نظم شباب حملة د محمد البرادعى الرئاسية بدمياط ( السبت 21 مايو 2011 ) أولى جولاتهم الدعائية بعرض داتا شو للتعريف بدكتور محمد البرادعى - المرشح المحتمل لرئاسة الجمهورية - قاموا فيه بعرض فيديوهات ومقالات وصور عنه وتوزيع منشورات تتضمن كل ما أُثير عنه من شائعات والرد عليها .. لوحظ ان اهم ما كان يشغل الشارع الدمياطى كانت قضية العراق وموقف د البرادعى منها .. وقضية جنسيته وجنسية زوجته ووالدته وزوج ابنته - وقضية ولائه لامريكا واسرائيل ..فقد كان البعض منهم لا يزال تحت تأثير التشويه العمدى الذى صنعه اعلام النظام السابق
شمل العرض فيديو تقرير د محمد البرادعى عن عدم وجود أيه اسلحة نووية بالعراق ..وفيدوهات تحتوى على قصاصات من جرائد ومقالات سابقة وأقوال كتاب صحفيين عنه أثناء حرب العراق وبعد حصوله على جائزة نوبل وإشادة الجميع به ..وموقفهم المتحول منه بعد ذلك عندما عاد لمصر حاملا شعار التغيير والتف حولة مئات الآلاف من المصريين والسياسيين والناشطين والاعلاميين والمثقفين فى مواجهة مبارك ونظامه السابق
قوبلت الحملة بشيء من التحفظ فى البداية ومحاولة لفهم من هو محمد البرادعى ..كما قام البعض بالتعبير عن معتقداتهم الشخصية وانطباعاتهم التى كونوها من خلال متابعتهم للصحف القومية ! .. وامتد النقاش ليشمل كل الجوانب وعلى كل المستويات يمنة ويسرة ..وكان الجميل والرائع أن معظم الدمايطة الذين قابلناهم اختاروا فى النهاية اعمال العقل والاحتكام إلى الأدلة التى تم عرضها عليهم واقتنعوا تماما بشخصية د محمد البرادعى كمرشح لرئاسة الجمهورية ..فكان ما صنعه النظام عبارة عن بالون صابون كبر وارتفع وطار فى الهواء ثم ذاب وتلاشى ^_^
نُظمت الحملة تحت شعار " حقك متنتخبوش .. بس متظلموش" فهدفنا كان إزالة الشبهات التى طالت د محمد البرادعى وتبرأته مما أشيع عنه من أكاذيب مختلقة ومعلومات مغلوطة كانت تهدف إلى تشويه صورته ليكرهه المصريين ويبتعدوا عنه أملا فى التخلص منه وبالتالى التخلص من حملة التغيير التى قادها والتى تُوِجت فى النهاية بثورة مصر السلمية
كانت معكم مراسلتكم من شباب الحملة ^_^
18 comments:
:)
أنا أمنيتي إنه يمسك
ويفضل شرف رئيس وزراء
ويكون لهم مستشار محمد سليم العوا وهيكل
وإن حكومات مصر تبقي علي طول حكومة تكنوقراطية قادر يا كريم
ومن هنا نحب نهني شباب الحملة وخاصة مراسلتهم الطيبة :)‘‘‘‘ دي دموع الفرح
بيكم يا شباب مصر
ربنا يسمع منك يا ريس
المهم انه يمسك والباقى مقدور عليه ^_^
كان يوم جميل بجد
نظموا عندكوا حملة وربنا معاكوا
الناس كانت افكارها مشوهة جدا بس لما اتكلمنا معاهم وشافوا الادلة صوت وصورة اقتنعوا وكان السؤال المتردد : يعنى انتوا شايفين انه كويس؟
^_^
يارب بس تعبنا ميروحش عالفاضى
دعواتك
" حقك متنتخبوش .. بس متظلموش"
و انا هسمع كلامكوا
^_^
طالما بقى بتسمع الكلام يبقى حقك تنتخبه ومتظلمناش هههههههه
طب ممكن تبقي تبعتي الحاجات اللي انتوا فرجتوها للناس
والرد علي الأسئلة لأني والله بفكر أنظم حاجة زي دي هنا
أوك يا ريس
هبعتهالك عالفيس
وقريب هعمل بوست هنا ان شاء الله
:D
وانا مش هظلمه ولا عمرى ظلمته وعلى الرغم انه جيد
ولكنى لن أنتخبه :D
وصراحة لايصلح اى رئيس الأن من الموجودين حاليا
:D
بصراحه أنا يعجبني د. أيمن نور
ولله مش بحب اوجه له نقد على الروابط التي تضعيها على الفيس بوك خوفا من تطور النقاش- لكن ده البرادعي لن يكون عائقا إلى ان اسأل عليكي وأقول اين انتي؟؟؟؟؟
ولماذا قللتي من انتاج المدونه
وهل الفيس يعوض عن المدونه- انا لا اعتقد
د. ابراهيم
............
وجهة نظر حضرتك تُحترم
وان شاء الله الايام الجاية تثبت لك ان البرادعى الاقدر والاصلح لرئاسة مصر
اتمنى :)
تحياتى
كريمة سندى
............
تصدقى انك اول واحدة من الناس تقول كده ههههههه
انا كنت متحمسة لايمن نور 2005
كبديل لمبارك على اعتبار انه كان افضلهم
بس من 2005 لـ 2011 عرفناه اكتر
هو ينفع يبقى رئيس مجلس ئعب مثلا
لكن دولة كبيرة زى مصر صعب
غير كده حاليا المرشحين كتير ولو سألتى اى حد عن ترتيب ايمن نور بينهم معتقدش انه هيقولك رقم متقدم
ربنا يولى علينا من يصلح ويكتب الخير لمصر
نورتينى يا قمر
لورنس العرب
.............
ههههههه
ربنا يخليك متحرمش من سؤالك
وبعدين يعنى هى جت عليك ما انت شايف التعليقات عالفيس ساحات قتال ازاى .. ابقى انقد ولا يهمك المهم تنورنى :)
انا مشكلتى فى الحياة انى مش بعرف اركز اهتمامى مع حاجتين مش من نفس النوع وعالفيس مرتبطة بكذا جروب بس اعتقد انى راجعة
ان شاء الله هرجع قريب
والف شكر لسؤالك مرة تانية متحرمش :)
نورتنى يا فندم
^_^
الاكونت اللى رديت عليكوا بيه مش بتاعى
سورى
ده اكونت الحملة ومخدتش بالى انى مغيرتش اليوز نيم
يلا مش مشكلة المهم انه انا فى الحالتين
نورونا هناك بقى هستناكوا :)
انتي هجرتي المدونه ولا ايه؟
وانا اقدر
جاية اهو :)
شركة مكافحة النمل الابيض بالرياض
شركة تنظيف فلل بالرياض
شركة تنظيف موكيت بالرياض
فديو
شركة تنظيف سجاد بالرياض
تقدم شركتنا افضل الخدمات المنزلية علي الاطلاق حيث انها تقدم خدمات التنظيف المتكاملة مثل تنظيف المنازل والبيوت والفلل والقصور وتنظيف الموكيت وتنظيف الكنب وتنظيف الستائر وغير من العمل النظافة يمكنك زيارة موقعنا لانها هي الافضل علي الاطلاق حيث انها توفر كل الخدمات التاليه:ارخص شركة تنظيف منازل بالرياض
شركة تنظيف ستائربالرياض
شركة غسيل كنب بالرياض
شركة تنظيف مكيفات بالرياض
شركة نقل اثاث بالرياض
Post a Comment