Rss
twitter
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Thursday, January 8, 2009

كفاية إجرااااااااااام ... كفاية حرااااااااام

حرااااام بجد .. حرام كفااااية
مش قادرة اتحمل أكتر من كده
دى مش حر ب .. دى مذبحة .. مجزرة .. تجاوزت كل الخطوط الحمراء .. وكل الإنسانيات
حرب مش بس على غزة .. دى على كل عربى .. وغربى
على كل مسلم .. ومسيحى
على كل من لديه نخوة وإنسانية
حرب نفسية بشعة .. تمزق القلوب وتدمى المشاعر وتفتت الاكباد
حرب بلا ضمير .. وبلا إنسانية
حرب ضدنا جميعا .. والمؤلم اننا ساكتين .. وعاجزين .. ومتكتفين

إخواننا بيتقتلوا كل يوم .. وأولادنا بنشوف صورهم ممزقين .. ولسه ساكتين .. بنتكلم وبس .. لكن فعل مفيش
عملنا إيه لغزة ؟؟
إيه يعنى المظاهرات اللى مالية المدن والدول كل يوم دى ؟؟ عملت إيه لغزة ؟؟
منعت طلقة رصاص ؟
فدت روح طفل برئ ؟
وقفت الصهاينة عند حدهم ؟
قذفت الرعب فى قلوبهم ؟
إيه يعنى لما نصرخ ونقول تسقط إسرائيل ؟؟ ونعلى صوتنا .. ونحرق علمها ؟؟
إيه اللى حصل من أول ما اسرائيل احتلت فلسطين ولغاية دلوقت ؟؟
شوفوا كام مرة صرخنا بسقوطها
وهى كام مرة أسقطت منا صرعى وجرحى ؟؟
لإمتى هنفضل عاجزين ؟؟
ليه العرب بالضعف ده ؟؟ والوهن ده ؟؟ ليه العرب بالجبن ده ؟؟

اعملى حاجة يا مصر أرجوكى
افتحى المعبر .. متخافيش من حد .. تسقط كل الاتفاقات الدولية
بتحافظى على الاتفاقات الدولية مع مين ؟؟؟؟؟
مع ناقضى العهووووووود
واخواننا فى غزة بيموتوا من الجوع .. ومن الإهمال الطبى .. ومن الحصار اللى بنشارك فيه

إدى فرصة للمجاهدين والصارخين فى شتى بقاع الارض بالتطوع لنصرة فلسطين
كتير أوى 700 شهيد .. و3100 جريح
كتيررررررررر اوووووووووووووووووووى
هنستنى لإمتى ؟؟
يا مصر أنا عارفة إنك طيبة .. وأم .. أم الدنيا
وعاقلة وحكيمة وراكزة ومش بتتصرفى إلا بعد دراسة .. وده اللى وصلك للنجاح فى إقناع امريكا وإسرائيل بعمل هدنة من الحرب
رغم ان (سرايا القدس ) هيبوظوا الموضوع باندفاعهم واعتبارهم الهدنة من طرف اسرائيل بس
بس برضه نعمل اللى علينا .. وأهم اللى علينا دلوقت فتح المعبر
أنا مخنوقة جدا لأنى مش قادرة اعمل حاجة .. وضعيفة وعاجزة .. زى كل العرب
سامحنى يارب وتقبل دعائى لإخوانى فى غزة





اللهم يا ودود يا ودود يا ودود

ياذا العرش المجيد يا مبدئ يا معيد يا فعالاً لما يريد
نسألك بنـــور وجهك الذي مـــــــــــلأ أركان عرشك ،
ونسألك بقدرتك التي قدرت بها على جميع خلقك،
ونسألك برحمتك التي وسعت كل شيء،
لا إله إلا أنت
يا مغيث أغثنا يا مغيث أغثنا
يا مغيث أغث أخواننا أهل غزة من اليهود واعوانهم ومن والاهـــم
اللهم أحصِ اليهود عددا واقتلهم بددا ولا تغادر منهم احدا
اللهم سلط عليهم جنودك ، اللهم دمرهم بقدرتك وجبروتك اللهم أذلهم للمسلمين واجعلهم عبرة لغيرهم يــــــــارب العالمين
اللهم احفظ أخواننا المجاهـــــدين في غزة من بين أيديهم ومن خلفهم وعن ايمانهم وعن شمائلهم ومن فوقهم ونعوذ بعظمتك ان يغتالوا من تحتهم
اللهم ثبت أقدام أخواننا المجاهدين في غزةوســدد رميهم وانزل سكينتك عليهم وقوي شوكتهم وأيدهم بجنود من عندك والحقنا بهم
اللهم انصـرهم نصرا عزيزا مؤزراعاجلا غير آجل
اللهم اطمس على أعين أعدائهم فلا يجدون لهم ســـبيلا
اللهم اطمس على آذانهم فلا يسمعون لهم صوتا
يا رب العالمين افرغ عليهم صبرا يارب افرغ عليهم صبرا يارب افرغ عليهم صبرا
واحفظهم بحفظك واحــــــــرسهم بعينك التي لا تنام
اللهم من أراد بهم كيدا فرده في نحره
اللهم من أراد بهم ســــــوءا فاشغله بنفسه
اللهم شل يد كل من اعتدى عليهم
اللهم وأخــــــرس لسان كل من تمادى عليهم
اللهم لا تكلهم إلى أحد سواك فيخسرون أنت إلاهنا وإلاههم لا إله إلا أنت
اللهم من اراد بأهلنا المجاهدين في غزة وبالمسلمين سوءا فرد كيده فى نحره واجعل تدبيره تدميره ياالله
اللهم القى فى قلوب الأعداء الرعب وانصرالمجاهدين فى غزة على من عاداهم ياكريم
وسهل نصرهم على اعدائهم بكل يسر وسهوله
اللهم يا منزل الكتاب ويامجري السحاب ويا هازم الاحزاب اهزم اليهود يارب العالمين
لا إله إلا انت سبحانك إنا كنا من الظالمين
اللهم أنصر اخواننا في غزة يارب العزة
اللهم عليك باليهود فإنهم لا يعجزونك
اللهم عليك باليهود ومن ولاهم
اللهم عليك باليهود واتباع اليهود اللهم ارنا فيهم عجائب قدرتك فإنهم لا يعجزونك يارب العالمين
اللهم اهلك الظالمين بالظالمين وأخرج أخواننا من بينهم سالمين
اللهم اهلك اليهود باليهود وأخرج أخواننا من بينهم سالمين
اللهم ارنا في اليهود عجائب قدرتك فإنهم لا يعجزونك
اللهم اخسف الارض من تحتهم اللهم زلزل الارض تحت أقدامهم
اللهم عليك باليهود ومن ولاهم
ربنا نشكوا إليك ضعف قوتنا و قوة أخواننا المجاهدين في غزة وقله حيلتنا وحيلتهم وهواننا وهوانهم على الناس

أنت حسبهم وحسبنا ونعم الوكيل

آمين يارب العالمين
-------------------
لتحميل خطبة الشيخ محمد حسان ) افتحوا باب الجهاد )
...............

47 comments:

ريمان said...

يااااااااه يا سالى

وجعتى قلبى اكتر ما هو موجوع

بتتكلمى عن موقف مصر

مصر موقفها ضعيف جدا

ده احنا بقى موقفنا زفت قدام كل الشعوب

حتى نيويورك بتطالب مصر بوقفه جد بقى عشان المهزله اللى بتحصل دى

حسبى الله ونعم الوكيل فى كل اليهود

ملاعين بجد الله يلعنهم

نفسى تكون الحرب دى فيها نهايه اسرائيل

ربنا مع المجاهدين يا رب
وربنا ينولنا فرحه النصر ونصلى سوا جميعا فى الاقصى

امين يا رب العالمين

د/أبويحيى وادم said...

السلام عليكم
سأوجة رسائل هى لاصحابها ولكن أنقلها لكم فقط من كتاب الله

بسم الله الرحمن الرحيم
ألم @أحسب الناس أن يتركوا ان يقولوا امنا وهم لايفتون@
ـــــــــــــــــــــــ
الذين قال لهم الناس أن الناس قد جمعوا لكم فاخشوهم فزادهم أيمانا وقالوا حسبنا الله ونعم الوكيل
ــــــــــــــــــــــــــــ
ولاتحسبن الذين قتلوا فى سبيل الله أمواتا بل أحياء عند ربهم يرزقون @ فرحين بما اتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولاهم يحزنون @
ـــــــــــــــــــــــــ
هذا بيان للناس وهدى وموظة للمتقين @ ولاتهنوا ولاتحزنوا وأنتم الاعلون إن كنتم مؤمنين @ إن يمسسكم قرح فقد مس القوم قرح مثله وتلك الايام نداولها بين الناس وليعلم الله الذين ءامنوا ويتخذ منكم شهداء والله لايحب الظالمين @ وليمحص الله الذين ءامنوا ويمحق الكافرين @ أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين @ولقد كنتم تمونون الموت من قبل أن تلقوه فقد رأيتموه وأنتم تنظرون @
ـــــــــــــــــــــــــــ
يأيها الذين ءامنوا لاتكونوا كالذين كفروا وقالوالاءخوانهم إذا ضربوا فى الارض أو كانوا غزى لو كانوا عندنا ما ماتوا وما قتلوا ليجعل الله ذلك حسرة فى قلوبهم والله يحيى ويميت والله بما تعملون بصير @
ـــــــــــــــــــــــــــــ
لن تنالوا البر حتى تنفقوا مما تحبون وما تنفقوا من شىء فإن الله به عليم @
ـــــــــــــــــــــــــــــــ
وليعلم الين نافقوا وقيل لهم تعالوا قاتلوا فى سبيل الله أو إدفعوا قالوا لو نعلم قتالا لاتبعناكم هم للكفر يؤمئذ أقرب منهم للايمان يقولون بأفواههم ماليس فى قلوبهم والله اعلم بما يكتمون @ الذين قالوا قالوا لاخوانهم وقعدوا لو اطاعونا ما ماتوا وما قتلوا قل لإأدرءوا عن أنفسكم الموت أن كنتم صادقين @
ــــــــــــــــــــــــــ
ما كان الله ليذر المؤمنين على ما انتم عليه حتى يميز الخبيث من الطيب وما كان الله ليطلعكم على الغيب ولكن الله يجتبى من رسله من يشاء فأمنوا بالله ورسله وإن تؤمنوا وتتقوا فلكم اجر عظيم @ ولايحسبن الذين يبخلون بما ءاتهم الله من فضلهم هو خيرا لهم بل هو شر لهم سيطوقون مابخلوا به يوم القيامة ولله ميراث السموات والارض والله بما تعلون خبير @
ــــــــــــــــــــــ
لايغرنك تقلب الذين كفروا فى البلاد @ متاع قليل ثم مأواهم جهنم وبئس المهاد @
ــــــــــــــــــــــــــــ
يأيها الذين أمنوا أصبروا وصابروا ورابطوا واتقوا الله لعلكم تفلحون @
ـــــــــــــــــــــــــــ
صدق الله العظيم
كانت هذه بعض الرسائل القليلة جدا التى أستوقفتنى فى سورة ال عمران تذكرتها وان أتصفح تدوينتك أختنا سالى
ابراء الى الله من كل خائن ومتامر على غخوتى فى هذه القضية
وأقول لاخوانى المحاصرين فى مصر بيدنا الكثير والله ولستم عاجزين
أن كنت تقاطع فكم جار لك او قريب أعلمته وشددت على يده فى أمر المقاطعة؟؟
أن كنت تتبرع فأخذت بيد كم من اهلك واقرابك وأعلمتهم اهميه التبرع ؟؟؟
أن كنت تدعوا فارجعوا الى وصية إبراهيم ابن أدهم حين سأله رجل مالبنا ندعوا فلا يستجاب لنا ؟؟!!!!
شاكر جدا لك استاذة سالى
واعتذر على الاطالة
والسلام علكيم ورحمة الله وبركاتة

mero-moory said...

السلام عليكم و رحمة الله و بركاته

على فكرة اليهود و المسلمين هيفضلوا في صراع ونزاع إلى أن تقوم الساعة

وده كله مكتوب زي ما كان مكتوب على مصر تفضل محتله من كذا دولة

كل اللي في ايد المصريين الدعاء لهم

و أنا بعترض على جملة بقينا مكسوفين إننا مصريين عن نفسي بفتخر بكوني مصرية

المفروض الكلام يتوجه لمن يملك مقاليد حكم مصر مصر

شعب وحكومة و قائد


بس ليا سؤال لما كانت مصر من البلاد المحتلة من الانجليز والفرنسيين والاتراك واليهود جبيلي دولة واحده قالت اننا مكسوفين عشان موش واقفين جمبهم

عارفه إن رأيي ممكن يزعل البعض أو الكل مني لكن في نفس الوقت لو قلت اللي يرضي الناس يبقى بغش نفسي

ربنا بيقول إن ينصروا الله ينصركم

دي موش حرب على أرض دي حرب على الدين على اسلامنا من وجهة نظري ضد أي شخص ينكر وجود هذه الديانةالعظيمة

كل اللي أقدر أقول اللهم انصر الاسلام والمسلمين في كل العالم

في رعاية الله

كيــــــــــــارا said...

في الاول طبعا مش هنكر ان اللي بيحصل في غزه فوق التصور وابشع مايكون

وهقول علي دعائك اللهم اميييييييييييييييييين

*********

ولسه ساكتين .. بنتكلم وبس .. لكن فعل مفيش
عملنا إيه لغزة ؟؟

**************

معلش يعني عازه ايه تبرع واتبرعنا

معونات وبتروح

المعبر بيتفتح يستقبل الجرحي وبيتقفل تاني

مطلوب بقي ايه تاني

نروح نحار ونضيع شباب بلدنا

ولا نروح ننقد المعاهده اللي عملها السادات

هو لما كان شبابنا بيروح في الحروب اللي فاتتت كان حد بيقول مصر بيحصلها

ياريت نفوق شويه

**********

يبقي لما نتكلم نتكلم عن العرب كلهم اللي عمرهم ماكنوا كلمه واحده

بصي ياماما لما مصر بتقع في غلطه الجزيره بتهول وبتبين ان مصر دي ايه العدود اللدود للجميع

ركزي شويه في المصريين اللي بيشتغلوا برا وشوفي هما مهانينن اد ايه عشان نبقي نتكلم

********


اعملى حاجة يا مصر أرجوكى
افتحى المعبر .. متخافيش من حد .. تسقط كل الاتفاقات الدولية
بتحافظى على الاتفاقات الدولية مع مين ؟؟؟؟؟

*******

في يناير 2008 لما فتحنا المعبر الفلسطنين اغتصبوا البيوت وخدو كل الاكل والمصرييييييييييييييييييييين كانو من غير حبه قمح وكان ممنوع دخول الاكل ليهم

فاهمه يعني

وكلامي مش من اعلام كلامي من جوا العريش

عاوزه تعرفي الفلسطنين اللي في العرش بيقولوا ايه

بيقولوا ياستي

النهارده عندناااااااااااااااااااا وبكرا عندكوووووووووووووووووووووو

فاااااااااهمه سيعني اصلا اللي انتي بتدافعي عنهم بيتمنوا ان الكوارث تبيقي عندنا افهمييييييييييييييييي

لما تبقي تفهمي تاريخك كويس ابقي اعرفي امتي تقولي افتحو المعبر واقفلوا المعبر

انقدوا العهد ومتنقدوش العهد

فوووووووووووووووقوا بقي مصر مستهدفه ومتربص بها وانتوا ولا حاسين ووخداكوا الجلاله اوي بكلام لا واعيينبيه ولا ومدركينه

ولو انتي مكثوفه انك مصريه سبيها ياماما سبيها بقي للي بيفخروا انهم مصريين

المصري يبقي فاهم اوي بلدو عاوزه ايه مش يضيعها بقرارات مش مدروسه

يابنتي الرئيس مبارك وبقيه رؤساء العرب اجتمعوا كاااااااام مره لمؤتمر السلام اللي بينعقد في شرم الشيخ

هاتيلي مره واحده خرجوا من الاجتماع وهما مش متخانقين ولا مجتمعين علي كلمه وااااحده


انا بفخر اني مصريـــــــــــــــــــــــــــه



وليه بقي عاوزه مصر اللي تبدا ابقي قولي لمصر تبدا بعد اما الدول العربيه تبدا

مش تتساب هي وسط النار

انتي مش فاهماهم ان هما عاوزين سينا فوقي بقي

ولاخر مره بقولك انا بفخر اني مصريييييييييه

تحياتي

mero-moory said...

السلام عليكم و رحمة الله و بركاته

أحييكي يابت يا كيارا أنا معاكي في كل كلمة قولتيها وبقولها بعلو صوتي أفتخر إني مصريه وموش مكسوفه واللي بيحصل في غزة ده مكتوب وحب دينية وليست نزاع على أرض فقط بالاضافة إن ده كله عشان يدخلوا مصر ويحتلوها لان الهدف الحقيقي إنهم يمتلكوا مصر

وإحنا بلد بتنتهك طول السنين يبقى لو قلنا ندعي ونساعد بمعونات ونقل الجرحى يبقى خلاث كفرنا وموش بنساعد ولا بنحب الفلسطينيين مااحنا مات من المصريين أد كده في حروب وماتوا أد كده بره مصر هما المصريين أصلا بيتعاملوا إزاي من الدول العربيه

حرام وكفايه كده نيجي على مصر اللي عنده كلمة يوجهها لمصر يبقى موش للمصريين يوجهها لحسني مبارك حاكم مصر

اللي عايز يقول حاجه يقولهاله المصريين موش ليهم ذنب اللي فيهم مكفيهم ونحمد الله على كل ما يحل بنا ونسأله النصر

اللهم انصر الاسلام والمسلمين واجعلني على جنسيتي و ديني حتى الموت

أفتخر إني مصرييييييييية

في رعاية الله

همس الاحباب said...

اللهم امين
ربنا ينصرهم
اما موقف مصر الرسمى
سوف يتغير عاجلا او اجلا
لان مصر شعب وتاريخ قبل ان تكون حكومة
تحياتى

Dr Ibrahim samaha said...

بعيد عنك دى حاجة مزاج عندهم

arsenalwy said...

نهاية أسرائيل جايه لا محال

لكى الله ياغزة

بالنسبة لموقف مصر فاحنا عارفين حدودنا وعارفين مقدرتنا ولازم ننفذ كل حاجه ماما أمريكا بتقولنا عليها لاما تورينا الوش التانى

أنفاس الصباح said...

حبيتى سالى

لا أجد الا ان اردد من قلبى آآآآآآآآآآآآآمين

واحيي فيك حسك الانسانى والايمانى والوطنى الواعى والفاهم للواقع والاخطار الحقيقية التى تهدد مصر بسبب موقفها الرسمى المتخاذل

الحقيقة ان هذا الموقف ليس وليد هذه الاحداث

فهو نتاج طبيعى لأخطاء سابقة فى السياسة الخارجية المصرية منذ عشرات السنين

لعلى من اهمها هذه الاتفاقية المشؤمة فى كامب ديفد

ولكن هناك سلسلة من الاخطاء جعلت النتائج المترتبة عليها تزداد سوءا يوما بعد يوم

فهذا العجز نتيجة من النتائج وهناك الأسوء

المشكلة ان ليس هناك رغبة فى تدارك الامر لان واضح ان الامر خرج عن السيطرة ولم يعد بوسع النظام الا ان ينجو بأشخاصه وعلى الشعب ان يواجه وحده ثمن صمته وسلبيته واحيانا جهله

اسمحيلى اوجه كلمة عتاب رقيقة للعزيزة كيارا

فالحقيقة لم اصدق ان هذه الطريقة القاسية هى اسلوب كيارا او مولان الرقيقة
لا ينبغى ان نزايد على بعض فى الانتماءلهذه الارض الطيبة

لا اعتقد ان الوطنية تقاس بالكلمات الطنانة وانما بحجم التضحية على الارض
وهو ما لا يعلمه الا الله

الكل يعلم ان مصر الشعب غير مصر النظام

ولا يختلف احد مع ان الحكام العرب جميعهم اصبحوا مصدر خزى وعار لشعوبهم

وان مصر مهدده وفى خطر حقيقى ولكن من اليهود يا كيارا وليس من اهلنا فى
غزة او غيرها من ارض فلسطين المقدسة

سيناء يا عزيزتى محتلة بالفعل او
منقوصة السيادة كما يعبر السياسيين

اما كلا مك المنقول عن اهل العريش فهو والله مخجل
اذ كيف نمن على جيراننا حتى لو كانوا ليسوا على ديننا
ونتهمهم بهذه التهم وكلنا يعلم انهم اشتروا احتيجاتهم بأضعاف الثمن واستغل تجار العريش حاجتهم ولم يرحموهم فى محنتهم
اما ان البضائع نفدت كلها ولم تسمح حكومتنا بإدخال غيرها لتمنع الفلسطنين من الحصول على المزيدـ شراءا يا كيارا وليس نهبا
والله على ذلك شهيداـ
فإن اللوم هنا يجب ان يوجه لهم وليس للصامدين فى ارضهم
المرابطين فى مواقعهم
فهم يذبحون كما يرى العالم الآن منذ ستين عاما ولم يتخلوا عن ارضهم ويستبدلوها بغيرها
فلا حاجة لهم فى سيناء او غيرها
وانما هم بحاجة لموقف عربى موحد كما قلتى ودعم معنوى ومادى بكل ما نستطيع دون من او أذى من اخوانهم فى الدين والعروبة والدم كما علمونا قديما فى كتب التاريخ
اما القول بأن اليوم عندهم وغدا عندنا ان كان قيل فهو تشخيص واقع وليس تمنى السوء
هو تنبيه مخلص وليس غير ذلك

اسأل الله ان يرينا الحق حقا ويرزقنا اتباعه ويرينا الباطل باطلا ويرزقنا اجتنابه
تحياتى ودعائى للجميع

حاجات جوايا said...

ريمان
-------
أهلا يا ريمان
الوجع فى قلوبنا كلنا وملناش دوا
ربنا يتقبل منك ويقرب نهاية اسرائيل ونصلى معا فى المسجد الأقصى يارب العالمين
لكل ظلم نهاية
وحسبنا اله ونعم الوكيل
نورتينى يا جميلة

حاجات جوايا said...

د/ أبو يحيى وآدم
----------------
وعليكم السلام ورحمة الله وبركاته
أهلا بك اخى الكريم

بارك الله فيك فيما نقلته من كتاب الله جل وعلا وجعل تذكرتك للمسلمين فى ميزان حسناتك ان شاء الله

والشعور بالعجز سببه اننا لا نستطيع القيام بما هو اكبر من المقاطعة والتبرع والدعاء
نصرهم الله وفك كربهم وهزم اعدائهم اللهم آمين

نورتنى اخى الفاضل
تقبل تحيتى واحترامى

حاجات جوايا said...

mero-moory
-----------
أهلا يا ميرو
وعليكم السلام ورحمة الله وبركاته

عندك حق اليهود والمسلمين هيفضلوا فى نزاع لطمث الهوية الإسلامية
بس مش معنى كده اننا نستسلم ونقعد ونقول ده مكتوب علينا ومفيش منه مفر
ربنا بيبتلينا بالمحن عشان يقوينا .. ولما نعمل اللى علينا هينصرنا ان شاء الله .. لكن لما نستسلم ونسيبها اللى يحصل يحصل ونتواكل ونقول ده مكتوب .. يبقى نستاهل اكتر من كده لاننا خذلنا اسلامنا ويبقى مفيش فرق بينا وبين المنافقين اللى ربنا ذكرهم فى كتابه الكريم

وبعدين لما بقول بقينا مكسوفين اننا مصريين مش معنى كده انى بتبرأ من جنسيتى .. معناه انى بجد بجد حاسة بالذنب وانا بشوف بلد اسلامية يتم ابادتها بمساعدتنا واحنا حتى مش بنمد لهم ايدنا .. حتى المساعدات مش كلها بتوصل و الكلام ده مش من عندى .. شوفى الجزيرة وانتى تلاقى الصور الحية لكل اللى بيحصل والشاحنات المكدسة اللى بتقعد بالاسبوع مش بتدخل وشوفى الاطباء المتطوعين من كل البلاد العربية اللى واقفين عالمعبر ومحدش بيدخلهم بقالهم ييجى 5 ايام
اللى بيحصل ده مكنتش مستنياه ابدا من مصر ام الدنيا

وبعدين انا لما بوجه الكلام لمصر .. فده بسبب ان العالم العربى بيتعامل معانا كدولة .. والاعلام بيتعامل معانا كدولة مش كقائد وشعب
ولو لاحظتى هتلاقى كل النداءات بفتح المعبر لمصر مش للرئيس ولا للشعب


وأديكى قولتيها أهه بنفسك
" ان تنصروا الله ينصركم "
فين اسباب النصر اللى احنا خدنا بيها عشان ربنا ينصرنا ؟؟؟؟؟
الحرب زى ما بتقولى على الاسلام
يبقى لازم كل المسلمين يوحدوا صفوفهم ويجهزوا جيوشهم ويقفوا صف واحد وان شاء الله هينتصروا
اما كده فالوضع شارح نفسه

ربنا يتقبل منك يارب

نورتينى يا ميرو

حاجات جوايا said...

كيارا
------
أهلا يا كيارا

أولا انا بعتب عليكى الاسلوب اللى بتتكلمى بيه ده .. انتى جاية خناقة ولا جاية تقولى رأيك ؟؟
ايه فوووقى .. وافهميييييي .. وسيبيها يا ماما والكلام الغريب ده
من حقك انك تختلفى معايا فى الراى بس مش من حقك طبعا تغلطى فيا وتكلمينى بالأسلوب ده

ثانيا .. انا مش فاتحة مزاد على حب مصر .. انا مصرية جدا وعشان مصرية وبحب بلدى حزينة من تصرفات قيادتها وغيورة على صورتها فى نظر العالم ومكنتش متوقعة منها كده ابداااااااا

ومين قالك ان التبرعات بتوصل .. لو شفتى برنامج الشيخ محمد حسان .. ( غزة آلالام وآمال ) هتلاقيه بيناشد الناس انها تتبرع حتى وهما عارفين ان مش كل التبرعات هتوصل
بيقولهم لو اتبرعتوا بـ 10000 وانتوا عارفيين ان مش هيوصل منها غير 1000 اتبرعوا برضه وهتتكتبلكوا العشرة كلها مفيش حاجة عند ربنا بتضيع

حتى المساعدات جاية من كل الدول ومن داخل مصر وواقفة على المعبر مستنياه يتفتح .. واضح انك مش متابعة الأخبار على الجزيرة .. وعلى فكرة الجزيرة مش بتسئ لسمعة مصر باى تعمد وحيادية تماما مجرد بتنقل الصورة الحية ..قيادة مصر هى اللى بتسئ لها ولنا بتخاذلها الغريب

الحروب اللى فاتت وخاصة حرب 73 كانت كل الدول العربية واقفة معانا وقطعت النفط عن اسرائيل وشبابنا لو كانوا بيموتوا .. اهه كانوا بيموتوا فى سبيل بلادهم وكان معانا كمان جيوش عربية

احنا لو عالم اسلامى بجد كان كل الزعماء العرب نادوا للجهاد ومن غير ما يفرضوه والله ولا يلزموا بيه حد كنتى هتلاقى جيوش جرارة من المتطوعين الرافضين للذل الاسرائيلى والامريكى

الجهاد فرض على كل مسلم .. هنخاف من ايه .. من الموت ؟؟
اللى مكتوب له يموت هيموت .. الشباب فى مصر بيموتوا فى حوادث وفى بيوتهم وفى عبارات ومبانى منكوبة وقطارات وطائرات .. والاطفال بيموتوا فى مدارس
مفيش حاجة بتقدم او بتأخر حد عن موعد موته .. الاشرف لنا نموت بكرامتنا وعزتنا .. نموت شهداء فى سبيل الدفاع عن اسلامنا وعروبتنا

واستعير ما جاء فى تعليق الاخ الفاضل د. ابو يحيى وآدم من كتاب الله جلا وعلا :

بسم الله الرحمن الرحيم

وليعلم الين نافقوا وقيل لهم تعالوا قاتلوا فى سبيل الله أو إدفعوا قالوا لو نعلم قتالا لاتبعناكم هم للكفر يؤمئذ أقرب منهم للايمان يقولون بأفواههم ماليس فى قلوبهم والله اعلم بما يكتمون @ الذين قالوا لاخوانهم وقعدوا لو اطاعونا ما ماتوا وما قتلوا قل لإأدرءوا عن أنفسكم الموت أن كنتم صادقين @

صدق الله العظيم


انا لو تلاحظى بناشد كل العرب مش مصر بس .. لأن التخاذل عربى بما فيهم مصر

وبوجه الكلام لمصر بفتح المعبر لان هى الوحيدة اللى تقدر تفتحه بما انه على حدودها مش اى دولة تانية

أما عن اهل العريش فحسب ما علمت من عضو فى منظمة حقوق النسان .. انه خلال فترة تواجد الفلسطينين فى مصر لم تسجل حالة سطو واحدة .. وحسبما اخبرنى الاخ الفاضل د. أبا يحيى وآدم وهو شاهد عيان .... انه دخل حوالى 750 الف فلسطينى الى العريش استقبلهم اهل سيناء بكل كرم وفتحوا لهم البيوت وكان يتدفق عليهم التجار للبيع لهم .. وصل كيلو السكر 70 جنيه و كيلو الجبنة البيضا 45 جنيه وكل السلع زادت بنسب الوتيرة وكانوا بيشتروا

وان حجم ما دخل الخزانة المصرية فى الثلاث ايام الاولى لدخولهم كان مليار ونصف جنيه بتقرير وزارة الخارجية وكلام رشيد وزير التجارة إلى ان قررت مصر عودتهم فمنعت التجار عن البيع لهم واغلقت المحلات فما كان منهم الا العودة

اما بخصوص استهداف سيناء .. فمن الذى يستهدفها .. الفلسطينين ؟؟؟؟

وايه اللى يخليهم يفكروا فى سيناء اصلا وهما اتعرض عليهم ملايين ومليارات فى اراضيهم من اليهود وكانوا يقدروا يبيعوها ويعيشوا فى اى مكان يعجبهم ؟؟


فكرى شوية فى الكلام ده وعلى فكرة انا لا الومك لان ده كان رايى فى السابق حسب ما تم ايهامنا به .. ولو رجعتى للبوست اللى قبل اللى فات وشوفتى ردى على التعليقات .. وشفتى تعليقى عند آبى فى موضوع ( رسالة إلى مصر ) وعند لورنس العرب فى ( بعيدا عن العاطفة ) هتصدقى انى كنت فاهمة زيك كده بس الحقائق دى كلها واللى شوفته بعينى على الجزيرة خلونى اغير رأيى تمامااااااااا


نورتينى يا كيارا

حاجات جوايا said...

همس الاحباب
----------

د..ابراهيم سماحه
----------------

أرسنلاوى
--------

انفاس الصباح
-------------

نورتونى جميعا
اعذرونى هرد عليكوا ان شاء الله مساءا لانى خارجة حالا

اترككم فى رعاية الله إلى ان القاكم
سالى

واحدة مفروسة said...

ربنا موجود
و ربك يستر ان شاء الله
لا يرد البلاء الا الدعاء
و هذا اضعف ما نعمله

أحمد سعيد بسيوني said...

بسم الله

اللهم استجب دعائنا


اللَّهُمَّ كَمَا نَجَّيْتَ آدَمَ مِنَ الشَّيْطَانِ، وَنُوحاً مِنَ الغَرَقِ، وَإِبْراهِيمَ مِنَ النَّارِ، وَمُوسَى مِنْ فِرْعَوْنَ وَقَوْمِهِ، وَيُونُسَ مِنْ بَطْنِ الحُوتِ، وَمُحَمَّداً صَلَّى اللهُ عَلَيْهِ وَسَلَّمَ مِنَ الأَحْزَابِ،
فاللَّهُمَّ نَجِّ إِخْوَانَنَا المُسْلِمِينَ فِي غَزَّةَ وَفِلِسْطِينَ مِنَ الظَّالِمِينَ المُعْتَدِينَ


واحييك على فهمك العالي و الدقيق ببواطن الامور

وربنا يهدي ويفهم الجهلاء

تحياتي

كيــــــــــــارا said...

أنفاس الصباح
-------
اسمحيلى اوجه كلمة عتاب رقيقة للعزيزة كيارا

فالحقيقة لم اصدق ان هذه الطريقة القاسية هى اسلوب كيارا او مولان الرقيقة

**********

وانا بقدم خالص اعتذاري لاسلوبي في التعليق وربما ذلك بسبب اندفاعي الزايد عندما رايت الكثير يخجل من بلده

**********
انا معكِ ان مصر الشعب غير مصر النظام

لكن هنا .. بنتكلم عن سياسة دوله

معاهدات و اتفاقيات نحن ملتزمين بها

و أعلم جيداً ان مصر مهدده من قبل اليهود و ليس الفلسطنين

و لكن انا اتحدث عن ماذا بعد فتح المعبر ؟؟

و اسمحي لى سيناء ليست محتلة

اى نعم يوجد بها يهود و لكن ليس بصفة المحتلين

******
ليسوا على ديننا ؟؟؟

انا بتكلم عن شعب عامة و ليس ملتهم خاصة

غير ان السلع ارتفعت للأضعاف و انا معكِ فى ذلك

و الارتفاع ليس على اخواننا الفلسطينين فقط بل و على اهل البلد نفسهم

لكن اختى الغالية ... هنا يتحكم فينا اقتصاد دولة باكملها

و ليس كما زعمتى استغلال من قبل التجار فقط

*****
الحكومة المصرية منعت دخول اى موارد لسيناء بالفعل لتجبرهم على التراجع .. و ليس لعدم حصولهم على المزيد

اختى الغاليه .. الفلسطينين فى هذه الواقعة قد تعدوا على حدود دوله و انتهكوها

ماذا تنتظرى من امن الدولة ان يفعل ؟؟؟

هل تقبل اى دولة فى العالم العربى او العالم اجمع ان ينتهك حدودها

حتى و لو من جيرانها ؟؟؟

اعلم جيداً انه شراء و ليس نهب

و لكن انا اتحدث على الاماكن و المحلات الخاليه التى تم الاستيلاء عليها بوضع اليد للمكوث فى البلد

الوحيدين الذين اصابهم الضرر فى هذه الواقعه كان اهل سيناء الذين لم يجدوا اى موارد بعد اقتحام الفلسطينين الحدود

حكومتنا مطالبه انها تحافظ على حدود دولتها من اى اقتحام فكيف نوجه لها اللوم

اختى الغاليه ... مصر دولة يجب احترام حرمتها و الدخول فيها يكون رسميا

و ليس بالاغتصاب كما فعلوا

*******
لم يتخلوا عن اراضيهم !!!!

التاريخ اختى الفاضله يشهد من سبب هذا الاحتلال

التاريخ يشهد من الذى باع ارضه من البداية

فى جميع الدول العربيه و الاروبيه يوجد الفلسطينين

لماذا لم نسمع لهم صوتاً ؟؟

لماذا لم نرى احداً فيهم ذهب الى بلده التى تقذف و يموت اهلها ؟؟؟

من اولى بالدفاع اختى الغاليه عن فلسطين

نحن ام هم ؟؟؟

************
نعم نحتاج الى موقف عربى .. و ليس موقف مصرى كما يطلب المصريين و باقى الدول العربيه

كأن مصر هى الدوله الوحيدة العربيه فى هذه المنطقة و يجب عليها ان تفعل كل شئ

************
اختى الغالية كيف تشخيص واقع ؟؟؟

هل لكى انبه احداً اتغنى له باليوم عندنا و غداً عندكم ؟؟؟

هل عندما اطلب من الجار بعض الملح و يقول لى لا يوجد

اقول له بكره تزول هذه النعمه لانك لم تعطينى ؟؟؟

هل هذا صحيح ؟؟؟؟

************
الشعب الفلسطينى له مواقفه الكثيرة

التى اظهرت مدى كرهه للشعب المصرى

و اقربها الاحداث التى نعيش فيها

عندما يجد فلسطينى مصرى يقول له انه خاين

اريد ان اعرف ماهى الخيانه الذى ارتكبتها مصر و شعبها

و تقولين لى انه للتنبيه ؟؟؟

كيف ؟؟؟

اختى الغاليه .. اعلم جيداً

ان اسرائيل سوف تأتى مره ثانيه

و سوف تحقق اهدافها من النيل الى الفرات

لان قرآننا ذكر ذلك

انا لا يرضينى مايحدث فى غزة

و لكن لا ارضى ايضاً ان مصر هى التى تتحمل ما يحدث وحدها

كيــــــــــــارا said...

حاجات جوايا

-------------

اولا اقدم اعتذاري الشديد وليس معني لهجتي الغاضبه المندفعه اني اكن ليكي شي بغيض علي العكس عزيزتي فعندما اضفت الرد امس كنت في غايه الثوره بسبب مايحدث وخاصه عندما قرات كلمة "بقينا مكسوفييييييين اننا مصرييين "

وثانيا انا لم ازايد احد علي حب مصر لكن انتي ذكرتي " بقينا " وهذا جمع وتحدثتي عن المصريين ككل انهم " مكثوفين " وهذا غير صحيح ولذلك وضحت اني لا اخجل من كوني مصريه بل انا مصريه وافتخر



*****
اولا لا يجوز ان ناخذ كلام الشيخ الجليل محمد حسان بمعنى آخر
نحن نريد أن نفهمه بهذا الشكل
اعتقد واضح جدا من كلام الشيخ انه يقصد شئ آخر ألا وهو
الناس التى تتكاسل عن التبرع بحجة عدم وصوله
وأيضاً بمعنى آخر مثلا اذا قابلك شخص محتاج فى شارع ما
سوف تعطيه صدقة أياً كانت قيمتها
هل تعلمى اذا كان هو فى حاجة اليها ام لا؟
ولكن سوف تعطيه والاحتساب عند الله وهذا هو المقصود من كلامه بمعنى انه لم يذكر مطلقا اى شئ عن سياسة الدولة فى الجملة التى قمتى بذكرها

اختى العزيزة لكى نخطو هذه الخطوة وهى فتح المعبر لابد فى البداية أن يتم وقف اطلاق النار
وقتها نتحدث عن ادخال المساعدات إلا ان حماس هى التى ترفض التعاون الى ان يفتح المعبر
ولكى تتضح لكى الصور كاملة أنه فى حالة فتح المعبر أثناء اطلاق النار
فى هذه الحالة ستصبح مصر ملجا ليس فقط للفلسطينيين ولكن للاسرائسيليين ايضا
وفى ذلك الوقت سوف يقال ان مصر نقضت عهدها فى اتفاقيتها السلامية
وليس من حق اى منظمة ان تطالب اسرائيل بوقف اطلاق النار عن مصر التى سوف تكون وقتها ناقضة العهد
اى من حق اسرائيل فى اى وقت ضرب حدود مصر بل والدولة باكملها وليس لنا حق الاعتراض
وهذا هو ماتريده اسرائيل فى الوقت الحالى وهو استرداد سيناء بالكامل
وسوف نعود الى نقطة البداية والحرب حتى نسترد ارضنا المحتلة من جديد
التى لم يمر على تحريرها 28 عام اى من سنة 1982
هل فى اعتقادك من الممكن لدولة ان تفرط فى ارضها بسهولة بعد ان استردتها بالقوة
اعتقد كلنا نتذكر حروب مصر من اول 1956 الىالنكسة فى 1967 الى النصر فى 1973
وفقدت مصر اعز رجالها لكن دفاعا عن ارضهم ووطنهم
واعتقد ايضا ان كل الجنود التى حررت ارض مصر هى جنود مصرية

اما لو تحدثنا عن قطع النفط عن اسرائيل سوف يطول الحديث
لانه لو لم تكن لها مصلحة فى هذا فما فعلته
ولقد اتضح هذا الامر فيما بعد حين ارتفع سعر النفط

واعتقد انك قمتى بذكر ان الشباب يستشهدوا فى سبيل وطنهم وليس فى سبيل وطن آخر

اما عن الجزيرة فاعتقد انك غير متابعة جيدا لما يقال ويحدث بها
الجزيرة شهيرة بعدم تقديم الحقائق كاملة هى والعربية
وشهيرة ايضا بتشويه سمعة مصر
بمعنى انك اذا قمتى بسؤال اى فرد يتابع هذه القناة سوف يقول لكِ من باب التعرف على ما يقولونه
ولكن الكل يعرف انها قناة غير صادقة
لقد قدموا ناحية واحدة مما يحدث على الساحة وفجأة اصبحت مصر بلد غير متعاون
وليس هذا فقط بل متواطئة مع اليهود
لماذا ننكر مجهودات مصر فى حرب الفلسطينين والكويتين
لماذ ننسى تاريخ دولتنا وما تقم به من اجل الغير؟

الجهاد فرض على كل مسلم اذا كان حاملاً للرسالة
ففى عصر الرسول صلى الله عليه وسلم كانوا يخوضوا غزوات لنشر الدين الاسلامى
لا افهم حقيقة سؤالك كلنا سنموت
كلنا ندرك هذه الحقيقة وهى الموت ولكن فى سيبل ماذا؟
ووقتها صدقينى لن يقدر احد من الوصول الى الاراضى المحتلة لكى يحارب
سوف ينتهى بهم المطاف الى هنا وتصبح الحر فى مصرنا
ونرجع من جديد الى نقطة البداية حتى نسترد وطننا
لقد قالها الرئيس اسر عرفات قبل وفاته
قال سوف ادافع عن فلسطين الى آخر جندى مصرى
هل يعقل هذا؟ وتقولوا ان الفلسطينيين لا يريدون سيناء؟
ولا يريدون شيئا من مصر سوى الاعانة فقط كباقى الدول العربية؟
الوضع الحالى مختلف تماما عن البداية
لقد عانت مصر وفقدت الكثير من شبابها وجنودها حتى تدافع عن ارضها وتسترد كل الاراضى المحتلة
فمن الصعب فى هذا الوقت بالذات مطالبة رئيس الدولة بفتح فرص جديدة للاحتلال
وما يصاحبه من خراب ودمار
نحن كل ما علينا هو الوقوف بجانبهم بمعنى المساندة والمطالبة بوقف اطلاق النار
لكن اعتقد رد حماس على كل الضربات التى تتلقاها فلسطين لا تدل على شعب يريد التفاهم من الاساس
حماس تريد الحكم والمنصب فقط ليس الا وهم فى الاساس من الشيعة
اى لا اعتقد انهم يخافون على روح اى مسلم اخر فى فلسطين
هل مثل هؤلاء فى استطاعتهم حكم دولة اسلامية؟

نحن لا نرفع الذنب عن اى عربى واو يهودى واو مسلم
لكن اعتقد يوجد اكثر من طريقة للتحدث بها غير الحرب

ولكن لى تساؤل عن الاستعانة بالاية الكريمة فى هذا الموقف
علما بأن موقف الآية مختلف تماما عما نتحدث عنه
مرة اخرى نتحدث عن فتح المعبر؟
فتح المعبر يقتصر على الجرحى والمصابين فقط ليس الا
كما حالهم الآن فى مستشفيات مصر ودول اخرى
لكن حماس رفضت نقل الجرحى وقالت هم فى النهاية أموات
وطالبت بعدم نقل الجرحى ودخول الاحياء منهم
اعتقد واضح جدا من كلام حماس انهم غير حريصين على صحة الجرحى ولكن يريدون الارض


معنى انتهاك حدود دولة فهى سطو
ومعنى فتح محلات واقتحامها للمكوث بها ايضا هذا يعد سطو
ما هى الحدود ؟
هل هى مجرد اسلاك سهل ازالتها ووضعها مرة اخرى؟
هذه حدوووووووووووووووووود دولة

اما موضوع الغلاء وارتفاع الاسعار
سوف يكون ردى كما قمت بالرد على انفاس الصباح
هذا اقتصاد دولة بمعنى الارتفاع فى الاسعار والغلاء على الكل سواء مصرى او فلسطينى
والمنتظر اكثر اذا دخلوا عبر المعبر

اعتقد فى النهاية هى ليست دولتهم ويجب عليهم الرجوع حيث اتوا من دولتهم التى يريدون استردادها
وليس الهروب منها
وخصوصا انهم جاءوا بطريقة غير شرعية

ونحن ايضا لنا دولتنا الخاصة بنا التى يجب المحافظة عليها
الدولة تؤمن لنا حياة كريمة من مأوى ومأكل ومشرب ويكفى انها بدون حروب ولا احتلال
لكن سيزول كل هذا بمجرد دخول الفلسطينيين عبر الحدود
وسوف تتأثر مصر بدخول 2 مليون سخص فوق طاقتها

من الذى قال ان سيناء مستهدفة من الفلسطينيين؟
مصر مستهدفة من اسرائيل بمعنى اذا دخل الفلسطينيين مصر
سوف تدخل اسرائل وراءهم بحجة ضربهم وبالتالى ستكون نهاية سيناء مرة اخرى
وتحتل من جديد

نرجع الى التاريخ مرة اخرى ونقول
من السبب فى احتلال فلسطين؟
من الذى باع ارضه؟
من الذى ترك وطنه وقت الحرب؟
قالها السادات فى عهده لن أدافع عن وطن باع ارضها بنفسه

للاسف هم كانوا ومازالوا يحاولون تشويه صورة مصر فى عيون شعبها
لكن من المفترض ان الشعب المصرى مدرك تاريخ وطنه ولا يعطى فرصة لأحد ان يتحدث عن وطنه بهذا الشكل المخجل
وليس لمجرد وجود سلبيات فى الدولة وهذا موجود فى كل الدول او وجود اشخاص بعض منهم غير مسئول
نتحامل على البلد ككل ونشوه صورتها على مرئى ومسمع من الجميع
اعتقد ان كلنا بنحب مصر والوطن ده والارض دى
واعتقد ايضا اننا لا نعطى لأحد الفرصة لكى يحتل وطننا
بل ونموت فى سبيل الدفاع عن دولة اخرى هم فى الاساس بائعوها

~*§¦§ Appy §¦§*~ said...

سالى يا حبيبتى بعد ما دمى اتحرق من التعليقات هرد رد واحد بس

الاخوه اللى بيقولوا دخلوا ونهبوا متتكلموش وانتم فى القاهره انا عرايشيه وعارفه ايه اللى حصل احنا كنا بنفتح لهم بيوتنا واد ولا اتنين متخلفين وغلطوا ما شاء الله احنا شعب كله بيغلط

حاجه كمان ان لما نفتح المعبر اسرائيل هتدخل لو بعرف ازغرط كنت زغرط يا سالى بجد بس انتى عارفه اختك مبتعرفش
ما الاسرائليين متلقحين فى فندق سونستا فى مصر اقامه كامله من كذا سنه واللى ميعرفش يجى اوريله

غير كده محدش يعرف اهل سينا ولا اهلى العريش يبقى ميتكلمش عنهم لانهم عمرهم ما بيسيبوا ارضهم لاى حد دول بيقتلوا بعض علشان الارض عرض وانيل كمان يبقى نطمن بقى ونحط فى البطوطه بتاعتنا بطيخه صيفى

حماس مش غبيه ولا غلطانه ومحدش طلب من مصر انها تحارب والنبى احنا الحمد لله عندنا شباب زى البسكويت يجنن اخره الكيبورد والله
يعنى ربنا يحفظ كام ظابط فى الجيش هما اللى فيهم الرمق
وبعدين نبقى نفهم الاول خطابات الناس وبعدين نقول حد يحارب
الناس بتقول افتحوا المعبر وده صح
اللى بيتبرع فى مصر عاوزه اطمنكوا ان الحاجات دى مش كلها بتروح من خمسين عربيه ممكن اتنين ولا تلاته فيا ريت نبطل نتفرج على الكارتون ووالت ديزنى ونعمل فيها سياسين واحنا بنجرى ورا اى حاجه
سالى بجد متنرفزة موت لان مش اول مره اسمع الكلام ده النهارده وردى للكل او اى حد اتكلم فى النقط دى
معلومه اخيره اهل سينا عندهم سلاح يهد اسرائيل على اللى فيها
بلاش نعمى قلبونا عن اللى ربنا قال عليه دول اخوتنا واهلنا وفى اى مكان فى الدنيا
ومحدش باع ارضه ولا هيبعها ابقوا روحوا اسالوا الفلسطنين فى المستشفيات هنا نفسهم يرجعوا علشان يطمنوا على اهليهم
سالى سامحينى على نرفزتى

doaa said...

الصور مؤلمة جداً وأبشع حاجة بجد
إن الواحد بيحس بالعجز وإنه مش قادر يعمل حاجة غير الدعاء
أدعية حلوة قوي ربنا يكرمك
وينصرهم ويلطف بيهم

الطائر الحزين said...

فتح المعبر طلب بديهى جدا
يعنى مصر قافلة المعبر علشان خايفة ان سينا تتسرق؟؟؟؟؟؟!!!!!!
حاجة عجيبة
ياريت كل واحد فينا يحاول يساعد هو بطريقته بالمال والنصرة والدعاء سه بدرى على ما نمسك سلاح ونحارب

مصر مش عاوزة تفتح المعبر وخلاص ومش عارف ايه السبب الفعلى لانى لو تخيلت ان فتح هى مكان حماس اعتقد ان الموقف لم يكن ليتغير كثيرا

أمين أمين على دعاءك
اللهم اشف صدور قوم مؤمنين

أنفاس الصباح said...

أختى الغالية سالى

ارجو ان تكونى بخير

يبدو ان الوضع بحاجة الى تكثيف الدعاء

واعتقد اننا لابد ان يكون لنا مواقف اخرى مثل تفعيل المقاطعة والتبرع طبعا وتوعية الناس وغير ذلك

بعد اذنك اريد ان اشكر كيارا على اعتذارها وهذا متوقع منها لانى اعرف من اسلوبها فى مدونتها الذوق والرقة

واعتذر لها انى مش قادرة ارد على تساؤلتها لظروف خاصة بى لا تمكنى من ذلك الآن

لكن اعتقد ان كتير منها رادد على بعضه فى كلامها

لكن فيه نقطة لا يمكن تمر بدون رد

الحقيقة يا كيار
انت لم تسمعى لشهادة منصفة لتضحيات الفلسطنين من اجل ارضهم
لم يبع الفلسطنين ارضهم كما يشاع ولكن الحقيقة شئ اخر وانا ادعوك لدخول هذا الرابط
http://futureinourhands.blogspot.com/2009/01/blog-post_06.html

لسماع الشهادة الصادقة للتاريخ

ولو حتى حصل انت شايفة انهم الآن بيموتوا علشان ارضهم والعالقين منهم على المعبر بيناضلوا علشان يدخلوا رغم القصف والدمار

وبعدين هما فعلا الى بيدفعوا عنها
وليس أحد غيرهم ولم يطلبوا ذلك من غيرهم ولكن
الكل يرفض مدهم بالسلاح فى الوقت الى امريكا بتمد اسرائيل باطنان من الذخيرة
بتجرب فيهم اسلحة محرمة

يا كيارا حرام الكلام ده والله
حاولى تنوعى مصادر المعرفة عندك لان الكذب والتضليل فى الاعلام المنافق للنظام الحاكم الآن لا حدود له
الهمك الله الصواب

mahasen saber said...

سالى حبيبتى ربنا يفك كربهم وينصرهم
ويشدد ازرهم ويعينهم على حالهم
ان شاء الله


بجد وحشتينى جدا جدا
يا حبيبتى

اخبار ابنكايه
يا رب تكونى بافضل حال يا سالى

حاجات جوايا said...

همس الأحباب
---------
أهلا بك أخى الفاضل
ربنا يتقبل منك وينصرهم يارب
اما عن موقف مصر الرسمى فلا أمل فى ذلك .. الموقف يتطور يوما عن يوم من سئ إلى أسوأ
اللهم اضرب الظالمين بالظالمين واخرجنا من بينهم سالمين

نورتنى أخى الفاضل

mahasen saber said...

سالى الحبيبه رحتى فين
واخبارك ايه
وابنك اخباره ايه
يا رب تكونوا جميعا بافضل حال وصحه وسلام


وحشتينى جدا جدا يا حبيبه

gana magde said...

كفاية اجرام كفايه حرام

((ولا تحسبن الله غافلا عما يفعل الظالمون))

تحياتى

حاجات جوايا said...

بعتذر يا جماعة عن التاخير فى الرد لظروف خاصة بى أرجوا ان تسامحونى

هرد على قد ما اقدر ان شاء الله

دمتم فى حفظ الله

حاجات جوايا said...

د. ابراهيم سماحه
----------------
اهلا بك اخى الفاضل
احنا عودناهم على كده اصلا بضعفنا وتفككنا
اللهم وحد صفوف المسلمين
يارب الزعماء العرب يفوقوا بقى ويعملوا حاجة تتحسبلهم

نورتنى اخى الفاضل

حاجات جوايا said...

ارسنلاوى
---------
أهلا بك اخى الفاضل
ان شاء الله نهاية اسرائيل جاية لا محال
والاعجب انى قرات انهم يعرفون من التوراة ان مصر هى التى ستدمر اسرائيل وتسحقها
ويقولون انها ذراع الرب التى تنهى اسرائيل
وعشان كده هما بيحاولوا يكرهوا العرب فينا ويضعفونا عشان منقدرش عليهم لوحدنا

ربنا ينصر اهلنا فى غزة
ويسحق اسرائيل وامريكا واهلها وجيوشها
اللهم آمين

نورتنى اخى الفاضل

حاجات جوايا said...

أنفاس الصباح
---------------
أهلا يا حبيبتى
ربنا يكرمك يارب ويباركلى فيكى
ويتقبل دعائنا لأهلنا فى غزة وينصرهم ويثبت أقدامهم ويشتت شمل اعدائهم ويوقظ حكامنا العرب من غفوتهم ومن حب الكراسى والمناصب اللهم آمين


نورتينى يا حبيبتى

حاجات جوايا said...

واحدة مفروسة
------------
أهلا يا حبيبتى
ربنا يتقبل منك ومنا الدعاء وينصر اخواننا فى غزة
لو كان بإيدنا كشعب وكبنات خاصة حاجة غير الدعاء والمقاطعة والتبرع كنا عملناها
لكن للأسف ما باليد حيلة

ربنا قادر ينصرهم ويثبت اقدامهم وينصر اعدائهم بحوله وقوته
اللهم آمين

نورتينى يا حبيبتى

حاجات جوايا said...

أحمد سعيد بسيونى
---------------
أهلا بك اخى الفاضل
تقبل الله منك وازاح الغشاوة عن اعيننا جميعا لنرى الحق حقا والباطل باطلا

نورتنى اخى الفاضل

حاجات جوايا said...

كيارا
-------
أهلا بك يا كيارا
اعتذارك مقبول يا حبيبتى .. انا عارفة انك اندفعتى بس اللى زعلنى الطريقة اللى بتتكلمى بيها .. لان مهما كانت درجة خلافنا فى وجهات النظر لازم نتحكم فى انفعالاتنا .. على العموم يا جميل حصل خير وانتى منورانى دايما


بالنسبة لبقينا مكسوفين اننا مصريين
فلو كانت تجاوز المرة اللى فاتت لمجرد عدم الفتح .. فدلوقتى بصراحة بعد اللى حصل ده كله وبعد الطائرات الاسرائيلية اللى سمحنالها تطير فى سمانا وتضرب غزة من عندنا بموجب اتفاقية كامب ديفيد اللعينة .. فالحقيقة انى بقيت مكسوفة اكتر من الاول وبقول ياحيط دارينى
معرفش كانت وجهة نظرك ايه فى الموضوع ده لكن بجد انا جوايا بركان غضب وكل يوم بيزيد عن اللى قبله وانا شايفة قمة التخاذل العربى والمصرى .. انا قلت الاتنين اهه مش بوجه الكلام لمصر بس

يعنى عايزاكى تنظرى الموضوع من وجهة نظر اهل غزة
لما تبقى كل حدودك عليها سيادة اسرائيلية
والمعبر الوحيد اللى ممكن ينقذك من الموت هو معبر مصر
والضرب عليكى من كل ناحية وكل المحلات مغلقة والكهرباء مقطوعة وكل اللى تعرفيهم بين شهداء وجرحى ومش عارفة الدور عليكى هيبقى امتى ؟؟ومفيش معاكى سلاح تدافعى بيه عن نفسك
وملاذك الوحيد انك تخرجى من المعبر وهو مقفول ومش بيتفتح الا كل فين وفين عشان يدخل عربيات ربع نقل عليها مساعدات قليلة لا تكفى احد والباقى مركون عالمعبر منتظر السماح بدخوله

بجد شعور لا يوصف ..ربنا ما يوريهولنا يارب ويحفظ بلادنا

وكمان نسمح للطائرات الاسرائيلية انها تضرب الحدود من عندنا عشان تدمر الانفاق اللى بتمد حماس بالاسلحة
طيب هيدافعو عن نفسهم بإيه ؟؟؟؟؟؟؟؟؟
بالحجارة ؟؟؟؟؟؟؟؟

ازاى نسمح للمحتل انه يحاصر صاحب الارض ويضعفه فى الوقت اللى امريكا فيه بتمد اسرائيل بكميات هائلة من الاسلحة والذخائر والصورايخ الممنوعة والمشروعة دوليا
كده تبقى امريكا صح وتمام ولا ايه ؟؟

ازاى نشارك فى المهزلة دى ؟؟؟
والله ما انا مصدقة ؟؟؟
انا هموت من الغيظ والعجز


--------
بالنسبة لكلمة الشيخ محمد حسان انا ماذكرتهاش بس عشان اقولك انه المصدر الوحيد
انا ذكرتها عشان اقولك حتى هو قالها
اما عن المصدر الاصلى فهو من منظمة حقوق الانسان .. هما اللى قالوا انهم مش عارفين يوصلوا التبرعات ؟؟

وحتى لو التبرعات وصلت هيعملوا بيها ايه وهما متحاصرين والضرب عليهم ليلا نهارا وكل المحلات مغلقة .. الناس يا كيارا مفيش فى بيتهم الا الخبز .. ده لو عرفوا يجيبوه اصلا !!!!!!!!


------------
وليس من حق اى منظمة ان تطالب اسرائيل بوقف اطلاق النار عن مصر التى سوف تكون وقتها ناقضة العهد
اى من حق اسرائيل فى اى وقت ضرب حدود مصر بل والدولة باكملها وليس لنا حق الاعتراض
-----------
هههههههههه اهى يا ستى مصر حلوة وجميلة وسمعت الكلام ومشت جنب الحيط واضربت حدودها برضه
وفيها مصريين واطفال اصابوا بشظايا .. وطبعا اسرائيل اعتذرت وقالت مكناش نقصد واحنا سامحناهم على طول .. مش بقولك مصر طيبة

يا ريتها كانت ضربت حدودنا بعد ما فتحناها
كان يبقى اشرف لنا والله
وكنا هنعرف نرد على اخواننا العرب
بجد شئ مخجل

-----------

سيبك يا كيارا من السادات وعرفات والتاريخ والاتفاقيات
اللى بيحصل فى غزة انتهاك لكل القوانين
وكل الانسانيات
ولو المسلمين ماتحدوش دلوقت هيتحدوا امتى بس ؟؟

والله والله انا لو كنت راجل كنت رحت حاربت معاهم .. بيحبونا بقى ما بيحبوناش .. فتح ولا حماس .. مش دى المشكلة خالص
المشكلة فى اهدار الارواح البريئة
المشكلة فى قتل المسلمين وتشريدهم
الف شهيد واربع الاف مصاب فى بلد واحدة
ليييييييييييييييييييه ؟؟؟
كفاية ندالة بقى يا عرب

معلش يا كيارا انا منفعلة بس مش عليكى والله
انا بجد مش طايقة نفسى
ولا طايقة العرب

ربنا يصلح حالهم يارب
ويوحد صفوفهم وينصرهم ويقدرهم على نصرة اسلامهم وعروبتهم ويسحق اليهود المجرمين
آمين يارب العالمين

نورتينى يا كيارا

حاجات جوايا said...

appyyyy
---------
اهلا يا حبيبتى
مقدرة نرفزتك طبعا .. ده انا بغلى اصلا
و اللى يغيظ اكتر اننا عمالين نردد كلام محفوظ مش وقته خالص
كله بقى ايده فى الماء البارد
حكومة وشعب ودول عربية
واخواتنا بيتقتلوا وبيموتوا بالعشرات والمئات وكبيرنا نزورهم فى مستشفيات مصر ونتصور معاهم

بجد حاجة تفررررررس

نورتينى يا جميلة

حاجات جوايا said...

دعاء
-----
أهلا يا حبيبتى
الواقع مؤلم اكتر يا دعاء
معرفتيش اخر نكته .. مش اسرائيل بتقول ان دى صور مزيفة وانهم مابيقتلوش اطفال ولاحاجة من دى خاااااااالص

يارب صبرنى

نورتينى يا جميلة

حاجات جوايا said...

الطائر الحزين
------------
أهلا بك أخى الفاضل
والله منا عارفة اللى حصل ده كان سببه ايه ؟
معقول كل ده عشان يقضى على حماس والاخوان ؟؟
للدرجة دى بنفكر بسطحية وانانية
وبنحب الكراسى والمناصب اكتر من واجبنا الاسلامى ؟؟

الله اعلم بجد كان هيبقى الوضع ايه لو فتح مكان حماس ؟؟
هى مصر لسه مصر
ولا بقت مصر اسرائيل ؟؟؟؟؟؟؟

اللهم اضرب الظالمين بالظالمين واخرجنا من بينهم سالمين

نورتنى أخى الفاضل

حاجات جوايا said...

أنفاس الصباح
-------------
أهلا يا حبيبتى
أنا الحمد لله بخير شكرا لسؤالك واعتذر عن التأخر فى الرد
وجزاك الله خيرا على الرد على كيارا وارفاق الرابط

نورتينى يا جميلة

حاجات جوايا said...

محاسن صابر
-----------
أهلا يا جميل
تقبل الله منك يارب وفرج عنهم ونصرهم

انتى وحشتينى اكتر يا جميلة
انتى اخبارك ايه؟ وازاى بيرو ؟
يارب تكونوا بخير
انا الحمد لله بخير ودودو بخير
ربنا يخليكى يا حبيبتى
متحرمش من سؤالك

نورتينى يا قمر

حاجات جوايا said...

gana magda
------------
أهلا يا جنة
((ولا تحسبن الله غافلا عما يفعل الظالمون))

صدق الله العظيم
ربنا قادر عليهم بإذن الله

نورتينى يا جميلة

Tamer Nabil said...

ربنا على كل ظالم

ربنا يخدهم يارب

مناظر صعبة
اين هى الانسانية

تحياتى

bastokka طهقانة said...

قفل الباب في وجه اسرائيل هو الحل
قطع علاقات دبلوماسية
منع تصدير الغاز الطبيعي
تهديد بالقصف الجوي على تل ابيب
مش شجب و معبر يتفتح و لا يتقفل


تقبلي تحياتي
و اوروفوار

zainab elmosalamy said...

يارب اللهم امين

اللهم استجب لدعائك
ربنا يرزقنا صلاة فى المسجد الأقصى

بنت الاسلام said...

واي اجرام ده ابشع انواع الاجرام اللي لا عمرنا شفناه ولا كنا نتخيل اننا نشوفه

تخيلي فجاة دودو مايبقاش جنبك في حضنك لا كمان بايديكي شايلاه شهيد

ياااااااه احساس صعب قووووووووي

ومع ذلك لم يتحرك احد

ماتت فعلا قلوب النااااااس

وماتت فينا النخوووووووووة

مشاعرك مشاعرنا كلنا

ولكن حكامنا اتعلموا ان اول واجب عليهم

انهم يدوسوا ومن غير شفقة ولا رحمة علي مشاعر شعوبهم

تحياتي

حاجات جوايا said...

تامر نبيل
----------
أهلا بك اخى الفاضل
فعلا مناظر صعبة
ربنا ينصرهم دايما
نورتنى اخى الفاضل
واعتذر للتاخير

حاجات جوايا said...

طهقانة
--------
أهلا يا جميل
ده اقل واجب والله
بس تقولى لمين ؟؟
محدش يقدر يعمل كده من حكامنا العرب

ربنا يصلح الحال يارب
نورتينى يا جميلة

حاجات جوايا said...

زينب المسلمى
-----------
اهلا يا جميل
ربنا يتقبل منا ومنكم يارب العالمين
نورتينى يا جميل

حاجات جوايا said...

بنت الاسلام
---------
أهلا يا بطة
أيوه يا ستى ماتت فينا النخوة
بس ايه اللى بتقوليه ده
اخص عليكى
بعد الشر على دودو
معدتش هخليه يكلمك خالص

اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger