Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Friday, August 1, 2008

حل الواجب .. واااااااااااااجب .. علموهالنا كده

وحشتونى جدااااااااااااا
ووحشنى التدوين والمدونة وعايش وعبده طناش .. وبلوجر شخصيا
وغيابى عنكم كان بسبب الروتر اللى اتحرق .. واللى منفعش يتصلح واشترينا واحد جديد ربنا يديله الصحة وطول العمر
المهم انى رجعت الحمد لله وبجد انا بشكركم جدا على سؤالكم ومتابعتكم لغيابى
ربنا ميحرمنيش منكم أبدا
ودلوقتى مع الواجب اللى بقاله ييجى شهر وشوية عندى ومش عارفة انزله
.
وحل الواجب ... واااااااااااااجب ... علموهالنا كده
.
.
يا تلامذة مصر تعالوا اتعلموا ازاى يتعمل الواجب أو اقعدوا فى بيوتكوا

ويا مدرسين مصر هاتوا اقلامكوا ودفاتركوا .. الليلة ليلتكوا .. والفرحة فرحتكوا
جالكوا واجب تصححوه بعد ما الطلبة استهانوا بواجبكوا

الواجب ده جانى من حبيبتى الغالية الاستاذة الرقيقة مدرسة الكيمياء والطبيعة / أم أحمد المصرية
والحمد لله انه مفيش فيه معادلات ولا مسائل تعجيزية ...لانى أصلاااااااا كنت أدبى .. وحتى لو كنت علمى مكنتش هفتكر حاجة أساسا ههههههههه

أولا قوانين الواجب
==========
. أذكر اسم من طلب منك حل هذا الواجب. " حصل يا فندم
. أذكر القوانين المتعلقة بهذا الواجب " حصل يا فندم
. تحدث عن ستة أسرار قد لا يكتشفها من يقابلك للمرة الأولى
. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك
. اترك تعليق في مدونة من حولت الواجب عليهم، ليعلموا عن هذا الواجب

والآن استعدوا لكشف الأسرار الستة .. وعليهم سـر عرض خاص ولفترة محدودة هههههههههه

أحب الاستماع والقراءة والاطلاع اكثر من الكلام .. صامتة أغلب الوقت .. لكننى مستمعة جيدة ومتفاعلة

من صفاتى الخجل لكننى اجتماعية - رومانسية وتؤثر فىّ اللفتات الرقيقة ولو كانت بسيطة ولا انساها ابدا

أحب ان أتخذ الصف الثانى .. لأنى بتونس بالصف الاول واحتمى فيه .. واستند إلى باقى الصفوف و إذا اضطرتنى الظروف لاتخاذ الصف الاول احاول ان أشغله على اكمل وجه لكنى لا أسلم من التوتر الذى يسببه لى حتى أعتاده

لا أحكم على الناس من خلال ما يملكون .. فالتافهون فى نظرى فقراء حتى لو ملكوا مال قارون

حَمولة وأخفى مشاعرى السلبية .. عصبية مع المقربين فقط عندما يعجزوا عن فهم ما أريد .. أؤثر راحة الآخرين على راحتى.. وأكره الكدابين والمنافقين والمتكبرين وبيستفزونى جدااااااااااااااا

لا انسى الإساءة أبداااا .. خاصة من الأحباء وان سامحت وتناسيت لكنها تظل عالقة بذهنى ومؤلمة لقلبى

حساسة جداااااااا وممكن ازعل فى ثانية وأشيل فى قلبى واتقهر
------------------
أهديك لمين يا واجب .. أهديك لمين ؟؟؟؟
بما ان المسموح بيه 6 بسسسسس.. اسمحولى امرر الواجب للى ممررتلوش المرة اللى فاتت تاج الاحلام
حادى بادى كرنب زبادى شالوا وحطوا كله على
.
.

رفقة عمـر .. أحلام الغالية وصاحبة اول تاج اتمررلى
إيمان العزب بلدياتى بس حاليا شرقاوية
سحوره المفقوعة مرارتها من فيفى الله يسامحها
واحدة مفروسة من حاجات كتير بس أهى بتستحمل
ياسمين الفنانة المفروسة جدااا
مواطن مصرى نايم .. صاحب أول تعليق فى مدونتى


وحالا يا فندم والله هروح أبلغهم واحد واحد .. وواحدة واحدة فُريررررررررررره

أدينى خلصت الواجب أهه .. وسطرت الصفحات ولونت الخطوط وحطيت استيكرات كمان .. أما أشوف بقى
اللى هيعملى صح .. ويكتبلى نُـظُـر .. هقصفله قلمه .. انا بقولكوا أهه .. مش بعد التعب ده كله والسهر الجامد ده تكتبولى نُظُر ... انا عايزة هلال ونجمة وممتازة ومع جزيل الشكر .. وتودوا كشكولى للموجه يمضيلى عليه كمان .. ولا مستاهلش يعنى ولا إييييييه ؟؟؟؟

يارب يكون الواجب خفيف عليكوا
ويجعله عامر يا حبيبتى .. ( أم احمد المصرية ) شكرا يا قمر

وننزل بتتر النهاية بقى
تحديث هااااااااااااااااااااااااااااااااااااااااااام
***********************
نُشر لى موضوع الصداع الشريرررررر .. والدماغ الخطيررررر اليوم فى مدونة فرنسا والرايق والضاحكون
تعالوا شوفوه وقولولى رأيكوا
.
.
دمتم بكل الخير




74 comments:

مواطن مصرى نايم said...

يا سلام
شخصية رائعة بجد
ربنا يبارك لك
بس لو حكاية انك تسامحى دى و تغفرى لاى حد اساء لكى تكون فيها تهاون
حيبقى احسن عشان نفسك كمان
بجد عجبتنى اجابتك
و حمدالله بالسلامة
هو الروتر نوعه ايه
و اللى انتى جبتيه دلوقتى نوعة اية
و شكرا على تمرير الواجب ليا
بجد الف شكر انك افتكرتينى
ربنا يكرمك
بس حتلاقى اجابة الواجب ده عندى فى البوست قبل الاخير على طووول
كان بوست كله تاجات
اه والله كان تقيل اوووى
اربع تاجات

حمدالله بالسلامة تانى مرة بلوجر نور
من جديد
عاوزينك تعوضى الفترة اللى غيبتى فيها

تحياتى
اسلام

حاجات جوايا said...

مواطن مصرى نايم
~~~~~~~~~~~~~~
اهلا يا إسلام ربنا يكرمك يارب
جيت عندك ونسيت ابلغك بالواجب وكنت راجعة تانى لقيت جيت انت ووفرت اجرة التاكسى ههههههههه كتر خيرك والله

بجد نفسى اوى اقدر اسامح وانسى
لكن المشكلة انى حتى لو سامحت مش بنسى
ادعيلى ربنا يرزقنى العفو

الله يسلمك يا اسلام
الروتر القديم كان كونيكسن تقريبا
والجديد ريبوتيك

خلاص هاجى اشوف اجابتك ان شاء الله وخيرها فى غيرها بقى

ربنا يقدرنى ان شاء الله واعوض بحاجات مفيدة
نورتنى يا اسلام

mostafa rayan said...

طبعا صفات جميلة احلاهاانك بتسمعي اكتر ما بتتكلمي لو كلنا كدة كان حالنا بقي احسن بكتير
عايز اقولك بلاش تشيلي في قلبك ولا تتقهري ولا حاجة لما يشكك دبوس قولي اي وخلاص
تحياتي ليكي

أم أحمد المصرية said...

حبيبتي سالي
لسه كنت جاية اتخانق و قول لك انت فين غبت من غير ما تسألي علي وجدتك انت كمان كنت غايبة يعني شبه بعض في دي كمان :)))))))))
علي العموم مش حنقصك درجات علي التأخير في حل الواجب لأن فيه عذر مرضي مقبول عن الراوتر الف مليون سلامة
اما بالنسبة للواجب يا حبيبتي فأكد لي احساسي بك هي دي سالي الجميلة اللي انا اعرفها و اللي شبهي خصوصا في القراءة و جتماعية - رومانسية وتؤثر فىّ اللفتات الرقيقة ولو كانت بسيطة ولا انساها ابدا و حَمولة وأخفى مشاعرى السلبية .. عصبية مع المقربين فقط عندما يعجزوا عن فهم ما أريد .. أؤثر راحة الآخرين على راحتى.. وأكره الكدابين والمنافقين والمتكبرين وبيستفزونى جدااااااااااااااا

لا انسى الإساءة أبداااا .. خاصة من الأحباء وان سامحت وتناسيت لكنها تظل عالقة بذهنى ومؤلمة لقلبى
بقول لك ايه انا دلوقت و انا بختار اوجه التشابه وجدت اني حعمل copy للواجب كله :))))))
باختصار بقي و بعد النجمة و الامتياز الحمد لله اني لقيتك زي ما توقعتك ربنا يكرمك دايما و يديم الصداقة

Mafrousa said...

ياسلااااام ياختي
ياسلاااااام؟؟؟؟
و انا مالى انا و مال الواااجبااات
اصلا اصلا
انا مش بحب الواجبات
عاااااااااا
انا مش بحب احل الوااااجب

و بعدين اصلا الواجب غلط
اه
غلط
ازاي اقول على اسراري؟؟؟!!!!!
انا قالولي لازم احفظ السر
والسر لازم يمون فى بييييييييييييييييييييييييييييير
عمييييييييييييييييييييييييق

لأ يا ستى
انا كتومه

علشان بكرة لما تبقى تحبي تقولي لأختك مفروسة سر
تتأكدي انها مش حتطلعه حتى لو عملولها إيه


سلام...و ماتخافيش سرك في بيييييييير
ومش حقول لحد على اللى قريته

blue-wave said...

بجد اجابات تحفه
انا اكتر حاجه بحبها فى التيجان دى انها بتقربنا من بعض
تحياتى

حاجات جوايا said...

mostafa rayan
~~~~~~~~~~~~~~
هههههههههههههه
عندك حق والله .. كنا ارتحنا من الدوشة ومن الناس اللى بتتكلم فى الفاضى والمليان
وياريت بجد ابقى كده
وياريت كل مواقف الحياة الصعبة تبقى زى شكة الدبوس
نورتنى اخى الفاضل

حاجات جوايا said...

أم احمد المصرية
~~~~~~~~~~~~~
اهلا بالقمر كله
ازيك يا حبيبتى اخبارك ايه ؟
طب انا كنت غايبة لعذر قهرى .. انتى بقى كنت غايبة ليه ؟؟
يارب يكون خير وتكونى بخير دايما انتى واسرتك كلها يارب

سبحان الله فعلا فيه اوجه تشابه كتير وده طبعا يشرفنى يا قمر انى اشبهك

و حاسة بجد ان بينا كيميا مشتركة
ربنا يديمها ويباركها

نورتينى يا قمر
وكل سنة وانتى طيبة يا حبيبتى

حاجات جوايا said...

واحدة مفروسة
~~~~~~~~~~~
ايه ده ؟؟
انتى بتتهربى من الواجب
انتى عارفة انا ممكن اعمل فيكى ايه ؟؟
ممكن أذنبك طول الحصة وانتى رافعة ايدك وعلى رجل واحدة
ده غير بقى اوضة الفيران
اخزى الشيطان كده وتوكلى على الله وحلى الواجب
بلاش تعمليلى حالة تمرد فى الفصل


وعلى فكرة بقى انا عرفت كام سر من اسرارك
تحبى أسيحلك كده عالملأ ولا تلايميها وتحلى من سكات

يلا شدى حيلك
منتظرة اجابتك يا قمر

حاجات جوايا said...

blue-wave
~~~~~~~~~
أهلا يا دكتور
ربنا يكرمك
فعلا عندك حق دى احلى حاجة فى التيجان

نورتنى اخى الفاضل

rovy said...

وحشتينى و حمد الله على السلامه
واجب جميل لأنه عرفنا بشخصيتك الجميله
بارك الله فيكى و وفقكى دائما ان شاء الله ..
دمتى بكل خير و سلام

تقديرى و تحياتى

أنفاس الصباح said...

فرحت قوى لما وجدت تعليقك
وفرحت كمان لما لقيتك فكرانى وبتهادينى بالواجب
وفرحت اكتر بقة لما قرأت الاجابة بتاعتك
لانى هغشها بالكامل
كأنك بتتكلمى عنى
هما الدميطة كلهم كده
ولا دا تجاذب ارواح طبيعى
انا عمرى ما كنت هأقدر اعبر عن نفسى بالدقة دى
بس فيه سر
انا باحاول اتغير
صراحة تعبت منى
ونفسى اعمل نيو لوك لشخصيتى
ادعيلى بالخير

حاجات جوايا said...

rovy
~~~~~
اهلا يا روفى يا جميلة
انتى كمان وحشتينى اوى والله
ربنا ميحرمنيش منك ولا من صحبتنا الجميلة
كلك ذوق يا قمر
الأحلى فى الواجب انك علقتى عليه

نورتينى يا حبيبتى

حاجات جوايا said...

أنفاس الصباح
~~~~~~~~~~~~~
اهلا اهلا يا جميل
والله انا اللى فرحانة بوجودى معاكوا وكأن الحياة اتردت لى تانى
ربنا يفرحك دايما يا قمر
وسبحان الله القلوب مش بتتآلف عبثا
والتقارب الروحى اجمل ما فى الصداقة
ربنا يديمها يارب
بينى وبينك انا كمان متضايقة من نفسى فى حاجات كتير أكيد هى نفس الحاجات اللى مضايقاكى .. بس مش سهل انك تغيريها لانها محتاجة انك تقتلعيها من جذورها قبل ما تحاولى تتغيرى

الحمد لله على كل حال
المهم ربنا يوفقنا ويعينا للخير

نورتينى يا قمر

maha zein said...

اول مرة اجيلك
بس عجبني اجابنك على التاج
والظاهر والطبيعي ان الستات شكلهم كلهم رومانسيين
ربنا يباركلك دائما
وعجبني اوي انك اهديتي التاج لاول حد علق عندك
يعني عجبني انك لسة فاكرة اول حد علق
تحياتي

ساعد نسرين الايمن said...

حاجات جوايا

اولا احييك علي اختيارك للاسم
ثانيا عجبتني جدا اجاباتك علي التاج
وحسيت انك شبهي لما قولتي
انك بتحبي الصف التني
عشان كمان كده
ونسرين برضه كده
وكمان حكاية انك مش بتنسي الاساءة وخاصة لو كانت من المقربين
عشان انا برضه كده
ونسرين كمان كانت كده
كمان عاجبني اوي انك مدونة ومدرسة
فالدكاترة هم اللي كالعادة مسيطرين ع الوضع في عالم المدونات
تحياتي لك
وعلي فكرة انا عرفتك عن طريق مدونة واحدة مفروسة
تقبلي مروري الاول عزيزيتي

بنت الاسلام said...

كلك واجب يا ام دودو

جميل اننا نعرف اسرار نفسنا والاجمل اننا نقدر نعبر عنها

وحمد لله علي السلامة وفداكي الف روتر

تحياتي

همس الاحباب said...

اولا حمد لله على السلامة
وعودا احمد باذن الله
كنا مفتقدينك قوى
اولا صفات لانسانة نبيلة ورائعة ربنا يحفظك دائما
وخليكى دائما متسامحة يا اختى
وربنا يجعله عامر
على فكرة الرايق طلب منى انزل بوست الصداع الشريرفى مدونة فرنسا والرايق وما كنتش عارف انه بتاعك بصراحة
بس الحمد لله انى نزلته من هنا وانتى جيتى من هنا
برافو عليكى بجد
تحياتى

الميكروباص said...

التافهون في نظرك فقراء
لكن من ينظر إليهم على أنهم فقراء؟
التافهون الآن هم من يوجد على السطح
وهو الصف الأول الذي تتحدثين عنه- ولكنهم لا يستطيعوا حماية أحد
...
أما بالنسبة للإساءه وأنك لا تنسيها- فاصعب اساءه هي التي تأتي من المقربين
فإن أتت من الغريب فهو غريب


اجابات منطقيه يا سالي

حاجات جوايا said...

maha zein
~~~~~~~~~
أهلا يا قمر
ربنا يكرمك ويخليكى
كلك ذوق يا قمر
لا الحقيقة مش كل الستات رومانسيات
ده انا بشوف ستات يا ساتر يارب ربنا يحفظنا
فيه حاجات كده متتنساش
هههههههههههه

نورتينى يا حبيبتى

حاجات جوايا said...

ساعد نسرين الايمن
~~~~~~~~~~~~~~
اهلا بك اخى الفاضل
ربنا يكرمك يا فندم ويرجعلك نسرين بالسلامة قريبا ان شاء الله
اشكرك على كلماتك الرقيقة
نورتنى اخى الفاضل

حاجات جوايا said...

ينت الاسلام
~~~~~~~~~~
بطووط حبيبى
ازيك يا قمر وحشتيييييييييينى
شفتى الراوتر وعمايله
يلا الحمد لله
لكل اجل كتاب
الله يرحمه
اخبارك انتى ايه ؟
يارب تكونى بخير يا حبيبى
نورتينى يا قمر والواجب نور بيكى

حاجات جوايا said...

همس الأحباب
~~~~~~~~~
أهلا اهلا يا ابو همس
الله يسلمك ويبارك فيك
اخجلتم تواضعنا يا فندم لا رائعة ولا حاجة انا على ادى خالص
والله انا متسامحة جدااااااااا وبعذر الناس وكله بس المشكلة اللى خنقانى بجد انى كل ما افتكر اتضايق اوى وازعل لانى مش بكون متوقعة حاجة تضايقنى من الناس اللى بحبهم
ربنا يشفينى هههههههه

موضوع الصداع الشرير بجد كان مفاجأة جميلة جدااااااااا .. وفى وقتها تمام سبحان الله .. بس فين فرنسا والرايق مش موجودين ليه ؟؟

كلك ذوق يا ابو همس ربنا يكرمك
نورتنـــــى

حاجات جوايا said...

لورنس العرب
~~~~~~~~~~~
أهلا بك أخى الفاضل
الفقر ليس فقط فقر المال .. فقر المبادئ والقيم والاخلاق والعقل هو أشد انواع الفقر

وكم من المشاهير والأثرياء ينظر اليهم المجتمع نظرة دونية كالراقصات مثلا

وكم من الشباب الرائع الذى يوزن عقله بميزان الذهب ورغم ذلك لا يملكون الا ما يكفى احتياجاتهم وربما حتى لا يكفيها مع أنهم أثقل وزنا فى ميزان الحياة


انها المعادلة الصعبة
ولكل منا معاييره الخاصة فى الحكم على من حولنا

نورتنى أخى الفاضل

دكتور بهــدوء said...

لا انسي الاساءه ابدااااا

زيي بالظبط
تحياتي لهدوء شخصيتك وجمال نفسك

Anonymous said...

السلام عليكم
أصدقائنا وأعزائنا المدونون وجميع أعضاء وزوار مدونة الضاحكون
يارب تكوني بخير ياسالي
الآن

مجلة علّي صوتك
مجلة المدونين
منهم وإليهم
لينكها http://3allisotak.net/

حنين.. said...

سالى..... بجد والله وحشتنيى ووحشتنيى مدونتك, المهم.
اجاباتك على التاج..... مش اى اجابات , انبسطت اوى منك,
كمان طلعتى زى( مش بنسى الاساءة ابدا,وحتى لو سمحت الانسان نفسه, وكمان حساسه,
متعرفيش علاجهم ايه.
تحياااااااااتى ليكى يا جميله
دمتى سالمه
وهررررررروح فوريرا عشان اشوف البوست بتاعك.
حنين

bastokka طهقانة said...

شطورة عشرة على عشرة

تحياتي

فاتيما said...

إيه دا يا سالى ؟؟
بتحبى الصف التانى
زيى تصورى ؟؟
و مبتنسيش الأساءة و حساسة قوى و يووووه
زيى تصورى برضو
لأ كدا صعب قوى
يؤسفنى أقولك إنك بتتعبى قوى فى حياتك يا بنتى
كل تاج و إنتى طيبة
أنا قريت بوست الدماغ دى
الله ينور
طب يا ريييييت كان فيه كدا
مكنتيش تلاقى حد لابس راسه أبداً
تحياتى يا حبيبتى
و سامحينى على تقصيرى معاكى
أنا ساعات كدا ببقى ندلة معرفشى ليه

Empress appy said...

وحشتينى
يا عم الجمال والشباب وكل حاجه
وبعدين ايه الشخصيات الهاديه الحلوة دى ربنا يكرمك يا رب يا قمر

رئـــــيسـة حزب الأحلام said...

ماشاء الله حليتى الواجب بمنتهى الجمال
شطورة
وصفات جميلة
وألف تحيه لكى

رفقة عمر said...

سالى شكرا قوى على سؤالك عنى جزاك الله خيرا
وشكرا على الواجب الجميل دة
هو اتبعتلى من اكتر من حد
بس علشان خاطرك هاجاوبه ان شاء الله

موناليزا said...

وحشتينى ياسالى
وتعرفى فينا حاجات كتيرة من بعض وعشان كده مش هقدر احدد اذا كان ده حلو ولا ولا

نور الدين (محمد الجيزاوى) said...

كلماتك تدل على شخصية قوية
ومفكرة
ورائعة
وكمان دمها خفيف جدا
ارجو ان تكونى بالف خير
..............
تحياتى
.................
نور الدين محمود

حاجات جوايا said...

دكتور بهدوء
~~~~~~~~~~~
ربنا يكرمك يا فندم
ويرزقك الهدوء النفسى

نورتنى اخى الفاضل

حاجات جوايا said...

مجلة على صوتك
~~~~~~~~~~~~~
أهلا يا فندم
ربنا يكرمكوا ويوفقكوا
جهد متميز
الى الامام دائما

الحمد لله انا بخير دلوقت ههههههه

نورتونى

حاجات جوايا said...

حنين
~~~~~
أهلا يا قمر اخبارك
انتى كمان وحشتينى والله
يارب تكونى بخير
أعتقد كده والله اعلم ان الحل اننا نبدأ بنفسنا ونعمل دعوة لعدم الاساءة للغير والدعوة تنتشر ومحدش يأذى حد وبالشكل ده .... مش هتكون عندنا خاصية التسامح او عدم نسيان الاساءة ونرتاح بقى


تفتكرى ممكن
اعتقد انه ممكن .. بل واكيد فى الجنة بس
ربنا يجمعنا فيها بصحبة الحبيب المصطفى عليه الصلاة والسلام

نورتينى يا حبيبتى

حاجات جوايا said...

طهقانة bastoka
~~~~~~~~~~~~~~~
شكرا يا ميس
منورة يا قمر

حاجات جوايا said...

فاتيما
~~~~~~~~~
أهلا يا قمر
ههههههه
طلعتى زييى .. ربنا يكون فى عونك ههههههههه
ميرسى يا قمر على رايك فى موضوع الصداع الشرير
وياريت فيه كده فعلا مكنش حد غلب هههههه
انتى تنورينى دايما يا قمر هستناكى علطول

حاجات جوايا said...

appy
~~~~~~~
اهلا يا قمر
ربنا يكرمك يارب
من ناحية هادية فالهدوء بيقتلنى اوقات كتير وبثور عليه وبتنرفز
الدنيا دى يا اختى تنطق الحجر ههههههههه
منورانى يا قمر

حاجات جوايا said...

رئيسة حزب الاحلام
~~~~~~~~~~~~~~~
أهلا يا سلوى منورانى
اخبارك ايه يا قمر
حلو الواجب ؟؟
انا عاملة حسابى فيه على جيد
وكلك نظر بقى
هههههههههههههه

الفين سلام وتحية يا قمر

حاجات جوايا said...

رفقة عمر
~~~~~~~~~~
أهلا يا قمر ياللى قلقانى عليكى كده دايما
مودك مش عاجبنى وبجد قلقانة عليكى
ربنا يفرحك وينور قلبك ويملا حياتك بالهنا وراحة البال

اللهم آمين
ربنا يكرمك يا قمر ويباركلى فيكى يارب

حاجات جوايا said...

موناليزا
~~~~~~~~~~~
أهلا يا قمرررر
أخبارك ايه يا حبيبى
انتى كمان وحشانى يا سكر
بجد انا اكتر حاجة ربطانى بعالم التدوين هى صحبتكم
ربنا يجمعنا دايما فى الخير
ويصلح حالنا وحال المسلمين

حاجات جوايا said...

نور الدين
~~~~~~~~~
أهلا يا فندم ربنا يكرمك
ايه الكلام الجامد ده
أشكرك
نورتنى أخى الفاضل

oRiGiNaL HeArT said...

بحب اوى ان اول زيارة ليا تكون فى تاج عشان اتعرف على شخصية المدون
شخصيتك جميلة اوى وفيكى صفات كتير كويسة
بس خلى قلبك ابيض شوية وانسى الاساءة عشان كل لما تفتكريها هتتعبى :)
تقبلى مرورى :)

المنسى said...

ياااااااااااه
عاش من شافك قصدى من قرالك قصدى من دخل مدونتك
مالعينا من ه لله الروتر بقى
المهم حمدالله لعى السلامة
وبلاش الغيبة الطويلة دى تانى
متخليناش نقلق عليكى
وبجد إجاباتك تنم عن إنك شخصية غاية فى الروعة
ربنا يوفقك فى حل واجباتك
وياريت متغبيش علينا تانى
تحياتى ليكى

حاجات جوايا said...

المدونة فيها حاجة مش طبيعية
التعليقات مش ظاهرة

ريمان said...

سالى

ازيك يا قمر

وحشانى اوى اوى

اخبار دودو ايه

وايه يا عم الواجبات الحلوه دى

الحمد له انى مش لقيت اسمى من اللى انتى فرضتى عليهم حل الواجب

ههههههههههههههههههه

ما انتى عارفانى خايبه

Zanooba (Zeinab sab9n) said...

أولاً انا مبسوطة أوي إني لاقيت مدونتك و سعيدة أوي بالمرور عليها و مبروك على التاج حياكي الله

Anonymous said...

انتي وحشتيني اوي جدا خالص

كده يا سولي الغيبة الطويلة دي؟؟؟

تصدقي انا كمان مش بنسى الاساءة خالص مالص؟؟ تفتكري ده نوع من القلب الاسود؟؟
:)

بلاش الغيبة دي انا بوقلك اهوه
خليني ادعيلك دعوتين حلوين في الايام المفترجة دي قبل رمضان

ربنا يجمعنا عن قريب ان شاء الله
مش عارفة ازاي بس هو كده وخلاص
:)

مها ميهوووو

Anonymous said...

ايه ده هو انا لما بعلق مش بلاقي تعليقي ليه

سوسو،، انتي وحشتيني اوي جدا خالص وما تغيبيش علينا كده

مها ميهوووو

Anonymous said...

السلام عليكم..ازيك يا سالى مدونتك لذيذه وانا رديت على التعليق الجميل اليى سيبتيه فى مدونتى وضحتلك امر كان مش واضح بالنسبه ليكى اما انا هنا عشان ااقولك مدونتك جميله قوى ..وادعيلك بنيه خالصه ربنا يباركلك فى زوجك وابنك وميحرمكيش من اسرتك الصغيره الجميله دى ويباركلك فيها اللهم امين واللهم اسعد كل مسلم ومسلمه ..وان شاء الله هزور مدونتك دايما ويسعدنى انك تشرفينى علطول ..فى رعاية الله وامنه..

Anonymous said...

السلام عليكم انا كتبت تعليق طويل وبعته بس اتبعت ومش لاقياه فاعلى العموم..شرفتينى النهارده يا سالى ووضحتلك حاجه فى ردى على تعليقك الجميل وربنا يباركلك فى جوزك وابنك ويجعلكوا اسره سعيده فى الدنيا والاخره ..فى رعاية الله وامنه.

rovy said...

السلام عليكم
ازيك يا سالى .. يا رب تكونى بخيرو تكون المشكله بتاعة مدونتك اتصلحت

يا ريت تعملى بوست جديد يمكن المشكله تتصلح فى البوست الجديد خالص

يا رب تكونى بخير دايماو كل عام وانتى بخير ..

تحياتى

rovy said...

واضح ان لسه فيه مشكله لان تعليقى ما ظهرش

ان شاء الله تتغلبى عليها

rovy said...

!!!!!!!!!!!!!

rovy said...

!!!!!!!!!!!!!!!!!

معلش بأحاول اوصل للتعليق اللى مش عاوز يظهر

rovy said...

زى ما قلتلك لازم تعملى بوست جديد تجربى فيه التعليقات لان واضح ان فيه حاجه معلقة فى البوست ده

rovy said...

ايه الحكايه انتى مجربه الاعداد لغاية الرقم 100 !!!!!!!!!!!!!!!

الله يعينك

حاجات جوايا said...

original heart
~~~~~~~~~~~~~~
أهلا يا قمر
ربنا يخليكى يا حبيبتى
هههههههههههههههه
والله نفسى بس يظهر انه بقى كارو او مقلم

نورتينى يا سكر

حاجات جوايا said...

المنسى
~~~~~~~~
أهلا بك أخى الفاضل
ربنا يكرمك يارب
أشكرك جدا على سؤالك عنى فى غيابى
بس بالنسبة لشخصيتى
لا غاية فى الوعة ولا حاجة أنا على أدى خاااااااااااااالص

نورتنى اخى الفاضل

حاجات جوايا said...

ريمان
~~~~~~~~
أهلا يا قمر
إزيك يا جميلة أخبارك ايه ؟؟
دودو الحمد لله بخير
ده بعض ما عندكوا .. بس انا ممررتوش ليكى عشان جالك قبل كده مش عشان خايبة ولا حاجة بعد الشر هههههههههه

نورتينى يا سكر

حاجات جوايا said...

zanooba
~~~~~~~~
أهلا يا قمر
ربنا يكرمك يارب
أنا اللى مبسوطة انى اتعرفت بيكى وانك شرفتينى بالزيارة الجميلة دى

منتظراكى دايما يا قمر
نورتينى

حاجات جوايا said...

أحسن تستاهل
~~~~~~~~~~~~
مها ميهووووووو
أهلا يا قمر
انتى اللى وحشتينى خالص مالص
اخبارك ايه يا جميل
لالالالالالالا خلاص مش هبعد والله ان شاء الله
ادعيلى بس دعوتين حلوين أصلى محتاجاهم أوى والله
ويارب يارب نقدر نتقابل
لو عرفتى تيجى راس البر ابقى عرفينى

نورتينى يا مهاميهوووو

حاجات جوايا said...

أحسن تستاهل
~~~~~~~~~~~
معلش يا قمر
عندى بس مشكلة فى التعليقات
وتعليقك مش بيظهر الا بإضافة تعليقات أخرى

بس انتى منورااااااااااانى

حاجات جوايا said...

عايزة اتطلق و
~~~~~~~~~~~~
وعليكم السلام ورحمة الله وبركاته
اهلا بك اختى الحبيبة
ربنا يكرمك ويخليكى كلك ذوق
شفت التوضيح الحقيقة وبدعيلك ربنا يسعدك ويهنيكى فى حياتك المقبلة ان شاء الله ويقر عينك بابنك ويجعله خير سند لكى فى الحياة اللهم آمين

أشكرك جدا على دعائك الجميل ربنا يتقبله منك ويجعله فى ميزان حسناتك ان شاء الله

نورتينى اختى الحبيبة
واعدك بدوام التواصل ان شاء الله

حاجات جوايا said...

عايزة اتطلق و
~~~~~~~~~~~~~
تعليقك وصل يا قمر
ورديت عليه فوق اهه
نورتينى اختى الكريمة

حاجات جوايا said...

rovy
~~~~~
وعليكم السلام ورحمة الله وبركاته
اهلا يا قمر
انا الحمد لله بخير ازيك انتى يا جميلة
المشكلة لا تزال قائمة للاسف وبحاول القضاء عليها باضافة عدد من التعليقات الجديدة لاظهار القديم
ده الحل الوحيد
والحمد لله الذى الهمنى هذه الفكرة

ان شاء الله هنزل موضوع جديد النهارده وربنا يستر
كل عام وانتى بكل خير وصحة وسعادة

نورتينى حبيبتى

حاجات جوايا said...

rovy
~~~~~
فعلا المشكلة لسه موجودة بس الحمد لله شفت تعليقك ورديت عليه يا سكر

نورتينى يا قمرنا

حاجات جوايا said...

rovy
~~~~~~~
ولا يهمك خدى راحتك

حاجات جوايا said...

rovy
~~~~~~
يا بنتى خدى راحتك انا اصلا اتخنقت من البوست ده وبعمل كده برضه

حاجات جوايا said...

rovy
~~~~~~~
ان شاء الله هعمل بوست جديد
معلش تعبتك

حاجات جوايا said...

rovy
~~~~~~~
ههههههههههههههه
لا لغاية 15 بس
هانت هانت
ههههههههههههههه
يارب يتقبل منك يارب
نورتينى يا حبيبتى والله
ومحرجة منك عشان تعبتك معايا كده
ربنا يباركلى فيكى يارب
وهعمل بوست جديد ان شاء الله

سلام عليكم

snohe said...

كل عام وانت بخير بمناسبة شهر رمضان المبارك



شكرا





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger