حاجــــات جوايــا: رجالة وطول عمر ولادك يا بلدنا رجالة

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Saturday, February 12, 2011

رجالة وطول عمر ولادك يا بلدنا رجالة

بجد مش عارفة اقول ايه

عايزة اكتب من بدرى ومش لاقية كلام يوصف احساسى وفرحتى

سعيدة ببلدى وولاد بلدى وشباب بلدى وفخورة بمصريتى وممتنة لأبناء عروبتى

الشعب قال كلمته

وكل الدنيا ساندته

التلاحم الشعبى أبهرنى

والتلاحم العربى أبكانى

شكرا ياربى انك أحيتنى لليوم ده وأشوف بعينى نصر بلادى وطرد الظلم والفساد منها

شكرا يا مصر انك اديتيلنا الفرصة نرجعك لينا تانى

شكرا يا شباب مصر يا جذوة الثورة يا شعلة الوطنية على كل حاجة جميلة عملتوها وكل حاجة وحشة محيتوها

شكرا يا أبناء وطننا العربى لدعائكم ومساندتكم ودعمكم الصادق والواضح والملموس

تحية وتقدير للقائد الانسان المحترم اللى يعرف يعنى ايه وطن ويعنى ايه دماء أبناء الوطن

رحمهم الله جميعا وغفر لهم ما تقدم من ذنبهم وما تاخر وأسكنهم فسيح جناته وتقبلهم من الشهداء بفضله ورحمته
اللهم آمين

ثورة مصر الشعبية كما سيسجلها التاريخ

بدأت فى

25/1/2011

وانتهت بالنصر المبين فى

11/2/2011

استغرقت 18 يوما فقط لا غير وانتهت باسقاط كامل للنظام دون رواسب

ميدان التحرير لحظة تنحى مبارك

مصـــــــر اليـــــوم فى عيــــــــد

اللهم لك الحمد حمدا كثيرا طيبا مباركا فيه كما ينبغى لجلال وجهك ولعظيم سلطانك

الله اكبر كبيرا والحمد لله كثيرا وسبحان الله بكرة وأصيلا ..لا إله إلا الله وحده صدق وعده ونصر عبده واعز جنده وهزم الاحزاب وحده .. لا إله إلا الله ولا نعبد إلا إياه مخلصين له الدين ولو كره الكافرون ..اللهم صلى على سيدنا محمد وعلى آل سيدنا محمد وعلى أصحاب سيدنا محمد وعلى انصار سيدنا محمد وعلى ازواج سيدنا محمد وعلى ذرية سيدنا محمد وسلم تسليما كثيرااا

ألف مبرووووووك لمصر وشعب مصر وحبايب مصر

وان شاء الله شعلة الثورة يتسلمها منا شعب عربى آخر ليضيئ بها ظلام الدكتاتورية ويحرق بها الفاسدين وينير الطريق أمامه نحو الاصلاح والديموقراطية

كلمة السر

إذا الشعب يوما أراد الحياة فلابد ان يستجيب القدر

ولابد لليل ان ينجلى ولابد للقيد ان ينكسر

دمتم فى فرح ونصر وعزة وعزيمة وإباء وكرامة وفخر وإيمان

تحيــــــــــــــــــا مصـــــــــــــــــر

27 comments:

Unknown said...: ألف مبروووووك يا سالي ربنا بيحبنا الحمد لله اننا من الجيل العظيم ده ان شاء الله بكره أكيد أجمل; February 12, 2011 at 10:44 AM
كلمات من نور said...: مبروك النصر ورفع الراس عاليه وسط كل الدنيا ......الناس في كل بلاد العالم فرحانه علشان فعلا مصر أم الدنيا; February 12, 2011 at 10:58 AM
صيدلانيه طالعه نازله said...: مبروووك يا سالى
و دايما يارب فى عزه و نصر
تحيه للشهداء و لدماءهم الطاهره الذكيه التى عطرت جنبات مصر; February 12, 2011 at 12:32 PM
shoshta_ joker said...: السلام عليكم........

الحمدلله الذى نصرنا وحدة
واعزنا وحدة
(وان ينصركم الله فلا غالب لكم )
الحمدلله

وربنا يكمل فرحتنا ع خير ياررررررررررررب

دومتى بخير فى رعاية الله
shemo; February 12, 2011 at 7:41 PM
مدونة رحلة حياه said...: السلام عليكم
اللهم لك الحمد على ما كان ونسالك الستر فيما هو أت
يا مصر يا نن فى عيونى
افديكى بعمرى وتكونى
لكل الدنيا دى قبله
حاضنة للكل وقابله
والكل بيطلبوا ودك
...يا بلدى يا غالية مين قدك
يا مصر يا نن فى عيونى; February 12, 2011 at 11:55 PM
جنّي said...: السلام عليكم

صباح العزة والكرامة..

صباح الثورة والحرية والفخار ..

والخلود لشهدائنا..; February 13, 2011 at 3:04 AM
حاجات جوايا said...: شيرين سامى
..........
الله يبارك فيكى يا شيرى
الحمد والشكر لله
انا فخورة جداااا اننا من جحيل الثورة
وفخورة اكترررر انى مصرية
الحمد لله حمدا كثيرا طيبا مباركا فيه
يارب بكره يبقى اجمل
ويارب الحماس مينطفيش فينا ونعمل خطط زمنية ونقدر نحققها
مبروك يا قمر; February 13, 2011 at 3:42 PM
حاجات جوايا said...: كلمات من نور
............
الله يبارك فيكى حبيبتى
النصر طعمه جميل جداااااااا
احساس غاية فى الروعة
ربنا يديمه علينا يارب
تعرفى انا من الحاجات اللى مفرحانى اوى فرحة غير المصريين هههه زى ما يكون كابوس وانزاح من الكل
الله يسامحه بقى كان مبوظ علاقتنا باخواننا العرب
يلا الحمد لله
ومن نصر لنصر ان شاء الله
مبروك يا قمر; February 14, 2011 at 5:30 AM
حاجات جوايا said...: صيدلانية طالعه نازلة
...................
الله يبارك فيكى يا لولو
يارب يارب اى سعادة فى الدنيا متجيش حاجة جنب الاحساس اللى حاسينه دلوقت
الحمد لله والشكر لله
ربنا يرحمهم ويغفر لهم يارب ويتقبلهم من الشهداء
الحمد لله ان دمائهم الذكية الطاهرة مراحتش هدر
ربنا يصبر اهلهم يارب
مبروووك يا قمر; February 14, 2011 at 5:32 AM
حاجات جوايا said...: shemo_joker
..............
وعليكم السلام ورحمة الله وبركاته
الحمد لله والشكر لله

( وما رميت إذ رميت ولكن الله رمى )

مبروووك لمصر ويارب دايما فى حفظ الله
مبروووك يا قمر; February 14, 2011 at 5:35 AM
حاجات جوايا said...: مدونة رحلة حياة
...............
وعليكم السلام ورحمة الله وبركاته
آمين يارب
مصر نن عيوننا كلنا
مهى خلاص رجعت لنا
تفرد ايديها وتضمنا
وتطبطب علينا وتلمنا
لا فى يوم هنسيبها ونهاجر
ولا هى هتبعد عننا
مبروووووك يا فندم; February 14, 2011 at 5:38 AM
حاجات جوايا said...: جنى
......
وعليكم السلام ورحمة الله وبركاته
صباح النصر صباح الامل صباح الحرية
رحم الله شهدائنا وتقبلهم بفضله ورحمته
مبروووك يافندم; February 14, 2011 at 5:58 AM
shima said...: مبرووك يا سالى ويارب يكون اللى جاى احلى وتكمل فرحتنا
ربنا يسكن شهداء الثوره فسيح جناته امين تحياتى ليكى; February 14, 2011 at 3:43 PM
Anonymous said...: يعني انت حكمت علي الراجل انة ظالم طيب دا الظلم ظلمات يوم القيامة; February 14, 2011 at 11:12 PM
حاجات جوايا said...: shimaa
........
الله يبارك فيكى يا شيمو
ان شاء الله الجاى احلى لاننا عرفنا الطريق الصح خلاص ومش هنسمح لحد يلعب بينا تانى
ربنا يرحم شهدائنا يارب ويسكنهم فسيح جناته
مبروووك يا قمر; February 15, 2011 at 1:59 PM
حاجات جوايا said...: المجهول
........
حاشا لله انى احكم على حد بالباطل
أدلتى على ظلمه كحاكم كتيررررررر جداااا
واكبر دليل خروج الملايين طالبين للتنحى لرفع الظلم عنهم
لو عندك انت دليل واحد على عدم ظلمه ياريت توضحه; February 15, 2011 at 2:03 PM
mahmoued abdulsattar bayomi said...: انا المجهول لكل انسان منا خطئة ولا هو انت ملاك مبارك قائد الضربة الجوية مبارك حول نصر من نظام اشتراكي لنظام راسماي ودة طبعا مش سهل ولازم تكون لة نتائج متعبة للشعب لكن هو اختار الطريق الصعب مبارك جنب مصر الكثير من الازمات تذكري موقفة من غزو الكويت وموقفة من غزو العراق زيادة الاستثمار الخ علي فكرة انا دارس ادارة وعلمونا ان لااي قرار جوانب ايجابية وجوانب سلبية لازم نحط كل دة في الاعتبار وبعدين من منا بيعرف يختار اصدقائة دة ساعات كتير بننخدع وهو مش ملاك الا اقدر اقولة ستثبت لك الايام اننا ظلمنا هذا الرجل افتكري السادات وما كان يقال عنة قبل وفاتة وما قد قيل بعدها كانت الناس بتقول ان مبارك حط الجنزوري قيد الاقامة الجبرية وها هو الجنزوري في لقاءة مع مني الشاذلي يفند هذا ويقول لم يحدث علي فكرة انا اصلا من قرية صغيرة عندنا اسرة بنت بيتا كبيرا وجميلا ناس في القرية تقول انهم بيتاجروا في المخدرات وناس تقول انهم لقوا شنطة مليانة فلوس وهكذا عيبنا اننا نتكلم بدون اي دليل ودائما لدينا سوء نية في اي شخص وكل من لايعرف بيعمل نفسة ابو العريف مع ان دينا بيقول اني مقدرش اقول ان حسني مبارك حرامي الا اذا كنت انا شفت كدة ولدي الدليل ليس انا سمعت انة حرامي من فلان فالبتالي هو حرامي وهكذا والله منتقم عزيز وحسبي الله ونعم الزكيل واخر دعوانا ان الحمد لله رب العالمين; February 15, 2011 at 9:44 PM
mahmoued abdulsattar bayomi said...: اة علي فكرة مبلغ ال70 مليون دولار دة انا قريت عنة تصوري من 7 سنيين والغريب انة نفس الرقم ومايضحك كثيرا ان جريدة بريطانية قالت ان ثروتة تتراوح بين 40 الي 70 مليار يعني كاني بقولك ان سنك بيتراوح بيت 10 و60 سنة صحيح الكذب ملوش رجلين ولك الله يامصر; February 15, 2011 at 10:20 PM
mahmoued abdulsattar bayomi said...: وبعدين مصر 85 مليون اية هو خرج 30 مليون برضة مش صحيح عموما اسالي في عمارتك شقة شقة وبعديها حددي اية الوضع; February 16, 2011 at 12:12 AM
حاجات جوايا said...: القاهرة الجديدة
.............
أهلا يا فندم
مبارك يا فندم أيام الضربة القوية كان ظابط مصرى وده كان واجبه فى حرب 73.. ولو مكانش هو موجود كان هيبقى فيه قيادات تانية ..لان مصر كان مقدر لها النصر سواء كان هو موجود او لا ..يعنى مكانتش هتقف عليه.. ( وما النصر إلا من عند الله )وعموما طبعا لاننكر دوره فى الضربة الجوية وجزاه الله عنا خيرا

بس هو مكانش رئيس وقتها فمينفعش ندخل ده فى مسيرته كرئيس وحاكم للبلد
دى حاجة

حضرتك بتقول انه حول مصر من نظام اشتراكى لنظام رأسمالى
طيب شايف ان دى حاجة كويسة بالمعايشة على أرض الواقع
التحويل ده يا فندم خلى مصر فيها طبقة تحتكر السلطة والمال والنفوذ على حساب الشعب كله
باقى الشعب كان عايش على فتاتهم
و40% من الشعب مكانش لاقى الفتات ده أصلا
مكانش بيوصله لانه كان عايش تحت خط الفقر
مفهوم تحت خط الفقر ده على فكرة انا شوفته بعينى وشوفت اد ايه ان الناس اللى بتعيش ب300 جنيه فى الشهر بالنسبة لهم هاى كلاس
جربت مرة تروح العشوائيات .. ولا تفتح الحنفية تنزلك صرف صحى .. ولا تبقى عايش انت والفيران وكل حشرات الارض مع بعض سوا سوا .. ولا بتستنى جمعية خيرية تعمل حملة اطعام ولا كساء
عشان تعرف تاكل ولا تلبس

حضرتك بتقول انك من قرية صغيرة .. يا ترى شكل الحياة فى القرية بيرضيك .. الخدمات كلها تمام .. اشتغلت من غير واسطة ولا لسه مش عارف تشتغل .. الفلاح فى القرية سعيد ومبسوط ومفيش اى مضايقات عليه .. تجريف الاراضى طيب
اخباره ايه ؟
الفواكه والخضراوات المسرطنة سببها ايه ؟
التعليم فى مصر اخباره ايه .. عاجبك .. بينمى العقول ولا العاهات ؟
الصحة أخبارها ايه .. المستشفيات الحكومية فيها رعاية صحية متميزة ..
ولا المريض بيدخل بمرض يخرج بأمراض ..؟
المستشفيات نظيفة أصلاااااا ؟

هى دى مش من مسئوليات السيد الرئيس ؟
مش دى برضه انجازاته؟

يتبع; February 16, 2011 at 5:46 AM
حاجات جوايا said...: القاهرة الجديدة
..............
مبارك يا فندم كان حاكم سيء.. وده خلى كل اللى تحته فاسدين من أول الهرم لغاية اصغر مخبر فى الشارع
فاكر خالد سعيد.. وسيد بلال .. ومصطفى عطيه
فاكر عماد الكبير واللى عملوه فيه
لو كان حاكم صالح كان حد جرؤ انه يتعامل مع المواطنين بالشكل الفج ده ..ايه الفرعنة دى .. انت كنت آمن على نفسك وانت ماشى فى الشارع .. مكنتش خايف تخبط فى مخبر صدفة يقوم يقتلك ولا ينتهك عرضك فى اقسام التعذيب
بالذمة ده راجل كويس

اصدقاء مين يا فندم ؟. هو محتاج يعرف اخبار رعيته من اصدقاؤه
ما القنوات الفضائية جايبة كل حاجة كل يوم .. ما الصحف المستقلة فاضحة كل التفاصيل وكل المسئولين
متحاولش تلتمس له العذر بالجهل او التضليل .. لو سألت اى حد بسيط فى الشارع هيحكيلك كل حاجة .. لو سألت اى مواطن عربى حتى مش مصرى هيقولك كل حاجة ..ده لو فى ظل الفضائيات والصحافة ويبقى مش عارف .. فده يبقى عذر اقبح من ذنب
امال هو رئيس البلد ازاى .. بأمارة ايه ؟
( كلكم راع وكلكم مسئول عن رعيته )

شوفت المعاملة اللى اتعاملها المتظاهرين اللى كانوا نازلين بيأكدوا ان المظاهرة سلمية سلمية
شوفت الرصاص المطاطى وقنابل الغاز والرصاص الحى
شوفت القتلى والجرحى
شوفت كام شهيد فى اسبوع فى مظاهرة سلمية ؟
سمعت حبيب العادلى وزير التعذيب قال ايه تعليق عالاحداث دى
قال ان الاوامر بالضرب جت من الرئاسة
من مبارك شخصيااااااا
القوات المسلحة كمان اتعرضت للضغط من مبارك شخصياااا لضرب المتظاهرين بالمدفعية
تخيل
بالمدفعية
لكن لولا ستر ربنا ويقظة ضمير ظباط الجيش وقياداته كانت بقت مذبحة
كنت هتبقى راضى لما ولاد بلدك يموتوا ويتيتم ولادهم وتترمل زوجاتهم ويفجع اهاليهم .. لمجرد حماية شخص واحد مكروه من شعبه
لو ليك حد فى المظاهرات واتجرح ولا استشهد كان هيبقى ده رايك فى مبارك
؟؟؟؟؟؟
اشـــــــك

عارف فيه كام معتقل سياسى من سجناء الرأى فى السجون الآن .. 10000

عشر الاف فى عصر الديموقراطية المباركة ..عشر آلاف فى عصر راعى حرية التعبير

شوفت عمل ايه فى حمدى قنديل ولا ابراهيم عيسى ولا عمرو اديب

اى حد مؤثر وله جماهيرية كان بيبعده عن الساحة تماما ..عشان الشعب يفضل نايم ومطاطى وخاضع
دى حرية الراى فى مصر اللى بيفخر فى خطابه بان التظاهرات ما كانت لتتم الا اذا كان فيه مساحات للراى وحرية التعبير فى مصر

ده الشعب اللى قعد يعبر عن رايه ويصرخ ويشتكى لطوب الارض ...... ومحدش كان بيسمعه اصلا
كان مبدأ السيد الرئيس
طالما انك شخصية غير مؤثرة على الرأى العام .. اتكلم زى ما انت عايز .. وقول اللى نفسك فيه .. وابقى شوف مين هيسمعك أصلااا

مصر بقت اجمل من غير مبارك
الفرحة والمحبة والرضا بقت فى عيون الناس كلها
الناس اتغيرت للافضل ولسه
ان شاء الله الجاى هيعرفك اننا كنا فعلا فى عصر الظلم والقهر
لاننا معدناش هنسمح لحد يتحكم فينا بالحديد والنار
الشعب المصرى صحى وفاق ومش هينام تانى ولا هيطاطى
وكل فاسد هيتحاسب حساب عسير
لان عصر الفساد انتهى اللى متحاكمش فيه فاسد واحد رغم علمهم التام بفساد كل المسئولين على حسب قول حبيب العادلى بان فيه غرفة فى الحزب الوطنى اسمها غرفة جهنم فيها كل المستندات اللى بتثبت فساد كل المسئولين بالصوت والصورة وده كله بعلم صفوت الشريف وجمال مبارك واحمد عز ومحدش فكر يحاسبهم ولا كان هيفكر الا وقت الحاجة يوم ما يحبوا يمسكوا ذلة لحد يضغطوا عليه بيها

هو ده عصر مبارك وجمال مبارك
الحمد لله والشكر لله ان الثورة قامت فى الوقت ده بالذات
الف حمد وشكر لله
لان مبارك زى ما سمعنا فى اواخر ايامه ولو كان مات وهو فى السلطة كان جمال هيورث الحكم والبلد هتضيع وتتنهب اكتر واكتر

اخر الكلام
لا املك الا الدعاء له ربنا يخفف عنه الألم .. والحساب

نورتنى يا فندم; February 16, 2011 at 6:32 AM
Anonymous said...: ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us; February 17, 2011 at 7:42 PM
محب روفائيل said...: مبروك لمصر

مبروك للعرب

مبروك لينا كلنا

تحياتى يا أستاذة سالى; February 18, 2011 at 10:57 AM
حاجات جوايا said...: الكاتب محب روفائيل
.................
ألف مليون مبرووووك لينا كلنا
يارب دايما فرحانين ومنصورين ومتوحدين
ربنا يكمل فرحتنا على خير ويتوج نصرنا بكماله واكتماله ومحاكمة الفاسدين
مبرووووك يا فندم; February 18, 2011 at 10:13 PM
Anonymous said...: اقسمت عليك /ى بالذى رفع السموات الطباق ان لا تتجاهل رسالتى دا فى عنقك حتى يوم المحشر ابعته لغيرك وبسرعة لكن امنتك بالله لاذم تشوفه

http://www.youtube.com/watch?v=r3QqyuaJZ7Y

تانى لينك

http://213.251.145.96/cable/2008/12/08CAIRO2572.html

تالت لينك

http://www.telegraph.co.uk/news/worldnews/africaandindianocean/egypt/8289698/Egypt-protests-secret-US-document-discloses-support-for-protesters.html

رابع لينك

http://www.telegraph.co.uk/news/worldnews/africaandindianocean/egypt/8289686/Egypt-protests-Americas-secret-backing-for-rebel-leaders-behind-uprising.html

5-very impor...خامسة الرجل دا قاعد فى وشنطون امريكا؟؟!!! .

http://www.youtube.com/watch?v=PANW_J18z4Y&feature=related

6 ودا قبل يوم من النزول للشارع

http://www.youtube.com/watch?v=tX-6aN4uHoI&feature=related

وفية اكتر واكتر لكن اللى عاوز يشوف يدور ارجوا الاهتمام والقاء لو نظرة بسيطة; February 19, 2011 at 3:12 AM
Mark said...: shimaa ........ الله يبارك فيكى يا شيمو ان شاء الله الجاى احلى لاننا عرفنا الطريق الصح خلاص ومش هنسمح لحد يلعب بينا تانى ربنا يرحم شهدائنا يارب ويسكنهم فسيح جناته مبروووك يا قمر; January 5, 2013 at 3:31 PM
محمد على said...: شركة تنظيف منازل بالخرج
شركة تنظيف موكيت بالخرج
شركة تنظيف مجالس بالخرج
شركة تنظيف خزانات بالخرج
شركة رش مبيدات بالخرج; September 10, 2019 at 9:29 AM