حاجــــات جوايــا: أصدقاء ....ولكن

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Monday, November 10, 2008

أصدقاء ....ولكن

عايز تبعد ما تبعد .. واجرح قلبى وعنيا
خونى مع واحدة غيرها .. مش أقرب واحدة ليا
سيبها فى جرحى تواسينى .. بلاش تحرمنى منها

أغنية غريبة أوى لآمال ماهر ... بتتكلم عن الخيانة اللى بتكون بين الحبيب والصديقة .. الموضوع طبعا مش جديد .. وبيحصل كتير .. الجديد فى الفكرة .. أنها بدلا من تانيب الحبيب لخيانته لها .. او تانيب الصديقة لعدم مراعاة قدسية الصداقة .. بتلوم الحبيب لخيانته لها مع صديقتها الوحيدة .. وبتعبر عن عدم اكتراثها بفكرة خيانته لها طالما ده طبعه .. لكنها تتالم لأنه اختار صديقتها الوحيدة لتكون غريمتها وسبب شقائها

الكلام النهارده مش عن الحب والخيانة .. الكلام عن الصداقة

لاى مدى الانسان ممكن يثق فى صديقه .. ؟؟

ناس كتير بتنجرح من اصدقائها .. وتتعرض للقيل والقال وإفشاء الأسرار .. ورغم كده مش بيقدروا يقطعوا علاقتهم باصدقائهم .. ويفضلوا متمسكين بيهم رغم الاذى اللى بيسببوهلهم .. والاحقاد الدفينة اللى مش بتظهر إلا وقت احتياجهم لهم
بصراحة انا مش كده خالص .. ومش بعرف اكون كده .. رغم انى بحاول كتير اتغاضى عن التصرفات اللى مش بتعجبنى .. لكن مرة واتنين وخلاص .. وبقطع علاقتى بيهم واتجنبهم
أنا عارفة ان مفيش كمال فى الدنيا .. ومش هلاقى كل اللى عايزاه فى الناس اللى حواليا .. لكن بحاول دايما أدور على حد يتعامل معايا زى ما بعامله

انتوا ايه رايكوا فى الموضوع ده .....عندى كام سؤال كده ياريت تجاوبونى عليها

إيه معنى الصداقة بالنسبة لك ؟
وإلى اى مدى ممكن تثق فى صديقك ؟؟
وإلى اى مدى ممكن تحتمل صديقك ؟؟
ويا ترى شايف نفسك صديق جيد بالنسبة لصديقك ؟؟ ولا مقصر معاه ؟؟
وإيه اللى ممكن يخليك تخون صديقك ؟؟ بصراحـــــــــة

منتظرة الإجابات وماسكة القلم الاحمر أهه عشان أصحح وأدى الدرجات .. كله يبص فى ورقته ومحدش يبص للى جنبه انا بقولكوا اهه

دمتم فى حفظ الله

42 comments:

Empress appy said...: الاجابه بالنسبه ليه هتلاقيها فى بوست اسمه عيد الصداقه الصدوق
قديم شويه بس عاوزه اقولك ان دايما اللى بتجرحنى ممكن تكون صديقه; November 10, 2008 at 1:07 PM
فاتيما said...: سالى يا جميلة
أزيك
وشى فى الأرض منك بس سماح
الموضوع اللى بتقوليه دا حساس قوى عندى
انا يا تبقى ليا صديقة تكون نفسى اللى بكلمها
يا إما ببعد خالص
الخيانة دى بتحصل كتير من أقرب المقربين للأسف
بس بتحصل و كأن الدنيا ضاقت قوى للدرجة دى يعنى ...
مبروك ع النيولولك
تحفة بجد و لايق عليكى مليان تفاؤل كدا; November 10, 2008 at 1:39 PM
الميكروباص said...: ولله هو بالنسبة للأغنيه نفسها فالناس بتكون مسطوله تقريبا وهما بيسمعوا أي حاجه
ما ياما كلام اتقال ومفيش حد واخد باله - هو بس المهم ان الموسيقى شغاله والناس عايشين في الوهم وخلاص
...............
الصداقه الحقيقيه هي اللي موجوده من زمان أو من فترة ثانوي -بالنسبه لي- وانا شخصيا معايا 6 هما تقريبا اللي طلعت بيهم من الدنيا ولا أعتقد ان هلائي زيهم تاني
ولم يحدث أن اختلفنا أبدا - اختلاف في وجهات النظر ماشي- لكن اختلاف لدرجة الشجار صعب جدا انه يحصل
2- الاصدقاء المقربين اثق فيهم ثقه عمياء - وهم كذلك، لم يحدث ان أحد منهم أذاني مرة واحده، وبصراحه ده من نعمة ربنا عليا
3- ولله انا بتحمل غير الاصدقاء، فما بالك بالاصدقاء نفسهم
4- لا يوجد ما يجعلني أخونه ، لأن طالما
ان الطباع متطابقه فمن الصعب اني اخونه،; November 10, 2008 at 2:08 PM
mohamed ghalia said...: قولى يا حكيم الزمان نفسى ألاقى صديق بس مش لاقى حد يفهمنى
بص يابنى الصداقة دى كلمة كبيرة قوى تتلخص فى شخص يفهمك وتفهمه وأكيد فيه عيب بس انت بتصاحبه على عيبه مقابل المزايا التانية
وإذا عرضت لك إلى صحبة الرجال حاجة فاصحب منإذا خدمته صانك وإن صحبته ذانك وإن قعدت بك مؤنة مانك ،اصحب من إذامددت يدك بخيرمدها وإن رأىمنك حسنةعدها وإن رأىسيئة سترها،واصحب من إذاسألته أعطاك وإن سكت إبتداك،وإن نزلت بك نازلة واساك،اصحب من إذا قلت صدق قولك وإن حاولتما أمرا أمرك وإن تنازعتما اَ ثرك،
الصداقة تتحضية وحب وإيثار فيها من المعانى النبيلة الكتير.
إلى اى مدى ممكن تثق فى صديقك ؟؟
إلى ابعد الحدود مستحيل أتكلم معاه أو ادى لنفسى مجال انى مثقش فيه
لى اى مدى ممكن تحتمل صديقك ؟؟
أنا اخترته ووافقت عليه بعيبه يبقى لازم استحمله حالة واحدة بس ممكن اسيبه فيها لو حسيت انه سبب فى بعدى عن ربنا دى مينفعش استحمله فيها بس ده بعد ما ازهق من نصحه
يا ترى شايف نفسك صديق جيد بالنسبة لصديقك ؟؟ ولا مقصر معاه ؟؟
أحيانا ماما وأخواتى بيعيبوى عليا ‘هتمامى الشديد بأصحابى
يه اللى ممكن يخليك تخون صديقك ؟؟ بصراحـــــــــة
الخيانه الحمد لله معرفهاش عندى إيثار لأقصى درجة
تحياتى
يارب أكون نجحت; November 10, 2008 at 2:46 PM
همس الاحباب said...: الف مبروك على النيو لوك
الجديد
وبوست كالعادة اكثر من رائع
ويتحدث عن قضية شائكة ومهمة جدا
الثقةاصبحت شبه منعدمة فى كثير من الاصدقاء
تحياتى; November 10, 2008 at 3:05 PM
Mafrousa said...: بصي يا سالى
الصداقة بمعناها اللى انتى عاوزاه او بتفكري فيه بقت نادرة جدااااا جداااا
دلوقتى الناس كلها بتقول يالله نفسي
بتدور على مصلحتها حتى فى علاقة الصداقة
ممكن تلاقى ناس كويسة تصادقيهم بس حتدوري كتيييير
و تتقرصي كتييير
بس عاوزة نصيحتى
اى علاقة صداقة لازم تكونى حريصة فى الاول جدااااا الى ان يتبين ليكي ان الانسان اللى قدامك اهل لهذه الثقة و يمكن اتخاذه صديق

سلام
ربنا يوفقك فى العثور على الصديقة المناسبة; November 10, 2008 at 5:46 PM
يوميات فنانه مفروسه جداا said...: الاول وحشتيني يا احلي سالي في الدنيا كلها
ثانيا اجاوب علي الاسئله بقي إيه معنى الصداقة بالنسبة لك ؟
وإلى اى مدى ممكن تثق فى صديقك ؟؟
وإلى اى مدى ممكن تحتمل صديقك ؟؟
ويا ترى شايف نفسك صديق جيد بالنسبة لصديقك ؟؟ ولا مقصر معاه ؟؟
وإيه اللى ممكن يخليك تخون صديقك ؟؟
الاجابات بالترتيب
رقم 1
معني الصاقه عندي يا سالي الحياه
يعني اللي من غير صديق او صديقه يشيل عنه همومه ويفرح معاه وقت فرحه مش عايش اساسا
رقم 2
ممكن يا سالي اثق في صديقتي لحد العما الكلي اه والله واللي معايا تستاهل بجد
رقم 3
اتحملها دي صعبه عليا اوي لاني بتطبعي اماصه بس الحمد لله حتي لو رخمت عليها بنرجع لبعض بسرعه
رقم4
وانا يا سالي صديق مش جيد خالص لاني بقصر في حق صحابي بصراحه كتييييير
رقم5
اخووووون لا دي كلمه صعبه اوي الحمد لله انا مش بحب الخيانه ديه خالص

انا تعبت يا سالي بقي
هقوم اريح شويتيين بقي كده الاسئله صعبه اوي
سلامونتو يا قمر; November 10, 2008 at 5:51 PM
د/ رامي شهاب الدين said...: الصداقة إحدى الدعائم إللى بتخلى الإنسان يقدر يكمل فى الحياة .. هو مش برده الصديق وقت الضيق؟ .. الصداقة من أفضل مكاسب الدنيا

لو هو صديقى بجد يبقى هثق فيه زى مابثق فى نفسى

أما المدى إللى هحتمل فيه صديقى فدى بتختلف حسب نوع الخطأ إللى هيرتكبه فى حقى .. لكن فيه أخطاء بتبقى قاتلة بمعنى لايجوز فيها العفو والسماح ويأتى على رأسها الخيانة

المعروف إن الكمال لله وحده .. يعنى مفيش علاقة صداقة بتوصل للمثالية الكاملة ، بمعنى إن أحيانا قد يكون فيه بعض من الهفوات الصغيرة ، لكنها مش هتأثر على العلاقة ، ده لو الطرفين اصدقاء بجد

أما الحالة الوحيد إللى ممكن نخون فيها الصديق فهى إنه يبدأ بالخيانة..وبكل صراحة

دمتى بكل الود على طرح هذا الموضوع الحيوى الهام

تحياتى الغالية; November 11, 2008 at 12:54 PM
كـــيــــــــارا said...: الصداقه بالنسبه ليا

بتتمثل في انا ونورا

انتيمتي وتوامي

بجد هي انا

وهقلب الاسئله في حد بيخون نفسه

في حد بيطرد نفسه منه لو مقدرش يتحملها اهي صديقتي بالنسبه ليا كده

ربنا مايحرمني منها ابدا; November 11, 2008 at 5:09 PM
سمكه واحده said...: اقلك ياسيتي
بجد من اهم العلاقات في الدنيا دي هي علاقه الصداقه بجد علاقه راقيه جدا وجميله وخاصا لما تكون بحب وموده وعدم غدر او خيانه
بس لاسف سعات في ناس بتخون متعرفيش ليه رغم قوه العلاقه
بالنسبالي انا علاقه الصداقه اقوي علاقه ليا يمكن علشان معرفش غيرها ديما بقول اتنين صحاب اقوي بكتير من اتنين واحد واحده تربطهم علاقه حب اللله اعلم بجد يمكن لما اشوف العلاقه دي تفكيري يتغير بس مجربتش غير علاقه الصداقه اللي بجد ربنا ما يحرمني منهم صحابي وحبيبي

كمان عايزه اقلك علي حاجه هتستغربلها اتبسطت اوي في اغنيه امال ماهر انها مهمهاش حبيبها واللي همتها صدقيتها ورجعلها وعبرتش التاني بيني وبينك قلت احسن هو ده الصح ههههههه عدوه الرجل انا هههه
تحياتي لانك فتحتي موضوع له اهميه كبيره عندي وعندنا كلنا
دمتي بخير
سمكه; November 12, 2008 at 1:57 AM
حاجات جوايا said...: appyy
--------
أهلا يا جميل يا مدوخنى
دخلت مدونتك وشوفت موضوعك .. بس تعرفى حسيت انك شبهى فى حاجات كتير خصوصا الخوف من التوغل فى علاقات قوية .. لان المها وجرحها بيكون اقوى
والواحد يا ما شاف

منورانى يا جميلة; November 12, 2008 at 4:14 PM
حاجات جوايا said...: فاتيما
--------
أهلا يا حبيبى
إزيك انتى يا سكر
ربنا يرزقك بالصديقة الصدوقة وينعم عليكى من فضله
الله يبارك فيكى يا جميل ..كلك ذوق والله
ههههههههههههههه
انتى عرفتى منين انى متفائلة ؟؟؟
هههههههههههههههههه

نورتينى يا سكر; November 12, 2008 at 4:19 PM
حاجات جوايا said...: لورنس العرب
-----------
اهلا بك اخى الفاضل
أشد ما يعجبنى صداقة الرجل للرجل
.. لأنها ما شاء الله بتدوم وبتفرق كتير عن صداقة البنات ..اللى مش دايما بتدوم .. والزواج والاطفال بيلهونا عن صديقاتنا وبرضه هما كمان بينشغلوا عننا
ودايما الرجل يقف بجوار صديقه فى الشدائد والمحن .. أما البنت فظروفها بتحكمها وتقيد تحركاتها

ربنا يديم عليك صداقتك بأصدقائك ويجعلهم دائما عند حسن ظنك بهم

نورتنى اخى الفاضل; November 12, 2008 at 4:26 PM
حاجات جوايا said...: mohammed ghalia
----------------
اهلا بك اخى الفاضل

فاصحب منإذا خدمته صانك وإن صحبته ذانك وإن قعدت بك مؤنة مانك ،اصحب من إذامددت يدك بخيرمدها وإن رأىمنك حسنةعدها وإن رأىسيئة سترها،واصحب من إذاسألته أعطاك وإن سكت إبتداك،وإن نزلت بك نازلة واساك،اصحب من إذا قلت صدق قولك وإن حاولتما أمرا أمرك وإن تنازعتما اَ ثرك،

.............
هو فيه حد كده ؟؟؟؟؟؟؟؟؟؟
أمال الندالة ومصلحتى ومصلحتك اللى بنشوفها الأيام دى جاية منين ؟؟؟

يارب كل اصدقائك يبقوا كده ويكونوا عند حسن ظنك بهم اللهم آمين

نورتنى اخى الفاضل; November 12, 2008 at 4:31 PM
حاجات جوايا said...: همس الاحباب
----------
اهلا بك اخى الفاضل
الله يبارك فيك ويكرمك
جزاك الله خيرا
مش كده ؟؟؟ .. انا بقول كده برضه

نورتنى اخى الفاضل; November 12, 2008 at 4:34 PM
واحد من البلد دى said...: انا بعتذر عن التأخير بس و الله اول ما بلاقى فرصة انى اتنفس بدخل على طول
حتى لو مش بقدر اعلق لضيق الوقت
لكن بقرء البوستات الجديدة

تحياتى; November 13, 2008 at 5:56 PM
mahasen saber said...: سالى الجميله اسفه يا حبيبتى غيبت عنك بوست كنت فى حالة هدم وردم وترميم ودهان للمدونه لما اتبهدلت
بس النتايج مبشره وانتى برضه شكلك اعمال الصيانه كانت عندك ولاا انا اليى مبشفش

وحشتينى وحشتينى وهرجع الف فى البلوج بالبسكلته تانى اهه تاخدى معايا لفه; November 14, 2008 at 6:57 PM
mahasen saber said...: اما الصداقه يا جميله فالاسئله الكتيره دى عنها هقولك شئ يا سالى انا بعتقد ان الصداقه شئ فعلا من اساسيات الحياه الروحيه
وان فعلا ممكن تلاقى صديق فى الحياه افضل من اخ ليكى من ابوكى وامك وده بشوفه مع ناس كتير

اما الانسان ميقدرش يحكم على نفسه هل هو كويس كصديق ولاا العكس بس اقيم الامور فى شئ انا لو بحفظ سر صديقى
وبتمناله الخير كما بتمناه لنفسى
وبرشده للخير واحميه من الخطر ولو على رقبتى
اعتقد ساعتها هبقا قعلا صديق كويس
...............
ويا رب كلنا نبقى كده; November 14, 2008 at 7:00 PM
مواطن مصرى نايم said...: إيه معنى الصداقة بالنسبة لك ؟
توافق
حب
خوف
جدعنة
مرح
ثقة
==================
وإلى اى مدى ممكن تثق فى صديقك ؟؟
Infinity
بس هو حد وحيد اللى كده
اعز اصدقائى
انتيمى يعنى
عشان هو حد جدع جدا
==================
وإلى اى مدى ممكن تحتمل صديقك ؟؟
انا عصبى و بتنرفز بسرعة
فممكن تحملى يكون محدود
بس هو بيكون عارف انى عصبى
و بيتجنب انه يثيرنى
بس تحملى فمشاكلة و حزنة و اى شئ يطلبة
Infinity
==================
ويا ترى شايف نفسك صديق جيد بالنسبة لصديقك ؟؟
لا
لانى لو قلت كده ابقى مغرور
مفيش حد مثالى
==================
وإيه اللى ممكن يخليك تخون صديقك ؟؟ بصراحـــــــــة
اخوووون
الكلمة صعبة بجد
بس انا مش خاين بطبعى الحمد لله

على سبيل الهزار يعنى
------
بس ممكن ابيعه مثلا فموقف معين
زى ما بيقولوا
واقفة الراجل ب 100 ست
لكن تيجى الست يغور الراجل
ههههههههههههههههه
هزار طبعا
لأنى مش ممكن ابيعه ابدا
و هو كمان بيكون جنبى فأى وقت بحتاجة فيه

تحياتى

اسلام; November 14, 2008 at 8:44 PM
مواطن مصرى نايم said...: ايه اخبارك يا ام دودو
بتغيبى ليه دلوقتى كتير كده
حمدالله بالسلامة
و مبروك النيو لوك; November 14, 2008 at 8:45 PM
رئـــــيسـة حزب الأحلام said...: الصداقة شئ نادر اوى فى زمننا دة
صعب اننا نلاقى صديق نعتمد عليه ويحافظ على ايرارنا وفعلا الخيانة لما تكون من صديق بتبقى اقسى شئ ممكن يحدث للانسان
وعايزة اقولك حاجة انتى وحشانى اوىىىىىىىىىىىىى بجد
تحياتى لكى; November 17, 2008 at 10:28 PM
SHAPE YOUR LIFE (ABOALI) said...: اشكرك لطرح موضوع الصداقه
اسئلتك تحتاج لبوست كبير
بس عموما فى تشبيه جميل للصديق وانتى هاتعرفى منه انا بقصد ايه

الصديق مثل السنه فى الصلاة والفريضة

تخيلى نفسك لا تؤدى السنه شعورك ايه
هما دول الاصدقاء
تخيلى انتى ماشيه فى الطريق لوحدك
وتخيليه معاكى صديق
كذلك السنه لما تصعد مع الفريضة تقويها وتنميها وترتقى بالنقص فيها

يعنى فى كلام كتير محتاج بوستات
بس اختصارا
فى صناعة اسمها صناعة الصديق

ليا بوست قديم اسمه صناعة الصديق
ممكن يقرب وجهات النظر

تحياتى

ومبروك لمصر فوز الاهلى; November 17, 2008 at 10:55 PM
حاجات جوايا said...: واحدة مفروسة
--------------
اهلا يا جميل
أنا عارفة فعلا انها نادرة جدا عشان كده استغربت من كلمات الاغنية
ربنا يرزقنا جميعا بالصحبة الصالحة اللهم آمين

نورتينى يا جميلة; November 18, 2008 at 6:47 AM
حاجات جوايا said...: يوميات فنانة مفروسة جداااااا
-----------------------------
أهلا يا سكر
انتى اللى وحشتينى أكتر والله وغيابك طال علينا جداااااااااا
بس المهم انك بخير الحمد لله ورجعتى تانى

واضح من غجابتك انك طيبة جداااااا وعفوية جدااااااااا ومخلصة جدااااااا ويارب يارب يحسن ظنك فى صديقتك ويباركلك فيها ويباركلها فيكى

نورتينى يا قمر; November 18, 2008 at 6:51 AM
رفقة عمر said...: سالى كنت كاتبه تعليق والنت فصل زعلانه قوى
المهم انتى كمان وحشانى ومبروك الشكل الجديد للمدونه
وانا زيك بتحمل مرة واتنين وتلاته ويمكن عشره وبعد كدة لما ابعد مش بارجع تانى ابدا
لان خلاص باكون استنفذت كل محاولات البقاء; November 18, 2008 at 7:03 PM
من غير عنـــوان said...: يارب أنجح وأعدي من القلم الأحمر

إيه معنى الصداقة بالنسبة لك ؟
حاجة كبيرة ومهمة

وإلى اى مدى ممكن تثق فى صديقك ؟؟
لغاية الآخر

وإلى اى مدى ممكن تحتمل صديقك ؟؟
برضه للآخــــر

ويا ترى شايف نفسك صديق جيد بالنسبة لصديقك ؟؟ ولا مقصر معاه ؟؟
هو يقول

وإيه اللى ممكن يخليك تخون صديقك ؟؟ بصراحـــــــــة
ولا حاجة مستحيل أخونه

طبعا أنا باتكلم على صديق مقرب عندي منهم تلاته أربعه

صداقات مستمرة من 30 سنه وأكتر; November 18, 2008 at 10:06 PM
حاجات جوايا said...: د. رامى شهاب الدين
---------------------
أهلا بك اخى الفاضل
جزاك الله خيرا على المشاركة
اتمنى ان تجد دائما صديقك وقت ضيقك
وألا تتعرض للخيانة أو الاهانة

نورتنى اخى الفاضل; November 20, 2008 at 5:15 AM
حاجات جوايا said...: كيارا .. أو مولان
------------------
أهلا يا قمر

لا يا حبيبى محدش بيخون نفسه
ربنا يخليهالك ويباركلك فيها ويجعلها عند حسن ظنك بها
اللهم آمين

نورتينى يا جميلة; November 20, 2008 at 5:17 AM
حاجات جوايا said...: سمكه واحدة
----------
اهلا يا قمر
فعلا علاقة الصداقة أقوى من الحب وأدوم فى العموم
لكن لما بتدخل بنت بين صديقين
أو شاب بين صديقتين
الموضوع بيختلف فى معظم الاحيان والانانية وحب الذات بتغلب
أتمنى ان نظرتك للصداقة متتغيرش بتغير الزمن

نورتينى يا سكره
" بس انتى سمكه واحدة بس ليه .. أنا عايزة كيلو سمك لو سمحتى "ههههههههههه; November 20, 2008 at 5:23 AM
حاجات جوايا said...: واحد من البلد دى
----------------
أهلا بك أخى الفاضل
والله لو عالاعتذار .. كلنا هنعتذر لبعض ههههههههههههه
المهم ان حضرتك موجود معانا وبتطل علينا كل ما تفضى

نورتنى أخى الفاضل; November 20, 2008 at 5:25 AM
حاجات جوايا said...: mahasen saber
-------------
أهلا يا حبيبى
حمدالله على سلامتك وسلامة ماما
وحشتينى والحمد لله نورتى من جديد

اه انا برضه كان عندى برضه تشطيبات فى المدونة وادينا شغالين .. يلا خدينى وراكى عالبسكلتة آخد لفه ههههههههه; November 20, 2008 at 5:32 AM
حاجات جوايا said...: mahasen saber
--------------

فعلا كلامك سليم .. بس للاسف ظروف الحياة بتبعدنا عن اصحابنا وتبعدهم عنا .. وميفضلش بينا غير تليفونات فى المناسبات وكل فين وفين

أكيد يا جميل انتى صديق كويس.. الكتاب بيبان من عنوانه

نورتينى يا حبيبتى; November 20, 2008 at 5:35 AM
حاجات جوايا said...: مواطن مصرى نايم
---------------
اهلا بك اخى الفاضل
ههههههههههههههه
انت هتقوللى
عارفاها الجملة دى وحافظاها صم
ربنا يباركلك فى اصدقائك يا اسلام وخصوصا صديقك الانتيم; November 20, 2008 at 5:53 AM
حاجات جوايا said...: مواطن مصرى نايم
---------------
انا الحمد لله بخير اهه
موجودة والله معاكوا كنت بدخل تخاطيف بس بدأت ادخل بانتظام الحمد لله

المشكلة بس فى وقت كتابة الموضوع مش بلاقيه الا نادرا

ربنا يسهل ان شاء الله وارجع بحاجة كويسة

شكرا على سؤالك يا اسلام; November 20, 2008 at 5:57 AM
حاجات جوايا said...: رئيسة حزب الاحلام
-----------------
أهلا يا سلوى يا قمر وحشتينىىىىىىىىىى
عودا احمدا يا جميل

الصداقة بمعناها بتاع زمان بقت فعلا نادرة .. بس فيه صداقة تانية دلوقت زى صداقة النت والمدونات أعتقد انها بتتماشى مع العصر ومش بتفرض قيود على اصحابها .. لكن مشكلتها انها مش بتدوم وممكن تضيع فى لحظة .. ومحدش يعرف ظروف التانى عشان يقدر يقف جنبه

ربنا يوفقك فى صديقة امينة ومخلصة يارب

نورتينى يا قمر .. متغيبيش تانى ماشى ؟; November 20, 2008 at 6:04 AM
حاجات جوايا said...: aboali
-------
اهلا بك اخى الفاضل
جميل ما شبهت به الصداقة
وان كنت اعتقد انها ليست بمثل هذه القوة فى هذا الزمن
قرأت يوما مقولة " الصديق عصا غالبا ما تنكسر اذا حاولت الاتكاء عليها "
واعتقد للاسف انها بها الكثير من الصواب

اما عن صناعة الصديق .. هشوف موضوعك ان شاء الله

نورتنى اخى الفاضل واسعدنى مرورك; November 20, 2008 at 6:09 AM
حاجات جوايا said...: رفقة عمر
----------
أهلا يا جميل
معلش بقى فداكى التعليق انا حاسة بيكى عشان كان بيحصلى الموقف ده كتير .. بس جربى تبقى تعملى ctrl+ z " لو فصل ثانية ورجع هتلاقيه رجعلك اللى كنتى كاتباه .. اما لو اتاخر يبقى العوض على الله

انا فعلا مش بستحمل .. ومتضايقة من كده .. انا عارفة انى مش هلاقى حد كامل .. لكن مش بعرف اتعامل مع حد الا لو كنت صافية من ناحيته عالاقل بنسبة 90% ..مش بعرف انافق ولا اظهر حاجة مش جوايا

نورتينى يا سكر; November 20, 2008 at 6:16 AM
حاجات جوايا said...: من غير عنوان
------------
أهلا بك أخى الفاضل
متقلقش خالص من القلم الاحمر .. صحيح هو غاوى تشطيب .. بس المرة دى مش هيقدر

بارك الله لك فى أصدقائك ورزقك وفائهم

نورتنى أخى الفاضل; November 20, 2008 at 6:23 AM
Unknown said...: سالي

كيفك

يارب تكوني بخير

يا نهار امتحانات

طيب ياستي

إيه معنى الصداقة بالنسبة لك ؟
الصداقه عندي يعني وفاء ايثار وتفضي مطالب صديقي علي مطالبي

وإلى اى مدى ممكن تثق فى صديقك ؟؟
لو كان صديق بجد تبقي الثقه من غير حدود

وإلى اى مدى ممكن تحتمل صديقك ؟؟
برضه لو كان صديق بجد هحتمله لكن عندي حاجتين مبحبهمش ومعرف صحابي عليهم محبش هزار الايد والضرب ومبحبش هزار الشتيمه

ويا ترى شايف نفسك صديق جيد بالنسبة لصديقك ؟؟ ولا مقصر معاه ؟؟
احيان كتير بحس بالتقصير وده نوع من الاحتمال بيننا لكن بندي الاعذار لبعض
وبالنسبه ليا مقدرش احكم ع نفسي

وإيه اللى ممكن يخليك تخون صديقك ؟؟ بصراحـــــــــة

معتقدش ياسالي اني ممكن اخون الغريب عشان اخون صديقي

تحياتي ليكي
وكده براءة

مستنيكي; November 21, 2008 at 8:14 AM
حاجات جوايا said...: bar2ash
--------
أهلا بك اخى الفاضل
أنا الحمد لله بخير
إجاباتك جميلة وفيها ايثار
والجميل والغريب ان معظم اللى جاوبوا على الاسئلة او كلهم بمعنى ادق عندهم ايثار لاصدقائهم وبيحتملوهم وبيثقوا فيهم
اتمنى ان اصدقائكوا يكونوا على قدر ثقتكم بهم

نورتنى اخى الفاضل; November 21, 2008 at 6:58 PM
محمد عتلم said...: اعتقد والله اعلم ان موضوع انك تلاقى صديق موثوق فيه 100% صعب جدا جدا لا فى الجيل ده ولا الجيل اللى جاى ولا حتى فى الجيل ابو زلومه; December 15, 2008 at 4:38 PM
حاجات جوايا said...: محمد عتلم
---------
أهلا بك أخى الكريم

كل شئ جايز فى الدنيا
مين عارف

نورتنى; December 22, 2008 at 4:49 AM