Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Sunday, March 1, 2009

لحظات ضعف


نمر جميعا بلحظات ضعف نجد انفسنا فيها وكأننا اناسٌ غيرنا يتصرفون بطريقة لا تتفق مع مبادئنا ولا اخلاقنا التى تربينا عليها وورثناها أبا عن جد
أما عن استمرار هذه الحالة ومدة بقائها فينا وتمكنها منا فيرجع إلى مدى صحوة ضميرنا وعمق الوازع الدينى لدينا الذى قد يأبى من الاصل أن يستسلم لهذه الحالة من الضعف الإنسانى

ولحظات الضعف التى قد نمر بها ليست كلها سيئة مشينة تدعو للخجل
فتراجعنا عن مواقفنا واتجاهاتنا فى بعض المواقف المصيرية بدافع التضحية هو لحظة ضعف
واستسلامنا وانقيادنا بإرادتنا لفكر من نحب هو لحظة ضعف
وتخلينا عن إصرارنا وصلابتنا امام بكاء صغارنا هو لحظة ضعف

كما ان حنيننا إلى الماضى وإلى من كان يهواه قلبنا هو لحظة ضعف
وعن لحظة الضعف الاخيرة هذه أريد أن احدثكم

فمعظمنا إن لم يكن جميعنا يردد عند الإقبال على الزواج من شخص لا نعرفه مقولة " ماضى الإنسان ملك له وحده ولا يحق لنا ان نحاسبه عليه " رغم اننا لا نعترف بها تماما

فكل بنت تحلم ان تكون الاولى والاخيرة فى حياة من تحب
وكل شاب يهمه ان يكون الاول والأخير فى حياة من يحبها

ونظرا لان هذا الحلم اشبه بالمستحيل .. إلا فى حالات قليلة جدا .. فقد وطننا أنفسنا على تقبل الآخر بماضيه والتجاوز عنه بقدر الإمكان لعدم إفساد حاضرنا

ولكن ماذا لو عاد هذا الماضى ليؤرق حياتنا ويتسلل إلى مشاعرنا ويفسد علاقتنا بأحبائنا الجدد ويجعلنا نعيش فى حالة من انعدام التوازن بين الماضى والحاضر ؟؟

ماذا تفعل لو عاد ماضيك / ماضيكى واخترق حياتك كفيروس تسلل إلى مواطن ضعفك واخذ يزيد وينمو ويستشرى يوما عن يوم وانت مستسلم له ومستعذب مشاعر الحنين التى انتابتك وأيقظت حبك القديم ولا تقوى بل حتى لا تريد صده ؟؟؟

ماذا تفعل لو كان هذا الماضى ماضيك انت ؟
أو ماضى زوجتك ؟
وماذا تفعلى لو كان هذا الماضى ماضى زوجك ؟

وما ذنب الاحباء الجدد ؟؟؟؟؟
ماذنب تلك الزوجة التى ادخرت مشاعرها لك وحدك وحلمت معك بالدفء والامان ولم تقابل بالإحسان ؟؟
ما ذنب ذلك الزوج الذى ينام قرير العين وهو غافل عما تفعله زوجته ومعتقد ان بيته مُصان ؟؟


وأخيراااااااااااا


هل يمكن ان يصل الضعف بنا نحن إلى هذا الحد ؟؟؟
هل يمكن ان تخترق أنت حياة من كنت تحب رغم ا ن لك حياة خاصة جديدة ؟؟
وهل يمكن ان تخترقى انتى حياة من كنتى تحبين حتى لو شجعك هو على ذلك رغم أن لكى زوجا يأتمنك على نفسه وماله وعرضه ويثق فيكى .. ؟؟

نعم قد نمر جميعا بلحظات فتور و برود عاطفى بفعل الزمن وطول السنين ومشاكل الحياة .. لكن هل الخيانة هى الحل ؟؟ هل الخيانة أسهل من ان نصلح بيوتنا ونعمرها بالدفء والحب والامان ؟

لم لا نرضى بالنصيب الذى قسمه الله لنا ونحمد الله الذى جعلنا فى حال أفضل من غيرنا ووفقنا إلى احبة يصونون عرضنا ويحفظون عهدنا فى وجودنا وغيابنا فى الوقت الذى ابتلى فيه اناسٌ غيرنا فى اعراضهم ونساءهم وازواجهم ؟؟

متى نرضى ونحمد الله على نعمه علينا حتى لا تزول من أيدينا ؟
متى نكون اقوى من لحظات الضعف ؟؟؟
متى ؟؟؟؟؟؟؟؟؟؟؟؟؟؟؟؟؟

............................................

قلبى غالى

على مدونتى الأخرى

57 comments:

mahasen saber said...

امممممممممممممم يا سالى دايما مواضيعك فى الصميم كده

اعتقد لحظات الضعف زى ما قلتى الانسان القوى اللحظات دى مبتخدش منه كتير وبترجعه اكثر قوه
وده لو عنده ايمان كامل بما قسمه الله له

اما الماضى فى حياة كلا الزوجين فده برضه يا جميله يندرج تحت قوة وايمان وقناعة الانسان او الانسانه بما قسمه الله له
وربنا يعافى كل بيوت المسلمين

mahasen saber said...

تسلمى وتسلم مواضيعك يا جميله

ااقول صباح الخير بئه وااقوم اشوف ورايا ايه

سلام يا جميله

بيرو باص الحضانه لسه واخده حالا يروح بالسلامه ان شاء الله

سلام يا جميله ولما ارجع من الشغل هجيلك تانى
امممممممممممممممموه لدودا حبيبى ربنا يباركلك فيه

واحدة مفروسة said...

الرضا
ثم الرضا
ثم الرضا
و ربنا سبحانه و تعالى قال فى كتابة العزيز
و لقد خلقت الانسان ضعيفا
بس القوة بتيجي من الرضا
و التقرب الى الله اكتر
تحياتي

محمد عتلم said...

ممكن يكون تضحيه
ممكن يكون تسامح
مصالحه
حب
بس مش ممكن يكون ضعف
والخوف انها تكون هدنه
بس قل لن يصيبنا الا ماكتب الله لنا
ولازم نرضى ونحمد الله ونشكره علشان كل اللى مقدره ربنا اكيد كويس واكيد هيكون احسن من اختيارنا
وله فى ذلك حكم

mohamed ghalia said...

اعتقد انه من الأفضل أنلا يكون لك ماضى
حتى لاتعانى منه فى الحاضر

حسام غانم said...

هو فعلا كل إنسان بيدور على شريك مالوش ماضي أو تجارب

بس الطبيعي إن بعد الارتباط كلا الطرفين بينسوا ماضيهم

للمحافظة عالعلاقة

محمد فارس said...

الاخت الغاليه والعزيزه**ســـــالي**
بسم الله الله واكبر
كل موضوع وموضوع اغني واغلي مما قبله
وخصوصا ذكرك لله عز وجل في موضوعاتك فهذا يدل علي قوة ايمانك بالله
كلنا يحب ان لا تكون له لحظات ضعف ولكن الضغوط النفسيه التي تحيط بنا سواء في محيط العمل او المنزل كثيرا ما تشعرنا بهذا الضعف** هذه ليست دعوه مني او مبرر للاستسلام لهذا الضعف ولكنها دعوه لله سبحانه وتعالي سبقتيني بها
دعوه للرجوع دائما الي الله
ادام الله عليك قوة ايمانك

”*°•.˜”*°•..سونه..•°*”˜.•°*”˜ said...

السلام عليكم .
بجد موضوع مهم جدااا جدا وبيمس جميع الناس .
بس اكيد الشخص لبد من ان يكون اقوى من هذا الحنين وعلى فكره لو كل واحد حافظ على كل لحظه فى حياته وفكر فى كل شىء قبل ان يقع فى فى هذه الحاله لا يوجد ماضى مالم او شىء يخشى ان يكون فى حياته

على فكره الاساله بتعتك ممكن تكون صعبه على ناس وتكون سهله على ناس حسب كل شخص وقوته .
بجد موضوعك كبير ومحتاج تركيز اوى عشان ارد عليه اكيد هاجى تانى .
تقبلى مرورى
تحياتى سونه .

موناليزا said...

موضوع حيوى جدا
وخاصة هذه الايام
ليا واحدة صاحبتى مخطوبة وخاطبها كان بيحب واحدة واتجوزت الغريب بقى انها لسه بتتصل بيه وهو بيقول كده لصاحبتى عادى خالص وكأنه شئ طبيبعى

ربنا يبعد لحظات الضعف عن الجميع فقد تخرب بيوت كثيرة قبل حتى ان يتم بنائها

واحــ الفكر و القلم ــة said...

mahasen saber
--------------
أهلا يا سنسن يا قمر الشرقية
منورانى
الإيمان بالله والرضا فعلا هم سلاح المؤمن أمام اى لحظة ضعف

ربنا يتقبل منك ويعافى كل بيوت المسلمين
منور يا قمر

واحــ الفكر و القلم ــة said...

mahasen saber
---------------
صباح الفل والنور والهنا على عيونك وعيونك بيرو حبيبى الصغنون
ربنا يخليهولك يارب وتفرحى بيه
مستنياكى يا سكر
سلاااااااااااااام

واحــ الفكر و القلم ــة said...

واحدة مفروسة
-------------
أهلا يا جميل
صح كلامك يا حبيبتى
ربنا يرزقنا الرضا فى السراء والضراء

نورتينى يا سكره

واحــ الفكر و القلم ــة said...

محمد عتلم
----------
أهلا بك اخى الفاضل

ممكن يكون تضحيه
ممكن يكون تسامح
مصالحه
حب
بس مش ممكن يكون ضعف
والخوف انها تكون هدنه

----------
بصراحة مش فاهمة أوى تقصد ايه


بس عندك حق
قل لن يصيبنا الا ما كتب الله لنا


نورتنى أخى الفاضل

واحــ الفكر و القلم ــة said...

mohamed ghalia
---------------
أهلا بك أخى الفاضل
من الأفضل طبعا
بس هتلاقى فين حد مالوش ماضى
؟؟؟؟؟؟؟؟

نورتنى أخى الفاضل

واحــ الفكر و القلم ــة said...

حسام غانم
----------
أهلا بك أخى الفاضل
صح
الطبيعى
بس مش كل الناس بتنسى
!!!!!!!!!!

نورتنى أخى الفاضل
وشرفتنى بزيارتك الاولى لمدونتى
أتمنى دوام التواصل

واحــ الفكر و القلم ــة said...

محمد فارس
----------
أهلا بك أستاذنا الفاضل
جزاك الله كل خير على إطرائك الجميل الذى يشجعنى دائما

وفى رأيى انه كلما زادت الضغوط كلما ظهرت قوة الضمير والإيمان والوازع الدينى لدينا
هذا هو الاختبار الحقيقى لمدى صلابتنا فى الحق

جزاك الله كل خير
نورتنى أخى الفاضل

واحــ الفكر و القلم ــة said...

سونه
--------
وعليكم السلام ورحمة الله وبركاته
أهلا با جميل
الايمان فعلا هو اللى بيخلى الانسان أقوى من اى شئ

ماشى يا جميل ركزى براحتك ومستنياكى اهه

نورتينى يا سكر لأول مرة
على فكرة انا دخلت ازورك فى مدونتك لقيت مفيش عفش تقريبا كده المدونة لسه جديدة صح ؟؟
منتظرة اولى موضوعاتك يا جميل
ومستنياكى تانى

واحــ الفكر و القلم ــة said...

موناليزا
----------
أهلا يا قمر
ايه ده انتى مصاحبة صاحبتى من ورايا ولا ايه ؟؟؟؟؟
هههههههههههههه
هما كل الصحاب بقوا كده ؟؟؟؟

أكيد طبعا لحظات الضعف اللى م النوع ده بتخرب البيوت

المشكلة ان تقريبا فيه حالة من غياب الضمير والاخلاق بدات تسود

ربنا يحفظنا يارب

نورتينى يا قمر

ريمان said...

عارفه يا سالى ايه اللى ناقص بجد الانسان اللى بيمسح للحظات الضعف انها تمر بيه وتذلذل كيانه كده؟


ناقصه حاجه اسمها القرار


لو كل واحد او واحده اخدوا قرار انهم يقفلوا صفحه الماضى وعدم الرجول ليها ابدا مستحيل يمروا بلحظات ضعف

ولو مروا بيها مش هيستسلموا ليها ابدا

ريمان said...

قصدى اقول يسمح مش يمسح

ههههههههههه


تحياتى ليكى يا قمر

امواااااااااه

Soul.o0o.Whisper said...

سالى الجميلة

بصى يا سلسل
فعلا لحظات ضعف كتير بتمر بينا
لكن بالنسبة للنقطة اللى اتكلمتى فيها

أقولك دى بتحصل كتير اوى
لأننا بعد الحب الاول ما بيخلص
و تبدأ مرحلة تانية للارتباط بشخص آخر
مش بنختاره عن اقتناع غالبا

لا ..هو شخص كويس
و انا محتاجة شخص معايا فى حياتى
فياللا
جوازة و السلام

أو يمكن بنقتع بالشخص دا عقليا فقط
مش قلبيا
و بيفضل فى القلب مشاعر الحبيب الاول
حتى و ان كان كامن مش ظاهر لان حياتك مالية عليكى وقتك


لكن فعلا لما بيحصل فتور
و مش لاقية حاجة تشغل عليكى وقتك
بترجع مشاعر الحبيب الاول للظهور

لكن فعلا مقتنعة بزوجك دا
و انه فعلا حبيبك
فتقعدى تفكرى ازاى اصالحه
و تفتكرى كل موقف حلو معاه
حتى لو كنتى انتى الغلطانة بتروحى تصالحيه

لانك فعلا بتحبيه و مش بيهون عليكى



لكن لو فعلا اللى بينكم بفاعل التعود
خلاص بتفكرى بطريقة سلبية
هو ليه مش بيصالحنى
دا الاول كان بيعمل مش عارفة ايه لما نتخاصم
و مش عارفة كان بيسوى ايه
و تفضلى فى مقارنة
لحد ما يعلب الاول بفاعل مشاعرك انتى
مش لانه فعلا احسن من زوجك




معلش على الاطالة بس يارب فعلا اكون فهمت قصدك صح
و الاجابة فى محلها





دمتى بود يا جميل

اصحى يا مصر : اسلام ديو said...

مفيش مشاكل اننا نتقبل الماضى نضمة فى صفحات الذكريات زى غيرها
بس الضعف بيجى بالنسبة لنتيجة احباط سلبى
بس حلة سهل وبسيط

تقبلى مرورى
والبوست هايل اخر حاجة

حاجات جوايا said...

ريمان
-------
أهلا يا حبيبى
كلامك جميل يا ريمو
القرار
بس ده يا حبيبتى للنفوس القوية مش للنفوس الضعيفة
وعلى حسب كل نفس
بيكون قوة قرارها

منورانى دايما يا ريووووو

حاجات جوايا said...

ريمان
-------
ههههههههه
ولا يهمك يا جميل
غلطة مطبعية
ههههههههه
منورانى يا جميلة
أموااااااااه

حاجات جوايا said...

Soul whisper
---------------
أهلا يا قمر
أستاذة ورئيسة قسم والله
اكتر تعليق بجد شرح البوست كله
مش قلتلك دماغك عجبانى يا جميلة
ما شاء الله عليكى
فهمتى تمام يا قمر بس البوست مش عنى والله بعد الشر عليا .. ربنا يكملنى بعقلى يا اوختى
هههههههههههههههههههه

نورتينى يا قمر

حاجات جوايا said...

اصحى يا مصر - اسلام ديو
-----------------------
أهلا بك اخى الفاضل
مش مشكلة طبعا اننا نتقبل ماضى الآخر
المشكلة انه يرجع يغزو حياتنا تانى

نورتنى أخى الفاضل

عاشقه الرومانسيه said...

انا بجد باشكرك انك عرفتينى طريق مدونتك الجميله دى
موضوعك جميل
وفعلا كل منا له لحظات ضعف

حنيننا إلى الماضى وإلى من كان يهواه قلبنا هو لحظة ضعف
**************
صدقتى

حاجات جوايا said...

عاشقة الرومانسية
-----------------
أهلا يا جميل
ربنا يخليكى مدونتك انتى الاجمل
نورتينى يا سكر فى اول زيارة
اتمنى تكرارها

رفقة عمر said...

ازيك سالى وحشانى
عارفه انى مقصره معاكى
سامحينى
اعتقد ان الغلط يكون على الدخيل او الاخر الذى يحاول ان يدخل بين اثنين ربنا جمعهم حقده من نجاح من كان حبه فى الماضى هو الذى يجعله يدخل حياه حبه القديم لاستمالته مرة اخرى وللاسف فيه ناس بتتضعف وتنسى ان الحب الجديد لا ذنب له يكفى انه تقبلك وضمد جارحك التى خلفها الحب القديم
ودايما الشر والانسان الذى يخشى فى الله لومه لائم ينتصر لانه بيستخدم كل الاسلحه المشروعه والغير مشروعه

رئـــــيسـة حزب الأحلام said...

الصراحة انا بستغرب اوى
لما يكون واحد متزوج او واحدة متزوجة وسعيدة فى حياتها والاقيها بتخون زوجها بجد حاجة مقززة اوى بدل ماتحمد ربنا على النعم او هو يحمد ربنا باكتشف ان الانسان دة عمره ماهيرضى ودايما بيدور على اكتر طرق لاشباعه واحساسه بذاته
تحياتى لكى

حاجات جوايا said...

رفقة عمر
------------
أهلا يا قمر انتى اللى وحشانى والله
كلامك سليم
وهيفضل موجود طول ما الضعف البشرى موجود والضعفاء موجودين ومستعدين ومستسلمين لاى ريح تحركهم شمال ويمين

نورتينى يا حبيبتى

حاجات جوايا said...

رئيسة حزب الاحلام
----------------
أهلا يا سلوى يا جميلة
عندك حق فعلا شئ مقزز
وفعلا الانسان اللى كدا مش بيدور غير على السعادة اللحظية ايا كان مصدرها
ربنا يهدى

نوررتينى يا قمر

rovy said...

ازيك يا سالى

موضوعك مهم فعلا الماضى بيكون احيانا جرثومه يمكنها ان تتوغل و تقتل حياة جميله مستقره و لكن هذا لا يحدث الا اذا فتحنا له الباب بارادتنا
لذلك يجب ان لا يسمح له بالعوده وصدقينى الموضوع كله مجرد قرار باراده قويه و ايضا على من يتعرض لهذا سواء الزوج او الزوجه ان يتقرب من شريكه و يحاول ان يحتمى بحصن الزواج من
الانزلاق فى هذه الهويه التى تخرب البيت
الحقيقه الموضوع كبير و الكلام فيه كثير لكن المهم هو ان تكون البدايه فى اننا لا يمكننا ابدا ان نخون من وثقوا بنا ما بالك بشريك الحياه |..
اذا احسسنا ببشاعة الخيانه و انحدارالخائن لن نضعف ابدا ان شاءالله و خصوصا فى هذه الناحيه

دمتى بكل الخير
تحياتى

حاجات جوايا said...

rovy
-------
اهلا يا حبيبتى
انا الحمد لله بخير إزيك انتى ؟؟
المشكلة يا حبيبتى ان فيه ناس اضعف من انها تاخد قرار وبستسلم لاى محاولة توغل فى مشاعرها وممكن كمان تكون هى عامل مساعد فى التوغل ده وتقنع نفسها انه لا ضير منها طالما لم تتعدى لحد الخيانة الجسدية
ربنا يهدى المسلمين

نورتينى يا حبيبتى
دمتى بكل الخير والهنا

محمد فارس said...

محمد فارس يقول...
الاخت الغاليه
والاستاذه الفاضله** سالي
اشكرك جدا لزيارتك ومرورك علي المدونه وكنت اتمني ان تجدي ما يسرك
رغم سعادتي بتعليقاتكم وكأن كل تعليق مصباح يضئ المدونه
وان شاء الله قريبا ستجدي موضوع جديد
ان شاء الله
وكل عام وانت وجميع الاخوه والمدونون
بخير وبصحه وسعاده بمناسبة المولد النبوي الشريف
عليه الصلاة والسلام
مع تمنياتي بدوام الصحه والسعاده

07 مارس, 2009 08:02 ص

دعوة للأمل said...

اولا كل سنة و انتى طيبة
و فعلا كلنا بنمر بلحظات الضعف دية
تحياتى لكى و الموضوع جميل

mostafa rayan said...

عن نفسي لووجدت ان هذا الماضي سوف يضر مستقبلي وحاضري ساحاربه بكل قوة
تحياتي لك

حاجات جوايا said...

محمد فارس
------------
أهلا بك اخى الفاضل
كل سنة وحضرتك طيب وبألف خير
أعاد الله عليكم المولد النبوى الشريف بكل الخير والبركة

نورتنى اخى الفاضل

حاجات جوايا said...

دعوة للامل
----------
اهلا يا جميل
وانتى طيبة يارب وبكل الخير
أكيد كلنا فينا لحظات ضعف بس المفروض نبقى اقوى منها ومنسيبهاش تتمكن مننا
نورتينى يا حبيبتى

حاجات جوايا said...

mostafa rayan
----------------
أهلا بك اخى الفاضل
هتحاربه فى اى حال ؟؟؟
لو كان ماضيك أنت ؟
ولا ماضى من تحب ؟
بيتهيألى لو ماضيك سهل تحاربه وتنتصر عليه لو كنت قوى بالقدر الكافى

أما لو كان ماضى من تحب بيتهيألى هتبقى صعبة شوية على كرامتك مش كده برضه ؟؟؟

نورتنى اخى الفاضل

محمد عتلم said...

كل سنه وانتى طيبه

Appy said...

نهايه البدايه
او بدايه النهايه
والله يا سالى انا متلخبط كتير خالص اليومين دول ومش عارف اركز انا كمان بس المهم عندى ان مش حب قديم ولا حاجه لان عندى اللى بينتهى ملوش راجعه معايا خالص حتى لو بموت فيه لما بيرجع تانى مبيكونش له طعم خلاص

aidy said...

موضوع شدنى بجد

أفتكر ان الماضى بيموت بمجرد ما تمر الفترة الزمنية اللى كان حى فيها

يعنى اى قصة فشلت وانتهت وبدأنا حياة جديدة بعدها

المفروض اننا نعتبرها من عداد الاموات
ونحافظ بقدر الامكان على حياتنا الجديدة
عشان متتحولش هى الاخرى لقصة فاشلة تسكن فى الماضى مثلما سبقها

والانسان الواعى هو اللى يعرف مقدار النعم اللى فى ايده ويدخر كل وقت وجهد حتى يحافظ عليها ولا يؤرقها ..

تحياتى ,,

حاجات جوايا said...

محمد عتلم
-----------
أهلا بك اخى الفاضل
كل سنة وانت واهلك واحبائك بكل الخير والصحة وراحة البال
نورتنى اخى الفاضل

حاجات جوايا said...

appy
------
أهلا يا قمر
سلامتك من اللخبطة يا حبيبتى
زى ما قلتلك اعملى استخارة وربنا يقدملك الخير ان شاء الله
المفروض طبعا اللى ينتهى يموت جوانا
بس فيه ناس بقى بتفضل عايشة عالذكرى ومش بتعرف تتأقلم مع الحاضر
ربنا يهدى

نورتينى يا جميلة

حاجات جوايا said...

aidy
-----
أهلا يا جميل
كلامك سليم يا حبيبتى
بس الانسان الواعى بقى
لكن فيه ناس بتحب تجمع الماضى بالحاضر عشان ميفوتهاش حاجة .. وغالبا بيخسروا كل حاجة
طمع بعيد عنك

نورتينى يا قمر

شخـا بيــط مـحـجـوب said...

سلمت يدك
من اراد الحاضر والمستقبل فعلية ان ينسى الماضى
ليكون الحاضر اجمل

تحياتى ليكى

شخابيط mahgoub

حاجات جوايا said...

شخابيط محجوب
------------
أهلا بك اخى الفاضل
تسلم يا فندم
كلامك سليم أكيد
نورتنى اخى الفاضل

!!! عارفة ... مش عارف ليه said...

من الممكن أن أي إنسان يمر باللحظات دي

وتكون بدايتها زي خاطر أو طيف

لكن قبل ما تخرج لأرض الواقع يشرع في تنفيذها

لازم يفكر ميت مرة لان العواقب اكيد هتكون اسوء مما ستحققه له لحظات متعتها وقتية

خالص تحياتي
لموضوعك القيم

وليد

مواطن مصرى نايم said...

http://www.star28.com/java/java3/info6.html

دا لينك الصفحه اللى فيها الكود يا ام دودو
اعملى له كوبى و حطيه
زى اى حاجة عالجنب
زى الساعة و كده
و ابقى غيرى الجمل المكتوبة
و اعملى حفظ و حتلاقيها اشتغلت
ان شاء الله

و انا اللى مقصر فالزيارات بجد
و الله
اعذرينى انى بتأخر عليكى
و كل سنة و انتى طيبة و دودو طيب يا رب

تحياتى

اسلام

مواطن مصرى نايم said...

تكملة الكود الحته اللى مش باينة دى

.html

حاجات جوايا said...

عارفه .. مش عارف ليه
---------------------
أهلا بك اخى الفاضل
كلامك سليم أكيد
المهمالانسان ده يبقى عنده الارادة الكافية والايمان بالنصيب
جزاك الله خيرا يا فندم
نورتنى اخى الفاضل

حاجات جوايا said...

مواطن مصرى نايم
------------------
أهلا بك اخى الفاضل
كل سنة وانت طيب وبالف خير
ألف شكر يا اسلام
نفع الله بك دائما
نورتنى اخى الفاضل

حاجات جوايا said...

مواطن مصرى نايم
----------------
شكرا اي اسلام
الكود وصل اهه وكله تمام
هجربه حالا ان شاء الله
منورنى دايما

طعمية سخنة said...

طبعا عودة الماضي بتخلي صاحب الماضي في مشكلة
حتي لو هو ملوش يد فيها و ظهور الماضي ده مرة تانية
و بتسبب للطرف الاخر الم و حزن

و بالنسبة للدعاء للشيخ محمود امين يا رب

حاجات جوايا said...

طعمية سخنة
-----------
أهلا بك اخى الفاضل
أعتقد ان صاحب الماضى بيكون له دور كبير فى عودة ماضيه وتسلله لحياته
مش هو اللى بيضعف ويفتح الباب
؟؟؟

نورتنى اخى الفاضل

Michelle said...

محمد فارس يقول... الاخت الغاليه والاستاذه الفاضله** سالي اشكرك جدا لزيارتك ومرورك علي المدونه وكنت اتمني ان تجدي ما يسرك رغم سعادتي بتعليقاتكم وكأن كل تعليق مصباح يضئ المدونه وان شاء الله قريبا ستجدي موضوع جديد ان شاء الله وكل عام وانت وجميع الاخوه والمدونون بخير وبصحه وسعاده بمناسبة المولد النبوي الشريف عليه الصلاة والسلام مع تمنياتي بدوام الصحه والسعاده 07 مارس, 2009 08:02 ص

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger