حاجــــات جوايــا: أول الغيث ..... ولا آخره ؟؟؟

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Monday, January 17, 2011

أول الغيث ..... ولا آخره ؟؟؟

عبده عبد المنعم يشعل النار في نفسه أمام مجلس الشعب وهو يهتف ضد "أمن الدولة .. يا امن الدولة يا امن الدولة...؟. حقى ضايع فى الدولة .. حرس مجلس الشعب يطفوه بطفايات الحريق وينقلوه فى سيارة اسعاف على مستشفى المنيرة .. ده اليوم السابع بتقول كده ..

بس مصراوى بقى بيقول ان اللى جرى عليه سائق تاكسى وحاول يطفيه بطفاية الحريق اللى معاه الخاصة بالتاكسى بمساعدة المارة .. وبعد استقرار حالة الرجل، قامت النيابة بسماع اقواله في الواقعة، حيث قال إنه يملك مطعم بمدينة القنطرة شرق بمحافظة الإسماعيلية، وأنه أقدم على إشعال النار في نفسه احتجاجا على عدم صرف حصة الخبز الخاصة بمطعمه، مما تسبب له في البطالة

وصول فريق من النيابة لمستشفى المنيرة للتحقيق مع المصاب لتبين أسباب حرقه لنفسه

المستشار الإعلامي لوزير الصحة يجتمع مع مدير مستشفى المنيرة ويعقد مؤتمرا صحفيا بعد قليل

إصابات عبده عبد المنعم سطحية وتتركز بالوجه والرقبة واليدين واحتمالات بخروجه بعد يومين

وصول أيمن نور لمستشفى المنيرة محاولا زيارة عبده عبد المنعم ... تويتات ايمن نور على تويتر بتقول :

الاسم عبده عبدالمنعم حماد من قنطره غرب ونسبه الحروق 30 فى المائه والأصابات فى الوجه واليدين وعمره 49 سنه ويقول لجهات التحقيق الان انه لم يتمكن من الحصول على رغيف العيش وذهب لرئيس المجلس المحلى فلم يساعده أحد ونتيجه ظروفه الاقتصاديه وضع بنزين على رأسه وأشعل النيران .... المحامى العام يحقق معه الان وهناك اتجاه بأن يكرر نفس السيناريو المعتاد بأنه مريض نفسى ... حصار أمنى لكل أبواب المستشفى وإجراء التحقيق معه دون وجود ايه محامين ومنع دخول اى شخص إلا الأمن قسم الحروق .. مسؤلين بالمستشفى والامن لم يقصد الانتحار فسالتهم هل كان يجرب حلاقه ذقنه بالبنزين ؟ ... تذكره المواطن عبده عبدالمنعم تم سحبها من قسم الحروق لأحد المكاتب الإداريه فى حضور الأمن لكتابه أسماء عقاقير طبيه نفسيه حيث يتجه الامن لذلك ... مشاورات بين الأمن والنيابه لاحاله المواطن المحترق لأحد المصحات النفسيه لإثبات مدى قواه العقليه ... المواطن المحترق يقول فى التحقيقات ان له نشاط سياسى سابق ويتحدث عن مشكله لوالدته فى التأمينات وصعوبه الحصول على رغيف العيش

تواجد أمني كثيف داخل مستشفى المنيرة والأمن يمنع دخول الصحفيين

الاهرام : المواطن الذي أحرق نفسه يعالج نفسيا في مستشفى العباسية .. !!!!

البرادعى مقالش حاجة لسه :)

زوجته : رفضوا صرف الخبز له فاشعل النار فى نفسه

صديق مقرب لعبده : حالته النفسية طبيعية .. ومصدر طبى :الحروق 30%
.....

حرقت نفسك عالفاضى يا عبده

أديك طلعت مجنون

يعنى ولادك ذنبهم ايه .. ابوهم يبقى محروق وكمان مجنون

روح يا شيخ ربنا يسامحك

8 comments:

دكـــــتور جدا said...: الناس مش عارف فيه ايه
لازم نقلد الغلط قبل الصح
وبعدين مصر مش زي تونس
لو الشعب كله ولع نفسه في نفسه الحكومة ولا تتهز شعرة
محتاجين نفكر على المدى الطويل
....
أول زيارة لي في المدونة الرائعة
وأتمنى دوام التواصل
تحياتي; January 17, 2011 at 3:22 PM
حاجات جوايا said...: دكتور جدا
...........
أهلا يا فندم
عنندك حق طبعاااا مصر مش زى تونس
اهل تونس الغضب وصل بيهم لمرجلة متقدمة احنا لسه موصلناش ليها رغم كل الظاهر

ويمكن يكونوا بيحبوا بعض وبيحبوا بلدهم وعندهم احساس بقيمة المواطن (ودى حاجة بنفتقدهاأو بمعنى اوضح بدات تموت فينا ).. عشان كده خرجوا بعد موت محمد بوعزيزى ثائرين

الحقيقة الاكيدة ان لو الثمانين مليون حرقوا نفسهم وسابوا بس الساسة والقادة والمشاهير .. محدش هيتحرك

بيقولوا فيه ثورة 25 يناير .. ومن قبل ما تبتدى عارفة انها هتفشل والامن مش هيسمح بيها حتى لو قتل المتظاهرين واحد واحد

تحياتى ليك
نورتنى واتمنى دوام التواصل; January 17, 2011 at 3:39 PM
الميكروباص said...: هو عشان الراجل بتاع تونس ولع في روحه يبقى احنا كمان نولع في نفسنا؟
تعرفي ان تونس عندها القناه السابعه اول مرة كانت تذيع الآذان من 23 سنه كان من يومين
لازم الناس تعرف ان فيه فرق كبير بين الحال عندنا وعندهم; January 17, 2011 at 5:59 PM
مدونة رحلة حياه said...: السلام عليكم
عارفة الشعب كله ممكن يطلع فى الاول وفى الاخر مجنون والصراحة التى لا تنكر ان
الشعب هو اللى غلطان
طبعا غلطان احنا عاوزين نتعب المسئولين ليه ما كل واحد عنده اللى مكفيه
وبعدين هو كله واحد يحرق نفسه يفتكروه مغنى طلع موضه جديدة يحرقوا فى نفسهم احنا لو مشينا بالشكل كدا كلها يومين وتلاقى البلد بتعانى من قلة السكان ومن فرص العمل الزايدة اكتر من اللى احنا ومن الرخاء ومن الغنا ومن ومن ومن
كفاية كدا
سلام عليكم; January 17, 2011 at 8:11 PM
حاجات جوايا said...: لورنس العرب
............
اهلا يا فندم
للاسف الناس بتاخد بالظاهر ومش بتدور فى العمق
والدليل الاربعة اللى حرقوا نفسهم فى الجزائر
واللى حرق نفسه النهارده فى موريتانيا قدام القصر الرئاسى
ده غير عم عبده
فاكرين ان ده سر اللغز
احرق يا سمسم .. تتحرر المغارة من الاربعين حرامى
على الله يكونوا اخر المحروقين
مش ناقصة والله
هما فعلا كان الكبت عندهم زايد عن الحد عشان كده انفجروا للدرجة دى
احنا اهون كتير رغم كل البلاوى
بس عالاقل بنتكلم
صحيح محدش بيسمعنا ولا يعبرنا بس ادينا بنتكلم ونفرغ الشحنة
ربنا يستر عاللى جاى
نورتنى يا فندم; January 17, 2011 at 8:25 PM
حاجات جوايا said...: مدونة رحلة حياة
..............
وعليكم السلام ورحمة الله وبركاته
انت عارف لو مفيش رقابة دولية اعلامية مكنش حد همه اللى يتحرق يتحرق وكانوا لقوها فرصة لتقليل الكثافة السكانية عشان الدعم يكفى :)

للاسف الدين غايب عن عقول بعض الناس .. مهما كان المر اللى بندوقه على ايد حكومتنا المبجلة الا انه ميستاهلش اننا نبيع اخرتنا عشان نخلص منه
هى هتبقى نار فى الدنيا والاخرة كمان
كفاية الدنيا اوى
ربنا يهدينا ويصلح الحال

نورتنى يا فندم; January 17, 2011 at 8:30 PM
محب روفائيل said...: صدقينى يا سالى الواحد مش عارف يقول ايه ؟
الدنيا باظت ومصر راحت وولاد الايه بتوع النظام عارفين شغلهم كويس قوى .
أنا نفسى نخلعهم ونبهدلهم يوم 25 :)
تقبلى تحياتى

على فكرة أنا لاحظت ان التحديثات بتاعة مدونتك مش بتجينى ، هشوف يمكن اختى الصغيرة عملت عدم متابعة ليكى ولا حاجة :); January 19, 2011 at 3:56 PM
حاجات جوايا said...: الكاتب محب روفائيل
..................
اهلا يا فندم
باظت ولسه هتبوظ اكتر الا لو لحقناها بقى
ويا خووووفى
ربنا يجيب العواقب سليمة :(

بالنسبة للمدونة انا شوفت البلوج ليست عندك ملقتش مدونتى .. يعنى مش متضافة وبالتالى مش هييجى تحديث :)

نورتنى يا فندم; January 21, 2011 at 5:25 AM