Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Friday, November 7, 2008

حزب الغد اتحرق يا رجالة

وتتوالى سلسلة الحرائق فى مصر


احترق مجلس الشورى
وتلاه حزب الغد
يا ترى الحريق الجاى فيييييييييين ؟؟؟؟؟؟؟؟؟؟؟؟؟؟؟؟؟؟؟



نقلا عن مدونة الوعى المصرى


القاهرة
رويترز + وكالة أنباء الشرق الأوسط

نظم أنصار مصطفى موسى الرئيس المعين لحزب “الغد” المعارض وقفة إحتجاجية قبل ظهر “الخميس” أمام مقر الحزب بشارع قصر النيل بميدان طلعت حرب وسط القاهرة تمهيدا لدخول المقر تنفيذا لحكم قضائى بتسليمه لموسى.

وقالت وكالة انباء الشرق الاوسط الرسمية ان أنصار موسى فوجئوا بعناصر تابعين لأيمن نور - المسجون حاليا - يقذفونهم بالحجارة لمنعهم من دخول المقر.

واكدت الوكالة ان أنصار ايمن نور أشعلوا النيران فى محتويات مقر الحزب، وأحدثوا تلفيات فى السيارات الموجودة اسفر مبني مقر الحزب.

بينما قال عضو قيادي في جناح بحزب الغد مؤيد للزعيم المعارض المسجون أيمن نور ان أعضاء في جناح مناؤي لهم في الحزب أشعلوا النار في مقر الحزب القائم في وسط القاهرة وان النار أتت على محتوياته.

وقال العضو القيادي في الحزب وائل نوارة لرويترز ان حوالي 200 عضو في الجناح الموالي لنور كانوا يعقدون اجتماع الجمعية العمومية للحزب حين هوجموا بالزجاجات الفارغة والحجارة من قبل مناوئين لنور.

وأضاف أن النار اشتعلت في المقر بعد الهجوم الذي قال ان عشرات الاشخاص شاركوا فيه.

وأضاف أن الحاضرين هرعوا الى طابق أعلى في المبني.

وقال شهود من رويترز ان سحب دخان كثيفة ارتفعت فوق مبنى مكون من عدة طوابق يضم مقر الحزب الذي اسسه نور.

وقال شاهد ان النار امتدت الى الطابق الذي يعلو مقر الحزب لكن رجال الاطفاء أخمدوا الحريق بعد حوالي 45 دقيقة من اندلاعه.

واتهمت وكالة انباء الشرق الاوسط قرينة نور الإعلامية جميلة إسماعيل بتريد هتافات مما دفع أنصار أيمن نور الى الاشتباك مع أنصار مصطفى موسى.

وعملت قوات الحماية المدنية بالقاهرة على محاصرة النيران والسيطرة عليها خشية امتدادها الى الشقق التى تعلو مقر الحزب..فيما ألقت قوات الأمن القبض على ثمانية أشخاص من المشاركين فى إضرام النار بمقر الحزب.

وأصيب بعض الأشخاص بحالات اختناق نتيجة التدافع الشديد أمام مقر الحزب وتم نقلهم بسيارات الاسعاف لتلقى الاسعافات اللازمة .

ونجح رجال الحماية المدينة بالقاهرة فى انقاذ 6 أشخاص (اربع سيدات ورجلين ) وانزالهم من مقر الحزب والشقة التى تعلوه بواسطة السلالم الهيدورليكية ..وشرعوا فى عملية تبريد لمحتويات مقر الحزب المحترقة.

وقامت قوات الامن بعمل كردون أمنى حول مقر الحزب حرصا على حماية المواطنين من الحريق .. حيث تمكن رجال الحماية المدنية من السيطرة على الحريق .

ونظم أنصار الحزب مسيرة بميدان طلعت حرب يتقدمهم مصطفى موسى رئيس الحزب ورجب حميدة عضو مجلس الشعب نددوا خلالها بايمن نور.

وسجن نور الذي نافس الرئيس حسني مبارك في انتخابات عام 2005 لمدة خمس سنوات لادانته بتزوير أوراق تأسيس حزب الغد لكن نور يقول ان القضية سياسية وان الهدف منها الخلاص من نشاطه السياسي.

وكان مقر حزب الغد مكتب محاماة خاصا بنور قبل اتخاذه مقرا رئيسيا للحزب.
المصدر : امل الامة

.......................

تساؤلات منطقية فرضت نفسها على الساحة تحتاج إلى إجابة

ما هو سبب وجود موسى مصطفى موسى ورجب هلال حميده قبل الحريق بمقر طلعت حرب؟

ما علاقه حريق حزب الغد بنجاح اوباما في امريكا؟

ما هو سر عدم تدخل الداخليه وعدم تواجد الامن في هذا التوقيت بالذات؟

ما هو مصير الجمعيه العموميه لحزب الغد غدا الجمعه؟

ما هو رد فعل الحزب بعد هذه الكارثه؟

ما هي حاله الدكتور ايمن نور بعد تلقيه هذا الخبر؟

هل ساعد اشخاص داخل جبهه ايمن نور زعيم الغد على حدوث هذه الكارثه؟

من المستفيد الاول والاخير من هذه الكارثه؟




مش قلتلكوا أبو المعاطى السبب .. هو أبو المعاطى مفيش غيره

توضيح بسيط كده على جنب قبل ما امشى

انا مش من انصار حزب الغد ولا حزب الوفد ولا الإخوان ولا الحزب الوطنى ولا اى حزب صغير او كبير

انا مصرية مستقلة حزينة اووووووووى بجد على بلدى م اللى بيجرالها بسبب صراعات مقيتة على السلطة هتضيعها وتضيعنا وتحولها لدولة خربة شكلا ومضمونا

ربنا معاكى ومع اولادك يا مصر

24 comments:

رئيس جمهوريه نفسى said...

واللة موضوع حريق حزب الغد والوفد بالنسبة لية نفرقش كتير لانى الاحزاب المصرية بقيت مش اكتر من دكاكين بقالة لا اكثر او ااقل

حاجات جوايا said...

رئيس جمهورية نفسى
-----------------
أهلا بك اخى الفاضل
المشكلة الحقيقة مش فى اهميتهم .. لكن فى الاسلوب الغريب اللى بقى متبع فى مصر
اسلوب الحرائق
سواء كان مقصود للانتقام زى حريق حزب الغد
او بفعل ماس زى ما بيقوله فى مجلس الشورى والمسرح القومى
مصر بتتحرق ليه ؟؟؟
ومحدش عارف يسيطر عالموضوع ده لييييييييييه ؟؟؟
ده حتى مصنع دوريتوس التابع لشركة شيبسى فى مدينة السادس من اكتوبر اتحرق

ربنا يستر بقى

نورتنى اخى الفاضل

همس الاحباب said...

لا حول ولا قوة الا بالله
مصر بتولع يا رجالة
هنيالك يا حزن يا وطنى
لا بقى وفد ولا غد
وبقيت فى الساحة لوحدك
مع انهم كانوا زى قلتهم بصراحة
اسئلة جامدة بس لو عرفت الاجابة ابعتها على 0900
روح يا ابو المعاطى يا سبب الكوارث
هى فعلا اكيد عين ابو المعاطى
تحياتى

~*§¦§ Appy §¦§*~ said...

يا حبيبى مبدئيا الامن مش هيدخل لان ده احب ما على قلبه بس اشك لسبب ان مديره امن القاهره على بعد كيلو او اقل من المكان فلازم تتدخل
وبعدين معروف ان بتوع الغد بلطجيه انا مش بحبهم وكل واحد بيدور على مصلحتهم وعموما ده حال كل الاحزاب فى مصر

لورنس العرب said...

الآن أيمن نور في السجن- وتم اتهامه في جريمة تزوير، لكن انصاره لا ينتمون إلى حزب الغد، ولكن ينتمون إلى أيمن نور نفسه
ولهذا تجدي يا سالي أن الآن هناك حزبين للغد
واحد له أيمن نور والآخر له موسى مصطفى في موقف من عجائب الدنيا
فالناس عندنا تتعامل مع الصور ولا تتعامل مع الكيان
ولهذا تجدي شباب حزب الغد متفاعلين مع أيمن نور
أما حزب الغد فهو في وادي آخر
أقترح عليهم عمل حزبين
حزب للغد والآخر نسميه حزب أيمن نور عشان الناس لا تصاب بالفصام

المـــفـــــــقــــــــوعـــــة مــرارتـهــا said...

اولا اذيك ياسالي
اخبارك ايه ؟
انا بقيت لما مايبقاش فيه حريقة بقيت احس ان فيه حاجة مش طبيعية في مصر مصر اتغير اسمها من مصر المحروسة الي مصر المحروقة
ونجحت مصر بعد جهد جهيد في استحقاقها هذا اللقب عن جدارة
فيبدو ان حريق قش الأرز السنوي لم يعد يكفينا فأصبح تاريخنا ومصالحنا ومسارحنا تحرق لكي تكمل المنظر الحرائقي المميز
بجد دي بقت ظاهرة والجاني ماس كهربائي
حاطط مصر في دماغه وعاوز يخلص عليها
ربنا يستر علي الباقي

Hosam Yahia حسام يحى said...

احم احم

تبعا لنظريه المؤامره

دى تبع الفكر الجديد بتاع الحزب الوطنى

شعارهم كان بلدنا بتتقدم بينا

الوقتى شعارهم الجديد بلدنا بتولع بينا

:d

bastokka طهقانة said...

((تنهيدة))
لم يبقى الا ان يحرقوا الاهرامات و ابو الهول
حتى تطمس معالم مصر بالكامل


منهم لله

اوروفوار

المستنصر بالله said...

اولا مبروك اللوك الجديد للمدونه
جميله فعلا
اتمنى ان تكون الحرائق دى بدايه النهايه لهذا النظام اتذكرين قبل الانقلاب العسكرى ضد الملكيه فى مصرحدثت حرائق فى مصر ايضا
اتمنى ان يعيد التاريخ نفسه
بس برضه كله بسبب ابو المعاطى

تحياتى لحضرتك

mahasen saber said...

سالى اهم شئ ان الدور الجاى ميبقاش على بيتنا واعتقد قلتلك الكلام ده قبل كده وده دليل يا جميله عن مكتر وغزارة حرايقنا
يا حرايك يا بلدى
بس حزب الغد اليى حرقه جشع اعضاءه ونار شهوة السلطه
فخبطوا فى بعض وعملوا شرار نتج عنه الحريق

وحشتيييييييييينى يا جميله
ونورتى الدنيا كلها تانى والبلوج يا سالى والله
نورتى نورتى نورتى

mahasen saber said...

سالى طبعا اتمنا البوست الجاى ميكنش عن حريقه
يعنى ربنا يمنعها بئه
كفايه ريحة البلد فاحت
والدخان هيسببلنا عمى

ولاا رايك ايه يا جميلة دمياط

rovy said...

السلام عليكم

انا مثبكى اختى الحبيبه لا انتمى لأى حزب و لكنى مصريه حزينه ايضااااا جدااا على ما يجرى فى بلادى ..
واتسأل مثلك لماذا و الى متى ؟؟؟
ربنا يلطف بينا .. و يحفظ بلادنا

وحشتينا يا سالى .. يارب تكونى بخير و ما تغيبيش علينا ..

دمتى بخير فى حفظ الله

تحياتى

حاجات جوايا said...

همس الاحباب
---------
اهلا بك اخى الفاضل
المفروض يغيروا السلام الجمهورى بعد كده .. بلادى بلادى لسيد درويش ... لاغنية ولعت يا ناس لسعد الصعير
ههههههههه
ربنا يستر بجد عاللى جاى
ويكفينا شر عين ابو المعاطى لحد كده
هههههههههه

نورتنى اخى الفاضل

حاجات جوايا said...

appy
------
أهلا يا قمر
المشكلة يا حبيبى ان الموضوع مبقاش اهمال او ماس كهربائى وحادث عارض وخلاص .. دى كمان بقت بلطجة وفتونة وكل واحد ياخد حقه بالدراع
البلد معدش فيها كنترول وبقت فوضى بجد

ربنا يلطف بينا
نورتينى يا جميلة

حاجات جوايا said...

لورنس العرب
-----------
اهلا بك أخى الفاضل
يظهر ان مصر كلها بقت كده
نادى الزمالك برضه كان وما زال فيه نفس المشاكل والانقسامات دى
وبجد مش عارفة انصار ايمن نور بيناصروه ليه
دى لو مصر بتتباع دلوقتى وزعلانين
ايمن نور لو رئيسنا هيبيعنا احنا لامريكا وببلاش

ربنا كريم
نورتنى اخى الفاضل

حاجات جوايا said...

المفقوعة مرارتها
---------------
اهلا يا سحوره وحشتينى
انا الحمد لله بخير إزيك انتى ؟؟
والله منا عارفة آخرتها ايه ؟؟
هيولعوا فينا بعد كده ولا ايه ؟؟
ربنا يستر
نورتينى يا سكر

حاجات جوايا said...

حسام يحيى
---------
ههههههههههه
اهلا يا حسام
عندك حق والله
مصر بتولع بينا .. بإيدينا

نورتنى يا حسام

حاجات جوايا said...

طهقانة
----------
اهلا يا حبيبى
والله يظهر يا طهقانة ان كلنا هنبقى طهقانين وطهقانات
بجد تعبنا
ربنا معانا
نورتينى يا جميلة

حاجات جوايا said...

المستنصر بالله
-----------
أهلا بك اخى الفاضل
ربنا يبارك فى حضرتك .. جزاك الله خيرا
أه فعلا حريق القاهرة 1930
بس تفتكر مصر فى زمننا ده ممكن يحكمها حد كويس ؟؟
أنا مش شايفة اى بوادر مبشرة بالخير الحقيقة
ومفيش حد موجود على الساحة يستحق انه يحكم مصر
مين عارف ممكن يجيلنا ملك من السما ينقذنا م اللى احنا فيه
ربنا كبير

نورتنى اخى الفاضل

حاجات جوايا said...

mahasen saber
-------------
أهلا يا حبيبى
حمدالله على سلامتك وسلامة ماما ربنا يديها الصحة وطول العمر يارب ويفرحها باولاد بيرو اللهم آمين

لالالالالالالا بعد الشر عليكوا وعلى بيتكوا.. متخافيش طول ماانتوا بعيد عن السلطة متقلقيش هههههههه

نورتينى يا سكرة يا وردة منورة
اموووووووووه

حاجات جوايا said...

mahasen saber
-------------
هههههههههههههههههههههههههههههههههههه
مش بإيدى والله
قوليلهم يبطلوا حرايق وانا ابطل اكتب عنها
ووصى الحاج ماس كهربائى عالبلد .. دى زى بلده برضه
أما أبو المعاطى بقى فسيبيهولى وانا افقعله عينه دى

منورة يا سكرة

حاجات جوايا said...

rovy
-----
وعليكم السلام ورحمة الله وبركاته
أهلا يا قمر
كلنا حزانى والله يا روفى
بجد مصر بقت حزينة .. ومش عارفة تحزن على ايه ولا ايه ولا ايه ؟؟؟؟
ربنا يلطف بينا ويرحمنا

نورتينى يا جميلة ووحشتينى وحااااااضر مش هتأخر تانى ان شاء الله

اقصوصه said...

مادري شو سالفة الحرايق عندكم؟

حاجات جوايا said...

أقصوصه
--------
اهلا يا قمر
ههههههه
ولا انا والله عارفة يا بنتى
ربنا يستر عالباقى

منورانى يا جميلة

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger