Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Monday, June 2, 2008

الحلقة السابعة " عايش يمر بأزمة عاطفية "



(الحلقة (7

عايش يمر بأزمة عاطفية

يجلس عايش وحيدا فى غرفته .. ووالدته بالخارج تتأسف على حاله

صوت طرقات تفتح على إثرها والدة عايش الباب ليدخل عبده طناش محييا بتحية الإسلام

عبده طناش : السلام عليكم يا حاجة .. إزاى صحتك ؟

الحاجة : أهلا يا عبده يا ابنى .. الحمد لله بخير اتفضل يا ابنى البيت بيتك

يدخل عبده طناش وهو يهمس : ربنا يكرمك يا حاجة
ثم يرتفع صوته قليلا : أخبار عايش إيه .. عديت عليه فى المحل قالولى أنه تعبان شوية ومنزلش فجيت أطمن عليه

الحاجة : تسلم يا ابنى ده العشم برضه ما انتوا اخوات وأصحاب طول عمركوا
ثم تستطرد : الحقيقة عايش مقريف شوية ومتضايق عشان موضوع كده
تخفض صوتها وهى تقترب برأسها منه وتقول : عارف البنت اللى ساكنة قصادنا اللى عايش كان بيحبها وناوى يخطبها ؟

عبده طناش : أيوه يا حاجه عارفها مالها ؟

تمط الحاجة شفتيها وهى تحرك يدها بحركة توحى بالحزن وتقول بتحسر : اتخطبت وهتتجوز كمان 3 شهور

يرتفع حاجبا عبده طناش باندهاش وهو يهتف متأثرا بصوت يحرص أن يكون منخفض : اتخطبت ؟ ... امته ؟.... وليه ؟.... مش كانوا متفقين عالخطوبة من سنين ؟؟

الحاجة : اتقرت فاتحتها الجمعة اللى فاتت وهو عرف امبارح بالصدفة من الحاج حسين جارهم

عبده طناش : يعنى كمان مقالتلوش ؟؟

الحاجة : لا يبنى والله ولا حتى شافها كأنها كانت ناوية على كده من زمان .. ده احنا حتى مسمعناش زغرودة طالعة من بيتهم ولما قال كده للحاج حسين قاله انهم قروا الفاتحة فى بيت أختها اللى فى الشارع اللى ورانا

عبده طناش : وهو إيه أخباره دلوقت ؟

الحاجة بحزن شديد : والله يبنى حاله يقطع القلب .. قافل على نفسه بابه لا بيكلم حد ولا عايز حد يكلمه .. حتى الأكل مش راضى ياكله

عبده طناش : لا حول ولا قوة إلا بالله .. بس ليه يعمل فى نفسه كده هى متستاهلش أصلا .. اللى يبيعنا نبيعه وكل واحد بياخد نصيبه

الحاجة : ادخلله يا ابنى الله يصلح حالك عقله بكلمتين .. قوله ميعملش فى نفسه كده عشان صحته وعشان خاطرى

عبده طناش : من عنيا يا حاجة .. بعد إذن حضرتك

الحاجة : اتفضل يا ابنى

يتوجه عبده طناش لغرفة عايش .. يطرق الباب عدة طرقات فيأتى صوت عايش آذنا له بالدخول


عبده طناش : السلام عليكم .. ايه يا عم عايش .. المحل مضلم من غيرك .. انت هتبتدى الكسل ولا إيه ؟؟؟

عايش : وعليكم السلام يا عبده اتفضل .. لا كسل ولا حاجة بس معادليش نفس أعمل حاجة فى الدنيا

عبده طناش : لالالالالالالالالا مش مصدق ودانى .. عايش اللى يقول كده .. عايش اللى كله حماس يعمل كده .. سيبت ايه بقى لأمثالى ؟؟؟ههههههه

عايش : الدنيا مش مستاهلة ان الواحد يضيع عمره فيها فى الشغل .. نشتغل ليه ونتعب نفسنا ليه .. عشان مين كل ده ؟ طالما كل تعبنا بيروح هدر .. انت اللى صح يا عبده .. انت اللى صح

عبده طناش : ايه الكلام ده يا عايش .. صحيح انا مش بحب اتعب نفسى زيادة عن اللزوم وعايش وخلاص وزى ما تيجى بس مش معنى كده انى صح .. ليه بتقول كده ؟؟؟؟؟؟؟

عايش يغالب البكاء وهو يقول : عشان حلم عمرى اللى عشت أحلم بيه طلع وهم .. كابوس .. ضيعت عمرى فيه وطلع ميستاهلش

يزفر بأسف ثم يستطرد : أميرة احلامى باعتنى لاول واحد جاهز عشان معاه فلوس وانا لسه بكون نفسى .. باعتنى رخيص .. رخيص أوى

عبده طناش يربت على كتفه وهو يقول بصوت منخفض : واللى يبيعنا رخيص نبكى عليه ولا نبيعه احنا كمان .. ونبيعه ببلاش

عايش : أنا مش ببكى عليها .. أنا حزين عالوهم اللى كنت عايش فيه وضيعت فيه سنين عمرى وفاكر نفسى فى حلم جميل .. أنا كنت بشتغل عشانها وبحوش عشانها .. بنيت فى خيالى بيت صغير جميل يجمعنا واتهد .. حزين من الغدر والكدب والخيــــــانة حاسس ان الدنيا معدش فيها امان .. وان كل اللى حواليا مش بيحبونى وهيغدروا بيا زيها .. أنا تعبان ومش قادر .. حاسس ان روحى بتتسحب منى .. حاسس انى متكتف ومخنوق وعاجز وفقير وصغير .. صغير اووووى

عبده طناش متأثرا : عايش انا مش عايز أشوفك فى الحالة دى .. مش عايزك تستسلم للاحساس ده .. انسى كل حاجة وابدأ من جديد .. ارمى كل حاجة ورا ضهرك وبص لقدام وانت قدها وقدود .. بكره تثبتلها وتثبت لكل الناس انك أحسن مما كانوا يتوقعوا .. وأحسن من اللى هيا اختارته .. هى ضيعت نفسها .. عمر الفلوس ما تعمر بيوت ومحدش هيقدر يحبها زيك .. دى بتبقى فرصة فى العمر يا تستغلها يا تضيعها من ايدك للأبد
أنا عارف انك قوى .. وهتقدر .. وعايز أقولك حاجة من الآخر .. هى مش نصيبك .. نصيبك لسه فى علم الغيب .. لو كانت نصيبك مكانتش ضاعت منك أبداااااااااا مهما حصل
قوم يللا اتوضى وصلى وافتح المصحف واقرا قرآن وادعى ربنا يفك كربك ويفرج همك ويبدلك خيرا منها .. ونام ومتفكرش فى حاجة والصبح ان شاء الله هجيلك المحل

يحاول عايش الاعتراض فيقاطعه عبده طناش : ولا كلمة دلوقت .. لما تعمل اللى قلتلك عليه قلبك هيرتاح ويطمن وهتنزل الشغل من بكره وتبدأ من جديد بقلب جديد وعقل جديد .. أقوى واكبر .. وعلى راى المثل " الضربة اللى متموتش .. تقوي " والحمد لله على كل حال
أسيبك بقى دلوقت واعدى اطمن عليك بكره ان شاء الله .. مش عايز منى حاجة

عايش : متحرمش منك يا عبده .. ربنا يكرمك

عبده طناش : أشوفك على خير ان شاء الله .. السلام عليكم

عايش : وعليكم السلام ورحمة الله وبركاته .. مع السلامة
.
انصرف عبده طناش بعد ان ألقى السلام على الحاجة والدة عايش .. واتجه عايش ليتوضأ استعدادا للصلاة .. تفتكروا بعد الصلاة والأخذ بنصيحة عايش قلبه هيطمئن ويهدى ولا هيرجع تانى لألمه وجرحه ؟؟؟



انتظرونا مع عايش وعبده طناش فى الحلقة القادمة ان شاء الله

دمتم بكل الخير
---------------------------------------------------------------------
تحديث هااااااااام جداااا
-----------------
يا أصحابى يا أهلى يا جيرانى .. إليكم النبأ الهام
انتظروا إذاعة حلقة عن مدونتى يوم السبت ان شاء الله الموافق 7/6/2008 على محطة البرنامج العام الإذاعية .. فى برنامج انت تسأل والكمبيوتر يجيب للإنسان الجميل أ/ صلاح حجازى .. والجميلة / عبير صبرى فى تمام الساعة التاسعة وعشر دقائق صباحا على اذاعة مصر الرئيسيه اى البرنامج العام وقبل برنامج الى ربات البيوت مباشرة فى القاهره على موجه اف ام 107 وسته من عشره كما يمكن الأستماع اليها وقت اذاعتها بالضغط على رابط لذلك فى موقع الإذاعة والأنتظار قليلا
والموقع
الحاضر يعلن الغايب .. والجاى يعلن الرايح .. والصاحى يعلن النايم .. وركزوا جاااااااااامد عشان هعملكوا امتحان مفاجئ ههههههههههههه

ملحـوظـة صغنـونــه

=========

اللى يحب يسمع الحلقة هيلاقيها فى مدونة البرنامج هنا..........> " أنت تسأل والكمبيوتر يجيب " على الجانب الايسر فى الارشيف

sally ana wa alnet بعنوان

حملوها واسمعوها

82 comments:

المستنصر بالله said...

هو عبدة مش طناش دةعبد نحس عبده غلبان
والله بجد الله يكون فى عونه
ربنا يفكها عليه

واحد بيدور علي قلبه said...

انا اول مره ادخل عندك ودخلت بالصدفه مش هو بس اللي عبده دا انا حاسس ان ناس كتير بقت عبده وربنا يفكها علينا كلنا.

ro7 said...

ربنا يفرج كربك
يابني ياعايش
وتنزل بكرة الصبح المحل
الخاين ميستهلش الحزن عليه
بالعكس نحمد ربنا
ان ربنا نجاها منه
تحياتي لسيناريوهاتك
الجبارة بجد جميييييل
بحبك في الله

د/أبويحيى وادم said...

السلام عليكم ورحمه الله وبركاته
جزاكم الله خيرا اختنا الكريمه على هذه القصه الجميله
خقا لو كل واحد عرفت انه لن يتزوج غير زوجته لم يكن ليحدث كل هذا الحزن
وأنا شخصيا مررت بمثل هذا الموقف تماما وتعلمت منه الكثير الكثير
بخصوص بقية الاجزاء أين هى ؟؟
ربنا يكرمك يارب

Tamer Nabil said...

شىء يحزن

ناس كتير بتبيع دلوقتى الغالى عشان الفلوس

بوست مميز

فى انتظار الجديد

خلينا نشوفك

تحياتى

maha miho said...

يختيييييييييييييي

بصي قوليله ولا يهمك،، وشد حيلك كده واجمد الدنيا يا ما بتعلمنا وبنمر بالحاجات دي هشان عودنا يقوى وننشف
حدييييييييييييـد

سالي،، يا حركات :)

Sally said...

المستنصر بالله

أهلا بك اخى الفاضل
ويفرجها عليه وعلينا كلنا
بس المرة ادعى لعايش هو اللى عنده مشكلة

نورتنى اخى الفاضل

Sally said...

واحد بيدور على قلبه

أهلا بك اخى الفاضل
فعلا فيه ناس كتير زيه
ممكن كمان تكون الغالبية العظمى
وعبده طناش ما هو إلا رمز للسلبية واللامبالاة
ربنا يتقبل منك
نورتنى اخى الفاضل لأول مرة
أتمنى دوام التواصل

Sally said...

ro7

أهلا بكِ يا حبيبتى
ربنا يتقبل منك دعائك لعايش وكل اللى زيه
ميرسى يا قمر على ذوقك
وأنا كمان والله بحبك فى الله

نورتينى يا حبيبتى

Sally said...

دأ أبا يحيا وآدم

وعليكم السلام ورحمة الله وبركاته
اهلا بك اخى الفاضل
فعلا لابد أن نؤمن جميعا ان ما أخطأنا لم يكن ليصيبنا وما اصابنا لم يكن ليخطئنا

كما جاء فى الحديث الشريف
كنت رديف رسول الله صلى الله عليه وسلم , فالتفت إلي , فقال يا غلام احفظ الله يحفظك , احفظ الله تجده أمامك , تعرف إلى الله _ الحديث, و فيه قد جف القلم بما هو كائن , فلو أن الخلق كلهم جميعاً أرادوا أن ينفعوك بشيء لم يقضه الله لك لم يقدروا عليه , أو أرادوا أن يضروك بشيء لم يقضه الله عليك لم يقدروا عليه , و فيه واعلم أن ما أصابك لم يكن ليخطئك و ما أخطأك لم يكن ليصيبك , و اعلم أن النصر مع الصبر , و أن الفرج مع الكرب , و أن مع العسر يسرا
الراوي: عبدالله بن عباس - خلاصة الدرجة: حسن - المحدث: العجلوني - المصدر: كشف الخفاء - الصفحة أو الرقم: 1/366


أما بخصوص الحلقات فهى موجودة فى المدونة لو نزلت لتحت شوية
ولتيسير الوصول إليها اضغط على كلمة " حكايات عايش وعبده طناش " الموجودة تحت البوست بجوار التعليقات ستعرض لك كل الحلقات

بوركت أخى الفاضل
أتشرف دائما بزيارتك الجميلة

نورتنى ودمت بخير

Sally said...

tamer nabil

أهلا بك اخى الفاضل
إيييييييييييييه دنيا غرورة

ميرسى على ذوقك ربنا يكرمك

نورتنى أخى الفاضل

Sally said...

maha miho

أهلا بكِ يا قمر
ماشى حاضر هقوله
ههههههههههههه
نورتييييييييييينى

المـــفـــــــقــــــــوعـــــة مــرارتـهــا said...

مالك ياسي عايش بقي
سيبيني عليه ياسالي
يعني هو اللي خلق اسمها ايه ماخلقش غيرها .. مافي ستين داهية البنات كتيرة
تروح واحدة تيجي غيرها
وبعدين انا عندي مثل بيقول من حبنا حبناه وصار متاعنا متاعه ومن كرهنا كرهناه ويحرم علينا أجتماعه
المثل ده خليه نهجك في الحياة واشتري نفسك
أكيد ربنا شايلك الأحسن وبكرة تلاقي الزوجة المناسبة بس أياك تتعقد من البنات لأن صوابع أيدك مش ذي بعضها أصل بعيد عنكم أعرف واحد بعد ماأتعمل فيه دقة النقص دي من حبيبته أتعقد ورفض الجواز وهو دلوقتي في الأربعين ولسة ماأتأهلش

رئـــــيسـة حزب الأحلام said...

يعينى علية بجد ازمة عاطفيه جامدة
بس لازم يفوق منها ويشتغل و هيلاقى ست ستها
تحياتى لكى ياقمر

Sally said...

المفقوعة مرارتها

أهلا يا قمر
أنا سايباكى اهه مش هتكلم ولا كلمة
هو فيه أكتر من البنات فى الزمن ده ؟؟؟؟
أيوه صح عندك حق اللى يهواك اهواه واللى ينساك انساه

لا ربنا يسترررررررررررر

نورتينى يا قمر

Sally said...

رئيسة حزب الأحلام

أهلا يا قمر
ادعيله يا سلوى ربنا يفرج كربه هو واللى زيه
نورتينى يا قمر

Eldebug said...

معلشى ياعايش هما معظمهم بقى كده تبقى لسه شايفها امبارح وضحكة يمين وضحكة شمال وتوطى وشها قال يعنى مكسوفة ... تقابلها تانى يوم تلاقى الدبلة فى ايديها وضاربة وش ابلكاش وماشية ولا اجدعها عسكرى

تحياتى يا سالى

Sally said...

eldebug

أهلا بك أخى الفاضل
بس ليه النظرة السوداوية دى
مش معظمهم والله
دى قلة مندسة
هههههههههههههههه

نورتنى أخى الفاضل

CAIROCOMPUTER said...

الأخت سالى
تحيه طيبه وبعد
حلقة برنامجنا الأذاعى يوم السبت 7-6-2008
تتحدث عن حكايتك مع النت والتدوين
الحلقه تذاع التاسعه وعشر دقائق على اذاعة مصر الرئيسيه اى البرنامج العام وقبل برنامج الى ربات البيوت مباشرة
فى القاهره
على موجه اف ام 107 وسته من عشره
كما يمكن الأستماع اليها وقت اذاعتها بالضغط على رابط لذلك فى موقعنا والأنتظار قليلا
والموقع
http://dear.to/cairo
ومدونتنا لأى تعليق او استفسار
netonradio.blogspot.com
مع تمنياتنا لك بالتوفيق وموفور الصحه والسعاده

Sally said...

cairocomputer

أهلا بك أخى الفاضل
والله ما انا عارفة أقول لحضرتك ايه
بقالى عشر دقايق مش عارفة أرد ولا اجمع كلمة من المفاجأة
ربنا يكرمك بجد
والجميل كمان انها يوم السبت عشان ماما تعرف تسمعها
أنا بشكر حضرتك جدااااااااا
وأتمنى اكون عند حسن ظنكم دائما

دمتم بكل الخير والصحة والسعادة

سالى

عايش ولكن said...

لسان حال عايش
خلاص هتقول وداع
خلاص الحب ضاع
خلاص اللى بينا انتهى
وكله كان خداع
والقلب اللى حبيته
وقلبى وعمرى اديته
فى لحظه خان وباع
بقا هيا الدنيا كده
بتفرق بين ده وده
بقى قلبها كان كده
بيبيع فى سرعه كده
ياخسارة حبى ليكى
يا خسارة فيكى
ياخساره ياللى كنتى فى يوم حبيبتى

تحياتى
علاء

monaliza said...

سالى الجميلة :اسلوبك فى السرد حلو اوى
واحلى حاجة النصيحة اللى فى الاخر بجد جامدة جدا

Sally said...

عايش ولكن

أهلا بك أخى الفاضل
بالضبط كده ده لسان حاله
اختيار موفق أخى الفاضل
" مش دى اغنية لمدحت صالح تقريبا بتاعة فيلم "
معلش لو مكنتش قوللى أصل ثقافتى فى الاغانى طيارى كده بسمع بالصدفة مش متعمقة أوى ههههههههههههههه

نورتنى أخى الفاضل

Sally said...

monaliza

موناليزا حبيبتى نورتينى
ميرسى يا قمر ده من ذوقك والله
انا مجبتش حاجة من عندى والله
ورد فى حديث شريف أن ما أصابك لم يكن ليخطئك و ما أخطأك لم يكن ليصيبك ,

دى حكمة الاهية لا يعلمها إلا الله
أهم حاجة اننا نصبر على القضاء عشان ربنا يرزقنا بمنزلة الصابرين

دمتى سعيدة حبيبتى وبكل خير

rovy said...

ما شاء الله عليكى يا سالى كان لازم اتابع معاكى من الحلقه الاولى لكن معلش ملحوقه ان شاءالله ..
قصه جميله بجد تسلم ايديك
واتمنى ما تتأخريش علينا فى بقية الاجزاء
دمتى بخير و سعاده
تحياتى
rovy

Sally said...

rovy

روفى الجميلة عندنا .. يا مرحبا يا مرحبا
ملحوقة يا قمر الحلقات اللى فاتت موجودة فى المدونة
تشرفنى طبعا متابعتك يا قمر
وان شاء الله مش هتأخر عليكى
ربنا يكرمك يا روفى و ميحرمنيش منك

دمتى بخير وسعادة حبيبتى
سالى

همس الاحباب said...

حمدلله على السلامة
وعودا احمد لحكايات عبده وعايش
ده انا كنت قربت انسى يا سالى
بس بجد كل حلقة بتبقى اقوى واجمد من اللى قبلها
بحد اسلوبك فى الحوار والسيناريو جميل قوى
وهى بتبقى ظروف اقوى من الانسان مش اكتر مش عيب من الولد ولا البنت قد ما هو عيب فى الظروف القاسية اللى احنا بنعيشها انا بصراحة متعاطف مع الشباب فى الظروف الحالية
ومش معنى كده انى فشلت فى قصة حب لاسباب ما يبقى نهاية المطاف الحياة مستمرة بينا او من غيرنا
بس جميلة النصيحة دى
قوم يللا اتوضى وصلى وافتح المصحف واقرا قرآن وادعى ربنا يفك كربك ويفرج همك ويبدلك خيرا منها .. ونام ومتفكرش فى حاجة والصبح ان شاء الله
تحياتى وتقديرى

همس الاحباب said...

ههههههه
يا ستى الف مبروك
على البرنامج العام
واذاعة حلقة من مدونتك
تحياتى وتمنياتى لكى بمزيد من النجاح
خالد

appy said...

ايه عبده ده واللى بيجرى له على فكرة انا هسيف مدونتك واقراها كلها
عجبتنى قوى بجد

Sally said...

همس الأحباب

أهلا بك اخى الفاضل
معلش أنا آسفه انى اتأخرت شوية بعد الحلقة اللى فاتت بس كان لازم انزل التاج .. وأطلع الشحنة المكبوتة من اجريوم .. وكان نفسى منزلش بوست جديد الا بعد انتهاء مشكلتنا مع أجريوم .. بس الموضوع شكله كده هيطول وهيحتاج كمان بوستين تلاتة

ربنا يكرمك ميرسى على ذوقك
هى فعلا بترجع للظروف .. وعشان كده انا ضد فكرة الارتباط العاطفى قبل الزواج لأنها غالبا بتفشل وبتسيب فى القلب جراح كبيرة بتأثر على حياتنا و شركاء حياتنا بعد كده

نورتنى اخى الفاضل وأسعدنى مرورك

Sally said...

همس الأحباب

الله يبارك فيك أخى الفاضل
دى مفاجاة كبيرة الحقيقة أسعدتنى جدااااااا
وعايزة أنام ومصحاش الا يوم السبت
هههههههههههههههههههه

ربنا يكرمك يارب
ودايما منورنى

Sally said...

appy

أهلا يا قمر نورتينى
عبده ده حكايته حكاية
ميرسى يا حبيبتى على ذوقك
متحرمش منك

نورتينى يا جميلة وأسعدنى مرورك

هند said...

مسكين عايش.

بس لازم يخد موقف الحزن مايفيد
يعتبرها
خدت الشر وراحت


تحياتى

Baker said...

عماله تغيرى الصوره بتاعة المدونه و بطلغبطينى بس اول ما با شوف التفاحة بفتكر على طول
برضه مش ناويه تجيبى حته
على العموم قولى لعايش يا ابنى مش غريبه اللى حصلك تبقى غريبه بجد لو كانت فضلتك على العريس الجاهز و معاه فلوس
ماعلينا
تحياتى

تــــــــــ(حـنة)ـــــــر said...

سالى دى اول زيارة ليا هنا .
بس عايزة اقولك ان اسلوبك الكتابي حلو قوى
وربنا يوفقك يارب
تحياتى

funckydoctor said...

بقى مصر كلها عبدو

يوميات فنانه مفروسه جداا said...

عبد طناش بقي هوا البطل المره ديه يا سالي اجمل حاجه في النيا بجد بعد الازمات الواحد يلاقي في ضهره كده صاححب يقويه ويرجعله الامل من جديد
بالنسبه للبنت ده مش بيع يا سالي اللي عملته هوا الصح لو فضلت جنب عايش مش هتجوز خالص طول عمرها واكيد اهلها ضغطو عليها
احلي حاجه بقي الواقع المر اللي بتقدمهيلنه بكل صراحه وجمال
انا خلصت امتحانات وههريكي زيارات
ده بعد اذنك طبعا
يارب يكرمك يا سالي يا جميله
سلام

أم أحمد المصرية said...

حببيبتي سالي
ازيك كان واحشني عايش و عبده طناش لكن التدوينة دي حتقلب المواجع علي ناس كتير 90% من شباب مصرحدث لهم كده بسبب الظروف الاقتصادية منه لله اللي كان السبب

إيمان العزب said...

سالى الجميلة
كيف حالك
انا متابعة حلقات عبده طناش وعايش
معلش تتعوض يا عايش
كان حلمك حافز لك وان شاء الله تجد من تكمل معك الحلم
فعلا لسه نصيبك ماجاش
جميلة قوى الصداقة بين عبده وعايش
كل واحد فيهم بيحاول يخفف عن التانى
جميلة يا سالى
فى انتظار الفرج معاهم
مبارك اختيارك ضيفة برنامج انت تسأل والكمبيوتر يجيب
وان شاء الله نسمعها
تحياتى لك وبوسة لدودو

Sally said...

هند

أهلا يا هنوده نورتينى
ادعيله ربنا يفرج عنه
محدش بياكلها بالساهل
هههههههههه

نورتينى يا قمر وشرفنى مرورك

Sally said...

baker

أهلا بك اخى الفاضل
انا مغيرتش صورة المدونة ولا حاجة .. دى صورة المدونة التانية
وطالما التفاحة موجودة يبقى العنوان صح .. ولو انى حاسة انى هفتح المدونة فى يوم ملاقيش التفاحة .. كله عينه عليها هههههههههههههههه

ظروف الشباب فعلا صعبة .. وظروف البنات برضه
وكل شئ بيرجع فى الاول والآخر للقسمة والنصيب

نورتنى اخى الفاضل وأسعدنى مرورك

Sally said...

تـــ(حنة)ــمر

أهلا بكِ يا حبيبتى نورتينى
ميرسى يا قمر على ذوقك
مرورك والله هو الاجمل

نورتينى حبيبتى واتمنى دوام التواصل

Sally said...

funkydoctor

أهلا بك اخى الفاضل
للاسف اااااااه
ربنا يصلح الحال

نورتنى اخى الفاضل وأسعدنى مرورك

Sally said...

يوميات فنانة مفروسة جدااا

أهلا يا ياسمين يا حبيبتى
اه والله يا بنتى الزمن ده فعلا الصداقة بقت عملة نادرة جدا فيه والمصلحة هى اللى بتغلب
انتى تنورينى أصلا فى اى وقت .. انا سايبه مفتاح المدونة ورا التفاحه للحبايب أول ما تيجى أفتحى وادخلى علطول البيت بيتك يا قمر

نورتينى يا حبيبتى واسعدنى مرورك

Sally said...

أم احمد المصرية

أهلا بحبيبة القلب
من ناحية هتقلب .. فهى هتقلب
و الحقيقة أنا عرضت الموقف ده عشان اواسى اللى مروا بالظروف دى وأقولهم معلش كل شئ نصيب

نورتينى يا حبيبتى واسعدنى مرورك

Sally said...

إيمان العزب

أهلا اهلا يا إيمى
انتى الجميلة والله
وانا كمان الحقيقة فى انتظار الفررررج معاهم
الله يبارك فيكِ يا قمر متحرمش منك
ياريت فعلا تسمعيها
ربنا يباركلك فى اولادك وييسر لهم امتحاناتهم ويصلح أيامهم اللهم آمين

نورتينى يا حبيبتى واسعدنى مرورك

واحدة مفروسة said...

غلبان عبده طناش
يارب قلبه يستريح

و ححاول اسمع البرنامج إن شاء الله قطة الصحراء متهيألأى حاطه لينك

Sally said...

واحدة مفروسة

أهلا يا قمر
آه والله غلبان
أنا حطيتلك اللينك يا قمر
ركزى جامد هاااااااا؟؟

نورتينى يا حبيبتى واسعدنى مرورك

شمس said...

الازمة دى يعانى منها الكثير من الشباب والبنات مع اختلاف الظروف

قصة جميلة

انا مدون جديد

وعايز تشجيع


تحياتى

Sally said...

شمس

أهلا بك اخى الفاضل
جزاك الله خيرا
سعيدة ان القصة عجبتك
أتمنى دوام التواصل

نورتنى اخى الفاضل وأسعدنى مرورك

عايش ولكن said...

ازيك يا سالى
قوام كده وصلتى للازاعه
والله كويس
اوعدنا يارب
هههههه

اما بخصوص تعليقى الاخير اللى قولتى انه اغنيه لمدحت صالح
لا دى اغنيه لعلاء محمود اللى هو انا
بس قريبه شويه من بتاعة مدحت صالح
على فكره انا لسه واخد بالى منها دلوقت
تحياتى
علاء

Sally said...

عايش ولكن

أهلا بك اخى الفاضل
عقبالك ان شاء الله قريب

معلش انا آسفه والله منا قلتلك ان ثقافتى فى الاغانى مش ولابد هههههههه
بس بجد كلماتك جميلة والاجمل انها من وحى أزمة عايش مش كده برضه ؟؟؟

نورتنى اخى الفاضل وأسعدنى مرورك

wael said...

بوست حلو جدا وكل حاجه بقت بتتباع
بجد بوست مميز واسلوبك ممتع جدا
تحياتي

Sally said...

wael

أهلا بك اخى الفاضل
ميرسى ربنا يخليك ده بس من ذوقك

نورتنى اخى الفاضل وأتمنى دوام التواصل

بيكيا للبيع said...

الف مبروك على اذاعه الحلقه بجد اتبسط قوى

صحفية روشة said...

النهاردة عيد ميلادى تعالو على مدونتى وسمعونى احلى هابى بيرث داى تو يووووووووو

Sally said...

بيكيا للبيع

مين آبى ؟؟؟؟
أهلا يا قمر
الله يبارك فيكِ يا جميلة
متحرمش منك
مبروك على البلوج الجديد
هزوره اكيد ان شاء الله

نورتينى يا حبيبتى وأسعدنى مرورك

Sally said...

صحفية روشة

أهلا يا جميلة
وحشتينىىىىىىىىى
كل سنة وأنتِ طيبة يا قمر وعقبال مليون سنة
وعندك واحد تورته و2 دستة جاتوه و4كيلو ساليزون وبيتى فور وباتون ساليه وجلوريا وصلحه

نورتينى يا حبيبتى واسعدنى مرورك

لماضة said...

جميله يا سالي بجد
اسلوبها بسيط وجميل
كلنا بنعدي بنفس الموقف تقريبا باشكال مختلفه
بس فعلا الكلمه اللى صح
كل شىء نصيب
ومحدش بيتجوز مرات حد
لو كانت مراته مستحيل كان يحصل كده
لكن دي مش نصيبه

جنّي said...

يوميات سالي في المجتمع المصري

فما تروينه من صلب ما يشكو منه الكثير من أبناء المجتمع لذا فأنت تلامسين قلوبهم ..
هذه القصة تحدث لكثير ويتجرع صاحبها مر القسوة .. فكانت النصيحة في مكانها لعلها تصلح من أمر عايش ..

تحيتي

said

د/أبويحيى وادم said...

بيان رقم 3

وبدأت مسيرة الحملة ولن تتوقف بأذن الله حتى نرى ثمارها

(لغتي هويتي)
إلى كل الايجابيين المشاركين معنا ،إلى كل من تعاطف ورحب بحملتنا ولا يعلم ماذا يفعل حان وقت العمل الواجبات العملية 1- أنظر فى مدونتك التي تكتب بها جيدا وحاول ان تجعلها خالية من الألفاظ الأجنبية الغير مطلوبة ولها بدائل عربية جميلة وكذلك المنتديات وتعليقاتك وردودك على المعلقين لديك وأسمك الذى تظهر به المدونة عند التعليق
2- موضوعك القادم بالمدونة أو المنتدى أن شاء الله يكون باللغة العربية قدرالمستطاع فى نفس المجال الذى تكتب به ولمزيد من نشر الحملة يا حبذا لو كان عن اللغة العربية وهذه بعض المواضيع التي اخترناها لك
0 تاريخ اللغة العربية 0 أثر تحول اللغة العربية إلى العامية على الهوية
0 بلاغة اللغة العربية 0 هذه مصطلحات غير عربية يجب الاستغناء عنها
0 مدى تأثير العربية في اللغات الأخرى 0 طرائف ونوادر في اللغة العربية
0 خواطر وأشعار حول اللغة العربية سواء من مكتوبك أو منقولك

3- هذه المواضيع المطروحة ما هي إلا مجرد أفكار لفتح باب التفكير و لك مطلق الحرية في اختيار مواضيع أخرى متعلقة بالأمر نفسه

4- إن قمت بكتابة موضوع بالفعل في الإطار الخاص بالحملة نرجوا إعلامنا به حتى نضع جميعا الرابط الخاص بالموضوع على المدونات ونجمع روابط كل المواضيع المتصلة بالحملة هنا بالمدونة
[Photo] قم بتفعيل الحملة بنشر الرسالة المتفق عليها لدى كل المدونات التي تعرفها وادعوهم للتفاعل معها وأشرح لهم الأسباب والهدف من الحملة
وفقنا الله جميعا وتقبل الله منا ومنكم صالح الأعمال

Desert cat said...

اعزائى المدونين والمدونات
تم اليوم اذاعة بعض من الكومنتات التى جائت فى مدونة البرنامج الإذاعى انت تسال والكمبيوتر يجيب
http://netonradio.blogspot.com/
للاجابة على السؤال المطروح
ومن هذه الكومنتات
بنت مصرية او انجى البوهى
محمد الكومى
سالى
روفى
عبده الرايق
تابعوا المدونة يمكنكم تحميلها من الارشيف
اهلا ومرحبا بكم دائما اصدقاء للبرنامج
واتمنى التواصل
تحياتى للجميع

mregypt7 said...
This comment has been removed by the author.
mregypt7 said...

السلام عليكم ورحمه الله وبركاته
بجد الاسلوب جميل اوى يا سالى
ربنا يكرمك كده وتكمليلنا الحكايه
بس ايه البنات ديه اللى مش بتقدر اللى الرجاله بتعمله
والله حرام عليها تبيعه لاول واحد جاهز
ابقى سمعيه اغنيه دقيقه حداد
ارجو تشريفك
مع خالص تحياتى
الباش مهندس بوحميد

سالى said...

لماضة

اهلا يا مروة ازيك يا قمر ياللى مشرفانا ورافعة راسنا هههههههههههههه
متحرمش منك يا قمر كلك ذوق والله
فعلا حبيبتى كل شئ نصيب

نورتينى يا جميلة وأسعدنى مرورك

سالى said...

جنى

هههههههههههه
اهلا بك اخى الفاضل بس ايه الكلام الجامد ده
ربنا يكرمك ويعزك
لك كل التحية
نورتنى يا فندم وأسعدنى مرورك

سالى said...

د / أبا يحيى وآدم

أهلا بك أخى الفاضل
أشكرك لما تقوم فيه من توعية للشباب وللأمة العربية جعلها الله فى ميزان حسناتك


وان كنت أرى أن ما يهدد اللغة العربية ليس اللغة العامية الدارجة التى نتحدث بها بقدر ما هى اللغة الدخيلة التى نستعين بها فى جملنا العربية كقاموس الروشنة والارقام وكتابة الكلمات العربية بحروف انجليزية بل وادخال الكلمات الأجنبية ضمن حديثنا دون داعى لذلك

أسأل الله أن يوفقك فى حملتك وان يقدرنا على تخطى هذه الحالة من الاستعمار اللغوى

دمت بكل الخير والصحة والسعادة

سالى said...

desert cat

أهلا بك يا نانا نورتينى
جزاكِ الله خيرا على إعلامك لى .. ربنا يخليكى
أنا سمعتها الصبح فعلا بس كان النت فاصل
أتمنى دوام التواصل .. أسعدنى مرورك

سالى said...

mregypt7

وعليكم السلام ورحمة الله وبركاته
أهلا بك أخى الفاضل
جزاك الله خيرا ربنا يبارك فيك
البنات برضه معذورة لان العنوسة أصبحت خطر قائم يهددهن
ولا تنسى ضغوط الاهل والمجتمع
واولا واخيرا كل شئ نصيب

نورتنى اخى الفاضل وأسعدنى مرورك

nonoymm said...

السلام عليكم
ازاي يزعل عليها
بالسلامة
ما تستهالش يزعل عليها ابدا
مبروك البرنامج
تحياتي ومودتي

مواطن مصرى نايم said...

شكل الموضوع بتاع عايش دا سخن
انا حرجع اقرء كل الحلقات
عشان اعرفه كويس
انا سمعت الحلقة بتاعة
ana wa alnet
ويا رب ربنا يكرمك و يحقق كل الاحلااام
اللى كنتى بتحلميها
و يوفقك فى حياتك العائلة
حلقة جميلة

سلامى لكى

نورألآيمان said...

السلام عليكم


قصة جميلة

وعلى الرجل ان يصلى ويدعى الله وان شاء الله ينسى ويذهب منة الحزن

اختك نور الايمان

السلام عليكم

dodda said...

احنا فى زمن بجد غريب!!!

ربنا يهدى كل من كان

ياسر said...

السلام عليكم
اول زيارة لمدونتك الجميلة وسعيد بمروري
وندمت اني معرفتهاش من زمان
بس علي فكرة الانسان قلبة مش بايدة
هو فهلاا الانسان لو بيحب من قلبة هيعمل
زي عايش واكتر ومريت بنفس الطريق ومن ضغط
الاهل والاصدقاء وامثالنا الحلوى الا باعك بيعة
الانسان بيلبس قناع قدام الناس قناع الفرحة
والنسيان وعندما يدخل غرفتة ينزعة هذا القناع
ويتالم وحدة دون ان يحس بة احد وكل ذلك
لارضاء من حولي ووقف الحديث في الموضوع
عنها

تفبلي مروري

تحياتي

سالى said...

nonoymm

وعليكم السلام ورحمة الله وبركاته
أهلا بكِ أختى الحبيبة
العشرة برضه مش بتهون
الله يبارك فيكِ يا حبيبتى
نورتينى حبيبتى واسعدنى مرورك

سالى said...

مواطن مصرى نايم

أهلا بك اخى الفاضل
العود أحمداا
عايش وعبده طناش بيسلموا عليك وبيدعولك بالنجاح
الله يكرمك يارب ويتقبل منك

نورتنى أخى الفاضل وأسعدنى مرورك

سالى said...

نور الإيمان

وعليكم السلام ورحمة الله وبركاته
أهلا بكِ اختى الفاضلة
صدقتى أختى .. عندك حق

نورتينى اختى واسعدنى مرورك

سالى said...

dodda

أهلا بكِ أختى الفاضلة
ربنا يتقبل منك ويصلح حال المسلمين

نورتينى اختى وأسعدنى مرورك

سالى said...

ياسر

وعليكم السلام ورحمة الله وبركاته

أهلا بك أخى الفاضل
جزاك الله خيرا .. سعيدة ان المدونة نالت اعجابك .. ومعلش يا فندم ملحوقة ان شاء الله لا داعى للندم
أنا عارفة ان المشاعر غلابة بس صدقنى الإيمان بالنصيب بيخفف كتير جدا من الاحساس بالألم والندم على فات
وكله خير بأمر الله

نورتنى أخى الفاضل وأسعدنى مرورك

حاجات جوايا said...

السلام عليكم ورحمة الله وبركاته

أحبائى الكرام

سيتم عرض الحلقة الثامنة بمشيئة الله فى الأسبوع القادم بعد موضوع " فخورة أنى اتحدث العربية " والذى أرجوا منكم المشاركة فيه والتفاعل معه بقدر المستطاع

أستودعكم الله الذى لا تضيع ودائعه

دمتم جميعا بكل الخير

سالى

كاتب مصري said...

يشرفني جدا أن أجدك زائرا على صفحة مدونتي وتترك تعليق أو حتى توقيع فأنا أود كسبك قارئا لمدونتي ..
تحيتي وأنتظر الزيارة واعتبر هذه دعوة
مدونتي هنا
http://kanyatklam.blogspot.com/

حاجات جوايا said...

كاتب مصرى
---------

اهلا بك اخى الفاضل
انتظرنى قريبا ان شاء الله
نورتنى وأسعدنى مرورك

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger