حاجــــات جوايــا: مجلس الشورى ... هل نقول وداعا اااااااا؟؟؟

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Tuesday, August 19, 2008

مجلس الشورى ... هل نقول وداعا اااااااا؟؟؟

بجد مش عارفة أقول ايه ؟؟؟
مش قادرة أوصف إحساسى
متضايقة جدا من اللى حصل ده
إزاى مبنى كبير وعريق زى مجلس الشورى ميكونش متامن ضد الحريق
بغض النظر عن الاسباب سواء ماس كهربائى أو بفعل فاعل
إزاى مفيش إنذار حريق فى المبنى أو طفايات حريق اوتوماتيك .. او حتى طفايات عادية ؟؟
ده انا مشوفتش واحد بيحاول يطفيها بكوباية ميه حتى
والاسعاف والمطافى جايين يتمختروا بعد ما النار بدأت تسود
وإيه جرادل الماء اللى الهليوكوبتر بترميها دى .. دى جرادل دى ولا كوبايات ؟؟؟؟

وكمان المبنى خشب ومتجددش والنار عمالة تجرى فيه كانها فى سباق
دى ماساة بكل المقاييس

الإهمال وصل للدرجة دى ؟؟؟؟؟؟؟؟؟

انا عارفة انه وصل مش هقول لأ
عارفة ان الإهمال فى كل مكان فى حياتنا .. وفى كل حاجة فى بلدنا
بس مجلس الشورى ده مكنتش اتوقع أنه ينتهى بالشكل ده
ينتهى بحريق .. وميلحقهوش .. وبسبب الاهمال

لا حول ولا قوة إلا بالله

لا حول ولا قوة إلا بالله

والله لو كان بفعل فاعل كان بقى أهون

وبينى وبينكوا يعنى ما استبعدش انه يكون بفعل فاعل .. لانه لو كان طبيعى كان على الاقل دور واحد بس اتحرق .. بسبب تأخر المطافى وبسبب الحجرات الخشبية ..مش الثلاث ادوار .. واكيد عربيات المطافى الحكومية واللى تبع القوات المسلحة كانت قدرت تطفيها .. لكن دى كانت كل ما تنطفى تولع تانى .. وكأن فيه مادة سريعة الاشتعال مرشوشة فى المكان ومحدش لاحق يطفيها .. خصوصا وإن الايام اللى فاتت زى ما أنتم عارفين الفضايح فيها كانت على آخرها من نواب مجلس الشعب " الكباااااار " .. وأكيد حد له مصلحة فى إخفاء امر ما والقضاء عليه .. يعنى هيعملوا ايه بس هيقطعوا نفسهم .. قتل وقتلوا .. نهب ونهبوا .. .. معدش بقى غير حرق المجلس كله .. بس ربنا ستر ومكانش فيه حد .. أصل محدش فيهم يستحق شرف الشهادة

أو بقى الاحتمال الاخير .. وبصراحة انا بميل له اكتر من الاحتمالين اللى فاتوا .. وهو غضب ربنا .. أصل اللى بيحصل فى البلد دى بجد مش شوية .. ده كتيرررررررر .. وكتير جداااااااااا كمان .. وربنا ميرضاش بالظلم .. السرقة علنى والقتل ببجاحة والتزوير على آخره وفى كل حاجة .. وكل واحد فاكر نفسه صاحب حق وملوش كبير وناسى ان ربنا موجود ومنتقم جبار .. بجد بجد عقبال كل ظالم .. حسبى الله ونعم الوكيل

دى بعض المواقع الإخبارية اللى غطت الحدث

موقع أبناء مصر

موقع الجزيرة

موقع العربية

ربنا يستر ويسلم
ويشفى المجروحين الغلابة اللى ملهمش ذنب سواء من الموظفين او من الجنود

دمتم بخير وسلامة

Sally

69 comments:

أنفاس الصباح said...: واضح انه خبر جديد
لاحول ولا قوة الا بالله
ساذهب لمتابعة الخبر على الجزيرة
ربنا يسلم
تصبحى على خير; August 20, 2008 at 1:00 AM
محمد فاروق الشاذلى said...: قدر الله وما شاء فعل
الإهمال أصبح السمة الغالبة فى مصر; August 20, 2008 at 10:56 AM
Empress appy said...: دهالعادى يا حبيبتى ويمكن وراه حاجه الله اعلم علشان يشوفوا قدراتهم فين وفضايحهم لفي; August 20, 2008 at 12:59 PM
Hosam Yahia حسام يحيى said...: بجد بجد

ده شئ اقدر انه لطيف

مش عارف ليه

الانذار المبكر ونظام الاطفاء فى الصيانه

الحريق اتى على الوثائق الرسميه منذ بدايه الحياه النيابيه فى مصر

طائرات الهيلوكبتر كانت بتملى ميه من النيل وتروح ترميها فى النار ومش عارفه تنشن صح بترميها بعدها

احمد عزوعد انه هيرجع المبنى احسن مما كان عشان يطلع بسبوبه

......

مش عارف اقول ايه; August 20, 2008 at 4:51 PM
عاشــــــ النقاب ـقــــة"نونو" said...: انا لله وانا اليه راجعون
حسبي الله ونعم الوكيل
جزيتي الخير على التغطية حبيبتي; August 20, 2008 at 5:02 PM
Ahmed Fahmy said...: نقول وداعا ام نصمت
كلها سواء; August 20, 2008 at 7:09 PM
فاتيما said...: سالى
ازيك يا حبيبتى
تشكرى على التغطية الواسعة دى
و متفقة مع آبى إنه ممكن يكون رسالة للناس عشان يبان مدى إهمالها وصل لحد فين و يبقى منظرهم اوحش من الوحاشة
و الله أعلم
المهم إنك وحشتينى
و يا ريت تحاولى تيجى حفل العدد التانى من مدونات مصرية للجيب
يوم السبت فى ساقية الصاوى
حاولى عشان خاطرى و خاطرنا
عاوزين نشوووووووووووووووفك
بس كدا
سلام يا حبيبتى; August 21, 2008 at 11:33 AM
Anonymous said...: ده بقه العادى فى مصر الاهمال بقه صفه موجوده وسطنا وملهاش ريحه ولا طعم عشان كده بقينا بنتعامل معاها عادى لا واليى يغيظك يطلعلك ناس يقولك نصيب انا بقول يا رب مانصحى مره نلاقى الاهمال جايبلنا مأساه زى قطار الصعيد ولا ولا ولااغيره...ربنا يستر على ارواحنا فى البلد دى اليى هيا روحنا اصلا..هقولك ايه يا سالى ربنا يصبرنا.; August 21, 2008 at 6:34 PM
Zanooba (Zeinab sab9n) said...: بجد يا سالي دي فضيحة بكل المقاييس يعني لو كانوا قالوا أنها بفعل فاعل كانت تبقى أهون يعني بلد البرلمان فيها مفيهوش طفاية حريق ...ده ولا كأننا في القرون الوسطى يعني من الآخر بلد بتخوخ و نظام بينهار ..ربنا يستر على مصر يا سوسو

السلام عليكم; August 22, 2008 at 1:37 AM
PrInCeSS BeRy said...: ازيك يا سالى كل سنة وانتى طيبة

بصراحة مبقاش فى حاجة مضمونة كل حاجة بتحصل فى مصر بحس انو وراها قوى خفية بتحركها عشان تلهينا عن حاجة اكبر مفيش غير حسبنا الله ونعم الوكيل

تحياتى لكى يا سولى; August 23, 2008 at 1:53 AM
حاجات جوايا said...: أنفاس الصباح
~~~~~~~~~~~~~~
أهلا يا قمر
فعلا الخبر جديد للأسف
قدر الله وما شاء فعل
وانتى من اهل الخير يا حبيبى
نورتينى; August 23, 2008 at 3:06 AM
حاجات جوايا said...: قلب مصرى
~~~~~~~~~
اهلا اخى الفاضل
الحمد لله على كل شئ
النيران تاكل بعضها
وتاكل ملفات الشعب وتضيعها كما ضاع قوته من قبل
نورتنى اخى الفاضل; August 23, 2008 at 3:08 AM
حاجات جوايا said...: appyy
~~~~~~~~~
أهلا يا حبيبى
فعلا ده العادى .. لكن الحقيقة الحدث ده مكنش متوقع خالص
والفضايح سمعت فى العالم كله
يا دى الكسوووووووف منك يا مصر

نورتينى يا سكر; August 23, 2008 at 3:10 AM
حاجات جوايا said...: حسام يحي
~~~~~~~~
اهلا يا حسام
هههههههههه
شر البلية ما يضحك .. منظر الطائات بقدر ما كان يدعو للغيظ .. كان يدعو للسخرية من جرادل الماء التى تبدو من بعد كاكواب لا تغنى ولا تسمن من جوع

بجد تحيا مصر

نورتنى يا حسام; August 23, 2008 at 3:12 AM
حاجات جوايا said...: عاشقة النقاب
~~~~~~~~~~~~~
جزاكى الله خيرا اختى الحبيبة
ليتها تكون عبرة وعظة بأن كل شئ زائل وستاكله النيران
نورتينى يا قمر; August 23, 2008 at 3:13 AM
حاجات جوايا said...: ahmed f@hmy
~~~~~~~~~~~
كلها سواااء
صدقت

نورتنى اخى الفاضل; August 23, 2008 at 3:15 AM
حاجات جوايا said...: فاتيما
~~~~~~~~
أهلا يا حبيبى ازيك اخبارك ايه ؟
انا الحمد لله بخير
ربنا يكرمك .. والله يبنتى بجد حاجة فضايح عالآخر
انا مكنتش مصدقة اصلا .. ده لو بيت قديم ملوش قيمة مكانوش سابوه يوصل للدرجة دى

بس الحقيقة انا عندى احساس قوى انه بفعل فاعل
خصوصا ان الأيام الاخيرة كان فيها فضايح لناس كتير فى المجلس
مش بعيد يكون حد فيهم اتسبب فى الحريق لاخفاء شئ ما

الله اعلم

ألف مبروك لكل المدونين والمدونات اللى شاركوا فى العدد الجديد واللى مشاركوش .. ويارب يكون افضل كمان من اللى قبله " اللى لسه مشوفتوش لغاية دلوقت عااااااااا "
لكن طبعا وبكل اسف والم مش هقدر آجى خالص
يللا تتعوض ان شاء الله .. خيرها فى غيرها بقى .. المهم غيرها ده ييجى بقى ويريحنى هههههههه

نورتينى يا احلى فاتيما; August 23, 2008 at 3:21 AM
حاجات جوايا said...: عايزة اتطلق
~~~~~~~~~~~~
اهلا يا سن سن
ياريت على قد الاهمال بس
ده اهمال ولا مبالاة اصلا
مش شاطرين الا فى الجرائم وبس
والله يبنتى ده لو مكانش بفعل فاعل .. يبقى غضب من ربنا عليهم
ربنا يخلصنا منهم

نورتينى يا قمر; August 23, 2008 at 3:47 AM
حاجات جوايا said...: zanooba
~~~~~~~~~~
اهلا يا زوزو
الموضوع ده اصلا كده فيه حلقة مفقودة
ده لو جراج عربية حد فيهم هيبقى فيه طفاياتين حريق على الاقل
ازاى مبنى بالمكانة دى وميبقاش فيه
ده لو هيجيبوها على حسابهم .. بجملة النهب اللى بينهبوه

الناس دى بتهرج ولا فاكرانا مغفلين ..؟؟

نورتينى يا سكر; August 23, 2008 at 3:52 AM
حاجات جوايا said...: princess bery
~~~~~~~~~~~~~~~~
اهلا يا قمر وانتى طيبة يا حبيبتى وبالف خير يارب

عودة الى نظرية المؤامرة
مفيش حاجة مستحيل فى البلد دى اصلا
والله انا خايفة فى يوم نصحى نلاقى نفسنا متباعين ونرجع لعصر الجوارى والعبيد
وفين وفين بقى لما نلاقى حد يعتقنا لوجه الله
حسبى الله ونعم الوكيل

نورتينى يا سكر; August 23, 2008 at 3:56 AM
صالح سعيد said...: مساء الفل اولا
كل سنه وانتى طيبه وده ثانيا
اما ثالثا بقى وانتى عارفه التالته تابته
انا ضد الاعتقاد بنظرية المؤامره فى حريق مجلس الشورى المنكوب
لانه ببساطه كده ايه وجه الاستفاده من الحريق
صدقينى ده اهمال مش اكتر
اهمال من مسئولين تفرغوا للنهب والسلب وتركوا الحبل على الغارب
وكل سنه وانتى طيبه
كلاكيت تانى مره; August 24, 2008 at 2:14 PM
مدونة حكومتى ملاك said...: السلام عليكم ,
حسبنا الله ونعم الوكيل
هل وصل الفساد الى هذا الحد ؟؟
هل وصل الفساد الى درجة عدم القدرة على السيطرة على حريق فى مبنى عريق مثل مجلس الشورى
لا حول ولا قوة الا بالله; August 26, 2008 at 3:37 AM
رفقة عمر said...: سالى حبيبتى
اخبارك ايه وحشانى كتير
جيت ااقولك كل سنه وانت طيبه وبالف خير
رمضان كريم عليكى وعلى الاسره
ربنا يقبل منا ومنك صالح الاعمال اللهم امين; August 27, 2008 at 3:13 AM
جنّي said...: السلام عليكم

معذرة لعدم المرور فقد كنت في اجازة من التدوين استمرت قرابة الشهر

ريبورتاج جميل

لكني اجده اهمال شديد مغلف بالفساد الكبير لحكومة عاجزة

كل سنة وانتي طيبة; August 28, 2008 at 3:54 AM
حاجات جوايا said...: صالح سعيد
~~~~~~~~~~~
أهلا بك اخى الفاضل
كل سنة وحضرتك طيب والى الله اقرب
وجهة نظر حضرتك تُحترم اكيد
لكن المشكلة ان الموضوع فاق حد الاهمال بمراحل
بدأًَََ بعدم وجود من يحتوى اى حدث طارئ فى المجلس .. وتاخر وصول المطافى الذى أعطى الفرصة للحريق ان يمتد .. والقاء الماء من الطائرات المروحية والذى ساعد اكثر واكثر على تصدع المبنى وانتشار الحريق فى الادوار السفلى .. ومنع فريق الادارة الهندسية من الدخول لتشغيل طفايات الحريق من قبل قوات الامن المركزى

كل الظروف معاكسة وتسير فى اتجاه مخالف تماما لاحتواء حريق كبير فى مبنى عتيق وذو مكانة

وهذا ما ينمى الاعتقاد بنظرية المؤامرة.. و أراها أخف وطاة من الاهمال

نورتنى اخى الفاضل وكل عام وأنت بخير; August 28, 2008 at 4:51 AM
حاجات جوايا said...: حكومتى ملاك
~~~~~~~~~~~
صدقت اخى الفاضل
لاحول ولا قوة إلا بالله
وحسبى الله ونعم الوكيل
هما خير ما يقال فى هذا الموقف

نورتنى اخى الفاضل; August 28, 2008 at 4:53 AM
حاجات جوايا said...: رفقة عمر
~~~~~~~~~~
أهلا يا قمررررر
اخبارك ايه وحشتيــنى
كل سنة وانتى طيبة ويارب يعيد عليك رمضان بالخير والبركة انتى واحبابك
اللهم آمين

نورتينى يا سكر ورمضان كريم; August 28, 2008 at 4:56 AM
حاجات جوايا said...: جنى
~~~~
وعليكم السلام ورحمة الله وبركاته
أهلا بك اخى الفاضل
عودا احمدا وكل عام وانت بخير
وجهة نظر حضرتك منطقية واميل اليها وان كنت ما زلت مقتنعة بنظرية المؤامرة سواء داخليا او خارجيا

نورتنى اخى الفاضل
وكل عام وانت بخير; August 28, 2008 at 4:59 AM
(احمد سكر ) said...: السلام عليكم ورحمة الله وبركاته

اولا جاى اعتذر لحضرتك لغيابى عن مدونتك الفتره الماضيه

ثانيا ااقول لحضرتك كل سنه وانتى طيبه

واظن الناس اتكلمت بما فيه الكفايه عن موضوع الحريق

بس انا مش مدايقنى غير حاجه واحده

عمره لابطال المطافى ؟؟؟

اامال لو مش ابطال

كانت الحريقه انطفت فى شهر ؟؟؟

تحياتى

احمد سكر; August 28, 2008 at 3:17 PM
حاجات جوايا said...: ( أحمد سكر )
~~~~~~~~~~~~~~~
وعليكم السلام ورحمة الله وبركاته
أهلا بك اخى الفاضل
هههههههههه
ده فعلا الهم اللى يضحك
ابطال طبعا امال ايه؟؟
دول متاخروش غير ساعة ونصف بس مع انهم قريبين من المجلس .. وبعدين بزلزا جهود مضنية لاطفاء الحريق

هههههههههه
ياريتنى خدت ببرونة ابنى وهو نونو ورحت طفيت معاهم .. على الاقل كنت كسبت العمرة
هههههههههههه

نورتنى اخى الفاضل
وكل عام وانت بخير; August 28, 2008 at 7:23 PM
جنّي said...: السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد; August 29, 2008 at 4:12 AM
Anonymous said...: كل رمضان وانتى واسرتك بالف الف خير يا سالى وربنا يعوده عليكم بكل خيران شاء الله ..اختك محاسن.; August 29, 2008 at 2:52 PM
موناليزا said...: انا لله وانا اليه راجعون
انها حقا مهزلة بكل المقاييس وخصوصا انها جت على الفضائيات

كل سنة وانتى طيبة ويارب رمضان السنة دى يكون سعيد علينا جميعا; August 30, 2008 at 11:42 PM
ساسو said...: كل سنه وانتي طيبه ياسالي ورمضان كريم; August 31, 2008 at 10:03 PM
محمد فاروق الشاذلى said...: كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر; September 1, 2008 at 10:57 AM
المستنصر بالله said...: كل سنه وحضرتك طيبه
ورمضان مبارك عليكى
فعلا الحريق والاهمال سبب لنا احباط كبير
تحياتى; September 1, 2008 at 1:24 PM
محمود الدوح said...: انا داخل بس اهنيكى برمضان
كل سنة وانتى طيبة وبخير وبسلامة
ورمضان كريم

وبالنسبة لمجلس الشورى
انا عايز اكمل صيامى من غير ما اشتم; September 1, 2008 at 1:38 PM
الميكروباص said...: كل عام وأنتم بخير; September 1, 2008 at 7:00 PM
Unknown said...: مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير; September 1, 2008 at 10:18 PM
Unknown said...: ازيك يا سالي

كل سنه وانتي طيبه الاول

وبعدين انا شكلي جيت متأخر اوي
انتي لسه بتتكلمي عن مجلس الشوري

ياستي
اذا كان المواطن نفسه مش حاسس بأمان هتقوليلي يأمنو المبني

افرجها يارب

وحشتني يتعليقاتك يا جميل

تنوريني
وتحياتي; September 2, 2008 at 2:28 AM
Anonymous said...: كل سنه وانتى طيبه يا سالى

رمضان كريم و مبارك عليكى و علينا اختى الحبيبه

تحياتى; September 3, 2008 at 8:29 PM
rovy said...: سالى حصل خطأ لا اعلم سببه
المهم انى صاحبة التعليق السابق او الغير معرف
كل عام وانتى بخير

rovy; September 3, 2008 at 8:31 PM
tarek alghnam said...: الرائعه سالى
كل عام وانتى بخير
كل عام وانتى الى الله اقرب
اقولك ايه بس
المصائب تتوالى على شعب مصر
يمكن من عمايلنا سلط علينا
ويمكن علشان نتوب ونرجع
او يمكن غضب علينا
المهم يارب يبعد عهن شعبنا كل شر
تقبلى تحياتى
ودمتى بود; September 8, 2008 at 6:59 PM
Anonymous said...: سالى
كل سنه وانت طيبه
برنامج انت تسال والكمبيوتر يجيب
http://netonradio.blogspot.com; September 14, 2008 at 8:33 AM
Anonymous said...: وحشتوني بجد

نلتقي بعد رمضان

لو في العمر بقية

كل سنة وانتو طيبين

مها ميهوووو; September 16, 2008 at 2:29 PM
حاجات جوايا said...: جنى
ِِِِ~~~~
أهلا بك أخى الفاضل
كل عام وانت وأسرتك الكريمة بألف خير
تقبل الله منك رمضان وبلغك ليلة القدر
اللهم آمين; September 17, 2008 at 12:38 AM
حاجات جوايا said...: عايزة اتطلق
~~~~~~~~~~~~~
وانتى بالف خير يا قمر واسرتك الكريمة بخير وفرح وهنا
رمضان كريم
بلغك الله ليلة القدر; September 17, 2008 at 12:39 AM
حاجات جوايا said...: موناليزا
~~~~~~~~~~
كل رمضان وانتى طيبة يا قمر
أعاده الله عليكى اعواما عديدة
وجعلك الله دائما سعيدة

رمضان كريم
ولنا الله; September 17, 2008 at 12:40 AM
حاجات جوايا said...: ساسو
~~~~~~
وانتى طيبة يا جميل
كل سنة وانتى واسرتك بالف خير
رمضان كريم
بلغك الله ليلة القدر
اللهم آمين; September 17, 2008 at 12:41 AM
حاجات جوايا said...: قلب مصرى
~~~~~~~~
وحضرتك بالف خير
تقبل الله منك وبلغك ليلة القدر وجعلك وايانا من عتقاء هذا الشهر
اللهم آمين
نورتنى يا فندم; September 17, 2008 at 12:43 AM
حاجات جوايا said...: المستنصر بالله
~~~~~~~~~~~
كل عام وحضرتك بخير
تقبل الله منك رمضان وبلغك ليلة القدر
نورتنى أخى الفاضل; September 17, 2008 at 12:44 AM
حاجات جوايا said...: محمود الدوح
~~~~~~~~~~~
كل عام وانت بخير اخى الفاضل
تقبل الله منك رمضان وبلغك ليلة القدر

نورتنى اخى الفاضل; September 17, 2008 at 12:45 AM
حاجات جوايا said...: حسن محمد توفيق
~~~~~~~~~~~~~
كل عام وانت بخير أخى الفاضل
بارك الله لك فى رمضان وبلغك ليلة القدر
اللهم آمين
أسعدنى مرورك; September 17, 2008 at 1:13 AM
حاجات جوايا said...: bar2ash
~~~~~~~~~~
اهلا بك اخى الفاضل
كل عام وانت بخير
رمضان كريم
شكرا لمرورك الطيب; September 17, 2008 at 1:15 AM
حاجات جوايا said...: rovy
~~~~~~
أهلا يا حبيبتى
كل سنة وانتى طيبة وبكل الخير والهنا
رمضان كريم عليكى وعلى أسرتك الحبيبة
بارك الله لكم فيه وبلغكم ليلة القدر
اللهم آمين

بالنسبة للانونيموس ولا يهمك يا قمر

خالص التحية; September 17, 2008 at 1:21 AM
حاجات جوايا said...: طارق الغنام
~~~~~~~~~~~
أهلا بك أخى الفاضل
كل عام وانت بخير وإلى الله اقرب
بارك الله لك فى رمضان وبلغك ليلة القدر
واعاد الله رمضان عليك وعلى اسرتك الكريمة بالخير والبركة

نورتنى اخى الفاضل; September 17, 2008 at 1:23 AM
حاجات جوايا said...: أنت تسأل والكمبيوتر يجيب
~~~~~~~~~~~~~~~~~~~~~~
كل عام وانتم بخير
اعاد الله رمضان عليكم بالخير والبركة
جزاكم الله خيرا على المرور
دمتم بخير
ورمضان كريم; September 17, 2008 at 1:25 AM
حاجات جوايا said...: أحسن تستاهل
~~~~~~~~~~~
أهلا يا مها وحشتينىىىىىىى
كل سنة وانتى طيبة يا قمر
رمضان كريم عليكى وعلى اسرتك الكريمة
تقبل الله منكم وبلغكم ليلة القدر

نورتينى يا قمر; September 17, 2008 at 1:27 AM
Anonymous said...: ازيك يا سالى ..وحشانى جدا جدا
وايه الغيبه دى بس اكيد غيبة الشهر الفضيل..
ربنا يجعله هر خير عليكى وعلى اسرتك ويتقبل منكوا صالح الاعمال..
انتى وحشتينى فقلت لازم اتطمن عليكى...
فى رعاية الله وامنه..; September 19, 2008 at 1:19 PM
مواطن مصرى نايم said...: ايه يا سالى فينك
بقالك شهر مش باينه خالص
طميننا عليكى يا ام دودو
كل سنة و انتى طيبة

تحياتى

اسلام; September 20, 2008 at 2:55 PM
Unknown said...: اسفة على التأخير
كل سنة وانتى طيبة
رمضان كريم; September 21, 2008 at 4:38 AM
جنّي said...: السلام عليكم

اشتقنا والله لكتاباتك

تقبال الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر; September 25, 2008 at 4:56 PM
جنّي said...: السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد; September 30, 2008 at 3:47 PM
رفقة عمر said...: سالى كل سنه وانت بخير وسعادة
يارب تكونى بخير وفى احسن حال; October 1, 2008 at 1:18 AM
mahasen saber said...: سالى يا رب تكونى فى افضل حال
وبكل خير رجاء تطمنينى عليكى انا قلت اكيد هترجع بعد رمضان وعدا العيد اهه وبرضه مفيش اى بوستات جديده ارجوكى طمنينى انتى كويسه وجوزك كويس وابنك كويس
ربنا يصلح حالكم ويسعدكوا ويبعد عنكم اى شر...او شئ وحش ومزعج
طمنينى عليكى...; October 11, 2008 at 12:34 AM
Unknown said...: اعتقد الامل ضعيف انهم يوفروا فلوس فى اعادة بناءه تانى
و حتى لو ده حصل مش حيرجع طبعا بنفس جمال المبنى الاسرى القديم
اما عن الى كان بيقام بداخله الى بيسموه مناقشات ديموقراطية و كده فده عادى حيتعمل حيتعمل فى اى حتة تانية; October 11, 2008 at 8:25 PM
rovy said...: انتى فين يا سالى ياارب تكونى بخير يا ريت تطمنينا عليكى

حفظكى الرحمن اختى الحبيبه; October 18, 2008 at 6:20 PM
حاجات جوايا said...: anonymous
~~~~~~~~~~
اهلا بك أخى الفاضل
جهد موفق
جعله الله فى ميزان حسناتكم; October 21, 2008 at 4:40 AM
حاجات جوايا said...: عايزة اتطلق
------------

مواطن مصرى نايم
---------------

نهر الحب
------

جنى
---

رفقة عمر
--------

mahasen saber
-------------

عاليا حليم
-----------

rovy
-----

أهلا بكم إخوتى واخواتى الاعزاء والعزيزات
كل عام وانتم بكل الخير اعاد الله عليكم الاعياد دهورا والبسكم من لدنه نورا ورزقكم بشرا وسرورا

أشكركم كثيرا على دوام الزيارة والسؤال
لا حرمنى الله منكم
أجمل سلام وأرق تحية

سالى; October 23, 2008 at 6:17 PM