حاجــــات جوايــا: فى وقت من الاوقات 2

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Sunday, October 25, 2009

فى وقت من الاوقات 2

فى وقت من الاوقات بتحتاج تكون قوى

تكره كلمة مالك .. معلش .. كلنا كده .. ليه منطوى

محتاج تفضفض باللى فيك من غير ما تنزل دمعة من عنيك

ولا حتى تحس بيها فى قلبك

نفسك تعيش فى سلام .. ترتاح من الآلام

تحس بحبيب جنبك

ولكن هيهات .. ده الحزن ليه طلبات

ملقهاش غير فى تعبك

فى وقت من الاوقات بتكابر باللى فيك

بتبان سعيد .. مبسوط .. والفرح مالى عنيك

عايش الحياة بسمة وضحكة والكل فرحان بيك

تطبطب وتداوى وكأن الهنا بإيديك

وفى لحظة تتعب اوى .. تهرب م اللى حواليك

تبعد عن كل الناس وتقفل الباب عليك

تلاقى قلبك بيصرخ وبينزف دم عليك

47 comments:

حازم النبراوي said...: كلمات فعلا معبرة عن كل واحد فينا واحساسه في لحظة من اللحظات

تحياتى; October 25, 2009 at 6:54 AM
asadma7bos said...: تسلم الايادى كلام خفييييييف كأنه نسمه بارده بتعدى على الخد فى ليلة صيف
انا اسف محبش مسحة التشاؤم فى البوست بتاعك دايما خللى التفاؤل شعار ومبدأ ولا يبقى هنغلب الجزاير 3 /0 ازاااااااااااى
هههههه
هذا وبالله التوفيق; October 25, 2009 at 6:57 AM
الميكروباص said...: كلام حساس ومعبر
قلب عليا المواجع - اصلي على طول قاعد لوحدي

متنسيش تيجي الاتوبيس; October 25, 2009 at 10:53 AM
ابو صهيب ( الجمعاوي الاصيل)سابقاً said...: يااااااااه

قلبتي علي المواجع

كلمات توجع قوي ميحسش بيها غير اللي موجوع

نأسف على عدم المتابعة الفترة الماضية

وممكن انقل جزء من الموضوع عندي وجزاكم الله خيراً; October 25, 2009 at 12:37 PM
Sweet Violet said...: و ليه الوجع اللى فى الكلام ده بقى
v_v

طمنينى عليك; October 25, 2009 at 1:51 PM
(Joudy) said...: حقيقى وصفتى حالة حقيقى جوانا أصعب ما فيها اننا بنضحك وفى عيونا دمعة بندارى جروحنا ونداوى جراح غيرنا وبدل ما كنا بنشيل جرح واحد بقينا نشيل بدل الجرح جرحين

يارب تبقى سعيدة وربنا يسعد أيامك

تقبلى مرورى ويارب أكون ضيفه خفيفة على قلبك

دمتى بكل الخير والسعادة; October 25, 2009 at 3:08 PM
موناليزا said...: هى الدنيا كده مش على حال واحد

جميلة ياسالى ماكتبتى تسلم ايدك ياحبيبتى; October 25, 2009 at 7:38 PM
أحــوال الهـوي said...: ايه الكلام الجميل ده
فعلا نفسي اكون قوي و مش عارف

و باهرب من نفسي و من اللي حوليه

قلبتي عليه المواجع

بس كلام موزوووون

تحياتي; October 25, 2009 at 9:10 PM
Anonymous said...: تسلم ايدك

وحشتينا ايع الغيبه دى

دودو ابنك عامل ايه

يارب يكون بخير; October 25, 2009 at 11:13 PM
سماء said...: السلام عليكم

كلماتك معبرة وعميقة رسمت احساس بيعدى علينا كلنا

تسلم ايدك

دمتى بكل ود; October 26, 2009 at 12:35 AM
mohamed ghalia said...: أكيد ده فعلا بيحصل لينا كلنا; October 26, 2009 at 2:18 AM
mahasen saber said...: وفى وقت من الاوقات بتوحشينى يا سالى قوى وببقى نفسى اطمن عليكى وعلى دودو قوى قوى

يا حبيبتى ليكى وحشه جامده

والكلمات من اجمل ما يكون بأحاسيسها

مش قلتلك دايما وبقلك انتى موهوبه قوى; October 27, 2009 at 1:20 AM
Dr. Ibrahim said...: وهو دا حال الانسان فى تقلب دائم أوقات ليه وأوقات عليه..; October 27, 2009 at 3:11 PM
بيطرية ومش بايدى said...: يارب يحسن خاتمتنا جميعا ويجعل خير اعمالنا خواتيمها ويدخلك الجنة من اوسع ابوابها
اهو دعيت اهو عشان البوست اكثر من رائع اى خودعة ان شاء الله ربنا هيستجيب الدعاء ده
كلامك رائع واحساسك راقى

دومتى ف رعاية الله وامنه وحفظه وطاعته; October 28, 2009 at 11:06 PM
donya said...: اول زياره هنا
المدونه جميله جدا
وكلماتك بسيطه وجميله جدا
لكن طول مافي امل في الله يبقي بكره احلي من النهارده

*تحياتي; October 29, 2009 at 5:50 PM
Aиgel said...: سالي ..
مساء الورد

كلمات راقية من قلم راقي

سلمت أناملك الرائعة على هذا النثر الرائع كروعتك

أبدعتِ وأكثر

Angel love; November 1, 2009 at 10:46 AM
مدحت محمد said...: كل ده جواكى; November 4, 2009 at 6:45 PM
ناجي العلي 2000 said...: وكانك قرأتي ما بداخلي في هذه الايام; November 8, 2009 at 12:33 AM
salma mohamed said...: اولا يججد سعيدة بمعرفتي بيكِ وبمدونتك واسعدتني اضافتك على الفيس بوك,
تاني حاجه كلامك معبر فعلا والظاهر بقى ان مش انا لوحدي اللي حاسه بالاحاسيس دي,
وياما كتبت عنها في مدونتي فضفضه ومدونتي الرئيسيه,
بس هي الدنيا كده,ربنا يخلصنا منها على خير.; November 8, 2009 at 12:54 PM
shoshta_ joker said...: السلام عليكم.......
كلماتك فعلا بتعبر عن حاجة فى كل واحد مننا .......دومتى بخير.......فى رعاية الله.
shemo; November 11, 2009 at 3:16 AM
حاجات جوايا said...: السلام عليكم

ازيكم يا جماعة وحشتووووونى جداااااا
واسفه جدا انى مقصرة معاكم مش بتابع بشكل منتظم وحتى لما بتابع مش بعلق .. مش عارفة الحالة دى كل سنة تجيلى بعد رمضان وما افوقش منها الا بعد فترة
سامحونى واعذرونى
انا مكسوفة منكم جدا وبشكركم جدا لمتابعتكم للمدونة رغم تقصيرى معاكم ربنا يخليكم ليا يارب وميحرمنيش منكم ابدا

أختكم
سالى; November 11, 2009 at 3:37 AM
حاجات جوايا said...: حازم النبراوى
-------------
أهلا بك اخى الفاضل
للاسف فعلا بتعبر عن كتير مننا
ربنا يروق بالنا كلنا ومنحش بكده ابدا
نورتنى اخى الفاضل; November 11, 2009 at 3:38 AM
حاجات جوايا said...: asadma7bos
------------
اهلا بك اخى الفاضل
تسلم ربنا يكرمك
ان شاء الله نغلبهم 6 صفر كمان
احنا جامدين اوووى
متقلقش
هههههههه
نورتنى اخى الفاضل; November 11, 2009 at 3:55 AM
حاجات جوايا said...: رابطة هويتى اسلامية
-------------------
أهلا أهلا
أنا اسفه جدا على التقصير وعدم المتابعة
ان شاء الله اتابع كل اللى فاتنى
خالص تقديرى; November 11, 2009 at 3:57 AM
حاجات جوايا said...: لورنس العرب
------------
أهلا بك اخى الفاضل
اهو ده عيبه بقى ان الكلام يقلب عليكوا المواجع
انا اسفه جدا والله
سامحنى
ان شاء الله جاية واسفه جدا على التاخير والف شكر للمتابعة
نورتنى اخى الفاضل; November 11, 2009 at 3:59 AM
حاجات جوايا said...: ابو صهيب
--------
أهلا بك أخى الفاضل
وخالص عزائى فى وفاة الوالد رحمه الله
انا اللى اسفه لكم جميعا على التقصير
والموضوع كله تحت امرك ده شئ يشرفنى
نورتنى اخى الفاضل وخالص عزائى; November 11, 2009 at 4:00 AM
حاجات جوايا said...: sweet violet
-----------
أهلا يا قمر
وحشتينى اوى اوى
لا وجع ولا حاجة
ده العادى بتاعى
هههههههههه
اطمنى يا شيكو انا لسه عايشة اهه الحمد لله
متحرمش من سؤالك يا قمر
نورتينى; November 11, 2009 at 4:03 AM
حاجات جوايا said...: joudy
-------
أهلا يا قمر
تعرفى يا جودى كل ما اقرا تعليقك ادمع
لخصتى البوست فى كلمتين
وجع مركز يعنى
ربنا يبعد عنك كل اذى ويفرح قلبك ويملا حياتك بالهنا
انتى مش بس ضيفة خفيفة
انتى كمان ضيفة عزيزة وغالية وصاحبة مكان
نورتينى يا قمر; November 11, 2009 at 4:08 AM
حاجات جوايا said...: موناليزا
----------
اهلا يا قمر
وحشانى جدااااا يا مونا
واسفه جدا على تقصيرى معاكى حبيبتى
عندك حق ده حال الدنيا
ربنا يصلح حالها وحالنا
نورتينى يا قمر; November 11, 2009 at 4:11 AM
حاجات جوايا said...: أحوال الهوى
-----------
أهلا يا دكتور
ربنا يكرمك
ده بس من ذوقك
انا اجى جنبك فيييييييييين ؟؟؟
ربنا يروق بالك وتصالح قلبك وزمانك
اسفه جدا على تقليب المواجع
ربنا يكتبلك كل الخير
نورتنى اخى الفاضل; November 11, 2009 at 4:14 AM
حاجات جوايا said...: 7anen
--------
أهلا يا قمر
انتى كمان والله يا حنونة وحشانى جدا
انا الحمد لله بخير ودودو كمان
هو بس شوية كسل تدوينى على شوية مود محبط بس خير ان شاء الله
ميرسى يا قمر على سؤالك
نورتينى يا سكر; November 11, 2009 at 4:17 AM
فضح أئمة الشیعة said...: السلام عليكم و رحمة الله; November 11, 2009 at 6:25 PM
رفقة عمر said...: ازيك سالى انت كمان وحشانى قوى
انا اللى مقصره معاكى معلش سامحينى بقيت مش بتاع مدونات خالص يادوب اكتب الموضوع واخرج من بلوجر بسرعه ناس كتير بداوا معايا التدوين واختفوا باحزن لما الاقى مكانهم فاضى

موضوعك سالى كانك بتتكلمى عنى انا دلوقت باكتب التعليق وانا باعيط
احيان يكون لا حيله لنا الا الحزن
الحمدلله على كل حال; November 13, 2009 at 12:58 PM
حاجات جوايا said...: سماء
-------
أهلا يا سمسم
ربنا يخليكى يا قمر
ده بس من ذوقك
نورتينى حبيبتى; November 14, 2009 at 5:14 AM
حاجات جوايا said...: محمد غاليه
----------
أهلا يا محمد
أكيييييييد للاسف الشديد
الحمد لله على كل حال
نورتنى اخى الفاضل; November 14, 2009 at 5:15 AM
حاجات جوايا said...: محاسن صابر
-----------
والله يا محاسن انتى ذوق ذوق ذوق الصراحة
ههههههههههههه
ربنا يخليكى يا قمرى انتى اللى بتوحشينى بجد ونفسى اقابلك .. ربنا قادر على كل شئ مين عارف
انتى اخبارك ايه انتى وبيرو
انا مقصرة معاكى اوى ومع الكل والله
انا وحشة وحشة وحشة
بس الكمبيوتر محتل حاليا ادعيله ربنا يفك اسره ههههههه
وحشتينى يا قمر
متحرمش من سؤالك ولا من ذوقك حبيبتى; November 14, 2009 at 5:18 AM
حاجات جوايا said...: د. ابراهيم سماحه
----------------
اهلا بك اخى الفاضل
فعلا ده حال الانسان
وحال الدنيا
ربنا يصلح كل الاحوال يارب
نورتنى اخى الفاضل; November 14, 2009 at 5:19 AM
حاجات جوايا said...: م/ الحسينى لزومى
-----------------
اهلا بك اخى الفاضل
هشارك ان شاء الله
وربنا يصلح الحال; November 14, 2009 at 5:21 AM
حاجات جوايا said...: بيطرية ومش بايدى
-----------------
أهلا يا قمر
تسلميلى يا غالية ربنا يكرمك يارب ويجازيكى بالمثل
الف شكر حبيبتى

دومتى ف رعاية الله وامنه وحفظه وطاعته; November 14, 2009 at 5:25 AM
حاجات جوايا said...: دنيا
--------
أهلا يا جميل
نورتى المدونة باول زيارة يا دنيا واللهان شاء الله يبقى بكره احلى من النهارده
يارب
يارب

نورتينى يا قمر; November 14, 2009 at 5:26 AM
حاجات جوايا said...: angel
-------
مساء الورد والفل والياسمين
ايه الكلام الكبير ده
ربنا يخليكى حبيبتى
ده بس من ذوقك
نورتينى يا قمر; November 14, 2009 at 5:27 AM
حاجات جوايا said...: مدحت محمد
--------
اهلا بك اخى الفاضل
شوفت بقى
ولسه كتيرررررر
وراك حاجة ؟؟
هههههه
نورتنى اخى الفاضل; November 14, 2009 at 5:29 AM
حاجات جوايا said...: ناجى العلى 2002
--------------
اهلا بك اخى الفاضل
لا اله الا الله
بجد انا بزعل لما بلاقى الناس اللى حواليا كمان زعلانة
ربنا يفرج همومنا كلنا يارب
نورتنى اخى الفاضل; November 14, 2009 at 5:30 AM
حاجات جوايا said...: سلمى محمد
----------
اهلا يا سمسم
والله حبيبتى انا اللى سعيدة بمعرفتك وقبولك الاضافة انتى انسانة جميلة ربنا يكرمك يارب
هى الدنيا كده يا سلمى معلش
لها اوان وتنتهى
المهم تنتهى على خير يارب
نورتينى يا قمر; November 14, 2009 at 5:33 AM
حاجات جوايا said...: شيمو
-------
وعليكم السلام ورحمة الله وبركاته
اهلا يا جميل
ميرسى حبيبتى
دومتى بكل الخير; November 14, 2009 at 6:26 AM
حاجات جوايا said...: فضح أئمة الشيعة
------------------
وعليكم السلام ورحمة الله وبركاته; November 14, 2009 at 6:34 AM
حاجات جوايا said...: رفقة عمر
-----------
اهلا حبيبتى
وحشانى جدا يا رفقة والله
انا كمان الفترة اللى فاتت كنت بدخل تخاطيف كده
ربنا يروق بالك حبيبتى
كبرى دماغك الدنيا مش مستاهلة
انتى زعلتينى والله
انا قلبت المواجع على ناس كتير اوى
هتخلونى معدتش اكتب الحاجات النكد
ربنا يروق بالنا كلنا يارب
سامحينى حبيبتى
دموعك غالية عليه
نورتينى حبيبتى; November 14, 2009 at 6:37 AM