصيبنا ونصيب حد تانى غيرنا
عشان كده انا لا أؤيد ابدا الحب قبل الزواج
لانه غالبا بيكون اهدار للمشاعر عالفاضى
ويعانى من أثاره بعد كده كل من الحبيب والحبيبة
ايام الجامعة كنت بشوف قصص حب كتير جدااااااااا ومستمرة لسنين طويلة وكان المتوقع تتويجها بالزواج لكن محصلش وحالتين بس اللى اتجوزوا منهم والباقى كله ضاع فى الوبا
يبقى ليه م الاول اصلا وجع الدماغ ده
الصبر طيب .. وكل حاجة بتبقى حلوة فى وقتها من غير جراح ولا عذاب

سعيدة برأيك جدا اخى الفاضل
نورتنى; March 19, 2009 at 2:28 AM
Soul.o0o.Whisper said...: سالى

سالى

سالى

حفظت أهو
ماتزعليش بئا
:)

خالص ودى يا جميل; March 19, 2009 at 5:13 PM
mostafa rayan said...: طول العمر مع الحبيب .. وإن كان )العمر كله مجرد ثوانى)
********
اتفق معك في هذه الجملة ولكن يبقي السؤال اين هوذلك الحبيب؟
اما ما اختلف فيه
هو ان الحب عندما يذهب لا يعود
لاء ممكن يعود والعتاب بيصفي النفوس والقلوب ونبدأ من جديد
ارجوانك تتقبلي رأيي
تحياتي ليكي ودمت بخير; March 20, 2009 at 1:47 AM
أبو العريف said...: الكلام دا مش جواكي لوحدك
لا دا جوانا كلنا
اول زياره
ومش الخيره
تقبلي مروري; March 21, 2009 at 11:14 PM
شفـقــة و إحســــان said...: كل سنة وإنت وكل الأمهات بألف خير
وهوا ده الحب الكبيــــــر جدا
نبع الحنان الذي لا يجف أبدا; March 22, 2009 at 4:01 PM
حاجات جوايا said...: محاسن صابر
------------
وحشتينى يا جميلة
ازيك وازاى بيرو حبيبى
ربنا يخليه ويباركلك فيه يارب

عندك حق سهل اوى ينتهى الحب لو وضع فى مجالى اختيار بينه وبين الكرامة

يارب انتى اللى تنورينى دايما
تغنينى عن كل الشموع يا قمر

ربنا يخليكى ليا يا حبيبتى يارب
منورة يا قمر; April 6, 2009 at 4:19 AM
حاجات جوايا said...: ريمان
----
أهلا يا قمر
وعليكم السلام ورحمة الله وبركاته
ربنا يخليكى يا ريمو
ده بعض ما عندكم يا جميل

نورتينى يا حبيبتى; April 6, 2009 at 4:25 AM
حاجات جوايا said...: موناليزا
-------------
أهلا يا حبيبتى
ربنا يخليكى
مش كده برضه
هى الدنيا كده لا الرضى فيها مرتاح ولا اللى مش راضى مرتاح
دنياااااااااا

نورتينى يا قمر; April 6, 2009 at 4:27 AM
حاجات جوايا said...: محمد فارس
------------
أهلا بك أستاذنا الفاضل
ربنا يكرمك يارب
الحمد لله انا من الراضيين ولست من الاثرياء أو الطامعين

نورتنى أخى الفاضل; April 6, 2009 at 4:29 AM
حاجات جوايا said...: همس الاحباب
----------
أهلا بك اخى الفاضل
ربنا يكرمك يارب
ان كان على الابداع فانت اهله
جعلنى الله عند حسن ظنكم دائما

نورتنى اخى الفاضل; April 7, 2009 at 6:01 AM
حاجات جوايا said...: sweet violet
--------------
اهلا يا جميل
مش دايما بيموت صحيح .. بس نادر يعيش
انتى اللى جميلة يا حبيبتى ربنا يخليكى
نورتينى يا قمر; April 8, 2009 at 2:29 AM
حاجات جوايا said...: عاشقة الرومانسية
--------------------
أهلا يا دودو
الحمد لله انك بتتفقى معايا
أما عن
يطول العمر مع الحبيب .. وإن كان العمر كله مجرد ثوانى

فالمقصود بطول العمر .. ان اللحظة السعيدة تبقى فى القلب حتى نهاية العمر ان لم تكن واقع فلتكن ذكرى

نورتينى يا قمر; April 8, 2009 at 2:31 AM
حاجات جوايا said...: أحسن تستاهل
------------
أهلا يا قمر
إزيك يا مها أخبارك ايه ؟
ميرسى يا حبيبتى
انتى اللى دماااااااااااغ
ههههههههههههه

نورتينى يا قمر; April 8, 2009 at 2:32 AM
حاجات جوايا said...: طعميه سخنة
----------
أهلا بك أخى الفاضل
شكرا ربنا يكرمك الحمد لله انها عجبتك
بالنسبة للادسنس فانا لسه مشتركتش والله
كل ما انوى اشترك حاجة تعطلنى
يلا كله خير
نورتنى اخى الفاضل; April 8, 2009 at 2:35 AM
حاجات جوايا said...: حنين القلب
------------
أهلا يا قمر
ربنا يخليكى يا حنونة يارب
فعلا بنختار الحب .. وياريته بيتمر فى سيادة الحب

نورتينى يا قمر; April 8, 2009 at 2:39 AM
حاجات جوايا said...: رئيسة حزب الأحلام
---------------
أهلا يا قمر
ربنا يخليكى يا حبيبتى
وانا كمان هدعيلك ربنا ربنا يوفقك فى اللى يستاهل حبك
نورتينى يا قمر; April 8, 2009 at 2:41 AM
حاجات جوايا said...: محمد عتلم
-----------
أهلا بك أخى الفاضل
ربنا يكرمك يارب
بترفع معنوياتى دايما كده
جزاك الله عنى خيرا
نورتنى اخى الفاضل; April 8, 2009 at 2:42 AM
حاجات جوايا said...: المفقوعة مرارتها
---------------
أهلا يا جميل
الحمد لله يا حبيبتى انا بخير
إزيك انتى ؟
ربنا يوفقك يا سحر و متنسيش تديها سيريلاك كمان عشان تتختخ كده وتربرب وتكبر بسرعة هههههههههههه

نورتينى يا جميل; April 8, 2009 at 2:45 AM
حاجات جوايا said...: Soul.o0o.Whisper
------------------
أهلا يا قمر
أكيد الحياة مع من نحبهم فطريا حياة جميلة جدا وربما اجمل من حياة المحبين لانها تعتمد على الاخذ والعطاء الدائم وليست على الانانية

ربنا يخليكى يا قمر
نورتينى يا حبيبتى; April 8, 2009 at 2:50 AM
حاجات جوايا said...: نهر الحب
---------
أهلا يا قمر
انتى اللى وحشتينى والله
ربنا يعينك ويقدرك على عمل الخير دائما أبدا
ميرسى يا حبيبتى على ذوقك وعلى مرورك
نورتينى يا قمر; April 8, 2009 at 2:51 AM
حاجات جوايا said...: Soul.o0o.Whisper
-------------------
هههههههههههههههههه
وبلا يهمك يا قمر
مش قلتلك
والله ما بتفرق معانا الاسماء
المهم انك تنورينى; April 8, 2009 at 2:53 AM
حاجات جوايا said...: بيرم المصرى
------------
وعليكم السلام ورحمة الله وبركاته
اهلا بك اخى الفاضل

ربنا يكرمك كل عام وانت بخير
ولا سلام مع اليهود بالتاكيد

نورتنى اخى الفاضل; April 8, 2009 at 2:55 AM
حاجات جوايا said...: مصطفى ريان
------------
اهلا بك اخى الفاضل
أتقبل رأيك بالتاكيد
وان كان يرجع الامر اولا واخيرا لمدى صدق هذا الحب

نورتنى أخى الفاضل; April 8, 2009 at 2:57 AM
حاجات جوايا said...: ابو العريف
-------------
أهلا بك اخى الفاضل
بالتأكيد جوانا كلنا
نورتنى فى اول زيارة واتمنى متكونش الاخيرة; April 8, 2009 at 2:58 AM
حاجات جوايا said...: شفقة هانم واحسان بيه
--------------------
اهلا بكما إخوتى الأعزاء
وانتى طيبة وبكل الصحة والسلامة يارب
بالتاكيد طبعا ده الحب الكبير والحب الحقيقى

نورتونى; April 8, 2009 at 3:00 AM