Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Wednesday, July 7, 2010

في وقت من الأوقات 4



في وقت من الأوقات قلبك بيكون قوى

بيقول للحزن لا .. ده الدمع كتير أوى

مش عايز جرح تانى لو حتى الجرح جاله

هيدور وشه ويمشى في طريق يكون مستوى


في وقت من الأوقات بتفتح للفرح بابك

وترمى كل همومك وتأتنس بأحبابك

مش كل حاجة لازم تبقى دمع وبُـكا

أمال هتفرح امتى ..؟؟ حرام عليك شبابك


في وقت من الأوقات بتحس انك بتكبر

حاجات كتير بتفوت ومش قادر تحصل

يا عم سيبك بقى وبص للي جاى

هو اللي في ايديك .. وان شاء الله هتوصل

30 comments:

ذو الوجه المبتسم said...

فى وقت من الاوقات

دى احاسيس كتير من الناس

وهو ده فعلا اللى بنفكر فيه

تعبير رائع بكلماتك البسيطة

تحياتى

خواطر شابة said...

المشكلة اه هذا ليس فقط في وقت من الاوقات وانما هو احساسنا في كل الاوقات

أنا - الريس said...

طبعا وقبل كل حاجة ... الكلمات أكثر من محترمة بجد
رائعة
والفكرة أكثر من رائعة
والشعر غنائي
ولكن
( طبعا مش انا الريس يبقي لازم في انه في الموضوع )
ولكن شعرت بكسره بما اني نقاد ابي قد الدنيا من اللي بيحفلطوا الكلام
" وتأتنس بأحبابك
"
بس العموم رائع عن جد .. تحياتي لقلمك

عايش... ولكن !!!! said...

جميله بجد
احساس رائع
دمتى بكل السعاده

sony2000 said...

بالرغم من انها بسيطه
بس كلماتها معبره وبتنفد للقلب عدلل:)

همسات وبحــ الحياه ــر said...

صباحك سكر زيادة
كلامك مظبوط ساعات الواحد بيكون نفسه يفرح حتى لو جاله حزن مبيهتمش وبيضحك
تحياتى لكى

essameldin said...

جميله بجد
احساس راقى وفكر عالى
اشكرك جدا
تقبلى تحياتى

الميكروباص said...

ولله ما عارف انتي بتكتبي الحاجات دي ازاي


صحيح الدنيا مواهب

حاجات جوايا said...

ذو الوجه المبتسم
---------------
أهلا بك اخى الفاضل
تسلم يا فندم
فعلا كلنا نفسنا نرتاح شوية من الهموم بس مش دايما بنقدر
يمكن لانها كتير
ويمكن لاننا استسلمنا للاحساس بالحزن
فلازم نفوق شوية ونعيش حياتنا
نورتنى اخى الفاضل

حاجات جوايا said...

خواطر شابة
-----------
أهلا يا قمر
فعلا حبيبتى ده احساسنا دايما
وعشان كده لازم نستجيب له ونبعد عن الهموم شوية
ربنا يروق بالنا كلنا
نورتينى يا قمر

حاجات جوايا said...

Mr presedent
--------------
اهلا يا ريس
ربنا يخليك يارب
اشكرك جدا
نقدك يا فندم على عينا وراسنا طبعا
ده احنا الشعب الطيب المهاود امال ايه هههههههه
والله رجعت راجعتها تانى
وقراتها بصوت
محسيتش بالكسرة
يمكن الفرق فى طريقة الالقاء .. مش عارفة

لو عندك اى اقتراح ارحب بيه جدا

نورتنى اخى الفاضل

عندما نحب said...

الاحاسيس دى بحسها كتير قوى و فى اوقات مختلفه
كلام جميل
و ده كلام الناس العاقلين

حاجات جوايا said...

عايش ... ولكن
---------------
أهلا بك اخى الفاضل بعد طول الغياب
تسلم يارب
الف شكر
نورتنى اخى الفاضل

حاجات جوايا said...

sony2000
----------
أهلا يا قمر
تسلمى حبيبتى الحمد لله انها نالت اعجابك
كفارة يا جميل
طلعتى براءة من التعليم المصرى والحمد لله الف مبرووووووووك
ههههههههه
نورتينى يا سكر

حاجات جوايا said...

دموع القمر
-------------
أهلا يا جميل
صباحك عسل بالزبدة
ما احنا لازم برضه يبقالنا شخصية
مش هنفضل ماشيين عادى كده
نزعل ونكتئب
لازم نعاند فى الدنيا
ونوريها العين الحمرا
مش كده ولا ايه
هههههههههه
نورتينى يا جميلة

حاجات جوايا said...

عصام الدين
-------------
أهلا بك اخى الفاضل
انا اللى اشكرك والله
تسلم يارب
نورتنى اخى الفاضل

حاجات جوايا said...

لورنس العرب
------------
اهلا بك اخى الفاضل
ههههههههههه
والله بتيجى لوحدها كده
نفحات ربانية
هذا من فضل ربى والحمد لله
الف شكر
نورتنى اخى الفاضل

حاجات جوايا said...

حالة ملل
-----------
أهلا يا قمر
والله يا علا بتجيلى كتير برضه
بس مش دايما بقدر اتحدى همومى
ربنا يقدرنا على همومنا
ويخلينا اقوى منها عشان نقدر نعيش حياتنا
نورتينى يا جميلة

Story pain said...

كلمات كلها تفاؤل وتحدي.. أحاسيس نسيتها وفقدت القدرةإني حتى أكتب عنها بس كلماتك الجميلةخلتني اتمنى أحسها تاني..

حاجات جوايا said...

story pain
-------------
أهلا يا جميل
ليه بس كده
حد ينسى اللى يفرحه
يارب ترجعلك الفرحة والبسمة والضحكة والرضا
ربنا يبعد عنك كل هم وألم يارب
نورتينى حبيبتى ربنا يروق بالك

رحاب صالح said...

اول مرة ادخل المدونة
بجد عجبتني كلماتك جدا جدا
حاسة بكلامك طالع من جوايا بجد
تقبلي مروري
وصباحك ورد

أنا - الريس said...

انا بعتذر عن الخطأ ده
وارجو المسامحة
لأن فعلا طريقة الإلقاء تفرق
مع إني كنت عملتها في حسابي
بس نسيتها
تحياتي الرئاسية
ومنكم نستفيد

بنت وولد said...

كتير قوى انام معيطه و حزينه و ضعييييييييفه قوى
لكن اما اصحى الصبح افضل القن نفسى انى حد قوى و انى اقدر اتحدى ضعفى و احزانى
ساعات باقدر اقوى نفسى و ساعات مش بقدر

بس فى الاخر هيا دى الحياه ضحكتين و اه
ضحكتينك عيشهم
دمعتينك حوشهم

دمتى بود

Maha Shahen said...

التفاءل اصلا بيجعل للحياه معنى وطعم ولون شىء تانى خالص
بيخلق البهجه من العدم بيخلى ملامح الوجه تنور
يا رب كلنا نقدر نتخلى عن الحزن بسرعه ونتمسك بالسعاده علي قد ما نقدر وان مقدرناش بس نتفاءل ان فى ايام جميله مرت وايام اجمل جايه
ربنا يكتب الخير لينا دايما ويرضى عنا ويرضينا
بشكرك عل الدعوه للتفاءل عمر كتر الحزن ما حقق تقدم ولا فاد بشىء
لازم مهما انكسرنا نقوم ونحاول من جديد

خالص تحياتى واحترامى ليكى

حـــــروف متــبعترة " عــمرو الشــايب said...

بتحس انك بتكبر

حاجات كتير بتفوت ومش قادر تحصل

يا عم سيبك بقى وبص للي جاى

هو اللي في ايديك .. وان شاء الله هتوصل

حلوة اوى اوى اوى دي

حاجات جوايا said...

رحاب صالح
------------
أهلا يا قمر
تسلميلى حبيبتى
ده بس من ذوقك
ربنا يفرحك دايما

نورتينى حبيبتى واسعدتينى بزيارتك الاولى

حاجات جوايا said...

Mr Presedent
---------------
أهلا بفخامة السيد الرئيس
لا لا متعتذرش ولا حاجة
أوقات برضه بيكون فيه كسرة فى الابيات وبتكون محتاجة تتصلح
بس زى ما انت بتقول طريقة الالقاء بتفرق
أنا بحب النقد على فكرة واحب الكلام يكون مضبوط عشان ميضايقش المتلقى ويخرجه من المود
فعشان كده ارحب بأى رأى فى صالح الموضوع

نورتنى يا ريس

حاجات جوايا said...

بنت وولد
---------
أهلا يا بنوتة
فعلا بتجيلنا كلنا لحظات الضعف دى وللاسف كتير بنستسلم لها
يارب يقدرنا على احزاننا ونكون ايجابين فى مشاعرنا دايما
نورتينى يا قمرة

حاجات جوايا said...

نور شاهين
------------
أهلا يا قمر
عندك حق
التفاؤل بيكون له تأثير السحر فى الصحة النفسية عموما
بس للاسف المحبطات كتير
واللى بيحاول يدور على السعادة او التفاؤل بيكون زى اللى بيدور على ابرة فى كوم قش
فاى فرصة سلام نفسى لازم نمسك فيها ونحاول بقدر الامكان ننميها ونكبرها ونحافظ عليها اطول وقت ممكن
ربنا يسعدنا جميعا

نورتينى يا قمر

حاجات جوايا said...

MeGltNa 3mr Wa2el
--------------------
أهلا بك أخى الفاضل
ربنا يخليك يارب
شكرا ليك
نورتنى اخى الفاضل





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger