Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Sunday, February 15, 2009

آآآآآآآآآآآآه يا دماغى

تراتاتاتاتارا تيراراتتتتاراا تيراراتتتتتارتاراتيرارريرارارا
ههههههههه متستغربوش .. ده انا بس بدندن بمقدمة " انا قلبى خالى ولا انشغل بك " لليلى مراد ما انا أصلى فى ساعات التجلى تلاقينى اشتغلت دندنة كده مع نفسى .. وانا بنضف الشقة ولا بغسل الاطباق
أحلى حاجة فى الدنيا دى لحظات الصفا والهدوء النفسى ولو انها قليلة جدا ونادرة أوى فى حياتنا .. ويمكن اهميتها جاية من ندرتها .. إيه ده ؟ خدوا بالكم دى نظرية اقتصادية عشان بس تعرفوا إنى مش زى اى حد ولا اى سبت وكلامى كله حكم هههههههههه وعشان تعرفوا سبب الروقان .. تعالوا معايا واسمعوا الحكاية

يحكى فى قدييييييم الزمان ......... لا لا لا مش دى
استنوا استنوا لقيتها أيوووووووه هى دى الحكاية .. صحصحوا معايا
بعد يوم شاق من الأشغال الشاقة المؤبدة الاسبوعية ونظام " اكنسى امسحى سيقى نفضى اكحتى اغسلى نضفى روقى .. اوعى تهلفطى او تتلكعى ولا تتجرمى شهلى لمعى " على رأى بنات المؤسسة فى مسرحية هالة حبيبتى
أصابنى صداع .. شرير .. متآمر .. صهيونى أخدت له سيتال أقراص500 .. انه يسيبنى فى حالى أبدا ابدااااااااا .. خالص خاااااااااالص
وطبعا السيتال العجيب معملش حاجة .. واستمر الصداع فى الدق والهبد طااااااخ طييييييييخ طوووووووخ فى رأس الغلبانة اللى هى انا .. طب أعمله إيه ده عشان يرحل عنى ؟؟ .. أعمله زار وأجيبله شمهورش وحبشتكاناته ولا أخبط راسى فى الحيط ولا اعمل ايه ؟؟؟الرحمة من عندك يااااااااارب
قووووووووووم إيه ؟؟؟؟؟؟؟؟؟
واحدة جارتى بنت حلال قالتلى ان فيه واحد بيعدى كل يوم جمعة بعد الصلاة ومعاه ادمغة سليمة مش بتصدع .. أنا بينى وبينكوا مكدبتش خبر.. وفحصت ومحصت وعملت استبيان بين الجيران أكدولى الخبررررر

قعدت استنى يوم الجمعة .. وإذ فجأتن وأنا واقفة فى المطبخ ألاقى صوت عربية ماشية بتنادى .. " ادمغة سليمة للبيييييييييع .. بيب بيب بييييييييييب " قمت جريت على البلكونة وبصيت .. لقيت عربية نص نقل ملياااانة ادمغة .. بس المشكلة انى فى الدور الرابع ومش هاعرف أنقى كويس .. ولو نزلتله السبت ممكن يخمنى ويدينى دماغ مش مقاسى ولا تكون مصدعة ولا مخبوطة ولا حاجة .. قلت مبدهاش .. كان ابو دودو لسه مارجعش من بعد الصلاة .. رحت آخده دودو ونزلت تحت البيت وتوجهت للعربية ودار بينى وبين البائع هذا الحوار

أنا : إزيك يا حاج .. انا سمعت عنك كل خير .. عايزاك كده تنقيلى دماغ حلوة على مقاسى بس تكون زيرو .. " لا مش صلعة يعنى ههههههههه قصدى تكون لسه بالتيكيت بتاعها "


الحاج : كل ادمغيتنا ميه ميه يا مدام .. شاورى انتى بس على اى دماغ تعجبك وهديكى عليها ضمان 6 شهور

أنا : بجددددددد .. خلاص هاتلى دى بس عرفنى طريقة الاستخدام .. وشاورتله على واحدة كده على يمينى


راح فاكيكهالى من كيسها وقاللى : ودى بتتلبس كده من الرقبة وقعد يشرحلى .. ودى طبعا يا مدام زى ما انتى شايفة فيها تجاويف خالية للعين والانف والفم والأذن .. ده غير انها مش بتغطى الشعر .. يعنى زى الماسك اللى بيغطى البشرة بس


أنا : ودى بتتلبس على طول ولا إيه ؟؟


الحاج : أيوه يا مدام البسيها على طول ما هو زى ما انتى شايفة كل دماغ لها لون بشرة مختلف .. وعلى حسب لون كل واحد بياخد اللون اللى يناسبه .. الأبيض بياخد الأبيض .. والأسمر بياخد الأسمر .. يعنى مش هتبان ده غير إنها مش بتتأثر بالماء ولا بالحرارة وتعمل على تلطيف حرارة الجسم .. والاهم أنها بتمنع وصول القلق والتوتر للعقل وتخلى اللى لابسها فى حالة انسجـــــــام


أنا قلت فى بالى : الراجل ده حافظ ولا فاهم ؟؟؟ معقول الكلام ده ؟؟؟


لقيته بيكمل .. وياريته ما كمل : واعتبريها زى طقم الأسنان

أنا : إيييييييييييه ؟؟؟ طقم الاسنان ؟؟؟؟؟؟ انت شايفنى هاتمة ؟؟؟؟؟؟؟ لا بقولك إيه خلى بالك .. ده انا أقرقشك وانت واقف


الراجل لحق نفسه وقاللى : مقصدكيش يا مدام العفو .. أنا بس قصدى انها سهلة فى التعامل معاها


أنا : خلااااااص .. أدينى هجرب ولو نفعت معايا .. هابقى آخد منك تانى لماما وزوجى .. واعين لإبنى فى جهازه .. مهو الصداع ده مش بيسيب حد


وأدينى أهه بكلمكوا وانا لابسة الدماغ العجيب ومتسلطنة عالآخر وبدندن " انا قلبى خالى ولا انشغل بك " يا سلاااااااااااام .. مفيش
احلى من روقان البال
تحبوا اشتريلكوا المرة الجاية .. ها مين قال هات ؟؟؟؟؟

العرض سارى حتى نفاذ الكمية أو نفاذ الصداع من الكره الأرضية


كانت معكم
سالى هانم المهيسة
من وحى صداع شرير متآمر
--------------------------------------------
سامحونى يا جماعة على التقصير فى حقكم والتأخر فى الرد على تعليقاتكم وزيارة مدوناتكم لإنشغالى فى الفترة اللى فاتت فى كذا حاجة أولها كان عطل الكمبيوتر وقطع النت واكتئابى الشديد لضياع كل ملفاتى الخاصة على الهارد وصور دودو وفيديوهاته من يوم سبوعه لغاية دلوقت وحاجات كتير جدا ضاعت كلها ومش عارفة هينفع ترجع تانى ولا خلااااااااص
وتانيها كان خطوبة أخويا والتحضير لها.. وبعدها مباشرة تعب دودو بدور برد فى المعدة كان مبهدله ومبهدلنا معاه على الآخر بس الحمد لله بقى أحسن .. واخيرا عيد ميلاد دودو حبيبى اللى عملناه الحمد لله يوم الجمعة ويدوب بدأت افوق
كان المفروض أبدا بالرد على التعليقات
بس طلبت معايا انزل البوست ده النهارده
وكنت نزلته قبل كده على مدونة الضاحكون .. ولما كل ملفاتى ضاعت حبيبت أضم لمدونتى كل الشارد والوارد وربنا يستر ويحفظ المدونة يارب
راجعالكم ان شاء الله أرد على تعليقاتكم فى البوست اللى فات واللى قبله
وانتظرونى قريبا جدا فى مدوناتكم إن شاء الله
وحشتوووووووووووووووونى

39 comments:

الميكروباص said...

اهو حاجه
كل سنه ودودو طيب وجميل

ريمان said...

مالها دماغك يا قمرررر


انا حبيت اجى اقول معاكى اه يا دماغى ودماغ ماما كمان عان برضه وجعاها


ها ها ها

على العموم مسامحينك على تاخيرك علينا وعدم متابعتك لمواضيعنا

وكمان يا سيتى كل سنه ودود طيب وزى القمرررررر

عقبال ما نفرح بفرحه يا رب

mohamed ghalia said...

هههههههههههههههههه
ايه حكاية موضوع الدماغ ده
ربنا يعينك
إحنا فى إنتظارك دايما
دمتى بكل الود

موناليزا said...

كل سنة ودودو ومدونتك بخير
وحمدالله على سلامته والف مبروك لاخوكى

محمد فارس said...

اولا السلام عليكم ورحمة الله وبركاته
ثانيا هذه هي الزياره الاولي لمدونتك ولسوء حظي كنت عايز اعلق بكلام كتييييير بس لما لقيت دماغك وجعاكي قلت ياواد قصدي ياشايب قصر في الموضوع وسيبها تتهني بدماغها الجديده شويه
يابختك دماغك بس اللي وجعاكي
اللهم لا حسد
الف مليون سلامه

aidy said...

مدونة بجد جميلة عجبنى البوست الاخير اوى

اناعايزة دماغ لو عندك :))

كل سنة ودودو طيب

ويارب اكون ضيفة خفيفة عليكى

تحياتى

tarek alghnam said...

السلام عليكم
بوست دمه خفيف جدا
سلامه دماغك
والايام دى دماغ المصريين كلها تعباها مش عارف ايه السر
تفبلى تحياتى
واتمنى اعرف رائيك فى مشكله اطفال الشوارع
ياريت تشرفينى بمدونتى ونحلل الاسباب والحلول
ودمتى بود

rovy said...

كل سنه و دودو طيب يارب و انتى كمان
ربنا يحفظه لكى و يجعله لكى و لاباه قرة عين ..
وحشتينا يا سالى
الف سلامه عليكى من الصداع و لو انى انا كمان ما بيفارقنيش الصداع ده .. ربنا يعينا

دمتى بكل ود و خير

تحياتى

dodda said...

1000 سلامه من الصداع
بس موضوع الدمغه ده عجيييييييب
خير اللهم اجعله خير
كان نفسك فى لحمه راس؟؟؟؟

أم أحمد المصرية said...

حبيبتي سالي
وحشتيني جداجداجداجداجداجداجداجدا انا عارفة اني مقصرة جامد بس عارفة بردوا انك لم تنسيني انا بس
اخذت اجازة و طولت لاسباب كتيرة جدا و لغاية الان مش عارفة حرجع للتدوين و لا لا بس انت من مجموعة قريبة مني جدا كان بتوحشني اني اتواصل معها وو اضح اني جيت في وقت مناسب كل سنه و دودو طيب يارب تشوفيه عريس زي القمر
اما فكرة الدماغ دي فكر ة اخر تمام لو بعتي لي واحدة حأقدر ارجع للتدوين انا مش عايزاها بدل دماغي انا عيزاها استبن للطورايء نقي لي حاجة علي ذوقك

حاجات جوايا said...

لورنس العرب
------------
أهلا بك اخى الفاضل
كل سنة وانت طيب وبالف خير
نورتنى

حاجات جوايا said...

ريمان
------
اهلا يا جميل
دماغى هتموتنى يا ريمووووو
مش عارفة الاقيها منين ولا منين و الله
الحمد لله
ألف سلامة عليكى يا ريمو انتى وماما
ربنا يخليكى يا حبيبتى مهو العفو شيم الكرام
كل سنة وانتى طيبة وجميلة وفرحانة ياااااارب
عقبال ما نفرح بيكى يا حبيبتى
نورتينى يا سكررررررر

حاجات جوايا said...

محمد غاليه
---------
اهلا بك اخى الفاضل
ههههههههه
اهه تهييس من نفسى
ههههههههه
ربنا يعينا كلنا يارب
نورتنى

حاجات جوايا said...

موناليزا
---------
أهلا يا جميل
وانتى طيبة يا حبيبتى وبألف خير
الله يسلمك ويبارك فيكى ويرزقك بكل الخير يارب
نورتينى يا جميلة

حاجات جوايا said...

محمد فارس
--------
أهلا بك اخى الفاضل
وعليكم السلام ورحمة الله وبركاته
يا فندم ده من حسن حظى زيارة حضرتك ليا واعتبرنى خلاص فقت وروقت وقول كل اللى عايزه
مين قال ان دماغى بس اللى وجعانى
هههههه
المرة دى لقيت لدماغى قطع غيار المرة الجاية هدور على قطع غيار لقلبى

نورتنى اخى الفاضل واسعدتنى زيارتك

حاجات جوايا said...

أيدى
-----
اهلا يا جميل
ربنا يخليكى ده بس من ذوقك
خلاص اتفقنا لما يعدى الجمعة الجاية ابقى اعمل حسابك فى واحدة ههههههههه
وانتى طيبة يا جميل
انتى نورتينى واسعدتينى بزيارتك

حاجات جوايا said...

طارق الغنام
------------
وعليكم السلام ورحمة الله وبركاته
أهلا بك اخى الفاضل
ميرسى ربنا يخليك ده من ذوقك بس والله
الله يسلمك يا فندم
مهو اللى بيحصل فى مصر مش قليل
رنا يصلح الحال
زرت حضرتك فعلا
جزاك الله كل خير
نورتنى

حاجات جوايا said...

روفى
------
أهلا يا جميل
وانتى طيبة يا حبيبتى وبألف خير ربنا يكرمك فى اولادك يارب
انتى كمان وحشتينى والله
الف سلامة عليكى م الصداع ربنا يشفى كل مريض
نورتينى يا جميلة

حاجات جوايا said...

dodda
-------
أهلا يا جميل
الله يسلمك يا حبيبتى
ههههههه تعمل ايه فى الصداع بقى بيخلى الدماغ تضرب وتهيس ههههههه
نورتينى يا حبيبتى

حاجات جوايا said...

أم أحمد المصرية
---------------
أخيرا القمر ظهر تانى
ايه الغيبة الطوييييييييييييييييييييييييييلة دى انتى زهقتى مننا ولا ايه ؟
وحشتينى جدااااااااا والله
حاولى ترجعى بقى بسررررررعة وان كان عالدماغ هبعتلك العربية كلها بس انتى ارجعى تانى يا قمر
وانتى طيبة يا حبيبتى ربنا يخليكى طول عمرك بتيجى فى وقتك

نورتينى ووحشتينى ومستيااااااكى

Mafrousa said...

هههههههههه
هو وقت تنضيف الشقة او غسيل الاطباق بيبقى روقان
ههههههههههههه
لأ ده انتى صحيح رايقة

ابقى اخبطي دماغك فى الحيط المرة اللى جاية
هههههههههههه

Mafrousa said...

صحيح يا مهيسة
مش النوبة ديه جاتلك و احنا فى الضاحكون
هههههههههههههههههههههههه

عاشقه وغلبانه said...

اولا عجباني مدونتك جدا

ثانيا ليا طلب او ممكن تعتبريه رجاء
ممكن تقوليلي عامله شريط احاديث الرسول اللي فوق ده ازاي
عجباني الفكره اوي ونفسي اعمل واحده زيها بعد اذنك
ياريت لو تساعديني اكون شاكره

تحياتي

Mafrousa said...

ههههههههههههههههههههههههههههههه
كنت عاوزة اكتب يا حبيبتى منورة
قوم الميم اتاكلت مع الساندويتش اللى كان فى ايدي
هههههههههههههههههههههههه

حاجات جوايا said...

واحدة مفروسة
-------------
أهلا يا قمر
آه والله انتى مش مصدقه
ههههههه
ده وقت التنضيف ده بالذات اللى بطلع فيه الشحنة المكبوتة
بطلع غيظى فى الشقة عشان كده بتنضف بضمير
ههههههههههههه

حاجات جوايا said...

واحدة مفروسة
-------------
هههههههههههههه
أيوه يا ستى جاتلى
مهى ساعة تروح وساعة تيجى
هههههههههههههههه

حاجات جوايا said...

عاشقة وغلبانة
---------------
أهلا يا قمر
ربنا يخليكى يا حبيبتى كلك ذوق
بالنسبة للطريقة هنسخلك الكود واجبهولك فى مدونتك دلوقت ان شاء الله
أى خدمة يا قمر
نورتينى والله

حاجات جوايا said...

واحدة مفروسة
------------
هههههههههههه
أيوه قولى كده
ده انا اتقهرت وزعلت على السنة اللى ضاعت هدر
يلا بقى براءة
هههههههههه
انتى اللى منورة والله

قوس قزح said...

كل سنة و انتى طيبة

على فكرة فى برامج بترجع الحاجات اللى ضاعت من على الهارد حتى لو اتفرمت

لكن لو الهارد باظ وديه لحد يفكه و يحاول ياخد الداتا اللى عليه

تحياتى

Soul.o0o.Whisper said...

سااااااااااالىىىىىىىىىىى

بجد انتى دمااااااااااااغ
مصدع
ههههههههههههه


و كان لازم فعلا تتصرفى فى المشكلة دى
شايفة ربنا كبير ازاى
و بعت لك المدد على طول




يارب تفضلى كدا دايما مروقة
و مبسوطة


بس ابئى هاتيلى انا كمان كام واحد
أحسن أنا خلاااااااااص
دماغى هيطير
:)





دمتى بود

حاجات جوايا said...

قوس قزح
-------
أهلا يا حبيبتى
وانتى طيبة يا داليا ربنا يخليكى
والله انا سألت فى الموضوع ده قالولى انها بترجع بس مش زى الاول

نورتينى يا حبيبتى

حاجات جوايا said...

soul . whisper
----------------
أهلا يا جميل
هههههههههههههه
شفتى الصداع بيعمل ايه
الحمد لله ربنا مبينساش حد هههههههه
عنيا ليكى يا قمر
ابعتلك الكمية اللى عايزاها كلها على حسابك طبعا ههههههههه

نورتينى يا سكررر

همس الاحباب said...

لا الف سلامة عليكى
والف سلامة على دودو
ومبروك لاخوكى
تحياتى

حاجات جوايا said...

همس الأحباب
----------
اهلا بك اخى الفاضل
الله يسلمك ويبارك فيك
نورتنى اخى الفاضل

Unknown said...

هو ايه موضوع المخاخ ؟
الايام دى بقى كل كلامنا عن المخاخ
ههههههههههههههههه

حاجات جوايا said...

اصحى يا مصر : اسلام ديو
------------------------
أهلا بك اخى الفاضل
ههههههههه
م اللى بنشوفه فى الدنيا
نورتنى اخى الفاضل

حاجات جوايا said...

أنت تسأل والكمبيوتر يجيب
-----------------------
أهلا بك اخى الفاضل
دعوة كريمة جزاك الله خيرا
نورتنى اخى الفاضل

كلاكيت تانى وتانى said...

ارجو نشر الايفنت لديك على مدونتك او جروبك والدعوة لحضور الحفل بين كل المدونين واصجقائكم على الفيس بوك وذلك لتأييد المدونات المشاركات فالحدث ويشرفنا حضورك
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

حاجات جوايا said...

كلاكيت تانى وتانى
---------------
أهلا يا جميل
ألف مبروك صدور العدد الثالث
بالتوفيق ان شاء الله
نورتينى يا كلاكيت





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger