ليه رافضين
الاعلان الدستورى الجديد
----------------------
-
لأنه اعلان ظاهره الرحمة وباطنه
العذاب .. بمعنى ان ظاهره ؛ اعادة محاكمة متهمي قضايا قتل الثوار رغم انهم اصلا
طلعوا براءة لعدم وجود ادلة وده اللى اكده النهارده النائب العام الجديد انه لن يعيد
المحاكمات بدون ادلة جديدة ..!! يعنى المادة دى ببساطة للضحك على الشعب واستمالته
لقبول باقى مواد الاعلان الباطل !!
-
اما باطنه فهو تحصين جميع قرارات
الرئيس ضد الطعن وده يجعل من الرئيس ديكتاتور بكل معنى للكلمة غير خاضع لسؤال او محاسبة اى جهة ويعطيه حقوق مش من حقه وتجعله
يتدخل ويتطاول على أى جهة فى الدولة بمنتهى البساطة وفى اى وقت .
-
تحصين مجلس الشورى والجمعية
التأسيسة من احكام السلطة القضائية
طيب ايه مشكلتنا فى كده ؟؟ ..
أقولك
أولا : مجلس الشورى
لم يشارك فى انتخابه الا قلة
قليلة جداا من الشعب اذا هو غير ممثل للشعب .. بالاضافة الى انه بلا صلاحيات ..
وبلا دور .. طيب ايه الداعى له ؟ هو مجرد مؤامرة لابقاء السلطة فى يد جماعة
الاخوان المسلمين .
ثانيا : الجمعية التأسيسية
للدستور
معظم من شارك فى الجمعية
التاسيسية لوضع الدستور انسحب منها احتجاجا على انها غير ممثلة لكافة طوائف الشعب
والاصل فيها ان تكون ممثلة لـ 100% من الشعب المصرى .. يعنى تمثل كل رجل وامرأة
وطفل وكل شاب وفتاة وكل العاملين فى كل اجهزة الدولة العامة والخاصة وابناء الوطن
المقيمين به او المهاجرين او العاملين بالخارج والمسلمين والمسيحين وكل اصحاب
الديانات الاخرى وكل من يحمل الجنسية المصرية ... ،لكن جماعة الاخوان المسلمين
تريد الانفراد بها و السيطرة عليها واقصاء الاخرين للتحكم فى دستور مصر .
للأسف الشديد ..الرئيس مرسى يولى نفسه الحاكم بامر الله عن طريق وضع جميع السلطات التشريعية والتنفيذية والقضائية فى يده فلا يجوز الطعن على اى قرارات اتخذها الرئيس بأثر رجعى او اى قرارات تالية مما يؤدى الى الاخلال بالسلطه القضائية وضياع هيبتها ونصبح دولة لا تحترم القانون ( دولة فوضوية ) ويؤثر ذلك طبعا بالسلب على الاقتصاد المصرى وهروب الاستثمارات من الدولة فالمستثمرين لا يعملون الا فى دول مستقرة تحترم قانونها وينعكس ذلك بزيادة البطالة والبلطجة وزيادة نسبة الجريمة .
أخيرا اسمحولى اسألكم سؤالين :
-
ليه الاخوان نزلوا الميادين
لتأييد قرارات الرئيس قبل اذاعة الاعلان الدستورى ؟!!!
-
ليه الرئيس القى خطبته من
الاتحادية لمؤيديه وانصاره ولم يلقيها من
ميدان التحرير - كما كان يفعل – لمعارضيه ومؤيديه على السواء .. مش كان اولى انه
يلقيها فى الميدان ليعرف وجهة نظر معارضيه فى الاعتراض ويناقشهم فيه .. ولا عشانك
مصرى ورئيسك مرسى يبقى ملكش حق تتكلم ولا تناقش !!!!
سيدى الرئيس
جماعة الاخوان المسلمين .. حزب
الحرية والعدالة
عفوا لقد تساقطت الاقنعة !!!