Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Thursday, June 19, 2008

فرررررح فى دمياط ... إحنا اللى نقلنا المصنع

تحديــــــــــث
************
نزلت النهارده راس البر .. وبجد كنت ماشية فرحانة جداااااااااااااا فرحة محستهاش من زماااااااان لا فى عيد ولا فى اى مناسبة تانية
الشارع الرئيسى كله مزين بالأنوار من اول البوابة ولغااااااية اللسان


وانتشرت الكثير من البوابات التى تحمل لافتات تهنئة لدمياط وشعبها وشكر للسيد المحافظ على وقفته الجريئة مع شعب دمياط وللسيد رئيس الجمهورية على الوفاء بعهده مع الدمايطة


وعند مسجد الرحمة " الجامع الكبير الموجود فى السوق "تم رص عشرات البالونات الكبيررررررررررة المكتوب عليها عبارات الفرحة والشكر والتهانى لدمياط وأبناءها ووقف احد الشباب بدى جى علا صوته على أصوات المارة الذين تخلصوا من حالة السخط والغضب ضد انشاء مصنع أجريوم وانتابتهم حالة من الرضا والمصالحة الوطنية والشعور بالآدميه ............... وبالأمان



مهما اتكلمت مش هعرف أعبر
والصور أبلغ من اى كلااااااااااااام
وأدينى نزلتها أهه زى ما وعدتكوا
يارب تعجبكووووووووا

=*=*=*=*=*=*=*=*=*=**=*=*=*=*=*=**=*=*=*=*=*=*=*=


أخيراااااااااااااا وبعد كابوس طويل عشنا فيه أكثر من نصف عام .. أصدر السيد الرئيس محمد حسنى مبارك قراره بعدم انشاء المصنع فى دمياط ونقله منها
هتقولولى وهيروح فين ؟؟
هقولكوا لسه مش عارفه والله بس اول ما هعرف هقولكوا على طووووووووووول



أما عن دمياط فقد خلعت ثوب الحداد ولبست ثوب العرس
أضاءت دمياط كلها بالأنوار على طول كورنيش النيل
وتجمع المواطنون يشاركون بعضهم البعض الفرحة والسرور

وانطلقت السيارات مدندنة بأبواقها أحلى سينفونيات الفرح
وعلا صوت الدى جى مدويا فى سماء دمياط بكل أغانى الفرح والسعادة
وجاءت فرقة محفوظ للزفة الدمياطى لتعزف احلى مقطوعاتها

وانتشرت الدباديب الكبيررررررررررررة وداعبها الهواء لتتراقص على الألحان وعلى الاغانى الدمياطية التى جاءت من وحى اللحظة ومن وحى الفرحة



بجد الفرحة لا توصف
وزى ما شاركتكوا فى أحزاننا
حبيت برضه أشارككوا فى أفراحنا
ويارب يكمل فرحتنا على خير
الف مليووووووووووووووون مبرووووووووووووك لدمياط وأهلها وولادها ومحبيها



وكل الشكر للسيد الرئيس / محمد حسنى مبارك على استجابته لنداء اهالى دمياط
وللسيد المحافظ الدكتور / محمد فتحى البرادعى لمساندته لأبناء دمياط
ولكل أبناء دمياط الشرفاء الذين ناهضوا المشروع الضار بأبناء دمياط


على فكرة الصور الجميلة دى بعدسة أختى ... سحــــــــر فوزى
لكم منى ومنها كل التحية والإحترام

دمتم بكل الخير


106 comments:

حنين.. said...

. الف الف مليووووووووووووووووووووووووووووووون مبررررررررررررررررررررررررررررررررررررررررررررررررررررررررررررروك. وعقبال حاجات جوانا وجواكى كتيررررررررررر اوى

حاجات جوايا said...

حنين
---
الله يبارك فيكى يا قمر
ربنا يسمع منك ان شاء الله
نورتيييييينى

صباح الخير يا مصر said...

حاجات جوايا
***********
احسن حاجه فى الموضوع انه طاقت نور وشئ ايجابى لصوره من صور انتصار الاراده الشعبيه عندما تتكاتف و تفاعل الحكومه مع هذه الاراده ...منتهى الايجابيه و التكاتف من اهالى دمياط...اجبر الحكومه لمراجعة موقفها
شكرا لاهالى دمياط

و تقبلى تحياتى يافندم

حاجات جوايا said...

صباح الخير يا مصر
---------------

أهلا بك أخى الفاضل
الحمد لله والشكر لله
كابوس كنا لا نصدق أننا سنفيق منه
لكن ربنا كبير
الحمد لله
شكرا لحضرتك يا فندم
نورتنى

فاتيما said...

مبروك يا ستى
عقبال المحافظة الجديدة لما يعملوا زيكم
و ربنا ينصرهم برضو

حاجات جوايا said...

فاتيما
-------
الله يبارك فيكِ يا قمر
ربنا يستررررررررر
لغاية دلوقت مفيش خبر خالص
ومش عارفة مصيره هيكون فين
أتمنى يكون فى بلاد الواق الواق
نورتينى يا قمر

ريمان said...

هيييييييييييه هيييييييييه

الف الف مبرووووووووك لينا يا قمر

الف مبروك لكل دمياط

زغروطه يا بناااااااااااااااات

لولولولولولىىىىىىىىىىىى

تحيا دمياط

واحنا اللى نقلنا المصنع

واحنا اللى نقلنا الكوبرى

كان نفسى يا سالى انا وانتى وبطه ننزل نحتفل مع بعض

حاجات جوايا said...

ريمان
-----

أهلا يا قمرررررر
الحمد لله أخيراااااااا
هههههههههههههههه
احنا اللى نقلنا الكوبرى والمصنع
والله يا بنتى كان نفسى بجد نتقابل
فرحة ما بعدها فرحة
يارب دايما
نورتينىىىىىىى

نوسه وريمان فى هاكونا مطاطا said...

اه

ههههههههههههههههه

حبيت اعلق بمدونه هاكونا مطاطا

مالهاش نفس يعنى تشارك فرحتى

ونزغرط كمان

لولولولولىىىىىىىىىى

يلا يا واد واحد حاجه ساقعه وصلحووووووووووو لاحلى دمايطه

ههههههههههههههه

تحياتى يا سالى

ريمان

حاجات جوايا said...

حسام وريمان فى هاكونا مطاطا (قبل ما نخش أرض العزة )
----------------------------
ههههههههههههههههه
اهلا يا قمر
أنا عارفة
لازم تشارك طبعا
الدنيا كلها بتشاركنا النهارده الفرحة
ربنا يديمها يارب
نورتينى من هاكونا مطاطا يا ريمان

بنت الاسلام said...

ساااااااااااالي

مبرووووووووووووك لينا ولكل مصر بجد

فرحة لا تووووووووصف ابداااااااااا


ونقلنا الكوبرررررررري

ونقلنا المصنع


وهننقل اي حاجة تضرنا وتأذينا وتأذي ولادنا


مبروووووووووك لينا احنا الدماااااااايطة

ونفسي اوزع شربات علي الدنيا كلها

بما فيهم كنداااااااااا


مبرووووووووووووووووووووووووووووك


مليووووووووووووووووون مبروووووووووووك

بنت الاسلام said...

سالي اسمحيلي اخد من عندك الصور انشرها علي المدونة

ماشي

قلت استاذنك

وعارفة انك موافقة

دمايطة ولاد بلد واحدة يعني

تحياتي بقي

حاجات جوايا said...

بنت الإسلام
----------

أهلا يا قمر
الحمد لله والشكر لله
مبروك لينا كلنا
ومتنسيش تدى شربات للمدير التنفيذى
ههههههههههههههههههههههه
نورتينى يا قمرررررررر

حاجات جوايا said...

بنت الإسلام
----------

أهلا يا قمر طبعا موافقة
تحبى امضيلك ؟
طالما دمياطية
تقدرى تنقلى أى حاجة
نقلنا الكوبرى والمصنع
مش هنعرف ننقل شوية صور
ههههههههههههههه

أوصلهوملك لغاية عندك يا قمر
نورتينى

arsenalwy said...

مبروك ياست سالى

بس للاسف شالوه من عندكوا وهيقرفونا احنا بيه فى السخنة

بس بجد موقف اهل دمياط خير دليل على ان الشعب يقدر يعمل اى حاجة

إبن مصر said...

ده اول كومنت عندك وكويس انه مرتبط بالفرحه
شوفتى بقا وشى حلو ازاى عليكوا
تقبلى فائق احترامى وأرجوا الا اكون ضيفا ثقيلا عليكى فيما بعد لأن ان شاءالله مش هتكون الزياره الأخيره
والف مبروووووووووووك ليكى ولكل اهل دمياط الجميله

WAMA Global Store said...

slamo 3lekom

أنفاس الصباح said...

الحمد لله حمدا كثيرا طيبا مباركا فيه
الحمد لله ملئ السموات والارض
الحمد لله كما ينبغى لجلال وجهه وعظيم سلطانه
يارب يبشرك بكل خير يا سالى
انت اول انسان يبلغنى هذا الخبر
واسأل الله العلى القدير
ان يتم علينا نعمته
ويديم على الدمايطة وحدتهم وايجابيتهم ورجولتهم
الف مبروك يا سالى لنا كلنا
احنا اليوم نستطيع ان نقول لاولادنا
واحفادنا اننا دافعنا عن حقهم ولم نقصر
دمتى رسول البهجة والبشائر

حاجات جوايا said...

arsenalwy

الله يبارك فيك أخى الفاضل
بس الخبر ده اكيد ولا بتتوقع
والعين السخنة دى منطقة صناعية ولا سكنية ؟؟؟
إلى الآن لم أسمع اى اخبار عن مكان ذهابه
ربنا يسترررر
إذا الشعب يوما اراد الحياة . لابد ان يستجيب القدر
ويد الله مع الجماعة

نورتنى

حاجات جوايا said...

son of eygpt
-------------

الله يبارك فيك اخى الفاضل
أكيد طبعا وشك حلو
وان شاء الله تنورنى دايماااااااااااا
ومتقلقش كل ضيوفى خفاف وصحاب بيت ومعنديش حد تقيل خالص " أصل بينى وبينك حاطة ميزان ورا التفاحة .. الخفيف يدخل والتقيل لأ.. وطالما دخلت تبقى خفيف اكيد هههههههههههههه

نورتنى

حاجات جوايا said...

ahmed a.aziz
---------------
أهلا بك اخى الفاضل
وعليكم السلام ورحمة الله وبركاته
نورتنى

حاجات جوايا said...

إيمان العزب
----------
أهلا يا قمر
الحمد لله الحمد لله
أخيرااااااا الكابوس ده اتشال من قلوبنا بقرار جمهورى
مبروك لكِ ولى ولكل الدمايطة
ربنا يتمم فرحتنا بخير
انا عارفة انك كنتِ زعلانة عشان كده جريت عليكِ أبشرك اول ما عرفت
ربنا يجمعنا دايما فى الفرح
نورتينى يا حبيبتى

همس الاحباب said...

الف مليون مبروووووووووك
لدمياط وشعبها
ومليون مبروك عليكم الفرحة
وفعلا عملوها الرجالة عملوها الوحووووش
تحياتى وتقديرى

الميكروباص said...

ولله الناس أخدوا موقف وكان موقف جامد
ولم يفعله أحد قبلهم في محافظات مصر بالكامل
لكن الغريب واللي مش طبيعي ان الذي اخذ رشوه لكي يقام المصنع لم يستطيع أن يقيمه بالعافيه في دمياط
ايه الحكايه؟
لو دمياط مفيهاش حد بياخد رشوه من المسئولين يبقى أكيد المسئولين فيها من خارج حدود مصر
اصل بصراحه غريبه ان شركه بهذا الحجم تفشل في اقامة مصنع لها وفي بلدنا
لأن من المعروف ان أي حد بيمشي أموره بالفلوس
!!!!!!!!!!!!!!!!!!!!!!!!

حاجات جوايا said...

همس الاحباب
---------
الله يبارك فيك اخى الفاضل
الحمد لله والشكر لله
ربنا يتمم الفرحة على خير
وميضرش حد تانى
اللهم آمين
نورتنى أخى الفاضل

حاجات جوايا said...

لورنس العرب
-----------
أهلا بك اخى الفاضل
لغاية اول امبارح بس كان فيه مظاهرات جامدة ولافتات سودا مرفوعه فى كل مكان
الحمد لله ربنا كبير
والحمد لله ان الشرفاء عندنا اكثر من الفاسدين
وعرفوا يرجعولنا أرضنا من احتلال اجريوم
ربنا ميرضاش بالظلم
الحمد لله
نورتنى اخى الفاضل

Anonymous said...

الف مليون مبروك لينا كلنا ياشعب دمياط الحبيب
انتى ديما تيجى ومعاكى الاخبار الحلوة ويارب ديماا

موناليزا said...

ياه اخيرا
الحمد لله والف مبروووووووك

كوارث said...

الف الف مبروك
انا مش مصدق اللي بقراه ده والله
بس يعني لازم شكر رئيس الجمهورية ؟
سبحان الله
الف مبروك ويا رب ميعملهوش في طنطا !

محمد مارو said...

الف الف الف مبرووووووووووووك

و لو فضلنا كده ايجابيين هنغير كتير و الله

طالبه الفردوس said...

الف مبروووووووووووووووك علينا ياسالى

وعقبال بقيت الحاجات اللى محتاجه تتنقل فى مصر كلها

حاجات كتيييييييييير

سلامى ليكى وانا سعيده انى عرفت انك دمياطيه
سلااااام

حاجات جوايا said...

anonymous
----------
الله يبارك فيك يا فندم
ولو انى مش عارفه مين
بس قلبى كده رايح ناحية راس البر
مش عارفة بقى
على العموم الف شكر والف مليون مبروك علينا كلنا وعلى كل دمياط واهلها وترابها وسماها وأرضها
نورتنى

حاجات جوايا said...

موناليزا
--------
أخيرا الحمد لله
الله يبارك فيكِ يا قمر
نورتينى

ياسر said...

الف مبروك الف الف
مبروك لدمياط ولاهلها ولكل محبيها
ودمياط بالنسبة لنا احنا شباب الغربية
والمحلة معروفة بعروسة الدلتا ولازم كل
سنة بنزورها مرتين تلاتة بالنسبة لاجمل مصايف
فيها سواء راس البر او الجربي وكمان شهرتها العالمية
لما تصنعة من الاثاث والموبيليا ذات الاناقة والفن والزوق الرفيع
تحياتي

tarek alghnam said...

والله تستحقوا الف تحية
لو كل شعب وقف ضد اى قرار ضد بلدة متلكم لكنا الان من الدول النتقدمة
تقبلى تحياتى لكى ولشعب دمياط
ودمتم بحفظ الله

حاجات جوايا said...

كوارث
-----
الله يبارك فيك اخى الفاضل
الحمد لله والشكر لله أولا واخيرا
لا ان شاء الله خير
نورتنى

حاجات جوايا said...

محمد مارو
--------
ألف مبروك لينا ولك ولكل أهالى دمياط
يارب دايما متجمعين فى الفرح
ألف مليون مبروك لحضرتك اسلام مسيحى على يدك
ربنا يثبته ويجعله فى ميزان حسناتك
نورتنى

حاجات جوايا said...

طالبة الفردوس
-------------
ألف مبروووووووووك يا قمر
عارفة احلى حاجة فى الموضوع ده انها عرفتنى انك دمياطية
هههههههههههههههههههه
نورتينى يا حبيبتى

حاجات جوايا said...

ياسر
------
الله يبارك فيك اخى الفاضل
دمياط بتنور بيك وبكل اهالى الدلتا ومصر كلها
ربنا يكرمك
نورتنى

حاجات جوايا said...

طارق الغنام
-----------
ربنا يكرمك يا فندم ويبارك فيك
تقبل خالص تحيتى
وفييييييييين التاج ؟؟؟
نورتنى

المنسى said...

ألف مليون مبروووووووووك
مبروك لكل اهالى دمياط
مبروك لكل مصر
ويارب يارب الشعب المصرى كله يتعلم من المحلة ودمياط
يكون إزاااااااى مثل يحتذى به
تحياتى

حاجات جوايا said...

المنسى
-----

الله يبارك فيك اخى الفاضل
الحمد لله
كله بفضل الله
وبفضل دعائكوا
ربنا يكرمك
ويارب كله حاجة وحشة فى مصر تتغير

نورتنى اخى الفاضل

أم أحمد المصرية said...
This comment has been removed by the author.
أم أحمد المصرية said...

حبيبتي سالي
لقد دخلت للمدونة لأهنئك بنقل المصنع دون ان اعرف انك كتبتت تدوينة عن ذلك الف الف مبروك بشري خير يرحل عنا كل من و ما يضايقنا
تحيه كبيرة جدا جدا لكل الدمايطة

عذرا علي مسح الرسالة السابقة لحدوث خطأ في الكتابة

rovy said...

الف مبروووووك يا سالى
و مبرووووك لكل اهل دمياط
حقيقى كنتم مثال للشعب المتحضر والمتحد والمتمسك بحقه
ما شاء الله عليكم ربنا يحميكم
تحياتى ليكى و لكل الدمايطه الجدعان .
خالص تقديرى واطيب امنياتى
تحياتى
rovy

حاجات جوايا said...

أم احمد المصرية
-------------

الله يبارك فيكِ يا حبيبتى
يارب ميحرمنيش منك ومن سؤالك عليا
ربنا يبعد عنا وعن المسلمين كل سوء
اللهم آمين
ولا يهمك يا قمر المدونة مدونتك
نورتينى يا حبيبتى

حاجات جوايا said...

rovy
-----
الله يبارك فيكِ اختى الحبيبة
ربنا يكرمك
الحمد لله ما ضاع حق وراءه مطالب
نورتينى يا قمر

Hosam Yahia حسام يحيى said...

مبروك بقولها وانا فرحان


بس انا شايف ان الموضوع بجد خد اكبر من حجمه

يعنى انتوا كنتوا هتعرفوا تعملوا حاجه من الحاجات دى لولا ان فيه ناس كبار كانوا هيضروا فى الموضوع بتاع المصنه مالكى شاليهات راس البر

ده راييى يمكن يبقا غلط

بس مبرووووووووووووووووووووووك برده

(:

حاجات جوايا said...

حسام يحى hosam yehia
--------------------
الله يبارك فيك اخى الفاضل
بس أنا عايزة أوضح حاجة
مالكى شاليهات راس البر معظمهم دمايطة ومن حقهم يحافظوا على بلدهم وعلى صحتهم وصحة اولادهم
ده غير الدمايطة نفسهم واللى حتى معندهومش شاليهات فى راس البر ولا حتى بيروحوها إلا فى الصيف كام يوم وخلاص فبرضه هيتضروا لان حسب ما سمعنا ان التلوث اللى بينتجه المصنع بيمتد لدمياط وراس البر ودمياط الجديده وبورسعيد وكل الاماكن اللى داخل نطاق الخمسين كيلو متر
ده غير ان راس البر بالنسبة لكل الدمايطة هى المكان اللى بنروحه لما نحب نخرج مجرد خروجة عادية فى الصيف او فى الشتاء
يبقى طبعا لازم كلنا نقف مع بعض ايد واحدة لان كلنا هنتضر مش بس اصحاب الشاليهات

ده مجرد توضيح
ربنا يبارك فيك ويكرمك
نورتنى اخى الفاضل

Empress appy said...

مليوا الف وخمسميه ومليار مبروك علشان البلد دى اللى انا بحبها يعنى راس البر يعنى انتم يعنى بحبها قوى وفرحت لها قوى

صحفية روشة said...

الف مبروك يا سالى ان رنب ارفع عنكم النقمة اللى اسمها اجريوم دى
بس انا سمعت انهم هيعملوه فى بورسعيد
ربنا يستر عليهم
__________________________________
ميفوتكش البوست الجديد (الفرح اسلامى نص ونص)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

Unknown said...

تحيتي
ممكن تقبلي دعوتي لمدونتي
يارب تيجي وتسيبي تعليق وميكونش حضور كده وكده ومعدتش أشوفك تاني ياريت تبقى المدونتين أصداقاء ده لو ممكن اطول الشرف ده
لو جيتي هكون مبسوووووووط جدا
تحيتي مدونتي هنا
http://kanyatklam.blogspot.com/

حاجات جوايا said...

appy

هههههههههههههه
اهلا يا قمر الله يبارك فيكِ
كله بفضل الله وبفضل دعواتكوا
الحمد للــــــــــــــــــــه
بس قوليلى
المليون الف وخمسميه ومليار دول يطلعوا كااااام ؟؟؟
ههههههههههههههههههه

نورتينى يا حبيبتى
وهستناكى ان شاء الله فى رأس البر

حاجات جوايا said...

صحفية روشة
-----------

الله يبارك فيكِ يا قمر
الحمد لله
ربنا يستررررررررررررر
لما كان عندنا كان هيضر بورسعيد لانها فى مهبط هبوب الرياح والابخرة الصادرة منه
ولو راح بورسعيد احنا برضه هنتضر مش بس هما
ربنا يستر بجد

نورتينى حبيبتى

Esraa Hamed said...

مبروووووووووووووووووووووووووووووووووك عليكي يا قمر
و مبرووووووووووووك لكوووول الدمايطة

انا لما سمعت موضوع المصنع ده زمان اتضايقت جدااا و بجد فرحت جدااااااااااا لما قريت كلامك و شفت الصور اللي بجد بتعبر عن طيبة المصرييين بجد فرحتهم بتبقي تجنن

حاجات جوايا said...

كاتب مصرى
----------
اهلا بك اخى الفاضل
انتظرنى قريبا ان شاء الله
أسعدتنى بمرورك

حاجات جوايا said...

essraa hamed
------------

الله يبارك فيكِ يا قمررررررررررر
متحرمش منك
الحمد للـــــــــــه
وشك حلو عالمدونة يا قمر
اتمنى تنورينى دايماااااااا

رئـــــيسـة حزب الأحلام said...

الف مبروك لدمياط
الف مبروك للشعب المصرى
الف مبروك لنا كلنا
تحياتى لكى

دعاء مواجهات said...

الف الف مليون مبرووووك

انا قرأت عن الموضوع طبعا ف الجرايد

بس خدى بالك هما آة نقلووة بس ف الآاااخر

قالوا انة اصلا ماكانش مخالف ولا علية اى مشااكل ولا ..... انتى عارفة بقى

يعنى نقلة اودام السكووت..

تحياتى لييكى...

ارجو دوام التوااصل

بيس

حاجات جوايا said...

رئيسة حزب الاحلام
----------------
الله يبارك فيكِ يا قمر
مبروك لينا كلنا
نورتينى يا حبيبتى
مقولتليش " الغنوة عجبتك "؟؟

حاجات جوايا said...

دعاء مواجهات
------------
الله يبارك فيكِ يا قمر
يقولوا اللى عايزينه
المهم انه اتنقل
سكوت بقى
بسكوت
ميهمنااااااااااااااش
الحمد للـــــه
نورتينى يا حبيبتى واتمنى دوام التواصل

mregypt7 said...

الصور جميله
بس باين عليكى بتحبى الريس اوى
ربنا يخليهولك ويطولك فى عمره
قولى امين بس الاول
البوست جميل
تحياتى
الباش مهندس بوحميد

حاجات جوايا said...

الباش مهندس بو حميد
------------------
هههههههههههههههههه
أهلا أهلا
ومين بس مش بيحب الريس فى البلد دى
ههههههههههههههه
تعيش دمياط حرة مستقلة
ماشى يا باش مهندس بوحميد
نورتنى

حاجات جوايا said...
This comment has been removed by the author.
الميكروباص said...

الحمد لله ان الشرفاء كتير
ولكن بالموقف ده اعتقد ان المصنع لن يقام على أرض مصر
وده لأن المحافظات كلها هتعمل زي دمياط وده شيء كويس طبعا

اول مرة حاجه ايجابيه تحصل من فتره
وأول مرة يتم تنفيذ طلب للناس بالصوره دي

أم أحمد المصرية said...

حبيبتي سالي
لك واجب عندي في انتظار حضورك لأستلامه و حله و انت عارفة الواجب علينا حق:)))

تامر حسين said...

الف مبروك ويارب يتحقق حاجات كتير جوانا نفسنا نعملها فرح بردو
تحياتي

اهو ده عيبه said...

مبروك عليكم الفرحه والنصر ولو انها متاخرة شوية
بس ادعيلنا احنا كمان لحسن عايزين يجيبوا المصنع عندنا
ربنا يستر

الف مبروك لكل الدمايطة

محمد فاروق الشاذلى said...

أولاً ألف مليون مبروك للدمايطة تحقيق مطلبهم
ثانياً: أعتقد إن اللى حصل فى دمياط ده درس كبير قوى لكل المصريين إن هما أصحاب البلد الحقيقين وإن اللى هما عايزينه بس هو اللى لازم يحصل
عقبال كل طوائف الشعب المصرى لما تطالب بحقها وتتمسك بمطالبها وتنجح فى تحقيقها.

حاجات جوايا said...

لورنس العرب
-----------
الحمد لله
اكيد كل مصر هتعمل كده
محافظات مصر كلها من شرقها لغربها كانت متعاطفة معانا وساندتنا ضد اجريوم
وأكيد لو راح اى مكان تانى كلنا هنساندهم برضه
المشكلة بقى ان أجريوم هانم بتهدد انها تسحب مشروعها وتمشى
والمشكلة الاكبر ان مصر هتتحايل عليها تقعد
والله بقى اللى عايزها يشتريلها بلد كاملة كده من بابها تبوظ فيها براحتها
" درأ المفاسد اولى من جلب المنافع "

ربنا يرحمنا
نورتنى اخى الفاضل

حاجات جوايا said...

أم احمد المصرية
-------------

يا اغلى اسم فى الوجود
متحرمش منك يا قمر
هحلله حاضر من عنيا يا جميل
بس المهم تدينى نجمة وهلال وممتازة ومع جزيل الشكر

ها قولتى ايه ؟؟؟

نورتينى يا قمر

حاجات جوايا said...

تامر حسين
--------

الله يبارك فيك أخى الفاضل
يااااااارب يتقبل منك .. تعبنا كتير وزعلنا كتير ودور الفرح جه
ربنا يجعل كل حياة المسلمين أفراح

نورتنى أخى الفاضل

أختكم فى الله said...

الفــــــــــــــــــــ

مبروك يا جميل ومبروك لمصر كلها

ربنا يكرمك يا حبيبتى مدونتك زى العسل وكلامك جميل جدا

انا اتشرفت بزيارتها والله

(:

حاجات جوايا said...

أهو ده عيبه
------------

الله يبارك فيكِ يا داليا يا قمر
أنا سمعت من زمان فعلا ان بورسعيد بتستعد لرفض اجريوم وان فيه مشاكل حصلت عندكوا وقلبتوا فى اللى فات وطالبتوا بإزالة المصانع الضارة بالبيئة واللى موجودة أصلا عندكوا زى برسيل ومصنعين كمان تقريبا

بس مسمعتش تصريحات لسه ان اجريوم فى نيتها الذهاب لبورسعيد
انا سمعت عن جمصه بس
ومش عارفة بقى
على كلٍ طول ما الشعب متحد ورافض مفيش حاجة هتتعمل غصب عنه

وربنا يستررررررررررررر

نورتينى يا قمر

حاجات جوايا said...

قلب مصرى
---------
الله يبارك فيك اخى الفاضل
فعلا البلد دى بلدنا ومن حقنا نعيش فيها براحتنا ومش من حق حد يلجم ارادتنا وحريتنا

نورتنى أخى الفاضل

حاجات جوايا said...

أختكم فى الله
-----------

الله يبارك فيكِ اختى الحبيبة
ربنا يخليكى ده بس من ذوقك
انا اللى اتشرفت بزيارتك يا قمر
هستناكى تانى ان شاء الله

نورتينى حبيبتى

Maha Shahen said...

الف الف مبروك للدمايطه واي فرحه في قلب مصر هى فرحه لكل مصر
ربنا يديم افراحنا يا رب

أحمد بكر said...

مصر فيها اماكن جميله
بس ناسها اجمل

أحلام عمرنا said...

اول مره اعلق عندك النهارده
سوري كنت فاكرك حد تاني
رغم انك دخلتي عندي اكثر من مره
اكرر اسفي ليكي
بالنسبه لموضوعك جميل والف مبروك ليكي والعزاء عندنا في السويس
طبعا انتي عارفه السبب انه اتنقل عندنا
للأسف معندناش روح الجماعة اللي تعمل زي ما اهل دمياط عمل ربنا يستر علينا

بنت الاسلام said...

سالي صور راس البر تحفة بجد

ربنا يكرمك

مجهودك طيب

ويحيا الشعب الدمياطي حرا بدون تلويث

يحيا يحيا

هموووووووت واشوف دودي تاني

حاجات جوايا said...

nour shahen
~~~~~~~~~~~
الله يبارك فيكى يا قمر
ويارب يكتر افراحنا وافراح المسلمين
نورتينى يا قمر

حاجات جوايا said...

baker
~~~~~
فعلا عندك حق
شعب مصر طيب وعطوف وكريم
وعلى راى المثل
جنة من غير ناس .. ما تنداس

نورتنى اخى الفاضل

حاجات جوايا said...

أحلام عمرنا
~~~~~~~~~~~~
الله يبارك فيك اخى الفاضل
بس مين قال ان المصنع اتنقل عندكوا ؟؟؟؟؟؟؟؟
المصنع لسه متنقلش ولسه عندنا بكل أسف
والمفروض كان فيه جلسة النهارده 25/6 لتحديد مصيره ومش عارفة توصلوا لإيه ؟؟؟؟؟؟؟؟
ربنا يستر علينا وعليكوا وعلى المسلمين

بالنسبة للزيارة اعتقد ان حضرتك شرفتنى قبل كده وعلقت على حكايات عايش وعبده طناش تقريبا لانى ضايفاك عندى بس واضح انك نسيت التفاحة ههههههههه

على كل حال حضرتك شرفتنى ونورتنى ومنتظراك دايما ان شاء الله

حاجات جوايا said...

بنت الإسلام
~~~~~~~~~
أهلا يا بطوط يا قمر
بجد الصور عجبتك
الحمد للـــه
استغليت كاميرا موبايل سحر اختى وصورتهم ههههههههههههههههه
دودو بيسلم عليكى يا قمر وبيبوسك ونفسه يشوفك تانى وتالت ورابع
وبيقولى دى متتنسيش
هههههههههههههههههه

نورتينى يا حبيبتى

حاجات جوايا said...

desert cat
~~~~~~~~~~~~~
أهلا يا حنان
شكرا على التنويه يا جميل
نورتينى

Unknown said...

عزيزتي سالي


الف مبروك ليكي ولشعب دمياط

انا بجد فرحان مش عشان اللي حصل
لكن فرحان جدا عشان لقيتك فرحانه فرحه جديده

وده في حد ذاته حاجه جميله


مليون مبروك تاني

وربنا يوفقك

عاشــــــ النقاب ـقــــة"نونو" said...

مبرووووووووووووووووووووك
الف مبرووووووووك

المستنصر بالله said...

مبروووووووووك
فرحت علشانكم جدا

حاجات جوايا said...

ba2ash
~~~~~~~~
الله يبارك فيك اخى الفاضل
بس ادعيلى ربنا يتمم الفرحة على خير
لان شكلها كده هتقلب بغم وهعمل جنازة التدوينة الجاية عشان مماطلة اجريوم ورغبتهم فى الانتقال لميناء دميـــــــــــــــــاط
ربنا يسترررررررررررررررررررررر

نورتنى أخى الفاضل

حاجات جوايا said...

نونو
~~~~~
الله يبارك فيكِ يا قمر
دعواتك بس ربنا يكملها على خيرررررررر

نورتينى حبيبتى

حاجات جوايا said...

المستنصر بالله
~~~~~~~~~~~
الله يبارك فيك اخى الفاضل
دعواتك ربنا يكملها على خيرررررررررررررررررر

نورتنى أخى الفاضل

Unknown said...

لقد أثبت شعب دمياط أن إراده الشعب قادره على التغلب على اراده أكبر الرئوس إذا تصرفنا وفق تنسيق وترتيب بلا عشوائيه

Dr. Ibrahim said...

وهى دى إرادة الشعب لما يحب أنه يعمل حاجة

د/هيما

مجداوية said...

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن باذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460




http://la3lahakhier-2.blogspot.com/






والف مبروووووووووووك

Unknown said...

مبورك فعلا ارداة الشعب هى اللى عملت كدة انتم ممتازين بجد صناعه وشغل وكمان ارادة بالتوفيق انا باجى على فكرة دمياط كتير وراس البر
احتمال نتقابل بس يارب تعرفينى هحط لافتة مكتوب عليها اوتار
نهر الحب

واحــ الفكر و القلم ــة said...

egyboy
~~~~~~~~~
أهلا بك أخى الفاضل
ربنا يكملها على خير ان شاء الله
دعواتك

نورتنى أخى الفاضل

واحــ الفكر و القلم ــة said...

د. هيما
~~~~~~~~
اهلا بك اخى الفاضل
صدقت .. الشعب قوة كامنة لكنها للاسف غير مفعلة .. ولا تظهر إلا وقت الازمات

نورتنى أخى الفاضل

واحــ الفكر و القلم ــة said...

مجداوية
~~~~~~~
أهلا بكِ اختى الفاضلة
الله يبارك فيكِ ويكرمك يارب
سبحان الله كنت لسه بفكر فى موضوع إفادة الآخرين كل فى مجال تخصصه .. وما اوحى لى بالفكرة زيارتى لمدونة د. هيما ومشاهده تصميمه لصور وبانرات إسلامية وتخص الحملة لغتى .. هويتى

بإذن الله سأبذل كل جهدى للمشاركة
والله الموفق

نورتينى اختى الفاضلة وسعيدة بأولى زياراتك

واحــ الفكر و القلم ــة said...

love river
-----------
أهلا بك أختى الكريمة
الله يبارك فيكِ ويكرمك
انتِ طبعا تنورى دمياط وراس البر فى اى وقت .. واتمنى أشوفك ان شاء الله

على فكرة دخلت مدونتك مش بتفتح وقاللى اتبعت رابط خطأ .. ياريت تشوفى فيها ايه؟؟

نورتينى أختى الجميلة

رفقة عمر said...

سالى حبيبتى اخبارك ايه يارب تكونى بخير

الف مبروك ويارب دايما فرحانين ومنتصرين

حاجات جوايا said...

رفقة عمر
~~~~~~~~
الله يبارك فيكِ يا حبيبتى
أنا الحمد لله بخير
متحرمش من سؤالك
أخبارك انتى ايه يا قمر ؟؟
نورتينىىىىىىىىىى

Empress appy said...

انتى بتغيظينى والله اجيلك قريب ان شاء الله لان راس البر وحشتنى

حاجات جوايا said...

appyyyyy
~~~~~~~~~
هههههههههههههههه
شوفتى عمالة أغيظك أهه عشان تيجى بقى
يلا مستنياكى يا قمر
نورتيــــــــنى

اسلام الحضرى said...

مليون مليون مبروك لشعب دمياط على موقفه البطولى وفعلا كان نفسنا فى انتصار لارادة الشعب من زمان

مبروك تانى لشعب دمياط واهالى راس البر

حاجات جوايا said...

اسلام الحضرى
~~~~~~~~~~
الله يبارك فيك اخى الفاضل ويكرمك يارب
ادعيلنا ربنا يتمم الفرحة على خير ومنرجعش لنقطة الصفر من الأول

نورتنى اخى الفاضل

Anonymous said...

العود أحمد يا ابن بطوطة …. جبتلى ايه معاك ..؟ أيوه كده خلينا نيجى نتفسح شويه هنا .. الخنقة والزحمة مقولكش عليها .. انت بنفسك قلت : ” وإذا بضوضاء الشارع يذّكرني بضوضاء القاهرة حين نزلت في فندق يطل على النيل ” قرأت نصف الادراج .. ولاحظت حرف “تاء ” سقط سهوا على صورة الصالة الجديدة بمطار بكين الدولى فأنت تقول : الصالة الجديدة بمطار بكين الدولي “أنجز “خلال عامين ونصف استعدادا لاستقبال المشاركين في الألعاب الأولمبية .. وأعتقد أنها ” أنجزت”.. لى عودة فى المساء اليك أكمل معك ما بدأت .. مودتى وتقديرى .





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger