Rss
twitter

كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

Wednesday, January 16, 2008

مفيش اتنين طيبين يصالحونا على بعض ؟؟؟






أنا بجد زعلانة منها أوى


ومتضايقة أوى أوى


ومش عارفة أعمل إيه ؟؟


عارفين مين هى ؟؟



مصــــــــــر



ليه بتعملى فينا كده


يا مصر ده انتى أمنا


ده انتى لو كنتى مراة أبونا كنتى بقيتى أحن من كده


كل حاجة فى حياتنا صعبة


تعبنا فى الدراسة لغاية ما خدنا مؤهلاتنا .. تعبنا أوووووووووى


استحملنا المناهج المعقدة .. والأسئلة الغامضة .. والكم الكبير والحشو اللى ملوش لازمة


واللى مستفدناش منه حاجة أصلا !!!


وقلنا ميهمش فى الجامعة هنرتاح .. لقيناها ملهاش مقياس


مش بتنجح فيها لأنك شاطر .. ولا حتى بتسقط لأنك فاشل


بتنجح أو بتسقط لأن الدكتور عايز كده


لأنك مشتريتش الكتاب .. أو محليتش الشيت


أو لأن الدكتور بيستخف دمك أو عارف باباك وعمك


وفى آخر المشوار .. بعد البهدلة والسهر والعياط ليل نهار .. والمراجع والقواميس ..



وكل المصاريف



وعنينا اللى اتمققت فى الأبحاث والدبلومات .. وبعد كل الكورسات .. فى الكمبيوتر واللغات .. قعدنا فى البيت



الرجالة زى الستات .. مستنين الفرج .. بالشغل أو بالجواز


طب ايه فايدة اللى اتعلمناه ؟


ايه خلاصة 18 سنة تعليم ؟


اننا نقعد عالنت .. نشارك فى المنتديات ونعمل مدونات ؟؟


وإيه فايدة المدونات ؟؟


مجرد فضفضة .. بدل ما نطق ولا نموت من الغيظ


بس


ملهاش فايدة تانية


حتى لو بنعلم بعض فيها


ايه فايدة التعليم


يعنى كان تعليمنا اللى اتعلمناه نفعنا فى حاجة ؟!


ايه فايدة التعليم فى بلد ماشية بس بالوساطة مش بالكفاءة


فى بلد اللى شغال فيها ياخد على دماغه وتطلع عينه ويستغله زمايله ويرموا الشغل عليه


وبعد كل ده .. يطلع له حافز أو مكافأة أقل من زميله اللى ما بيشتغلش أصلا


ورايح جاى يوزع هدايا ويمسح جوخ للمدير


بجد حاجة تخنق وتجيب اكتئاب مزمن


أنا تعبت .. وقرفت


وحاسة بالفشل والعجز


حاسة انى مشلولة .. ومتكتفة


وبصرخ وصوتى مش طالع


الله يكون فى عون الرجالة بجد .. لما الستات يبقوا مخنوقين كده


الرجالة يعملوا ايه ؟؟


ربنا يتولانا برحمته


آآآآآآآآآآآآآمين




احتراماتى


sally








8 comments:

مواطن مصرى نايم said...

لا مش مصر هى السبب
السبب هو الفساد
و السرقة والنهب
و كفاية كده عشان انا ممكن اكون متراقب
ههههههههه
تحياتى ليكى وشكرا على زيارتك لمدونتى

حاجات جوايا said...

أهلا بك أخى الفاضل
" مواطن مصرى نايم "

عندك حق فعلا
ولنكن أكثر دقة نقدر نقول ان نفوس البشر هى السبب
هى اللى ضيعتنا
ودمرتنا

ربنا يهدينا جميعا
ويحفظلنا مصر من كل شر
آمين

ميرسى على الزيارة الجميلة والأولى لمدونتى الجديدة

دمت بخير أخى
:: سالى::

Anonymous said...

تصدقي يا سالي
أنا أكتشفت حاجه
الشعب المصري ده غريب أوي
أكتر شعب بيحب بلده
و في نفس الوقت هاريها بهدله أو بمعنى تاني مش عجباه خالص

إنت قلتي كل حاجه بصراحه

و أنا دلوقتي في مرحلة الكليه يعني لسه في الأول
و أدينا عارفين كل اللي بيحصل بس ماشين في طريقنا
وعلى قد ما بنقدر

تحياتي

حاجات جوايا said...

shawky!!

أهلا بك أخى الفاضل
عندك حق والله
قاسية علينا أوى
وتعبانا معاها
ومزعلانا منها
بس برضه بنحبها
وبنموت فى ترابها
وميملاش عينا ولا قلبنا بلد غيرها
كل اللى نقدر نعمله
اننا ندعيلها
ربنا يصلح حالها و حالنا
ويحفظها ويحميها
ويهديهالنا

خالص التحية يا شوقى
وربنا معاك
مستنينك تخلص كليتك
وتيجى تقعد جنبنا
هههههههههههه

سالى

Anonymous said...

رغم اني يا سوسو مش من مصر

بس والله بحبها


وجعها وجعي ....... والي بئلمها بالمني


بحبك يا مصر وبحب شعبك

وبتمنى تتغير الاحوال للافضل


وبحبك يا سالي


جوجو

حاجات جوايا said...

junifa

ربنا يكرمك يا جوجو يارب
والله مصر كلها بتحبك وبتحب شعبك
وبندعيلكوا ربنا يفك كربكم
ويحرر أراضيكم من الاحتلال الغاشم لعنة الله عليهم
اللهم آمين

ارق تحياتى يا جوجو

سالى

Anonymous said...

dont angery..
viva egypt..

regardes..

حاجات جوايا said...

أ/ خيرى نور

صدقت سيدى
تحيا مصر
بأهلها وشعبها
تحيا مصر
حرة مستقلة
تحيا مصر
ويحيا ترابها

تحياتى

سالى





اللهم اجعل مدونتى حجة لى ولا تجعلها حجة على يوم القيامة

اللهم لا تجعلنى ممن ضل سعيهم فى الحياة الدنيا وهم يحسبون انهم يحسنون صنعا

اللهم انى اعوذ بك من ان أكون جسرا يعبرون به إلى الجنة ويلقى به فى النار

اللهم ارزقنى الإخلاص فى القول والعمل

استغفر الله الذى لا إله إلا هو الحى القيوم واتوب إليه عدد ما كان وعدد ما يكون .. عدد الحركات وعدد السكون


Free CursorsMyspace LayoutsMyspace Comments
كافة المواد المنشورة فى هذا الموقع محفوظة ومحمية بموجب قوانين حقوق النشر والملكية الفكرية ولا يجوز نسخ هذه المواد او إعادة إنتاجها او نشرها أو تعديلها أو اقتباسها لخلق عمل جديد أو ارسالها أو ترجمتها أو إذاعتها أو اتاحتها للجمهور بأى شكل بدون الحصول على إذن كتابى مسبقcopyright © sally fawzee 2007-2010.
 
Powered :blogger