Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Monday, July 12, 2010

ولسه يا وزير التغييم

لقى طالب مصرعه من مركز أبو قرقاص منتحراً، بعد إعلان نتيجة الثانوية العامة. تلقى اللواء محسن مراد مدير أمن المنيا بلاغا من مأمور مركز شرطة أبو قرقاص يفيد انتحار الطالب وليد خلف عبد الحكيم من زاوية حات التابعة لمركز أبو قرقاص، عقب سماعه النتيجة والتأكد من رسوبه، حيث تبين أنه قام بإغلاق الباب على نفسه وربط حبل فى سقف المنزل ووضعه حول رقبته وشنق نفسه. وقد عثرت عليه أسرته معلقا إلا أنها لم تستطع إنقاذه.

الخبر من اليوم السابع

ولسه يا وزير التعليم

بجد حسبى الله ونعم الوكيل

مش عارفة ايه مزاج السادة الوزراء انهم يعكننوا على الشعب

عايزة افهم بس هما بيستفيدوا ايه ؟؟؟

الثانوية العامة فى بلدنا كارثة من الكوارث الطبيعية

وياريت بيطلع منها الطلاب فاهمين حاجة

شوية مختلين عقليا ميعرفوش اى حاجة فى اى حاجة ماسكين العملية التعليمية ومعتقدين انهم جهابذة وعباقرة واللى بيعملوه محدش يقدر عليه

من ناحية محدش يقدر عليه .. ففعلا محدش يقدر عليه

لان محدش عنده كمية الغباء دى كلها .. ده غباء حصرى فى التعليم المصرى

الخبر ده كنت متوقعاه ويمكن اكون كنت بستناه .. وبستنى اكتر منه كمان .. مهو أكيد الموضوع مش هينتهى بانتحار طالب واحد

فى شرع مين يرسب نصف طلاب الثانوية العامة ؟؟؟؟؟؟؟

نصف الطلاب !!!!

نصف الطلاب مذاكروش ليل نهار .. ولا تعبوا وسهروا واكتأبوا وعيطوا من المناهج التقيلة اللى مش قادرين عليها

نصف الطلاب أهاليهم مدفعوش اللى وراهم واللى قدامهم فى دروسهم الخصوصية

نصف الطلاب معاشوش سنتين فى جحيم الثانوية العامة وعيشوا معاهم أهاليهم وأقاربهم ، وبيوتهم تحولت من بيوت عادية لثكنات عسكرية معلن فيها حالة الطوارئ ليل نهار

والله أنا قلبى بيبكى .. حزينة جداااا على كسر قلوب الطلبة وأهاليهم بالشكل المفجع ده

هو خلاص مفيش رحمة

طيب بتضيقوا عالناس فى المعيشة .. فى الجواز .. فى الشغل .. فى غلاء الأسعار .. فى الارتفاع الجنونى لاسعار شقق الشباب .. فى تدمير نفسية الشباب والبنات .. والناس مش قادرة وهتنفجر من كل حاجة ومحدش حاسس ولا سائل ... لكن دى حاجة وانكوا تحطموا قلوب واحلام ولادهم حاجة تانية خالص

كل انسان طبيعى بيستحمل كل حاجة عشان خاطر ولاده

عشان يربيهم كويس ويعلمهم كويس ويفرح بيهم ولهم

حتى الفرحة استخسرتوها فى الناس

مفيش عقل خالص .. مفيش نسبة ذكاء أرنب حتى

سيبوا للناس حاجة تريحهم نفسيا يمكن ينسوا عمايلكوا السودة شوية

مش كفاية أصلا انهم هيدخلوا كليات عجيبة وأساتذتها معقدة برضه ويتخرجوا منها زى ما دخلوها وفى الاخر يقعدوا فى بيوتهم

طيب ادوهم فرصتهم فى البهدلة الطبيعية .. بلاش تبهدلوهم كده من اولها وتكرهوهم فى حياتهم وبلدهم .. الحكاية مش ناقصة

هى عقدة وبنخلصها فى الناس ولا ايه ؟؟
والله ياريت يا حكومة قبل ما تمسكى حد مصير ابنائك .. تعرضيه على طبيب نفسى

وياريت تبقى تكشفى انتى كمان احتياطى زيادة اطمئنان احنا طبعا واثقين فى قدراتك العقلية الخارقة بس محتاجين نطمن.. يمكن يكون مستوى ذكائك تعدى الحدود الطبيعية وكسر الارقام القياسية .. وساعتها بقى يبقى يا بختنا يا هنانا

ربنا يرحمك يا وليد ويصبر أهلك و ينتقم من كل ظالم

حسبى الله ونعم الوكيل

24 comments:

همسات وبحــ الحياه ــر said...

احم احم احم
اسمى وادخل برجلى اليمين
هو انا اول تعليق ولا ايه

همسات وبحــ الحياه ــر said...

طب كويس
احجز مكان بقى
واروح اقرا واجى
عشان شكلنا هنحسبن كتير وهندعى كتير على الراجل دا :):)

همسات وبحــ الحياه ــر said...

يابنتى

النتيجة السنه دى مهزله دا اكتر واحدة جايبة عندنا فى البلد 93

كل واحد يقول اللهم اجرنى فى مصيبتى واخلفنى خير منها

اصلا اصلا
2 انوى السنه دى انا بعتبرها فيران تجارب
جربوا فيهم كل حاجة من اول 6 ابتدائى

واحد من البلد دى said...

السلام عليكم

والله يا أختنا العزيزة..حمستينى لأكتب حاجة عن الموضوع ده

عموما..قريب ان شاء الله

ملحوظة...زورينى...القصيدة الجديدة مهمة

دمتى فى حفظ الله

د/على خميس said...

السلام عليكم و رحمة الله و بركاته
مسلسل إلعاء الناس بالمعيشة مازال مستمرا و لكن هذه المرة بشكل مستفز
بارك الله فيك
تحياتى

سواحة said...

عايزة تعريضيهم على دكاترة :-)))
يا جوجو
الدكاترة عايزن يتعلموا من اول و جديد و اعتقد اغلبهم ول عاد الثانوية حيسقط

النظرية الى الوزير مش واخذ باله ان وزارة التعليم العالى حتصوت منه
لان نقول ثلث الى كانوا بينجحوا زمان كانوا بيدخلوا جامعات او معاهد خاصة دلوقتى مفيش لان الحكومى حيكونى فيه مكان للكل و عليه الحكومة مش حتستنفع
و لا النظرية اعمق من كده و حيكون فيه تدخل من فوق ؟؟ لانجاح الطلاب بعد كتابة موضوع تعبير :-) عن جمال المونديال ؟؟

بنت وولد said...

حاقول ايه
هيا دى بلدنا يا قمر
و كل واحد فيها فاكر انه اما بيستقوى على غيره بيبقى نجح او ساب علامه فارقه
مش عارفه فى شرع مين ده يحصل
ربنا يرحمنا برحمتك و يقوى الاهالى و الطلبه على الهم ده

حاجات جوايا said...

دموع القمر
------------
اهلا يا قمر
نورتى اول تعليق
وتانى تعليق
وتالت تعليق

اللى بيحصل بجد فوق قوة الاحتمال
مش عارفة الناس دى والله بيجيبوها منين
دى ناس تخصص أذى لله فى لله كده وخلاص
ربنا يرحمنا
اه والله 2 ثانوى دول دفعة المظلومين

ربنا يرفع غضبه ومقته عنا
الحمد لله معنديش ثانوية عامة السنة دى
يمكن وقتها ربنا يصلح الحال
نورتينى حبيبتى

حاجات جوايا said...

واحد من البلد دى
--------------------
وعليكم السلام ورحمة الله وبركاته
أهلا بك أخى الفاضل
والله ياريت حضرتك تكتب عن الموضوع ده
دى بجد حاجة فوق الخيال
مش عارفة السنة الجايةهتبقى النتيجةزى نتيجة مدرسة المشاغبين ويقولولنا لم ينجح احد ولا ايه ؟؟؟؟
قصيدة خالد سعيد راااااااااااائعة جدا
تسلم ايد حضرتك بجد
تحياتى وتقديرى
نورتنى اخى الفاضل

حاجات جوايا said...

د. على خميس
--------------
وعليكم السلام ورحمة الله وبركاته
اهلا بك اخى الفاضل
لا لا المرة دى وسعت منهم شوية
اصل الواحد يستحمل كل حاجة على نفسه وييجى عند ولاده وميستحملش يشوف دمعة فى عنيهم
كده بقى هما اللى جابوه لنفسهم
ويتحملوا بقى غضب الشعب
ربنا يهديهم
نورتنى اخى الفاضل

حاجات جوايا said...

wanda
--------
واندا يا واندا
ازيك يا قمر
اه نعرضهم على دكاترة من الموجودين فى بلدنا عشان يطلعوا فيهم عبقرية التعليم المصرى
مش لازم يدوقوا عمايل ايديهم
مفيناش من المانيا تانى

احسن برضه
خلي الدنيا تدخل فى بعضها عشان تقع على دماغ الوزير فى الاخر

انا اعتقد ان معدش هيبقى فيه تعليم بعد الثانوية العامة فى الايام الجاية

امبارح وزير الصحة اصدر قرار باغلاق قسم النساء والتوليد لمدة7 سنين قادمة.. يعنى القسم معدش هيسمح لحد بالتخصص فيه عشان فيه فائض فى سوق العمل

واكيد تماشيا مع نفس السياسة كل كلية هتوقف اسنقبال طلاب للالتحاق بها

ده من سنة 99 محدش بيتعين
اكيد فيه فائض من كل الكليات

ربنا يرحمنا برحمته
ويصلح حال اولادنا

نورتينى يا جميلة

حاجات جوايا said...

بنت وولد
-----------
أهلا يا قمر
والله يا بنوتة انا حزينة جدااا عالحال اللى بنوصل ليه كل مدى الموضوع بيزداد سوءا اكتر واكتر
مش عارفة الحل ايه
ولا الفرج امتى
ربنا كبير
نورتين حبيبتى

عايش... ولكن !!!! said...

عارفه الموضوع ده بقا مستفز اوى
بس كل شىء وله اخر وما صبرك الا بالله

العلم نور said...

في الحقيقة لما قرأت الخبر أن 109 ألف طالب وطالبة صانوية عامة لم ينجحوا أعتقدت في العالم وليس في مصر فقط.

لا حول ولا قوة إلا بالله

همسات وبحــ الحياه ــر said...

الجميل شكله زعلان ولا ايه

مش راضية تنورنا فى المدونة

عندما نحب said...

و الله يا سالى السنه دى
النتيجه تحزن قوى
و الاولاد صعبانين عليا
تعبهم و تعب اهلهم عليهم

ربنا ينتقم منه بجد

انا غيرت الاسم من حاله ملل للاسم ده
يمكن النحس يتفك يا اختى
ههههههههههههههههه

محمد عتلم said...

السلام عليكم وصباح الخير يا سالى
انا طبعا عايش برا مصر ومش متابع اوى اللى بيحصل بقالى سنتين تقريبا بس بقالى كده حوالى 6شهور بحاول اتابع وكل اللى بشوفه حاجات زباله وفضايح وقلة ادب ومش لاقى اى حاجه حلوه تشجع على الرجوع مصر . وكل ما اسأل حد من صحابى اللى كانو فى اجازه ورجعو الاقيه بيشتكى ويسب ويلعن .. لدرجة ان ساعات بقول فى عقل بالى طب هتروح تعمل ايه ؟؟ خليك هنا بس برضه الواحد على الأقل يشوف ناسه
الوله كوكو ابن اختى لقيته بيتصل بيا امبارح بالليل من مصر ومبسوط اوى وفرحان وبيقولى باركلى يا خالو انا نجحت فى الثانويه العامه قلتله جبت كام قالى 85% وبيقولها وهوا فرحان اوى . قلتله المجموع صغير لقيته بيقولى ياعم كويس ان انا نجحت اصلا العيال كلهم هنا صاقطين . قلت الواد ده عبيط باين عليه وبيهرب من انه مجابش مجموع كبير عشان طول عمره متفوق
دلوقتى انا عذرته وفهمت موقفه بعد البوست بتاعك ده عشان مكنتش عارف الموضوع اساسا
كده هتصل بيه واباركله بجد
طولت عليكى يا سالى بس بقالى كتي معلقتش عندك

كلام على بلاطة said...

كل ما انظر لحالنا الموحول اتفرس !!!!!!ولم نعد قادر لا ابالى/
فكلنا نشكو بمرارة وبكل حرارة من عيوب ظاهرة واضحة قبالى/
واحنا السبب فبه وبلا غضب فاحنا الظالمين والمظلومين بالتالى/
والمميزات ان وجدت فبالقطارة بعد ان هجرنا الحضارةوطوالى/
وعيوبنا نسخة بالكربون يتساوى فيها الفقيرمع الخولى والوالى/
ومن اصدق ما عبر عننا ابن خلدون درة تاج الخالدون الغوالى/
فمن حبنا للفخر سكبنا علينا ما ليس فينا من باب الفشخرة والتعالى/
وحولنا التقصير والاهمال الى قصور وابراج وزيناها بالامالى/
ولن ينصلح حالنا الاباعترافنا بخرابنا وخيبتنا فى كل شى ومجالى/
ثم نبد أ الاصلاح والكفاح فان انتصرنا على انفسنا انتصرنا فى ثوانى

حاجات جوايا said...

عايش ... ولكن
---------------
أهلا بك اخى الفاضل
فعلا والله الموضوع زاد عن المعقول
امتى بقى ؟؟
يارب الفرج من عندك
نورتنى اخى الفاضل

حاجات جوايا said...

أم الخلود
---------
أهلا حبيبتى
تخيلى بقى ان ده فى مصر بقى
اصل احنا جالنا وزير تعليم جديد من يوم ما جه جاب الخير معاه احتجاجات واعتصامات ومراقبين امتحانات بيموتوا وطلبة بيسقطوا ومدرسين ومدراء مدارس بيتنقلوا ويتبهدلوا مش عارفة والله لما التعليم مذايقه اوى كده ما يعملهم ابادة جماعية ويخلص

صدقتى لا حول ولا قوة الا بالله
نورتينى حبيبتى

حاجات جوايا said...

دموع القمر
--------------
اهلا يا قمر بلا دموع
انا اقدر برضه ازعل منك ده انتى حبيبتى :)

حاجات جوايا said...

عندما نحب
------------
أهلا يا قمر
اه والله صعبانين عليا
واكتر حاجة منرفزانى ومجننانى ضحكة الوزير والناس اللى عمالين يسقفوله ليل ونهار وكأنه بيعمل اصلاح شامل متكامل
منهم لله كلهم

هههههههههههههه
ان شاء الله النحس هيتفك قريب
بس قولى يارب
حلو الاسم الجديد تعيشى وتدوبيه يا حبيبتى ههههه

نورتينى يا سكره

حاجات جوايا said...

محمد عتلم
------------
وعليكم السلام ورحمة الله وبركاته
صباح الخير يا فنان
لا بجد خليك عندك كفاية تنزل اجازات بس تشوف اهلك واصحابك لكن كإقامة واستقرار لا انصحك ابدا
يعنى احنا اتعودنا خلاص فاللى بنشوفه بقى عادى
لكن كمصرى مقيم بالخارج هتحس بفرق كبير لما تستقر هنا
زى فيلم عسل اسود كده

الف مبرووووك لكوكو طبعا لازم تهنيه بجد
ده الوزير قبل امتحانات الثانوية العامة قال اللى هيجيب 85% هروحله بيته بنفسى اهنيه
انا مفيش فى عهدى 100و107 % والحاجات دى

ده طبعا زيادة فى احباط الطلاب من قبل ما يمتحنوا حتى عشان يدخلوا الامتحان اساسا وفى دماغهم انهم احتمال كبير يسقطوا
نقول ايه
ربنا شاهد ومطلع
حسبنا الله ونعم الوكيل

نورتنى يا فنان
والف مبرووووك لكوكو
تهانيا القلبية

حاجات جوايا said...

كلام على بلاطة
------------
اهلا بك اخى الفاضل
من ناحية كلنا غلطانين ففعلا كلنا غلطانين
بس مش معنى كده اننا نفضل ندبح فى بعض من غير ما حد يحاول يصلح
بورك قلمك
نورتنى اخى الفاضل





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger