Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Saturday, October 25, 2008

الحلقة العاشرة " عين .. وصابتـنـــــــا "

الحلقة العاشرة
عين ... وصابتنـــــــــــا
.

يجلس عبده طناش على مكتبه فى مقر عمله يراجع بعض الاوراق ويدخل بعضها إلى جهاز الحاسب الآلى الذى يستقر امامه

صوت طرقات متناغمة على الباب يعقبها دخول صاخب لأحد زملاؤه


أبو المعاطى مهللا : مين ؟ .. عبده بيه ؟ .. عبده باشا ؟؟ حضرة معالى جناب سيادة عبده باشا بنفسه قاعد قدامى ومتواضع على مكتب حقير زى ده !!!؟

عبده طناش فى سره .. يا فتاح يا عليم يا رزاق يا كريم
ثم يلتفت إليه قائلا : اهلا يا ابو المعاطى .. خير ؟؟؟ ايه الهيصه اللى انت عاملها دى ؟

أبو المعاطى يغمز بعينه قائلا : يا راجل اطلع من دول .. انت هتعملهم علىّ .. ده انا حبيبك واخوك وكاتم أسرارك .. مكانش العشم يا عُبد

عبده طناش فى نفاذ صبر : خير يا أبو المعاطى .. حد قالك انى اترقيت ولا خدت مكافأة ولا حاجة ؟؟ ... طب يا سيدى احب اطمنك مفيش حاجة من دى حصلت .. ها .. ارتحت .. اى خدمة تانية ؟؟

أبو المعاطى : خدمة ؟؟ العفو يا باشا ده انا اللى فى الخدمة .. مكافاة إيه يا راجل ولا ترقية انت فاكرنى ساذج ؟؟ .. انت برضه تفكر فى التفاهات دى ؟؟ ما خلاص بقى عديــنا

عبده طناش : يارب صبرنى .. هات من الآخر يا أبو المعاطى وخلصنى .. مش ناقصك .. عايز ايه ؟؟

أبو المعاطى : بلغنا يا سيدى من مصادر موثوق منها انك دخلت عالم البورصة يا معلم .. بجد ضربة معلم بصحيح .. عرفت تختار الطريق الصح وهتلعب بالفلوس لعب زى حيتان البلد .. مين أدك يا عم ده انا عارف من نص رمضان وكل شوية اقول عبده هيقولى .. عبده هيحكيلى .. وانت منفضلى خاالص .. ما كانش العشم يا عُبد

عبده طناش : انت بتقول ايه ؟؟ أقولك ايه واحكيلك ايه ؟؟ هو حصل إيه اصلا .. انا لا اشتريت ولا بعت .. كل اللى عملته انى عملت كود بس .. مفيش غير كده .. انت عامللى حكاية على ايه ؟؟ ما انتاش لاقى حاجة تعملها قلت تيجى تنبرلى شوية ولا ايه ؟؟ وبعدين دى البورصة واقعة فى العالم كله .. وفيه ازمة مالية عالمية .. انت مش متابع ولا ايه ؟؟

أبو المعاطى متظاهرا بالغضب : أنبرلك يا عبده .. بقى ده جزائى ..؟ ده انا جيت لحد عندك أهنيك .. هو انا جاى أشحت منك .. على العموم كتر خيرك .. ويا سيدى متخافش سرك فى بير مش هقول لحد

عبده طناش يشتاط غضبا : سرى فى بير ؟؟؟ انت عايز تستفزنى وخلاص .. صح؟ يللا يا أبو المعاطى روح شوف شغلك وسيبنى فى حالى انا ورايا شغل كتير ... ولسه قدامى مشوار طويل لحد البيت

يعتدل أبو المعاطى فى وقفته ويسير نحو الباب وهو يرمى إليه بالكلام : ماشى يا سيدى براحتك .. بس متزقش .. ما خلاص بقى اللى عِلي عِلي .. هتتعالى علينا وتبصلنا من فوق .. الله يرحم المشاريب اللى كنت بتشربها على حسابى

يخرج ويطرق الباب وهو يغمغم مع نفسه : قال وراه مشوار طويل قال بيوفر سيادته!!.. امشى يا سيدى امشى .. امشيلك شوية زى الغلابة اللى زينا .. بكره يبقى عندك عربية بسواقها تركبها وتدوس علينا .. هو حد بيدخل البورصة دى ويطلع خسران .. ده العالم كله عايش عليها .. بلا ازمة مالية بلا كلام فاضى .. بكره تروق وتحلى ويرجعوا يلعبوا بالملايين والمليارات تانى .. بس لو كان معايا قرشين زيه كان زمانى اتنططت عالبلد بحالها .. بس تقول ايه .. ؟؟ حظووووووظ

فى حين كان عبده طناش يزفر فى ضيق وهو يحدث نفسه قائلا : يا ساتر يارب .. محدش بيسيب حد فى حاله أبدا .. إنسان غريب .. أراهن انه سبب الازمة المالية وهبوط البورصة
ثم يكمل عمله وهو يحاول تناسى الموقف .. وما ان ينتهى حتى يرن الموبايل ليجد المتحدث عايش


عبده طناش : أهلا يا عايش إزيك اخبارك إيه ؟؟

عايش : الحمد لله يا عبده أخبارك انت ايه ؟

عبده طناش : الحمد لله والله .. انت بتتكلم منين ؟

عايش : أنا هنا جنبك قلت أشوفك خلصت ولا لسه عشان اعدى عليك نروح سوا

عبده طناش : آه خلصت الحمد لله كنت بقفل المكتب

عايش : طيب خير الحمد لله.. انزل بقى انا مستنيك تحت اهه

عبده طناش : أوكى .. هامضى انصراف واكون عندك خلال دقايق ان شاء الله .. يللا سلام مؤقت

عايش : سلام

كان عايش يقف بمحاذاة إحدى السيارات التى تتخذ صف اول .. لم يستغرق الامر دقائق ليجد عبده طناش خارجا من باب الشركة التى يعمل بها

عايش : إزيك يا عبده اخبارك ايه ؟ فينك يا عم من زمان ؟؟

عبده طناش : إزيك انت يا عايش .. معلش انا عارف انى مقصر والله بس انت عارف الواحد اتلهى فى حاجات كتير فى رمضان والعيد كل سنة وانت طيب .. بس ايه المفاجاة الحلوة دى ؟؟ اى رياح طيبة اتت بك إلينا ؟؟

عايش : أبدا يا سيدى كنت مقدم ورقى فى شركة جنبك هنا وجيت اشوف اخباره ايه يمكن ربنا يكتبلى فى يوم من الايام ابقى موظف محترم زيك كده ههههههههه .. بس طبعا لا جديد

عبده طناش ضاحكا : هههههههه يادى النهار الغريب .. الناس كلها النهارده عايزه تبقى زيي .. قال يعنى كانت نفعت معايا هههههههه

عايش : ههههههه بجد .. فيه حد تانى النهارده قالك انه عايز يشتغل ويبقى موظف محترم .. زيك كده ؟؟هههههههه

عبده طناش : يااااااااريت .. لا يا سيدى ده واحد معايا فى الشغل .. بس ربنا يحفظنا منه عينه مابتسيبش حد .. إدانى جرعة نبر ونق عالصبح قفلنى طول اليوم

عايش : يا عم حرام عليك .. تلاقيه كان بيهذر معاك بلاش تظلمه .. انت اللى تلاقيك متنشن شوية النهارده ومش مستحمل حد

عبده طناش : أظلمه مين ؟؟؟ .. ده يظلم أى حد يقابله .. فضل ورا المدير بتاعنا لغاية ما الراجل جاتله ازمة قلبية ومات .. ده كمان تخيل قعد ينق عالبقشيش اللى بياخده عامل البوفيه الغلبان .. خلاه يدوب خارج من عندنا راح متزحلق ورجله اتكسرت ومن ساعتها الراجل اتقطع عيشه وقعد فى بيته

عايش : يا عم متبالغش .. دى كلها اقدار

عبده طناش : طب تقول ايه فى حريق مجلس الشورى .. والمسرح القومى .. وانهيار المقطم ؟؟

انفجر عايش ضاحكا وهو يقول : هههههههههههههههههه انت بتهزر أكيد صح ؟.. مش ممكن طبعا يكون هو السبب بطل تهريج بقى

عبده طناش : تهريج مين يا ابنى .. ده احنا كنا مرة قاعدين فى الكافى شوب ولقينا ده فجأة راح قايم وقايل .. والله عمار يا مصر .. يا بلد الهرم وأبو الهول .. مصر دى مفيش حاجة فيها تخرب .. دى بلد الفراعنة .. كل حاجة موجودة فيها هتفضل عايشة لآلاف السنين .. وقعد يدينا أمثلة كان منها مجلس الشعب والمسرح القومى وكذا حاجة تانية بس مش عايز أفسر ليحصلوهم .. مفيش أيام ولقينا المصايب نازله على مصر ورا بعضها

عايش وقد بدأ بالتجهم : يا ساتر يارب .. معقول ؟؟ بجد فيه ناس كده ؟؟ اللهم احفظنا يارب

عبده طناش : والنهارده بس بيقولى انه عرف انى دخلت البورصة من نص رمضان .. وانا بقول ايه اللى جرى فى الدنيا .. وازاى البورصة تقع بالشكل ده فى العالم كله لدرجة ان د.زغلول النجار بيقول ان الازمة دى بداية الانهيار الغربى .. اتارى هو السبب

عايش : لالالالالالالالالا مش ممكن .. الموضوع ده ميتسكتش عليه .. الراجل ده بجد مدمر .. دى مصر هتبقى خرابه على إيده .. مصر إيه ؟ ده العالم كله هيفلس بسببه
.
عبده طناش : عندك حق والله يا عايش .. يللا نبلغ عنه .. ابو المعاطى السبب فى خرابك يا مصر .. أبو المعاطى السبب فى انهيارك يا بورصة

انتظرونا فى الحلقة القادمة إن شاء الله مع عايش وعبده طناش

دمتم بكل الخير

36 comments:

Empress appy said...

وحشتنى حكايات عبده بس والنبى متتاخريش بجد لانى لو كل فتره كده اكيد هنسى اللى قبلها فحرام يعنى وخاصه ان الموضوع حلو اوى

حاجات جوايا said...

appy
-----
أهلا يا قمر
أنا لسه راجعة من عندك حالا
روحت هناك الخروف البمبى قاللى انك هنا جيت الحقك قبل ما تمشى اعمل معاكى واجب الضيافة
ميرسى يا جميل على ذوقك
ربنا يسهل ويفتحها علىّ كده وان الله مش هتأخر

نورتينى يا جميلة
صباحك سكر

أنفاس الصباح said...

الله يجازيك يا سالى
ضحكتينى
بقى طلع ابو المعاطى هو سبب مصايب العالم
وهيبلغوا عنه فين بقة ولا مين
النتربول ولا أمن الدولة
يعنى نهايته جونتنامو
ولا طره؟
طيب ما تيجى نأجره
ينشلنا أولمرت ولا كوناليزا
عين يريحنا منهم
هههههههه
انا فرحانة انك رجعتى وفرحت جدا بزيارتك
يارب دايما بخير وسعادة

همس الاحباب said...

حمدلله على السلامة
وحشتنا حكايات عبده وعايش قوى
بس الحلقة جامدة قوى براحة
ودمها خفيف جدا
الحمد لله ظهر الحق والماس طلع برىء براءة الذئب من دم ابن يعقوب
وطلع السبب ابو المعاطى فى انهيار البورصة العالمية وخراب مصر
الف مبروك يا حاج ماس كهربائى
وفعلا يا ما فى الحبس مظاليم
بس بجد مش شايفة ان عم عبده طناش بقى شرارة كل ما يروح مكان يدمره
والنبى ابعتيه مجلس الوزارء يمكن يكون سره باتع ويجيب اجل الوزراء بتوعنا
تحياتى وتقبلى مرورى

المستنصر بالله said...

ياريت ابو المعاطى دة يروح اسرائيل ويجرب حظه هناك
مش هنحتاج حاجه بعد كدة
جميله فعلا
بس على فكرة الحسد دة فعلا موجود ومافيش حد بيسلم منه
ربنا يستر

تحياتى لحضرتك

mahasen saber said...

بئه كده يا سالى لما ابو المعاطى سبب مصايب العالم امال حكومتنا المبجله سبب فى ايه
.......
ابدعتى يا جميله
وبرضه وحشتينى جدا جدا جدا
.......

ريمان said...

وحشتينى يا سالى

انتى فين يا بنتى

وحشانى بجد

ووحشتنا كمان حكايات عبده طناش

مش عارفه هيفضل مطنش كده لحد امتى

ههههههههه

ابقى طمننى عليكى يا قمر

اقصوصه said...

هههههههههههه

بانتظار الجزء االثاني

كلي شوق للبقيه:)

رفقة عمر said...

جميله قوى ودمها خفيف
واه من الحسد انا بعانى منه
انا من الناس اللى مجرد حد يبصلى اتحسد على طول
اهو كله من ابتلائات الدنيا
الحمدلله على كل حال
وحشتنا حكاياتك سالى

رئـــــيسـة حزب الأحلام said...

ازيك ياقمر وحشانى اوى
وبجد وحشنى حكايات عبده طناش
الف تحية لكى

Unknown said...

يا قمر
كنتى فين وحشتينى ووحشنا حكاياتك
يارب دايما فى تألق وبخير
ونشوفك بأستمرار
ونقرأ قصصك اللمتتعة
لاتغيبى

DR.HAMAS said...

ههههههه

فى انتظار الحلقة 11



جزاكم الله خيرا



د.حماس

كـــيــــــــارا said...

جميله اوي ياريت مش تتاخري في الجزء الجاي

جنّي said...

لو كنت مكانك لأخبرت المخابرات المركزية الامريكية عن ابو المعطي حتى يخلصوا عليه وتنتهي ازمتهم المالية ..

ربط الأحداث العالمية بعبده طناش وعايش ممتاز

شكرا وتحيتي

حاجات جوايا said...

أنفاس الصباح
------------
أهلا يا جميل
شوفتى طلع أبو المعاطى السبب ههههههههه
جاله على فكرة عروض كتير للهجرة من مصريين فى الخارج بس انتى عارفاه بقى مخلص وبيحب مصر اوووووى

منورانى يا سكر
اجمل سلام وتحية

حاجات جوايا said...

همس الاحباب
----------
أهلا يا ابو همس
الماس برئ طبعا امال ايييييه ؟؟؟
هو أبو المعاطى مفيش غيره
آه يا عينى عبده طناش يدوب نوى .. البورصة وقعت هههههه الحمد لله انه مكانش جاب حاجة كان زمانه غرق وضيع تحويشة العمر

منورنى يا أبو همس

حاجات جوايا said...

المستنصر بالله
------------
اهلا أخى الكريم
أبو المعاطى فعلا بقى مكروه فى البلد دى ومصر ناوية تصدره للخارج
بس لسه مش عارفين مين هيرضى ياخده ؟؟
ربنا يحفظنا من الحسد والحاسدين
اللهم آمين

أسعدنى مرورك اخى الفاضل

حاجات جوايا said...

mahasen saber
--------------
اهلا يا حبيبى
هههههههههههههه آه هو ... لالالالالالالا حكومتنا المبجلة .. مبجلة طبعا متعملش الحاجات الوحشة الياى دى خالص
هو أبو المعاطى مفيش غيره ههههههههههه

منورانى يا حبيبى ربنا يطمنى عليكى
سلامى لبودى

حاجات جوايا said...

ريمــــان
---------
ريمو الجميلة عندنا
يا مرحبا يا مرحبا
انتى كمان وحشتينى جداااااااا
منورة يا سكر

Unknown said...

مواضيع جيده تحتاج لتفعيل داخل الجميع هذه ليست مشاعرك ولا احاسيسك لوحدك ...كلنا زيك واكتر ..فركش المشاكل وعيش في الدنيا كويس نصل للآخره ..صح.

حاجات جوايا said...

أقصوصة
------
أهلا يا جميلة
منورانى
ان شاء الله مش هتاخر
دعواتك بس
منتظراكى دايما ان شاء الله

حاجات جوايا said...

رفقة عمر
00000000

اهلا يا جميل
ميرسى يا حبيبتى ربنا يخليكى
ربنا يحفظكم ويحفظنا من الحسد والحاسدين يارب

منورة يا سكر

حاجات جوايا said...

رئيسة حزب الأحلام
000000000000000

اهلا يا سلوى
انتى اللى وحشانى والله
بلوجر كان مضلم من غيرك
متغيبيش تانى
منورة يا سكر

حاجات جوايا said...

نهر الحب
------
أهلا يا جميلة وحشتييييينى
ميرسى يا سكر على سؤالك عنى فى غيابى
ويارب دايما قصصى تكون ممتعة بالنسبة لك

منورانى يا سكر

حاجات جوايا said...

dr.hamas
---------
أهلا يا فندم
جزاك الله خيرا
وانا فى انتظار متابعتك دائما
نورتنى اخى الفاضل

حاجات جوايا said...

كيارا
------
اهلا يا جميلة
ميرسى يا حبيبتى
تابعينى وان شاء الله مش هتاخر
نورتينى يا سكره

حاجات جوايا said...

جنى
---
أهلا بك أخى الفاضل
ههههههههههه خلاص هعتمد على حضرتك فى الموضوع ده
جزاك الله كل خير
نورتنى وشرفنى مرورك

حاجات جوايا said...

فركشاوى ناوى
-------------
أهلا يا فندم
جزاك الله خيرا

.....
فركش المشاكل وعيش في الدنيا كويس نصل للآخره
.......
صح يا فندم .. المهم نفركش المشاكل بس منفركش حاجة تانية .. صح ؟؟

نورتنى اخى الكريم

doaa said...

أنا أول مرة أدخل عندك
بجد الحكاية لذيذة جدا
وطلع أبو المعاطي هو سبب كل المصايب ؟؟
تحياتي ليك

حاجات جوايا said...

doaa
-----
أهلا يا جميلة
ميرسى يا سكر على ذوقك ربنا يخليكى
ىه يا ستى هوه .. شوفتى بقى ؟؟ لقينا الجانى خلاص

نورتينى يا قمر

Unknown said...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

حاجات جوايا said...

نهر الحب
~~~~~~
اهلا يا قمر
ربنا يتقبل منكم ويقدركم على عمل الخير اللهم آمين
أنا للأسف مش هقدر آجى .. البركة فيكو بقى يا جميل
والمدونة مدونتك تعملى اعلان تنشرى خبر
براحتك خالص

نورتينى يا سكر

mostafa rayan said...

في انظار الباقي
تحياتي لك ودمت بخير

حاجات جوايا said...

mostafa rayan
--------------
أهلا يا فندم
ربنا يسهل ان شاء الله
أشكرك
شرفتنى بمرورك

رئيس جمهوريه نفسى said...

ممكن استلفة منك اخده مشوار لقصر العروبة يمكن يكون سرة باتع ويعمل اللى مقدرش يعملة الزمن
عموما هو الحسد حقيقة موكدة لا يمكن انكارها وفى ناس بيتقال عليهم نجمهم خفيف ااقل كلمة تاثر فيهم
ربنا يجعلنا من القانعين وليس الحاسدين

حاجات جوايا said...

رئيس جمهورية نفسى
------------------
أهلا بك أخى الفاضل

ممكن طبعا أسلفهولك بس على ضمانتك الشخصية أنا ولا أعرفه هههههههه

ربنا يحفظك ويحفظنا من شر الحاسدين

نورتنى أخى الفاضل





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger