Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Tuesday, February 24, 2009

ما مصير إيميلك بعد موتك ؟

قبل دخولى إلى عالم التدوين .. وأثناء جولة من جولاتى فى المنتديات وجدت موضوع كتبه احد الاعضاء كان نصه كالتالى
ماذا سيكون مصير إيميلك بعد موتك ؟

وقد تعجبت كثيرا من هذا السؤال الذى ظننته غريبا فى بادئ الامر ..فما قيمة هذا الإيميل لكى أفكر فى مصيره بعد موتى .. ما هو إلا صفحة تضم مجموعة رسائل من منتديات أو كروت تهانى من الأهل والصديقات حتى كلمة المرور الخاصة به متاحة للجميع لا أضع عليها حدودا أو أسوار
إلا أننى فوجئت باُناس يفكرون فى مصير هذا الإيميل بعد موتهم ويتنافسون فى طرح أفكار لضمان سرية الإيميل وعدم اختراقه ..فأردت ان أسأل سؤال يؤرقنى
هل تشعر بالخجل إذا اطلع أيا من والديك ..زوجتك/ زوجك ..أبنائك أو أصدقائك على رسائلك
صفحتك الخاصة على النت
حواراتك فى الشات
المواقع التى تتصفحها

هل الحل أن تخفى بيانات إيميلك عن اهلك وأصحابك ومعارفك حتى لا ينكشف أمرك وتسوء سيرتك بعد موتك؟
ترى ماذا تفعل لو كان أيا منهم جالسا بجوارك
أى المواقع ستتصفح ؟
ماذا ستكتب فى حواراتك الشاتية ؟
كيف ستحرر صفحتك على النت ؟ واى الموضوعات ستناقشها ؟ واى الخلفيات المصورة ستضعها ؟

والآن أريدك أن تسأل نفسك .. ماذا تفعل وأنت وحدك ؟
سأتركك أنت لمحاولة الإجابة عليه فأنت وحدك من يعرف إجابته ... ولكن هل أنت وحدك بالفعل ؟

ألا يوجد رقيب على تصرفاتك ؟
ألا تعلم أن الله يراك فى كل وقت وحين ؟
أتتخفى عن عيون الناس وتجاهر الله بالمعاصى ؟
أتتحداه ..؟
أتقول له أنك رغم علمك بوجوده ستعصيه عمدا ؟
ورغم علمك أنه يراك ستفعل ما تريد ؟
لماذا تجعل الله أهون الناظرين إليك ؟
فهل تستغنى عن نعمه عليك ؟
الصحة والأولاد والستر والمال والأهل والأحباء و..و..و.....الخ
ماذا لو كنت وحيدا شريدا فى دنيا لاتعرف فيها شئ ؟
ماذا لو أفقدك ذاكرتك ..ماضيك وحاضرك ؟
ماذا لو أفقدك بصرك .. سمعك .. حركتك ؟
ماذا لو أفقدك أبنائك ..زوجتك .. زوجك ..والديك ؟
ماذا لو أفقدك مالك .. صحتك وقوتك ؟
ماذا لو أفقدك سكنك ومأواك .. جدار يحميك ..وسقف يغطيك؟
هل تجرؤ على الاعتراض ؟
ستشعر فى قرارة نفسك أنك تستحق هذا وربما أكثر لأن ما عند الله لا ينال إلا بطاعته
فهل أطعت الله لتنال ما عنده ؟
هل تستحق ما عنده ؟
لماذا تتعذر دائما ....بأن الله غفور رحيم
لماذا تطمع فى رحمة الله ومغفرته دون أخذ بالأسباب من ناحيتك ؟
لماذا يرحمك الله وأنت تعصية ؟
ألديك واسطة ؟
أتطمع فى شفاعة رسولنا الكريم صلى الله عليه وسلم
لماذا يشفع لك ؟
هل تسير على خطاه وتتبع سنته وتقتدى بأتباعه ؟
بل هل تذكر أن تصلى على النبى صلى الله عليه وسلم ؟


إخوتى الكرام
فلنستغفر الله على كل ما قدمنا وأخرنا ..وما أسررنا وما أعلنا
ولنتوب إلى الله ونصلح أخطائنا ونعاهد الله على عدم العودة إليها مرة أخرى
فالعمر ينساب من بين أيدينا كالماء
وما أكثر الشباب الذين يموتون هذه الأيام فى ريعان شبابهم
والدور قادم
ربما كان باسرع مما تتخيل
وابشع مما تتصور ... فالخواتيم ميراث السوابق
اللهم ارزقنا حسن الخاتمة وارض عنا وادخلنا الجنة وقنا عذاب النار
والحمد لله حمدا كثيرا طيبا مباركا فيه والصلاة والسلام على سيدنا محمد وعلى آله وصحبه وسلم
اترككم فى حفظ الله

50 comments:

اصحى يا مصر : اسلام ديو said...

الحمدلله اول تعليق
وسؤلب جلمد وحلو
انا عن نفسى هكتبه فى الميراث
ولو حصل وان مت فجأة انا كدة كدة عاين الايميل فى الاجندة الخاصة يبقوا يفتحوها ويبلغوا الناس بقى

وعن نفسى الحمدلله كلهم يأما صحفيين يا مدونيين يا فنانين يا نقاد ياكتاب
فمش هتفرق هية الشخصية واحدة

لورنس العرب said...

على فكره
السؤال ده جاء في بالي من فتره طويله
لكن بالطبع لن يفيد الميل بعد الموت
ولكن الحقيقه فائدته الوحيده في اعلام الاصدقاء بأي شيء
ولم يفوتني هذا
عارفه عملت ايه؟
كلمة السر بتاعه الميل والبلوجات بتاعتي مع احد اصدقائي المقربين جدا وهو يعيش في الكويت
أوصيته بإعلام الناس بالوفاه إن حدثت
فربما افوز بترحم احدكم عليا بعد أن أموت
وفي هذا بالطبع مكسب كبير
بالاضافه إلى اعلام اصدقائي بوفاتي
وهذا لأنه يوجد اصدقاء كثيرين لست على اتصال بهم سوى عن طريق الانترنت
ما ان يفتحوا الميل ويجدوا شيئا مني حتى يعرفوا اني على قيد الحياه
وعندما اتـأخر في ارسال ميلات -لأني يوميا ارسل لهم ميلات فيها صور غريبه وحاجات زي كده- اجد منهم رسائل للسؤال عني
لا ادري لماذا فكرت في هذا الامر
لكنه امر خطر على بالي
وعلى الرغم من الأخطاء التي ارتكبها دائما
إلا انني اشعر بقرب الموت مني بدرجه كبيره جدا ولا ادري ما السبب
ربما لكثرة وفاة اصدقاء لي ولله الحمد ادعو لهم يوميا وبالاسم -واحد واحد- ليلا
لا ادري ماذا اقول
ولكن موضوعك هذا كان له تأثير عندي بالفعل

Appy said...

عارفه يا سالى اكتر حاجه بتضايقنى كمان الناس اللى معندهاش ضمير وتبقى صحبتك وفجأه تاخد ميلك وتشترك فى مواقع مش لطيفه
طيب ايه الفايده
انا مش عارفه ليه كل حاجه بنستخدمها غلط
عموما موضوع مصيره ده اذا كنت انا كل اللى بيهمنى مصيرى هفكر فى الايميل هبقى اتبرع بيه
بس الحمد للخ انا بخلى بالى وعارفه ان ربنا رقيب فى الكل

ريمان said...

لا لا لا


انا عادى خالص والله


مش قاقانه بالنسبه لموضوع الاميل ده

حتى اصحابى القريبين منى عارفين الباس وورد بتاعى

مفيش اى مشكله بالنسبه ليا يا سالى

تحياتى ليكى يا قمر

bastokka طهقانة said...

مدونتك هايلة
ما شاء الله عليكي
ربنا يحفظك و يبارك فيكي


خالص دعائي

mohamed ghalia said...

نعم يجب أن نراعى الله فى كل أفعالنا وأقوالنا
دمتى بكل الخير
جزاكى الله خيرااااااا

Tamer Nabil said...

فلنستغفر الله على كل ما قدمنا وأخرنا ..وما أسررنا وما أعلنا
ولنتوب إلى الله ونصلح أخطائنا ونعاهد الله على عدم العودة إليها مرة أخرى
فالعمر ينساب من بين أيدينا كالماء
وما أكثر الشباب الذين يموتون هذه الأيام فى ريعان شبابهم
والدور قادم
ربما كان باسرع مما تتخيل
وابشع مما تتصور ... فالخواتيم ميراث السوابق
اللهم ارزقنا حسن الخاتمة وارض عنا وادخلنا الجنة وقنا عذاب النار
والحمد لله حمدا كثيرا طيبا مباركا فيه والصلاة والسلام على سيدنا محمد وعلى آله وصحبه وسلم
=----

كلامك الاخبر دة جميل ونهاية اكثر من رائعة للسوال عن الاميل وغيرة من ما نملك

ربنا يكرمك

وحمد الله على السلامة

تحياتى

عاشقه وغلبانه said...

انا قريت سؤال هايحصل ايه للميل ده قبل كده
بس كنت مفكره ان قصدهم الناس اللي جواه تعرف ازاي اني توفيت مثلا
وده لوجود ناس كتير كل علاقتي بيهم هو الايميل ده

اما موضوع السريه ده مش في بالي اساسا
اه الباس ورد ماحدش يعرفها بس ده لان ماحدش طلب يعرفها
اللي يسألني عليها اكيد مش هاقول طبعا
هههههههههههههههههههههه

موناليزا said...

هو تعليقى ضاع ولا ايه؟

موناليزا said...

عودة مرة اخرى بعد ضياع التعليق

لم افهم انا ايضا المقصود بالسؤال
فماذا سيفيد الاخرين بالاطلاع على بريدى الشخصى؟
ولكن بعيدا عن هذا فالموضوع مهم حقا
ان نعبد الله كأننا نراه

mahasen saber said...

الله يا سالى على مواضيعك واختيارك ليها

الاهم مصيرنا قدام ربنا وشكلنا هيبقى ايه
ربنا يحسن ختامنا جميعا يا رب

mahasen saber said...

بس تعالى هنا وحشتينى وحشتينى قوى قوى قوى
يا حبيبتى

رسايلك وصلتنى ورديت عليها يا رب يكون وصلك الماسيجس اليى بعتها

وحشتينى يا سالى قوى
وشكرا يا حبيبتى على اهتمامك بيا ووقوفك جنبى فى بوستى الاخير
فعلا الامهات بيحسوا ببعضيهم

ربنا يباركلك فى دودا وميحرمكيش ابدا من من تحبين يا حبيبتى
ولاا يحرم حد من حنانك ورقتك يا سالى

همس الاحباب said...

سؤال مهم
بس المهم مصيرى انا ايه
جنة ولا نار
اما الايميل مش مهم
وهل يضير الشاه سلخها بعد ذبحها
المهم نعمل مايرضى الله
ونهتم بمصيرنا ولا ننسى لقاء الله
تحياتى

الضاحكون said...

اه صحيح
ما مصير اميلى بعد موتى ؟؟؟
ده انا دافع دم قلبى فى الاميل ده
اللى عملى الاميل كان فاكر انه اخترع الذره
وانا كنت فاكر انه اشتتين او بهتوفن
او بيساكو
لكن بعد كده بقت الاميلات لعبتى
وبجد انا بعتز باول اميل
وعلى فكره اولادى برضه عندهم اميلات
لكن كل اميلاتنا والحمد لله تشرف من يفتحها بعدى حتى لو كانت ابنتى

عبده الرايق

د.توكل مسعود said...

السلام عليكم ورحمة الله ...وبعد

فأحييى لغتك العربية.. وموضاعاتك الجادة

هذا الموضوع نستطبع أن نسميه الإحسان "أن تعبدالله كأنك تراه فإن لم تكن تراه فإنه يراك"

رئـــــيسـة حزب الأحلام said...

فعلا الايميل دة هيتعمل فية ايه بس اكيد لو فى خوف من ربنا وبنراقب ربنا فى كل تصرفاتنا اكيد مش هنخاف حد يتطلع على الايميل واحاديث الشات المشكلة اننا لازم نراعى ربنا فى كل تصرفاتنا
وربنا يعينا على طاعته تحياتى لكى

ايوشة said...

استغفر الله اتوب اليه كلامك صحيح احنا بنخاف من البشر ومش خايفين من رب البشر
من يتقى الله يجعل له مخرجا
جزاكى الله خييييييييييرا

شخـا بيــط مـحـجـوب said...

تحياتى ليكى
بجد مدونتك رائعة
دمتى بكل الخير
جزاكى الله خيرا

شخابيط mahgoub

حاجات جوايا said...

اصحى يا مصر : اسلام ديو
-----------------------
أهلا بك اخى الفاضل
منور اول تعليق
ربنا يكرمك
من الجميل اننا نكون واضحين مع نفسنا ومع ربنا ومفيش اسرار فى حياتنا نخجل منها سواء كنا عايشين أو لا .. دى راحة البال الحقيقة
ربنا يبارك فيك
نورتنى اخى الفاضل

حاجات جوايا said...

لورنس العرب
-------------
اهلا بك اخى الفاضل
الحقيقة مش بس حضرتك اللى حاسس بدنو الموت أطال الله عمرك ..أعتقد ان ده احساسنا كلنا ومن زمان
ومش عارفة ده بسبب وفاة الاصدقاء المقربين والمقاربين فى السن ولا بسبب كره الحياة

بالنسبة للايميل فهو كأى من ممتلكاتنا .. ان صلحنا نحن صلح هو وصلحت محتوياته

نورتنى اخى الفاضل

حاجات جوايا said...

appy
-------
أهلا يا قمر
ههههههههه
ايه الناس الغريبة دى كمان
طب ما تشترك بميلها هى
لا حول ولا قوة الا بالله
ربنا يهدى بجد
انا فعلا اللى اقصده الرقابة الداخلية منعملش الغلط ونراقب الله فى افعالنا
ربنا يبارك فيكى يا قمر
نورتينى يا حبيبتى

حاجات جوايا said...

ريمان
----
أهلا يا ريمو
ازيك يا قمر
اصحابك عارفين الباسورد بتاعك
؟؟
امال مديتوهليش ليه بقىىىىىى ؟؟
اشمعنى انا يعنى ؟؟؟؟
هههههههههههههههههههههه
ماشى يا ستى
مش هديكى الباسورد بتاعى
هههههههههههههههه

نورتينى يا سكر

حاجات جوايا said...

طهقانة
---------
اهلا يا جميل
ربنا يخليكى يا حبيبتى يارب
كلك ذوق يا بستوكه
نورتينى يا حبيبتى

حاجات جوايا said...

محمد غاليا
----------
أهلا بك اخى الفاضل
بالضبط كده
ربنا يبارك فيك ويكرمك
نورتنى اخى الفاضل

حاجات جوايا said...

تامر نبيل
----------
اهلا بك اخى الفاضل
ربنا يكرمك يارب
رزقنا الله وإياكم حسن الخاتمة

نورتنى اخى الفاضل

حاجات جوايا said...

عاشقة وغلبانة
-------------
أهلا يا جميل
هههههههههههه
يعنى محدش هيعرف يطلع منك بحاجة
ايه السرية والكتمان ده
ههههههههههههههه

المهم يا حبيبتى اننا نراعى ربنا فى السر والعلن فى كل تصرفاتنا

نورتينى يا جميل

حاجات جوايا said...

موناليزا
-----------
أهلا يا جميل
هو بلوجر عملها معاكى برضه
ههههه
ربنا يهديه

حاجات جوايا said...

موناليزا
---------
أهلا يا جميل مرة تانية

المقصود بالسؤال :::
هل عندنا حاجة خايفين حد يشوفها من ورانا ؟؟؟؟؟؟؟؟؟؟


بالضبط كده لما نعبد الله كاننا نراه مش هنعمل فى السر ما نخجل عن كشفه فى العلن

نورتينى يا سكر

حاجات جوايا said...

mahasen saber
-------------
أهلا يا حبيبى
متحرمش منك أبدا ياااااااارب
ربنا يكرمك
عندك حق المهم شكلنا قدام ربنا
ربنا ييسر لنا طاعته ويحفظنا من شر انفسنا وشر الشيطان

حاجات جوايا said...

mahasen saber
-------------
والله يا سنسن انتى اللى وحشانى بجد وكل ما ادخل ادور عليكى مش بلاقيكى خالص
حتى يوم ما سيبتى تعليقك ده انا مكنتش فاتحة الماسنجر ولما شفت تعليقك فتحته ملقتكيش برضه عااااااا
مش عارفة ليه كده
انتى تيجى انا امشى
انا آجى انتى تمشى

حاجة يعنى فظيعة خالص ههههههههه

وبعدين عيب شكرا على سؤالك دى الاخوات طبيعى يسألوا على بعض .. مش احنا اخوات برضه ولا ايه ؟؟

منورة الدنيا كلها يا سنسن
ربنا يفرحك ببيرو وبنفسك وبالدنيا كلها يارب

حاجات جوايا said...

همس الاحباب
-----------
اهلا بك اخى الفاضل
عندك حق طبعا
بس المشكلة ان فيه ناس مش بتفكر كده
لان ايميلها مليان متفجرات وبيشتركوا فى مواقع مشبوهة مثلا
وميحبوش حد يطلع عليها

أسال الله ان يجعل سرنا أفضل من علانيتنا
نورتنى يا ابو همس

حاجات جوايا said...

الضاحكون
----------
أهلا أهلا مستر عبده الرايق
ايه النور ده كله ؟؟
مين اللى عملك الايميل ؟؟؟؟؟؟؟؟
هههههههههههه
دول قرايب حسن باشا الفراش ولا ايه ؟؟؟
اوعى يكون هو اللى عملهولك
هههههههههههههههه

ربنا يباركلك فى أولادك يارب ويحفظكم ويعينكم على حسن طاعته وعبادته

نورتنى أخى الفاضل

حاجات جوايا said...

د. توكل مسعود
--------------
وعليكم السلام ورحمة الله وبركاته
أهلا بك سيدى الفاضل
جزاك الله كل خيرا
أشكرك لاطرائك يا فندم
بارك الله فيك
تمام يا فندم رأى حضرتك فى محله
إنه حقا الإحسان

نورتنى سيدى الفاضل

حاجات جوايا said...

رئيسة حزب الأحلام
---------------
أهلا يا سلوى
إزيك يا حبيبتى عاملة ايه ؟
تمام هو كده
ربنا يبارك فيكى

نورتينى يا حبيبتى

حاجات جوايا said...

أيوشة
---------
أهلا يا جميل
فعلا احنا فى حاجة اننا نستغفر الله دوما ليتجاوز عن سيئاتنا وهفواتنا وغفلتنا
نورتينى يا حبيبتى
وجزاك الله خيرا

حاجات جوايا said...

شخابيط محجوب
------------
أهلا بك أخى الفاضل
ربنا يكرمك يارب
شكرا يا فندم
جزاك الله خيرا
نورتنى أخى الفاضل

Soul.o0o.Whisper said...

سالى

معلش آسفة على التأخير الاول

ثانيا عندك حق فى كل كلمة قولتيها
و ليه دايما بنعتذر بأن الله غفور رحيم

و ما واخدين بالنا بإنه شديد العقاب



الحمد لله مش بأقلق ان أى حد من العيلة أو قرايبى انه يطلع على أى شئ
بس صراحة أحب يقولى الاول
يعنى مش من نفسه كدا



و تصدقى فكرت فى الموضوع دا
انى اكتب ميلى و الباسوورد عشان لما اموت بفتحوه
بس مش معطياه لحد صراحة
لأنى أحب خصوصياتى جدا
و زى ماقلت لك
ماعنديش مانع يشوفوا كل حاجة
بس الاحتياط واجب
:)






سلام يا جميل

محمد عتلم said...

انا من رأيى ان الميل والنت وكل ماهو متعلق بالقمر الصناعى والفضائيات لازم يكون خطواته محسوبه كويس اوى علشان ممكن فى اى لحظه يتعرف او يتفتح لو حتى عن طريق الصدفه او الغلط وبعدها هتنكشف كل الاسرار وهيتعرف تفاصيل شخصيتك
وفايه جدا ان ربنا مطلع على كل شىء هوا فيه اكتر من كده ؟؟

!!! عارفة ... مش عارف ليه said...

جزاك الله عنا كل خير


خالص تحياتي وتقديري
وليد

محمد فارس said...

الاخت المحترمه والعزيزه سالي
الله ينور عليكي كلنا في احتياج لان ننظر من وقت لاخر في اعمالنا وافعالنا
وان نعود دائما الي الله قبل فوات الاوان
مع خالص تحياتي

سكوت هنصوت said...

من فضلك زر هذا الرابط شكرا

http://www.tahyyes.org/2009/02/blog-post_27.html

دعوة للأمل said...

موصوع جميل و فعلا دة سؤال غريب
تحياتى لكى

حاجات جوايا said...

soul whisper
------------
أهلا يا حبيبتى
الخصوصية طبعا شئ مهم فى حياتنا ولا يختلف عليها اثنان
المقصود من البوست ان نراعى الله اولا واخيرا فى السر والعلن

نورتينى يا قمر

حاجات جوايا said...

محمد عتلم
----------
أهلا بك أخى الفاضل
كفاية طبعا ان ربنا مطلع علينا
المهم ناخد بالنا من كده ومننساش ونتبع خطوات الشيطان

نورتنى أخى الفاضل

حاجات جوايا said...

عارفه ... مش عارف ليه
-----------------------
أهلا بك أخى الفاضل
جزانى الله وإياكم ان شاء الله
ربنا يكرمك
نورتنى أخى الفاضل

حاجات جوايا said...

محمد فارس
---------
أهلا بك أستاذنا الفاضل
ربنا يكرمك يارب
كلامك تمام يا فندم ربنا يقدرنا ويعينا على ذكره وشكره وحسن عبادته ومراقبته فى السر والعلن

نورتنى أخى الفاضل

حاجات جوايا said...

سكوت هنصوت
-------------
أهلا يا فندم
انتظرنى قريبا ان شاء الله
نورتنى يا فندم

حاجات جوايا said...

دعوة للأمل
---------
أهلا أختى الكريمة
الحمد لله فعلا ان السؤال غريب علينا
ربنا يثبتنا على الايمان

نورتينى يا حبيبتى

طعمية سخنة said...

انا عن نفسي مسيفه بالباسوورد و بيدخل اوتوماتيك مع فتح الجهاز
بس هسيبه زي ما هو
و اشفر الجهاز ! lol
علي الاقل لما اموت اصحابي بعد كده هييجي يعزوا فيا !و يقولوا الله يرحمه كان راجل ............ مية مية طبعا
بقولك ايه معندكيش حلقة النهاردة؟

حاجات جوايا said...

طعمية سخنة
------------
أهلا بك أخى الفاضل
هتسيبه زى ما هو وتشفر الجهاز
ههههههههههه
والله ما قصرت

المهم كل حاجة فى حياتنا نقدر نسيبها زى ما هى ونكون مستعدين للموت دائما فى كل لحظة

نورتنى أخى الفاضل

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger