حاجــــات جوايــا: هو العيد لسه فرحة ...؟؟

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Thursday, December 4, 2008

هو العيد لسه فرحة ...؟؟

تحديث هااااااااااااااااااااااااام

...........................

نزلت إجابتى عن التاج فى الكومينتس للى يحب يشوفه

كل سنة وانتوا طيبين .. وبالعيد فرحانين .. وللحم البقر آكلين .. (( أصلى مش بحب الضانى هههههه )) وطبعا طبعا طبعا .. للعيدية قابضين .. أو متورطين ودافعينها ومتدبسين .. على حسب يعنى

ونظرا لهذه الأيام اللطيفة .. والأجواء الخفيفة .. قررنا نحن الموقع أدناه وحاجاتي اللي جوايا .. عمل بوست لطيف ظريف دمه خفيف نسترجع فيه ذكرياتنا .. وندردش فيه عن حكاياتنا ومغامراتنا ورحلاتنا في العيد

ولما للنفس البشرية من طابع الزوغان .. والدخول ثم الرجوع للخلف بانتظام
قررنا نحن برضه .. الموقع أدناه وحاجاتي اللي جوايا .. في اجتماع مغلق استمر لعدة ساعات من المناقشات والمباحثات والاعتراضات والموافقات وانتهاءً بالمقترحات والتوصيات .. بإنشاء تاج جديد .. وأسميناه .." تاج العيد " وذلك لتدبيس المدونين .. ومحاصرتهم بين تاء وألف وجيم .. واللي مش هيجاوب يقول على نفسه .. يا رحمن يا رحيم

أما بعد .......... وصلنا إلى أسئلة التاج الميمون المطلوب أن يجيب عنها السادة المدونون

ماذا يمثل لك العيد ؟ وما أكثر شئ يبهجك في مظاهر العيد ؟
اوصف لنا طقوسك في العيد .. من ليلة العيد لآخر يوم ؟
احكي لنا أطرف موقف حصلك في العيد ؟
بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
مين أول حد تزوره أو تكلمه في التليفون /الموبايل عشان تهنيه بالعيد ؟
إيه الفرق بين العيد الحالي .. وعيد (أيام الطفولة )؟
كلمنا عن ذكرياتك في العيد
تفتكر الحياة من غير عيد .. هتفرق كتير ؟؟؟
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟
احم احم .. لسه بتاخد عيدية ؟؟ من مين ؟؟ وبتديها لمين ؟
إيه رأيك في التاج ؟
تحب تمرره لمين من المدونين ؟ اذكر على الأقل 10

انتهى بحمد الله

والآن مع تمرير التاج إلى :

محاسن صابر
آبى هانم بتنجانى
رفقة عمر
موناليزا
روفى
أنفاس الصباح
عاشقة النقاب
فاتيما
محمد غاليا
همس الأحباب
رئيسة حزب الأحلام
أبو يحيى وآدم
مواطن مصرى نايم
لورنس العرب
بنت الاسلام
ريمان
صبرنى يارب
رئيس جمهورية نفسى

المستنصر بالله
جنى
نهر الحب
مولان
Dr. Ibrahim samaha
كلمات
أحسن تستاهل
واحدة مفروسة
فنانة مفروسة
المفقوعة مرارتها

original heart

Mostafa rayan

نور الدين

نور شاهين

اهو ده عيبه

عاليا حليم- عندلبيات

لماضة

عايش ولكن

hossam yahia

ساسو

زنوبيا

blue wave

البوست ده الحقيقة مش مجرد تاج خفيف ..إنما الهدف الأساسى منه هو الدعوة للفرح .. كتير بتمر علينا أعياد ورا أعياد مش بنحس بيها ومش بنفرح فيها .. بتيجى وتروح من غير ما تأثر فينا ولا تحسسنا بتجديد عشان كده حبيت أسلط الضوء على الحاجات الايجابية اللى فى العيد .. اللى بمجرد ما بنفتكرها بنفرح ونتمنى العيد ييجى عشان نرجع نعمل الحاجات دى أو نحس بالاحاسيس دى

عشان كده بدعوكم نستقبل العيد بالفرحة .. بلاش نتجهم ونشيل الهم ونزعل ونقول أهى أيام كلها شبه بعضها .. عايزين السنة دى نحاول نفرح .. ولو حتى نمثل على نفسنا وعلى بعض اننا فرحانين .. عايزين ننسى شوية الهموم اللى مش بتخلص ونأجلها لبعد العيد مهى ورانا ورانا هنروح منها فين ؟ نخرج .. نزور قرايبنا واصحابنا .. نضحك .. من زمااااااان مضحكناش من قلوبنا .. مش كده برضه ؟

كل سنة وانتوا طيبين .. و يارب تفرحوا بالعيد وتعيدوا وتتبسطوا ويعدى عليكم العيد في خير وأمان واطمئنان .. تقبله الله منا ومنكم

ملحوظة صغنونة :

..................
التاج مش بس للى ذكرت أسمائهم .. التاج لكل المدونين .. وآسفه جدااا لو كنت نسيت حد وانا فعلا حاسة انى نسيت حد .. فياريت كل اللى يدخل المدونة يقبله منى .. حتى لو مش من أعضاء بلوجر ممكن يستعمل خاصية (الغير معرف) ولو حد من الأعضاء اللى ذكرت أسمائهم أو اللى سقطوا سهوا أو الزوار لأول مرة مش عايز ينزله فى مدونته لأى سبب ياريت يجاوب عندى فى صفحة التعليقات .. المهم اننا ننشط الذاكرة ونفتكر مع بعض ذكرياتنا السعيدة فى العيد

منتظرة إجاباتكم عشان أعيد معاكم .. ومتنسونيش في العيدية .. أو حتة لحمة مشوية ههههههههه

على هامش البوست " هدية العيد "
.............................
أفكار لتقديم العيدية
رسائل عيد الأضحى

كود أغنية يا ليلة العيـــــد

أترككم فى رعاية الله وأمنه وأدعو الله أن يجمعكم بأحبائكم ويجمع شملكم
وكل عام وأنتم بكل الخير
Sally

86 comments:

Empress appy said...: كل سنه وانتى طيبه يا قمر

بس معتقدش العيد لسه فرحه وليه تدبيسة التاجات دى طيب اقولك اجاوب هنا وامرى لله بقى وخلاص ايه رايك

ذا يمثل لك العيد ؟ وما أكثر شئ يبهجك في مظاهر العيد ؟

العيد بيمثل ليه الصغير العيديه لانى اكتر واحده بتدى عيديات عاااا لاطفال العيله وحتى لاخواتى بما انى الكبيرة والله لسه بديلهم ما هما شحوطه ومتجوزين بس عادى
العيد الكبير بيمثل ليه باربكيو ههههه
اكتر حاجه منظر الحجاج عنيه بدمع لانى بتمناها بجد من قلبى

اوصف لنا طقوسك في العيد .. من ليلة العيد لآخر يوم ؟

طقوس هو اول يوم بروح اركب عجل بس خلاص لا استنى واروح مع الاهل نعمل باربكيو وبعدين يوم لاصحابى

احكي لنا أطرف موقف حصلك في العيد ؟

اممممم لا هو موقف بيتكرر بنجيب سودانى انا وبابا ونقعد ناكل وماما تصوت هى واختى مننا علشان بنبهدل الدنيا

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

لا بهتم بكل القريبين منى كلهم

مين أول حد تزوره أو تكلمه في التليفون /الموبايل عشان تهنيه بالعيد ؟

اخواتى البنات وماما وبابا بعدهم اى حد

إيه الفرق بين العيد الحالي .. وعيد (أيام الطفولة )؟

ايام الطفوله يا سالى كنت بخرج كتير اوى انا بستغرب على نفسى انا مكنتش بقعد فى البيت يا اوختى من الصبح لبليل ايه ده ايه الفر ده كله صعب اوى بس الحمد لله اتهديت

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

كلمه واحده مرة وصلتنى كل سنه وانتى ملكه الدنيا ووحشتينى بصراحه من حد قريب منى اوى اوى وبعدين الايام فرقتنا فاول ما شوفت الرساله عنيه دمعت

احم احم .. لسه بتاخد عيدية ؟؟ من مين ؟؟ وبتديها لمين ؟

عيديه ما قولت انا اللى بدى يا بنتى عاااااااااا

إيه رأيك في التاج ؟

حلو الحاله اللى حطتينا فيها من الكلام عن العيد بجد

ايه ده انا رغيت كتير لا كفايه عليكى بقى باى; December 4, 2008 at 10:02 AM
همس الاحباب said...: ده هدية ولا تدبيسة
ههههههههههه
كل سنة وحضرتك طيبة
وعيد سعيد عليكى وعلى اسرتك
وربنا يجعله عيد سعيد علينا وعلى المسلمين جميعا
بوست دمه خفيف والتاج جديد وممتع معاه نسترجع الذكريات وايام الطفولة والشقاوة
دمتى بود
وكل عام وانتى بخير; December 4, 2008 at 2:37 PM
Dr. Ibrahim said...: ليه بس التدبيس ده

دى العيدية ولا إيه:)

كل سنة وانتى طيبة ويعودها ايام سعيدة طول السنة

ونفرح دايما ومش نشيل الهم كما ذكرتى

بس التاج بقى ربنا يسهل وأجاوب عليه ان شاء الله

تحياتى

د إبراهيم; December 4, 2008 at 5:43 PM
oRiGiNaL HeArT said...: كل سنة وانتى طيبة
ويارب دايما العيد يبقى فرحة
بوستك جميل واسئلة التاج حلوة بجد
اكيد اللى هيجاوب عليها هيفتكر حاجات حلوة كتير مر بيا فى الاعياد
كل سنة وانتى طيبة :); December 4, 2008 at 5:43 PM
mohamed ghalia said...: هههههههههههه
العيد لسه فرحه أكيد
أنا كنت ناوى أعمل بوست تهنئه بالعيد هحاول بالمرة أجاوب على الأسئلة
تحياتى
كل سنة وانتى طيبة; December 4, 2008 at 6:11 PM
ريمان said...: حبيبه قلبى

كل سنه وانتى طيبه

وشكرا على التاج الجميل اوى ده

وان شاء الله هجاوب عليه يا قمر

اموااااااااااه

دى بقى هديه العيد بتاعتك

احلى بوسه لاحلى سالى فى دمياط كلها; December 4, 2008 at 7:23 PM
موناليزا said...: كل سنة وانتى طيبة ياجميلة ويارب يكون عيد سعيد علينا جميعا
اما عن التاج فاسمحيلى هجاوبه هنا

ماذا يمثل لك العيد ؟
يوم ربنا عمله عشان نفرح فيه يعنى حتى لوم مفيش حاجة تخلينى اكون مبسوطة بعمل نفسى مبسوطة:)

وما أكثر شئ يبهجك في مظاهر العيد ؟

زيارات الاقارب

اوصف لنا طقوسك في العيد .. من ليلة العيد لآخر يوم ؟

رسايل واتصالات بالجميع للتهنئة بالعيد ثم توضيب ما سأقدمه للضيوف وانتظر قدوم المهنئين

احكي لنا أطرف موقف حصلك في العيد ؟

صحيت العيد اللى فات لقيت بابا نفخلى البالونات ومعلقهالى:)

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

ده شئ اساسى طبعا

مين أول حد تزوره أو تكلمه في التليفون /الموبايل عشان تهنيه بالعيد ؟

خالتى

إيه الفرق بين العيد الحالي .. وعيد
أيام الطفولة )

عيد ايام الطفولة كان له مذاق مختلف يعنى فستان العيد والخروج لبيت جدتى ولمة العيلة كلها ولعب ومراجيح ومكنتش بقعد الصراحة ههههه
دلؤتى بقى خلاص الواحد كبر ومعدتش فيه مراجيح
:)
كلمنا عن ذكرياتك في العيد
تفتكر الحياة من غير عيد .. هتفرق كتير ؟؟؟

اكيد هتفرق ماهو لازم يبقى فيه وقت للترويح عن النفس

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

لغاية دلؤتى مفيش مازلت فى الانتظار ههههههههههه

احم احم .. لسه بتاخد عيدية ؟؟ من مين ؟؟ وبتديها لمين ؟

طبعا ربنا يخليلى ماما وبابا
انا مش بدى عيدية فلوس بفضل اجيب لعب وبالونات لولاد اخويا عشان نلعب سوا ونفرح مع بعض

إيه رأيك في التاج

كان مفاجأة ومكنتش متوقعة انى هجاوب
عليه
وعشان كده هعمل حسابك فى البالونات:)
سلام ياقمراية وكل سنة وانتى بالف خير; December 4, 2008 at 7:50 PM
نوسه وريمان فى هاكونا مطاطا said...: يلا يا قمر

تعالى شوفى التاج انا عملته على هاكونا مطاطا

يلا تعالى شوفى

ريمان; December 4, 2008 at 8:34 PM
د.توكل مسعود said...: "قد تكون المساواة... عار"

مهداة إليك في بلاوطن; December 4, 2008 at 11:21 PM
mahasen saber said...: حبيبتى الجميله الرقيقه اليى عايزه تموتنى من غير قصد طبعا هههههههههه بئه كده يا سالى تاج تاج يا قمر
طب لما اجاوب اليى خللوا عندى
ده انا لو جاوبت ده احتمال محمد غاليا يموتنى وابنى يتيتم
ولو جاوبت تاج محمد احتمال رنا النائمه فى الارياف تخلص عليا وبرضه بيرو هيتيتم
وانتى طبعا ميردكيش الواد يتشرد
فاحنا متفقين ان البيت بيتى ولا شيلتى المفتاح من تحت التفاحه .....
فهستعير حته من صفحة الكومنت واجاوبلك يا قمر لانى مقدرش ومجرؤش ااقول لحبيبة قلبى من جوه سالى الجميله لا
ده انا كانت لاه تلئنى وحمار يزقنى; December 5, 2008 at 12:09 AM
mahasen saber said...: بس قبل ما اجمع الاسئله واطرحها من بعض بقولك من قلبى يا سالى والله

كل سنه وانتى واسرتك وكل من تحبين بالف الف خير وسلام

ويا رب كل ايامك تبقى اعياد واعياد يا حبيبتى يا رب

اخد المفتاح بئه واجاوب على التاج بعد اذنك يعنى ولاا اخد التفاحه وامشى مع انك شلتيها اصلا بس انا بتخيلها; December 5, 2008 at 12:11 AM
جنّي said...: السلام عليكم

شكرا يا سالي على اهداء التاج وشكرا انك تحاولين ادخال البسمة علينا وان يكون العيد مختلف ..
بس كنا نريد معرفة اجاباتك .. واسمحيلي اجاوب في التعليقات لني احتمال الا ادون الا بعد العيد ان شاء الله ..
1 - ماذا يمثل لك العيد ؟ وما أكثر شئ يبهجك في مظاهر العيد ؟
العيد يمثل لي الفرح والسرور .. اكثر مظاهر العيد تبهجني لمة العيلة ..

2 - اوصف لنا طقوسك في العيد .. من ليلة العيد لآخر يوم ؟

طقوسي ليلة العيد احب اسهر في الشارع لاراقب الناس ليلة العيد ما بين شراء وبيع وحركة وفرحة .. احب اسمع اغنية ياليلة العيد لام كلثوم والليلة عيد .. الزيارات والفسح ان امكن ..

3 - احكي لنا أطرف موقف حصلك في العيد ؟

اطرف موقف اتذكره في احد الاعياد زماااااان وان صغير زارنا زوج عمتي في العيد طبعا ولم يعطني العيدية فظللت اخرج ما معي من نقود واقوم بعدها عدة مرات حتى انتبه لذلك وضحك واعطاني العيدية ..

4 - بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

طبعا مهم جدا

5 - مين أول حد تزوره أو تكلمه في التليفون /الموبايل عشان تهنيه بالعيد ؟
بالطبع الوالد والوالدة قبل وفاتها رحمها الله ..

6 - إيه الفرق بين العيد الحالي .. وعيد (أيام الطفولة )؟
كلمنا عن ذكرياتك في العيد

طبعا هناك فرق بس الواحد برضه بيرجع عيل احيانا ويلعب ويتنطط مع اولاده .. اما الذكريات دا شرح امره يطول ..

7 - تفتكر الحياة من غير عيد .. هتفرق كتير ؟؟؟

صعب الاجابة ولكن مرت علي بلادنا ايام انكسار لم نحس فيها بطعم العيد ..

8 - إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟
لم تصلني حتى الآن بس اكيد ها توصلي ليلة العيد من زوجتي واولادي فهذا اول عيد من زمن طويل اقضيه بعيدا عنهم ..

9 - احم احم .. لسه بتاخد عيدية ؟؟ من مين ؟؟ وبتديها لمين ؟

دلوقتي بندي اولادي طبعا وابناء الاسرة

10 - إيه رأيك في التاج ؟
تحب تمرره لمين من المدونين ؟ اذكر على الأقل 10

التاج جميل بصراحة وامرره لـ الريدر مليان

شكرا وتحيتي; December 5, 2008 at 12:21 AM
mahasen saber said...: ماذا يمثل لك العيد ؟ وما اكثر شئ يبهجنى فى مظاهره ؟
طب يا سالى قلبتى عليا المواجع لان العيد ده واليى قبله من غير وجود بابا الله يرحمه معانا واه هو فيه اعياد كتير كان بيبقا مش معانا عشان ظروف سفره بس برضه كان حسه فى الدنيا..الله يرحمه..
بس العيد بيمثلى اللمه وفرحة العيد فى عيون الاطفال وانه يوم مبارك من عند المولى عز وجل لينا..
اكتر شئ بيفرحنى طبعا التكبيره وصلاة العيد وبالذات ان عبدالرحمن معايا فبقى العيد حلاوته زايده حتت مش حته بوجود ابنى فى حياتى

اوصف الطقوس فى العيد من بداية اليوم لاخره ؟
برضه احراج تانى بصحى بصحى ايه اصلا مبنمش الا ساعه وبعدين بصلى الفجر واستنى صلاة العيد واروح اصلى وارجع افضل فى البيت وبعدين على الساعه 11 اروح ازور القرايب والاهل والاحباب وارجع بسرعه وافضل فى البيت لاخر الاسبوع ..لا بجد مفيش طقس دائم لان كل عيد وظروفه متغيره بس ده الغالب اليى بعمله ومن تانى يوم تبدأ فسح بيرو ونعيش انا وهوعيشته هو بس
اطرف موقف حصل فى العيد ؟ اممممممممممممم انا عماله افتكر مش فاكره شكل اعيادى كلها نكد من غير مواقف طريفه بس مش فاكره غير ان ابن اخويا محمد بيخاف من منظر الخروف وهو بيدبح وبيفضل يصرخ ويعيط وانا برضه بخاف شويه على قدى فبيفضل يعيط ويقولى عمتو يله نمشى سوا من هنا وطبعا عمتو بتسمع كلامه علطول انما عبدالرحمن ابنى يا سالى قلبه ولاا قلب الاسد بيرو تعالا لا روحى انتى يا ماما
انا متنبئاله انه هيبقا دكتور تشريح
بتحرص على تهنئة الاهل والاقارب ؟
اه طبعا يا سالى البعيد واليى مش بيعبرنى اصلا بعمل بكلام ربنا والرسول الكريم وبسال عليه
واليى من بعيد كمان بزورهم
اول حد بزوره او اكلمه بالتليفون ؟
زمان كانت جدتى
حاليا اختى سمسم لانها اتجوزت ربنا يسعدها فبئت اول حد بزوره واول حد بالتيلفون هيا برضه وبعدين صحابى واهلنا
الفرق بين العيد الحالى وايام الطفوله ؟
ان زمان كنا صغيرين مش مدركين مسئوليه ولاا مشاكل والحياه صافيه ورايقئه فكان العيد فعلا فرحه
اما دلوقت فيكفى اننا مهما فرحنا برضه فيه شرخ جوانا وده بفعل الحياه ومفعول السنيين
اجمل رساله بالعيد ومن مين ؟
طب كانت رساله من نها صحبتى حبيبتى وكانت بتقول كل سنه وابنك فى حضنك
تفتكرى يا سالى فيه اجمل من كده رساله تتبعتلى

لسه بتاخدى عيديه من مين وبتدى لمين ؟
اه اخويا احمد ربنا يبارك فى عمره لسه بيدينى عيديه ولابنى كمان عيديه ده بخلاف اللبس سؤاء لعبد الرحمن او ليا ربنا يكرمه ويباركله فى اولاده وزوجته وبدى طبعا عيديه لاختى عشان اصغر منى ولاولاد العيله
واى طفل عارفه انه يتيم واللمض ابنى طبعا
ايه رايك فى التاج ؟

جميل وحلو لان سالى مبتهديش حاجه وحشه
وبعدين حاسه فيه بتكبيرة العيد
ونفحاته

وكل سنه وانتى وكل من تحبين بالف خير يا سالى يا قمر; December 5, 2008 at 12:43 AM
محمد مارو said...: كل سنه و انتى طيبه

و للعديه دافعه مش قابضه; December 5, 2008 at 10:32 AM
رئـــــيسـة حزب الأحلام said...: كل سنه وانتى طيبه ويارب يجعل ايامنا افراح
وربنا يسعدك
بس سؤال على جنب الخروف اللى على جنب دة هتدبحوه امتى; December 5, 2008 at 3:26 PM
رئـــــيسـة حزب الأحلام said...: انا بقى حجاوب على التاج

عندى انشاء الله
تحياتى لكى ياقمر; December 5, 2008 at 3:58 PM
مواطن مصرى نايم said...: كل سنة و انتى طيبة يا ام دودو
يا رب السنة الجاية تكونى من الحجاج ان شاء الله
و كل سنة و دودو بخير و بصحة يا رب
اما بقى التاج
تعرفى انى مكنتش حنزل بوست على البوست الموجود ابدا
و كنت خلاص حقفل البلوج على كده
بس حنزل التاج فبوست عن العيد و يبقى اخر حاجة لحد ما نفسى للتدوين ترجع زى الاول
كرهته و كرهت الاخلاق اللى وصل لها حال التدوين

المهم انى حجاوب التاج ان شاء الله
و انا برضوا مش بحب اللحمة عموما
و الضانى تحديدا
يعنى العيد الكبير بجد ممكن ما اكلش خالص
او انزل مع صحابى و اجيب بيتزا و كده
يعنى نص حيوانى
لأنى باكل الفراخ بس
و كل سنة و انتى طيبة

تحياتى ليكى و شكرااااااااااااااا
انك افتكرتينى بالتاج ربنا يخليكى

اسلام; December 5, 2008 at 9:09 PM
klmat said...: سالى الجميله
كل سنه وانتى والعيله وكل الحبايب طيبين
انا اسمى مكتوب . طيب
اشكرك جدا جدا
وانا صغيره كنت بنام يوم الوقفه بلبس بيت جديد وانام وانا فرحانه علشان تانى يوم حاالبس جديد كله جديد . وازور جدى وجدتى لآبى وامى وحااخد عيديه
والبيت بيكون اجمل لحرص والدتى على اضافه
اى شىء جديد مفارش ستاره وكنت بقابل
اولاد خالتى وعماتى وكل منا فرحان وقابض عيديه . اجمل حاجه عند القيام من النوم الاقى لبس العيد معلق امامى خارج الدولاب
حرصت على هذه العادات مع اولادى وضع اللبس وهم نائمين علشان يشوفوا اول مايقوموا والعيديه طبعا وصله الرحم
وان كان زمان العيد له بهجه وطعم مميز اكتر ربنا يجعل كل ايامك اعياد وفرحه وسعاده ياااارب; December 5, 2008 at 10:08 PM
Unknown said...: كل سنه وانتي طيبه يا قمرايه
عجبني قوي التاج
همخمخ فيه واجاوبلك عنيا الاتنين
الاغنيه الي حطاها جميله قوي ورجعتني لايام جميله خصوصا وانا بقرا كلامك واسئلة التاج

كل عيد وانتي واهل بيتك بصحه وسعاده يارب; December 6, 2008 at 8:22 AM
بنت الاسلام said...: كل سنة وانتي طيبة يا سالي وتاج رائع وجميل قوي ومقبول منك ومعاكي حق دايما بنضيع لحظات فرحنا من غير مانفكر حتي نفرح فيها

جبتي لدودو هدوم العيد؟; December 6, 2008 at 11:01 AM
ضــى القمــر said...: أتى العيد مرحبـاً
أتى العيد طربــاً

فجره على الابواب
لقاء يجمع الاحباب

على قوافل ايامه نسير
فالخير منه وفيه الكثير

شمــس وقمـر وضيـاء
بركاته وسع السماء

علــى صوت الآذان نكبر
الله أكبر الله أكبر الله أكبر

كل عام وانت بخير

عيدأضحى مبارك علينا وعليكم
ومشاعر عطرة من قلبي أهديكـم; December 6, 2008 at 8:43 PM
Ahmed Al-Sabbagh said...: كل سنة وانتم والاسرة بخير; December 6, 2008 at 8:50 PM
حاجات جوايا said...: السلام عليكم ورحمة الله وبركاته

كل سنة وانتوا طيبين .. وبالعيد فرحانين ..معلش اتأخرت عليكوا فى الرد لأنى كل ما ادخل ألف على المدونين أبلغهم بتمرير التاج .. وعما اقرا موضوعاتهم واعلق بياخد وقت كبير ..وفيه لسه مدونين مش عارفة اوصل لمدوناتهم وبدور فى البوستات القديمة بتاعتى .. انا اللى جبته لنفسى هههههههههههه بس ولا يهمكوا فداكوا ههههههههههه

بشكركم لقبول التاج وبالنسبة للى جاوب على التاج هنا فبشكره جدا على الاهتمام والتواصل وهرد عليكوا كلكوا ان شاء الله

بالنسبة لاجابتى عن التاج هنزلها معاكوا هنا فى التعليقات بإذن الله بس بعد ما ارد عليكوا .. انتوا أهم طبعا
وكل سنة وانتوا والامة الاسلامية طيبين وبألف خير

سالى; December 6, 2008 at 10:36 PM
Kiara said...: هييييييييييييييييييييييه في تاج للعيد

كل سنه وانتي طيبه ياقمر

وحاضر هحل التاج واجي

بس فين مثاثتي

وحشاني; December 7, 2008 at 4:56 AM
Unknown said...: عيد سعيد
وكل عيد اضحى وانت بخير
وان شاء الله العام القادم على عرفات متجمعين

ميرسى جدا على التاج وعلى الاغنية; December 7, 2008 at 6:22 PM
Unknown said...: عيد سعيد
وكل عيد اضحى وانت بخير
وان شاء الله العام القادم على عرفات متجمعين; December 7, 2008 at 9:27 PM
rovy said...: كل سنه وانتى طيبه يا سالى

باشكرك على التاج طبعا بس سامحينى لأنى اليوم اكيد معنديش وقت و ان شاء الله لو لقيت اى وقت بكره حأجاوبه و لو ما لاقيت سامحينى لكن عموما بأختصار العيد بيمثل ليه احلى ذكريات و اجمل احساس اللى من يوم ما سيبت بيت بابا الله يرحمه ما عيشت ابدا الاحساس ده تانى يمكن بقى فيه احساس جديد جميل برضه لكنه احساس بالمسؤليه فى انى اسعد اسرتى و اشعرهم بالعيد بعد ماكنت
انا اللى بادلع و بأعيد احلى عيد
طقوس العيد بتتمثل فى انى بأزور كل احبابى و اولهم امى و ام زوجى و بعد كده اخواتى و اخوات زوجى ..
اطرف موقف بجد مش فاكره
اكيد باحرص على تهنئة الاهل و الاقارب و اصحابى
و اول حد باكلمه بالتليفون ماما
ربنا يخليها لى .. الفرق بين العيد دلوقتى و زمان كبييييييير طبعا و احساس مختلف
كفايه كده يا سالى و ياارب يكون عيد سعيد ياارب عليكى و علينا جميعا

كل عام وانت بكل خير حبيبتى; December 7, 2008 at 11:56 PM
tarek alghnam said...: وامرت بذبحك يا ولدى فانظر فى الامر وعقباه ؟؟؟

ويجيب العبد بلا فزع افعل ما تؤمر ابتاه من يعصى لله امرا من يعصى يوما مولاه

واستن الوالد سكين واستسلم ابنا لقضاه

وتهز الكون ضراعات ودعاء يقبله الله تتوسل للملأ الاعلى ارض وسماء ومياه

ويقول الحق ورحمته سبقت فى خير عطاياه صدقت الرؤيا لاتحزن يا ابراهيم يا ابرهيم فديناه .....كل ثانيه كل دقيقه كل ساعه كل يوم كل اسبوع كل شهر كل سنه وانتم طيبين وعيد سعيد; December 8, 2008 at 12:18 PM
FreeKiller said...: كل سنة و انتي طيبة يا حاجة
و عقبال كل عيد و انتي بخير يا رب
و تحجي بقى السنة الجاية كده

و متنسيش تبقى تبعتيلنا من الخروف المرة الجاية
:)); December 9, 2008 at 10:24 AM
Anonymous said...: سولي الجميلة

كان نفسي أرد على التاج لكن النفس بأه
معلش ،، واضح اني هاخد وقت على ما اتعدل أحسن نفسيتي معووجة أوي جحدا خالص

كان نفسي اجاوب بجد على اسئلتك لكن بجد متكسرة متعقدة متفتتة متجزأة من جوه حقيقي

سولي الجميلة،، تفتكري فعلا هو العيد فرحة؟؟

مها ميهوووو; December 10, 2008 at 4:42 PM
Empress appy said...: بجد انتى جميله اوي ربنا يخليكي ليه يا رب انتى وكل الناس اللى بحبهم ويخلى لكي ولادك وتفرحي بيهم بجد يا سمسم عينى دمعت حرام عليكي كل سنه وانتي بقلب ابيض وقمر وسطنا يا رب وجميله التورته اوي اوي اوي; December 10, 2008 at 7:38 PM
حاجات جوايا said...: appyyyyyyyyy
-------------
كل سنة وانتى طيبة يا حبيبتى
ربنا يرزقك بكل الخير ويفرحك ويهنيكى
انتى بجد اللى حد جميل أوووووووى وطيب أوووووى وحاسة بكل اللى حواليكى
ودى أقل حاجة .. كان نفسى التورتة تكون بجد
يللا بقى تخيليها ههههههههههه
بجد انا اللى دمعت من ردك

عيد ميلاد سعيد يا رحاب
happy birth day to you; December 10, 2008 at 8:58 PM
mostafa rayan said...: انا جاوبت التاج; December 10, 2008 at 9:15 PM
المنسى said...: إزيك ياسالى
عاملة إيه
يارب تكونى بخير
كل سنة وإنتى طيبة وكل الأمة العربية والإسلامية بكل خير وسعادة والسنة الجاية إن شاء الله نكون جميعا على عرفات; December 11, 2008 at 1:23 AM
أنفاس الصباح said...: حبيبتى سالى

كل سنة وانت قلب طيب وجميل

كل سنة وانت بتحبى الناس وبيحبوك

كل سنة وانت سعيدة وفرحانة ومحققة احلامك وامانيك

سلامى لدودو الجميل
ايه اخباره
ياريت تنشرى له صور على المدونة
وتحكلنا عنه
علشان لما يكبر تبقى ذكرى جميلة

مش عارفة اجاوب على التاج دلوقتى
ربنا يسهل واقدر اجى تانى اجاوبه
اصله عوز رغى كتير وانا بزهق من الكتابة على الكيبورد
معلش
تصبحى على خير; December 11, 2008 at 1:55 AM
daktara said...: اقرأ الحادثة
شوف بنات روسيا كاتبين ايه عن شباب الغردقة في
مهزلة sex tourism in hurghada

اسف علي استخدام مدونتك كأعلان ولكن الامر خطير

يمكنك مسحه اذا شئت; December 13, 2008 at 12:41 AM
رفقة عمر said...: كل سنه وانت بالف خير سالى
اسفه متاخره
بس معلش سامحينى ظروف خارجه عن ارادتى
وشكرا على التاج الجميل واسمحيلى اجاوبه هنا

ماذا يمثل لك العيد ؟ وما أكثر شئ يبهجك في مظاهر العيد ؟
بيمثل لى انه اليوم اللى بتتجمع فيه الاسره وبيفتكرينى فيه ناس كانوا ناسينى
اكتر شئ يبهجنى تجمعى مع اخواتى ورسايل التهنئه على الموبيل
اوصف لنا طقوسك في العيد .. من ليلة العيد لآخر يوم ؟
الطقوس طبعا لازم الشقه كمان تكون معيده ولابسه جديد وانا كمان لابسه جديد واستنى لصلاه العيد وارجع من الصلاه انام وبعدين اخواتى يتجمعوا عندنا ويتغدوا معانا وبنهايه اليوم الاول يكون العيد انتهى بالنسبه ليا

احكي لنا أطرف موقف حصلك في العيد ؟

هو مش اطرف موقف ولكن اصعب موقف يوم الرؤيه بالظبط مرضت مرض شديد وكانت بى الالام غير محتمله وكل الصيدليات كانت قافله وكمان كان الوقت متاخر جدا فضلت صاحيه لغايه الصبح وبعدين اخويا اخدنى مستشفى اخدت حقنتين مسكن وقضيت العيد ولبعد العيد فى السرير
بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
طبعا دى حاجه اساسيه

مين أول حد تزوره أو تكلمه في التليفون /الموبايل عشان تهنيه بالعيد ؟
اللى بيجى على بالى وقتها بيكون هو صاحب نصيب اول تهنئه

إيه الفرق بين العيد الحالي .. وعيد

أيام الطفوله

طبعا الفرق كبير جداااااا
يالله بقى ايام مش بتتعوض ايام البرائه والفرحه الحقيقيه

كلمنا عن ذكرياتك في العيد
ذكرياتى تقريبا زى كل الناس مافيش حاجه مختلفه

تفتكر الحياة من غير عيد .. هتفرق كتير

اكيد هاتكون مش حلوة لان ربنا خلق العيدين لادخال السرور على قلوب الناس دول جايزة من ربنا ازاى نرفضها
إيه أجمل رسالة تهنئة بالعيد وصلتك
قلنا طبعااا بتقول إيه ؟؟ ومن مين ؟؟
كلها رسايل تهنئه عاديه

احم احم .. لسه بتاخد عيدية ؟؟ من مين ؟؟ وبتديها لمين ؟

طبعا لسه باخد من اخواتى ربنا يخليهم ليا وماما بما انى اصغر اخواتى

إيه رأيك في التاج ؟
جميل قوى تسلم ايديكى; December 13, 2008 at 1:30 PM
Mafrousa said...: ههههههههههههههههه
انا جيت
انتى قلتي مرري التاج لعشرة
و بما اني لاقيت اسمي رقم 25
يبقى انا خارج التاج
هههههههههههههههه
وش مطلع لسانه
كل سنة وانتى طيبة و بخير
و معيدة ولابسة جديد
و معيدة و لابسة جديد
هههههههههه; December 14, 2008 at 9:34 AM
Mafrousa said...: اه نسيت اقولك
كل يوم بيعدى عليكي و انتى مبسوطة
و باسطة الناس
و راضيه ربك
و راضيه اللى حواليكي
و راسمه باسمة على وش محتاج و لا يتيم
بيبقى عيد; December 14, 2008 at 9:35 AM
حاجات جوايا said...: appy
----
وانتى طيبة يا جميل

هههههههههههههه
انا الكبيرة برضه بس مش بدى حد حاجة
كفاية عليا دودو اوووووى وأحمد يتصرف بقى
ههههههههههههه
السودانى فعلا بيبهدل السجاد وبيحتاج للمكنسة بشكل عاجل
ربنا يعين مامتك على العادة المتعبة دى هههههههه

كل عيد وانتى سعيدة يا حبيبتى
وكل تاج وانتى متوجة; December 15, 2008 at 2:16 AM
حاجات جوايا said...: همس الاحباب
----------
هههههههههههه
هدية وتدبيسة
عيد بقى ومصاريفه كتير
هههههههههه

كل سنة وانت واسرتك بكل الخير; December 15, 2008 at 2:18 AM
حاجات جوايا said...: dr.ibrahim samaha
----------------
أهلا بك اخى الفاضل
ههههههههههه
كل عيد وانت متدبس بتاج ان شاء الله
اعادهخ الله عليك بالخير والبركة
انتظر اجابتك عليه

نورتنى اخى الفاضل; December 15, 2008 at 2:36 AM
حاجات جوايا said...: original heart
------------
أهلا يا حبيبتى
كل سنة وانتى طيبة وبخير
مررتلك التاج وكنت اتمنى تجاوبيه
شكله هيترحل للعيد القادم
متنسيهوش بقى; December 15, 2008 at 2:38 AM
حاجات جوايا said...: mohamed ghalia
--------------
أهلا بك أخى الفاضل
بتمنى دايما العيد يبقى فرحة عالمسلمين
هاجى اشوف الاجابة بإذن الله
كل سنة وحضرتك طيب; December 15, 2008 at 2:40 AM
حاجات جوايا said...: ريمان
-----
اهلا يا ريمو يا جميلة
كل سنة وانتى طيبة يا حبيتى
إجابتك عليه سكر خاااااااالص يا ريمو
يا ام بالونة انتى
ههههههههههههه
منورااانى; December 15, 2008 at 2:42 AM
حاجات جوايا said...: موناليزا
---------
اهلا يا سكر
عيدك جميل ربنا يجعل كل حياتك اعياد وتبقى مبسوطة وفرحانة وسعيدة بجد
انا مستنية البالونة بتاعتى
اتاخرت ليه كده ؟؟؟؟

كل سنة وانتى طيبة يا حبيبتى; December 15, 2008 at 3:00 AM
حاجات جوايا said...: هاكونا مطاطا
------------
هههههههههههههههه
شفته يا جميل يا ام بالونة
أحلى ما فيكى برائتك وشقاوتك يا ريمو يا جميلة; December 15, 2008 at 3:01 AM
حاجات جوايا said...: د. توكل مسعود
---------------
أهلا بك يا فندم
كل عام وحضرتك بخير
جزاك الله خيرا على الاهداء
هشوفها ان شاء الله
نورتنى أخى الفاضل; December 15, 2008 at 3:38 AM
moory-mero said...: السلام عليكم و رحمة الله و بركاته

كل سنه وانتي طيبة يا جميل معلثي اول زيارة وكمان متاخرة المعايده

العيد فعلا فرحه بس موش كله بقى بيحس بيها للاسف بالنسبة لي العيد بق صعب أحسه :(

وتاج لذيذ بجد

كل سنه وانتي طيبة مرة تانيه

في رعاية الله; December 15, 2008 at 4:14 AM
حاجات جوايا said...: mahasen saber
----------------
ههههههههههههههههههههههههههه
والله انتى سكر وأحلى من السكر كمان
بعد الشر عليكى يا جميل وعلى بيرو حبيبى
انا شيلت المفتاح من ورا التفاحة
وحطيته ورا الوردة الروز
بس سايبة الباب مفتوح اللى يزقه بس يتفتح على طول بلا وجع قلب
هههههههههههههههههه

..............

ربنا يرحم باباكى يا حبيبتى ويغفرله ويدخله فسيح جناته اللهم آمين

ويخليلك بيرو يارب وتفرحى بيه ويفضل دايما فى حضنك يا سنسن

ميرسى يا قمر
التاج بقى حلو لما جاوبتيه انتى وكل الغاليين
نورتينى يا سكررررر; December 15, 2008 at 4:24 AM
حاجات جوايا said...: جنى
---
وعليكم السلام ورحمة الله وبركاته
أهلا بك اخى الفاضل
الشكر لله ثم لك لإجابتك عليه
ان شاء الله هنزل اجابتى معكم فى التعليقات بعد الرد على الجميع بإذن الله

...........
اطرف موقف اتذكره في احد الاعياد زماااااان وان صغير زارنا زوج عمتي في العيد طبعا ولم يعطني العيدية فظللت اخرج ما معي من نقود واقوم بعدها عدة مرات حتى انتبه لذلك وضحك واعطاني العيدية
...............
ههههههههههههههههه
عارفاها الحركات دى كنا بنعملها برضه
ههههههههههههههههه

كل سنة وحضرتك طيب وبخير
وكل الاسرة والامة الاسلامية بكل الخير
جمعكم الله قريبا ولم شملكم

نورتنى اخى الفاضل; December 15, 2008 at 4:39 AM
حاجات جوايا said...: محمد مارو
---------
أهلا بك أخى الفاضل
كل سنة وانت طيب
بس ايه الدعوة دى ؟؟
اكيد تقصد قابضة مش دافعة صح
معلش بقى خطأ كيبوردى غير متعمد
ههههههههههههههههه
نورتنى اخى الفاضل; December 15, 2008 at 4:41 AM
حاجات جوايا said...: رئيسة حزب الاحلام
-----------------
اهلا يا سوسو يا جميلة
كل سنة وانتى طيبة يا حبيبتى
ويسعدك ويفرحك يا حبيبتى يارب
هههههههههه
لا الخروف ده هنسيبه للسنة الجاية عما يكبر شوية

ومش هدبحه برضه
عشان مش بحب الضانى
لو عايزة تشتريه معنديش ماااااااانع
هههههههههههه

--------------
ها يا جميل خدتى عيدية السنة دى ولا ايه النظام ؟؟؟؟؟؟؟

نورتينى يا سكررر; December 15, 2008 at 4:53 AM
حاجات جوايا said...: مواطن مصرى نايم
----------------
أهلا يا اسلام
كل سنة وانت طيب
سيبك بقى من القلق اللى حصل ده .. فى اى مكان لازم هتلاقى مشاكل .. وناس بتتكلم على ناس وتهينهم .. والكلام فى الحاجات دى بيزودها وينشرها ويكبرها .. أما التجاهل فبينهيها

وايا كان مين غلط فى مين .. فكلنا خطاءون .. ولازم ننسى لبعض ونسامح بعض عشان غيرنا ينسالنا ويسامحنا

بس ايه ده ؟؟
هتاكل فراخ فى عيد اللحمة ؟؟؟؟؟
انتوا دابحين فراخ السنة دى ولا ايه ؟؟؟؟؟
ههههههههههههه

نورتنى يا اسلام; December 15, 2008 at 5:34 AM
حاجات جوايا said...: كلمات
---------
أهلا يا جميلة
كل سنة وانتى طيبة يا حبيبتى وكل اسرتك فى خير وهنا

فكرتينى بالذى مضى
هههههههههههههه
والشوز اللى يفضل يتقاس ميت مرة عشان نتمرن عالمشى فيه عشان ميوجعناش لما نلبسه فى الخروج
ههههههههههه
أيام والله
مامتك زى مامتى برضه
لازم يجيبوا حاجة جديدة للبيت وخدنا منهم برضه الحكاية دى

كل عيد وانتى سعيدة ومبسوطة وفرحانة باولادك يارب; December 15, 2008 at 5:40 AM
حاجات جوايا said...: لماضة
--------
أهلا يا قمر
كل سنة وانتى طيبة وسعيدة وفرحانة يا قمر
مستنية المخمخة أهه
شدى حيلك
عيد سعيد عليكى وعلى اسرتك يارب; December 15, 2008 at 5:43 AM
حاجات جوايا said...: بنت الاسلام
----------
أهلا يا جميل
وانتى طيبة يا بطوط يا جميلة وبصحة وسعادة يارب
جبتله يا ستى هدوم العيد اعمل ايه بقى قاعدة مستنياكى تفتكريه ان شاء بطرطور ولا بالونة م اللى لعبتى بيهم لوحدك دول مفيش فايده
ههههههههههههه
ولا الحوجة
هههههههههههههههه

كل عيد وانتى سعيدة يا بطوطتى; December 15, 2008 at 5:46 AM
حاجات جوايا said...: ضى القمر
---------
كلمات جميلة
وعيد سعيد علينا وعليكم

نورتينى يا جميل
كل سنة وانتى طيبة
فين حل التاج ؟؟; December 15, 2008 at 5:48 AM
حاجات جوايا said...: أحمد الصباغ
-----------
أهلا بك أخى الفاضل
كل سنة وانت والاسرة والامة الاسلامية بكل الخير

نورتنى أخى الفاضل; December 15, 2008 at 5:49 AM
حاجات جوايا said...: مولان
---------
أهلا يا قمر
كل سنة وانتى طيبة وجميلة يا حبيبتى
مستنية الاجابة اهه
شدى حيــــــــلك; December 15, 2008 at 5:51 AM
الميكروباص said...: اشكرك على تاج العيد وان شاء الله هايبقى موجود في الاتوبيس; December 15, 2008 at 1:52 PM
من غير عنـــوان said...: كل عيد وأنتم بخير; December 16, 2008 at 10:26 PM
حاجات جوايا said...: نهر الحب
--------
أهلا يا جميل
كل سنة وانتى طيبة وبالف خير
ربنا يتقبل منك ياااااااااااارب
لا شكر على واجب يا جميل
نورتينى; December 17, 2008 at 1:22 AM
حاجات جوايا said...: rovy
------
كل سنة وانتى طيبة يا جميل
يارب كل ايامك تبقى اعياد وافراح وانتى وسط اهلك وزوجك واولادك وفرحانة بيهم
نورتينى يا حبيبتى; December 17, 2008 at 1:26 AM
حاجات جوايا said...: free killer
-----------
أهلا يا جميل
كل سنة وانتى طيبة وبخير يارب
ربنا يسمع منك .. تحبى اجيبلك ايه من هناك ؟؟

نورتينى يا جميل; December 17, 2008 at 1:44 AM
حاجات جوايا said...: طارق الغنام
------------
أهلا يا فندم
كل سنة وحضرتك طيب وبخير يارب
رزقك الله وايانا بزيارة البيت الحرام حجا وعمرة

نورتنى أخى الفاضل; December 17, 2008 at 1:46 AM
حاجات جوايا said...: أحسن تستاهل
-------------
مهاميهوووووووووووووووو
أخيرا ظهررررررتى
كل سنة وانتى طيبة يا حبيبتى
روقى يا بنتى بلا وجع قلب مفيش فى الدنيا حاجة تستاهل
مقولتلك لسه بدرررررررررى

العيد فرحة يا مها
ربنا خلقهولنا عشان نفرح
بس احنا اللى بنصعبها على نفسنا
واللى ميفرحش بقى
نقووووووله

" أحسن تستاهل "

صح ؟؟

روقى يا قمر
نورتينى; December 17, 2008 at 1:49 AM
حاجات جوايا said...: mostafa rayan
-------------
أهلا يا فندم
شكرا على اجابة التاج
هاجى اشوفه ان شاء الله

نورتنى أخى الفاض; December 17, 2008 at 1:51 AM
حاجات جوايا said...: المنسى
-----
أهلا أخى الفاضل
عودا أحمدا
أنا الحمد لله بخير
كل سنة وانت طيب وكل اسرتك والامة الاسلامية بخير وهنا

نورتنى أخى الفاضل; December 17, 2008 at 1:53 AM
حاجات جوايا said...: أنفاس الصباح
-------------
أهلا يا حبيبتى
كل سنة وانتى واسرتك طيبين وبألف خير
دودو الحمد لله بخير
ان شاء الله هبقى أعمل بوست عنه فى فبراير وانزل صور عيد ميلاده
ادعيلى ربنا يخليهولى ويباركلى فيه

ياريت تحاولى تيجى تانى تجاوبى التاج
هستناكى يا جميل
كل سنة وانتوا طيبين; December 17, 2008 at 1:57 AM
حاجات جوايا said...: daktara
---------
أهلا يا فندم
هاجى اشوف ان شاء الله
لا مش همسحه ولا حاجة
البيت بيتك

نورتنى; December 17, 2008 at 1:59 AM
حاجات جوايا said...: رفقة عمر
----------
أهلا يا جميل
سلامتك الف سلامة يارب تكونى بقيتى احسن دلوقتى
كل سنة وانتى طيبة يا حبيبتى وكل اسرتك بكل الخير والرضا والهنا
إجاباتك جميلة يا رفقتى
ميرسى يا قمر انك جاوبتيه رغم تعبك
تسلميلى
كل تاج وانتى طيبة
وكل عيد وانتى سعيدة; December 17, 2008 at 3:09 AM
حاجات جوايا said...: واحدة مفروسة
---------------
أهلااااااااا يا مفروسة
انتى جاية تفرسينى صح ؟؟؟
هههههههههههههه
بس انا بقى مش هتفرس .. الكلام ده ليكوا بس لكن انا مليش كبير هههههههههه
كل سنة وانتى طيبة يا قمر
وفرحانة
وسعيدة
وراضية ربك
وراسمة بسمة على وش يتيم

نورتينى يا جميل; December 17, 2008 at 3:12 AM
حاجات جوايا said...: mero-mory
----------
أهلا يا جميل
كل سنة وانتى طيبة وسعيدة
ويارب كل يوم وكل عيد يعدى عليكى تبقى فيه فرحانة وسعيدة وراضية
محدش بيزعل على طول
ولا برضه بيفرح على طول
الدنيا من ده على ده
ده كوكتيل الحياة

نورتينى يا جميل; December 17, 2008 at 3:16 AM
حاجات جوايا said...: لورنس العرب
------------
أهلا بك اخى الفاضل
العفو يا فندم
هاجى اشوفه ان شاء الله
كل سنة وانت طيب

نورتنى اخى الفاضل; December 17, 2008 at 3:18 AM
حاجات جوايا said...: من غير عنوان
--------------
كل سنة وانت طيب
وكل عيد وانت سعيد

نورتنى اخى الفاضل; December 17, 2008 at 3:20 AM
حاجات جوايا said...: شكرا يا جماعة لكل الناس اللى جاوبت على التاج هنا

وكل الناس اللى جاوبت على التاج فى مدوناتها

و فى انتظار اللى لسه مجاوبوش

وكل سنة وانتوا طيبين وبالف خير
............
اجابتى على التاج هنزلها فى التعليق الجاى ان شاء الله

سالى; December 17, 2008 at 3:22 AM
حاجات جوايا said...: زى ما بيقولوا طباخ ( الاكل ) بيدوقه
===================================
فبرضه طباخ التاج ( بيلبسه ) .. انا كنت ناوية انزله معاكوا هنا فى التعليقات .. وبعدين اتمررلى من ( صبرنى يارب ) .. قعدت اقول انزله فى بوست ولا فى تعليق .. وعملت حادى بادى كرنب زبادى .. وبعدين قلت انزله هنا عشان اصلا العيد خلص .. والسبب الاهم انى عايزة انزل بوست جديد و كفاية عالعيد كده

............................
التــــــــــاج
==================

ماذا يمثل لك العيد ؟

= عدة أيام من السنة بتيجى بعد رمضان أو بعد الوقفة

..........
وما أكثر شئ يبهجك في مظاهر العيد ؟

قبل زواجى كنت بنزل لصلاة العيد وبجد كنت بحس بالعيد أوووووووى وبشوف كل الناس واعيد عليهم الصبح كده .. وارجع بقى أعيش مع التليفزيون وأهلا بالعيد والترمس والكحك والفسدق والحاجات دى ههههههههه

بعد زواجى بفرح بزيارة اقاربى سواء كنت انا اللى بزورهم او هما اللى بيزورونى

............

اوصف لنا طقوسك في العيد .. من ليلة العيد لآخر يوم ؟

قبل العيد طبعا تنظيف ومسح وكنس وغسل شبابيك وبلكونات وحيطان وستاير وسجاد و غلب والله ههههههههههه
المهم معتدش بصلى العيد وانام للظهر كده اصحى على تليفونات بقى واكلم ماما وحماتى واللى اقدر عليهم .. واحضر الاكل ونتغدى ونقعد نتفرج عالتليفزيون برضه عشان نشوف الناس وهى بتعيد هههههههههههه
و بعدين نبدأ نستقبل الناس بقى اللى غالبا بيكونوا بابا وماما واخواتى .. بس العيد ده الحمد لله ربنا كرمنى وجالى كمان خالاتى وخيلانى واسرهم وخطيب أختى .. كان عيد بجد يعنى
وتانى يوم بيبقى عند اهل زوجى ويخلص العيد على كده .. بس السنة دى برضه ربنا كرمنى وماما واخويا اتغدوا عندى تالت يوم وقعدوا لبعد العشا
الحمد لله انا كان مزاجى حلو السنة دى على خلاف الاعياد اللى فاتت
..............
احكي لنا أطرف موقف حصلك في العيد ؟

يااااااااااربى
ليلة العيد ببعت رسالة لبنت خالى .. بدل ما ابعتلها رسالة للتهنئة بالعيد .. بعتلها رسالة للتهنئة برمضان
هههههههههههههههه
كان موقف فظيع كنت همووت من الضحك ساعتها

........................
بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

والله عما بصحى بيكونوا هما اتصلوا
:"> وش مكسوووووووف عالآخر

بس بتصل بقى باللى متصلوش بعد كده
السنة دى بقى كانت سنة عجيبة متصلتش بحد خااااااااالص غير ماما عشان اشوف هييجوا امتى ؟
:">:">:">:">:">:">:">
شوية وشوش هتموت من الكسوف
..........................
مين أول حد تزوره أو تكلمه في التليفون /الموبايل عشان تهنيه بالعيد ؟

ماما / حماتى / مس نادية .. مدرسة العربى بتاعتى فى ثانوى وبحبها جداااااااا

...................
إيه الفرق بين العيد الحالي .. وعيد (أيام الطفولة )؟

لا بجد فرررررررررررررق شاااسع

ده الواحد زمان كان بيعرف يفرح ويضحك ويلعب مش عارفة الخاصية دى اتلغت ليه ؟؟؟
.............................

كلمنا عن ذكرياتك في العيد

كان جدى الله يرحمه بييجى ياخدنا تانى يوم العيد ويفسحنا ونزور اقاربنا ونركب اللانش فى النيل وبيبقى مليان عالاخر والناس كلها بتغنى وتصقف وبعدين يجيبلنا حب العزيز وحمص وبلالين

وفى مرة ودانا محطة القطر ووقفنا عالكوبرى اللى القطر بيعدى من تحته .. وكمــــــــان نزلنا عالقضيب وطلعنا قعدنا فى القطر وهو واقف طبعااااا ودى كانت اول مرة نشوف فيها قطر عالطبيعة

بجد كانت أيام حلوووووووووة
الله يرحمك يا جدووووووووو
---------------------------------

تفتكر الحياة من غير عيد .. هتفرق كتير ؟؟؟

والله احلى واهم حاجتين فى العيد صلة الرحم والاجازات
العيد فعلا بيفرق رغم انه اوفات كتير بيمر من غير منحس بيه

-----------------------------------
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

طب استنوا اما اجيب الموبايل اصلها طووووووويلة

ان لم تطف بالبيت لأنه عنك بعيد
فلتقصد رب البيت فإنه أقرب إليك من حبل الوريد
وان لم تسع بين الصفا والمروة
فلتسعى بالخير أينما تجده
و إن لم تقف بعرفه
فلتقم لله بحقه الذى عرفه
وإن لم ترجم إبليس بالجمرات
فلترجمه بفعل الخيرات وترك المنكرات
وإن لم تذبح هديك بمنى
فلتذبح هواك هنا فتبلغ المنى
اللهم تقبل منا صالح أعمالنا ودعائنا
كل عام وأنتم بخير

المرسل
سحووووووور أختى

................
احم احم .. لسه بتاخد عيدية ؟؟ من مين ؟؟ وبتديها لمين ؟

اااااااه طبعا الحمد لله
ربنا يديمها نعمة ويحفظها من الزوال
هههههههههههههههههه
من ماما وبابا واحمد
وبدى لدودو ابنى بس
هههههههههههههه

-------------------------------

قولوا انتوا بقى رايكوا فى التاج .. هو انا اعمله واقول رايى فيه كمااااان هههههههههههههه

يلا تصبحوا على خيررررررررررررررر

سالى; December 17, 2008 at 4:01 AM
صبرني يارب said...: التاج جميله وصاحبته جميله وربنا يعيد عليكى الاعياد واسرتك الجميله; December 17, 2008 at 6:24 AM
SemSem said...: كل سنه وانتى طيبه

ويارب العيد يكون ملىء بالافراح لكل المسلمين

تقبلى تحياتى
اتشرف بزيارتكم مدونة حواديت; December 17, 2008 at 11:48 AM
ساسو said...: حبيبتي سالي
انا بجد مش عارفهاقول ايه او اودي وشي منك فين وبجد انااسفه جدا جدا جدا
لاني معرفتش اعيد عليكي واللي زود احراجي كمان انك بعتالي تاج العيد وان بجد اسفه
بس والله كان غصب عني
ممكن اجاوب علي التاج ولا بعد العيد ماينفعش
بكرر اسفي تاني وان شاء الله مش هتكرر
كل سنه وانتي طيبه; December 17, 2008 at 9:02 PM
حاجات جوايا said...: صبرنى يارب
------------
اهلا يا جميل
والله انتى اللى جميلة
كل سنة وانتى طيبة يا حبيبتى
نورتينى; December 17, 2008 at 9:49 PM
حاجات جوايا said...: سمسم
--------
أهلا يا فندم
كل سنة وانت طيب وبخير يارب
وكل عيد وانت واسرتك بكل الخير
انتظرنى قريبا ان شاء الله
نورتنى; December 17, 2008 at 9:50 PM
حاجات جوايا said...: ساسو
-----
أخيرررررررررا ظهرتى
كنتى فين يا مدوخانى انتى ؟؟؟
يارب يكون سبب غيابك خير
التاج طبعا يتحل أمال ايه ؟؟؟
العيد معداش ولا حاجة
كل لحظة بتمر علينا واحنا بخير تبقى اجمل عيد
كل سنة وانتى طيبة يا حبيبتى
منتظرة اجابت عن التاج

نورتينى يا ساسو; December 17, 2008 at 9:52 PM
أحمد سعيد بسيوني said...: كل عام وانتم الى الله اقرب; December 18, 2008 at 11:29 PM
حاجات جوايا said...: أحمد سعيد بسيونى
--------------
كل عام وحضرتك طيب
إلى الله أقرب
وعلى طاعته أدوم

نورتنى أخى الفاضل; December 19, 2008 at 3:06 AM